أوشة محمد 0 أرسلي تقرير عن المشاركة قامت بالمشاركة 2 أبريل, 2007 نبذه عن فن او شغل اللاسيه تتميز اشغال اللاسيه عن غيرها بأنها اكثر انتشارا وابهارا فى العالم الى جانب اشغال الكروشيه والتريكوواشغال التطريز وتتميز اشغال اللاسيه بأنها معمره نظرا لشده تحملها هذا بالاضافه الى انها لاتندثر تبعا للموضه فهى المفضله دائما لدى اصحاب الاذواق الرفيعه وتضفى على المسكن الرونق والجاذبيه وتعطيه طابعا من الفخامه متميز طبعا علشان كده بتكون غاليه واسعارها باهظه مع العلم انها مش مكلفه علي الاطلاق بس هي عايزه صبر ودقه وطوله بال وبطلعك نتائج جميله جداااااا ببدا بقي في اساسيات الشغل او حاجه انت بشتري رسمه من محل الخردوات ( اللي بيبع الخيوط وادوات الخياطه والكلف) طبعا الرسومات(الباترونات) بتكون في منها اشكال واحجام كبيره زي اللي الباترون ده اول حاجه احب انكم تعرفوها ان الباترون بيكون مكتوب عليه كميه الخيط المطلوبه يعني الباترون اللي فوق انا حددت علي المكتوب 3 متر وبيكون كمان في الباترون نقطه بدايه ونقطه نهايه علشان نقدر نثبت الخيط من اول نقطه اليدايه ونمشي بيه لحد نقطه النهايه وده طبعا هيوضح اكتر قدام لما نتكلم سوا عن السراجه تاني حاجه احب انكم تعرفوها هي الخيوط : - احنا بنستعمل نوعين من الخيوط في شغل لاسيه 1- خيط لاسيه (القيطان ) وده فيه منه ساده او مقصب (يعني فيه فتله دهبي بتلمع) 2- خيط الكتون بارليه وده الوان كتيره طبعا وبيكون الشغل بنحاول نجيب درجه قريبا جدا من خيط لاسيه علشان نعمل بيها التشبيك ودي ممكن نشتغل بيها عادي باقي المفرش او ممكن نجيب درجه اغمق او فاتح من لون خيط لاسيه علشان يدي شكل احلي للمفرش ممكن نشتغل الوردات اللي في المفرش بخيوط السيرما الفضيه او الذهبيه (لا انصح بيها الاخوات المبتدئات لان الشغل بيها عايز دقه اووي) ثانيا الابر 1- ابره كنافاه (ذات سن مدبب) لشغل بالخيط الكتون بارليه 2- ابره رفيعه (ابره الخياطه العاديه) للسراجه يفضل يا جماعه ان خيط السراجه (خيط خياطه عادي جدا) انه يكون لون غير لون المفرش او بعيد عنه خالص ويكون لون قوي زي الاحمر مثلا علشان واحنا بنفك المفرش في المرحله الاخيره يكون ظاهر وواضح وده لسهوله فك المفرش وتنظيف خيط السراجه منه وطبعا عايزين مقص في حاله توفر اي صور هحطها ان شاء الله يارب اللي عايز نتعلم سوا يتابع معايا شارك هذه المشاركه رابط المشاركه شارك
شمس السماء 0 أرسلي تقرير عن المشاركة قامت بالمشاركة 2 أبريل, 2007 بسم الله الرحمن الرحيم بارك الله فيكى اختى الكريمة وجزاكى الله كل خير لما قدمتى لنا شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 دي خيوط الاسيه( القيطان) في الصورة الأولي الشله من بتكون في حدود 13 متر بيكون مكتوب عليها طولها قد ايه و الصوره الثانية لخيط الكتون بارليه( خيط الايتامين والكنفاه) دلوقتي انتم اختم فكره عن الخيوط والباترونات كويسه احب اعرف رايكم علشان نكمل سوا ان شاء الله شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 دلوقتي بقي هنبتدي نجهز الشغل بتاعنا ازااي 1- اول حاجه هي الرسمه طبعا الرسمه (الباترون) بتكون ورق خفيف يعني مش ينفع اننا نشتغل عليه كده علي طول نعمل بطانه للرسمه والبطانه دي بتكون عباره عن فازلين الخاص بالخياطه (بيتباع عند محلات الخردوات وكلف الخياطه) ودي بيكون انك تجيبي الفازلين طبعا قطعه فازلين مقاس الرسمه بتاعتنا اللي هنشتغل عليها ونحطها علي ظهر الرسمه وبمكواه ساخنه وواحده احده هو هيبتدي يلتزق في الرسمه نتيجه حراره المكواه ملحوظه ( فيه ناس بتستخدم ورق الجرايد او الورق المقوي في تبطين الرسمه انا جربت الطريقه دي بس المشكله فيها ان واحنا بنسرج الخيط بيكون ادخال الابره في الورق صعب لكن