20 رد (ردود) على هذا الموضوع

[يسرا عبد الرحمن]

السلام عليكم ورحمة الله وبركاته

حياكن الله أخواتي الحبيبات

وكل عام وأنتن بخير وإلى الله أقرب

أتيت لكن اليوم بطبق من الحلوى السريعة واللذيذه جدااااا من مطبخي هي حلوى

( آكلير بالشيكولاته )

طعمها أحلى من الجاهز بكثييييييير بشهادة من أكل منها

أتمنى أن تعجبكن بإذن الله

ولا تنسوني من صالح دعاؤكن

------------------------------------

نبدأبسم الله

المقادير

----------------------------

2كوب دقيق

2 كوب ماء

أقل من نصف ملعقة شاي صغيرة ملح

4 بيضات

نصف كوب زبدة

3 أكياس فانليا

ملحوظة : يجب أن يكون معيار المقادير بنفس الكوب حتى تكون مظبوطه

----------------------------

الحشو

---------

كيس بودنج ( كاسترد ) وهذه صورته

ربع كيلو شيكولاته طبخ ( توضع في حمام مائي ونضع عليها نصف كوب ماء وملعقة زبدة ويقلب الجميع حتى ذوبان الشيكولاته )

كريم شانتي ( اختياري )

------------------------------------------

الطريقة

--------------------

أولا : ننخل الدقيق ونضعه جانبا

ثانيا : نضع في كاسرول الماء والزبده والملح

ونتركهم حتى ذوبان الزبدة

وأول ما يبدأ الماء في الغليان نخفض النار ونضع الدقيق دفعة واحدة ونقلب سريعا  حتي يمتزج الخليط ويختفي الدقيق ثم نرفعه من النار

ويصبح بهذا الشكل متماسك ولا يلتصق في الإناء

ثالثا  : ننقل الخليط في وعاء أخر حتى يبرد قليلا

رابعا : بعد أن يبرد الخليط السابق نضع الفانليا

خامسا : نضع البيض واحدة واحدة (ولا نضع الأخرى حتى يختفي أثر البيضه التي تسبقها) بالتقليب المستمر بالملعقة الخشبية

حتى يصبح بهذا الشكل ( عندما ترفعي الملعقة يكون العجين بالملعقة على شكل منقار )

وهاهو أصبح الخليط متجانس وجاهز

سادسا : نحضر صينية مستطيلة مدهونة بالزبدة ( ونشعل الفرن على درجة حرارة عالية جداااا )

سابعا : نحضر كيس بلاستيكي كما بالصورة ونقصه من الطرف

ثامنا : نضع بداخله العجينة أو جزء منها

ثم نضغط عليه كما بالصور

تاسعا : بعد أن انتهينا من رص العجينة بالصينية ندخلها الفرن وهو ساااااااااخن جداااااااا حتى تنتفخ وتبدأ يحمر لونها ثم نخفض النار قليلا على درجة متوسطة

ثم نخرجها من الفرن عندما تصبح بهذا الشكل

ثم نتركها لتبرد وبعد ذلك ( نبلل طرف السكين بالماء العادي ) ونشقها من الجانب مثل الساندوتشات

ونحشوها بالبودنج ( الكاسترد )

ثم ندهن الوجه بصوص الشيكولاته الذي أحضرناه وندخلها بالثلاجة حتي يجمد الصوص

ثم يوضع بطبق التقديم وبالهنا والشفا

[سماء الفردوس]

الى جميع اخوات المنتدى  عايزه تصفيق حااااااااااااااااااااااااااااااار للشيفه يسرا هههههههههههههه



ماشاء الله اللهم بارك تسلم اديكى يا يسرا شكلها يفتح النفس الله يسامحك جريتى ريقى


اعمل ايه دلوقتى انا عايزه من ده هههههههههههههههههههههههههه


جزاكى الله كل خير  بصراحه كل وصفاتك  امممممممممممممممممممممممممممممم

[يسرا عبد الرحمن]

سماء الفردوس, في 16 July 2012 - 06:10 PM, كتب:

الى جميع اخوات المنتدى  عايزه تصفيق حااااااااااااااااااااااااااااااار للشيفه يسرا هههههههههههههه



ماشاء الله اللهم بارك تسلم اديكى يا يسرا شكلها يفتح النفس الله يسامحك جريتى ريقى


اعمل ايه دلوقتى انا عايزه من ده هههههههههههههههههههههههههه


جزاكى الله كل خير  بصراحه كل وصفاتك  امممممممممممممممممممممممممممممم

ههههههههههه
الله يسعدك يا سموءة
تسلمي من كل شر يا غالية
تعملي إيه دلوقتي ؟!
إجري يا بنت اعمليه على طول ولو مش عندك شيكولاته طبخ ممكن أقولك على طريقة تعمليه في البيت
وأنت من أهل الجزاء يا حبيبة
مرورك أسعدني

["حــــواء"]

