محتارة ومحتاجة حد يقولي أعمل ايه

[ريدا 0]

السلام عليكم

 

أنا أول مرة أكتب حاجة في المنتدي

 

وأشهد أني استفدت منه الكثير والكثير

 

مشكلتي إني متقد م لخطبتي شاب مواصفاته جيدة ومعروف إنه عنده دين وخلق

 

عملت رؤية شرعية بعدين كان في قبول وأهلي كلهم موافقين عليه

 

وصليت استخارة بس لما خالي قابله قالي إنه عادي جدا

 

اه بيصلي في المسجد وبيحفظ قرآن بس هو شايفه عادي

 

أنا من الأول كنت شوية مرتاحة بس مش فرحانة ومش مبسوطة

 

كنت عادي جدا كأن الموضوع بيحصل لواحدة تانية

 

فرحانة بعقلي بس قلبي مش مبسوط

 

وعلي طول قلقانة مش عارفة اعمل ايه

 

 

والدي متضايق مني جدا وقالي يا إما العريس ده

يا إما مالوش دعوة بجوازي بعد كده

 

 

مش عارفة اعمل ايه خايفة اوافق وابقي تعيسة أو أرفض وأندم

 

لو سمحتم يا أخوات قولوا لي أعمل ايه

 

 

جزاكن الله خيرا

[أم منو نه 8]

وعليكم السلام

حياكِ الله بيننا أختى الفاضلة

 

الفيصل فى الزواج هو الخلق والدين

فانظرى إلى خلقه ودينه فإن رضيت ِ ، أعطى نفسك فرصة ربما مع فترة الخطبة والسؤال عنه ومعرفته وأهله مع الالتزام بالضوابط الشرعية يتبين لك القرار السليم .

 

ولا تنسى صلاة الإستخارة واستشارة من يعرف الخاطب .

[ياسمين الجنة 0]

السلام عليكم يا زهرة متفتحة وجعلك الله دائما من أجمل الورود المتفتحة

أؤكدعلى ما قالته الأخت عن أهمية السؤال عن خلقه ودينه فهما الأساس لبناء الأسرة واستخيري الله فهو لن يضيعك أبدا

أما إذا عقدت النية على قبوله فكوني ممن يصنعون من الليمونة الحامضة شرابا حلو المذاق وان شاء الله يكون عسل في عسل حتى لاتتعبي في تحلية الليمونة والطيبون للطيبات

[راجية مغفرة من الله 0]

السلام عليكم

حبيبتي الله ينورك طريقك وقلبك امين يا رب العالمين ونصيحتي لك والله ان كان على دين وخلق ويخاف الله فلا تخافي من شئ ان شاء الله ويمكن انت مش فرحانه ربما لانك لم تتحدثي معه ولم تانسي معه بعد فاتركي ذلك للوقت وستتعلقي به

ولا تنسي ان تخبرينا باخبارك لكي نفرح معك

[~رؤى~ 0]

السلام عليكم

 

اخية صلي استخارة ولو تأكدتي انه على خلق ودين فتوكلي على الله واقبليه

 

لان خوفك هذا قد يكون من مداخل الشيطان

 

ولا تنسي اكثري من الدعاء

[noooraaa 0]

السلام عليكم

 

اخية صلي استخارة ولو تأكدتي انه على خلق ودين فتوكلي على الله واقبليه

 

لان خوفك هذا قد يكون من مداخل الشيطان

 

ولا تنسي اكثري من الدعاء

[noooraaa 0]

السلام عليكم اختى فى الاسلام يكفى ان اقول لكى ان استخارة الله فوق كلام البشر واثناء فترة الخطوبة تستطيعى تقييمة فتوكلى على الله ولا تغضبى والدك

[noooraaa 0]

السلام عليكم

 

اخية صلي استخارة ولو تأكدتي انه على خلق ودين فتوكلي على الله واقبليه

 

لان خوفك هذا قد يكون من مداخل الشيطان

 

ولا تنسي اكثري من الدعاء

[مرابطة 3]

السلام عليكم ورحمة الله وبركاته،،

أختي ريدا لن أزيد على ما قاله الأخوات الفاضلات

وزيادة في الإطمئنان كرري الإستخارة بقدر المستطاع

وخاصة في الثلث الأخير من ليلة الجمعة

وفقك الله وأهلك لما يحب ويرضى

[وماالصبر إلا بالله 0]

