يلا ساعدونى ان انس يتعلم ...............

[أم أنس السلفية 2]

السلام عليكم ورحمة الله وبركاته،،

 

ازيكم يا حبيبات القلب

 

بقية العنوان ان انس يتعلم الحمام لوحده هههههههههههههه

بس طبعا لم اكمل العنوان علشان الفضايح ههههههه :rolleyes:

 

بصوا بقى انس كمل السنتين ونفسى استغنى عن البامبرز بقى علشان ارتاح وهو يرتاح :wink:

 

بس مشكلتى انى حاسة انه مستحيل :mellow:

 

طيب اعمل ايه انا بدات اعوده من فترة انه طول النهار من غير بامبرز واقوله مرة ادخل الحمام ومرة يعمل على نفسه بس بدا يقرف ويفهم شوية

 

والموضوع كله بخصوص المياة

 

طيب اعمل ايه بالليل واحنا دتخلين على البرد واخاف لو اسنيت لاخر الشتاء هيكون كبر قوى

 

افيدونى بقى واى اسئلة انا تحت امركم

[الجمانة 3]

أنا أختي تقريباً عمره 3 سنوات ونصف علمناه على الحمام بس في الليل ما عليش تلبس بامبرز يعني أنت تدرجي معه لا تفاجئينه علطول..

[أم أنس السلفية 2]

السلام عليكم ورحمة الله وبركاته،،

جزاكى الله خيرا الجمانة ما انا بادرج معه بس عايزة اخد خطوة جريئة بلليل

[~ أم العبادلة ~ 1903]

خليه يدخل الحمام ساعة ما يجي ينام وصحيه مره او مرتين في نص الليل والفجر علشان يعمل حمام - هتتعبي في الصحيان معلشي

 

وخليه يتدفى كويس لانه طول ما هو حاسس بالدفا يبقى اضمني انه مش هيعمل الى الصبح

[اللجين اللامع 1]

حبيبتي أم انوس إذا كنت ما تبينه يلبس بامبرز بالليل خليه يدخل الحمام إذا جاء ينام وممكن تقومينه كم مرة بالليل بس أحس توه صغير تتعبينه كذا ممكن تخلينه بالتدريج لمين يكبر شوي بعدين ما تخلينه يلبس بامبرز بالليل

[محبة لربها 1]

ام انس

بارك الله فيك وفى انس

صدقينى كنت عاوزة اكتب موضع زى دة بس كنت محرجة بس مش لانس

المرة دى اقول

يلا ساعدونى علشان مريم تتعلم.........

اعمل ايه واقعة فى نفس المشكلة

حاولت كل المحاولات

الحمد لله نادرا ما تبلل نفسها بالليل

لكن المشكلة بالنهار

مش ممكن، متمكنة بلل

مش عارفة اعمل معاها حاجة

ايام تبقى سكر وماشية تمام

واتغر واقول خلاص

تفاجئنى انها رجعت تانى

مش لاقيه حل

ايمان كانت مغلبانى برضه لكن على كبر

وهى صغيرة تقريبا كانت سن شهرين

والدتى ربنا يبارك لى فيها عودتها الحمام

مش هانسى ابدا وكانت سنها شهور وتبكى بالليل لانها عاوزة تعمل حمام

لكن لما ربنا رزقنى مريم

بقت زى مريم دلوقتى

وكنت كتير اتغاظ منها واضربها

وجربت معاها كل الوسائل

وكل مرة اتنرفز عليها

افضل متضايقة في نفسى

فى يوم قلت لباباها

انا خلاص هاسيبها

ووقت ما تبطل تبطل

مش هاقرب لها تانى

فى نفس الوقت وقبل ما نخلص كلام

لاقيتها بتقولى عاوزة ادخل الحمام

كنت هاتجنن

يعنى مستنية لما اخد قرارى

بتلوى دراعى

اما مريم فمش عارفة

اعمل زى ما عملت مع ايمان

ولا اعمل ايه بالظبط

وخصوصا انها كبرت

قربت على سنتين ونصف

هاااااااااااااااااا

ساعدونى مع ام انس

[أم عمر محمد الفاروق 0]

السلام عليكم ورحمة الله وبركاته،، :blush:

يا أم أنس حاولى الأول تدربيه بالنهار لما يبتدى يعرف ان يقول ببي

وتبقى متأكده أنه اتقن العملية

ابقى أبدئى معاه بالليل

بس مايكنش فى البرد :excl:

