طرحتك حلوه قوي ع البادي الأحمر ؟؟؟؟استفتاء الحـجــاب

[**راضية** 2010]

استفتاء الحـجــاب

 

 

 

"قناة عيش أيامك عيش لياليك الفضائية".." برنامج خللى شبابك يفرح بيك!!"

-بناتي الحلوين انتشر الأيام دى الحجاب جدا جدا والحمد لله تقريبا كل البنات اتحجبوا هنعمل جولة بين البنات علشان نعرف هما اتحجبوا ليه؟

 

 

 

 

 

 

-انا اتحجبت علشان صاحبتى الانتيم اتحجبت وقالت لى هاخاصمك لو ما اتحجبتيش

-الحقيقة انا اتحجبت لان شعرى باظ من كتر السشوار قلت اغطيه

-بحب الحجاب جدا شكله بيدى احترام

-كتير كلمونى عن الحجاب انه حاجة كويسة وبتدى حسنات كتير

-مش عارفة ساعات باحس ان الولاد بيحبو المحجبة اكتر ويوم ما بيفكر يتجوز بيتجوز محجبة

 

 

-----------------------------------------

سألنا البنات: ايه هو الحجاب؟؟ وكان الرد

-الايشارب

-الايشارب

الايشارب

-الطرحة

-الطرحة

-الايشارب حوالى 80% كانت دى اجابتهم

-اللبس الحشمة يعنى المغطى

-الطرحة والتونيك او العباية

-------------------------------------------

سالنا البنات ممكن تخلعى الحجاب تحت اى ظرف من الظروف؟؟

-يعنى اكيد لأ.. بس فى الفرح اكيد طبعا هاقلعه 60%

-مش هاخبى عليكى فى بعض المناسبات باقلعه 20%

-لا طبعا مش ممكن ده يحصل 20%

-------------------------------------------

 

 

 

 

 

 

معانا الحاجة منيرة المستنيرة فتاوى جاهزة وتفصيل وعلى كل لون يا.........

اهلا بيكى يا حاجة فى برنامجنا عاوزين نقول للبنات حاجة عن الحجاب والظاهرة اللى انتشرت دى ياترى سببها ايه؟؟!!

-طبعا هى ظاهرة جميلة ان البنات ترجع تانى تحتشم وده حلو لكن احب اوضح لهم شروط الحجاب علشان يتحجبو صح

-اول شرط انه يكون ستايل وشيك

-تانى شرط انه يكون ماشى مع الموضة

 

 

 

 

 

 

-تالت شرط انه ما يحرمهاش من انها تعيش انوثتها وتبرز مفاتن جسمها

-معانا تلفون سورى للمقاطعة ياحاجة!!

-اهلا بيك استاذ محمد..

-ايه اللى بتقولوه ده؟؟وبتبوظوا بيه عقول البنات حرام عليكم اتقو الله فى شرع ربنا

-لا لا يا استاذ محمد انا ما اسمحش كونتروووووووووووول

ينقطع الاتصال!!

الحاجة:طبعا ده نموذج للفكر الإرهابى المتطرف المنتشر الأيام دى بس هنقول ايه الحمد لله معظم بناتنا بخير وعايشين حياتهم بالرغم من كل ده نرجع بقى لشروط الحجاب

-رابع شرط انو يكون بيعجب الاولاد

-خامس شرط انه يكون فيه تهوية كويسة فى الصيف وبيدفى فى الشتاء..وبكده لو الحجاب استوفى الشروط دى يبقى حاجة لذيذة خالص!!

-شكرا ياحاجة ربنا يكتر من امثالك

-معانا دلوقتى مدام شوشو شيك هتدينا آخر صيحات الموضة للمحجبات

طبعا دلوقتى بعد المحجبة ستايل والمحجبة مودرن السنة دى كان معانا موضة الحجاب على واحدة ونص وقلنا اللى ماعندهاش حاجة محزقة من الوسط تلبس حزام على وسطها

والجديد معانا الحجاب السحرى

-واااااااااااااااااااو ايه بقى الحجاب السحرى

-ده انها تلبس كارينا لون اللحم وتلبس عليها كل اللى نفسها فيه -ستوماك-بادى حمالات-اى حاجة اى حاجة كان نفسها فيها وبكده تعيش حياتها واللى يشوفها مايبقاش عارف ده لون بشرتها الطبيعى ولا هى لابسة حاجة لون اللحم

-وماتنساش تلبس الايشارب طبعا

-آه طبعا الايشارب علشان تبقى محجبة

وبكده بناتى المحجبات تقدروا تعيشوا حياتكم وتخرجوا وتتمتعوا وتعيشوا حياتكم تربطوا الايشارب على راسكم تربطوه على وسطكم المهم تعيشو حياتكم واوعوا تسمعوا كلام الارهابيين التكفيرين المتطرفين الوحشين.

 

 

 

د.إيمان عبد السلام

 

منكووووووووووووووووووول

[*تاجى حجابى* 13]

السلام عليكم ورحمة الله وبركاته،،

والله أنا ضحكت أوى وفى نفس الوقت زعلانة ....بارك الله فيكى أختى الحبيبة

نسيم الغدير

وجزاكى الله خيرا

[*فتاة الاسلام* 0]

هههههههههه مع الاسف هذي هي الحقيقه محد يقدر يهرب منها يعني صار البس المحتشم هو تطرف وارهاب ؟؟حسبنا الله ونعم الوكيل

 

مشكوووره اختي على الموضوع الراائع

[ريحانة من المغرب 0]

السلام عليكم ورحمة الله وبركاته،،

 

بارك الله فيك وجعل أيامك كلها ضحك في ضحك

 

:icon15: ههههههههههههههه :wub:

 

والله يهدي نساء المسلمين وبناتهم

 

ويثبتهم على الطريق المستقيم

[(نشوى) 113]

السلام عليكم ورحمة الله وبركاته،،

 

بارك الله فيك وجعل أيامك كلها ضحك في ضحك

 

:icon15: ههههههههههههههه :wub:

 

والله يهدي نساء المسلمين وبناتهم

 

ويثبتهم على الطريق المستقيم