ارجو من المشرفات الرد في اقرب وقت جزاكن الله خييييييييرا

[(شروق الشمس) 10]

لسلام عليكن ورحمة الله وبركاته

 

أن العين لتدمع والقلب يبكي ويحترق شوقا وحبا

 

لأعز واغلي شئ عندي هو النقاب اقول لكن شئ النقاب نفسه وحشني قوووووووووووووووووووووي

 

ياررررررررررررب صبرني يارررررررررررب

 

بس أرجو من المشرفات ان يخبروني هل لو لبست النقاب بدون أذن والداي وهما رفضين اني البسه ابقي عاقه لوالدي لو سمحت اخبروني لانه عمي واخي قالولي انـتِ كده بتعملي كبيره من الكبائر وهو عقوق الوالدين وفي نفس الوقت عارفه انه الرسول صلي الله عليه وسلم قال (لا طاعه الا في معروف ) واخي بيقولي انه من رابع المستحيلات انه والدي يسبني اخرج بالنقاب للعلم انا كتييير من الشباب صوروني في الشارع وفي المعهد واخويا بيقولي هو انتِ في الشارع لوحدك محدش بيصورك غيرك ولما قولت لا طاعه مخلوق في معصية الخالق عمي قالي ده لو والدك امرك انك تخرجي بشعرك او نصف كم كده يعني وقال طاعة الوالدين فرض لكن النقاب سنه يبقي تعملي الفرض والله دماغي اتشتت ومش عارفه اعمل ايه وسمعت محاضره للشيخ مصطفي العدوي لانه ماينفعش اطيع والدي في الموضوع ده وعلي فكره والدي مانعني من الخروج من البيت وقالي مافيش خروج من البيت لغاية ما تموتي وما فيش تكملة في المعهد طالما مش عايزه تخرجي من غير النقاب واخويا قالي في شرع مين تسيبي المعهد علشان النقاب هنا عايزيزن نتقدم ونطلع الي الامام ونتتطور في تعليمنا وانتِ تيجي تقولي عايزه تسيبي المعهد علشان النقاب وغلط اللي انتِ بتعمليه

 

فا ممكن اخلص دراسه وعلي فكره ديه اخر سنه ليه في المعهد وبعد كده اقول اديني كملة تعليمي محدش له حجه عندي مش هخرج من البيت من غير النقاب

 

علي فكرة انا خرجت بالنقاب مره وعرفت يعني ستره وعفاف وفعلا فعلا فعلا فعلا هو تاج العفاف علي روؤس العفيفات فهل معني كده بقيت منتقبه خلاص ولا ايه وهل لو قلعته ابقي مذنيه

 

وكمان عايزه اعرف لو واحده لبسها محترم وكويس ووجهها بس هو اللي باين ومشياها محترم وبرده بتسمع كلمه من ده ومن ده وتصويره بالموبيل من ده وحركه مش محترمه من ده هل عليها اي اثم او ذنب

وهل فعلا اهلي هما اللي هيتحاسبوا لو ما لبستش النقاب ونا مش هيبي عليا اي ذنب لاني والداي هما اللي بيقولوا كده

لو سمحتوا ردوا عليه مش الرد بتاع الفتاوي لا ممكن تقرأوا الفتوي وتشرحوها عادي كأنه نقاش بين اي اتنين وبعد كده في الاخر ممكن تكتبه الفتوي لاني مش بفهم ولا بستوعب كلام الفتاوي عايزه شرح له

 