انا عارفه انه صعب تستنى للصيف

بس زى الأخت "اللجين اللامع" ما قالتلك دخليه قبل النوم بساعه وقبل النوم علطول

بس ماتصحيهوش بالليل :oops:

اذا قال من نفسه خير وبركه ماقالش معلش أهو لابس بامبرز لحد الصيف :wub:

 

كنت عايزة اسالك أنا أم منه عمر وأنت أم أنس -----أنت تعرفيني----طب اسمك زى اسمى

وإن ماكنش فرصه سعيده

[أم أنس السلفية 2]

السلام عليكم ورحمة الله وبركاته،،

حبيباتى الله يكرمك ويسعدكم يارب

 

حبيبتى امه الرحمن انا فعلا بادخله قبل ما ينام بس المشكلة انه يكرة الغطاء موت وطو\ل الليل بردان لدرجة انه سخن وتعبان الان بسبب كدة

 

 

حبيبتى اللجين الامع شكل مفيش مفر ان اسيسبه لحد الجو ما يبقى كويس بس عارفة ممكن اجرب اسبوع او اتنين ولو ما جبش نتيجة البسه بامبرز تانى

 

حبيبتى الغالية محبة لربها اللع يعبا على اولادننا وفعلا الاطفال لما يتعودوا من الصغر بيبقى ارحم وافضل انا عند بنت عمة انس لا تعمل على نفسها من وهى عمر سنة وشهرين ودايما بيقرنوا ما بينها وبين انس بس اعمل ايه الحمد لله

 

 

غاليتى ام عمر شكل هو دة الحل وشكله هيقعد كدة كمان شوية

وحبيبتى انا اسمى اوله الف وزوجى ميم

وبصراحة لا اعرف منه عمر بس انا عرفته الان وسعيدة جدا بمعرفتك

[أم عمر محمد الفاروق 0]

السلام عليكم ورحمة الله وبركاته،،

 

يبقى النمره غلط

 

أصل ليا صديقه برضه أن أنس وبتسألنى نفس الأسئلة

وانا قلتلها عليكى بالنت والغريب ان اسلوبها زى اسلوبك

فقلت تبقى هيه

[أم عمر محمد الفاروق 0]

أخلى"محبه لربها" طيب قوليلنا ازاى والدتك علمتها وهى سن شهرين علشان أعمل مع سلمه هى ثلاث شهور انا عارفه انها متعبه بس نحاول والله المستعان

على فكره انا كنت بعمل استخاره فى كل حاجة لتربية الاولاد وسبحان الله ربنا بيسرلى انهم بعلموا اللى انا عايزه مش عارفه ازاى استعينوا بالله وتوكلوا عليه

[أم أنس السلفية 2]

السلام عليكم ورحمة الله وبركاته،،

جزاكى الله خيرا حبيباتى وان شاء الله استخير فى الامر

وسعيدة بمعرفتك يا غالية

[ايناس احمد كنجو 0]

ختي ام انس

اخواتي يا من تعانين من نفس مشكلةام انس

اليكن هذا الرابط ارجوان يفيدكن

https://akhawat.islamway.net/forum/index.php?showtopic=64285

[أم أنس السلفية 2]

السلام عليكم ورحمة الله وبركاته،،

ممتاز غاليتى ايناس ممتاز فعلا

جزاكى الله خيرا

[أم عائشة المصرية 241]

حبيبتي في الله أم أنس

أنا استغربت لما دخلت الموضوع ولقيت إن أنس لسه متعلمش التحكم في التبول بنفسه..

ولكن لعله كما ذكرت الأخوات أن الذكر يتأخر عن الأنثى في التعلم..

لقد من الله على وعلى عائشة بنتي وهي الآن عمرها سنتين إلا شهر وبفضل الله بدأت تعليمها لما كان عمرها سنة وسبع شهور وانضبطت بعدها بشهر..

كل ذلك وكل من حولي يتهمني بالتقصير ساعتها وأنها كبرت وأن غيرها من عماتها لما كانوا أطفالا كانوا يتمكنون من التحكم في انفسهم وهم عندهم سبع شهور!!!!

المهم حبيبتي سأقدم لك ما فعلت مع بنتي لعلك تستفيدي أنت والأخوات..وللأمانه لقد نصحتني بذلك أم آلاء صاحبتي بارك الله فيها وفي بنتها ( قولوا آمين )

 

أني أقوم بخلع البامبرز نهائيا منها ولا ألبسه لها إلا ساعة الخروج ولما اصل للمكان الذي وصلت إليه ماما أو حماتي أو أي بيت أخلعه فورا...

