و انتى صغيره كان ايه اغرب الحاجات اللى بتعمليها ؟؟؟

[لؤلؤة الزمن 0]

وانتى صغيرة...

 

كان ايه اغـــرب حاجه بتعمليها؟؟

 

:laugh: :laugh:

 

 

يلا نشووووووووووووووف

أبدأ انا؟؟؟

 

أبدا::

 

انا واخواتى البنات كنا 3.. كان عندنا جنينه صغيره كده هيا حياتنا...

 

بلعب فيها وننام فيها وناكل فيها وكل حاجه... وياريتها جنينه عدله..

 

كنا بناخد الطينه ونبله بشويه ميه ونقعد نشكله..

 

يا اما بسكوت

 

او كيك

 

وبعدين نسيبه فى الفرن

 

الشمس يعنى :rolleyes:

 

ونزور بعض واللعبه كان اسمها(ناس وناس) معرفش ليه :rolleyes:

 

**************

وفاكره انى كنت بضرب اى حد قدامى..

 

طنط بتقولى يابنتى انتى بتضربى البنت من هنا وهيا تطلع تخاف منك..مكنتش بسمح لحد يضربى ابدا..... :wub:

 

&&&&&&&&&&&&&

وفى ناس ..كانت بترقص على صوت الغساله..والتانيه على صوت كلاكسات العربيه.. والتالته بتعمل اختراعات ..

 

خلونا نســـــــــــــــــــــمع؟؟؟!!!!

:mrgreen:

[أسماء85 0]

السلام عليكم ورحمة الله وبركاته،،

كنا بنلعب لعبة ناس وناس بس مكنش اسمها كده

وكنت باخذ كل اللي في البيت واحطه في كيسة والف البيت كله

وفي المدرسة كنا نجرى ورا الولاد ونضربهم :wub:

كده :closedeyes: كفاية

[esraa_23 0]

السلام عليكم ورحمة الله وبركاته،،

كلمةولد متشرد توصف اللى كنت بعمله.

مكنش بيهمنى ولد ولا بنت اللى يجى قدامى

ده غير انى كنت غلبويه ومحدش يقدر ياخد حقه معايا

بس اكتر حاجه فكراها ان انا من ساعه اولى حضانه لحد السنه ديه مفيش مره اجوع فى حصه الا واكل فبها وافتكر مره مديره المدرسة دخلت وانا بطلع السندوتشات

اسيبها :mrgreen: :closedeyes:

طبعا لا :oops: كملت اكلى :wub:

وده اللى انا فكراه دلوقتى ولما افتكر حبقى اكتب تانى

[* أم بلال * 2]

أنا لما دخلت الموضوع افتكرت حاجات كثيرة كنت بعملها وانا صغيرة تخجل بصراحة :wacko: :ohmy:

بس بجد كانت طفولتي حلوة وعملت كل حاجة كان نفسي فيها :mellow:

ومن عمايلي وانا صغيرة طبعا

اني كنت بآكل الأعشاب يعني اي نبتة الاقيها آكلها :dry: (ولما كبرت اكتشفت اني نباتية)

انا لعبت في الزبالة من ورى اهلي كثير :angry: هسسسس اوعى ماما تسمعكو

كمان أنا كنت جبانة وبنضرب كثير :tongue:

اما في اللعب دايما خسرانة وماحدش بيرضى اكون في فريقو عشان ماخسرهمش الا لما بكون كمالة عدد بس :ohmy:

مرة مسكت بنات الجيران وعملت حلاقة وقصيت لهم شعرهم انما ايه قصات عالموضة :biggrin: والهي ما يوريكو يوميها كل الجيران جم طوابير عالباب يشتكو مني وعلقة سخنة ;-)

وكنت بحب العب اسكافي والم كل الجزم اللي في البيت واقعد اصلحها (ابوزها طبعا) :huh:

كفاية عليكو النهار ده وحبقى ارجع اكمل عشان انا بلاويا كثير :sad:

سلام عليكم

تم تعديل 8 يناير, 2007 بواسطة * بنت الاسلام *

[شموع السلفية 0]

السلام عليكم ورحمة الله وبركاته

أنا بقى عمرى ما كنت صغيرة باينى أتولدت كدة كبيرة :biggrin:

تصدقوا أنى مش فاكرة حاجة من طفولتى باينى عايزة أروح لدكتور نفسانى ;-)

لا لا أستنوا افتكرت أهو

كنا وأحنا صغيرين أنا وأخواتى أربع بنات وولد ماما تخرج من هنا ونلعب لعبة القطة العامية نبداها بكيلوا بامية والى يطلع عليه الدور نغمى عنيه بمنديل وكان لازم تختم بحاجة نكد يعنى الجيران تشتكى ماما تيجى فجاءة حد مننا يتخبط فى حيطة يعنى حادثة والسلام

