أشهر 60 جملة بيقولها الأب والأم

[**نور العيون** 0]

بسم الله الرحمن الرحيم

 

 

وبه نستعين

 

 

 

 

على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...

 

 

 

فأصبحنا بمرور الوقت نحفظها جيداونتوقعها ...

 

 

" واهالينا يقولوها واحنا نكمل لهم "

 

 

هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا

والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون

 

 

 

" شكله ابن ناس ومتربى "

 

 

 

كفاية مقدمات بقى وادخلكم فى الجمل على طووووول

1- مالكش دعوة بالسياسة .. وماتمشيش فى مظاهرات :

وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

 

 

2- مش عاوزه أسمع صوت :

هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

 

 

3- ماتردش عليا :

دى نصيحة لو التزمت بيها ستكسب مديرك فى العمل .

 

 

4- تقعد فى أول صف قدام السبورة :

جملة تعودك على أن تكون فى المقدمة دوما .

 

 

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش

(فاكرين المدرسين زى اللى كانوا على أيامهم زمان )

 

 

6- اللى بيشيل قربة مخرومة بتخر عليه لوحده .

 

 

7- ومالها الكتب بتاعت الوزارة .

 

 

8- بص كويس وإنت بتعدى الشارع .

 

 

9- ماتتأخرش بعد المدرسة وتقعد مع أصحابك :

دى نصيحة ستحقق لك قدرا من السعادة الزوجية (باعتبار إنك من الشغل للبيت )

 

 

10- افرد ظهرك .

 

 

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

 

 

12- ما تمشيش حافى فى السقعة دى .

 

 

13- صليت العصر ..؟! ( إشمعنى العصر ....!!!!!)

 

 

14- ربنا يهديك ... ربــنــا يــهــديــك ... أو ... إنك لا تهدى من أحببت .

 

 

15- إطفى التليفزيون وقوم ذاكر ... أو ... إطفى التليفزيون وقوم خش أوضتك .

 

 

16- إوعى تقول لحد هات لى حاجة .

 

 

17- إقفل صدرك .

 

 

18- بلاش وقفة فى الشبابيك والبلكونات .

 

 

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

 

 

20- المسلسل مش هاينفعك ... قوم .

 

 

21- كفاية رغى فى التليفون .

 

 

22- ماتقعدش قدام المروحة وإنت مستحمى .

 

 

23- وإنت فاكر إحنا مستنيين منك حاجة ؟!

 

 

24- ماتعليش صوتك .

 

 

25- بلاش لعب فى الشارع .

 

 

26- يا ابنى اللى ذاكر ذاكر خلاص .. قوم نام .

 

 

27- بلاش لعب بالمقص .. بيجيب الفقر .

 

 

28- يا ابنى كلم خالتك العيانة .. اسأل عليها .

 

 

29- إوعى حد غريب يديلك حاجة تاكلها او تشربها وتاخدها منه .

 

 

30- النوم لحد الضهر بيجيب الفقر .

 

 

31- إوعى تكدب عليا تانى مرة .

 

 

32- لازم تاكل سلطة .

 

 

33- لو شوفت خناقة مالكش دعوة بيها .

 

 

34- عيب .. لازم تحترم الأكبر منك .

 

 

35- كلمنا لما توصل .

 

 

36- بلاش أكل بره .

 

 

37- لو فلحت ابقى قابلنى .

 

 

38- يا ابنى أنت مسطول ولا إيه .

 

 

39- إنت فاكرنا نايمين على ودانا .

 

 

40- وطى المدعوق ده شوية .

 

 

41- قوم إقرالك كلمتين ينفعوك .

 

 

42- إيه اللامبالاة والاستهتار اللى إنت عايش فيهم دول .

 

 

43- إنت فاكرنا لاقيين الفلوس دى فى الشارع .

 

 

44- والله ما إنت فالح .. وآدى دقنى اهيه .

 

 

45- ما تتكلمش بصوت عالى فى الحمام .

 

 

46- ماتنامش غير لما تغسل سنانك .

 

 

47- ماتلزقش فى التليفزيون كده .... نظرك هايضيع .

 

 

48- ضرب أمثلة تشجع على الكفاح .. أشهرها :

( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

 

 

49- سلم على عمك كويس يا ولد .

 

 

50- يا ابنى محدش بينفع حد .

 

 

51- ماتطلعش إيدك من شباك العربية .

 

 

52- قصة الغريق اللى كذب اللى كل مرة يقول إلحقونى .. لحد ما غرق .

 

 

53- التهديدات المخيفة شكلا .. والكارتونية موضوعا .. مثل :

هاقطم رقبتك ... هاقطع لسانك ... هادبحك دبح.

 

 

54- ربنا يرزقك بعيل يوريك اللى وريتهولى .

 

 

55- ماتطلعش على الملاية النضيفة ورجليك متوسخة كده .

 

 

56- ماتقعدش عريان كده قدام إخواتك البنات .

 

 

57- حول القناة دى ... بلاش مسخرة وقلة أدب .

 

 

58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

 

 

59- طلع إيدك من جيبك وإنت بتكلمنى .

 

 

وأخـــــيــــــرا .....

 

 

 

60 - ياللا يا أبو كحكة حمرا .. إنت فاكر نفسك هاتقعد تاكل معانا .

 

منورين .....

[حراء 0]

انا مش مصرية بس كل الكلام دة بسمعه من امي وابوي وتقريبا يوميا..

.يعنى مش خاص في المصارية..

