يالله نختم القرآن الكريم

[*لقاء* 1]

بسم الله الرحمن الرحيم

 

السلام عليكم ورحمة الله وبركاته،،

 

حبيباتى احتاج اليكن

 

نعم احتاج الى مساعدتكن فلا تبخلن بها على

 

احتاج منكن ان تذكرونى بقراءة الورد اليومى

 

ونستطيع بذلك ختم القرآن عدة مرات قبل رمضان القادم ان شاء الله

 

حيث اننا اعتدنا على ختم القران فى رمضان فقط

 

وانا معكن اذكركن ايضا

 

فلنذكر بعضنا البعض

 

ولنا الاجر والثواب ان شاء الله

 

ولنجعلها مسابقة شريفة

 

ونشوف مين هاتختم الاول

 

وتنال لقب (الاولى فى ختم القرآن الكريم)

 

فلنبدأ من غدا ان شاء الله

 

احتاج اليكن فلا تردونى,,, :mrgreen:

[ام عبد الرحمن83 1]

السلام عليكم ...

لا غاليتي

لقاء

جامدة جدا عايزه تاخدي كل الحسنات دي لوحدك

كل مره تعملي موضوع أحلى من الي قبلو

سلمت يمينك معك دائما في الحجات الي تدخل الجنة أنشاء الله

أحبكن في الله ولله

[*لقاء* 1]

جامدة جدا عايزه تاخدي كل الحسنات دي لوحدك

 

ارحمينا باة يا شيخة حرام عليكى

 

عندها حق شهد

 

حطت لك كل الروابط الممكنة وما فيش فايدة

 

عموما يا ستى طالما دخلتى خلاص ان شاء الله هاتاخذى مثل الاجر

 

يالله ياعم ابسط باه

 

بارك الله فيكى على مشاركاتك الجميلة

 

والتى تسعدينى بها دائما

 

الله يرضى عليكى

 

احبك فى الله

[ام عبد الرحمن83 1]

السلام عليكم

لاء والله مش حسد ههههههههه

لكن { في ذلك فليتنافس المتنافسون }

على فكره أنا شحاته للحسنات

وعموما عشان الدعوة الحلوة دي

أ حعديها ومش حشحت المره دي في صفحتك

أنا حشوف صفحة ثانية ههههههههه

أحبكن في الله ولله

[*لقاء* 1]

لاء والله مش حسد ههههههههه

 

لا حبيبتى مش قصدى انك بتحسدى والله

 

على فكره أنا شحاته للحسنات

 

ويا ستى اشحتى براحتك كلنا شحاتين وفى عرض حسنة واحدة

[أم عمار و عبدالرحمن 3]

السلام عليكم ورحمة الله وبركاته،،

الغالية لقاء جزاكى الله خيرا أنا كمان كنت محتاجة لهذه المنافسة الشريفة هحاول أكون أول من تختم القرآن أنا دلوقتى بقرأ فى سورة الرعد

[ام عبد الرحمن83 1]

يلا

يأم عمير

إلقي أم عبد الرحمن دي

في سورة الحجرات دا أنا أنام واستناك

أحبكن في الله ولله

[*لقاء* 1]

اهلا بيكى حبيبتى عمار ويارب تداومى معانا

 

الغالية لقاء جزاكى الله خيرا أنا كمان كنت محتاجة لهذه المنافسة الشريفة

هحاول أكون أول من تختم القرآن أنا دلوقتى بقرأ فى سورة الرعد

بس كده انتى هاتسبقينا بكتييييير

 

انا لسة هابدا من الاول خالص

 

زى بعده

 

ادينا عرفنا مين الاولى بتاعتنا

 

بارك اله فيكى

[*لقاء* 1]

مين هاتشجعنى النهاردة

 

وتاخد فيا ثواب

 

انا فى انتظاركن

[لؤلؤة البيت 0]

السلام عليكى أختى فى الله أنا عضوة جديدة أريد المشاركة وأنا فى سورة الشعراء الان ممكن أشارك

[*لقاء* 1]

اهلا بيكى اختى لؤلؤة نورتى الصفحة

 

وطبعا ممكن

 

وانا اللى باستسمحك ممكن تشجعينا فى ختم القرآن الكريم

 

بارك الله فيكى

 

بس انتى باسم الله ما شاء الله متقدمة

 

بس دة هايخلينى اتشجع اكتر

 

انا الحمد لله بدات اليوم بسورة البقرة

 

وان شاء الله انتهى من قراءتها اليوم باذن الله

 

يالله يا جماعة والله احنا محتاجين لكل حسنة

 

اين باقى الاخوات ورفيقات الدرب

[نعمة النقاب 0]

السلام عليكم ورحمة الله وبركاته،،

والصلاه والسلام على سينا محمد وعلى اله وصحبه وسلم تسليما كثيرا يارب العالمين

 

جزاكى الله خيرا يااختى فى الله ( لـــــــــــــــقــــــــــــــــــــاء)

الصراحة كل مواضيعك رائعه

انا معاكى كمان هنا ومع الغالية ( ام عبد الرحمن 83) ومع اختى فى الله ( لؤلؤة البيت ) على فكرة اسمك حلو اوى

 

انا الحمد الله فى سورة البقرة معاكى يعنى يالقاء وانشاء الله حخلصها النهاردة وكل مااخلص سورة حدخل واكتب انا عملت اية

يالا عايزين نشدوا حيلنا كمان شويه علشان نلحق بالغاليه ( ام عبد الرحمن 83) والعزيزة( لؤلؤة البيت )

جعله الله فى ميزان حسناتنا وجعل القرأن الكريم شفيع لنا يوم القيامه

اشوفكم قريبا انشاء الله مع سورة ال عمران

السلام عليكم ورحمة الله وبركاته

[*لقاء* 1]

كم اسعدنى تشريفك بالانضمام الينا غاليتى بيبى كوكو

 

ربنا يعزك يارب

 

ويجعل تشجيعك لينا فى ميزان حسناتك

 

وانا معاكى ان شاء الله نخلص سورة البقرة اليوم باذن الله

 

بارك الله فيكى

[أمّ عبد الله 2371]

السلام عليكم ورحمة الله وبركاته،،

 

بوركت غاليتي لقاء على المواضيع الرائعة

 

جعلها الله في موازين حسناتك يا حبيبة

 

حبيبتي كنت عايزة ابدا معاك

 

لكني بدات وانا الان في سورة الانعام

 

فانا ولله الحمد والمنة اختم كل شهر تقريبا

 

فوردي اليوم هو 25 صفحة

 

أي 5 صفحات وراء كل صلاة

 

أسأل الله لكن التوفيق يا حبيبات

 

فما شاء الله عليكم

 

 

والله افرحني كثيرا تشجيعكم لبعض

 

أحبكـــــــــ في الله ــــــــــــــن

:wub: ;-)

[*لقاء* 1]

اهلا بحبيبة قلبى نادية

 

حبيبتي كنت عايزة ابدا معاك

 

لكني بدات وانا الان في سورة الانعام

 

وماله حبيبتى وده هايشجعنا اكتر ان احنا نقرا اكتر للحاق بالمتقدمات

 

ونزيد من روح المنافسة الشريفة

 

اعاننا الله جميعا على فعل الطاعات

 

فانا ولله الحمد والمنة اختم كل شهر تقريبا

 

فوردي اليوم هو 25 صفحة

 

ما شاء الله ولا قوة الا بالله

 

ربنا يزيدك ويقوى ايمانك

 

وعقبالنا زيك يا نادو

 

بارك الله فيكى

 

احبك فى الله

[خنساء الاسلام 0]

السلام عليكم ورحمة الله احبتي في الله

يسرني ان اشارك معكن

شجعوني الله يخليكن

اتمنى ان اقرأ القران في وقت ضيق لكن ضروري من استوعابه وفهمه هذا هو الاساس

اسئل الله التوفيق للجميع

هيا لنعيد التحدي من جديد

شو رايكن

 

اختكم في الله

[*لقاء* 1]

اهلا بالخت خنساء الاسلام

 

ان شاء الله تداومى على تذكيرنا بقراءة الورد اليومى

 

يسرني ان اشارك معكن

شجعوني الله يخليكن

 

السرور لى انا غاليتى

 

واحنا كمان محتاجين تشجيعك

 

