ما تزعليش من حماتك

[بنوته مسلمه مصريه 458]

كتبتها / حنان لاشين

 

ما تزعليش من حماتك لو بصت لك كتير وبحلقت O_o

يوم ما جت تخطبك إبنها اللي قالها بصي يا ماما معايه لأنه بيتكسف مش قصدها تبص كده.

 

 

ما تزعلش لو حماتك قابلت (جوز أخت مراتك) بترحاب أكتر

ممكن يكون دخل العيلة قبلك بست سنين وواخدين عليه أكتر و يمكن أكبر سنا يمكن انت أحسن فبيراضوه نفسيا ويمكن علشان حاجات بتفوت عليك.. خد بالك

 

 

ما تزعليش لو حماتك ما أكلتش الكيك اللي مامتك قدمته

الكيك حلو بس هي مكسوفة طيبة على فكرة.. سيبك من الي حصل في المسلسل

 

 

ما تزعلش لو مرة حماتك قالت كلمة زعلتك

فوتها..ما هي اللي علمت مراتك الفاتحة والصلاة وابنك الكبير حفظها من أمه يعني كل سجدة من ابنك في ميزان حسنات حماتك وبيدعي لك فيها.. شفت بقى.

 

 

ما تزعليش لو حماتك حكت لك عن مشكلة بنتها مع خطيبها

مش قصدها تعمل إسقاط سياسي على خطوبتكم على فكرة هي بتفضفض وحتى لو كانت قاصدة طنشي.

 

 

ما تزعلش لما حماتك زعلت منك وتقول لك انت مش مدلع بنتي…

أصلها ما شافتش الفرحة في عنيها كويس.. شافتكم وانتم تعبانين بس بينوها شوية وراضي زوجتك وطبطب عليها وسط أهلها علشان يوم ما هي تشتكي يقفوا معاك ويعقلوها.

 

 

ما تزعليش إن حماتك بتتكلم على إبنها كتير وبتشكر فيه …

أصلها شالته على قلبها تسع شهور وبتحبه قوي زي مامتك ما بتموت في أخوك وزي ما بتحبي إبنك كده.. يعني حته منها.

 

 

ما تزعليش لو قالت لك الفراخ اتهرت والبامية مش حلوة…

إيه يعني..قوليلها هو أنا حا أعرف أطبخ زيك يا ست الكل علميني…واعملي نفسك مهتمة واكتبي أي حاجه واتصلي بيها مرة واللا اتنين وإسألي على أكلة حتى لو ما عملتيهاش وشوفي حا تحبك إزاي.

 

 

ما تزعلش من حماتك لما بتلومك ..

أصلها متعشمه فيك خير ومنتظره كلمة حاضر…. يمكن كلامها غلط ويمكن رأيها مش صح بس انت تقدر تطيب خاطرها بكلمتين وبالعقل وتعمل اللي انت شايفه صح.

 

 

ما تزعليش لو ما حبتكيش زي بنتها.. أصل بصراحة كمان مش بتحبيها زي مامتك…آه والله خلي كل حاجه في مكانها أمك ما حدش حا يحبك حبها ومش حا تتعوض

 

 

ما تزعلش لو ما حبتكش زي إبنها اللي من لحمها ودمها ..

 

 

على فكرة دي بني آدمه وكبرت وعجزت وتعبت وضحت مش العدو اللدود لازم تحترم وتحترمي مشاعرها (وخدوا بالكم قوي من اختلاف الفكر والتعليم والثقافة والبساطة وعاملها على قد إدراكها وسنها) ما تخليهاش تحس إنها خلاص راحت عليها وحا تشيلها في الصندرة حا تحطها في كرتونة على الرف وتبص عليها كل أسبوع مرة وفي العيد تطلعها وتلمعها ويوم الأم تجيب لها شنطة وتحطها المسكينة جنب الشنطة والشنطة سهلوها واتفقوا مع بعض هات خطيبتك أو مراتك واتفقوا إتفاق حا أقول لمامتك يا(ماما) وحا تقولي لأمي يا(ماما) حا نبرهم سوا ونسهل على بعض وفي حضور أمي حا أراضيها على حسابك معلش ساعديني بكلمتين..أشكري معايه فيها وفي تربيتها ونضافتها وأكلها وخليها تحس إنها ملكة.. وبلاش نشتكي من بعض..خلينا نشتكي ل بعض مننا

 

 

وفي بيتنا لما نرجع يا زوجتي انت الملكة ويا ريت قبلها يكون في البيت هو الملك

 

[أم عبدالرحمن وجنة 14]

جميييييييييلة قووووووى

جزاك الله خيرا على النقل الطيب

[**صفا** 208]

جميييييييييلة قووووووى

جزاك الله خيرا على النقل الطيب

[سُندس واستبرق 4685]

وعليكم السلام ورحمة الله وبركاته

 

جميل جدًا انتقاءك بنوتة : )

دومًا له طعم مختلف ، وخفيف دم ربي يبارك فيك وفي جهودك ,

[ساجدة للرحمن 2049]

السلام عليكم ورحمة الله وبركاته

بوركت بنوتة الحبيبة

جميل الموضوع ..

[بنوته مسلمه مصريه 458]

@أم عبدالرحمن وجنة

@**صفا**

مروركنا الاجمل حبيباتى : )

 

@@سُندس واستبرق

جزاك الله خيرا سندسه على كلامك وتشجيعك لى دوما حبيبتى

مرورك الاجمل حبيبتى : )

 

@@ساجدة للرحمن

وعليكم السلام ورحمة الله وبركاته

وفيك بارك الرحمن ساجدة

مرورك الاجمل حبيبتى : )

[«..ارْتِـــقَّـےـاءْ..» 639]

جزيت خيرا بنوتة ()

موضوع جميل ومضحك في نفس الوقت ()