هل إعتذار الرجل إلى إمرأته يقلل من رجولته

[ساجدة للرحمن 2050]

بسم الله الرحمن الرحيم

 

سؤالي واضح يا أخوات

لو زوجك زعلك و جاء ليعتذر منك فهل تقل هيبته و رجولته في نظرك ؟؟؟؟؟ :-

جاوبي بصراحه

[~ أم العبادلة ~ 1903]

بسم الله الرحمن الرحيم

 

السلام عليكم ورحمة الله وبركاته،،،

 

لا

 

والسلام عليكم ورحمة الله وبركاته

[lemonada 0]

السلام عليكم ورحمة الله وبركاته

 

 

يا دي المواضيع اللي تقهر بقى وترفع الضغط

 

لا مش هايقلل من هيبته أبدا مع الزوجه الصالحة

لكن فيه زوجات بتستغل المواقف وتزل اللي جابوه بأنه جه واعتذر لها

 

أنا أعرف واحده بتقفل الموبايل علشان هي وجوزها متخانقين في البيت وعارفه إنه هايتصل علشان يصالحها فتقفل علشان تتقل عليه وبعدين لما تفتح وترد ترد بقرف

 

ولما قلت لها حرام كده الراجل طيب وابن حلال وكده يزعل منك

 

قالت لا أنا عارفاه هايصالحني برضه ويبوس ايدي كمان علشان أصالحه

 

ستات لها العجب

 

هذا نادرا

 

أما الأغلبيه فهي أن الرجل مش بيعتذر لما يزعل مراته علشان ما يحطش نفسه في ورطه مع مراته

 

اللي بيعمله إنه بيرجع من بره كأن شيئاً لم يحدث ويكفي على الخبر ماجور وما يجيبش سيرة الموضوع سبب الزعل

 

أه فين هو ده اللي بيعتذر ده الأيام دي

 

الرجاله عينها فتحت ورجعت زي سي السيد وأسخم

 

lemonada

[الهام كنجو 0]

لا ابدا بل على العكس تماما يزداد رجولة ومكانة في قلبي

مع ان ما قالته الاخت ليمونادا صحيح تماما

[جدولين 0]

السلام عليكم ورحمه الله وبركاته..

ومراااااااااااااااحب :biggrin:

وجزاكي الله خيراااا على الموضوع ......

الامر عاااااادي جدااا اذا كان هو الغلطان فيجب عليه ان يعتذر من زوجته وهذا لا يقلل من رجولته ابدااااا..... :wink:

بل احترامه ومحبيته تزيد بالنسبه لي ...لانه اعترف بخطئه ...والمفروض على الزوجه ان تتقبل اعتذاره ....ولا تدلع :laugh: :...

واذا كان زوجها من النوع الي يطنش :sad: ولا كانه كان في زعل هي ايضا طنش وما في حل الا هذا الحل.... :laugh:

اما ان تغلق الموبايل ولا ترد فهذا اكبرغلط ...لانه بالاخيرلن يراضيها مع مرور الايام....وليمونادا ,,,انصحي زميلتك احسن... :oops:

ودمتم لمن تحبون :wub: :wub:

[ساجدة للرحمن 2050]

أمة الرحمن لأ كده على طول مافيش كلمتين حلوين عن الراجل اللى جه يعتذر هههههه منوره الموضوع

ليمونادا و الله عندك حق بس فيه رجاله طيبين و لسه بيعتذروا و أنا من رأيي إن الراجل اللى بيعتذر عن الخطأ هو راجل شجاع و منصف .......مشكوره على المرور

إلهام فعلا أنا رأيي كده برده و جزاك الله خيرا على الرد

جدولين

اما ان تغلق الموبايل ولا ترد فهذا اكبرغلط

بصراحه في ستات بيتقلوا بزياده لحد ما تيجي فوق دماغهم في الآخر و مشكوره حبيبتي على المرور

[~ أم العبادلة ~ 1903]

أمة الرحمن لأ كده على طول مافيش كلمتين حلوين عن الراجل اللى جه يعتذر هههههه منوره الموضوع

ههههههههههه

خير الكلام ما قل ودل والاخوات قالوا ما يكفي

 

الرجل يعتذر رجل عظيم بس للاسف ده بيخلي الواحدة تتكبر سواء بقصد او من غير قصد

 

ساعات الواحدة تكون شايفه نفسها صح وتفضل واخده موقف علشان الزوج يعتذر مع انها في الاصل هي اللي غلطانة بس متعرفش

 

بالاضافة لده سواء كانت هي غلطانه او هو فالافضل انها تبادر وتصالحه لانه لو انسان كويس فهي هتكبر في نظره لانه ساعدته انه يحتفظ بهيبته قدامها وتجاهلت خطأه

 

