حياتى....سلسلة من الاحزان

[دكتورة_امة_الله 0]

اناالحمد لله يا ام حمزة

بس مضايقة شوية عشان عباد مدخلتش من فترة وكمان موضوعنا عايزاه يجهز بسرعة

 

انا عايزة أخد رايك انتى وباقى اخواتى فى موضوع مضايقنى من يومين..............

بصى يا ستى انا دلوقتى زى ما قلتلكم قبل كده ان انا جالى تكليفى فى مكان بعيد شوية وانا هقدم تظلم عشان اكون فى بلدى تمام كده,من يومين واحد دفعتنا وزميلنا وكان معاية فى المستشفى اللى فى بلدنا فى فترة من الامتياز وكنت انا وبعض زميلتنا وهو بنحضر محاضرات ونشرحها لبعض كنوع من التذكرة المهم زميلى ده اتصل بيه من يومين عشان يسالنى عن مكان النقابة الخاصة بالجامعة بتاعتى لانه واخد طب من جامعة تانية بس بعيدة فهو استقرب وقال يقدم فى الجامعة بتاعتنا وكمان سالنى عن الؤرق وتقديمه وقالى انه كمان هيقدم تظلم بس قال انه هيقدمه فى الوزارة نفسها وسالنى عن التظلم بتاعى وقلت له انى قدمته فى المنصورة فقال ده مش كفاية وانى لازم اقدمه فى القاهرة فطلبت منه يسالى عن بعض الاجراءات والاوراق المطلوبة فالمهم سافر وسالىفعلا واتصل بيه تانى وقالى على المطلوب بكل ذوق وادب ..........المشكلة دلوقتى فيه .....انا حسه بتانيب ضمير فظيع وحسه انى عملت حاجة غلط خصوصا انى عمرى ما كلمت ولاد قبل كده

مع انه كان فى منتهى الادب بس برده انا مضايقة جدا من نفسى :icon15:

ممكن تسالوا و تقولو هوعرف رقم التليفون ازاى..........اقولكم ان بحكم الشغل لازم يبقى كلنا معانا ارقام بعض عشان لو حصل مشكلة نعرف نجيب بعض بسرعة

نا كمان مشكلتى انى بتعامل مع الناس بذوق اوى ومش بعرف احرج حد عشان كده بحاول اتجنب الاحتكاك على قد ما اقدر خصوصا مع زمايلى من الرجال فقولو لى اعمل ايه خصوصا لو حاول تانى يتصل بيه عشان يسال عن حاجة والكلام فى التليفون ده يعتبر نوع من انواع الخلوة حتى لو كان فى حدود العمل وانا مش عايزة اغضب ربنا ,,,,,,,,,,اعمل ايه باه؟؟؟؟؟

[أم حمزه تامر 0]

السلام عليكم ورحمة الله وبركاته،،

 

حبيبتي بعد الاطمئنان علي حالك

 

اود ان اقول لكي حفظك الله لا تجعلي للشيطان بابا لكي فانتي بفضل الله لم تغضبي الله في هذا الامر طول حياتك كما قلت <واقصد في عدم التباسط مع الرجال>

 

وماذا الان فما الذي جد !!!!!!!!!!!!!!!!!!!!!!!!

لا تقولي لي بل فقط اسالي نفسك

ومن ثم فالسؤال التاني

ان كان هذا الشخص كما ذكرتي حبيبتي محترم وجاد و....فلماذا لم يبحث عن رقم هاتف لرجل مثله ام انكي عفوا حبيبتي من تعلمين القوانين والاجراءت فقط ولا غيرك ولا اقصد بالطبع التقليل من شانك ولكني افرض لكي مثلا 0000

والسؤال الاخير والاهم من كل ذاك وذاك وهو؟؟؟؟؟

 

هل يهمك هذا الشخص او اي رجلا اي ان كان " اذا فلما الاحراج ولما تانيب الضمير ولما التفكير في الامر

فان قال شيء فليس عليكي من حرج فانت فتاه ولا لوم عليكي فله رجال مثله يعاونوه

فلا تتركي الشيطان يزين لكي الامر شيء فشيء

والله اخاف عليكي حبيبتي

فلا تردي عليه ثانيه واقطعي الامر ان استطعتي

او ردي عليه بقولك له من فضلك لا تتكلم علي هذا الرقم ثانيه

باي شكلا تريدين ولكن لا تترددي

 

 

