لو عروسة جديدة او على وش جواز تعالى ندردش شوية

ساجدة للرحمن · 15 اكتوبر, 2008

انا رجعت باذن الله يا جنا يا غالية وان شاءالله نتواصل مع باقى الاخوات قريب

ألف حمدلله على السلامة حبيبتنا الغالية

اشتقنا لك و لكلامك الجميل

نورت المنتدى و إن شاء الله لا تتركينا مرة أخرى :icon17:

asouma · 15 اكتوبر, 2008

انا اسماء. انا مخطوبه منذ اثر من سنة و فرحي في الصيف انشاءالله. نوريني حبيبتي كيف اتعامل معه لاني خائفة جدا من الزواج

ام فاظمة · 15 اكتوبر, 2008

اخواتى الحبيبات انا والحمد لله متزوجة منذ خمس سنوات ومرت عليا ايام حلوة وايام مرة والحمد لله كل المشاكل بتعدى اهم حاجة محدش من الطرفين يهين التانى لان المساكل بتتنسى لكن الاهانات لا.. فقلت لنفسى يلا ندردش مع العرايس ونحكيلهم ويحكولنا وباذن الله نحاول نحل كل المشاكل وربنا ميجبش مشاكل باذن الله

يلا ندردش واللى عندها سؤال تتفضل معانا

السلام عليكي اختي ام محمد جزاك لله على هذا الموضوع

15 اكتوبر, 2008

السلام عليكم ورحمة الله وبركاته

الحمد لله على رجوعك لنا يا اختي ام محمد اخبارك ايه و اخبار محمد ايه

أم عبد الوارث · 15 اكتوبر, 2008

السلام عليكم ورحمة الله وبركاته

الحمد لله على رجوعك لنا يا اختي ام محمد اخبارك ايه و اخبار محمد ايه

أم فرح و حسين · 20 اكتوبر, 2008

وعليكم السلام ورحمة الله وبركاته،،

لالالالا مش معقووووووول :biggrin:

أم محمد رجعت؟؟

وحشتييييييييييييينييييييييييي جداااااااااااا

فينك يا قمر ؟؟ الحمد الله على سلامتك

ازيك يا غااااالية؟؟

om_mohamed · 20 اكتوبر, 2008

الاخوات الغاليات على قلبى جدا

يارب سامحنى

ساجدة للرحمن

asouma

ام فاطمة

الفقيرة الى الله

أمة الله

أم فرح وحسين

اسفة على التاخير لكن عذرا لان محمد ابنى فى سنة اولى حضانة بقه وانا لسة مستجدة فى موضوع التعليم ده فالموضوع شاغل كل وقتى فسامحونى على التاخير فى الرد وباذن الله مش هتاخر عليكم تانى فى الردود والف شكر على كل اللى سال عنى وباذن الله منبعدش عن بعض تانى ان شاء الله

وبالنسبة لسؤالك يا اختى

يارب سامحنى

الموضوع محتاج منك شوية تركيز الموضوع مش محتاج الخوف ده كله ولا الخجل ده كله بما انه ابن عمك اكيد تعرفى من اخواته مثلا واهله هوه بيحب ايه ؟؟ هواياته مثلا ممكن تسالى اخته لو ليه اخت او والدته مثلا..بيحب اكل ايه ..لون ايه.. انتى ممكن تسالى كل ده عنه ولما تعرفيه تقدرى تحددى تفتحى معاه موضوع ايه وسيبك من النت ورسايل الموبايلات دى اللى مبتجيبش نتيجة

يعنى مثلا لو هوه بيحب شغله كلميه عن شغله ..اساليه ايه اخباره فى الشغل مبسوط ولا لا؟؟ هوه كمان هيقدر ده انك بتطمنى عليه وهيفرح بيه اوى

ممكن كمان تساليه هوه ناوى يعمل ايه للمستقبل فى شغله برضه

لو بيحب الكورة اتكلموا فى الكورة

لو بيحب رياضة تانية كلميه عنها وحاولى تجمعى معلومات من الصحف والمجلات مثلا عن الرياضة دى وتناقشيه فيها