بس نفس اعرف حاجه واحده بس فيها ايه لبسي النقاب معصيه لاهلي علشان هما مش موافقين يعني هو مين اللي هيتستر ويتحجب انا ولا هما مين اللي بيتأذي في الشارع ودائما بيبقي مضايقه لو حد قالي كلمه كده ولا كده انا ولا هما وهما مش موافقين علشان امن الدول ومش عارفه ايه يعني هو انا كنت مشتركه في الاخوان المسلمين ولا في جماعات سياسيه دنا من البيت للمعهد ومن المعهد للبيت رغم اني خرجوي قليل ومع ذلك اللي يقول اقول ايه بس محدش هيحس اللي جوايا ابدا حتي لو كانت حاجه صغيره هو انا مكبره الموضوع شويه ولا حاجه ونا مش واخده بالي ولا ايه لما واحده تتعاكس حتي ما كنش جمالها فتان بس هي كا بنت عندها حياء وأدب هتضايق انه حد بيعاكسها حتي لو بأقل كلمه حد يقولي انا غلطانه في حاجه واللي يغيظ اكتر كل ما اقول لحد علي اني بتعاكس وفي موبيلات بيتصورني يقعد يترأيق ويقول ايه السفيره العزيزه ديه اللي قالتهالي والدتي هزلت لما قالتها فين النخـــــــــــــــــــــــــوه والرجوله فين فين فين فين يجماعه قولولي انا مكبره والموضوع ولا حاجه وعلي قكره انا واخده شهادة جرافيك وجريت في صورتي شيلت منها حاجات وحطيت جنبها صورة طفل وكتبت عليها ده ابنها تخيلوا لو حد مسيحي صورني او مسلم من ضعاف القلب وعارف في التصاميم والجرافيك وعمل كده ووزعها زي ما رقمي اتوزع قبل كده في الجامعات والله ووصلت الصوره في ايدي اخواني هيعملوا ايه اقول ايه تاني اخواني الاولاد الاربعه كل واحد فيهم بيكلم واحده وبسمع انهم بيعملوا حاجات مش عايزه اقول عليها وماينفعش ولا يصح اصلا اقول عليها فخوفت علي نفسي قووووي اكتر الفتره اللي فاتت ديه اكتر لانه كما تدين تدان صح ولا لا حتي لو كنت بصلي وبقرأ قرآن مش فاهمه الموضوع ده اخواني واللي بيعملوا ممكن يتعمل فيا لانه رسول الله (صلي الله عليه وسلم ) قال كما تدين تدان ارجو توضحوا الموضوع ده ليه وبعدين مافيش في بلدنا حد اتمسك قبل كده من امن الدوله من ساعة ما اتولدت والله لو تعرفوا التعب اللي جوايا اد ايه مش هتصدقوا وبذات لما اشوف واحده منتقبه في الشارع والله والله بمسك نفسي من العياط علشان في الشارع وكده عارفين عمي بيقولي ايه ده شاف واحه قبل كده لا بس نقاب وبيحسبه واحده الا واحده جنبه بيقولوه ده واحد مش واحده طب انا مالي وبيقول لي لو لبستيه هيقولواه مين ديه ومش عارفه لو ملبستهوش اه الناس اللي في المنطقه هيقوله اه ديه شيماء بنت كذا كذا وبعدين اللي بيلبس النقاب بتحسي انه عامل عامله بيستخبا منها ياررررربي ايه الكلام ده في ايه حصل ياناس في الدنيا وبعدين الحجاب حريه شخصيه

اسفه اني طولت عليكن

 

والسلام عليكن ورحمة الله وبركاته

تم تعديل 10 مارس, 2009 بواسطة ♥ شروق الشمس ♥

[الحاجة أم حسن 9]

بسم الله الرحمن الرحيم

وعليكم السلام ورحمة الله وبركاته،،

 

بارك الله فيك الحبيبة

شروق الشمس

ورزقنا طاعته سبحانه وتعالى

اللهم أعنا على ذكرك وشكرك وحسن عبادتك

 

يمكنك الاطلاع على هذا الموضوع

 

https://akhawat.islamway.net/forum/index.ph...741entry2304741

 

وإليكِ

 

 

http://www.islamlight.net/index.php?option...003&id=8623

 

حكم الدراسة في كلية مختلطة، وخلع الطالبة للنقاب

المفتي اللجنة الدائمة للبحوث العلمية و الإفتاء

 

السؤال

1ـ هل يجوز لي خلع النقاب مع أنني أصبحت لا أطيق أن ينظر أحد إلى وجهي، وفي خلع النقاب فتنة لي، أم أن خلعه يعتبر تقصير مني في التوكل على الله تعالى، أم أن فتنة التعذيب والقبض وكل شيء بقدر أكبر من فتنة خلع النقاب.