ما شاء الله لذيذة تسلم إيدك يسورة الحبيبة
نحن نقول لها الباطاشو هي بالفرنسية وهي بالفعل لذيذة وأنا أحشوها بالشكلاطة السايحة وأزينها بالسكر بودرة من فوق
والحمد لله لحقتها المرة دي سآخذ الطبق ههههه

[ويبـا]

ما شاء الله يسرا سبقتينى كنت عايزة اعمله وانزله بس انا باعمله بالزيت فكره الزبده ديه جديده لانى جبت الطريقه الاصليه هل الزبده دى من افكارك ام حدا دلك على الوصفه هيك  بس لى ملاحظه فنيه سمعتها من الشيف حورية المطبخ لا تدخلى الشيكلاته ابدا التلاجه بعد طبخها يعنى اتركيها على الاكلير بعد وضعها عليه وهى هتنشف وطمعها احلى

[يسرا عبد الرحمن]

حواء 2010, في 16 July 2012 - 07:16 PM, كتب:

ما شاء الله لذيذة تسلم إيدك يسورة الحبيبة
نحن نقول لها الباطاشو هي بالفرنسية وهي بالفعل لذيذة وأنا أحشوها بالشكلاطة السايحة وأزينها بالسكر بودرة من فوق
والحمد لله لحقتها المرة دي سآخذ الطبق ههههه

سلمت من كل سوء يا غالية
سبحان الله
إحنا بنحشيها بالكاسترد أو الكريم شانتيه  ونزينها بالشكلاط
ههههههه
الله يسعدك حبيبتي
أنرتي الموضوع يا غالية

[~ماريا~]

ههههههههههههههههههههههههههه
اعتبريني سقفت يا سلوى

جمييييييييله جداا يا يسراااا
ابدعتي يا بنت
ممكن بدل الكستر
مهلبيه؟؟؟

[سماء الفردوس]

قوليلى بقى يا ست ارروبه هههههههههههه

اعمل ايه بدل شيكولاتة الطبخ

عشان اوقات كتير مش بلاقيها

يالا عشان البت يمنى شافتها معايا ومصممه انى اعملها
كنت هكسل بس شكلها يجوع هههههههههههههه

تم التعديل بواسطة سماء الفردوس, 16 July 2012 - 10:09 PM.

[يسرا عبد الرحمن]

ويبا, في 16 July 2012 - 07:21 PM, كتب:

ما شاء الله يسرا سبقتينى كنت عايزة اعمله وانزله بس انا باعمله بالزيت فكره الزبده ديه جديده لانى جبت الطريقه الاصليه هل الزبده دى من افكارك ام حدا دلك على الوصفه هيك  بس لى ملاحظه فنيه سمعتها من الشيف حورية المطبخ لا تدخلى الشيكلاته ابدا التلاجه بعد طبخها يعنى اتركيها على الاكلير بعد وضعها عليه وهى هتنشف وطمعها احلى

يلا نزليه ولا يهمك  حبيبتي
ههههههههههههه
حلوة موضوع الطريقة الاصليه دي
بصي حبيبتي هو ممكن يتعمل بالزيت أو الزبدة
لكن بصراحة بالزبدة بتكون الرائحة والطعم أحلى بكتييييير من الزيت
وليست من اختراعي ولا شيء لأن هناك طرق كتيرة بالزبدة أكثر من الزيت
أما موضوع الشيكولاته أنا بضع فيها ماء وزبده كما ذكرت وقت ما بعمل لها حمام مائي علشان تكون طريه في الأكل ولذلك لا تنشف بسرعة وإذا خرجتيها من الثلاجة بتذوووووب
وأيضا أضعها بالثلاجة حتى لا يخسر الكاستر بداخلها لأني أصنعه بالحليب ونحن في فصل الصيف
وطعم الشيكولاته لا يتغير ولا شيء إذا وضعتها بالثلاجة بل بالعكس بيكون طعمها لذيذ جدااا وهي بارده
أسعدني مرورك الطيب يا حبيبة

[يسرا عبد الرحمن]

مـــاريـــا, في 16 July 2012 - 08:33 PM, كتب:

ههههههههههههههههههههههههههه
اعتبريني سقفت يا سلوى

جمييييييييله جداا يا يسراااا
ابدعتي يا بنت
ممكن بدل الكستر
مهلبيه؟؟؟

مش سامعه يا بنت صوت التصفيق ههههههههه
الأجمل مرورك حبيبتي
يا بنت ما هو الكاستر هو المهلبية لكن بيكون فيه فانليا لأنه جاهز
عادي جدا إعمليه في البيت لو عندك طلباته
جربيه حيعجب الولاد جداااا
وبعدين سريع وسهل

[يسرا عبد الرحمن]

سماء الفردوس, في 16 July 2012 - 10:08 PM, كتب:

قوليلى بقى يا ست ارروبه هههههههههههه

اعمل ايه بدل شيكولاتة الطبخ

عشان اوقات كتير مش بلاقيها

يالا عشان البت يمنى شافتها معايا ومصممه انى اعملها
كنت هكسل بس شكلها يجوع هههههههههههههه