اساليه بيقرأ قران ولا لأ؟ وشجعيه انه يحفظه وقوليله انك هتحفظى معاه وتشجعوا بعض

اتكلموا على تجهيزات البيت بيحب الوان ايه وانتى قوليله الالوان اللى بتحبيها علشان توصلوا لحل وسط

يعنى المهم انه فيه مليون موضوع ممكن تتكلموا فيه بس اهم شئ انك متضغطيش على نفسك ولا عليه بلاش تحسسى نفسك انك فى امتحان وانك لازم تساليه

خلى المواضيع تمشى بهدوء

وباذن الله ربنا يتملك على خير يا حبيبتى ويرزقك بالذرية الصالحة يارب وانا فى خدمتك فى اى سؤال تانى

وبالنسبة للغالية asouma

يا حبيبتى كلنا كنا خايفين قبل الجواز لانها طبعا مسئولية كبيرة وفى نفس الوقت فرحة العمر باذن الله فانا عاوزاكى متقلقيش بس عاوزة اقولك نصيحة مهمة جدا مش ليكى لوحدك ولكن لكل الاخوات اللى على وش جواز

لو عاوزة جوازك يمشى كويس على طول باذن الله عليكى وعلى الكتمااااااااااااااانننننننننن

يعنى ايه

يعنى لو حصل اى شئ بينك وبين زوجك مفيش مخلوق يعرفها لا بالخير ولا بالشر

لا نفرض مثلا انه بيدلعك وبيعاملك كويس وانتى حكيتى ممكن تتحسدى اولا ثانيا ممكن هوه يحس انه كرامته اتجرحت اصل الرجالة دى عقلها صغير اوى يفتكر انك بتقولى انه مدلعك فيبقى هوه ضعيف الشخصية يقوم يغير معاملته معاكى فعلى ايه خلى السر فى بير

ولو لا سمح الله زعلتوا مثلا ورحتى حكيتى لحد فيه ناس اختصاصية حرائق

هتولع فيكى وتقولك ازاى تسكتيله ويقوموكى عليه على ايه كل الزعل اللى فى الدنيا بيعدى يا حبيبتى بس شوية صبر

ياما الست بتتخانق مع جوزها بس الست الشاطرة اللى متخليش مخلوق يعرف حاجة عن بيتها حتى امها وبالذات امها

لان الام بتزعل علشان بنتها فممكن من غير قصد تزعل جوزك فالموضوع يكبر

فباذن الله تعالى دارى على بيتك وعاملى زوجك بما يرضى الله وباذن الله ربنا هيسعدك ويرزقكم بالذرية الصالحة يارب

وحبيبتى ام فرح وحسين وحشتييييييييييييييييييييييييننننى جدا يا ترى اخبارك ايه

انا بخير الحمد لله رب العالمين ويارب تكونى انتى كمان بخير وسعادة

واخيرا يا كل اخواتى الحبيبات انى احبكن فى الله واشوفكم على خير ان شاء الله

هَمسآت المَطر · 20 اكتوبر, 2008

يااااااااه :blush: أخيرا ياأم محمد أنا كنت مستنية نصااايحك :icon17: الجميلة

يمكن زي ماتفضلتي وقلتي إن الموضوع محتاج :roll: تركيز

وصح مش إمتحان أنا فعلا بحس نفسي كدة

إن شاء الله يكون كل خير وإدعيلي معاكي كتير

وإن شاء الله هبشرك بالخير زي :icon17: مابتنصيحينا بكل خير

عجبني جدا جدا :icon15: جدددددددا

لو عاوزة جوازك يمشى كويس على طول باذن الله عليكى وعلى الكتمااااااااااااااانننننننننن

يعنى ايه

يعنى لو حصل اى شئ بينك وبين زوجك مفيش مخلوق يعرفها لا بالخير ولا بالشر

صح والله ياغالية صدقتي ربنا يباركلك في زوجك وذريتك ويباركلك بمحمد

ويرزق بنات المسلمين أجمع الأزواج الصالحة التقية ياااااارب

om_mohamed · 21 اكتوبر, 2008

حبيبتى فى الله يارب سامحنى

سامحينى لو اتاخرت عليكى فى الرد بس زى مقلتلك بقه مشغولة مع الاستاذ محمد ويارب اكون قدرت افيدك بشئ وباذن الله ربنا يسعدك فى الدارين يارب ويرزقك بالذرية الصالحة