ريدا ياحبيبتى انا حصلى نفس الموضوع والله بس علشان مقعدتيش معاه كتير واتكلمتى وكنت يوم اقول اه واللى بعديه اقول لا ومدام بيصلى وعارف ربنا وبيقرا قران قليل اللى فى الزمن ده كده بس اسالى عليه كويس واستخيرى ربنا واتكلى على الله الخوف ده طبيعى اسالينى انا ههههههه قبل الجواز ومش مبسوطه وخايفه بس منكرش انى كنت سعيده والحمد لله فى اوقات كتيره بس القرارات دايما بنبقا خايفين ناخدها ربنا يهديكى للخير

[عبــاد الرحمن 165]

بصي يا اختي ريدا لاتأخذي برأي شخص واحد فقط

 

اسألي عنه في مكان عمله وفي مكان سكنهواسألي عنه في المسجد

 

وشوفي رأي الناس كلها عنه ايه

 

واقعدي معاه وفاتحيه في مواضيع عن الدين شوفي رده واسلوبه اذاي

 

وطبعا لا تنسي الاستخارة

 

وادعي الله بهذا الدعاء ( اللهم خر لي الخير ولا تكلني الى خيرتي فغني لا احسن الاختيار )

 

وربنا يوفقك ويرزقك بالزوج الصالح اللي يعينك على امر دينك ودنياكي

 

آمييييييييييييين

[الرحيق المختوم2 0]

ا اختاة اية المشكلة انة عادى ميمكن هو الى يسعدك بس الاول صلى الاستخارة وادعى وممكن مش حاسة بالسعادة لان عمك قال انة عادى فوصلك الاحساس دة وربنا يرزقك بالزوج الصالح

[ويبـا 39]

السلام عليكم ورحمة الله وبركاته :wub:

 

كلامك أحزننى جدا ما المشكلة للعلم مشكلتى شبيهة بعض الشئ بمشكلتى تقدم لى شاب وقالت خالتى عنه انه عادى جدا ولكن خالتى لن تتزوجه

 

انتى لم تعشريه ولم تتعرفى عليه مجرد رؤية ليست كافية ليفرح قلبك أستخيرى الله وتوكلى عليه :sad:

[صاحبه القلب الطيب 12]

توكلى على الله حبيبتى فى الله واستخيرى الله وواضح من كلام والدك انه شاب كويس وكلام عمك عادى يعنى ايه عادى !!!!!! كلنا مثل بعضنا يعنى ننتظر سوبر مان سامحينى فانا خائفه عليكى وطبقى كلام الله ورسوله فالخلق والدين اهم شئ وانتى لم تريه الا مره فاستخيرى وهناك خطبه تعرفينه فيها والتوفيق من عند الله

 

سلامى لكى اختى فى الله

[اللهم اغفر لنا ما لا يعلمون 0]

السلام عليكم

 

اخية صلي استخارة ولو تأكدتي انه على خلق ودين فتوكلي على الله

 

ربنا يبارك و يخر لك :wub:

[كفى بالموت واعظا 0]

حبيبتى ولى زمن ابن القيم

 

هل تريدين ابن تيميه او ابن القيم زوج ؟

 

هذا ليس كلامى انا بل كلام الشيح محمد حسين يعقوب

 

كان يقول الاخت تريده قائم الليل وصائم النهار ومقصر وخاتم لحفظ كتاب الله وطالب علم مجتهد و........

 

وانا اقول لك حبيبتى اولا الدين والاخلاق

 

صدقينى اعرف من بحثت كتير ووقع الاختيار على الاخ الذى لاقبله ولا بعده فى الالتزام زى ما بتقول الناس عنه

 

ولكن هى تعانى اشد المعاناه معه

 

اخلاق ربنا يعافيكى

 

والتزام ربنا يعافيكى

 

التزام اعمى وتشدد وتعصب لمذهب دون غيره وووووووووو

 

فاحمدى الله وصلى استخارة كثير

 

حتى يكون لك الخير

تم تعديل 21 مايو, 2008 بواسطة روان الاسلام

[ريدا 0]

السلام عليكم ورحمة الله وبركاته

 

أعتذر عن تأخري في الرد كان عندي مشكلة في وصلة النت

 

جزاكن الله خيرا علي الردود الجميلة المطمئنة دي

 

أنا أصلا مش توقعت إن في حد هيقر أ الموضوع

 

جزاكن الله خيرا أخواتي نورا ومرابطة وهبة وروان الإسلام واللهم اغفر لنا ما لا يعلمون

 

وصاحبة القلب الطيب وويبا والرحيق المختوم وعباد الرحمن 2

 

معكن حق جميعا أنا الحمد لله صليت استخارة ودلوقتي مرتاحة الحمد لله

 

