أم عائشة المصرية 242 أرسلي تقرير عن المشاركة قامت بالمشاركة 17 أغسطس, 2009 بســم الله الـرحمــن الرحيــم السلام عليكــم ورحمـة الله وبركاتــة ،، حبيباتى الغاليات أعجبني هذا الموضوع فى احد المنتديات فأحببت نقله لكن للإفادة، وجزى الله كاتبته خيرا. طبعا رمضان شهر كله خير وبركة وكله عزومات وولائم في منتهى الجمال... وطبعا كل يوم والتاني عندك عزومة شكل وأكيد قبل العزومة بتبقي محتارة مش عارفة تعملي إيه وتقدمي إيه ونفسك تقدمي أحلى حاجة عندك... ونفسك كمان تخلصي الأكل بدري قبل أذان المغرب على الأقل بساعتين علشان تغيري هدومك وتستقبلي المعزومين.. ما هو مش معقول الضيوف ييجوا يلاقوكِ قاعدة لسه في المطبخ بتطلعي حاجات من الفرن وبتدخلي حاجات تانية.... مش كده ولا إيه؟؟؟؟ طبعا هتسألي نفسك دلوقتي وتقولي ازاي كل ده يحصل؟ ده أنا لما بيكون عندي عزومة باصحى من الفجر وبافضل طول النهار قاعدة في المطبخ ويادوب باخلص الأكل ساعة الأذان (عذرا لى تعليق على هذا الكلام فهذا أمر مبالغ فيه ولو كان ده بيحصل فعلا من أحد الأخوات فنصيحتى لها ان تتدارك الأمر حتى وإن وصل الأمر لإلغاء العزائم إلى ما بعد الشهر فهذا الشهر للعبادة وليس للمطبخ!) وعلشان تباني قدام ضيوفك ست بيت من الدرجة الأولى هقولك دلوقتي على طريقة سهلة جدا للاستعداد لعزومات رمضان... يلاّ نشوف مع بعض أولا:اقعدي مع نفسك شوفي يا ستي الاستعداد للعزومة بيكون قبلها بيومين بإنك بتقعدي مع نفسك كده وتشوفي عدد المعزومين قد إيه؟؟؟ وعلى الأساس ده بتحددي كمية الأكل اللي إنتِ هتعمليها وخدي بالك إن لو كان عدد المعزومين قليل يعني مثلا 3 أفراد هيبقى عدد الأصناف قليل ومحدود... لكن لو عدد المعزومين كبير هيبقى فيه تنوع في الأصناف المقدمة وده علشان ترضي جميع الأذواق... ثانياً:هاتي ورقة وقلم بعد ما حددتي عدد المدعوين للعزومة هاتي ورقة وقلم واكتبي قائمة بالأصناف اللي المفروض تكون موجودة على السفرة.. ودي نسخة من القائمة اللي ممكن إنك تعمليها في أي عزومة.. • أولا السلطات: شوفي يا ستي المفروض يكون عندك على السفرة في أي عزومة نوعين من السلطات وليكن مثلا طبق سلطة طحينة وطبق سلطة خضراء. • ثانيا الشوربة: كفاية قوي في عزومة رمضان وجود نوع واحد من الشوربة خاصة كمان لو كان عدد المعزومين مش كبير. • ثالثا اللحوم: طبق اللحوم ده بيعتبر من الأطباق الرئيسية على السفرة علشان كده لازم يكون على السفرة في أي عزومة نوعين من اللحوم وليكن مثلا طبق بوفتيك لحمة وطبق فراخ مشوية. رابعا النشويات: النشويات زي الرز أو المكرونة أو الرقاق أو المحشي وخدي بالك إن المفروض يكون على السفرة نوع واحد من النشويات.. يعني إما مكرونة أو رز، مش معقول الاتنين. • خامسا الخضار: كفاية قوي صنف واحد من الخضار على السفرة خاصة إن الإقبال على الخضار بيكون مش كبير قوي في العزومات. • سادسا الحلويات: أكيد لو عندك عزومة هتقضي وقت كبير جدا في عمل الأكل علشان كده اختاري الحلويات السهلة في التحضير أو اختاري الأصناف اللي ممكن إنك تعمليها قبلها