انا بكتبلك بسرعة دلوقتى وللحديث بقية باذن الله تعالى

هَمسآت المَطر · 21 اكتوبر, 2008

^_^ كله يهون عشان خاطر الأستاذ محمد ياأم محمد ^_^

ربنا يباركلك بمحمد وأبو محمد ويحشرنا وإياكم بجوار

النبي محمد صلى الله عليه وعلى آله وصحبه وسلمـ,

متابعة نصايحك بكل ســرور وشوق

ياأمـ, محمــد :-

المشتاقه لمكه · 24 اكتوبر, 2008

الله يجازيكم ألف خير وياريت تزودو من هذه النصايح

تم تعديل 25 اكتوبر, 2008 بواسطة gogy

om_mohamed · 28 اكتوبر, 2008

حبيباتى فى الله وحشتونننننننننننننننننننننننننى جدا جدا

يارب تكونوا جميعا بخير يارب وسعادة

يا ترى عاملين ايه ؟؟ اتمنى من الله تكونوا فى اتم صحة واسعد حال

انا معلش مقصرة معاكم شوية بس هنعمل ايه بقه مشاغل الحياة عقبال كده مربنا يرزقكم جميعا بالذرية الصالحة ويدخلوا المدرسة وتتشغلوا معاهم زيى

انا النهاردة عاوزة اكلمكم فى حاجة مهمة

هسالكم سؤال بالذات للى متجوزين من فترة ..انتى لسة مثقفة ولا خلاص بقيتى ست بيت وبس؟؟؟؟

انا ليا نصيحة بسيطة انا نفسى بحاول اطبقها حاليا

متخليش الجواز والاولاد ياخدك كلك سيبى لنفسك حتة من نفسك

بلاش تخلى البيت والطبخ والعيال وابو العيال كل اهتمامك فى الحياة ..فين دينك ..فين عقلك ..فين جسمك؟؟

لازم تخلى وقت للعبادة لو حتة نص ساعة فى اليوم ... ووقت كمان تقرى لازم تقرى وتجددى نشاط مخك .. لازم تهتمى بصحتك وجسمك وجمالك

الحاجات دى مبتاخدش وقت كبير بس بتفرق معاكى جدا جدا

هتخليكى تحسى انك لسة شباب معجزتيش ولا راحت عليكى

وفى نفس الوقت هتجدد نشاطك وتخليكى تقدرى تواظبى على مطالب الحياة

دى نصيحة على الماشى كده

وليا عودة باذن الله نكمل كلامنا سوى

تم تعديل 29 اكتوبر, 2008 بواسطة om_mohamed

ساجدة للرحمن · 28 اكتوبر, 2008

السلام عليكم ورحمة الله وبركاته،،

الله يبارك فيك حبيبتنا الغالية أم محمد

وصراحة نصيحة في محلها

فكثيرا من الزوجالت بعد الزوجات تهمل نفسها _ لا أقصد شكلها أو زينتها ...بل أقصد عقلها وفكرها _ فتنشغل فقط بالبيت والأولاد

وتنسى أن الزوج يريد صديقة معه في البيت و ليس خادمة و أم فقط

فهو يريد من يتكلم معه و من يناقشه و من يسمع رأيه ...فلماذا لا تكون الزوجة ؟؟؟؟؟

تحزن كثيرات من الزوجات بهروب أزوجهن من البيوت و تفضيل زملائه و اصدقائه عليها ولا تدري أنها هي من دفعته لذلك

فكما قلت يجب أن تترك المرأة لنفسها مساحة لتثقيف نفسها ومواكبة الأحداث العالمية ......

و الإنترنت الآن نعمة من الله علينا فنحن نرى العالم من حولنا و نحن في مكاننا ....بل إنه يمكننا أخذ الدورات و تعلم الكثير من خلاله

فعلينا أن نستغل هذه النعمة ......

جزاك الله خيرا حبيبتنا الغالية ولا تحرمينا من نصائحك الجميلة

om_mohamed · 29 اكتوبر, 2008

ويبارك فيكى يا غالية ساجدة

فعلا الستات اليومين دول بقوا حاجة غريبة اول متتجوز تقوليلها اقرى شوية ..تقولك بعمل اكل جوزى ..بطبخ .بمسح ..بنضف ..وبس ووقت فراغها تلاقيها قاعدة متنحة قدام التلفزيون

وشوية وتخلف وتقولك العيال راحوا العيال جم ..وبتنسى نفسها خالص

شوية شوية بتتقلب شغالة فى البيت مش زوجة ولا ام ..ومحدش بطلب رايها فى شئ ومحدش بيهتم بيها لان هيه مش مهتمة بنفسها

تعرفى انا ليا صديقة بارك الله فيها عملت ماجستير وبتحضر للدكتوراة ..وفى نفس الوقت ام لثلاثة اطفال وتلاقيها جميلة جدا ما شاء الله عليها فى نضافتها وشياكتها

لان فيه نصحية كانت ماما بتقولهالى النشاط يجيب نشاط والكسل يجيب كسل

فالست لما تشتغل مقصدش بره بيتها يعنى ..تشتغل فى اى شئ ..تقرأ ..تتابع اى موضوع مهم ..هتلاقى نفسها بتخلص شغل البيت بسرعة علشان تتفرغ للى هيه بتعمله ..فهتلاقى بقه عندها وقت اكبر مما هيه متصورة

فياريت نصيحة لكل العرايس الجداد والقدام ..من اول الجواز كده حددى وقت لنفسك متخليش الوقت يسرقك ..علشان متبصيش تلاقى نفسك بقه عمرك 50 سنة مثلا ..واولادك او زوجك ياخدوا رايك فى شئ وتقولى معرفش

رزقنا الله واياكم طولة العمر مع حسن العمل وحسن الخاتمة يا رب

om_mohamed · 2 نوفمبر, 2008

اخواتى الحبيبات

السلام عليكم ورحمة الله وبركاته،،

وحشتونى فينكم مش باينين ليه يارب تكونوا بخير

بسمة الرضى · 2 نوفمبر, 2008

ويبارك فيكى يا غالية ساجدة

فعلا الستات اليومين دول بقوا حاجة غريبة اول متتجوز تقوليلها اقرى شوية ..تقولك بعمل اكل جوزى ..بطبخ .بمسح ..بنضف ..وبس ووقت فراغها تلاقيها قاعدة متنحة قدام التلفزيون

وشوية وتخلف وتقولك العيال راحوا العيال جم ..وبتنسى نفسها خالص

شوية شوية بتتقلب شغالة فى البيت مش زوجة ولا ام ..ومحدش بطلب رايها فى شئ ومحدش بيهتم بيها لان هيه مش مهتمة بنفسها

تعرفى انا ليا صديقة بارك الله فيها عملت ماجستير وبتحضر للدكتوراة ..وفى نفس الوقت ام لثلاثة اطفال وتلاقيها جميلة جدا ما شاء الله عليها فى نضافتها وشياكتها

لان فيه نصحية كانت ماما بتقولهالى النشاط يجيب نشاط والكسل يجيب كسل

فالست لما تشتغل مقصدش بره بيتها يعنى ..تشتغل فى اى شئ ..تقرأ ..تتابع اى موضوع مهم ..هتلاقى نفسها بتخلص شغل البيت بسرعة علشان تتفرغ للى هيه بتعمله ..فهتلاقى بقه عندها وقت اكبر مما هيه متصورة

فياريت نصيحة لكل العرايس الجداد والقدام ..من اول الجواز كده حددى وقت لنفسك متخليش الوقت يسرقك ..علشان متبصيش تلاقى نفسك بقه عمرك 50 سنة مثلا ..واولادك او زوجك ياخدوا رايك فى شئ وتقولى معرفش