كنت وأنا صغيرة ضعيفة جدا وكانت أى أكل يقف فى زورى :angry: وربنا ما يوريكوا

ياه رجعتونى لطفولتى

أنا من بورسعيد وكانت دائما فسحة الصيف أننا نروح البحر وطبعا أنا من أول النهار لأخرة فى المية وعلى ما يخلص الصيف أكون بقيت هبابة سودة ربنا ما يوريكوا

ذكرياتى فى المدرسة مؤلمة مش مضحكة الحمد لله كنت من المتفوقات لكن كان ديما يقع حظى فى المدرس إلى عايز يدى درس خصوصى وطبعا أنا مبخدش دروس فكنت أتحطت فى دماغه والحمد لله كنت بكره حياتى مرة فى الامتحان عبقرينوا أشتغل فى مسألة حساب كانت جمع ثم طرح ثم قسمة ثم ضرب فعملت العملية الحسابية فى دماغى وطلعت الناتج النهائى طبعا أتعملت غلط ولأن الناتج كان صح سألت المدرس ليه الناتج صح قالى وبكل ثقة أنتى غشاها والله الذى لا أله إلا هو ما كنت غشاها ولا بحب أغش ولا أعرف أغش

فى الأعدادية كنت دائما فى أمتحانات الدين 20من20 وفى الشهادة الشهرية الاقى 10 أو 12 ولك شهر بيقل عن إلى قبله طيعا بابا رحمه الله ليه كل شهر بتقلى عن إلى قبله جبت له ورق الأمتحانات وطبعا شاف أنى مفيش شهر قليت عن 20 راح المدرسة وكانت بداية العذاب بالنسبة لى مدرس الدين هو مدرس العربى طبعا شكوى للناظرة من بابا وضعت المدرس فى موقف محرج وطبعا عدل نتيجة الشهادة بعد كدة لكن ما أدراكم بالى حصل لى بعد كدة قومى أعربى قصيدة شعرية يمكن إلى كتبها ميعرفش يعربها :wacko: وطبعا بعدها طرد من الحصة

ودى كانت مأساتى فى المدرسة :ohmy:

[زناب 0]

السلام عليكم ورحمة الله وبركاته..

أنا .. ما أذكر من طفولتي ..إلا..

المقالب اللي كنت أسويها في كل حد..

الله يعينهم .. كنت شيطونة صغيرة..

[عبير الجنة 0]

السلام عليكم ورحمة الله وبركاته،،

 

حبيبتي لؤلؤة الزمن

 

أولا و قبل كل شيء

 

أهلا و سهلا و مليوووووووووووووووووووون مرحبا

 

بك في منتدانا الغالي

 

سعيدة جدا بإنضمامك إلينا

 

و إن شاء الله مفيدة و مستفيدة

 

كما جزاك الله كل خير على الموضوع الجميل و الممتع

 

و الذي ارجعني لأيام طفولتي

 

و أنا من الأطفال التي كانت لهم عادات غريبة

 

منها و التي تحضر في ذهني الأن

 

أنني عندما كنت صغيرة يعني بتاع 3 أو 4 سنين كده

 

كنت بروح بشويش للمطبخ و أفتح الثلاجة

 

عارفين بعمل إيه؟؟؟؟؟؟؟؟؟؟؟؟؟؟؟

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

أقربوا شوية

/

/

/

/

/

/

/

/

/

كمان شوية

/

/

/

/

/

/

/

/

/

/

/

/

/

/

/

/

/

/

/

مش عايزة أتفضح

/

/

/

/

/

/

/

/

/

/

/

/

/

/

/

/

/

طيب خلاص

 

كنت بدخل الثلاجة و أقعد فيها و قفل الباب عليا و انا جوة

 

و هااااااااااااااااتك يا أكل

 

شفتو الطفاااااااااااااااااااااسة

 

يلالالالالا هسسس ما حدش يضحك

 

كفاية فضايح لحد كده

 

في أمان الله

تم تعديل 8 يناير, 2007 بواسطة عبير الجنة

[لؤلؤة الزمن 0]

ههههههههههههههههههه

 

ضحكتوووووونى.. اضحك الله سنكن...

 

منورين الموضوع..عبير الجنه المنتدى منور بأهله..

شكرا لكلماتك الجمليه:)

[خطابية 22]

السلام عليكم ورحمة الله وبركاته

 

حياك الله اختي لؤلؤة الزمن بين اخواتك

 

وبداية طيبة ان شاء الله

 

أما شو كنت أعمل وأنا صغيرة صعب أتذكر بس بتذكر شغلة كنت دائما أقص شعر لعبتي وكل ما أهلي يجيبولي لعبة كنت أقص شعرها لحد ما تصير قرعة ومرة ما لقيت لعبة شعرها طويل كلهم حالقين على الصفر

 

فحملت المقص ورحت قصيت شعر بنت عمي :blush: