سونال 19 أرسلي تقرير عن المشاركة قامت بالمشاركة 24 أبريل, 2014 (معدل) كشرى من مطبخ سونال ولا اطعم المكونات بصل توم كمون شطة كسبرة طماطم ورز وعدس بجبه (الاسود يعني ) ومكرونه ويفضل نوعين من المكرونه يعني مثلا مكرونه صغيره ومكرونه اسباجتي وشعريه .. الطريقة اول حاجه نقطع البصل جوانح ( شرائح طويلة ) بعدين نقليه في زيت كتيير .. يعني نخلي الزيت غزير شويه بحيث يغطي البصل ويفضل يكون زيت ذرة وانا استعملت زيت قطفة جديد بس حلو اوىودى صورته الزيت الي قلينا فيه البصل ده هو الزيت ده الي هنستخدمه بعد كده في طبخ الكشري عشان يبقى مشبع بطعم البصل .. ملحوظة مهمة اوي عملتها ودي من اسرار المحلات وفرقت معايا كتير في الطعم فاضافة لاستخدم زيت البصل فالبصل نفسه بنغطيه الاول بدقيق قبل مانقليه خاصه لو لسه جديد يعني في اول موسمه لما بيبقى البصل مليان مية مش ناشف زي بصل آخر الموسم .. عن نفسي حطيته في كيس نايلون فيه شويه دقيق وهزيت الكيس كويس اوي لما كل قطعه بصل تغطت .. طبعا فككت البصل من بعضه بحيث ميبقاش كتل وانما شرائح رفيعه وغطيتها كلها بالدقيق بعدين قليت .. طبعا بنترك البصل في الزيت لما ينقلي ويبقى بني غامق مش اسود .. الاسود ده يبقى انحرق .. البني الغامق او المائل للغامق هو ده المطلوب .. نطلعه على ورق نشاف او مصفاه زي ماتحبوا وبكده تكون التقلية جاهزه وانتهينا من اول خطوة .. الخطوة الثانية بنجيب العدس ابو جبه ونغسله ونحطه في حله على النار مع ماء كافي للسلق وفصين توم وملعقة ولا اثنين من زيت التقلية .. ماء نظيف مش من الحنفية لان الماء ده هو نفسه هنستخدمه بعد كده في سلق الرز . شفتم الحرفنة .. بعد مايستوي العدس كويس اوي ( طبعا اضفنا له شويه ملح صغيرين اثناء السلق عن نفسي اضفتهم في المرحلة ماقبل النهائيه معرفش ليه جالي احساس ان الملح ممكن يبطأ النضج في العدس زي مابيعمل في اللحمه .. يجوز ) بعد ماينضج تماما نرفعه من الحله وناخذ نفس المية الباقية ونجهز شويه رز مغسولين عليهم شويه عدس اصفر ومخلوطين على بعض نقلب الرز والعدس في ملعقتين زيت من بتوع البصل ونستمر في التقليب شويه عشان يطلع مفلفل ثم نضيف ماء سلق العدس .. طبعا نراعي الكميات يعني نحط كمية الماء مناسبة لكمية الرز بالظبط كأننا بنطبخ رز عادي ومنزودش عشان ميعجنش .. في المرحلة دي لمن لا يتقن طبخ الرز خاصه المفلفل مفيش مانع بعد مايغلي نغطيه ونحط تحته صاجه او البتاعه الي بيحطوها عشان يستوي الرز تحت الحلة دي .. وعلى فكره ممكن تسلق معاهم العدس ابو جبه برضه ثاني او تخليه لوحده تحطه وقت الغرف بس .. عن نفسي حطيت العدس الاسود معاهم بعد ماانسلق بس المحلات مبتعملش كده كله بيبقى لوحده .. اثناء نضج الرز اسلق شويه مكرونه مع شويه زيت صغيرين وشويه ملح وبعد ماتستوي المكرونه كويس نغسلها بماء بارد بعدين نقلبها مع معلقتين سمنة برضه مفيش مانع نحمر ملعقتين تلاته شعريه في شويه زيت لغايه ماتبقى ذهبية بعدين نضيف لها شويه مية وذره ملح ونسيبها تستوي كام دقيقة بتبقى حلوة مع الكشري برضه .. هتطلع لنا حلة كبيرة والكشري عامه لما يبات بيتاكل الصبح وبرضه بيبقى طعمه روعة.. المكرونه المستخدمه طبعا هي الصغيره اوي والمحلات عامه بتحط منها وبتحط كمان اسباجيتي مقطعه قطع صغيره .. نيجي لغرف العدس بقى .. سهله اكيد الكل عارفها زي بتوع المحلات .. ناخذ شويه رز بعدس .. نخبط المغرفة في الحله .. نحط عليهم شويه عدس بجبه .. نخبط خبطتين تاني .. نجيب شويه مكرونه وعليهم شويه شعريه ر واخيرا التقلية على الوجه .. ومفيش مانع ابدا من اضافة بعض الحمص الكبير ( حمص شامي ) مسلوق على الوجه الطريقة دي جهنمية وزي كشري المحلات بالظبط .. جربوها وادعوا لي .. كنت هنسى طبعا لازم جنب