رزقنا الله واياكم طولة العمر مع حسن العمل وحسن الخاتمة يا رب

هاد اللي محتاجااااااااااااااه يا أم محمد

بارك الله فيكِ

صحبتك دي يا أختي منتقبة ولا لا؟؟ و كيف تدرس و البيت ماليان عيال بارك الله لهم فيها..و فين؟؟

طب اديني الوصفة دي محتاجاها :blush:

انا بحس انو وقتي بيضيع و انا قاعدة بتفرج و الله حرااااااااام :closedeyes:

om_mohamed · 4 نوفمبر, 2008

اختى فى الله بسمة الرضى

نورتى الموضوع يا حبيبتى ..

صديقتى اللى حكيتلكم عليها غير منتقبة هى محجبة بس ...وترتيب وقتها بقه ده الحقيقة انا معرفش هيه بتعمله ازاى ربنا معاها ههههههههههه بس انا اعرف ان زوجها واختها واحيانا والدتها بيساعدوها لما بيكون عندها امتحانات او محاضرات لكن تقسيم الوقت بقه الله اعلم

بس انا هقولك على جدول ظريف لتقسيم الوقت وحاولى تتبعيه على اد متقدرى والله المستعان

اول شئ علشان ربنا يبارك فى الوقت انك تصحى وقت اذان الفجر او قبله بشوية صغيرة ..

تصلى الفجر ..وتقرى قرآن ..وان شاء الله حتى ربع بس ..فالعبادة القليلة الدائمة خير من الكثيرة المتقطعة

وبعدين لو عندك اطفال هيروحوا المدرسة تبداى تجهزيلهم السندوتشات وتصحيهم وتوديهم المدرسة بالف سلامة

وبعدين عندك اختيارين

يا اما تناميلك شوية وبعدين تقومى تشوفى شغل البيت

يا اما تخلصى شغل البيت الاول وبعدين تنامى شوية الظهر ..القيلولة وده افضل لان الرسول صلى الله عليه وسلم كان بيقيل الظهر فمنها اتباع للسنة ومنها تقدرى تواصلى اليوم

المهم خلصتى شغل البيت تبداى تقرى شوية فى اى حاجة تثقفى نفسك ..لو معندكيش كتب اقرى من على النت .. فيه مليارات الكتب على النت اختارى منها اللى يعجبك واقرى لازم تثقفى نفسك

طبعا مش لازم تقرى كل يوم

خلى فيه ايام الوقت الفاضى فيها للعناية بجسمك ..اعملى مثلا ماسكات للوجه والبشرة

تعتنى فيها بنظافتك الشخصية

المهم تهتمى بنفسك وده مثلا تخليه يومين او ثلاثة فى الاسبوع

خلى فيه ايام تسالى فيها على قرايبك علشان صلة الرحم

المهم انك تقللى فرجتك على التلفزيون الى اقل حد ممكن لحد مربنا يقويك وتبعدى عنه تماما .. وممكن تبداى تتفرجى على القنوات الاسلامية ..الرحمة ..والمجد مثلا

وبكده تستفيدى من ايامك وحياتك ومتضيعش كلها والله المستعان

وانا باذن الله تعالى بجهز مشروع حلو اوى للتعاون على العبادة والطاعة ان شاء الله

باذن الله نتقابل فيه مع بعض ونساعد بعض على الاستفادة من الوقت

واى خدمة

وربنا يوفقنا جميعا لما يحبه ويرضاه

nancy20 · 10 نوفمبر, 2008

السلام عليكم ورحمة الله وبركاته

اخنى ام محمود بصراحة كلامك جميل جدااااااا وياريت كل الزوجات يعملواكدة مع ازواجهم وخصوصا مع الحماة

انا مخطوبة وبحب خطيبى جداااااااااوهو بيحبنى اووووووى وحماتى ست طيبة جدااااااااااااا وانا دايما بقوله كلم ماما اسال عليها عشان هو بيشتغل فى بلد تانية دايما بفكرة عشان الشغل واخد كل وقته واليوم بيعدى كدة من غير ما يفكر فى حاجة تانية الا انا طبعا هههههههههه اتمنى ان حياتى معاه تكون بالشكل اللى احنا بنفكر فيه

