فترة كتب الكتاب (الملكه) !!!

[التائبه_الى_الله 0]

السلام عليكم ورحمة الله وبركاته،،

عايزه نتكلم مع بعض فى حاجه, فى موضوع الملكه عشان الفتره دى بتكون البنت مشوشه لسه مش زوجه بالمفهوم الكامل ولا خطيبه خلاص, البنات الفتره دى مش بتعرف ايه حدودها مع اللى اسما زوجها بس لسه مش عايشين مع بعض وهى عند اهلها وهو عند اهله وبصراحه حتى انا ذات نفسى معرفش اى حاجه عن الموضوع ده خالص :P , فا حبيت نتكلم عنه من جميييييييييييع الجوانب:

 

-اعتقد انها فتره رومانسيه خالصه قبل الجواز :P والخلفه بقى والمسؤوليات اللى مش بتخلص وانا شايفه ان اهم نقطتين فى الفتره دى عدم الضغط على الطرف الاخر,,,,كل شيئ ليه وقت ومافيش داعى للاستعجال.. مش كده؟؟؟؟؟؟؟؟؟

 

-وشايفه برده انها كل ما تقصر مدتها يكون احسن يعنى من 3 شهور الى 6 شهور بالكتير, صح ولا لأ ؟؟؟؟ :icon15: عايزه اعرف ارائكم يا احبابى

 

-ودى احسن فتره يقدر فيها العرسان يوضبوا فيها شقتهم ويختاروا المكان اللى هيعملوا فيه الفرح مع بعض وهما متجوزيييييييين

 

-فرصه لتتعرفى على شريك حياتك عن قرب:: :P

 

راحت علينا!

ندى متزوجة من خمس سنوات تتحدث إلينا وتقول: راحت علينا ولا أخفيك أيام ملكتي كنت أشغل نفسي بإنجاز أشغالي الفساتين، الملابس، متطلباتي الشخصية هربا من التفكير في يوم الزواج كان يتملكني الرعب كيف سأعيش مع إنسان لا اعرفه من قبل وأنا الآن أنصح كل فتاة أن تعطي نفسها فرصة لتتعرف على زوجها خلال الملكة.

 

متى نرجع؟ :P

 

منار متزوجة منذ عام تقريبا: كنت عنيدة الرأس وأرفض أن أكلم زوجي بالهاتف أو أقابله في منزلنا وخلال شهر العسل شعرت بالغربة معه كنت أقول له باستمرار متي نرجع اشتقت لأهلي وعرفت عندها أنني لو تعرفت عليه وعلى طباعه من قبل لم افسد أحلى أيامي بسؤال متى نرجع؟

 

جهاز ضغط

 

أريج: لازال متملكة في بادئ الأمر لم أستطع أن أرد عليه هاتفيا ولكن أخواتي الأكبر مني كنا ينبهنني لأهمية أن أتعرف عليه قبل يوم الزواج وطبعا تحت ضغوط الأخوات كنت أرد بعصبية وفي يوم من الأيام حضر إلينا وهو يحمل هدية لي و عندما فتحتها وجدتها جهاز لقياس الضغط وقد كتب عليه (إذا دقيت قيسي ضغطك إذا كان مرتفع لا تردين).. طبعا من بابا المزح وبعدها فكرت أيام الملكة هي أفضل الأيام التي أتعرف فيها على زوجي.

 

مخاوف

 

( م): أنا تلازمني مخاوف من كيفية أن أعيش مع ناس لم أعرفهم من قبل أو أتعرف على طباعهم زوجي حنون ومتفاهم وكل يوم تزداد معرفتي به وهذا ما قلل الخوف قليلا في نفسي.

 

خطط

 

هنوا: بقى على زواجي عدد من الأشهر و قررت أن أستغلها للتعرف على زوجي خصوصا أننا سنتزوج وسنسافر للخارج للدراسة في بداية الأمر كنت أشعر بالخجل والحياء ومع الوقت أصبحت أناقشه بشكل جيد ووضعنا خططنا معا أين سنذهب وماذا سندرس ومع مرور الوقت أحسست أنني أعرفه كثيرا طبعا حصلت خلافات بسيطة يتبعها زعل ومصالحه. لا أخفيك أنتظر ليلة الزواج بشوق مع بعض المخاوف طبعا.

