المحشى المصرى اللذيذ

[ناهد ابو النور 0]

السلام عليكم اخواتى فى منتدى اخوات طريق الاسلام اليوم اقول لكم على الطبخة المخصوصة بتاعتى يلا بسم الله نبدء:icon17:

المقادير:icon17:

كرنبة متوسطة الحجم

2شفشق الخلاط عصير طماطم

4 بصلات كبيرة

كيلو لحم مفروم

بقدونس-شبت.

ملح-فلفل-كمون

مرقة دجاج او بط (شوربة يعنى)

2كيلو ارزمصرى او 1كيلو ونصف (كمية الارز حسب حجم الكرنبة)

الطريقة:icon17:

إسلقى الكرنب فى حلة كبيرة وغويطة فيها ماء وملعقتين ملح (خلاصصصصصغلصص)

قطعى الورق (طبعا انتى عرفه ازاى)

نعصج اللحم المفروم (نحضر مقلاة ونضع فيها زيت عباد شمس ونضع عليها 1بصلة مقطعة ونقلب حتى تحمر ثم نضع اللحم والملح والفلفل والكمون ويقلب من وقت الى اخر حتى تنضج اللحمة)

نحضر الحلة الغويطة ونضعها على النار ونضع الزيت والبصل المتبقى ونقلب التقليية حتى تحمر نضع البقدونس والشبت المقطع قطع صغيرة بالمقص والمغسول جيدا ويقلب مع البصل المحمر ثم نضع2 شفشق الخلاط طماطم ومرقة الفراخ او اللحم او البط (كما تشائين) ونضع ملح وفلفل وكمون ونعنعاع جاف (النعناع حسب الرغبة) وتترك تغلى لغاية ما تتسبك الطماطم نحضر الارز المغسول المصفى جيدا فى وعاء ونضع عليه الطماطم المسبكة واللحم المفروم ويقلب (ممكن تتذوقى طعمة ان كان يحتاج ملح اضيفى له ) نحضر الحلة الغويطة الكبيرة ونرص فيها بقايا من الكرنب المقطع اللى خارج من ورق الكرنب المقطع ونمسك كل ورقة باليد اليسرى ونضع الارز فى الورقة ونلف الورقة ونضعها فى الحلة الى انتهاء كل الورق (طبعا ورق الكرنب )

اذا كان يوجد مرق عندك ضعية فى الحلة وذلك بوضع طبق فى وسط الحلة ونصب المرق على ظهر الطبق حتى يغطى المرق الكرنب.

*( لو مفيش مرق ممكن ماء مغلى مضاف الية ملعقة ملح)*

نغطى الحلة وتوضع على نار عالية وعندما يبدأ مائة يتشرب اهدى النار عليه ولو عندك شياطة ضعيها تحت الحلة (مثل طريقة طهى الارز تمام)

وبعد نضجة تماما نحضر مقلاة نضع فيها زيت ويسخن جيدا ثم يوضع على المحشى .

وبعد 10 دقائق اغلقى النار وكلى وبالهنا والشفا.

ملحوظة هامة:-

(اوعى تاكلى اصابعك)

ههههههههههههههههههههههههههههههههههههههههههههههه.

[مريم ... 0]

بالهنا و الشفا

 

شوقتينا

 

:icon15: :icon15: :P

[أم ريتاج 7]

السلام عليكم و رحمة الله و بركاته

 

يا سلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالام على الكرنب و حلاوته و جماله

 

انا بحبه قوى

 

بس بعمله من غير لحمة مفرومة

 

و ده الاصل طبعا

 

بس برضو باللحمة المفرومة هيبقى حلو

 

و بعمل التخديعه بتاعته بالزيت

 

و لما احط الطماطم عشان تتسبك بحط معاها مرقة دجاج او مرقة لحم

 

و بعد ما بحط الخضرة و الرز برش شوية نعناع ناشف و مش بحطه مع التوابل عشان ريحته تفضل موجوده و مش يغمق الطاطم

 

بس بقا

 

حتى لو عيزاه خفيف شويه مش بسقيه ببيون فراخ او لحم ( قصدى شوربه فراخ او لحمة )

 

و يا سلالالام بقا لو بعد ما استوا المحشى حطتيتى على وشه قطعة زبده صفراء او بلدى و سبتيها تسيح لوحدها من الحرارة

 

او تقطيعها قطع صغيره و تنثريها على وش الحله و تغطيها على طول عشان تسيح لوحده و تنزل على كل الحله و تنزل على كل المحشى

 

و جربيها بقا و ادعيلي

 

بس نصيحة عشان تحطى الزبدة على وش الحلة ياريت تكونى عاملة المحشى خفيف

 

يعنى تخدعيه بالزيت

 

و تسقيه نص ميه و نص شوربة

[ملتقى الأحبة 1]

يسلموووووووووووووووووووووووووووووو

[ناهد ابو النور 0]

ماشى ياقاهرية هجرب لكن انا موش بحط النعناع على الخضرة انا بحطه بعد ما احط الطماطم ياحبيبى

اشكرك على هذة المعلومات الغالية واشكر اختى ملتقى الاحبة بصى يا قاهرية انااجرب المحشى القاهرى وانتى تجربى المحشى البورسعيدى وما تخافى من النعناع انا مجرباة كتيررررررررررررررر.

