smile 0 أرسلي تقرير عن المشاركة قامت بالمشاركة 10 يناير, 2008 هنية و سنية اتنين ستات من ستات اليومين دول اللى مالهومش غير القيل و القال ,و فهمهم على قدهم شويتين لكنهم بيتعلموا من غلطهم على كل حال بس محتاجين شوية صبر وطولة بال فنيجى نشوف هيعملوا ايه و ايه هى المفاهيم الغلط اللى عندهم و اذاى هتتصحح تدخل هنية على بيت سنية من غير احم و لا دستور قائلة فى مكر و دهاء: هنية: إلا معرفتيش أم فاروق عزلت من حارتنا؟؟ ترد سنية فى تململ واضح و هى لاوية بوزها: داهية لا ترجعها ست رخمة ماسبتش حد إلا و جابت سيرته و إتكلمت عليه تصيح هنية فى إنفعال قائلة: ياشيخة حرام عليكى ماتجيبيش فى سيررة الست و هى مش موجودة تثغرلها سنية بعينها كدة و تقولها: انتى اللى بتقولى كدةةةةةة؟؟ ليه مش فاكرة يوم ما قالت عليكى بتاكلى اللحاف و انتى نايمة و صوتك بيجيب أخر الشارع تعتدل هنية فى جلستها ثم تقول ببطئ: إهييييييى هى قالت كدة عليا ؟ ؟ ترد سنية و قد لمعت عيناها فأخيرا استطاعت ان تهدى النفوس على مبدأ "ولعها ولعها شعللها شعللها: ايوة يختى قالت و الحتة كلها عارفة كدة ترد هنية و قد ظهر الغضب على ملامحها قائلة: داهية تكحمها مطرح ما راحت كانت ست شرانية صحيح وجت زهرة الإسلام و دخلت مع هنية و سنية فى الحوار ياترى ايه اللى هتعمله معاهم زهرة الإسلام إنتظرونا فى الحلقة القادمة ان شاء الله ملحوظة: اذا كنت تريد فهم الحلقات التالية عليك بإستشارة سيدة قد تجاوز عمرها الخمسين عاما و للتسهيل على الشباب اليكم بعض مفردات هذة الحلقة مفردات المعانى للحلقة: لاوية بوزها :يعنى عاوجة بوقها ناحية اليسار او اليمين قليلا حسب اذا كانت شولة او لا تكحمها :يعنى ترجعها اى داهية لا ترجعها او تفنيها كما ورد فى قاموس أبوزعبوط تثغرلها :معناها تعملها حركة كدة بعينيها و ببوقها مع زغدة خفيفة بكوعها فى جنبها شارك هذه المشاركه رابط المشاركه شارك
smile 0 أرسلي تقرير عن المشاركة قامت بالمشاركة 10 يناير, 2008 الحلقة الثانية زهرة الإسلام تتحدث بعد طول صمت قد إنتابها طوال فترة كلام سنية و هنية عارفين اللى قلتوه دلوقتى دة عبارة عن ايه؟؟ ] يردوا الاثنين فى نفس واحد: عبارة عن ايه ياست زهرة؟؟ : ترد زهرة و تبدوا على وجها علامات الجنون : عبارة عن كوكتييييييييييييييييل وتنظرسنية الى هنية متعجبة و عماله تحرك عنيها بطريقة غريبة و بوقها كذلك و كأنها تتحسر على الشابة صغيرة السن اللى اتجننت بدرى بدرى....... قائلة : كوكتيل؟؟ فأكملت زهرة قائلة: ايوة كوكتيل اسمه كوكتيل أذى اللسان شوية غيبة على حبة نميمة يبقى كدة كوكتيل صح؟ يبقى كوكتيل و لا مش كوكتيل ردى عليا انتى و هىىىىىى يردوا فى صوت واحد يملؤه الخوف: كوكتيل يختى كوكتيل هو حد يقدر يقول غير كدة ترد هنية بصوت خفيض و كإنها تخشى ان تستثير زهرة : طب ويبقى ايه أذى اللسان دة يا ست زهرة. ترد زهرة : عن أبى هريرة قال قال رسول الله صلى الله عليه وسلم قال "أتدرون ما الغيبة ؟قالوا :الله و رسوله اعلم قال:ذكرك أخاك بما يكره .. قيل :أفرأيت ان كان فى أخى ما أقول؟؟ قال:ان كان فيه ما تقول فقد أغتبته و إن لم يكن فيه ماتقول فقد بهته "رواه مسلم ترد هنيه وهى رافعه حاجبيها و مفنجلة عنيها عالاخر وتحك رأسها كعلامة من علامات البلاهة قائلة: :2: يعنى ايه الكلام دة يا زهرة يا اختى؟؟ ترد زهرة فى هدوء: الكلام دة معناه ان لو سنية قالت على ام فاروق انها ست كويسة بنت حلال وماشوفناش منها غير كل خير فكدة ماتبقاش غيبة مادام ذكرت محاسن صاحبتها .أما اللى عملته الست سنية انها ذكرت معايب جارتها حتى ل والمعايب دى فعلا فى جارتها فكدة تبقى غيبة و ان لم تكن فهيا الصفات دى يبقى كمان ظلمتها و البهتان اثم كبير يعاقب عليه ربنا سبحانه و تعالى تبادر هنية بنفس الغباء و بنفس الشكل السابق الحواوجب مرفوعة العين مفنجلة و بتحك رأسها قائلة: طيب يا زهرة يختى وو ايه عقابنا يعنى ؟؟ :der: يحمر وجه زهرة و قد يكاد صبرها ينفذ: شوفى ياستى عن أنس رضى الله عنه قال:قال رسول الله صلى الله عليه و سلم :لما عُرج بى مررت بقوم لهم أظفار من نحاس ييخمشون بها وجوههم و صدورهم ,فقلت من هؤلاء يا جبريل:قال :هؤلاء الذين يأكلون لحوم الناس و يقعون فى اعراضهم" يأخذ الحماس سنية فتقول فى ذكائها المعتاد: وهو يختى فى حد يقدر ياكل من لحم الناس ترد هنية و قد تجمعت ملامح وجهها كلها فى منتصف وجهها تماما و كأن الانف فوق الفم مباشرة و العينان مضمومتان عليهما : يعععععععع لحم بنى ادمين ايه القرف دة؟؟ ترد زهرة و قد بدأ دخان يصعد من رأسها مجهول المصدر : اللى بيجيب فى سيرة الناس بالشر عقابه عند ربنا انه يجيبه يوم القيامة ويخليه ياكل من لحم الناس اللى هو اتكلم عليهم فى الدنيا وفى أيه بتدل على كدة فى سورة الحجرات الايه 12"ولا يغتب بعضكم بعضا أيحب أحدكم ان يأكل لحم أخيه ميتا فكرهتموه و أتقوا الله إن الله تواب رحيم" تضرب سنية بكفها على صدرها قائلة فى هلع: ياخبر إسود ومنيل يعنى على كدة بقى انا هاكل من جتة ام فاروق و دى معفنة اساسا و ما بتستحمش الا كل سنة مرة" وكإن الكلمة خبطت فى قفا زهرة فإذا بشعرها يقف من الخضة و عيناها تحدقان : ثم تقع من طولها مغشيا عليها . شارك هذه المشاركه رابط المشاركه شارك
ريحـانة 24 أرسلي تقرير عن المشاركة قامت بالمشاركة 10 يناير, 2008 السلام عليكم ورحمة الله وبركاته،، ياريت فهمت سنية اي شئ من الدرس :icon15: ومعاها حق زهرة يغمى عليها ههههه هذا حال جلسات الكثير من النساء الله المستعان اضحك الله سنك بارك الله فيك شارك هذه المشاركه رابط المشاركه شارك
el_3abeda 0 أرسلي تقرير عن المشاركة قامت بالمشاركة 10 يناير, 2008 بسم الله الرحمن الرحيم بااااااااااااارك الله فيك وجوزيتي الجنه لقد سردتي النصيحه في قصه جميله وممتعه, ومضحكه اضحك الله سنك وشكرا علي كلماتك المعبره والتي خرجت في ابهي صور العاميه هههههههههههههههههههههههههههههههههههههههههههههه أعطاك الله ثواب الدال علي الخير كفاعله شارك هذه المشاركه رابط المشاركه شارك
smile 0 أرسلي تقرير عن المشاركة قامت بالمشاركة 10 يناير, 2008 اختي ريحانه معتقدش انها فهمت حاجه وربنا يعين زهره عليهم واختي el_3abeda جزاكي الله خيرا وعلى فكره القصه منقوله اشكركم على المرور ويارب تكون عجبتكم القصه شارك هذه المشاركه رابط المشاركه شارك
