لو عروسة جديدة او على وش جواز تعالى ندردش شوية

[*رضاك ربي* 0]

انا منتظرة تكملتك يا اختى الحبيبة ساجدة للرحمن

بس انا خايفة عدم اقتناعى ده يفضل معايا ويعذبنى ويعذبه وهو كمان بدأ يحس انى مش مبسوطة اوى من خطوبتى له وافضل طول عمرى حاسة ان الشكل مكنتش مقتنعه بيه اوى

[الشهيدة الحية 0]

السلام عليكم حبيباتي في الله

انا جد سعيدة لانضمامي لكن

احببتكن في الله واعجبني حديثكن والنصايح اللي تقدونها لبعضكن

انا مغربية وكم اتمنى ان اجد اخوات هنا مغربيات للتعارف

مممممممممم المهم انا ايضا مخطوبة من 3 شهور تقريبا وكتبت كتابي والحمد لله وعقبال كل البنات ان شاء الله يرزقهم ربي بالزوج الصالح

الحمد لله لقيت فزوجي الرجل الذي كنت اتمنى من صلاح وتقوى واخلاق

وكذلك اهله

لكن يوجد بيننا خلاف بسيط وربما تافه

 

وهو

انه يريد ان نعمل العرس في الصيف يعني شهر 8 واوا بالاول كنت متفقة على الموعد

ولكن الان ارفض وكلما كلمني عن العرس اقول له لا خلينا للسنة الجاية

عندي خوف وارتباك وما بعرف شو

سبب الخوف هذا

مع اني بدأت التحضير للعرس الا اني جدا خايفة

وهو يقول لي دائما شو سبب رفضط تقديم الموعد فلا اجد واب سوى السكوت

وبيني وبينكم بالفعل انا كثير خايفو وبدي ابقى فبيتنا

[أم فرح و حسين 0]

السلام عليكم و رحمة الله و بركاته

 

منورة المنتدى و الموضوع أختي الشهيدة الحية

 

شوفي يا ستي, الخوف اللي انتي حساه عادي جدا و كل بنت تقدم على الزواج تصاب بحالة الرعب هذه

 

و لكن لا تتركيها تسيطر عليك و على مستقبلك

 

توكلي على الله و استعيني بالدعاء و الصلاة و الاستغفار يا أختاه

 

لا تخافي يا غالية و خليها على الله

 

و اسمعي كلام زوجك :icon15:, فهو يريد التعجيل في الزواج و ذلك ان شاء الله أحفظ و أتقى لكما

 

بارك الله لكما و فيكما :wub:

[عاشقة الروح 0]

السلام عليكم .......

 

لماذا لم تردو على مشكلتي ..............و أنا صارلي زمان أنتظر ردكم ...........و الله أنا بحاجة لرايكم

[بنت عاديه 0]

انا الحقيقه مكتوب كتابي بقالي 3 شهور ونص وان شاء الله الدخله في شهر 8 بعد انتهاء العام الدراسي يعني .......... ادعولي يا اخوات ربنا يتمها عليا بخير وييسر امور التجهيز لأن الحال صعبه شويه

مش هطول عليكوا انا كنت عايزه اسأل بس ازاي اتعامل مع حماتي وخصوصا انها صعبه جدا وشخصيتها قويه وزوجي بيقدرها جدا وبيحترمها وبيحبها اوي ودايما يقولي ان رضاها من رضاه .........للأسف هي بتغييييييييير عليه جدا (طبعا مني) والحكايه دي سببت مشاكل كتير في فتره ماقبل العقد ...........بس الحمد لله انه مش زي ما بيقول المثل المصري............(ابن امه) وده اللي مصبرني ومهون عليا

قولولي بالله عليكوا اعمل ايه ؟ (خصوصا اني صغيره السن) :wub:

[om_mohamed 0]

ايه ده يا بنات اسيبكم يومين الاقيكم كلكلم متضايقين كده؟؟ متخافوش وباذن الله هنحل كل حاجة سوى

 

حبيبتى طويلبة علم اللفات (بس يعنى ايه علم اللفات ممكن توضحيلى يا حبيبتى)

 

شوفى يا حبيبتى طالما ان زوجك انسان صالح وتقى زى مبتقولى يبقى توكلى على الله وباذن الله هتعيشى فى سعادة وهنا وهيكون والدته واخواته بدل اهلك بالظبط واهم شئ تعامليهم زى اهلك هيحبوكى ويشيلوكى فى عنيهم وربنا يسعدك يارب ويوفقك ويرزقك بالذرية الصالحة بس خليكى على اتصال بينا على طول ومش عاوزينك تسيبى موضوعنا وان شاء الله خير

 

حبيبتى شيماء

ازاى خطيبك مبيعرفش يصرف اموره؟؟ يعنى ايه المواقف اللى حسستك بكده ؟؟؟ هل مثلا لما بتحصل مشكلة مبيعرفش يتصرف لان النوع ده اللى مبيعرفش يتصرف هيتعبك جدا بعد الجواز وزى مساجدة قالت هتكونى انتى الراجل والست بس فيه فرق هل هو بطئ فى رد فعله ولا لخمة خالص يعنى؟؟ وبعدين يا ستى الموضوع ده حله بسيط جدا