دعواتكم اخواتى له بالرزق الوفير الحلال

على فكرة ام محمود انا كمان خطيبى مجال شغله كمبيوتر وبيعلمنى كتير وعرفت حاجات كتير منه وبتكلم معاه فى شغله يغنى بينا حوار مشترك الحمد لله

وياررررررب نكون كدا دايما

دعواتكم اخواتى ربنا يسعدنا وييسر امورنا ويجعلنا ازواج صالحين ويرزقنا بالذرية الصالحة ان شاء الله

emAn_wAy · 21 نوفمبر, 2008

بوركتي اخيتي فى الله ام محمد وافادنا الله بك وجعله في ميزان حسناتك

بداية انا منتقبة وعقد زواجى في العيد بإذن الله تعالى

كنت عاوزة اسألك لو عندك اى موقف ممكن يحدث بعد العقد مفاجئ ....موقف محرج مثلا وقدرتي تتصرفي معاه ازاى

وانا كنت محتجالك ضروري ينفع ابعت ليكي رساله علي الخاص؟؟؟

وجزاك الله خيرا حبيبتي فى الله

تم تعديل 23 نوفمبر, 2008 بواسطة emAn_wAy

ريدا · 23 نوفمبر, 2008

السلام عليكم

موضوع جميل جدا

أنا ول مرة أشوفه :mrgreen: رائع جدا

جزاكن الله خيرا

om_mohamed · 2 ديسمبر, 2008

حبيباتى فى الله معلش انا مبكتبش فى الموضوع ده الايام دى اصل النت كانت بايظة وباذن الله هرجعلكم عن قريب ونكمل كلامنا مع بعض

dr_gowyrya · 2 ديسمبر, 2008

السلام عليكم

ما شاء الله يا ام محمد موضوع جميل

هو انا بصراحة اول مرة اشوفه النهاردة

بس هو ماشاء الله جميل

انا برضه على وش جواز

فى اجازة نص السنة ان شاء الله

والحمد لله فيه حوار مشترك بينى وبين خطيبى

لان هو طبيب وانا برضه مشروع طبيبة(طالبه يعنى)

هو انسان طيب جدا وبيحاول يرضينى

وبصراحه ساعات انا اللى بفترى عليه

بس انا عندى مشكلة جامدة جدا بالنسبة لمامته

والله انا بحاول اقرب منها

لكن هى فيها عيب رهيب

لما تتكلمى معاها فى موضوع تانى يوم تلاقى كل معارفنا عارفين الموضوع دة

وانا من النوع اللى مش بيحب حد يعرف حاجة عنه

دة بيخلينى مش عاوزة اتكلم معاها فى اى حاجة خالص

والله انا مش عارفة اعمل ايه

وخصوصا انى هعيش معاها

تفتكرى اعمل ايه ؟

ومش تقولى حاولى تنصحيها

لانى ياما حاولت معاها هى دى طبيعتها

هى بتعامل كل الناس على انهم اصحابها وقريبين منها وبتحكيلهم على اى حاجة تعرفها

ومش عايزة دة ياثر على علاقتى بزوجى لان مهما كان دى مامته

فى رأيك اعمل ايه؟

جزاكم الله خيرا

سبيل الهدى 2 · 4 ديسمبر, 2008

نصايحك مفيدة يا أم محمد

جزاكِ الله خيرا

وجعلها فى ميزان حسناتِك

om_mohamed · 26 ديسمبر, 2008

حبيباتى فى الله معلش اتاخرت عليكم بس اكيد عرفتوا مشكلة النت فى مصر بس الحمد لله ابتدت تتحل شوية هيه بطيئة اوى بس احسن من مفيش هههههههههههههه

عموما وحشتونى اوى اوى اوى والله وباذن الله نتواصل مع بعض على طول وربنا يقدم اللى فيه الخير