ههههههههههههههههه
ماشي
4 ملاعق كبيرة كاكاو
2 ملعقة كبيرة سكر( على حسب الرغبة ) ممكن تقللي السكر أو تزوديه
نصف ملعقة صغيرة قرفة ناعمة ( اختياري ) لو كانت الكاكو مش نسكويك لأن نسكويك فيه قرفة
كوب كبير حليب
2 ملعقة نشا مذابه في كوب صغير ماء

الطريقة
في كاسرول على النار حتضعي الكاكاو والحليب والسكر والقرفة وتقلبي حتي الذوبان والغليان
وأول ما يبدأ الكاكاو في الغليان تكوني مذوبة النشا في الماء  وتضعيه دفعه واحدة وتقلبي بسرعة حتى يثقل الخليط ثم اطفئي النار
يلا اعمليه حيعجب بنوتك جداااا

[سماء الفردوس]

تسلميلى من كل سوء يا يسرا


متهيالى هتبقى احلى من الشيكولاته كمان



\ان شاء الله عندى معظم مكوناتها ولااااااااااااااااااااااازم اجربها مليش دعوه هه


انا اكتر من العيال ههههههههههههههههههههههههههه

[يسرا عبد الرحمن]

سماء الفردوس, في 16 July 2012 - 10:39 PM, كتب:

تسلميلى من كل سوء يا يسرا


متهيالى هتبقى احلى من الشيكولاته كمان



\ان شاء الله عندى معظم مكوناتها ولااااااااااااااااااااااازم اجربها مليش دعوه هه


انا اكتر من العيال ههههههههههههههههههههههههههه

فعلا هي جميلة جدااا
ولادي بيحبوا ياكلوها بالملعقه لما يتبقى منها شيء
بس بتكون بالنسكويك أحلى
طعمها بيكون مثل شيكولاته دانيت الجاهزة
اعمليها وطمنيني وأهم حاجة خدي بالك إن الفرن يكون ساخن جداااااااا وأول ملتنتفخ وتبدأتحمر اعمليه على المتوسط

[موده واخاء]

روعه يا يسرا لازم اجربه

[موده واخاء]

انا بحبه كتيييييييييييييير وبختارو دايما من العلبة احلى من الجاتو

[يسرا عبد الرحمن]

موده واخاء, في 22 July 2012 - 01:19 AM, كتب:

روعه يا يسرا لازم اجربه

الأروع مرورك مودتي
آسفة على التأخير في الرد
ياااارب تكوني جربتيه وعجبك يا حبيبة

[يسرا عبد الرحمن]

موده واخاء, في 22 July 2012 - 03:08 AM, كتب:

انا بحبه كتيييييييييييييير وبختارو دايما من العلبة احلى من الجاتو

أنا كمان بحبه كتير
لكن بختاره من العلبه ومعاه الجاتو كمان وممكن آكل كرتونة الجاتو نفسها ^_________________^

[~ أم العبادلة ~]

شكلها جميل وبحبه جدااااااااااا

[برحمتكـ استغيث]

الله جمييييييييييييييلة تبارك الله

وسبحان الله كان نفسي الاقي طريقة عمل شيكولاته محترمة هههههههههه ولاقيتها عندك يا خالتو
مش عارفه اقولك ايه

4 ملاعق كبيرة كاكاو
2 ملعقة كبيرة سكر( على حسب الرغبة ) ممكن تقللي السكر أو تزوديه
نصف ملعقة صغيرة قرفة ناعمة ( اختياري ) لو كانت الكاكو مش نسكويك لأن نسكويك فيه قرفة
كوب كبير حليب
2 ملعقة نشا مذابه في كوب صغير ماء

الطريقة
في كاسرول على النار حتضعي الكاكاو والحليب والسكر والقرفة وتقلبي حتي الذوبان والغليان
وأول ما يبدأ الكاكاو في الغليان تكوني مذوبة النشا في الماء وتضعيه دفعه واحدة وتقلبي بسرعة حتى يثقل الخليط ثم اطفئي النار

ايه الكاسرول دا؟؟ وفي حاجة اسمها حمام ماء دا ايه دا ؟؟ ولازم نعمل اشيكولاته عليه ولا ممكن نعملها عالنار كدا علطول؟؟
معلش يا خالتو بس انا بأنتهز الفرصة اتعلم بقا شوية احنا في الاجازة *_^
اه وكمان يا خالتو في بودنج اسمه فنواز هو تركي او سوري مش فاكره بس هو تحفة وموجود في معظم السوبر ماركتات

تم التعديل بواسطة برحمتكـ استغيث, 21 January 2013 - 10:13 PM.

[يسرا عبد الرحمن]

~ أم العبادلة ~, في 21 January 2013 - 09:55 PM, كتب:

شكلها جميل وبحبه جدااااااااااا

جزاكِ الله خيرا يا حبيبة
جربيه سهل جدااااا وحيعجب ولادك جدااا بإذن الله
مرورك أسعدني أمومة