اقعدى معاه وقوليله نتكلم بقه فى بيتنا وهننظمه ازاى وهنفرشه منين وهنجيب ايه وهنسوى ايه..الحاجات دى هتبينلك اذا كان مخطط لحياتكم مع بعض ولا سايب الموضوع عايم كده للظروف؟؟ لو لقيتيه مخطط كويس وعارف هيعمل ايه ..يبقى بيعرف يدبر اموره وتمام التمام بس هوه الايام دى عاوز يفرح بخطوبته بيكى ومش عاوز يركز فى حاجة وده اللى محسسك بانه مبيعرفش يصرف اموره

لو لقيتيه بقه غرقان فى شبر مية ومش عارف يعمل حاجة وقعد يقولك هنبقى نشوف لما ييجى وقتها طب اللى انتى عاوزاه ؟؟؟ده بقى يبقى نوع من اتنين ..يا اما كسول وده هيباب لو لحيتى عليه ولقيتيه استجابلك ..يبقى تعرفى انه بعد الجواز هيمشى بالزق يعنى لازم تزنى عليه علبال ميستجيب ..لو لخمة بقه مش هيستجيب لو عملتى ايه ..وفى الحالة دى سيبك منه لانه بعد الجواز هيكون زى قلته بالظبط يبقى اتجوزتى ليه؟؟

الواحدة عاوزة راجل تعتمد عليه وترتاح فى حياتها مش واحد تشيل همه مع همها

وربنا ييسرلك الامور يارب وابقى قوليلى عملتى ايه؟؟

 

بصى يا حبيبتى يا ميرو

انا دلوقتى فهمت ان كل مشكلتك ان شكله مش هوه اللى كان فى خيالك وبتتمنيه مع انك اعجبتى بيه لما شوفتيه فى الصيدلية واتمنيتى انه يخطبك طب مهو شكله كان عاجبك اهوه ؟؟؟ :biggrin: امال ليه لما اتقدم فعلا تراجعتى عن رايك فيه؟؟ بصى انا هقولك حاجة لما زوجى اتقدملى بصراحة يعنى شكله معجبش امى واختى خالص حتى صاحباتى لانه اسمر شوية وقالولى هوه كويس بس شكله معرفش ايه..انا كلامهم دخل من الودن دى وطلع من التانية ولا همنى رايهم خالص وقلتلهم عاجبنى سكتوا على طول بس انا عملت كده لانى كنت عارفة انا عاوزة ايه بالظبط كنت بدور على شئ معين فيه ولقيته والحمد لله ..فانا برضه عاوزاكى تقعدى من نفسك شوية كده وتفكرى انتى عاوزة ايه فى الراجل اللى عاوزة تكملى معاه حياتك لو انطبق من طلباتك دى 80% على خطيبك الموجود متسيبهوش والشكل هتتعودى عليه مع الوقت وحنيته وحبه ليكى هتحسسك ان ده احسن راجل فى العالم كله

لو طلباتك منطبقتش عليه يبقى سيبيه وربنا يعوض عليكى باحسن منه ان شاء الله ويكون هوه اللى فى خيالك

بس يا ميرو لو تفتكرى انا رديت عليكى فى موضوعك القديم وحكيتلك عن صاحبتى اللى اطلقت رغم انها متزوجة عن حب 6 سنين وواحد كان شكله حلو جدا ورغم كده خانها ومشى مع واحدة وضربها وبهدلها وطلقها

يبقى الشكل يا ميرو مش كل شئ ..بس لو انتى فعلا مش متقبلاه خالص يبقى تسيبيه احسن لانك مش هتقدرى تتغلبى على الموضوع ده وهتفضلى حاطاه عقبة فى حياتكم سوى ..فليه يا بنتى تعيشى متنكده ؟؟ عموما ادى نفسك فرصة اخيرة للتفكير واذا حسيتى انك مش هتقدرى ..خلاص انفصلى عنه وباذن الله ربنا يعوضك ويعوضه خير

[emy20007 0]

ازيكم كلكم بجد انا بحب الموضوع ده جدا واول مابفتح النت بدخل على الموضوع ده

 

بشكرك جداااااااا أم محمد على الموضوع لانى فعلا استفادت منه كتييييير

 

وميرو حبيبتى مش كل حاجة الشكل اهم حاجة الراحه والقبول ماهو انتى ممكن تتجوزى واحد شكله حلو وامور ويعملك وحش ويخليكى تكرهى حياتك وخليكى فاكره انى الشكل ده خلقت ربنا واكيد اى واحد او واحده فى احلى منها او منه فكرى تانى حبيبتى فى الموضوع وصلى صلاة استخارة وربنا يقدملك اللى فيه الخير

 

معلش ام محمد انا ااديت رايا وان شاء الله يكون صح

 

 

حبيبتى ساجده للرحمن وحشتنى

[om_mohamed 0]

حبيبتى عاشقة الروح

انا اسفة والله مشفتش مشكلتك الا النهاردة سامحينى معلش

بصى يا حبيبتى مشكلتك سهلة جدا باذن الله بس عاوزة استفسر عن شئ؟؟ انتى قلتى

لكني أنا بصريح العبارة كرهت و مليت من المشاكل خاصة عندي عمتي و جدتي غير موافقين (و لحد الآن هم رافضين بس ماعندهم سبب غير أنه أحنا من عائلة واحدة

هل عمتك اللى رافضه هيه والدته؟؟؟ ولا عمتك الاخرى؟؟

 