طيب أنا كنت ساعتها في الصيف وكنت شايلة سجاجيد البيت وكنت ملبساها احتياطي أندر قماش عادي وأضع بداخله قطعة أيضا من القماش وأطبقها مثل الفوط الصحية الخاصة بالنساء فتكون مستطيلة بحيث لو بالت على نفسها لا يتسرب البلل إلى الأرض..

وكنت أعزم عليها بالقصرية كل ساعة طبعا في أول مرحلة كانت بتعمل على نفسها كل المرات وبعد صبر وجهد مكتر قعود على القصرية كانت بتقولي بيبي وكانت بتعمل مرة في اليوم مثلا على القصرية..

بس لازم انتي تعرفي هو بيعمل كل أد إيه..يعني أنا مثلا كل ما أكتشف إن بنتي عملت على نفسها أنظر للساعة وأعرف هي بتعمل كل أد إيه علشان اعزم عليها تاني في المرة القادمة..

ولو ابنك حجمه كبير ويقدر يقعد على التواليت فلا تترددي علشان يريحك بعد كده وتقدري تخرجي بيه من غير بامبرز..لأن عائشة حجمها صغير وتخاف تقعد على التواليت مباشرة لازم يا إما قصرية يا إم قعادة التي توضع فوق التواليت...

 

المهم بعد فترة بسيطة تبدأ تقولي كذا مرة في اليوم وكانت بحمد الله بتتحسن واحدة واحدة والموضوع بيحتاج صبر لأني ساعتها لقلة خبرتي كنت يائسة جدا وكنت اظن أنها لن تتعلم ابدا..

 

ونصيحتي لك أن ( المشمع = البامبرز = استحالة ان يتعلم طفلك )

 

لأن طفلك لا شعر ببلل على جسمه ولا يقرف من شيء ولا يتأذى من شيء فلا تلبسيه شيء غير ملابسه العادية وأسرعي معه قبل أن يأتي الشتاء..

 

أما بالنسبة بالليل فلا تلبسيه ايضا ولكن اعزمي عليه قبل الميعاد المتوقع لنومه ثم لما تقومي لصلاة الفجر وهو نائم كما هو شيليه وضعيه على القصرية...حيزرجن في الأول..لكن قوليله وفهميه : اعمل بيبي ونام على طول.

ساعتها حيعمل علشان ينام تاني وبسرعة شطفيه ونيميه وأول ما يقوم من النوم قعديه تاني..

وعلى فكرة أنا لما صاحبتي قالتلي الفكرة دي كنت قرفانة لأني كنت خايفة السرير تبقى ريحته وحشة لكن الحمد لله هي مكنتش بتلحقأ تعمل اصلا بالليل وحطي مشمع تحت الملاية برده احتياطي..

 

زمانك صدعتي من كلامي....لو في اي استفسار أنا تحت أمرك...

تم تعديل 14 نوفمبر, 2007 بواسطة أم عائشة المصرية

[أم أنس السلفية 2]

السلام عليكم ورحمة الله وبركاته،،

حبيبتى جزاكى ربى كل الخير ان شاء الله ابدا مع انس على طول

وفعلا جزاكى الله خيرا

 

وبالعكس كلامك مريحة جدا وسهل

 

بس لى سؤال

مالبسوهش مشمع وهو نايم وانا باعلمه بردوا للاحتياط

مع العلم انى بيقول على المشمع بامبرز بردوا

[أم عائشة المصرية 241]

ربنا يباركلك يا أم أنس ويبارك في أنس الحبوب...

نصيحتي بجد لا تلبسيه مشمع ولا بامبرز لأنهم بالنسبة له واحد...عارفة..عائشة بعد ما اتعلمت موضوع التحكم في نفسها شويه كنت رايحة مشوار فلبستها أندر قطن عادي ووضعتها القماشة كما حكيت لكي ثم لستها مشمع وكنت على أمل إنها لو حست بحاجة تقولي لكن على بال ما وصلت البيت كانت شووووووربة..عملت كذا مرة داخل المشمع..

فأنا اشعر انهم يفهمون اننا ما دمنا لبسنهاهم المشمع أوالبمبرز فإننا نأذن لهم بأن يفعلوا ما شاءوا..