 

عصبية زوجي

 

سلمى: بقى على زواجها 3 أشهر زوجي طيب إلا انه عصبي ويتسرع في ردة الفعل وفكرت مليا أن اتركه وبعد أن أخذت رأي والدي في الأمر طلب مني أن أتروى وخصوصا أن زوجي محافظ على الصلاة وذو أخلاق يشهد له الجميع و بالفعل قرأت العديد من كتب النفس للتعامل مع شخصيات مشابه عرفت كيف احتوي عصبيته وفي نفس الوقت كنت أرسل له رسائل غير مباشرة عن مخاطر عصبيته على حياتنا المستقبلية من خلال قصص اخبره بها أو كتب اهديها إياه و الحمد لله ألاحظ تغير في سلوكه للأفضل واسأل الله أن يتم الثلاثة أشهر وقد تخلص من عصبيته المفرطه.

 

:P

[التائبه_الى_الله 0]

وياريت اللى متزوجات يحكوا لينا عن فتره كتب كتابهم بطرائفها وحلوها ومرها,, وينصحونا عن تجربه اكيد,,,,ممكن؟؟؟

[التائبه_الى_الله 0]

يا بنات ركزوا معايا :P فى كتب الكتاب كله يجوز الا (الدخله) وفى حاجه مهمه اوى اوى انه مايتقفلش عليكم باب واحد وانتم لوحديكم ابدا حتى لو جوه بتلعبوا كوتشينه, للسبب الاتى: انه طول مافيش باب اتقفل عليكم ومثلا لا قدر الله سيبتوا بعض واتجوزتى بعده تتكتبى بكر انشالله بس لو اتقفل عليكم باب واحد حتى لو انتى لسه بنت تتكتبى ثيب,, والله المعلومه دى واخداها من شيخ موثوق ويارب اكون افدتكم,, يعنى يا حبيبتى عيشى حياتك واخرجوا واتفسحوا واطبخيله هههههههه واطلعى بشعرك وزوجك وكل حاجه بس مع ايقاف التنفيذ يعنى خلوه No

 

ماشى حبيبتى؟؟ :icon15:

[ففروا الى الله 0]

السلام عليكم ورحمة الله وبركاته

 

 

 

إن عقد الزواج إذا تم مستوفيا أركانه وشروطه فيكون العقد قد وقع صحيحا وتترتب عليه آثاره الشرعية، ولكن يستثنى من ذلك أمران:

 

الأول: طاعة الزوج فلا طاعة للزوج حتى تنتقل الزوجة إلى بيت الزوجية وما دامت في بيت أبيها فالطاعة واجبة لأبيها.

 

الأمر الثاني: معاشرة الزوجة فالعلاقة الجنسية التامة لا تكون إلا بعد أن تزف الزوجة إلى بيت زوجها، وأما قبل ذلك فلا، لما قد يترتب على هذا الأمر من مفاسد لا تخفى على عاقل، أخطرها أنه قد يترتب على هذه المعاشرة حدوث حمل ويحدث ما لا تحمد عقباه فتطلق الزوجة لأي سبب من الأسباب قبل أن تزف إلى بيت الزوجية، فساعتها كيف ستكون نظرة المجتمع إليها؟ وأين تذهب بالجنين الذي في أحشائها؟

 

 

والمرجع في هذه الأمور هو العرف الصحيح، فإن المتعارف عليه بين الناس هو أن البنت ما دامت في بيت أبيها فإن حق الطاعة ثابت لأبيها لا للعاقد عليها، وكذلك فإنها تستأذن أباها في الخروج من البيت فهو صاحب الأمر والنهي لا العاقد عليها، وكذلك جرى العرف في بلادنا على أنه لا يجري بين العاقدين معاشرة جنسية إلا بعد الزفاف، كما جرى العرف أيضا بأن الأب هو الذي ينفق على البنت المعقود عليها ما دامت عند أبيها ولا يطالب العاقد بالإنفاق عليها إلا بعد الزفاف، ويجب شرعا مراعاة هذه الأعراف الصحيحة والتي لا تعارض الأحكام الشرعية فالعرف الصحيح الذي لا يصادم النصوص الشرعية معتبر عند أهل العلم.

