ملف لعرض كيفية تخزين معظم أنواع الاطعمة للاستعداد لرمضان

[عبــاد الرحمن 165]

السلام عليكم ورحمة الله وبركاته،،

 

أخواتي في الله اخوات طريق الاسلام

 

احنا داخلين على رمضان

 

اللهم بلغنا رمضان

 

وبما إن في بنات كتير سنة اولى مطبخ في المنتدى

 

فعايذين من اخواتنا وامهاتنا الحبيبات اللي عندهم خبرة في المطبخ

 

يدخلوا ويقولوا لنا كيفية تخزين المواد الغذائية في الفريزر كي نستعد لرمضان

 

ونوفر وقتنا في رمضان بدلا من قضاؤه كله في المطبخ

 

أنا خزنت الملوخية والبامية فقط

 

فيالى اللي عندها معلومة تدخل تقولها علشان نلحق نخزن في الاسبوع الباقي قبل رمضان

 

واستحضروا النية في تخزين الطعام لتوفير الوقت في رمضان للتفرغ لعبادة الله

 

واستحضروا النية في كل معلومة تكتبوها تفيدوا بها غيركم

 

منتظرة المعلومات من خبيرات المطبخ

 

اللهم بلغنا رمضان

[عبــاد الرحمن 165]

فينكوا يا خبيرات المطبخ

 

ساعدوا سنة اولى مطبخ

 

خلاص رمضان قرب

 

اللهم بلغنا رمضان

[ام مصرية 0]

السلام عليكم ورحمة الله وبركاتة

كل عام وانتم بخير اللهم بلغنا رمضان وارزقنا خيره وارزقنا من بركته

انا عندى بعض الافكار البسيطة لتوفير الوقت فى رمضان مثل ضرب الطماطم فى الخلاط وتعبئتها فى اكياس ووضعها فى الفريزر وكذلك خلطة المحشى يمكن ان نسويها ونضعها ايضاً فى اكياس فى الفريزر ممكن نزع النوى للتمر ووضعة فى برطمان وممكن ايضاً عمل العصائر ووضعها فى الفريزر وممكن قلى البطاطس نصف قلية ووضعها ايضاً فى الفريزر يارب حد يستفيد من هذه الافكار وكل عام وانتم بخير

[عبــاد الرحمن 165]

السلام عليكم ورحمة الله وبركاتة

كل عام وانتم بخير اللهم بلغنا رمضان وارزقنا خيره وارزقنا من بركته

انا عندى بعض الافكار البسيطة لتوفير الوقت فى رمضان مثل ضرب الطماطم فى الخلاط وتعبئتها فى اكياس ووضعها فى الفريزر وكذلك خلطة المحشى يمكن ان نسويها ونضعها ايضاً فى اكياس فى الفريزر ممكن نزع النوى للتمر ووضعة فى برطمان وممكن ايضاً عمل العصائر ووضعها فى الفريزر وممكن قلى البطاطس نصف قلية ووضعها ايضاً فى الفريزر يارب حد يستفيد من هذه الافكار وكل عام وانتم بخير

وعليكم السلام ورحمة الله وبركاته،،

 

جزاكي الله خيرا لعرضك افكارك

 

بس يا ترى انتي جربتي عمل الحاجات دي

 

يعني فعلا ممكن نعمل خلطة المحشي ونضعها في الفريزر مش هاتفسد

 

وكمان نقلي البطاطس معقولة جربتيهم فعلا

[ام مصرية 0]

السلام عليكم اخت عباد الرحمن

انا جربت البطاطس النصف مقلية وبتكون مقرمشة وجميلة بس بصراحة انا مجربتش خلطة المحشى بس سمعت الفكرة من اخت فى المسجد وباقى الافكار جربتها وعلى فكرة الطماطم ممكن تسويها الاول على النار او تتركيهاكما هى

[عبــاد الرحمن 165]

السلام عليكم اخت عباد الرحمن

انا جربت البطاطس النصف مقلية وبتكون مقرمشة وجميلة بس بصراحة انا مجربتش خلطة المحشى بس سمعت الفكرة من اخت فى المسجد وباقى الافكار جربتها وعلى فكرة الطماطم ممكن تسويها الاول على النار او تتركيهاكما هى

وعليكم السلام ورحمة الله وبركاته،،

 

جزاكي الله خيرا ام مصرية

 

حلوة فكرة البطاطس النص مقلية هاجربها علشان اخويه بيحبها

 

والطماطم انا باعصرها واحطها في اكياس بدون وضعها على النار تقريبا كده افضل

 

ياللا كل اللي عندها معلومة جربتها تدخل تقولها لنا

[أم أبي 3]

بصي اختي عباد الرحمن المحشي معرفش صح ولا لا

 

انما البطاطس اه وبطلع احلي بكتيررررررررررررررررررررررررررررررررررررررررررررررر

 

بالقلي طعمها لذيذ بس مطولش اوي علششان متخربش

 

 

افكار نفذتها

 

البقدونس والكزبره الخضره والشبت ممكن تقطعيهم وتشيليهم في اكياس او بطرمنات في الفريزر انا بعملها كده

 