كانت معكم مامانونة من بورسعيد.

تم تعديل 30 ديسمبر, 2007 بواسطة ناهد ابو النور

[أم فرح و حسين 0]

السلام عليكم ورحمة الله وبركاته،،

 

يسلموا الأيادي أخيتي ناهد و الغالية أم ريتاج على الوصفات و الأسرار الرائعة

 

أنا جربت المحشي لأول مرة من شهر حسب وصفة حماتي و طلع حلو و الحمد الله

 

عملت محشي كوسة و ييذنجان و فلفل و مازلت مترددة من ورق العنب و الكرنب عشان خايفة من اللف

 

ان شاء الله أجرب وصفاتكم في الكرنب قريب و أوافيكم بالأخبار

 

أحبكن في الله

[أم ريتاج 7]

ماشى ياقاهرية هجرب لكن انا موش بحط النعناع على الخضرة انا بحطه بعد ما احط الطماطم ياحبيبى

اشكرك على هذة المعلومات الغالية واشكر اختى ملتقى الاحبة بصى يا قاهرية انااجرب المحشى القاهرى وانتى تجربى المحشى البورسعيدى

كانت معكم مامانونة من بورسعيد.

السلام عليكم و رحمة الله و بركاته

 

ماما نونه ماما نونه

وحشتينى كتير

و هجرب المحشى البورسعيدى و اكيد هيطلع حلو لانه منك

و احلى سلام للتجارى و الافرنجى و الزهور و حى شرق و كل بورسعيد و البورسعيدية

[ناهد ابو النور 0]

منورة اختى ام ريتاج واللة انا بفرح كتير لما ارى ردك عودتينى عليكى .

تم تعديل 30 ديسمبر, 2007 بواسطة ناهد ابو النور

[أم ريتاج 7]

منورة اختى ام ريتاج واللة انا بفرح كتير لما ارى ردك عوتينى عليك .

السلام عليكم و رحمة الله و بركاته

ماشي يا جميل

خمس دقايق كده و شوفى الرابط ده

و قولى لى رأيك

بس خمس دقايق على ما اخلص

هنــــــــا

[ناهد ابو النور 0]

بلنسبة للرد وصل فى موضوع كيكة الشوكلت سفليةوانا ضغط على الرابط جاب صفحة لموضوع جديد

انا موش فهمة وتسلم الايادى يا احلى ام ريتاج فى الدنيا.

[أم ريتاج 7]

بلنسبة للرد وصل فى موضوع كيكة الشوكلت سفليةوانا ضغط على الرابط جاب صفحة لموضوع جديد

انا موش فهمة وتسلم الايادى يا احلى ام ريتاج فى الدنيا.

السلام عليكم و رحمة الله و بركاته

 

ربنا يخليكى ليا يا اجمل نهوده

 

بس انتى كده اخجلتينى :icon16: :cry: :oops: :oops:

 

أأأأأأأأأأأأأأأأأأأه يا جزوفى يانا

[ناهد ابو النور 0]

معاش ولاكان الى يكسفك يا اجمل حلوانى.لكن ما قولتيليش اية الى كان فى الرابط.

تم تعديل 31 ديسمبر, 2007 بواسطة ناهد ابو النور

[وفاء السلفية 19]

السلام عليكم ورحمة الله وبركاته جزاك الله خيرا يا اخت ناهد طريقتك جميلة وننتظر المزيد من افكارك الجميلة و استفدت بردو من طريقة ام ريتاج جزاكن الله خيرا

[ناهد ابو النور 0]

وجزيتى خيرا اختى الغالية وفاء ام ابى وبلنسبة للافكار الجديدة قولى يارب:icon15:

احبكم فى الله:-

[ام جبرائيل 1]

تسلم ايدك انا بحب المحشى لكن باستنى ماما تسوية لانى ما بقدر اتحكم فية بس بحب او الخلطة بتاعتة تسلم ايدك حبيتى و انا عندى الورق العنب اللبنانى هتذوقية مع الريش

[omou mossab 2]

تسلم ايدك يا غالية على الوصفة الحلوة

[نسرينه 0]

تسلم ايدك يا غالية على الوصفة الحلوة

[*تائبه لله* 0]

السلام عليكم ورحمة الله وبركاته ؛؛؛

 

 