عامة احتياطي افرشي مشمع تحت الملاية وأنا بقولك أهو معلش ااعملي حسابك إن أثناء النهار ممكن يعمل على السجادة أو على المرتبة..ولكن اتحملي ووالله حتستريحي جدا إن شاء الله لما يتعود على موضوع الحمام ده...(ماديا ومعنويا:)....)

ووالله الدعاء له دور كبير جدا في الموضوع ده..

بصي لو هو فاهم يعني ايه بيبي أو تواليت يبقى كويس لو مش فاهم كل ما تيجي تقعديه على القصرية قوليله يالا علشان تعمل بيبي فهو يتعلم الآن الذي سينطقه حينما يريد بعد ذلك..

وضعي القصرية في مكان قريب منه بحيث لو اراد الحمام يذهب ويحضرها بنفسه..

 

في انتظار أي استفسار وربنا يهديهولك ويتعلم بسرعة..

[~ أم العبادلة ~ 1903]

نسيت اقولكم ان فيه قصريات جميلة وروعة تخللي الاطفال يحبوا يعملوا حمام بس اكيد غالية

 

في واحدة على شكل الحصان اللعبة اللي الاطفال بيركبوه وعملين مكان الكرسي اللي فوق الحصان فتحة علشان يعمل فيها حمام وفي واحدة نسخة طبق الاصل من الحمام الافرنجي بس على حجم صغير وهكذا

[~ أم العبادلة ~ 1903]

وفي حاجة كمان

 

بيقولوا لو انتي بتعلمي الولد يعمل حمام يبقى خللي والده يساعده ويعرفه

 

الاولاد بياخدوا وقت طويل عن البنات علشان كل واحد فيهم بيعمل حمام بطريقته (طريقة البنت غير الولد) وعلشان كده لابد من مساعدة الاب لانه من جنس الولد وهيقدر يقوله يعمل ايه

 

المشكلة اني ما اظنش ان في راجل هيرضى يعلم ابنه يعمل حمام وما فيش راجل هيقتنع باللي انا بقوله ده، صح ؟؟

[om_mohamed 0]

حبيبتى مبروك على انوس السنتين وعقبال المية ... انا كنت بعلم محمد ابنى باغنية وسقفة ..كنت بقوله لما تحب تعمل بيبى غنى وقولى - بس متضحكوش - انا عاوز اعمل بيبى انا عاوز اعمل بيبى وبسرعة يلا - على نغمة كده كانت عاجباه اوى . ولما كل بيعمل فى القصرية كنت بسقفله واخليه يسقف معايا ونقول هيه هيه محمد شاطر وكلام من ده ولما يعمل على نفسه اقوله مش هسقفلك ومش هغنيلك كان بيزعل اوى

وشوية شوية ابتدى يتعلم

وبالنسبة للبامبرز انا كنت بلسهوله لما ينام من غير ميحس ..وكنت بقومه فى نص الليل واخليه يعمل بيبى ..وده طبعا بالعياط والدموع فى الاول بس بعد كده اتعلم والحمد لله

فاصبرى وباذن الله هيتعلم ويبقى تمام

[ام عمر 2003 1]

ام انوس

ازيك عاملة ايه بصي يا ستي عمورة بقي بدات اعلمه وهو عنده بالظبط سنة وتمن شهور والحمد لله في عيد ميلاده التاني كان واقف راجل ملو هدومه وبيعمل بيبي في التواليت اول حاجة البيبي الرخم ده بقي تعرفي ميعاده وتنظميه الاطفال في السن ده غالبا بيبقي الصبح اول ما بيقوم من النوم وياكل على طول قعدي على التوالت وانا شخصيا لا افضل لمثل هذا السن (البيده) القصرية لانه لو اتعود عليها ممكن يخاف يقعد على التواليت بعد كده عند اي حد حتي لما يكبركمان اما البيبي الميه بقي لا للبامبرز اطلاقا ولا الكيلوت المشمعولا اي حاجة خالص افرشي تحت الملاية مشمع تقيل وحطي فوقها برده وعليها بطانية ونيميه عل البطانية علشان يبقي دفيان ولبسيه بنطلونين فوق بعض وحطي فوطة او حتة قديمة في قلب البنطلون وفي بناطيل اللي هي منفوخة ديه ومن بره عاملة زي الوتر بروف يارت تلبسيه ىن ده بيدفيه ثانيا لو عمل حمام وهو نايم او صاحي هو هيحس بس مش هيسرب لان الطبقة اللي جوة تشرب الميه واللي بره تحبيها متخليهوش يبل السرسر او السجادة