 

2ـ هل يجوز إكمال بقية هذه السنة في هذه الكلية المختلطة مع التقليل من دخولها قدر الإمكان، مع ما في دخولها من فتن حتى يتسنى لي التحويل إلى كلية طب غير مختلطة؟

 

3ـ هل ما فعلته يعتبر عقوق لوالدتي؟ حيث إنها متعبة جدًا لارتدائي النقاب وخائفة على جدًا؟

 

4ـ هل ما أفعله هو اجتهاد ـ على حسب قولهم ـ ولا يصح لي فعله إلا بعد أن أصل إلى مرتبة الكمال؟

 

5ـ إذا كانت المرأة تشعر بالفتنة أو تفتن بمجرد خروجها من منزلها وسيرها في شوارع مختلطة، فهل يجب في حقها ألا تخرج من بيتها مطلقًا إلا للضرورة، أو أن تخرج في سيارة وهذا غير متيسر لها، أم ماذا يجب عليها أن تفعل؟

 

6ـ إذا كانت هناك فتاة لها ظروف مشابهة للظروف التي سردتها، ولكنها لا تستطيع التحويل إلى كلية طب غير مختلطة فماذا تفعل؟

الجواب

 

1، 2: لا تستمري في الكلية التي فيها اختلاط الشبان بالشابات، اجتنابًا للشر، ودرءًا للفتنة، وانتقلي إلى كلية أخرى لا اختلاط فيها ولا فتنة.

 

3، 4: ما حصل منك إنما هو عن اجتهاد، وهو أقرب إلى الصواب، وأحفظ للعرض، وأبعد عن الفتنة، وأحوط في الدين، وعلى هذا لا يعتبر عقوقًا لوالدتك، وهي أيضًا مجتهدة معذورة مدفوعة بدافع العاطفة، والحرص على مصلحتك، والخوف عليك من ضرر القبض والسجن والانقطاع من الدراسة، وآثرت هذا على الجوانب الأخرى.

 

5، 6: إذا كان الواقع من حال الفتاة الشعور بما ذكر من الفتن، فالخير لها في لزوم بيتها والعزلة، إلا إذا دعت الضرورة إلى ما لا بد منه جاز لها أن تخرج مع الحجاب، وإن كان الخروج سفرًا فلا بد مع ذلك من محرم أو زوج.

 

وبالله التوفيق، وصلى الله على نبينا محمد وآله وصحبه وسلم.

ــــــــــــــــــــــــــــــــــــــــ

مصدر الفتوى: فتاوى اللجنة الدائمة للبحوث العلمية والإفتاء - (ج17/ ص263) [ رقم الفتوى في مصدرها: 6110]

 

 

اللهم صلِّ وسلم وبارك على سيدنا محمد وعلى آله وصحبه وسلم

[(شروق الشمس) 10]

جزاكِ الله خييير الجزاء يأمي

 

ربنا يجعله في ميزان حسناتك يارررب العالمين

[blue 2 eyes 3]

حبيبتي شيماء انتي على صح حبيبتي واهلك يظنون انهم على الصواب

يعني وابوكي زلمة كبير بده يمشي كلمته

شوفي اسلوب ابوكي بيحبه وحاولي تتقربيله فيه

والله يوفقك

لي عودة للاكمال حبيبتي

[(المشتاقة الى الله) 0]

اهدى حبيبتى وسلمى امرك لله وادعى كتير

مش عارفة اقولك ايه

بس لو اضظررتى للنزول معاهم ومش رضوا تلبسى نقاب البسى اسدال وطبعا مفيش اى مكياج وجوانتى دى مجرد رأى

ربنا يهديهم ويهدينا جميعا