كده كفاية بقى !!! عايذين نغير من حياتنا...

[عبــاد الرحمن 165]

 

 

كده كفايـــــــــــــــــــــــــــــــــــــــــــــــــه بقى !!!

 

عايذين نغير من حيـــــــــــــاتنـــــــــــــــا

 

 

نفسي تكون حياتي كلها لله

 

 

واكيد كلكم عايذين حياتكم كلها لله

 

انا زعلانة من نفسي خالص

 

زعلانة من غفلتي

 

زعلانة من تقصيري

 

زعلانة من بعدي عن الله

 

فقلت كفاية كده لازم اغير من نفسي لازم ابدأ حياة جديدة حياة كلها لله

 

قال تعالى ( قل إن صلاتي ونسكي ومحياي ومماتي لله رب العالمين وبذلك أمرت وأنا أول المسلمين )

 

بذلك أمرت

 

أمرت أن تكون حياتي كلها لله

 

بس اذاي ؟؟؟؟؟؟؟؟؟؟؟؟؟؟؟؟؟

 

أعبد ربي في كل وقت وحين يكون كل شئ في حياتي لله

 

استحضر نيتي في كل حاجة اعملها تكون لله

 

كفاية تقصير بقى

 

كفاية بعد عن الله

 

كل حاجة بناخد كفايتنا منها

 

كفايتنا من الاكل والنوم واللبس والخروج والفسح واللعب

 

لكن حق ربنا بنقصر فيه

 

أتكاسل عن تلاوة القرآن ويمكنني ان اجلس بالساعات على النت بدون تكاسل

 

ليه طاعة ربنا تقيلة علينا ؟؟؟؟؟؟؟؟؟!!!!!!!!!!!!!!!!

 

علشان قلبنا بقى مشغول بالدنيا

 

علشان كده عايذين نعمل حملة تغيير لنفسنا

 

قبل ما نحاول نغير غيرنا نغير نفسنا

 

هاتشاركوني في حملة التغيير هذه

 

شعارنا فيها نفسي تكون حياتي كلها لله

 

بس مش بالكلام عايذين بالكلام والفعل

 

عايذين نقف مع نفسنا وقفة محاسبة

 

كل واحد عارف نفسه مقصر في ايه

 

عايذين نعمل برنامج يومي نحاول ان يكون كل عمل في يومنا يكون في سبيل الله

 

واول حاجة استحضار النية ان عملنا كله لله مع الاخلاص

 

واول ما نبدأ يومنا بالدعاء اللهم افتح علي هذا اليوم بطاعتك واختمه علي بطاعتك علشان ربنا يفتح علينا بالخير

 

بجد عايذين نغير حياتنا ما ينفعش كده

 

هانفضل كده لغاية امتى

 

لغاية لما حياتنا تنتهي

 

ما ينفعش كده

 

لا

 

هانقف وقفة اليوم ونعلنها هانغير حياتنا

 

حياتنا يا رب هاتكون كلها لله

 

مش عارفة ممكن كلامي يكون غير منظم بس هو ده اللي خارج من جوايه

 

هاتشاركوني حملة التغيير

 

ياللا نشن حملة تغيير على أنفسنا ياللا مفيش وقت

 

انا حبيت تشاركوني فكرتي لاني لوحدي باغفل وبانسى فحبيت حد يكون معايه يشاركني ويعينني

 

اول حاجة في الحملة هانبدأها وقفة مع النفس لمحاسبتها ولوضع النقط التي أريد تغييرها حتى لو في حاجة صح في حياتي اعدلها علشان تكون مخلصة لله

 

هانعمل برنامج يومي بعد الوقفة مع النفس هانحدد فيه احنا عايذين ايه واحنا عايشين ليه واحنا هنا ليه

 

يا رب وفقنا

 

 

[ريحانة النرجس 1]

السلام عليكم ورحمة الله وبركاته،،

انا مشاركه معكي في هذه الحمله اختي الحبيبه

[رضوي 2 1]

انا معاكي بكل جوارحي لاني بجد زهقت من نفسي وتقصيري لما باجي افتكر اول ما التزمت بلاقي حاجة مختلفة خالص غير اللي انا فيه

[عبــاد الرحمن 165]

السلام عليكم ورحمة الله وبركاته،،

انا مشاركه معكي في هذه الحمله اختي الحبيبه

وعليكم السلام ورحمة الله وبركاته،،

 

أهلا بكي اختي ريحانة النرجس معنا في حملتنا لتغيير حياتنا

 

يا رب نعين بعض

[عبــاد الرحمن 165]

انا معاكي بكل جوارحي لاني بجد زهقت من نفسي وتقصيري لما باجي افتكر اول ما التزمت بلاقي حاجة مختلفة خالص غير اللي انا فيه

أنا كمان زهقت من تقصيري يا رضوى

 

عسى هذه الحملة ان تغيرنا للافضل

[Bosy_eng 0]

خديني معاكِ في الحمله دي

انا مقصره بشكل ملحوظ اوي

و مكسوفه من ربنا اوي اوي ازاي اقابله كده لو مت في اي وقت -مهو وارد-

يلا ربنا يرحمني

[el_3abeda 0]