 

وباستثناء ما سبقت الإشارة إليه فإنه في دائرة المباح، ومن ذلك خروج العاقدين إلى الأماكن العامة بدون محرم، بل كل استمتاع دون الجماع فهو في دائرة المباح، ومن باب أولى الحديث في الأمور الجنسية وذلك قرب موعد الزفاف . ومع أن الحديث في الأمور الجنسية بين العاقدين في دائرة المباح إلا إنني أنصح للعاقدين بعدم الإفراط في مثل هذه الأمور؛ لأن الحديث في هذه الأمور يؤجج بداخل كل منهما نار الشهوة، ولا سبيل لإطفائها، ولذلك فقليل من الصبر حتى يجمع الله بينكما في خير، ولا داعي لتشتيت الذهن وصرف الهمة والطاقة بكثرة التفكير في هذا الأمر، وحين تغلق الأبواب ستجد أن الأمر أيسر من أن يستغرق منك كل هذا الجهد وهذا التفكير.

 

منقوووووووووووووووووووووووووووووووووووووول

[ديوان فؤاد 0]

اناسعيده مع ايقاف التنفيذ لانه مسافر

كتب الكتاب ده احلى حاجه في الدنيا

كنت مستمعه جدا في الشهر والنص اللي كان فيهم هنا

بصي بقى اهم حاجه الصراحه والوضوح كمان خليكي متسامحه علشان هوه كمان يغمض عن عيوبك

حاولي تقربي منه الخروج مش فايدته الفسح بس بس علشان تعرفي هايتصرف ازاي في اي موقف في الشارع

انامثلاخطيبي لقيته لبخه شويه لانه من قريه هوه كان في الجامعه في مصر بس كان دحيح معندوش وقت للخروج اناطبعا بنت شاطره اوي لففته مصر كلها ووديته حتت عمره ماشافه كنت بحب النظره اللي في عينيه لما يشوف حاجه جديده زي الاطقال خصوصا لمل روحنا حديقة الحيوان تصوروا ماكانشي عارف اسماء الحيوانات ههههه تصوروا

ااااااااااااااااه كانت ايام

[((مى)) 0]

السلام عليكم

بصوا بقى

انا كتب كتابى بعد 3 اسابيع ان شاء اللة

كنت عايزة اعرف يبقى عادى يمسك ايدى او نقول كلام حب ولا لا

[بنت الأمام 0]

أرجوا توضيح بعض الاموار في فترة العقد

أحبائي أن من شروط العقد النفقة. لذلك يجب علي الشخص العاقد أن يتكفل ولو بجزء يسير من النفقة عليها وهي ما زالت عند أهلها. فأن هذا من موجبات العقد كما أن من موجباته أيضاً ان تحل له هي بدون الدخول وهذا مشروط عرفاً. والمشروط عرفاً كالمشروط لفظاً, والمسلمون عند شروطهم. فإن تخلي العاقد عن ذلك أقصد النفقة فكأنما أخذ شئ وترك أخر.

[love_allah 0]

موضوع حلو اوى

 

انا كاتبه كتابى من اربعه اشهر

 

وهيا فتره فعلا جميله بس ساعات كتير بيحصل اختلاف للاراء بس بنصالح تانى عالطول بس لازم يحصل مواقف كتير علشان نتعرف اكتر على بعض قبل ما نكون فى بيت واحد

 

ومعظمها فتره رومنسيه ربنا يوفق كل البنات

[eman2007606 0]

[تحذييييييييييييييييييييييييييييييير :icon_eek:

اخواتى فى الله انامتزوجه من سنه ونصف اتخطبت شهر او شهرين وانكتب كتابى اسبوع :icon16:

خلال فترة الخطوبه كنت معجبه جدا بزوجى ولكن فى صمت وكان يحاول ان ياخذ منى اى اعتراف بحبى له لاكنى كنت مصره على اخفاءه فكان يرسل لى رسائل اوبرقيات اوحتى هديا فاخذه ولا اقول له سوى جزاكم الله خيرا :dry:

ولكن قبل العقد بيومين مريض زوجى جدا فجمعت شجاعتى وارسلت له على الموبيل رساله تقول :closedeyes:

شفاك الله وعفاك من زوجتك ان شاء الله :wub:

اخبرنى زوجى انه عندما قرئها تبسم وشعر كانه لم يمرض نهائيا واصر على كتب الكتاب فى نفس الميعاد ويوم العقد اخذ ينظر الى وكانه لم يرى امراه فى حياته من قبل واخذ يلتقط لى الصور على الموبيل ولكننا من اسره صعيديه :mrgreen: وان كنا نعيش بعيد عن الصعيد فلم نجلس بمفردنا سوى دقيقه على الاكثر وكنت فى قمت الحياء وكان يحاول محاولاة كلما تذكرناها الان ضحكنا فكان يحوال الامساك بيدى وعندما لم يستطيع فكانت فرصته عندما اتى وقت الرحيل فسلم على واخذ يدى وامسك بها لفتره طويله وكان اخى يقف بجوارى حتى انى انا وهو واخى ضحكنا على هذا الموقف :wub:

واخيرا يوم ان كنا نعد المنزل اقصد شقتنا قبل الزفاف بيوم انتهز هذه الفرصه وحاول استغلالها ولكنى كنت فى قمة الرعب لاننا لم نكن بمفردنا فمن الممكن ان يرانا احد اولا :icon_eek: ثانيا كل الى كان بينى وبينه كلام قليل فكيف نقفز هذه القفزه :oops: ومع ذلك لم استطيع التجاوب معه ولا حتى رده :ohmy: لكنى كنت اتهرب منه و احاول الابتعاد عنه لاكن على مين المهم انها كانت لحظاة جميله لم اشعر بجمالها الا بعد الزواج :icon16: ولكنى احمد الله على انها لم تتعدى الحدود لانى اكتشفت ان زوجى من النوع الذى يحب ان يختبر من امامه ولاكن بطريقه غير مباشره : :blush:

:icon_eek: اما تحذيرى هوانى سمعت من شيخ اثق فيه قصه لبنت دخل بها زوجها الذى بالطبع عقد عليها ولم يبنى بها وقبل الزفاف اختلف الاهل وانتهت الزيجه بالطلاق ولم تستطيع اخبار اهلها وحاول هو جاهدا ان يقنع اهله واهلها الا ان العائلتين اصروا على الرفض وذهبا للشيخ فغضيب جدا واخذ ينهنا عن العقد قبل الزوج فى احد دروسه وان كان لابد فلايلمسها الا باذن وليها هذا اولا :roll: ثانيا من الممكن ان يكون من نوعية زوجى والذى احمد الله ان حيائى وحرص اهلى حمانى من ان يتركنى زوجى قبل الزفاف او ان تقل منزلتى عنده اذا كنت تجاوبت معه :smile:

:icon17: واخيرا اخواتى هذه فترة رومنسيه فلا تضيعيها فى شهوات بعد الزواج ربما ياتى عليكى الوقت فتتهربى من زوجك لانكى قد شبعتى وصدقنى مهما كانت اللذه قبل الزواج فلن تكون كما بعد الزوج فقبل ممزوج بالخوف :ohmy: وبعد ممزوجه بالمتعه والحريه :wub: فتمسكى بحيائك تزدادى جمال فى عين زوجك ولاكن لامانع من ان تتركيه يقترب لاكن دون تجاوب مع اشعاره بالحياء ولامانع نهائى من تبادل الكلمات ولاداعى نهائى لان تتحدثوا فى الجنس قبل الزفاف لان ما بين الزوجين ليس جنس ولا يشبه مابين غيرهما فكل زوجين مختلفين تماما عن غيرهما لانه ببساطه حب ومشاعر لاتقاس بمعرفه ولاتحتاج الى خبره :wink:

فى النهايه انا اسفه لانى طولت عليكم بكلامى لاكن هى نصيحه من محبه لكم فى الله

[daughterofislam89 10]

حبيباتى فى الله انا عقدت بقالى شهر الا كام يوم

بفضل الله لحد دلوقتى هى فترة جميلة ولا يوجد ما يشوبها حتى الآن

يارب يديمها علينا نعمة

المهم انا معاكم هستفيد من تجارب الاخوات المتزوجات

ولكن حبيبتى التائبة الى الله لى تعليق بسيط على كلامك

انا اعلم صحة الامر بان اذا حدث خلوة ثم انفصلا يجب ان تأخذ نصف المؤخر ولكن تكتب بكر على حد علمى ولكن يحكم الشرع لها بنصف المؤخر وتقضى عدة

