أمثال شعبية مصرية بس ايه معدله :)

[عاشقة للجنة 4]

من طلب العلا يتفضل في كابينه 4

 

 

اللى بيته من إزاز ميغيرش هدومه فى الصالون

 

 

فاقد الشىء يدور عليه

 

 

اقلب القدره على فومها الفول يقع منها

 

 

تأتى الرياح محمله بالأتربة

 

 

ياخبرالنهارده بفلوس بكره ينزل عليه أوكازيون

 

 

اللى معاه قرش محيره يجيب حمام ويحمره

 

 

اللى ياكل لوحده يشبع

 

 

لاتبكى على اللبن فى البسكوت

 

 

اقطع عرق وحته بتلو

 

 

اطبخى ياجاريه الأنبوبه فاضيه يا سيدى

 

 

لو حبيبك عسل ما تحطلوش طحينة

 

 

اللى يتلسع من الشوربه يتصل بالمطافى

 

 

وبكره ترجع ريما من عند خالتها فى مارينا

 

 

يا داخل بين البصله وقشرتها حط قطرة علشان هاتدمع من ريحتها

 

 

اصوم اصوم وافطر على المدفع

 

 

القرش الأبيض بيعوم فى البحر الأحمر

 

 

اللى ميشفش من الغربال يكشف نظر

 

 

المال السايب يعلم الطلبة

 

 

نام وارتاح وكل عسل نحل التمساح

 

 

من خرج من داره مينساش ياخد المفتاح معاه

 

 

الباب اللى يجيجلك منه الريح شيله وركب قبنورى

 

 

المضطر يركب التاكسى

 

 

رب صدفة خير من ألف ليلة و ليلة

 

 

اللى يخاف من العفريت يعمل عبيط

 

 

المركب اللى فيها رايسين يلعبوا طاولة

 

 

اللى خدتوا الأرعه تخدو ام الخلول

 

 

أكل العيش يحب الطعميه

 

 

قالوا للحرامى أحلف قالهم وحياة قلبى وأفراحه

[شهد الحسن 0]

ايوه كده الامثال كده اوقع بكثير ياشيخة!!!

[Omtaym_ALLAH 11]

هههههههههههههههه

مسخرررررررره ! انت بتجيبى الحاجات دى منين !

بس لو سمحتى فيه مثل ماتجيش جمبو !

سيب حبيبى على هواه لحد ما ديله ييجى على قفاه ، محدش يجى جمب المثل ده ان سمحتو حتغيرو فيه اييييييه ؟؟؟؟؟؟؟؟ ده اوقع مثل فى التاريخ !

 

اضحك الله سنك :)

[شهد الحسن 0]

انتى مشكلة يا ام تايم جيبتى المثل التحفة ده منين هههههههههههههه

[راجيه عفو الرحمن 1]

السلام عليكم ورحمه الله وبركاته

ايه ده كله ايه الابداع ده

اهو كده الامثال ولا بلاش

ام تيم الله انت دايما كده

بجد بتتحفيني بردودك

ما شاء الله عليك التلقائيه وسرعه البديهه

وكله كوم و سيب حبيبى على هواه لحد ما ديله ييجى على قفاه

مين بس اللي بيحب واحد بديل ده ههههههههههههه

جزاك الله خيرا عاشقه للجنه

السلام عليكم ورحمه الله وبركاته

[الازهرية 0]

امثالغاية فى الروعة واضحكتنىلما شبعت

ولكن كيف اتيتى بهذه الامثال المصرية وانت من السعودية انت جئت عندنا وللا ايه

وسلمي لى على كل من فى الدمام لان قلبى عندهم :grin:

[عبير الجنة 0]

كوم تاني

إيه ده كله إيه ده كله يا ست

 

عاشقة للجنة

 

إي الأمثال الحلوة دي ده إنت عسل

 

أنا صحيح مغربية بس أعجبكو في اللهجة المصرية و كمان حافظة أمثلة مصرية كثير

 

بس اللي عملتيه في الأمثال ده ر وعة

 