واقول لكي حبيبتي هذا الكلام لان زوجي عانا معي من هذا من زمان من ايام الخطبه

فكنت احرج مثلك حبيبتي في بادء الامر فان طلب مني اي شخص في الجامعه ورق للمذاكره "شيتس"وحتي لو لم اعرفه اتعاطف معه واذهب للتصوير وممكن ياخد رقم موبايلي علشا يعرف الجديد وكان يصعب عليا وكنت لا اعلم ان هذا مخطط من فاشل اصلا او حتي لو كان فعلا محتاجني فلهو رجلا مثله فلست وحدي في الجامعه

 

والكثير فلا تهتمي بامره لانه ليس من اختصاصك

وارجو ان اكون استطعت التوضيح الكافي في هذا الامر

ووفقك الله لما يحب ويرضي

وطمنيني

[امة من اماء الله 1252]

السلام عليكم ورحمة الله وبركاته....اهلا اختي ..ان شاء نطمئن على اختنا عباد الرحمان2 ولن يكون الا خيرا في موضوعك ذاك....اما في ما يخص سؤالك فانا مع اختي ام حمزة تامر في ان تقطعي صلتك بالموضوع فان احرجت بحكم انك تتعاملين مع الناس بذوق ولا تعرفين غير ذلك ...فمن الممكن ان يجيب عنك اخوك او احد محارمك ...اولا تردي يعني كانك غير موجودة...وارجو ان لاتعطي له فرصة ولا لغيره مرة اخرى...بوركت اختي

[دكتورة_امة_الله 0]

السلام عليكم ورحمة الله وبركاته

 

حبيبتى ام حمزة

معاكى حق فى كل اللى ذكرتيه وان شاء الله من اول انهارده مش هسمح لحد يتصل بيه تانى

 

بالنسبة لسؤالك ايه اللى جد؟

اللى جد ياستى انى والحمد لله طول عمرى لا اصاحب ولا اصادق سوى البنات وطول فترة الدراسة عمرى ما كلمت ولد لكن الان وبعد ما انتهت فترة الدراسة واقبلت على فترة العمل التى للاسف لا تخلو من الاختلاط خصوصا فى مثل هذا المجال وبعد ما بدات افقد صديقات عمرى وافقد تواجدهم معى باستمرار فمنهم من تزوجت ومنهم من انجبت ومنهم التى تستعد لزواجها ....اسال الله ان يرزقهم الخير والسعادة فى الدنيا والاخرة........ وجدت نفسى فجاة لوحدى(وده طبعا قبل ما اعرفكم) وهذا ليس معناه ان هناك تجاوزات فلله الحمد انا اخاف ربنا فى كل تصرفاتى قدر المستطاع وعندما حدث هذا الموقف لقيت نفسى مخنوقة ومش عايزاه يتكرر تانى لانى نفسى ارضى ربنا وخايفة الشيطان يضحك على باى شكل من الاشكال.......خصوصا وانا زى ما بيقولوا عليه خام :blink:

 

اما بالنسبة ليه سالنى انا ؟

مش عارفة ....... يمكن عشان الدكاترة الى اكبر منى من الجنسين فى مستشفى بلدنا احيانا بيطلبوا منى اجيب لهم اخبار عن حالات بتتحول من المستشفى المركزى لمستشفيات الجامعة فى المنصورة حيث انى اكثر زمايلى التزاما فى الحضور و طلب العلم وكمان لانى خريجة المنصورة

 

اما هل يهمنى هذا الرجل او اى شخص اخر؟

فطبعا لا ........لكن مشكلتى زى ما قلتلك انى مش بعرف احرج حد خصوصا وانى مشفتش حاجة وحشة منه او من غيره عشان كده انا من ناحيتى هحاول ابعد قدر المستطاع عن اى اختلاط حتى لو كان على حساب علمى ...... الله المستعان

 

ادعولى بالله عليكم ان ربنا يعيننى وييسر لى امرى

[أم حمزه تامر 0]

السلام عليكم ورحمة الله وبركاته،،

 

 

حبيبتي الحمد لله اني اطمنت عليكي

واسال الله ان يهديك لما يحب ويرضي انه ولي ذلك والقادر عليه

 

ولكي تتخلصي من الاحراج في ذلك الامر

فعليكي ان تضعي الله نصب اعينكي وقومي بالرد القاطع

 

واسال الله لكي التوفيق والسداد

 

ويارب موضوعنا يخلص بقا ويارب نطمن علي عباد

[دكتورة_امة_الله 0]

ربنا يبارك فيكى اختى الحبيبة"امة من اماء الله"

ان شاء الله اقدر اسيطر على الموضوع ده ............لا تنسينى من صالح دعائك

[دكتورة_امة_الله 0]

ربنا يبارك فيكى اختى الحبيبة"امة من اماء الله"

ان شاء الله اقدر اسيطر على الموضوع ده ............لا تنسينى من صالح دعائك

[دكتورة_امة_الله 0]

يارب يا ام حمزة ......اصل عباد وحشتنى جداااااااااااااااااااا

ربنا يطمنا عليها

[امة من اماء الله 1252]

ماشاء الله همتك عالية ...لاخوف عليك...