خطابية 22 أرسلي تقرير عن المشاركة قامت بالمشاركة 10 يناير, 2008 السلام عليكم ورحمة الله وبركاته رائعة ربنا يبارك فيكِ أختي الغالية وأعان الله زهرة على هنية وسنية :)>>>>>>> هذا دعاء مش نميمة : P شارك هذه المشاركه رابط المشاركه شارك
el_3abeda 0 أرسلي تقرير عن المشاركة قامت بالمشاركة 10 يناير, 2008 بسم الله الرحمن الرحيم منقوله اوغير منقوله المهم أنها أدت رسالتها جعله الله في موازين حسناتك شكرا علي النقل شارك هذه المشاركه رابط المشاركه شارك
الجمانة 3 أرسلي تقرير عن المشاركة قامت بالمشاركة 11 يناير, 2008 هههههههههههههههه حلوة.. شارك هذه المشاركه رابط المشاركه شارك
خُـزَامَى 1520 أرسلي تقرير عن المشاركة قامت بالمشاركة 12 يناير, 2008 بارك الله فيك جميلة جدا وحلوة أضحكتني وافادتني بنفس الوقت :) شارك هذه المشاركه رابط المشاركه شارك
الامانة 1 أرسلي تقرير عن المشاركة قامت بالمشاركة 12 يناير, 2008 السلام عليكم ورحمة الله وبركاته،، جمييييييييييييييييييييلة جدا هههههههههههههههه شارك هذه المشاركه رابط المشاركه شارك
سماء المصرية 1 أرسلي تقرير عن المشاركة قامت بالمشاركة 12 يناير, 2008 انك تقومى بنقل قصة بتحكى عن مشكلةواقعية و لكن بطريقة مضحكة و ظريفة دة يدل على شخصيتك المرحة شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 12 يناير, 2008 عن أبى هريرة قال قال رسول الله صلى الله عليه وسلم قال "أتدرون ما الغيبة ؟قالوا :الله و رسوله اعلم قال:ذكرك أخاك بما يكره .. قيل :أفرأيت ان كان فى أخى ما أقول؟؟ قال:ان كان فيه ما تقول فقد أغتبته و إن لم يكن فيه ماتقول فقد بهته "رواه مسلم السلام عليكم ورحمة الله وبركاته،، اختي الحبيبة انا لي تعليق بسيط على الحديث احنا دايما لما بنتكلم عن الغيبة نظن ان الحديث يعني ذكر الناس بالشر مع أن الرسول صلى الله عليه وسلم لم يقل ذلك وانما قال: ذكرك أخاك بما يكره فهناك بعض الناس ممكن يكرهوا ان تتحدثي عنهم حتى لو كان حديثك بالخير خوفا من العين او الحسد او لانهم لا يحبوا الشخص الذي يتكلم عنهم واسباب اخرى وبالتالي فالغيبة هي ذكرك اخاك في غيبته بما يكره سواء كان خيرا او شرا والله ورسوله اعلم شارك هذه المشاركه رابط المشاركه شارك
smile 0 أرسلي تقرير عن المشاركة قامت بالمشاركة 13 يناير, 2008 السلام عليكم ورحمة الله وبركاته،، اختى خطابية جمانه زهرة الامانة سماء شكرا على المرور وارجو ان تكون القصة اعجبتكم اختى amatul_rahmaan شكرا للمرور وارجو توضيح كلامك فانا لم افهم ماذا تقصدين وجزاكى الله خيرا شارك هذه المشاركه رابط المشاركه شارك
الزهرة الماسية 0 أرسلي تقرير عن المشاركة قامت بالمشاركة 13 يناير, 2008 ههههههههههههه حلوة تسلمين شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 15 يناير, 2008 اختى amatul_rahmaan شكرا للمرور وارجو توضيح كلامك فانا لم افهم ماذا تقصدين وجزاكى الله خيرا باختصار الغيبة هي انك تتكلمي عن اي شخص في غيابهم سواء كان كلامك خيرا او شرا شارك هذه المشاركه رابط المشاركه شارك