ههههههههههههههه ...هههههههههههههههههههه

موضوع شدييييييييييييييييييييييييييييييييييييد تسلمي اختي

[هاجر العائدة 0]

السلام عليكم اخواتي

موضوع جميل شكرا

[زهرة الفلا 3]

ههههههههه

 

معظمهم اتقالي امبارح لإن كان عليا آخر امتحان ...

 

لكن عندي تعليق

 

- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

 

دايما في المدرسة بيقولوا كده نسيت تجيب الأكل ونسيت المصروف اشمعني نسيت تجيب حاجتك

 

:mrgreen: :mrgreen: :mrgreen:

 

الحمد لله ما كانتش بتتقالي خاااالص

 

موضوع رائع حبيبتي

 

محبتك زهورة

:wub:

[**نور العيون** 0]

جزاكن الله خيرا أخواتى الحبيبات

واتمنى ان يكون الموضوع قد اعجبكن

أحبكن فى الله

[منمونه 0]

ههههههههه

عندك حق كله بيتقال

 

شكرا يا عسل

[*لقاء* 1]

كل كلمة اتقالت صحيحة

 

باركط الله فيكى والله اضحكتينى

 

فى كمان

 

دة انتو اتنين هو انتو عشرة

 

بتاكلو فى بعض كدة لية

 

والله عيب تبقى طويل وعريض كدة وتمد ايدك تاخد مصروف

 

لما تلاقى تاكل الاول ابقى هات موبايل

[وفـــاق 0]

الله لايحرمنا منهم

ومشكوووووورة عالموضوع

[**نور العيون** 0]

جزاكن الله خيرا أخواتى على المرور الطيب

أحبكن فى الله

[ام عبد الرحمن83 1]

السلام عليكم ...

ههههههههههههههههههههههه

 

مش عارفة أقول إيه بس بجد

كلامك كلو في محلو ...

كان بيتقالي وبقولوا لولادي ..

أضحك الله سنك

أحبكن في الله ولله

[أنين أمّة 19]

بارك الله فيك يا حبيبتي

 

موضوع رائـــــــــــــــــــــــع كروعتك ((:

 

محبتكـ

 

ع

ط

و

ر

ة

[*..أمـــل..* 0]

:wub:

أضحكتني ياحبيبة ..

 

أحب المصرييــــن جداً ..

 

عشان كذا هم دائماً في المقدمة .. نصائح من قلب

:biggrin:

تم تعديل 26 يناير, 2007 بواسطة *..أمـــل..*

[**نور العيون** 0]

جزاكن الله خيرا اخواتى الحبيبات

ام عبد الرحمن83///عطر الجنان////*...أمل...*

على مروركن الطيب

وردودكن الرائعة

أحبكن فى الله

[الزهرة الصغيرة 0]

هههههههه

 

أضحكتيني حبيبتي.

عندك حق رغم اني لست مصرية

و لكن عندنا ايضا بيقوله مثل كده..

 

الله لا يحرمنا من الوالدين و من نصايحهم ^_^

[سالية الحياة الدنيا 0]

ما شاء الله عليكى حبيبتى

 

ان مصريه عشان كده اتقتلت من الضحك

 

والله برافوا عليكى

 

واحنا كمان بنحبك يااموله

 

حبيبتى happy احبك فى الله

[الاستشهادية 10]

أضحك الله سنك

[**نور العيون** 0]

حبيبتى happy احبك فى الله

احبك الذى احببتنى فيه

وجزاك الله خيرا على المرور الطيب

وجزاك الله خيرا حبيبتى الاستشهادية على المرور العطر

أحبكن فى الله

[هبه المسلمه 1]

عندك حق

 

فعلا كلمات محفوظه

 

 

بالذات .... يالله ياابو كحكه :? :wub: :icon_eek:

[**نور العيون** 0]

جزاك الله خيرا حبيبة قلبى الزهرة الصغيرة

على مرورك العطر

واذا لم تكونى من مصر

فلا تنسى ان لكى اخت فى مصر بتمووووووووووووت فيكى

أحبك كثيرا فى الله

 

 

 

جزاك الله خيرا حبيبتى هبة المسلمة

نور الموضوع بردك

اكيد طبعا يا ابو كحكحة دى علطول عشان نذاكر

ههههههههههههه

أحبك فى الله

[هـــدى 147]

هههههههه

 

أضحكتيني حبيبتي.

عندك حق رغم اني لست مصرية

و لكن عندنا ايضا بيقوله مثل كده..

 

الله لا يحرمنا من الوالدين و من نصايحهم ^_^

[**نور العيون** 0]

جزاك الله خيرا حبيبتى هدى ليا

على مرورك الطيب

اشتقت اليك حبيبتي

[بريق الإسلام 0]

السلام عليكم ورحمة الله وبركاته،،

 

موضوع جميل حبيبي

 

فعلا عندنا في مصر بتكرر هذه الجمل كتير

 

تسلم يديكِ حبيبتي

[كوكى14 0]

بارك الله فيكى اختى وفعلا الكلام ده حقيقى

 

وتقريبا بيحصل يوميا مش يوميا بس

 

دا كل دقيقه

 

وجزاكى الله كل خير

[**نور العيون** 0]

جزاكن الله خيرا حبيباتى الغاليات

على المرور العطر

أحبكن فى الله

[daughterofislam89 10]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

 

مش قادرة بجد يا هابى

ملكيش حل

انا كمان عشان مصرية اتقتلت ضحك ومش عارفين يسكتونى

 

ربنا يستر بكرة نشوف هتعلمى ايه يا هابى مع ولادك

 

ههههههههههههههههههههه بجد انتى مالكيش حل