[دكتورة_امة_الله 0]

السلام عليكم ورحمة الله وبركاته،،

حبيباتى فى الله:

ممكن افضفض معاكم شوية واكمل جزء من السلسلة ...........مع العلم بانى فى حالة رضا والحمد لله

 

احنا كنا وقفنا لحد ما ماما بلغتنى بخبر وفاة بابا...........ومن هنا بدات تظهر الماساة وبعد انتهاء العزاء من الاهل والمعارف اغلق الباب على ام ما زالت فى سن الشاب وثلاثة ابناء صغار فقدوا الاب ,فقدوا الحنان واحساسهم بالامان فى عالم كله طمع وانانية .............لم يجدوا سوى الدموع التى كانت تصاحبهم ليلا ونهارا :wub: ..............وبدل من ان يحتويهم اهل الاب ويجفف دموعهم زادوهم الما واحساس حقيقى باليتم من تانى يوم وبدا عمى الاكبر فى التفكير والتدبير لينا عشان يحرمنا من حقوقنا.................بدل ما ياخدنا فى حضنه ويطبطب عليه انا واخواتىاللى لسه مش مدركين ولا فاهمين حاجة ..........ورغم صغر سنى وقتها الا انى كنت فاهمة كل حاجة وكان كل اللى بقدر عليه انى اعيط واعيط واجرى على حجرتى واجيب البوم الصور وافضل اكلم بابا واحكيله على اللى عمى عامله فينا واقوله وحشتنى اوى يابابا نفسى اشوفك كده تسيبنا لوحدنا فى الدنيا القاسية دى وكنت اقول لنفسى انا لما اكبر هبقى دكتورة واتخصص فى تعب بابا عشان اساعد كل مريض وكمان عشان محدش يدوق طعم اليتم والحرمان من الاب مثلى انا واخواتى.................وكمان كنت اجيب الجوابات اللى كان بيبعتها لينا لما كان مسافر قبل ما يتعب وافضل اقراها :ohmy:

لكن ربنا كبير ورؤف بعباده عوضنا عن اهل ابى باهل امى خصوصا جدى اللى كان لينا بمثابة اب .........واللى كان بيقضى لينا معظم مصالحنا

واللى كان دايما جنبنا كمان اخوالى كانوا حنينين اوى علينا وستوكانت تحبنا وتخاف علينا جدا ....... بصراحة حسيت ان ربنا عوضنا باهل امى

لكن رغم كل ده كان الحزن بيعصر قلبى لما ياتى العيد وعمى ما يقولش لينا حتى كل سنة وانتو طيبين او لما انجح انا او حد من اخواتى وهو ميهنش عليه يقول حتى مبروك.................يااااااااااااااااه كانت ايام صعبة اوى على فكرة انا الاول كنت دايما لما ازعل اجرى على الؤرقة والقلم وافضل اكتب واصبر نفسى وكان ورقىده كله مكتوب بدموعى قبل قلمى وكان من ضمن الى كتبته:

[دكتورة_امة_الله 0]

احيا الحياة ولكننى لست بحية ............................بعدما تركها من كان بحق يهوانى

 

مات ابى ومات معه احسا................................سى بالعطف والحب والحنان

 

من بعده اشعر بحسرة وبحرقة ......................... ولم اعد اشعر يوما بالامان

 

نار الفراق تزداد يوما بعد يوم.............................واشرب كؤسا من المر والحزن والهوان

 

ابى ... كم اشتاق اليك......................................واشتاق قولك لى يا حبيبة اباكى

 

جاء الموت ليفرق بيننا.................................... ويذيقنا حرقة الفراق

 

كم اشعر بها ولكن .........................................مهما طال الزمن سيظل حبى لك باقى

 

ابى هل تشعر بما جرى لنا ................................انا وامى واخوتى من اهلى واقربائى

 

فوااسفاه ..منهم من ظلمنا و منهم من خاننا...........و الاخرؤن قاطعونا بدون اسباب

 

لم نرى منهم سوى ........................القسوة والكره والبعد والعذاب

 

حتى الاصدقاء لم ارى منهم .............ما كنت اتمناه من حب وحنان

 

تركونى وحيدة دون ذنب منى...................حتى اعانى ما اعانى

 

كم اشعر بوحدة وبكسرة ......................فبعدك ابى داء بلا دواء

 

لكنى يا حبيب قلبى .............................ساحيا على امل اللقاء

 

يوم القاك فى جنة ............................. من انهار ونخيل واعناب

[دكتورة_امة_الله 0]