طبعا الفازلين مخصص للخياطه فعمليه ادخال الابره بتكون اسهل) المعلومه دي انا جربتها غير البطانه بقي ممكن نحط بلاستيك شفاف علي وجه الرسمه(وشها ) وده برده للمحافظه علي الرسمه علشان مش تبوظ من كتر الشغل عليها ملحوظه تثبيت البطانه بيكون من اطراف الرسمه فقط لاغير يعني مش ينفع اننا نثبت البطانه من وسط المفرش الاطراف فقط صور البطانه وهي تحت الرسمه شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 الصوره دي متحدد فيها بالاحمر علي مكان التثبيت بتاع البطانه زي ما قلنا علي الاطراف شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 (معدل) احنا قولنا اننا كده هنبدا في الشغل الجد احنا خلاص كده جهزنا الرسمه بتعتنا دلوقتي هنبدا في تثبيت الخيط (القيطان) علي الرسمه وزي ما قولنا ان الرسمه ليها نقطه بدايه ونقطه نهايه وبتكون نقطه البدايه مثلا حرف A والنهايه حرف B وممكن الرسمه تحتوي علي اكتر من نقطه بدايه او نهايه عادي تثبيت الخيط بيسمي بالسراجه ونراعي عند بدايه تثبيت الخيط اننا نسيب حته من الخيط حوالي 1سم علشان لم نجيبي نقفل الشغل كما بالصوره الأولي نراعي يا جماعه في السراجه اننا نشتغل علي حروف خيط اللاسيه مش في النص علشان يكون الشغل متثبت كويس من راي ان كل ما التثبيت والسراجه كانم كويسين كل ده ما بيريحك فيالشغل بعد كده كما بالصور الأخيرة و الصورة الثانيةتوضح شكل ظهر الرسمه يا جماعه من وراء و أهم حاجه عندنا في السراجه هي الزاويا يعني لو الرسمه فيها منحنيات نراعي واحنا بنثبت الدقه علشان الشغل يبقي مضبوط و الصورة الثالثةتوضح الشكل النهائي للسراجه تم تعديل 2 أبريل, 2007 بواسطة أوشة محمد شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 دلوقتي المفروض اننا خلاص ثبتنا خيوط الاسيه علي الرسمه بتاعتنا ملحوظه ياريت بعد مانخلص تثبيت وقبل ما نقص الخيط الاسيه نسيب حوالي 1 او 2 من الخيط زياده علشان واحنا بنقفل الشغل يكون كويس دلوقتي بقي هنتكلم عن الخطوه التانيه وهي التشبيك والمقصود بيها تشبيك كل خيوط اللا سيه المتجاوره في بعض كل حته في الرسمه فيها خيوط اللاسيه جنب بعض هنشبكهم في بعض وده بيكون بخيوط الكتون بارليه وطبعا نحاول ان الخيوط دي تكون اقرب درجه لخيوط اللاسيه علشان الخيوط مش تظهر نشوف دلوقتي الصوره الأولي طبعا انت شايفين الاسهم (النقطتين الفوشيا) مشوارين للمكان اللي المفروض هنشبكهم في بعضه نشوف كمان الصور الثانية للخيوط بعد اللفق ملحوظه اللفق (التشبيك) في الصور بخيط غامق علشان يبان في الصوره وبيكون وضح ليكم المفروض بقي اننا نعمل كل المفرش كل جزين متجاورين نشبكم بالطريقه دي وده بيكون بابره الخياطه العاديه وعلشان يا جماعه نمشي من مكان لمكان في المفرش بنمرر الابره جوه خيوط الاسيه بالطريقه دي زي الصوره الثالثة ما هي موضحة ودي بتكون انظف حاجه علشان الغشل يكون حلو ان شاء الله اتمني ان بكون بعرف اشرح احنا كده خلصنا التشبيك باقي لينا شغل العواميد ونتعلم الغرز ونبقي خلصنا كده شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 2 أبريل, 2007 مستنية متابعتكم يا جماعة شارك هذه المشاركه رابط المشاركه شارك
أوشة محمد 0 أرسلي تقرير عن المشاركة قامت بالمشاركة 3 أبريل, 2007 بسم الله الرحمن الرحيم بارك الله فيكى اختى الكريمة وجزاكى الله كل خير لما قدمتى لنا تسلمي أختي و بارك الله فيكي و جزاكي ألف خييييييييييييييييييييييييييييييييييييييييييييييير شارك هذه المشاركه رابط المشاركه شارك
هنـــاء 19 أرسلي تقرير عن المشاركة قامت بالمشاركة 5 أبريل, 2007 السلام عليكم ورحمة الله وبركاته،، الموضوع مكرر https://akhawat.islamway.net/forum/index.php?showtopic=25514 شارك هذه المشاركه رابط المشاركه شارك