بسم الله الرحمن الرحيم

 

 

اعزك الله

 

 

انا معااااااااااااااااااااك

[سفيرة الاسلام 0]

بسم الله الرحمن الرحيم

 

وانا وانا وانا

 

جزاكى الله خيرا على تحفيذنا واخذك بايدينا

 

ارجوا ان تقبلينى معك فى الحمله

فانا اول المقصرين

 

متى سنبدء

[أم حمزه تامر 0]

السلام عليكم ورحمة الله وبركاته،،

 

ياعباد

بارك الله فيكي

وجعله الله في ميزان حسناتك

 

 

ولي تعليق

هذا الذي كنت اقصده في موضوع حبيبتي الغاليه

 

الدكتوره

 

ولكنكا لم تفهما قصدي

 

فلاحظي معي انه من السهل ان تعترفي باخطائك امام الغير الذي لا تعرفيه

ولذا نعترف بالتقصير

وانه مفيد لنا لاننا لا يلزمنا التغير وهذا من ناحيه الرياء والعياذ بالله التي كنتي تقصديها

 

ولكن الاعتراف بالفضائل التي افعلها امام من لم ولن يراني من الناس افيد

فهم لا يعرفوني فما الذي سيفيدني

ولا اعتقد ان وجودنا في المنتدي تحت اي صفه من الصفات سيكون له شأ ن في التاثير علي النفس بشكل كبير

 

 

﴿ "ان تبدوا الصدقات فنعم هي وان تخفوها فهذا خيرا لكم " ﴾

 

 

ولكنه تحفيظ وتشجيع نفسي وهذا افيد

وفيه سباق للخير

 

وتنافس جميل وشريف وصادق دون رياء باذن الله

 

اسال الله ذلك فانه حنان منان

يقبل التوبه من عباده

 

وتوبوا جميعا الي الله

فان خير الخطأيين التوابيين

 

 

ارجو من الله ان تكوني فهمتي وجهه نظري و

 

والاختلاف في الراي لا يفسد للود قضيه

 

افيديني بردك

جزيتي نعيم الدنيا والاخره

[عبــاد الرحمن 165]

السلام عليكم ورحمة الله وبركاته،،

 

أخواتي في الله

 

Bosy_eng

 

el_3abeda

 

سفيرة الاسلام

 

مرحبا بكم معي في حملة التغيير التي ارجو من الله ان نصل بها الى ما اتمنى ويحبه الله منا

 

وسنبدأ إن شاء الله قريبا بعد أن نقف وقفة محاسبة مع أنفسنا ونحدد ماذا نريد ان نكون في هذه الدنيا ؟؟!!!!!!

 

أختي أم حمزة تامر

 

معلش يا اختي لم اكن افهم قصدك قبل ذلك

 

جزاكي الله خيرا

 

انا بس عايذة نغير من نفسنا للافضل بجد

 

ربنا يعيننا

[dr:heba 0]

أنا معاكم ان شاء الله ياأختى فى هذه الحملة

عايزين فعلا نغير نفسنا ونسخر كل جوارحنا لطاعة الله

أعاننا الله على ذلك

[حبيبة87 3]

وانا معكم بإذن الله

متى نبدأ؟؟؟؟؟؟؟؟؟؟؟؟؟؟؟؟

[~أمُّ تَسنِيم~ 1]

السلام عليكم ورحمة الله وبركاته،،

معكن بإدن الله يا أخوات

جزاك الله خيرا أخية

عباد الرحمن2

[كفاح الألماسه 0]

أنا معاكم

إيه الخطة

لي عوده معكن

تم تعديل 11 أبريل, 2008 بواسطة كفاح الألماسه

[عاشقة الثرى 0]

انا معاكم

لازم نغير من انفسنا

[عبــاد الرحمن 165]

أنا معاكم ان شاء الله ياأختى فى هذه الحملة

عايزين فعلا نغير نفسنا ونسخر كل جوارحنا لطاعة الله

أعاننا الله على ذلك

 

مرحبا بكي يا د. هبة معنا

 

فعلا يا هبة عايذين نغير نفسنا ونسخر كل جوارحنا لطاعة الله كلام معقول

 

تقبل الله دعاءك واعاننا آميييييييييييييين

[عبــاد الرحمن 165]

أخواتي في الله

 

عاشقة الثرى

 

كفاح الألماسه

 

دونك روحي و دمي

 

حبيبة87

 

جزاكن الله خيرا لمروركن ومشاركتكن معي في الحملة

 

ادعو الله ان تكون فاتحة خير علينا كلنا وان تحقق هذه الحملة ما يرضي الله ورسوله

[رضوي 2 1]

يلا بقي نبدا بخطوات عملية

[عبــاد الرحمن 165]

 

 

..مرحبا بكل اخواتي اللاتي شاركن معي في حملة التغيير التي ادعو الله ان تكون سبب في تغييرنا الى الافضل

 

تتساءلون متى سنبدأ؟؟؟؟؟؟؟؟؟؟؟؟

 