الطماطم انا بشيلها صحيحه زي ما هي في الثلاجه وبطلعها تسيح وبضربها في الخلاط اكني جيباها انما لما اعصرها طعمها بيتغير

 

 

الملوخيه الخضره نخرطها ونضع عليها كربونات الصودا شويه صغيرين ونضعها في كيس في الفريزر

 

ممكن بقي في الايام دي الاخوات ينقوا الارز والحاجان للي بتحتاج تنقعيه علشان الوقت ميضعش في رمضان

[ان تدخلنى ربى الجنة@ 0]

السلام عليكم ورحمة الله وبركاتة انا عندى بعض الافكار بالنسبة للثوم والبصل انا نخرط البصل باى وسيلة يعنى باليد او بكويكى وبعدين نحطها على النا مع زيت وسمنة ونتركها لحد ماتدبل ونسيبها لحد ماتبرد ونحطها فى بطرمان فى الثلاجة وناخد منها بالمعلقة كلما احتجنا والثوم نفس النظام وان شاء الله انا بفكر اعمل اكل اول اسبوع واحطة فى الثلاجة علشان اوفر بعض الوقت وبالنسبة للكحك والبسكوت انا عايزة اعملة من دلوقتى بس مش عارفة ياترى طعمة هيغير

[ام مصرية 0]

السلام عليكم ورحمة الله وبركاتة

بالنسبة للكحك والبسكوت يمكن وضعة فى صفائح السمن الفارغة بعد غسلها جيداً وجفافها او وضعهم فى حلة من الالومنيوم ودا بيحافظ عليهم لمدة طويلة بس المشكل انهم هيتاكلوا قبل العيد

[عبــاد الرحمن 165]

ما شاء الله على الاضافات الطيبة

 

جزاكن الله خيرا

 

أم ابي

 

ان تدخلني ربي الجنة

 

ام مصرية

 

بالنسبة للملوخية انا فعلا جبتها وقطفتها وخرطها ووضعتها في كيس في الفريزر بس ما وضعتش عليها كربونات الصودا ( فايدتها ايه ومش هاتغير طعم الموخية )

يا ريت تردي علي يا ام ابي لسه عندي شوية ملوخية ما عملتهومش

وبالنسبة للطماطم مش لما بتطلعيها من الفريزر مش بتدبل ويكون طعمها مش حلو ولا ايه ؟؟؟؟؟؟

 

فكرة البصل والتوم حلوة اوي يا اختي ان تدخلني ربي الجنة ان شاء الله احاول اجربها بس لو فرمتهم ووضعتهم بدون تحمير في السمنة فيها حاجة !!!

 

ام مصرية بالنسبة لخلطة المحشي انا باقول بلاش احنا ننقي الارز ونقطع البقدونس والشبت ونضعهم في الفريزر والطماطم ايضا والبصل فهايكون سهل تجهيزه في وقتها افضل ولا ايه رأيكوا

 

ياللا في انتظار باقي الخبرات

 

علشان في الاخر اجمع ده كله في مشاركة واحدة اضع فيها طريقة تخزين كل نوع علشان نسهل على كل اخت سنة اولى مطبخ

[ان تدخلنى ربى الجنة@ 0]

الحقيقة ان السنة اللى فاتت فكرت ان انا اخزن الثوم وفعلا جبت عشرة كيلو ثوم واقعدت افصص فيهم وروحت بعد كدة فرمتهم وحطيتهم فى بطرمانات محكمة الغلق وكانت الفاجعة الكبرى عندى علمت بان الثوم الرائحة بتاعتة نفذت على كل الخزين اللى موجود عندى وريحة الثلاجة كانت الله لايوريكى فانا منصحكيش بكدة وطبعا البصل هيصنن وانصحك كمان ما تعمليش حاجة الا لما تلاقى الى قالتلك عليها مجرباها والا ستندمين بلغنا الله واياكم شهرة الكريم

[أم أبي 3]

بلاش موضوع البصل والتوم

 

اختي عبادالرحمن الكربونات الصودا حماتي اللي قالتلي عليها بتدي الملوخيه عرق حتي لو كانت طازه وكمان بتخلي لونها اخضر ومتخفيش انا مجربهاا وكمان لما بتضعيها في الفريزر كمان علشان لونها ميسودش لما تطلع انا عملتها مره والملوخيه كانت جميله

 

فكره للثوم

 

وانتي او ما تطبخي حطي الثوم في ماء لحد ما تحتاجيه هيتقشر معاكي بسهوله

 

جداااااااااا

 

 

انا مجربها بنفسي وبعمله علي طول بفضل الله تنعالي

 

 

كمان

 

 

البسله فصاصيها وشيليها في اككياس والفاصوليا الخضرا قطعيها وشيليلها والباميه كمان

 

اي يا بنات كلنا اولي مطبخ فين الامهات الخبيرات هنا

تم تعديل 27 أغسطس, 2008 بواسطة أم أبي

[ام حلا 6]

و الله يا اخوات اللي قدمتوه شغلة حلوة و ماعندي اي افكار افيدكن فيها انا استفيد بس رح اعمل عجينة الجلاش الرقائق على ايدي ربطتين تلاتة و اشيلهم في الفريزر