حبيبتى نانسى 20

مبارك عليكى الخطوبة السعيدة وباذن الله يتملك على خير ويرزقك بالذرية الصالحة باذن الله تعالى ونصيحتى ليكى علشان باذن الله تستمر السعادة بينكم تتلخص ف شوية حاجات صغيرة اوى

أولا :biggrin: خليكى دائما متجددة بلاش تهملى نفسك وشكلك بعد الجواز وكمان متهمليش عقلك ولا ثقافتك

ثانيا :oops: الحمد لله ان حماتك ست طيبة وعلشان العلاقة تفضل كده بينكم على طول باذن الله عامليها زى مبتعاملى مامتك بالظبط وهيه باذن الله هتعاملك زى بنتها ان شاء الله

ثالثا:oops: لازم تعرفى ان الحياة لا تخلو من المشاكل ابدا ولما تقابلك مشكلة حكمى فيها عقلك واصبرى واوعى تعلى صوتك او تتنرفزى واهم شئ اوع تخرجى اسرار بيتك برة وباذن الله بالشكل ده هتعيشى حياة سعيدة باذن الله طول العمر

حبيبتى eman_way

اكيد انتى اتجوزتى دلوقتى مبارك عليكى العقد يارب العالمين ويارب يتملك على خير ويرزقك بالذرية الصالحة يارب العالمين

ويارب نصايحى لنانسى تفيدك يارب ..وبالنسبة للرسائل الخاصة معتقدش انه ينفع لان الرسائل بين المشرفات بس ..بس باذن الله لو محتاجة شئ اكتبيه ونوصل لحل باذن الله تعالى

وبالنسبة للمشاكل بعد العقد مقدرش افيدك اوى لان اتجوزت عل طول خطوبة وزواج مكنش فيه فترة عقد

بس اعتقد ان الرابط اللى جاى هيفيدك باذن الله

https://akhawat.islamway.net/forum/index.php?showtopic=6012

حبيبتى ريدا جزانا واياكم خيرا يا غالية

حبيبتى سبيل الهدى 2 جزانا واياكم كل خير يارب

وبالنسبة لحبيبتى dr_gwayrya

ربنا يتملك على خير يارب ومبارك عليكى الزواج مقدما يارب

وبالنسبة لمشكلتك مع حماتك دى بقه محتاجة منك حاجتين

أولا : مش كل شئ تقوليهولها طالما هيه من النوع اللى بيحب يحكى حاولى تشركيها فى الحاجات اللى لو حد عرفها مفيش منها ضرر

ثانيا : طالما هتعيشى معاها خلى بالك ان حوارك مع زوجك يكون فى غرفتكم الخاصة دائما وبلاش النقاش يكون قدامها

ثالثا: حاولى تفهميها بالراحة كده وبحنية ان مش كل الناس تامن لهم وتحكيلهم كل حاجة لان فيه ناس بتنقل الكلام بصيغة تانية خالص وممكن تسبب مشاكل كتير اوى

رابعا: عامليها زى والدتك وبلاش تحسسيها انك لما تتجوزى ابنها انك هتلغى وجودها وان البيت بيتك وهيه ضيفة ده احساس بيبوظ الدنيا خالص

ولازم تعرفى انها فى الاول هتدخل فى كل شئ فى حياتك ..علشان تحس بس انها لسة ليها لازمة وانها مخرجتش من حياة ابنها

فلازم تقابلى الموضوع ده بحنية شديدة وتخليكى صبورة وهيه لما هتلاقيكى بتعامليها كده هتطمن ليكى وهتعاملك زى بنتها باذن الله

ومفيش مانع انك انتى نفسك تطلبى منها مشورة فى اى شئ علشان تحسسيها باهميتها ليكى ولزوجك حتى لو حاجة مش محتاجة مشورة بس علشان تكسبى قلبها

وشوية شوية تحاولى تفهميها ان فيه مواضيع بينك وبين زوجك مينفعش تتقال قدام حد

وربنا يسعدك يارب دايما انتى وكل الاخوات ويرزقكم بالذرية الصالحة يارب العالمين يارب

وباذن الله ليا كلام تانى معاكم ان شاء الله

om_mohamed · 26 ديسمبر, 2008