وبالنسبة لموضوع الاستخارة فقد صليتها

 

وادعو لي ربنا يتم الموضوع علي خير

 

ربنا يسعدكم جميعا

[حبيبة87 3]

حبيبتى طالما زى ما بتقولى صليتى استخارة يبقى سيبى بقى امورك لله وان شاء الله ربنا هيسرلك اللى فيه الخير

وابقى طمنينا عليكى يا قمر

 

 

 

احبك فى الله :biggrin:

[قلب ينبض بحب الله ورسوله 1]

اختي الكريمة

 

صلي استخارة كتييييييييير

 

صدقيني دي مفعولها عجيب

 

وكمان حكاية اني قلقانة وكدة دة طبيعي

 

لانك لسة ما تعرفهوش ولانك عايزاه كويس في كل حاجة

 

لكن ماهو العيب انه يكون عادي جدا؟ظ

 

مش احسن ما يكون متشدد مثلا او يكون متكبر عليكي وعلى اسرتك

 

اهم شيء مادام بيصلي في المسجد وبيحفظ قرآن واخلاقه كويسية يبقي خير ان شاء الله

 

وابقي طمنينا عليكي يا قمر

[أختكم آيات 1]

اختى طالما بيصلى وبيحفظ قرآن يبقى فيه خير ماترفضيهوش وممكن انتوا بعد كده تعينوا بعض على الطاعة

[(:بسمة تفاؤل:) 4]

ربنا يقدر لك الخير يا قمر وابقى طمنينا

 

الاستخاره لن تضيعك ابدا ان شاء الله ^_^

[ghizlane01 0]

Wa llahi oukhti taatrtou bikissatiki katiran,linnani amourou binafsi dourouf, lakinna mouchkilati, akbar kalilan ,lianna lilasaf , la youjad ayou kouboul, hawaltou katiran ,walakin douna jadwa.

Lida ansahouki, ida a3jabaki .wakana da khouloukin wadin,fa mada ba3da dalik.

Atamanna an yarzoukaki llahou zanja salih, wa an takouni farihatan bizawjiki.

Wa llah yktouboulna li fih lkhir, we yhabbeb kalbna ilayh.

[ريدا 0]

جزاكن الله خيرا

يا أخواتي اللهم صلي علي محمد وghizlane01

 

بس معذرة أنا مش فاهمة الكلام المكتوب بالانجليزي

[د/توته 0]

بسم الله الرحمن الرحيم

السلام عليكم ورحمة الله وبركاته،،

 

حبيبتى ريدا بارك الله لكِ ويسر لكِ الخير

اخيتى كل انسان منا وله ظاهر وباطن اما الباطن وهو الاهم فلا يعلمه الا الله عز وجل ومادمت استخرتِ فكونى على يقين ان الله لن ييسر لكِ الا الخير

اما الظاهر فلابد ان تسألى اكثر من شخص عنه وليس ذلك فحسب بل لابد ان تسمعى اليه شخصيا تحدثى معه فى امور الدين التى تخشين ان يكون مختلفا معكِ فيها انظرى الى آراءه ثم احكمى

اما عن قولك بعدم الارتياح فهذا طبيعى اخيتى لانك لا تعرفيه وهكذا كنت حين رأيت زوجى ولكن بعد العقد القى الله المحبة فى قلوبنا فصار قرة العين وحبة القلب فلا تتعجلى فالموده قادمه ان شاء الله

 

 

زواج مبارك مقدما

[د/توته 0]

بسم الله الرحمن الرحيم

السلام عليكم ورحمة الله وبركاته،،

 

حبيبتى ريدا بارك الله لكِ ويسر لكِ الخير

اخيتى كل انسان منا وله ظاهر وباطن اما الباطن وهو الاهم فلا يعلمه الا الله عز وجل ومادمت استخرتِ فكونى على يقين ان الله لن ييسر لكِ الا الخير

اما الظاهر فلابد ان تسألى اكثر من شخص عنه وليس ذلك فحسب بل لابد ان تسمعى اليه شخصيا تحدثى معه فى امور الدين التى تخشين ان يكون مختلفا معكِ فيها انظرى الى آراءه ثم احكمى

اما عن قولك بعدم الارتياح فهذا طبيعى اخيتى لانك لا تعرفيه وهكذا كنت حين رأيت زوجى ولكن بعد العقد القى الله المحبة فى قلوبنا فصار قرة العين وحبة القلب فلا تتعجلى فالموده قادمه ان شاء الله

 

 

زواج مبارك مقدما