الكشري صلصة .. الصلصة بقى سهله جدا . . نجيب شويه سمنه ونقدحهم على النار .. و طماطم مضروبه في الخلاط كويس احسن ومعاهم بصلتين وفصين توم .. نسيبهم يغلوا شويه مع ملعقة ولا اثنين خل . شويه ملح وفلفل وشطه وكسرة ناشفة وتبقى الصلصه جاهزه وبالهنا والشفا .. نيجي بقي للشطه بصي بقوا دي طريقه سهله بجد وبعملها ع طووول بجيب طبق من الصلصه الي عملناها وعليها بقي معلقه شطه ناشفه والله بعملها بتبقي رهيبه الدقه بقي بجيب كام فص توم كده وافرهم وذره فلفل اسود وملح وخل ولمون وباخد بقي معلقه بسيطه من الصلصه الي عملتها بجد بتبقي تجنن والطبق ده لاول رد مع تحياتى ام حمادة تم تعديل 24 أبريل, 2014 بواسطة الأميرة المشاغبة وصفه مميزة 2 شارك هذه المشاركه رابط المشاركه شارك
أم زيــــاد 881 أرسلي تقرير عن المشاركة قامت بالمشاركة 24 أبريل, 2014 وعليكم السلام ورحمة الله وبركاته بسم الله ما شاء الله بارك الله فيك وتسلم إيديك شكله مشهي أوي شارك هذه المشاركه رابط المشاركه شارك
سونال 19 أرسلي تقرير عن المشاركة قامت بالمشاركة 24 أبريل, 2014 وعليكم السلام ورحمة الله وبركاته بسم الله ما شاء الله بارك الله فيك وتسلم إيديك شكله مشهي أوي تسلمى من كل شر ابنتى العزيزة وبارك الله لكى ياقمر شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 24 أبريل, 2014 رووووووووووووووووووووووووووووووووووووووووعه حلو موضوع انك بتحطي على البصل دقيق اجربها انما زيت البصل انا فعلا بستخدمة للرز والعدس بقدحه عليهم في الاخر وبيدي طعم روووعه ولما بسلق العدس ويستوي نص سوي بضيف الرز عليه على طول واحمر الشعريه واضفها روعه طريقتك قريبه مني التسبيكه بقى بقدح التوم في الاخر مع الكسبرة الناشفه والفلفل والكمون والشطه وبضفهم على الطماطم بتدي ريحه خطيرة تسلم ايدك حبيبتي شكلك كتييييييييييييييييييييييييييير شطورة اللهم بارك 1 شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 24 أبريل, 2014 ما شاء الله عليك اللهم بارك بالهنا والشفا جزاك الله خيرا احلى حاجه بحبها فى الكشرى المصرى البصل المحمر ^ــ^ شارك هذه المشاركه رابط المشاركه شارك
سونال 19 أرسلي تقرير عن المشاركة قامت بالمشاركة 27 أبريل, 2014 رووووووووووووووووووووووووووووووووووووووووعه حلو موضوع انك بتحطي على البصل دقيق اجربها انما زيت البصل انا فعلا بستخدمة للرز والعدس بقدحه عليهم في الاخر وبيدي طعم روووعه ولما بسلق العدس ويستوي نص سوي بضيف الرز عليه على طول واحمر الشعريه واضفها روعه طريقتك قريبه مني التسبيكه بقى بقدح التوم في الاخر مع الكسبرة الناشفه والفلفل والكمون والشطه وبضفهم على الطماطم بتدي ريحه خطيرة تسلم ايدك حبيبتي شكلك كتييييييييييييييييييييييييييير شطورة اللهم بارك شفتى بقى انا طالعة شطارة لكى ابنتى العزيزة مشكورة لذوقك ومرورك شارك هذه المشاركه رابط المشاركه شارك
سونال 19 أرسلي تقرير عن المشاركة قامت بالمشاركة 27 أبريل, 2014 ما شاء الله عليك اللهم بارك بالهنا والشفا جزاك الله خيرا احلى حاجه بحبها فى الكشرى المصرى البصل المحمر ^ــ^ مشكورة بنتى العزيزة سارة لمرورك للموضوع نورتى الموضوع شارك هذه المشاركه رابط المشاركه شارك
بنوته مسلمه مصريه 458 أرسلي تقرير عن المشاركة قامت بالمشاركة 27 أبريل, 2014 الله بحب الكشرى جدا جدا أنا بعمل زى حضرتك وبحط دقيق على البصل بس الصلصة بضرب التوم مع الطماطم أما العدس الاصفر لا استخدمه مع الكشرى ده تسلم ايدك بجد شكل الطبق شهى شارك هذه المشاركه رابط المشاركه شارك
سونال 19 أرسلي تقرير عن المشاركة قامت بالمشاركة 14 مايو, 2014 ماشاء الله عليكى ربنا يحميك نورتى الموضوع ومشكورة لذوقك شارك هذه المشاركه رابط المشاركه شارك