نتكلم بقه عن حل مشكلتك انتى قلتى

للأسف عاد و قد مر 6أشهر على عودته و لعلمك أنا لم أحدثه في موضوع زواجنا و لم أستفسر حتى .......لأنني أخجل و لا أستطيع أن أفاتحه

انا مش قادرة افهم يا حبيبتى ايه وجه الخجل فى انك تفاتحيه فى موعد الزواج ؟؟ ولو انتى خجلتى ليه والدك ميفاتحوش مش المفروض انهم متفقين على معاد للزواج ولا سايبينها للظروف؟؟ لو انتى تتكسفى تفاتحيه خلى والدك يتكلم معاه ويحدد معاد الفرح كل الناس بتحدد معاد ومفيهاش مشاكل خالص

المهم لو رفض تحديد معاد يبقى هوه مش ناوى يتجوز وعاوز انسانة تساعده يوصل لهدفه فى الحياة وبس مينفعش يا حبيبتى لازم يحس ان ليكى شخصية وانك مسيطرة على امور حياتك وان الامور بش بايده لوحده ..انا عاوزاكى تنسى موضوع الكسوف ده خالص ..وتتكلمى بصراحة ووضوح وقوليله لو مش عاوز يحدد معاد يبقى كل واحد يروح لحاله وحسسيه انك مش مستنياه للابد ..ساعتها من رد فعله هتقدرى تحددى بالظبط هوه فعلا مشغول ولا مش عاوز يتجوز

 

وموضوع السفر يا حبيبتى ده تاجيل آخر وهوه ناوى يتزوج قبل السفر ام لا؟؟ لو ناوى يتزوج فارجوا منك التفكير فالبعد عن الاهل مش سبب انك ترفضى انسان كويس انا متزوجة فى محافظة اخرى غير اللى فيها والدتى واهلى واحيانا بفضل بالشهور مشوفهمش بس هية دى سنة الحياة فمش علشان الواحد مش هاين عليه اهله يضحى بزوج كويس

لو مش ناوى بقه يحدد وعاوز يسافر الاول يبقى الموضوع ممكن يطول سنة او اتنين ويبقى فعلا محتاج سكرتيرة بس مش زوجة

كلما رأيت أمي قادمة أو أختي أسكت و من ثم أعود للبكاء و الله غصب عني أنا مقنوطة

وليه يا حبيبتى متصارحيش والدتك هوه انتى ليكى غيرها؟؟ وبعدين هيه ممكن تتدخل بحكمة وتحل الموضوع بانها تكلم والدته فى تحديد المعاد او تكلم والدك يكلمه ليه تخبى عليهم

والبكاء هيعملك ايه؟؟؟؟ هيتعبك بس وبعدين لو اتعودتى هيفضل ده اسلوب حياتك كلها انك تبكى ومتحليش حاجة حبيبتى عاشقة لازم تكونى قوية الحياة مش ناعمة ولا وردى الحياة صعبة ولازم تعرفى تفكرى وتدبرى امورك وتحلى مشاكلك بالتفكير مش البكاء ..انا يا حبيبتى قابلتنى مشاكل تهد جبال بس الحمد لله قدرت احلها لان بابا ربنا يخليهولى علمنى انى اتصرف لوحدى واتحمل نتيجة تصرفاتى وانى لو غلطت اتعلم من غلطاتى فلازم يا حبيبتى تكونى قوية وتستعينى بالله وطالما انك بتتصرفى فى اشياء لا تغضب الله تاكدى انه هيكون جنبك ومعاكى دايما

 

أ،تظر إلى أن يأتيه القبول في الشركة و أفسخ خطوبتي لأنه إن سافر فلن أبقى لأنتظره و لن أسافر معه لأنني كنت صريحة معه منذ البداية و أخبرته أنني لا أحب هذه الطريقة في العيش فهل أفسخ الخطوبة أم ماذا أفعل ولا أحب أن أضغط عليه فكيف سيكون الحل و كما قلت لك لم أتحدث معة لحد الآن منذ أن سمعت بالخبر

مينفعش يا حبيبتى تنتظرى لحد ميسافر وتسيبيه ويعنى ايه يا حبيبتى مش عاوزة تضغطى عليه ..انتى طلبك عادى تحديد معاد للزواج امال اتختبطوا ليه؟؟؟

 

شوفى يا عاشقة انا عاوزاكى اول متقرى ردى ده تقومى تتوضى وتصلى وتمسحى دموعك دى وتتصلى بيه وتتكلمى معاه او تكلمى والدك او والدتك وتحكيلهم الموضوع وهما هيكلموه ..لو حدد يبقى يكتب الكتاب قبل السفر ..لو مرضيش يبقى كل واحد يروح لحاله وباذن الله ربنا يخلف عليكى بخير منه ان شاء الله

امسحى دموعك يا حبيبتى ومتخافيش انتى وراكى رجالة :biggrin:

انا طولت عليكى بس كان لازم اناقش موضوعك كويس علشان باذن الله ربنا يتمم بخير

[om_mohamed 0]

حبيبتى الفقيرة لله

اختي ام محمد فين اسئلة الخطوبة

ههههههههههههههههههههههههه

 