سنبدأ أخواتي بإذن الله غدا السبت اول الاسبوع

 

 

كنت فكرت ان اعمل برنامج يومي ولكني تراجعت وفكرت ان يكون برنامج اسبوعي يبدأ من يوم السبت الى يوم الخميس والجمعة للمحاسبة لاننا عايذين نتغير بجد فلا ينفع اني اتغير في يوم وليلة فكرت ان نأخذها خطوة خطوة

 

والبرنامج هايكون عبارة عن مثلا عبادة او بعض العبادات وع بعض المعاملات نحاول تصحيح نياتنا بها ونحاول تعديلها كي تنول رضا الله هكذا كل اسبوع وتأخذ الحملة وقتها شهر شهران المهم نصل الى ما نتمنى من طاعة الله

 

لا تنسوا شعارنا

 

نفسي تكون حياتي كلها لله

 

انتظروني غدا ان شاء الله بعد لما اجلس مع نفسي واحدد ماذا نريد فعله والى اي حد نريد ان نصل اليه

 

 

ولعل هذه الحملة تكون بذرة نغرسها كي تنبت شجرة لا ليس شجرة فقط بل بستان جميل ونقي ومثمر في حب الله وطاعته ورضاه ومحبة الناس

____.bmp

[صدقه جارية 4686]

السلام عليكم ورحمة الله وبركاته

 

بارك الله فيك

 

عباد الرحمن

 

جعله في ميزان حسناتك

[عبــاد الرحمن 165]

السلام عليكم ورحمة الله وبركاته

 

وعليكم السلام ورحمة الله وبركاته،،

 

بارك الله فيك

 

وبارك الله فيكي اختي سندس

 

عباد الرحمن

 

جعله في ميزان حسناتك

 

اللهم آمييييييييييييين

 

نس لازم تشاركي معانا ان شاء الله

[أم حمزه تامر 0]

السلام عليكم ورحمة الله وبركاته،،

 

 

حبيبتي

انتظرك اليوم بمشيئه الله

والله الموفق

[عبــاد الرحمن 165]

 

.اليوم أول يوم في برنامج التغيير

 

أول حاجة هانقوم بيها اليوم هي

 

استحضار النية وتصحيحها وتجديديها

 

 

أهم حاجة في العمل اللي بتقومي به هو النية

 

ممكن تكوني بتعملي اعمال كتيرة لكن لا تستحضري نيتك فيها انها لله فلا تأخذي عليها ثواب

 

وممكن حاجات كتير في حياتك العادية تستحضري النية فيها فتاخدي عليها ثواب

 

فاليوم هانقف مع نفسنا وقفة ونشوف ايه الحاجات اللي بنعملها طول يومنا ونجدد نياتنا فيها انها لله وابتغاء مرضاة حتى يرجى قبول عملنا

 

استحضر نيتي في نومي ان انا بانام لان ربنا جعل الليل سكون واني بانام علشان اجدد خلايا جسمي واعطي جسمه كفايته من الراحة كي اقوم في الصبا نشيطة كي اقدر على طاعة الله واقدر على معاشي خلال النهار

 

استحضر نيتي في الطعام اني باكل لان ربنا امرنا بالاكل ( وكلوا واشربوا ولا تسرفوا )وكمان اناباكل علشان اكون مسلمة قوية وكي اقوى على فعل العبادات

 

استحضر نيتي في عملي بالمنزل من طبخ واعمال المنزل اذا كنت متزوجة انها طاعة لزوجي وتوفير بيت نظيف له ولوكنت بنت استحضر نيتي انها مساعدة لامي وبر بها وكمان استحضر نيتي اني بانظف بيتي لان النظافة من الايمان ويكون بيتي بيت مسلم نظيف

 

استحضر نيتي في كل شئ

 

 

انا احضرت لكم بعض الامثلة وممكن نكتر من نياتنا علشان ناخد ثواب كتير

 

المهم ان كل شئ باعمله استحضر نيتي فيه من اول لما اقوم من النوم الى ان انام من نوم واستيقاظ ونظافة واستحمام وصلاة وتلاوة قرىن واعمال المنزل وطاعة الوالدين وطاعة الزوج وتربية الاولاد والمذاكرة واداء السنن والاكل والشراب وكل شئ استحضر نيتي انه لله ابتغاء مرضاته واتباع لسنة نبينا محمد و...و....و.....و.....و....

 

اليوم هانجدد نياتنا ونصححها

 

وغدا بإذن الله نبدا العمل

 

وأي أخت لها تعليق فلتقدمه لي

 

ارجو ان يتقبل الله منا

[قلب مجروح 1]

انا كمان عاوزة اشارك

معاكم

منى

[عبــاد الرحمن 165]

انا كمان عاوزة اشارك

معاكم

منى

أهلا بيكي يا اختي قلب مجروح

 

مرحبا بكي معنا

 

اعتقد انك قرأتي ما سنفعله اليوم وهو استحضار النية وتصحيحها

 

يا رب تبدأي انتي كمان معانا ويكون اليوم هو بدايه تصحيح النية عندك

 

وتابعينا