الحمد لله خلصت سورة البقرة وبدات فى آل عمران

 

وقرات جزء من الورد اليومى بعد صلاة الظهر

 

وان شاء الله اخلص النهاردة سورة آل عمران

 

ادعو لى

 

واين باقى المتنافسات؟

 

لم يظهرن حتى الان

 

الله الموفق

[أمّ عبد الله 2371]

السلام عليكم ورحمة الله وبركاته،،

 

أنا هنا حبيبتي لقاء

 

ما شاء الله عليك

 

أسأل الله أن يوفقك لتداومي على هذه النعمة العظيمة

 

بارك الله فيك يا حبيبة

 

أما بالنسبة لي فانا في سورة الأعراف

 

إنت راح تلحقيني بسرعة يا لقاء ههههه

[ام عبد الرحمن83 1]

السلام عليكم ...

إيه الصحبة الطيبة دي جعلكن الله من أهل الجنة

بس أنا من أهل الفردوس الأعلى .....

عشان أترآكم من الغرف ههههههه ...

شريررررررررررررررررررررررررررررررررة

الحمد لله اليوم في سورة القلم

أحبكن في الله ولله

[*لقاء* 1]

أنا هنا حبيبتي لقاء

 

اهلا بيكى يا نادوووووو

 

منورة المنتدى كله والله

 

يا قمر

 

ما شاء الله عليك

 

أسأل الله أن يوفقك لتداومي على هذه النعمة العظيمة

 

آمين يا رب العالمين

 

بارك الله فيك يا حبيبة

 

وفيكى بارك

 

أما بالنسبة لي فانا في سورة الأعراف

 

إنت راح تلحقيني بسرعة يا لقاء ههههه

 

ان شاء الله بس قولليلى اجازتك امتى وانا اسبقك ههههههههه

 

ولهلا بالحبيبة الشريرة هههههههه

 

حلو اللقب ده ؟؟؟

 

ربنا يزيدك شر يا ستى

 

واحنا هانبقى نرفع راسنا نبص عليكى وانتى فى الفردوس الاعلى

 

بس ابقى شوفى اخواتك برضه

 

شجرة موز

 

عجل مشوى

 

فنطاسين عصير مانجو

 

اى حاجة من فضلاتكن اهل الفردوس الاعلى

 

اللهم ارزقنا الفردوس الاعلى اجمعين

[*لقاء* 1]

اه على فكرة يا نادية

 

انا بقيت اعمل زيك على فكرة

 

يعنى بقرا 5 6 صفحات بعد الصلاة

 

بقدر المستطاع

 

جعله الله فى ميزان حسناتك

 

يالله ياعم حسنات ببلاش كده ههههههههههههههههههههه

[أمّ عبد الله 2371]

السلام عليكم ورحمة الله وبركاته،،

 

انا بقيت اعمل زيك على فكرة

 

يعنى بقرا 5 6 صفحات بعد الصلاة

 

ما شاء عليك يا حبيبة

 

اسال الله ان يوفقنا لما يحبه ويرضاه

 

ولا يهمك حبيبتي لقاء انا اجازتي قريبة جدا

 

حتسبقيني يا بنت ولا يهمك

 

حبيبتي ام عبد الرحمن مثل ما قالت لقاء

 

بق اتذكري ان كان عندك في يوم من الايام اخوات

 

اذاكنت اعلى منا درجة

 

هههههههه

 

الله يبارك فيك ويحفظك لنا

 

 

محبتك في الله

تم تعديل 28 يناير, 2007 بواسطة نادية ليا

[قلب منكسر 0]

الله علكي يا لقاء موضوع روعة والله كنت محتاجاه ج في وقتو الله يجعلو في ميزان حسناتك.

انا الان في سورة الانعام .

[*لقاء* 1]

اهلا بيكى حبيبتى زينب2006

 

والله كنت محتاجاه ج في وقتو الله يجعلو في ميزان حسناتك.

 

والله يا زينب يا اختى كلنا محتاجين له

 

ربنا يقوينا ويعيننا جميعا

 

ويارب تكونى عضوة دائمة معنا

 

بارك الله فيكى على مشاركتك التى اسعدتنى كثيرا

[*لقاء* 1]

اين انتن ؟