سامحونى ان كنت ضايقتكم انا خلاص مش هكمل تانى

[أم حمزه تامر 0]

السلام عليكم ورحمة الله وبركاته،،

 

ليه كده يا هبه انا مش قادره استحمل عليكي اي حاجه بعد ما اتعلقت بيكي

انا مقدرتش امسك دموعي

 

وسامحيني انهارده اني مش هقدر ارد عليكي علشان بجد تعبانه شويه كده بفضل الله

وكمان نفسيتي

 

لكن اصبري وصابري ورابطي ان الله يحب الصابرين

 

اقسم بالله اني احبك فالله

[دكتورة_امة_الله 0]

شفاكى الله وعفاكى ياحبيبتى

انا اسفة يا سالى ........دموعك غالية اوى عندى انا عيزاكى تطمنى عليه انا الحمد لله بخير

واللى خلانى اكتب تانى فى الموضوع ده انى انهارده وانا بجهز ورق التظلم واللى من ضمنه شهادة الوفاة بكيت وحسيت انى عايزة اتكلم واكمل حكايتى لكن بجد خلاص مش هكمل تانى عشان انا مقدرش على دموعك خصوصا وانتى بتمرى بازمة نفسية ....اسال الله ان يفرج كربك وكروب المسلمين اجمعين

 

"احبك الذى احببتنى فيه يا غالية"

[امة من اماء الله 1252]

السلام عليكم ورحمة الله وبركاته...فعلا هذا محزن لك الله تعالى اختي لك الله....انا ايضا تاثرت بما كتبته...ولكني ارى ان تكملي عسى الله تعالى ان يرزقنا الكيفية المثلى للتسرية عنك وانا جد اسفة لاختي ام حمزة تامر واساله تعالى ان يكون لها لا عليها ويكون لها سبحانه نعم المولى ونعم النصير...وان شئت اكملت اختنا دكتورة امة الله...المهم في جميع الاحوال انا معك بقلبي وانتظرك كلما اتيحت لك الفرصة....اعانك الله اختي

[أم حمزه تامر 0]

السلام عليكم ورحمة الله وبركاته،،

 

بارك الله لكي حبيبتي

نعم الاخت

[دكتورة_امة_الله 0]

السلام عليكم ورحمة الله وبركاته،

اختى"امة من اماء الله"

جزاك الله خيرا يا حبيبة لمتابعتك لى

وان شاء الله اكمل .............بس انا خايفة اصيب حبيباتى بالاكتئاب

عامة ده هيبقى على مسؤليتك انتى

وانا دايما فى انتظارك

[دكتورة_امة_الله 0]

حبيبتى"ام حمزة"

وفيك بارك الله

 

مقولتليش ...........بعرف اكتب شعر ولا لأ

[أم حمزه تامر 0]

السلام عليكم ورحمة الله وبركاته،،

 

حبيبتي اراكي تعرفين كل معاني الحب والوفاء

احبك فالله

[امة من اماء الله 1252]

وعليكم السلام ورحمة الله وبركاته....وجزاك اختي ...انها لمسؤولية جسيمة غير اني ارى فيها مصلحتك فان لم تكن فانت الادرى....فقط احببت ان تعلمي اني معك في الضراء قبل السراء....احبك اختي ووددت لو اخفف عنك بعضا مما تلقينه....

[أم حمزه تامر 0]

اهديه اليكي حبيبتي

_________________.bmp

[دكتورة_امة_الله 0]

اغلى هدية حصلت عليها فى حياتى

عشان كده هحافظ عليها واحطها جوه قلبى مدى الحياة

بس فى مشكلة دلوقتى ؟؟؟؟؟؟؟؟

منين اجيب لك هدية غالية زى هديتك دى :laugh:

ينفع اهديلك قلبى ......... فوالله لا اجد اغلى منه كى اهديه لكى :wub:

ربنا يكرمك ويبارك فيكى يا سالى

[دكتورة_امة_الله 0]

احبك الذى احببتنى فيه يا امة الله

ان شاء الله فى اقرب فرصة اكمل

[عبــاد الرحمن 165]

السلام عليكم ورحمة الله وبركاته،،

 

أنا جييييييييييييييييييييييييييييت بحمد الله

 

معلش اتأخرت عليكي اصل النت كان فاصل بقاله 12 يوم

 

وعرفت انك اجلتي تنزيل موضوعنا علشان انا مش موجودة ياللا بقى تعالي علشان نخلصه

 

واذيك انتي اخبارك ايه وحشتيني

[أم حمزه تامر 0]

السلام عليكم ورحمة الله وبركاته،،

 

 

حمدا لله علي سلامتك يا عباد