بيوم... زي البسبوسة أو أي نوع من الحلويات اللي بتتقدم باردة زي الآيس كريم.. ثالثا :التحضير الفعلي للعزومة بعد ما جهزت قائمة بالأصناف اللي إنتِ ناوية تعمليها في العزومة عليكِ ببدء التحضير الفعلي للعزومة وخدي بالك إنك تحضري ده قبلها بيوم. طبعا هتسألي نفسك دلوقتي وتقولي ازاي أحضر الأكل قبلها بيوم، كده الأكل يبوظ خاصة إن الجو حر... شوفي يا ستي.. دي الحاجات اللي ممكن إنك تعمليها قبل العزومة بيوم: 1- العصائر ممكن إنك تعمليها وتحطيها في كوباية العصير وتحطيها في التلاجة أو تحطيها في أكياس وتحطيها في الفريزر وتطلعيها قبل المغرب بخمس ساعات. 2- جهزي أدوات المطبخ بتاعتك زي "الصواني والأطباق والكوبايات والكاسات" واتأكدي من نظافتها بحيث إنها تكون جاهزة على الاستعمال. 3- لو هتعملي محشي ممكن إنك تجهزيه وتلفيه وتحطيه في التلاجة بحيث يكون جاهز على التسوية يوم العزومة. 4- لو هتقدمي في العزومة لحمة أو فراخ مشوية ممكن أنك تتبليهم ببصل قبل العزومة بيوم وتحطيهم في وعاء بلاستيك وتسيبيهم في التلاجة بحيث يكونوا جاهزين على الشواء يوم العزومة. 5- لو هتعملي مكرونة بالبشاميل أو جلاش باللحمة المفرومة يبقى ياريت إنك تعصجي اللحمة قبلها بيوم. 6- الحلويات ممكن إنك تعمليها قبل العزومة بيوم وتحطيها في التلاجة ومن الحلويات اللي ممكن إنك تعمليها الآيس كريم والبسبوسة والبقلاوة.. وخدي بالك إنك تغطي صينية البسبوسة أو البقلاوة كويس. رابعا: يوم العزومة نفسه أكيد لو جهزتِ الحاجات دي زي ما قلنا ليكِ هتقومي يوم العزومة أعصابك مستريحة جدا وهتبدئي في إنك تخرجي الحاجات اللي إنتِ جهزتيها من التلاجة وتسويها وفي الوقت اللي الحاجة فيه بتستوي ممكن إنك تعملي السلطة وخدي بالك إنك تحطي الأكل اللي هيستوي بدري في أواني حرارية علشان يفضل محتفظ بسخونته... وبكده فعلا هتخلصي كل حاجة قبل أذان المغرب بساعتين وهتقدري تستقبلي ضيوفك وإنتِ أعصابك مستريحة قوي شارك هذه المشاركه رابط المشاركه شارك
سجدة55 18 أرسلي تقرير عن المشاركة قامت بالمشاركة 17 أغسطس, 2009 بارك الله فيكي على الافكار الغالية ده و فعلا الواحدة بتبقى مشغولة بالاكل اكتر من العباده ربنا يغفر لنا و يتقبل منا شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 17 أغسطس, 2009 جزاكِ الله خيرا أخيتي سجدة55 على مرورك. غفر الله لنا وللمسلمين أجمعين. ولكن علينا حبيبتى كما ذكرت إن زاد الأمر عن حده وتحول رمضان إلى شهر عزائم بدلا من شهر عبادة أخذ قرار بمنع هذا الأمر.. أما إن كان الشهر به عزومتين تلاتة فإن شاء الله لا يضيع الشهر ونحتسب إطعام الطعام وإدخال السرور على قلب مسلم وغفطار صائمين وصلة رحم.. شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 17 أغسطس, 2009 جزاكِ الله خيرا أخيتي سجدة55 على مرورك. غفر الله لنا وللمسلمين أجمعين. ولكن علينا حبيبتى كما ذكرت إن زاد الأمر عن حده وتحول رمضان إلى شهر عزائم بدلا من شهر عبادة أخذ قرار بمنع هذا الأمر.. أما إن كان الشهر به عزومتين تلاتة فإن شاء الله لا يضيع الشهر ونحتسب إطعام الطعام وإدخال السرور على قلب مسلم وغفطار صائمين وصلة رحم.. شارك هذه المشاركه رابط المشاركه شارك