يارب انا خرجت لك منين يا ام محمد

ههههههههههههههههههه جيتليى من احلى جنينة ورد يا قمر بس فهمينى اسئلة الخطوبة يعنى ايه؟؟؟وبعدين انا قصدى تعرف البخل ده ايام الخطوبة وبعدين البخيل بيبان هوه مش هيجيب هدية وهوه جاى يتقدم تشوف الهدية نوعها ايه؟؟ يعنى مثلا لو جاب حاجة فخمة وغالية يبقى مش بخيل ولا حاجة لو جايب معاه كيس جوافه يبقى باى باى :biggrin:

 

حبيبتى ساجدة ربنا يخليكى ليا ودايما تساعدينى كده على طول يارب

 

 

حبيبتى الشهيدة الحية..اهلا بيكى بين اخواتك احنا مش مغربيات صحيح بس كلنا اخوات وهنبقى اخواتك باذن الله على طول

وموضوعك ده يا حبيبتى بسيط خالص ..كل البنات بتبقى خايفة من الزواج والمسئولية وده طبيعى جدا ودايما تاجل وتقول مش فاضية مخلصتش تجهيز انا كنت قبل الجواز عمالة اعيط واقول لماما مش هعرف امشى البيت ومش هعرف اعمل حاجة ومش عاوزة اسيبكم والكلام ده

بس بعد ما الواحدة تقول يارتنى اتجوزت من زمان فتوكلى على الله يا غالية وحددى المعاد علشان خطيبك ميحسش انك مبتحبيهوش ومش عاوزاه فيزعل ويشيلها فى نفسه ..فتوكلى على الله كده وصلى ركعتين لله يشيل الخوف من قلبك وباذن الله هنهنى ونبارك وابقى ابعتلينا الحاجة الحلوة بالطيارة بقه

 

حببيتى نور منورانى والله فينك مش باينة ليه يارب تكونى بخير والف شكر على ردك على اختنا الغالية وعاوزاكى دايما معانا

 

حبيبتى بنت عادية منورانى يا جميل وربنا ييسر امورك يارب ويرزقكم ويوسع فى رزقكم وتجهزوا بيتكم وتعيشوا احلى عيشة بصى يا حبيبتى انا هقولك على حاجة تعمليها وربنا يسهل باذن الله

اولا طالما زوجك مش ابن امه يبقى الموضوع سهل جدا جدا وبسيط باذن الله والحمد لله ان راجل ومش دلوعة

الحماة الغيورة دى مفتاحها سهل ..انك تحسسيها انها زى والدتك بالظبط وتدلعيها مفيش مانع ابدا انك تختاريلها اسم دلع حلو ومهذب تناديها بيه حتى لو قلتيلها يا ماما يا قمر او اى شئ ظريف كده

ثانيا قدامها متهزريش مع زوجك اوى ولو جابلك شئ هدية اساليه هيقول لمامته ولا لا؟ علشان مثلا ميقولش هوه وانتى متقوليش تبقى وحشة فى حقك ..ودايما حسسيها ان حاجتها احلى وزوقها اجمل..يعنى لو عملت اكل قوليلها احلى من اللى انا بعمله يا ماما بتعمليه ازاى ؟؟ ولو كل فترة مثلا اعزمى عليها تخرج معاكى انتى وزوجك مفيهاش مشاكل هتفرح جدا ..وكمان زوجك هيحس انك بتحبيها فهيحبك اكتر ..يعنى تحاولى تعامليها زى مامتك بالظبط واكتر كمان ودايما تشكرى فى تربيتها لابنها وان مش كل الستت بيعرفوا يربوا اولادهم زى هيه مربت زوجك واكسبى اخوات زوجك لو ليه اخوات وخليهم صاحباتك وجامليهم فى اعياد ميلادهم او مناسباتهم الحلوة هيبقوا فى صفك وهيحببوا مامتهم فيكى

وباذن الله هيه لما هتلاقيكى بتعامليها بحنية وحب وود هتحبك اكتر من بناتها كمان لان هيهمها انك تسعدى ابنها وربنا يوفقك ويسعدك يارب

 

 

حبيبتى ايمو مش باينة ليه يا بنوتة وعاملة ايه؟؟ رايك مية مية وتمام التمام وربنا يخليكى ويبارك فيكى

 

ويا اخواتى الحبيبات كلكم انا احبكم فى الله والله وباذن الله ربنا يسعدكم طول العمر

تم تعديل 20 نوفمبر, 2007 بواسطة om_mohamed

[ساجدة للرحمن 2050]

طيب يا جماعه

انا كنت داخله أكمل الرد

لقيت أم محمد قامت بالواجب و زياده

ربنا يبارك فيها

 

و منورين يا حبايبي كلكم

[عاشقة الروح 0]

السلام عليكم ................ :blush:

 

و الله و الله و الله مشكورة يا أختي أم أمحمد الله يخليلك محمد يارب كفاية ردك عليا و الإهتمام بمشكلتي :wub: :wub: :wub: :wub:

 

قبل ما أذهب و أطبق اللي قلتي لي عليه سأرد عليك : :wub:

 

هل عمتك اللى رافضه هيه والدته؟؟؟ ولا عمتك الاخرى؟؟

 

اللي رافضه عمتي أخرى ....ليست والدته الله لا يحرمني منها :wub: والحمد لله هي بتحبني وليس هناك أي مشاكل بيني و بينها و كل أخوته و حتى أبوه بيحبوني (الحمد لله )

 

لو انتى تتكسفى تفاتحيه خلى والدك يتكلم معاه ويحدد معاد الفرح كل الناس بتحدد معاد

 