وسواء كان كويس او وحش فهي هتاخذ الثواب من ربنا باذن الله

[omjana 6]

صراحة ليمونادة عندك حق اعتذاره تاج تفخر به أمراته لكن اين من يعتذر اليوم ؟

[~ أم العبادلة ~ 1903]

صراحة ليمونادة عندك حق اعتذاره تاج تفخر به أمراته لكن اين من يعتذر اليوم ؟

يوجد من يعتذر اليوم واعرفهم معرفة شخصية ولا استطيع ان اقول غير بارك الله فيهم وحفظهم وزوجاتهم من كل سوء وفتنة

[ساجدة للرحمن 2050]

يوجد من يعتذر اليوم واعرفهم معرفة شخصية ولا استطيع ان اقول غير بارك الله فيهم وحفظهم وزوجاتهم من كل سوء وفتنة

أنا معاك فعلا فيه رجاله بيعتذروا

و حتى لو لم يعتذر بالكلام فيه رجاله بالفعل يعني ممكن يشتريلها هديه أو يهزر معاها أو يقولها كلمه حلوه......يعني أي حاجه و مش لازم الست بقى تصمم على أعتذار رسمي يعني انا آسف و ما دام عمل كده يعني مش عايز مشاكل

وزي ما أمة الرحمن قالت لو الست هي اللي صالحته (سواءكان غلطان أو لأ ) فهي إن شاء الله ليها الأجر

حبيبتي زاد منوره الموضوع و عرفينا هنفرح بيكي إمتى

[دمعة خشـوع 0]

شكرا ساجده ودايما زي ماعودتينا مواضيعك متميزه :icon17: وبتجبر الواحد انه يرد عليها :wink: ماشاء الله خايفه لأحسدك

 

اما بالنسبالي الاعتذار مش هيقلل من رجولته فنظري ابدااااااا بل العكس ده هيكبر فنظري جدااا وطبعا هتصالح بسرعه عشان مش يحرم يعملها

 

وكمان عشان مش تيجي علي دماغي ونتخانق تاااني ... وجهة نظر سليمه مش كده :tongue:

[جارة الوادي 0]

السلام عليكم ورحمة الله وبركاته،،

جزاك الله أختى على هذا الموضوع............

الإعتذار دائما جميل ..ولا ينقص من شخصية الرجل بل بالعكس يزيده رجولة في نظري ..وكما قال الأخت ممكن الإعتذار يكون بكلمة ولا بلمسة والا ببسمة ...المهم إنه يكون....

ولكن إيه رأيكم في اللي بياخذها عادة ...دايما مزعل مراته ..ودايما مصالحها ..؟

وحاجة ثانية ...هل في رأيكم كل أسباب الخلاف ممكن تنتهي بالإعتذار...؟؟يعني فيه مرات بيكون الإعتذار مش هو الحل.....

[ساجدة للرحمن 2050]

وطبعا هتصالح بسرعه عشان مش يحرم يعملها

ههههههههه

هو ده كل اللي همك

ماشي يا ستي هي فعلا وجهة نظر سليمة 100%

و جزاك الله خيرا يا حبيبتي على كلامك الجميييييل

[ساجدة للرحمن 2050]

حبيبتي جارة الوادي

و عليكم السلام و رحمة الله و بركاته

ولكن إيه رأيكم في اللي بياخذها عادة ...دايما مزعل مراته ..ودايما مصالحها ..؟

بصراحه دي حاجه تغيظ و انا رأيي لو الراجل بالطريقه دي ممكن الست في الحاله دي لا تتقبل الأعتذار بسرعه يعني تتدلع عليه شويه و لما تتصالح تعرفه إن مش كل مره هينفع الأعتذار

وحاجة ثانية ...هل في رأيكم كل أسباب الخلاف ممكن تنتهي بالإعتذار...؟؟يعني فيه مرات بيكون الإعتذار مش هو الحل.

أكيد حبيبتي ليس كل أسباب الخلاف تنتهي بالإعتذار

فعلا الإعتذار في الحاجات الكبيره مايكونش هو الحل و دي بترجع للزوجه نفسها في تقييم الأمور لإنها أدرى بزوجها من أي واحده ( بصراحه الكلام في الموضوع ده عايز صفحه لواحده )

و جزاك الله خيرا على المرور

تم تعديل 11 نوفمبر, 2007 بواسطة ساجده للرحمن

[راية العقاب 0]

ساجده الحلوه لا اعلم كم عام وانت متزوجه :cry: ولكن هل صيغة الاعتذار هي المهم عندك ام الطريقه :grin:

ولما اجعله يعتذر فاننا ميفقان في 9,99 فلا يمكن له ان يزعلني ولكن ان حصل لا انتظر اعتذار وابحث في نفسي لما احوجته للغلط راح تؤلو اني بكتب هيك عشان اورجي حالي خطأ فسنوات الزواج الطويله تعلو اشياء كثيره ومش كل مشكله بدها وقفه :smile:

معي ولا لاءه تعالو هون الي بتحب زوجها وبدها تعمر معه تطنش تنتعش

:tongue:

[ام حفص 6]

السلام عليكم ورحمة الله وبركاته،،

سؤال جميل أختى

بس الاجابة تختلف باختلاف المرأة وطباعها

بس فعلا انا لو اعتذر لى ياربى بحس انى انا الى غلطانة فى حقه حتى لو هو الى غلطان وأقول فى نفسى ياريتنى انا الى بادرت وصالحته

واحنا متفقين أصلا انى مايعديش يوم حصل خلاف بينا الا وحد يتنازل ويصالح التانى

يعنى منقعدش اكتر من يوم زعلانين ودى فكرة جميلة قوى اخواتى فعلا بيزيد الحب بينكم

أسأل الله ان يصلحنا لأزواجنا ويصلح أزواجنا لنا

اللهم أمين

[ساجدة للرحمن 2050]

ساجده الحلوه لا اعلم كم عام وانت متزوجه ولكن هل صيغة الاعتذار هي المهم عندك ام الطريقه

الحبيبه راية العقاب أكيد المهم بالنسبه لي طبعا طريقة الإعتذار هي المهمه و هي ليست أنا آسف لأنه ممكن يقولها ولكن لا يعنيها بس هي بتكون كلمه حلوه أو ممكن ييجي يقولي ماتزعليش وأو سعات بيقلب الموضوع هزار و بصراحه أنا بعديه على طول لإني من طبيعتي ما بحبش المشاكل

هيك عشان اورجي حالي خطأ فسنوات الزواج الطويله تعلو اشياء كثيره ومش كل مشكله بدها وقفه

طبعا عندك حق أنا فعلا دلوقتي بعدى كل حاجه و كتير أنا إللي بصالحه حتى لو كان هو اللي غلط

و طبعا سنوات الزواج بتفرق أنا كنت الأول كل غلط أقف عنده ...دلوقتي كل حاجه بتعدي ...هو مره و أنا مره

و على فكره أنا بقالي 11 متزوجه ( بس أوعوا تفتكروا أن أنا عجوزه ) ههههه

و نورتي حبيبتي راية العقاب

[ساجدة للرحمن 2050]

الحبيبه أم حفص : و عليكم السلام و رحمة الله و بركاته

و جزاك الله خيرا

بس الاجابة تختلف باختلاف المرأة وطباعها

و أيضا تختلف بإختلاف الرجل و طباعه

مش كل واحد زي التاني

بس فعلا انا لو اعتذر لى ياربى بحس انى انا الى غلطانة فى حقه حتى لو هو الى غلطان وأقول فى نفسى ياريتنى انا الى بادرت وصالحته

يا رب يبارك فيك

واحنا متفقين أصلا انى مايعديش يوم حصل خلاف بينا الا وحد يتنازل ويصالح التانى

يعنى منقعدش اكتر من يوم زعلانين ودى فكرة جميلة قوى اخواتى فعلا بيزيد الحب بينكم

بصراحه هي دي أحسن حاجه

أنا كده برده و كمان متفقين إنه ماينزلش من البيت و هو زعلان أبدا لانها فعلا بتزيد الحب بين الأزواج

و ربنا يديم حب أزواجنا لنا يا رب

و جزاك الله خيرا على المرور و نورتي الصفحه

[lemonada 0]

السلام عليكم ورحمة الله وبركاته

 

ايه الكلام الجميل ده

 

ربنا يكملكم بالعقل والإيمان والحب وطاعة الله

 

لما يكون فيه حب كل المشاكل تعدي وما تاخدش أكثر من وقفة بسيطه

 

ولا توجد معيشه لا تخلوا من المشكلات والزعل البسيط

 

ولكن زعل هو عتاب بأن كيف يهون على الحبيب أن يغضب حبيبه

 

وبيكون بعدها الصلح بداية لزياده جديده في رصيد الحب بين الحبيبين

 

LEMONADA

[الزهراوين 0]

سلام الله عليكم اخواتيي لي فترة طويله لم وشارك بها ولاكن احببت الرد على هذا الموضوع كنت اسمع من امي ومن حولي ان الرجل اصعب شيئ عليه العتذار ولاكن عندما تزوجت علمت انا هذا غلط يمكن ان يكون صعب ولاكن ليس مستحيل :wub: :wub:

[ساجدة للرحمن 2050]

منوره يا ليمونادا و أكيد لو الحب موجود كل حاجه بتعدي و السفينه بتمشى

الحبيبه الزهراوين ماشي يا ستي بس برده مامتك عندها حق

الأعتذار تقييييييل قوى على الراجل

وجزاك الله خيرا