انا كنت لا اعلم هذا الامر لفترة قريبة حتى تكلم اخى مع بعد الخطبة واخبرنى ان لذلك بعض الشيوخ يمنع دون تفسير ويقول من باب درء الشبهات والفتن الا يختليا لان كثير من العوام لا يوافق على هذا الامر ولا يقبل ان تاخذ نصف المؤخر وان تقضى عدة

هذا والله اعلم

[ام رحمة السلفية 12]

السلام عليكم انادلوقتى عاقده من حوالى سنه وثلاث شهور ولكن لم اقضى مع زوجى منهم سوى اربعين يوم مع انى مخطوبه قبلها بسنتين اواكثر وطول المده وهومسافر ولكن فعلابعد العقد قدرت اتعرف عليه اكتر وعشت اجمل ايام حياتى (((

اللهم ارزق جميع بنات المسلمين ازواجا صالحه وردلى زوجى وقرعينى برجوعه واجمعنا ياالاهى على طاعتك انك ولى ذلك والقادر عليه)))

ارجوكم ادعولى من قلبكم بجد يعلم الله كم احتاج الى دعائكم

[ام رحمة السلفية 12]

السلام عليكم انادلوقتى عاقده من حوالى سنه وثلاث شهور ولكن لم اقضى مع زوجى منهم سوى اربعين يوم مع انى مخطوبه قبلها بسنتين اواكثر وطول المده وهومسافر ولكن فعلابعد العقد قدرت اتعرف عليه اكتر وعشت اجمل ايام حياتى (((

اللهم ارزق جميع بنات المسلمين ازواجا صالحه وردلى زوجى وقرعينى برجوعه واجمعنا ياالاهى على طاعتك انك ولى ذلك والقادر عليه)))

ارجوكم ادعولى من قلبكم بجد يعلم الله كم احتاج الى دعائكم

[daughterofislam89 10]

ربنا ييسرلك الامر ويعطيي ما تريدى حبيبتى نهلة ام بلال

[قوت 0]

السلام عليكم ورحمة الله وبركاته

 

موضوع جميل جدا أنا معقود علي بقالي 9 شهور تقريبا بصراحو أول 3 شهور كانوا أحلي أيام لكن بعد كدة روحت درس أنا وزوجي و كان الشيخ بيتكلم عن فترة الملكة وحذر جامد من الموضوع ده و قال اننا مش لازم نعمل كل المباح في الفترة دي عشان المشاكل الكتير اللي بتحصل من الدخول بدون علي الاهل و الحاجات دي وكمان ممكن يفضلو مع بعض من غير دخول فترة طويلة سنة أو اتنين أو أكتر وبعدين يحصل مشكلة أو خلاف بسبب الاهل ألو أي شئ و لا تتم الزيجة وبكدة يكون الشاب فضل مع البنت فترة طويلة يشوفها و يمسك يديها وممكن يقبلها و يحتضنها وبعد ده كله ميحصلش نصيب و البنت نفسيتها تتعب فاتفقت أنا وزوجي علي اننا نقعد مع العائلة لما يجي يزورني احنا كنا بنقعد في الصالون و هما في الصالون لما يجي يزورني و الباب بيكون مفتوح وبيكونو شايفنا لكن قررنا نقعد معهم في الانتريه و قررت اني البس العباية قدامة من غيؤ طرحة خصوصا ان احنا شكلنا مطولين وده مضايقني لاني مش حابة اته يفضل يشوفني وكدة ويراني وجهي وشعري وبعد كل الفترة لا قدر الله يحصل مشكلة والزواج لا يتم وبدأت أحدد العلاقة بس صعب لاني حاسه ان هو مش عايز كدة حاسة انه عايز يمسك يدي و يقبلني ويحتضني وانا بتهرب منه مش عارفة كل الرجاله كده ولا ايه

 

بس المشكلة بقي اننا مش بقينا بتعرف نتكلم مع بعض نهائي لأنه لما بييجي يزورنا مش بنقعد لوحدنا أبدا ولما نيجي نخرج مع بعض بيحصل مشكلة لأن هو مش بيحب يخرج الا بعد العشاء و أمي يتبقي عايزانا نخرج بدري عشان نرجع بدري فمش بنخرج كمان والموضوع صعب أوي لأن لسة سنة تقريبا