المشكل ياحبيبتي أنه بيقول أنه ليس جاهز ماديا لكي يقيم العرس و لعلمك ياحبيبتي أنه الأعراس في بلادنا مكلفة و أنا في بعض الأحيان أقتنع لكن لا أظن أنه عليا التحمل أكثر من هذا ....................و لا واش رايك ؟

 

مينفعش يا حبيبتى تنتظرى لحد ميسافر وتسيبيه ويعنى ايه يا حبيبتى مش عاوزة تضغطى عليه

 

يعني لا أريد أن أخيره بيني و بين العمل أو أفرض عليه إقامة العرس و ربما هو يكون ...........و الله ماأدري ؟..............في بعض الأحيان ياحبيبتي أندم على قبول والديا

 

ليه و الله بحس بتعب من يوم خطبني و أنا في إرهاق نفسي و عندما يكلمني يصيبني الخرص كل الكلام الي أريد أن أقوله أنساه ........... :wacko: و على فكرة أنا

 

عمري 20سنة وهو عنده 32سنه بس عاجبني هذا الفارق في السن

 

امسحى دموعك يا حبيبتى ومتخافيش انتى وراكى رجالة icon_mrgreen.gif

 

لا يا حببتي أنا وراية ست الستات :icon17: و راية أم محمد :icon15: الله يخليك ليا يارب يا بختهم اللي عايشين معاكي

 

انا طولت عليكى بس كان لازم اناقش موضوعك كويس علشان باذن الله ربنا يتمم بخير

 

اااااااااااااه من كلامك الحلو و الله ما ينمل أنا فرحت لأنك رديتي عليا ...........يا شيخة لا طولتي و لا حاجة ياريتك تتكلمي معي دائما و الله أحبك في الله يا أم امحمد

 

.......أنا سأذهب و أطبق ماقلتي لي و سأحاول أتكلم معاه لكن ليس الآن بعد أن يخرج من عمله :ninja: حتى لا يرد فيا حرة العمل :icon_eek:

 

المهم جزاك الله خيرا و سأرد عليك لما أكلمه.........إنشاء الله :blush:

[شيماء اسكندرية 0]

جزاك الله كل خير يا ]اختىom_mohamed]

اشكرك جدا كمان لانك الوحيدة اللى اخذتى بالك من مشكلتى انا عن نفسى بقولك انا حاسة انة مش بيعرف يصرف امورة لانة كل شوية يقولى بابا بيعمل وانا مش بعرف اعمل حاجة غير لما اخد رايك كذا حد وحاجات كدة هو انسان كويس بس انا خايفة انى المشكلة دى تخلينى شيلة الهم بعد الجواز والواحد نفسة يرتاح وضحلى اكتر نوع الأسئلة او الموضوع اللى ممكن اعرف منة انوعة مش بيعرف يصرف امورة فعلا

[برعمة الاٍيمان 0]

السلام عليكم و رحمة الله و بركاته

 

اختي ام محمد ..

 

كيف حالك ... و شو اخبارك ان شاء الله تمام ...

 

ما شاء الله عليك على موضوعك الخاص بالمتزوجات الجدد ... و المناقشة الموجودة بهذا الموضوع ..

 

صدقا مركز استشارات رائع :)

 

 

انا مخطوبة من عدة اشهر ,,, و خطيبي من الاقارب .. و مكتوب كتابي ... يعني انا زوجته شرعا ..

 

فقط بانتظار مراسم العرس ..

 

احيانا يا ام محمد ... الاحظ عليه صفات ما تعجبني نهائيا و بخاف انها تأثر على حياتي معه مستقبلا

 

و مشكلتي لما اشوف اشي ما بيعجبني ببين على نبرة صوتي و على شكلي و و جهي ما بقدر اخفي تعابير وجهي او ردة فعلي

 

بس النتيجة اني بضل ساكتة .. طبعا هو بيحكي مالك و ليش زعلانة و من هذا الحكي بس انا بأكد اله انه ما في اشي

 

المشكلة اني ما بعرف الطرق اللي اضمن انه ممكن يعدل من صفاته

 

مع العلم انه حنون جدا ... و طيب

 

بس ما بحس منه اني الاهم في حياته

 

و الله مش عارفة كيف اوضح لك الصورة ...

 

مثلا خطيبي قليلا ما بيهدي لي هدية ... انا ما بحكي عن الهدية كمادة ... لا انا بقصد المقصد المعنوي منها

احيانا بحكي احتمال وضعه المادي هذا الشهر ما بيسمح له ...

 

بس لا .. انا بلاحظ من حكيه انه بفضل خواته علي و اكثر من موقف بيثبت لي هاي الشغلة

 

انا كثير محتارة و مش حابة احكي لحدا من اهلي هذا الشعور ( مع العلم انهم ملاحظينه) بس ما بدي تطلع مني انا

 

الكلمة مش قادرة احكيها

 

خصوصا اني انا موظفة ... و راتبي عالي و لله الحمد

 

تعبانة كثير ... خايفة انه السبب الرئيسي لاختياره الي هو وظيفتي ...