موده واخاء 417 أرسلي تقرير عن المشاركة قامت بالمشاركة 17 أغسطس, 2009 بارك الله فيكى نصائح غاليه ومفيدة احبك فى الله شارك هذه المشاركه رابط المشاركه شارك
موده واخاء 417 أرسلي تقرير عن المشاركة قامت بالمشاركة 17 أغسطس, 2009 بارك الله فيكى نصائح غاليه ومفيدة احبك فى الله شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 25 أغسطس, 2009 ربنا يكرمك يا أم عبد الله وحيد وأنا أيضا أنا أحبك فى الله شارك هذه المشاركه رابط المشاركه شارك
ام رميساء و جنى 16 أرسلي تقرير عن المشاركة قامت بالمشاركة 5 سبتمبر, 2009 نصائح جميلة بارك الله فيك اختي الحبيبة شارك هذه المشاركه رابط المشاركه شارك
saharyonis 0 أرسلي تقرير عن المشاركة قامت بالمشاركة 27 سبتمبر, 2009 جزاكى الله خيرا اختى على تعبك لكن هاد والله كلو تبذير والله حرام هاد كلو والله انا ازا عملت اليوم شوربه بعمل جنبها سمبوسك فقط وفى احق من ان نعزم ناس هادين فى ناس احوج والله صله الرحم حلوه لكن بشئ بسيط لان فى احوج بجوز ومشكوره اختى شارك هذه المشاركه رابط المشاركه شارك
أم عائشة المصرية 242 أرسلي تقرير عن المشاركة قامت بالمشاركة 7 اكتوبر, 2009 (معدل) جزاكى الله خيرا اختى على تعبك لكن هاد والله كلو تبذير والله حرام هاد كلو والله انا ازا عملت اليوم شوربه بعمل جنبها سمبوسك فقط وفى احق من ان نعزم ناس هادين فى ناس احوج والله صله الرحم حلوه لكن بشئ بسيط لان فى احوج بجوز ومشكوره اختى جزانا وإياك أختى الفاضلة ولكن عذرا لى تعليق على كلامك..فأنتِ تقولين هذا حرام لأنك تعملين الشربة بجانبها سمبوسك فقط ولكن أختيي هذه الأصناف غالبا ما تكون موجودة على سفرة كل بيت.. هذا ما أراه فى بلدى وإنما كان تعليقي: طبعا هتسألي نفسك دلوقتي وتقولي ازاي كل ده يحصل؟ ده أنا لما بيكون عندي عزومة باصحى من الفجر وبافضل طول النهار قاعدة في المطبخ ويادوب باخلص الأكل ساعة الأذان (عذرا لى تعليق على هذا الكلام فهذا أمر مبالغ فيه ولو كان ده بيحصل فعلا من أحد الأخوات فنصيحتى لها ان تتدارك الأمر حتى وإن وصل الأمر لإلغاء العزائم إلى ما بعد الشهر فهذا الشهر للعبادة وليس للمطبخ!) على تضييع الوقت فى هذا الشهر الفاضل بالإضافة إلى قضاء وقت كبير جدا لعمل أصناف كثيرة وممكن يترمى كل هذا بالآخر.. وعلى كل حال علينا ألا ننسى إخواننا الفقراء فى العزومات فلن نخسر شيء لو زودنا كمية الطعام قليلا وأرسلنا لبيت مسلم ولو كمية بسيطة ولا تحقرن من المعروف شيئا. جزاكِ الله خيرا أخيتي على النصيحة وأرجو أن أكون وضحت مقصدى. تم تعديل 7 اكتوبر, 2009 بواسطة أم عائشة المصرية شارك هذه المشاركه رابط المشاركه شارك
saharyonis 0 أرسلي تقرير عن المشاركة قامت بالمشاركة 24 اكتوبر, 2009 الله يجزاكى الخير وربنا يعيد علينا بركات الشهر الكريم فى العام القادم ونحنا مرتاحين البال يا رب شارك هذه المشاركه رابط المشاركه شارك