[أم أنس السلفية 2]

السلام عليكم ورحمة الله وبركاته،،

 

حبيبات القلب

والله انى احبكم فى الله

احب اعلمك بالاخبار ان انس ولله الحمد والمنه البيبى الرخم بيتحكم فيه وبيطلب يعمله ويمسك نفسه وعلمته له من شهور وللله الحمد

 

اما المشكلة فى المية ولكن انس بردوا عنده استجابة شوية يعنى احيانا لما اقوله اقلع البنطلون وروح الحمام بيروح ويعمل بس بصراحة النقطة مش بتجى منه لوحده لانه لسه متحكمش ولسه متعودش وغير كدة بيبقى محتاج ترغيب يعنى روح وانا هاعملك كذا او اجيب كذا

 

والله كلامكم افادنى جدا جزاكم الله خيرا

 

واخر الاخبار ان بعت اشترى مشمع للسري وان شاء الله هابدا معه برد او حر وجزاكم الله خيرا

 

سؤال اخير ابدجا اصحى انس كم مرة فى الليل علشان يعمل

وبعدين هو بيصحى الفجر او قربه وممكا كمان مرة علشان يشرب ميه اصله طالعى فى كدة

طيب لما يقوم عايز يشرب اخليه يعمل حمام ساعتها

 

 

ونذهب الى مرحلة الشكر والثناء هههه

 

غاليتى ام عائشة جزاكى الله خيرا على ردك السريع لى وربنا يكرمك يارب وان شاء الله ابدا الاسبوع ده التعليم وربنا يسر

 

غاليتى امه الرحمن سيبك من موضوع القصريات الحلوة دة بلاش رفاهية يا شيخة وبعدين دا ابنى انس شقى كدة وممكن يفكرها لعبة ومستحيل يتعلم فيه لما هيعمل فى كل لعبة ههههههههه

وبصراحة حكاية ان ابوه يعلمه دى مستحييييييييييييييييييييييييييل بس هو بس يشوف ابوه كويس قوى كدة ولله الحمد هههههههههههه

 

 

حبيبتى ام محمد افكارك ممتازة بس كان ممكطن مع سن اصغر شوية لانه خلاص الان بدا يفهم حاجات كنت باعلمها له من الصغر

 

 

غاليتى ام عمر جزاكى الله خيرا على النصائح القيمة وان شاء الله ابدا مع انس

 

بارك الله فيكم جميعا وجزاكم الله خيرا احبكم فى الله لاسجابتكم لى ياحبيبات القلب

[أم عائشة المصرية 241]

غاليتى ام عائشة جزاكى الله خيرا على ردك السريع لى وربنا يكرمك يارب وان شاء الله ابدا الاسبوع ده التعليم وربنا يسر

جزانا وإياكم حبيبة قلبي وأنا أتمنى ان يتعلم ابنك بكل سرعة هذا إحساسي مع كل أم ولما ابنك ربنا يكرمه ويتعلم التحكم في نفسه حتفرحي جدا بيه وتزعلى على كل واحد بيعمل على نفسه..ونصيحتي ليكي ساعتها إنك تنصحي اي أم في هذه الحالة حتى لو لم تطلب منك فكم كنت محتاجة إلى من ينصحني والحمد لله الذي أعانني..

 

وبالنسبة لموضوع القصرية الحمد لله إن أنس مش حيحبها وحيتعلم التواليت على طول..عائشة ما زالت تخاف من التواليت لأن حجمها صغير وتحس إنها ستقع بداخله فأضطر لتقعيدها على القعادة اللى بتباع في الصيدليات للأطفال...ولو ذهبت عند حد معندهوش قصرية او قعادة تبقى مشكلـــــــــــــــــــــــــــــــــــــة كبيرة جدا..هيا وفقكي الله إلى الخير..

معلش ممكن تذكريلنا امتى حتسافري لحج علشان عاوزة أقولك كام حاجة كده بس معلش الوقت دلوقتي ضيق...

[ام عمر 2003 1]

اه يا ام انوس

اه قعدت اقري الل كتبته ليكي من 6 شهور واطبقه وياريته نفع

يا ربي ارحمني هتجنن عبد الرحمن ولا في النية يعمل بيبي

[أم أنس السلفية 2]

السلام عليكم ورحمة الله وبركاته،،

حبيبتى ام عمر بالرفق والله

 

 

ولا تياسى

وحاولى تقرفيه من نفسه

هو عنده اقد ايه الان