 

مع العلم انه وعدني بمجرد زواجنا راح يخليني اترك الشغل ... بس حكيه الان تغير .. بحجة مساعدة بعضنا بعض

 

امور كثيرة بحس انه بتكشف شخصيته و ما بتكون تعجبني ابدا مش عارفة كيف اتصرف

 

اصارحه بكلام جرئ .. و ممكن يكون صعب علي

او انتظر بعد الزواج ... و من هون لهذاك الوقت بيكون انتهيت :(

 

ما بعرف

 

سامحيني اذا سببت لك صداع ... بس صدقا مش عارفة شو اعمل

 

 

اختك

[عاشقة الروح 0]

السلام عليك ياأختي .........برعمة الإيمان ....

 

أنا لن أرد على مشكلتك ليس لأني ما أهتم ....لأنه أنا أصلا في مشكلة و لأنك لن تسمعي أحسن النصائح إلا من أم امحمد ......... :wub:

 

وينك يا أم محمد و الله إشتقتلك :wub:

 

أدري راح تقولين عني ثقيلت الدم و ماراح تفتكريني :mrgreen: :mrgreen: :mrgreen: :mrgreen: :mrgreen:

 

المهم أردت أن أعلمك أني تشجعت :biggrin: و رحت فاتحت أمي في الموضوع 8-) و قالتلي مايصير غير خاطرك حتى أنا و من غير ماتقوليلي كنت رايحة أفاتحهم

 

في الموضوع لما يزورونا المرة القادمة إنشاء الله :lol: ...........لكني ماقدرت أكلم خطيبي :sad: لكني راح أحاول في هذي الأيام الجاية إنشاء الله..أوعدك :blush:

 

المهم لا تطولين علينا ..............و إنشاء الله تكونين بخير و عافية ..............و جزاك الله بخير و جعل هذي النصائح في ميزان حسناتك و الله يسترك و يباركلك في

 

زوجك و أولادك أمين يارب ............و ياريتك تقوليلي الوقت الي تدخلين فيه.........كم من مرة و تكونين إنت خرجتي ............ :cry:

[جارة الوادي 0]

السلام عليكم ورحمة الله وبركاته،،

 

ماشاء الله عليك ياأم محمد ...ربنا يعينك على مشاكل الحلوات دول ويبارك لك في زوجك وأطفالك...

 

والله أنا استفدت منك كثير ..وأنا متابعاك دايما ...ربنا يبارك فيك..

[om_mohamed 0]

حبيبتى ساجدة

ربنا يخليكى يارب ليا ودايما تساعدينى يا حبيبتى ولو تحبى تضيفى اى شئ ياريت احب دايما استفيد من آراء الاخرين وربنا يسعدك

 

حبيبتى شيماء

بصى انا هقولك على حاجات تعمليها بالتفصيل وباذن الله خير ..شوفى يا ستى اتصلى بيه واساليه هنختار سيراميك الشقة منين ولونه ايه ؟ ايه الالوان اللى هننقيها. هنجيب الاجهزة نوعها ايه ومنين؟ يعنى بالتفصيل كل شئ هتعملوه فى البيت يا اما تكلميه فى التليفون والافضل انك تكلميه وجها لوجه لما ييجى يزروكم وتشوفى هوه حاطط ايه فى دماغه ..يعنى مثلا زوجى كان مخطط ديكورات الشقة فى دماغه وهوه اللى عامل تصميمها من زوقه هوه بقى يلف على المحلات ويتفرج ويشوف الموديلات ويقولى عليها بالتليفون لانه كان فى محافظة الاسكندرية وانا فى القاهرة ..وبعد ميتفرج ويحدد المحلات كنت بسافر انا ووالدى نشوف الحاجات دى تعجبنى ولا لا؟ ولو مثلا حاجة معجبتنيش بنغيرها

المهم انه كان متولى مسئولية الشقة بالكامل واحيانا اخواته كان بيساعدوه بس فى ايه؟ فى الوقوف مع الصنايعية مثلا؟ انهم يشتروله حاجة بس هوه كان المخطط الرئيسى

فانتى تشوفى هوه حاطط ايه فى دماغه. كلميه عن الستاير ولونها؟ عن الانتريه عاوزه موديل ايه ومنين؟ اعرفى بالظبط هوه ناوى على ايه؟ واذا لقيتيه بيقولك استنى اخد راى بابا قوليله دى شقتنا ولازم تكون على زوقنا ؟ وشوفى هيحتاس ولا هيعرف ينظم اموره ؟ ابدئى بالاسئلة دى وبلغينى وباذن الله خير

 

حبيبتى برعمة الايمان انتى قلتى

مشكلتي لما اشوف اشي ما بيعجبني ببين على نبرة صوتي و على شكلي و و جهي ما بقدر اخفي تعابير وجهي او ردة فعلي

بس النتيجة اني بضل ساكتة .. طبعا هو بيحكي مالك و ليش زعلانة و من هذا الحكي بس انا بأكد اله انه ما في اشي

ده اكبر غلط ممكن الست تقع فيه.انها تحسس زوجها انه دايما كل شئ تمام وعلى ما يرام بالرغم ان فيه شئ مضايقها ..ده هيخليه يتعود على كده وميسالهاش تانى مالها وهيطنش بعد كده اى مشاعر تحس بيها الست لانه كل ميسالك تقولى مفيش

طب ليه يا حبيبتى متصارحيهوش باللى مضايقك بهدوء كده تقوليله مثلا انا تضايقت منك لما عملت كذا وكذا ..عملت كده ليه.. يقوم يشرحلك ايه اسباب التصرف ده ..ممكن يكون مش قصده يضايقك او انه اتصرف ومش عارف ان التصرف ده بيضايقك فلما تكلميه بهدوء هيغير التصرفات اللى بتضايقك وتصفى نفسك اول باول علشان تكونى مرتاحة فى تعاملك معاه ..والا هتكون حياتك بعد كده كلها كتمان وهوه هيتعود على كده ويوم متشتكى هيتضايق منك وهيقولك من امتى بتشتكى ..صح ولا غلط؟؟؟

 

مثلا خطيبي قليلا ما بيهدي لي هدية ... انا ما بحكي عن الهدية كمادة ... لا انا بقصد المقصد المعنوي منها

احيانا بحكي احتمال وضعه المادي هذا الشهر ما بيسمح له ...