يا سلاااااااام علي ريحة المحشي المصري وجماله أنا فعلا بقالي كتير مكلتوش لإن طبعاً إنتي عارفه حبيبتي إنه بياخد وقت طويل شويه في تحضيره

 

تعرفي حبيبتي في الله؟؟ والله أنا ماما بتعمل المحشي الكرنب ده بالذات علي 5 أيام :

 

يوم تشتري الكرنبه

 

ويوم تقطعها وتسلقها

 

ويوم تعمل التخديعه

 

ويوم تحشيها

 

واليوم الخامس تسويها؟؟؟؟

 

 

والله أنا ببقي خلاص نسيت إن ماما جابت كرنبه أساساً؟؟؟ هههههههههههههههه

 

إوعوا حد يعمل زي ماما

 

وعموما شكراً ليكي جدا ومتنسيش تبعتيلي بقي طبق حلو كده من إيدك

[MESHMESH82 0]

شكرا على ناهد على الوصفة الحلوة. انا فعلا بقالي فترة نفسي اجرب اعمل محشي الكرنب بس بيتهيألي انه صعب شوية.

انا كنت بافكر احط عليه جوزة الطيب وبابريكا وكزبرة ناشفة وقرفة مطحونة عشان يبقى طعمه احلى بس عايزة اعرف رأيكم ممكن والا كدة هيبوظ؟؟؟؟

 

وعلى فكرة يا تائبة لله لما المحشي كله بيتعمل في يوم واحد من الألف للياء بيبقى طعمه احلى بكتير عشان ماما برده بتعمله على تلات ايام زي مامتك وعمتي بتعمله في يوم واحد وبيني وبينك محشي عمتي بيطلع تحفة مع انها نفس الطريقة. وحماتي قالتلي كمان على نفس الموضوع ده.

 

شكرا ليكم جدا كلكم

تم تعديل 10 فبراير, 2008 بواسطة MESHMESH82

[ناهد ابو النور 0]

والله انا عملتوا انهارده يا ريت اعرف ادخل الكمبيوتر واجبلكم الحله كلها مش طبق

بصى يا مشمشه انا بحط عليه البهارات العاديه جدا وبيزيد عليهم النعناع الجاف فقط وبسيب التسبيكه لما تتسبك كويس وبيطلع ممممممممممممم انا هسيبك تجربى بنفسك :closedeyes: وطبعا لازم متخرجيش من المطبخ الا وانت مخلصا المحشى كله خليكى شتوره :huh: يا تائبه

وانتى يا نسرينه تسلمى لى يا رب :smile: :P

وتسلمى اختى ام مصعب :wub: :P

وتسلمى لى يا رضا يا طوخى :biggrin:

[MESHMESH82 0]

خلاص انا هجربه إن شاء الله

 

بس معلش يعني لو مفهاش رزالة مني سؤال تاني :smile:

 

فرضا انا استخدمت كوباية رز في المحشي هل مقدار المرقة يكون كوباية مرقة والا ازيد شوية عشان المكونات اللي مع الرز؟؟؟

معلش النقطة دي مهمة بالنسبالي عشان خايفة المحشي يطلع معجن مني وأنا متلصمة شوية في الحجات دي.

 

ومنتحرمش من صبرك معانا يا نهووووود (ومانك بتقولي مكنتش وصفة محشي دي :closedeyes: )

[ناهد ابو النور 0]

بصى يا مشمش انتى نفذى الطريقه بلظبط وهو هيطلع واووووووووو

اما بلنسبه للمرقه هقولك تعملى ايه عشان يطلع معاكى جميل :unsure:

بعد ما تخلصى لف الورق كله والحله تتملى ضعى على وش الحله طبق بس يكون ظهره ليكى وتصبى الشربه يعنى المرقه على ظهر الطبق لحد ما تلاقى الشربه يدوب غطت المحشى بعد كده شيلى الطبق وحطى غطاء الحله وارفعيه على النار ولما تلاقى الميه قلت خالص ومعدشى ميه انتى شيفاها هدى النار خالص وحطى الشياطه (يارب تكونى مصريه علشان تفهمى الشياطه دى ايه)وبعد ربع ساعه سخنى الزيت فى المقلايه واقدحى وخمس دقائق واغلقى النار عليه وبلهنا والشفا واى سؤال انا فى الخدمه يا قمر :wub:

[MESHMESH82 0]

والله مش عارفه أقولك ايه يا نهوووودي احرجتينا بذوقك. انا خلاص فهمت خطوة المرقة دي وكمان فهمت الشياطة طبعا وإن شاء الله أول ما هعمله هاقولك الاخبار ايه يا قمر

[ناهد ابو النور 0]

يلا يا مشمش ربنا يوفقك وابقى فرحينى :icon15: :biggrin: :P

[MESHMESH82 0]

باركيلي يا نهووووووووووود عملت المحشي وعلى النار دلوقتي ربنا يستر لما يخلص هاقولك على الاخبار