 

واحنا بنكون عايزين نعمل حاجات معينه واهلنا عايزينا نعمل حاجة تانية

 

ادعولي ربنا ييسر زواجنا ويعجله لأن أهله مش متدينين خالص و بيضايقوه كتير ومش عرف يقعد في وسطهم

 

وانا كمان اهلي مش متدينين أوي بس مش بيضايقوني في حاجة بس نفسي أستقر حاسة أني قبل الخطبة كنت مستقرة قبل كدة حاسة ان فترة العقد الطويلة دي تشتيت جامد بضراحة

[زعفرانه 0]

السلام عليكم يا اخوات

 

كنت عايزه بس حد يقولي مبارك

 

انا عقدت النهارده

23-7

وفرحانه جدا

 

وبتمني ربنا يتمم فرحتي

 

وعايزاكو تنصحوني

 

اختكو محتاجه نصايح كتيره كتييييييييييييييييييييره

[~أمُّ تَسنِيم~ 1]

الف مبرووك يا زعفرانة حبيبتي :tongue: كثيير حلو اسمك :sad:

متزعليش حبيبتي بهزر معاك عشان تستانسي شوية و خصوصا انك لس جديدة معانا

بارك الله لكما و بارك عليكما و جمع بينكما في خير و رزقكما الذرية الصالحة

أظن افضل نصيحة اقدمها لك و اسال مجرب ما تسأل الطبيب هههههه :tongue:

 

لازم حبيبتي لو الأمر ميسر لكليكما ألا تطولا فترة العقد كثير لان خلالها بيبقى الزوجين مشتتين بين المباح و المحرم عرفا و المكروه و غيره بالإضافة الى الخوف من انتهاء العلاقة و ما قد يترتب عنه من مشاكل نفسية و غيرها باستثناء ان كان الزوج بعيدا عنك كأن يكون في مدينة أو دولة أخرى و يبقى لقائك به محدود و بحضور الأهل

 

ثانيا

 

تجنبا الخلوة و تتم بأن يقفل عليكما باب حتى و ان لم ييتم الدخول فتترتب عليك أحكام الثيب ادا ما حصل امر لا سمح الله

 

ثالثا

 

بعد العقد يكون للزوج نصف حقوقه ما دمت في بيت أبيك يعني تطيعين و الديك و لا طاعة له عليك خلال هذه الفترة و له ان يستمتع بك من غير الدخول طبعا درءا للمفاسد كما أجمع العلماء

 

رابعا ياستي

 

بعد العقد يقل الخجل نسبيا عن فترة الخطوبة فاستغلي هذه الفترة للتعرف على شخصيته اكثر لكي يسهل عليك فهم تصرفاته فيما بعد

 

 

هذا ما لدي اسال الله ان اكون أفدتك و لو قليلا و اي سؤال نحن في الخدمة يا قمر :sad:

 

نسيت اقولك :huh:

 

أممممم

 

يا ترى احا معزومين على الفرح و لا ايه :tongue:

[~أمُّ تَسنِيم~ 1]

حبيتي قوت اسال الله ان يسر زواجك و يجمعك بزوجك عاجلا غير آجلا

فعلا الموضوع صعب حبيبتي خصوصا عندما تطول فترة العقد وياريت توضحي لزوجك انه لازم يعجل بالزواج لأنه فيه خطر على علاقتكو و ممكن لاسمح الله تبقوا في مشاكل انتو في غنى عنها

يعني مش ضروري يبقى يجهز الشقة من مجاميعه والطلبات اللي ما تنتهي اقضو بالموجود و توكلو على الله و البداية هي الأهم

أنا حاسة بيكي كثير عشان بتبقي مستصعبة نفسك و زوجك و عايزة ترضيه و خايفة و لو ما رضيتهوش بتبقي زعلانة و كدا في دوامة المشاعر

اسال الله ان يعجل بزواجكم و يتمم لكم بالخير انه و لي ذلك و القادر عليه

ابقي طمنيني عليك حبيبتي

[شيكوتاتى 0]

بسم الله الرحمن الرحيم

هوبصراحة الموضوع دة حلو جداجداجدا وبجدكنت محتاجة اعرف حاجات كتير.

وجزاكن الله سبحانه وتعالى خيرا عنا جميعا.