 

بس لا .. انا بلاحظ من حكيه انه بفضل خواته علي و اكثر من موقف بيثبت لي هاي الشغلة

دى على فكرة نفس مشكلتى مع زوجى اول الزواج طبعا ايام الخطوبة انا كنت فى بلد وهوه فى بلد فمحستش الا لما اتجوزته مثلا فى عيد ميلادى ميجبش هدية ويقول نسيت او هبقى اجيبلك لكن فى عيد ميلاد اخته لازم الهدية تكون موجودة فى يومها طبعا

فى الاول كنت بسكت وبعدين واجهته قلتله انا معنديش اعتراض ابدا انك تجيب لاختك حاجة بس انا كده نمرة 2 فى حياتك اخواتك وهلك هما رقم 1 انا كل اللى بطلبه انك تساوينى بيهم ..بصراحة هوه فهمنى قالى انا معاكى انتى مراتى وبتعامل على انه مفيش تكليف لكن هما مضطر لانى اخوهم الكبير وهما متعودين فمش عاوزهم يحسوا انك السبب لما اتجوزتك قصرت معاهم ..ومن ساعتها مبقاش ينسى يجيب الهدية الحمد لله

 

فانتى برضه صارحيه يا حبيبتى ده زوجك ومينفعش تخبى فى قلبك وتشيلى منه وتسكتى لو مصارحتيهوش هوه هتصارحى مين؟؟

وخلى بالك بينى وبينك مهما حصل فاهله هما رقم واحد طبعا ولازم الست تعرف كده والست العاقلة متقولوش ياانا يا اهلك ..هيختار اهله طبعا ..بالعكس انتى اللى تفكريه بمناسباتهم وتساليه جابلهم هدايا ولا لا؟؟ ولو مكسل تشجعيه ..هيقدرك اكتر واهله كمان هيحسوا انك بتحبيهم وهياخدوا صفك وهما بعد كده اللى هيفكروه بهديتك

 

مع العلم انه وعدني بمجرد زواجنا راح يخليني اترك الشغل ... بس حكيه الان تغير .. بحجة مساعدة بعضنا بعض

بصى يا حبيبتى انتى عاوزة تشتغلى ولا لا؟ لو عاوزة تشتغلى بعد الزواج - وده انا مرحبش بيه بصراحة - بس لو انتى عاوزة كده يبقى مفيش مشاكل الحياة تعاون ويمكن هوه حاسس ان الحمل تقيل شوية وعاوزك تساعديه فى الاول وده مش عيب ان الست تقف جنب زوجها

بس لو انتى معندكيش رغبة فى الشغل او مش حاسة انك هتقدرى توفقى بين شغلك وبيتك يبقى تصارحيه من دلوقت وتقوليله انك هتسيبى الشغل بعد الزواج وتفكريه انه طلب منك ده فى الاول ..وهوه لما هيلاقيكى مصممة مش هيقدر يقولك اشتغلى لان شكله هيبقى وحش اوى ساعتها

 

المهم يا حبيبتى ان مشكلتك تتحل بشئ بسيط المواجهة الهادئة مع زوجك وباذن الله تعالى كل شئ هيتحل

وانا تحت امرك واوعى تقولى صدعتك تانى ده احنا كلنا اخوات

 

حبيبتى عشوقة

 

أدري راح تقولين عني ثقيلت الدم و ماراح تفتكريني

اخص عليكى اوعى تقولى كده ده انا والله بحبكم كلكم فى الله ومبحسش انى مبسوطة الا لما بدخل واتكلم معاكم الشويتين دول وربنا يديم المعروف بينا يارب

المهم أردت أن أعلمك أني تشجعت و رحت فاتحت أمي في الموضوع و قالتلي مايصير غير خاطرك حتى أنا و من غير ماتقوليلي كنت رايحة أفاتحهم في الموضوع لما يزورونا المرة القادمة إنشاء الله

برافووو عليكى شوفتى ازاى مامتك قلبها عليكى وحاسة بيكى ..كده احسن بقه ولا العياط وبس

كده تمام علشان يحس ان اهلك مش سايبين الموضوع غهوه كمان يطنش ويريح وانتى بقه استنى لما والدتك تكلمه الاول وشوفى ايه رد فعله وبعدين كلميه ..وباذن الله كله خير

 

انا يا حبيبتى موجودة كل يوم بس الوقت ده مضمنوش بس دايما بالليل ببقى قاعدة على الكمبيوتر ..وانا تحت امرك يا حبيبتى

 

حبيبتى جارة الوادى

ماشاء الله عليك ياأم محمد ...ربنا يعينك على مشاكل الحلوات دول ويبارك لك في زوجك وأطفالك...

