(( هي صحيفتك أملأها بما شئت )

[امانى يسرى محمد 322]

- انا قعدت ساعة في النهارده عند الدكتور لمّا زهقت ..
- انا ختمت سورة البقرة كلها النهارده وأنا مستني عند الدكتور علشان أخد بركتها و فرقت أوي ! 

---

- انا فضلت في المواصلات النهارده يجي أكتر من ساعتين اليوم ضاع !
- انا عملت ورد استغفار في المواصلات علشان أخد بركات الاستغفار، و الحمدلله بشوف خير كتير أوي .

---

- جنيه هنا، نص حنيه هنا، فكة كتير، عايزه أجمدها أحسن ولا اعمل ايه !
- عندي حصالة بحط فيها الفكة دي و بطلعها أخر كل شهر لله، و هي من أسرار البركة في حياتي .

---

-عندي رز كتير بايت بقاله كتير أوي في التلاجة محدش هيرضى ياكله، ارميه؟
- أنا بحط الرز البايت ده للحمام و العصافير لعل ربنا يرحمني يوم العرض عليه .

(( هي صحيفتك أملأها بما شئت ))

كده كده المواقف دي عادية، بس انت ممكن تحولها لمواقف تملأ الميزان، كل ما حطيت في بالك إن احنا هنا في ممر، كل ما قدرت تشوف العادي " فرصة 

منقوله