كلماتك قد تهدم بيت

[امانى يسرى محمد 322]

اتخطبتي

_اه وفسخت

_ااااه اكيد العيب فيكي وفأهلك

 

متخطبتيش قبل كدة

_لا

_ممم يا عيني محدش بيتقدملها

 

اتجوزتي وانتي عندك كام سنه ؟

= ٢٤

-صغيره علي الهم يابنتي ازاي تهدري شبابك كدا

 

اتجوزت ٣٠

=تلاقيكي كنتي هتعنسي ف اخدتي اي حد

 

ملاقتش اللي يصوني لسه وعندي ٣٠ سنه

=بايره وهتعنسي

 

متجوزه وتعيسه وعندي مشاكل

=اتطلقي وسبيه بكره يجي الي يسعدك

 

اتطلقت

=محاولتيش علشان بيتك ليي

 

لسه مخلفناش

=العيب ف مين يابنتي

 

عندك أولاد؟

=اه عندي طفل واحد.

- لا لازم تخاويه.

 

عندي ولدين

=لازم بنت، اللي ماجابتش بنات ماخلفتش

 

عندي بنتين

=طيب ده ينفع يعني؟ ده الولد سند.

 

عندي ٣

=ضيعتي صحتك وعمرك في هم العيال

 

بشتغل الحمدلله

=ابوها حرمها وبتعوض نفسها

 

مش بشتغل

=مش طموحه ومش هيكون ليكي مستقبل

 

فرحي كان بسيط

=انتم اللي محلتكوش اصلا

 

فرحي كان فى اعلي وانضف اوتيل

=تبزير اوفر ومش هتحافظله علي فلوسه

 

بلبس براحتي وحسب ما ارتاح

=شوفي البنت اللي محدش عارف يلمها

 

بلبس علي مزاج الناس

=شوف البنت اللي معندهاش شخصيه

 

رجعت شغلي بعد شهرين من الولادة وجبتله دادة

= أمهات آخر زمن مفيش رحمة

 

رجعت شغلي بعد سنتين من الولادة ونزلته حضانة

=بكرة ولادك يرموكي في دار مسنين ماتقلقيش

 

مارجعتش شغلي خالص بعد الولادة

=ضيعتي مستقبلك. الست مالهاش غير شغلها وقرش للزمن

 

بتضحك فى وش اي حد ودمها خفيف...

=ماهي صحيح مش شايله هم وواخده الدنيا لعب فى لعب

 

جاده ومش بتضحك غير مع اللي تعرفه..

=نكديه وخنيقه وقفليه ومش بحبوحه كداا...

 

الفكره ان الناس دايما بتتكلم مهما عملتي فانت عيشي لنفسك ومتشغليش بالك بالناس ولا بكلامهم طول ما انت واثقه من نفسك وبتعملي الصح قدام ربنا اولا وقدام نفسك ثانيا وقدام اهلك ثالثا يبقي مفيش حاجه تانيه تستاهل تفكري فيها..

 

عيشي لقراراتك ولنفسك وبس

 

 

كلمة لكل متطفل يتدخل فى شئون الغير

كلماتك قد تهدم بيت

 

لا تفتح المجال للقيل والقال ولنجعل السنتنا رطبة بذكر الله وإن رأينا حسنا قلنا ما شاء الله وان رأينا غير ذلك فلا نذم ولا ننقل ما رأينا

 

عن رسول الله -صلى الله عليه وسلم- أنه قال:

((إِنَّ العبد ليتكلّم بالكلمة -مِنْ رضوان الله- لا يُلْقِي لها بالاً، يرفعه الله بها في الجنة, وإن العبد ليتكلم بالكلمة -من سَخَط الله- لا يُلْقِي لها بالاً، يهوي بها في جهنم))

[أمّ عبد الله 2371]

سبحان الله كما فعلت فالناس ستتكلم عنك لا محالة ، لذا على الانسان أن يهتم بشؤونه ولا يلقي بالا لآراء الآخرين عنه ، خاصة فيمن يتدخل فيما لا يعنيه .