 

والله أنا استفدت منك كثير ..وأنا متابعاك دايما ...ربنا يبارك فيك..

ويبارك فيكى يا حبيبتى وفى عمرك وبيتك يارب العالمين

 

وانا تحت امركم يا حبيباتى والله المستعان

[om_mohamed 0]

يا حبيباتى ارجوكن الدعاء لاختنا نادية الاسلام فهمى ستجرى عملية جراحية غدا

فاسالوا الله لها الشفاء يارب العالمين يشفيها ويقومها بالسلامة

[emy20007 0]

أزيك حبيبتى ام محمد وحشانى اوى ومحمد ومريم عاملين ايه ؟ ربنا يخليهمالك حبيبتى

 

والف سلامه ناديه وان شاء الله ترجعلنا بالف سلامه ربنا يشفيكى يارب وتكونى ديما بصحه وسعادة

[om_mohamed 0]

الف شكر يا ايمى يا حبيبتى وجزاكى الله خيرا..بس فينك واخبارك ايه ؟؟

[ساجدة للرحمن 2050]

أنا جيت قولت أسلم عليكم على السريع

أحسن مشغوله كتير الأيام دي

و بنوتي الصغنونه تعبانه شويه

وحشتوني بجد قوي

 

مع السلامه

[emy20007 0]

الف شكر يا ايمى يا حبيبتى وجزاكى الله خيرا..بس فينك واخبارك ايه ؟؟

 

الحمدلله بخير موجوده وديما فى موضوعك الجميل ده اللى كلنا استفادنا منه وربنا يخليكى لينا ام محمد

 

ساجده للرحمن

 

الف سلامه على بنوتك وان شاء الله تكون بخير وانتى كمان وحشتنى ومطوليش غيابك علينا

تم تعديل 21 نوفمبر, 2007 بواسطة emy20007

[طويلبة علم اللفات 0]

السلام عليكم ورحمة الله وبركاته

 

حياكن الباري اخواتي الكريمات

 

 

حبيبتي ام محمد جزيتي الجنة على ردك وربنا ييسر لكي الامور و يجعلها في ميزان حسناتك يا رب

 

تفسير طويلبة علم اللفات = طويبلة هو تصغير لكلمة طالبة علم هو العلم اللفات هو لقب زوجي عشان كل ما اجي اشارك في منتدى ما يقبلوا اسم طويلبة علم فقط فاضيف اللفات هههههههههه :wub: :wub: هههه ان شاء الله وضحت الامور :oops:

 

انا دميا على اتصال معاكم و متابعة باذن الله

 

اللهم اشفي اختنا الكريمة * نادية الاسلام* يا رب

 

وجزيتي الجنة اختنا ساجدة للرحمن على الرد و نسال الله ان يشفي ابنتك الصغنونة و قبلاتي لها من تونس

 

اللهم اشف جميع المسلمين فانت القادر على كل شيء يا سميع يا عليم يا مجيب الدعوات يا رب العالمين

اللهم امين

اللهم ارزق اخواتي في الله ازواجا صالحة و ارزق جميع اخواتي المتزوجات ذرية صالحة اللهم امين يا رب و اجعلهن م ن الداعيات الصالحات

 

و اجعل هذا الجمع مباركا و ان لم نلتقي في الدنيا فاجعل ملتقانا الجنة اللهم امين

ثبتكن الله على طاعته يا رب و جعلكن من اهل الجنة اللهم امين يا رب

[أم فرح و حسين 0]

السلام عليكم و رحمة الله و بركاته

 

حبيبتي أم محمد و الله واحشاني جدا جدا و أنا موجودة بس ساعات النت بيفصل و كمان زوجي يحتل الجهاز :wub:

 

غاليتي ساجدة ألف ألف سلامة على البنوتة الصغنونة و ان شاء الله خير

 

اللهم اشفي حبيبتنا نادية الاسلام شفاء لا يغادر سقما

 

اللهم خذ بيدها و احفظها و عافيها يا الله

 

اللهم آميييييييييين

 

أحبكن في الله :wub:

 

حبيبتي طويلبة, أهلا و سهلا ببنت بلادي , نورت المنتدى يا غالية :wub:

[om_mohamed 0]

حبيبتى ساجدة الف سلامة على البنوتة وخلى بالك منها اليومين دول برد انا مريم برضه جالها برد بس الحمد لله بقت كويسة دلوقت ..عليكى وعلى اليانسون والكراوية والبيبى درنك لنزلات البرد والف سلامة

 

حبيبتى ايمى يارب دايما بخير وسعادة

 

حبيبتى طويلبة ..جزاكى الله خيرا على الشرح اصلى افتكرت ان فيه علم اسمه علم اللفات ههههههههههههه معلش بقه

 

حبيبتى نور

حبيبتي أم محمد و الله واحشاني جدا جدا و أنا موجودة بس ساعات النت بيفصل و كمان زوجي يحتل الجهاز

نفس حالتى بالظبط ههههههههههههههههههههههه

وانتى واحشانى اكتر والله وربنا يديم المعروف بينا يارب

 

ويخليكم ليا يا اخواتى

ودعواتكن لنادية ربنا يقومها بالسلامة يارب

[ساجدة للرحمن 2050]

تسلمولي يا حبايب قلبي

ربنا يخليكم لي

على فكره يا أم محمد أنا هازورك في بيتك النهاره

أنا عارفه هي متأخره قوي

اعذريني