و الله ضحكتيني و عجبتني كثير

 

و كل الأمثال دي كوم

 

و المثل اللي جابتو حبيبتي

 

أم تيم الله

 

كوم ثاني

 

و الله إنت عسل يا أم تيم الله

 

ودايما متتبعة ردودك الجميلة المتميزة

 

أحبكم في الله

[غراس 11]

الغالية عاشقة للجنة انت حطيتي المواضيع وانسحبتي فين

اامثال مضحكة

 

اختي الازهرية الاخت عاشقة للجنة مصرية 100% بس كانت ساكنة في الدمام

 

حبيت اوضح لك

[Omtaym_ALLAH 11]

لم اجىء بجديد يا بنات ههههههه

جزاكم الله خيرا - اجلكم الل- جدتى الحبيبه الله يكرمها يارب - و رغم انها لا تأتى بالامثال عاده فى حديثها انما لما تغضب من احد بعد طول النصح و الارشاد و التوجيه و الله يهديك يا ابنى و صلى يا حبيبى و الله يكرمك بحلو الحديث تقول : على فكره انت حر بقى و اخرتك انت عارفها : و خلى حبيبى على هواه لما ديله يجى على قفاه ههههههههههه

و الله صحيح اللى بدك اعملو اعملو بس تحكل العواقب و عاده

( عندها مليون حق ) ههههه و شوفو بقى الديل على القفا اه منه

هههههههه

بس فهمينى قلبتى الامثله كده ازاى هى حاليا طبعا معناها اعمق ههههههه و صدقت المضطر يركب التاكسى و

اقطع عرق وحته بتلو

 

 

لا حرمنى الله منكن و الله اموت فيهم ياربى !

تم تعديل 4 ديسمبر, 2006 بواسطة Omtaym_ALLAH

[ام عبد الرحمن83 1]

السلام عليكم ورحمة الله بجد اختي عاشقة الجنة امتعتنا جدا وامثال مصرية جميلة جدا واني احبكم في الله

[ام جنا 0]

وفى مثل جميل جداوينفع مع الازواج

 

 

قلت اسيب الهم واروح اتفسح

 

الهم جه ورايا وقال هو انا مكسح

[**نور العيون** 0]

ههههههههههههههههههههه

جزاك الله خيرا حبيبتى

على هذه الامثال الرائعة

[عبير الجنة 0]

الله يخليلك الجدة العسل دي يا حبيبتي

أم تيم الله

و يطول في عمرها يا رب

 

و الله يا

أم جنا

ما قدرتش أمسك نفسي من الضحك

 

‘يه المثل الجميل ده؟

 

قلت اسيب الهم واروح اتفسح

 

الهم جه ورايا وقال هو انا مكسح

 

ههههههههههه و الله مثل جميل جدا

[الازهرية 0]

اختى الحبيبة غراس الجنة

هى الاخت عاشقة الجنة ليست الان فى الدمام

زعلتينىىىىىىىىىىىىىىى قوىىىىىىىىىىىى

كدةمش هاتسلم لى كل من فى الدماموقلبى معاهم

ينفع كدة !!!!!!!!!!!!!!! :angry:

[عاشقة للجنة 4]

اخواتى والله لا تتصورن مدى فرحتى بمروركن والرد الراااااااائع اضحكتينى يا اختى أم تيم دمك زى العسل اهه كده انا بحب كدخ خفة الدم :)) وموتينى من الضحك على الأمثال التى قمتى بوضعها هههههههههه

 

 

 

 

 

ام جناما مقدرتش أمسك نفسي من الضحك ههههههههههههههههه

 

 

اخواتى انا الأن انتقلت لمصر وتركت الدمام يمكن علشان كده رجعت للأمثال المصرية ههههههههههه

 

اسعدنى مروركن وان شاء الله نظل معاً اخوات فى الله وانتظروا الجديد ان شاء الله الخفيف الظل المضحك

 

 

 

 

 

و الله ياأم جناما قدرتش أمسك نفسي من الضحك