عزومة ديك مشوي + (أطباق جانبية - شوربات - سلطات - مقبلات - حلويات) بالصور

[بنت الصادق 9]

السلام عليكم ورحمة الله وبركاته

 

كان عندي عزومة يوم الجمعة الي فاتت، 6 أفراد وطفلين، بس الناس الي عزمتهم كانو عازمينا ابل كدة انا وزوجي وكانت بصراحة الست منوعة في الأكل وعاملة أشكال وألوان.. عشان كدة انا كمان نوعت وشكلت.. اقولكم الأول هي كانت عاملة ايه، وبعدين هقولكم انا عملت ايه بالصور اوكي.

 

هي كانت عاملة:

الشوربة: شوربة لسان عصفور

السلطات والمقبلات: سلطة خضرا + كول سلو + ليمون وفلفل مخلل + محشي كرنب + محشي كوسا + محشي فلفل

الطبق الرئيسي : بطة محمرة + دجاجة بلدي كبيرة محمرة + بوفتيك بانيه

الأطباق الجانبية: كشك + ملوخية + مكرونة بشاميل

 

المشروبات والحلويات: شاي + عصير الطبقات + جاتوه (إحنا الي جايبينو هههههههه)

 

 

أقولكو بأة انا عملت ايه وبالصور

 

قائمة الطعام:

 

الشوربة: شوربة لسان عصفور (ما لحقت اصورها)

 

السلطات والمقبلات: سلطة خيار بالزبادي مع ورق عنب محشي باللحمة المفرومة + سلطة خضرا + ليمون وزيتون مخلل (ما لحقت اصوره)

 

الطبق الرئيسي:

ديك رومي مشوي + دجاج بانيه + جلاش باللحمة المفرومة والفلفل الرومي والطماطم + أرز بسمتي بالخلطة (بس كنت عملاه بطريقة جديدة وكان رااائع) + صينية تورلي باللحمة الموزة

 

الديك الرومي

 

 

 

دة الجلاش باللحم المفروم

 

 

الدجاج البانيه

 

 

أما عن صينية التورلي باللحم الموزة انا حطاها في الأطباق الرئيسية هنا في المنتدى

 

بس في الموضوع التاني كنت عملاها في يوم ابل كدة بالبطاطس والجزر بس، اما يوم العزومة كانت معمولة بــ (الجزر والكوسة والبطاطس والبسلة والفاصوليا والفلفل الرومي) وكانت روووعة

 

صورة ورق العنب، هي بصراحة الصورة مش بتاعتي بس انا كنت عملاه زي دة بالظبط بس زينته بشرائح الليمون على شكل وردة وكااان روووووووووووعة والله العظيم رووعة

 

 

 

 

يابنات.. بالنسبة للحلويات

 

كيكة الأناناس والتفاح.. وبردو ما لحقت اصوره لأن زوجي كل ما اصور حاجة يزعألي ويقولي انتي هتزلي الناس بالأكل

 

وشاي وجاتوه (هم الي جايبينه :))

وأي سؤال انا حاضرة

تم تعديل 13 أبريل, 2008 بواسطة بنت الصادق

[maria-muslima 0]

أممممممم ،شهية الله يعطيك العافية.

[omou mossab 2]

سلمت يداكي

 

بارك الله فيكي ^ــ^

[بنت الصادق 9]

الله يخليكم حبيباتي ويسلم أيامكن دنيا وآخرة على مروركم الطيب وكلامكم الحلو

[ام عمر 2003 1]

السلام عليكم ورحمة الله وبركاته،،

عجبني قوي شكل ورق العنب عايزة اعرف الجزر والبقدونس دول متشوحين ولا كده من غير تشويح

تسلم الايادي

[بنت الصادق 9]

بصي يا ام عمر، زي ما قلت ان صورة ورق العنب دي مش بتاعتي دي منقولة .. بس انا كنت عملاه نفس الرصة وكنت مزيناه بشرايح الليمون على شكل وردة، وكان شبه دة بالظبط

 

عموما، انا كنت مزينة الديك الرومي بنفس الجرز والبقدونس دة بس انا صورته ابل ما ازينه

 

الجزر ياستي والبقدونس مش متشوحين.. الجزر بتبشريه عادي بالمبشرة، والبقدونس متقطع عادي..

[مدام د محمود 0]

افكااااااااااااار رائعههههههههههههههههههههههه

[(:بسمة تفاؤل:) 4]

يميميميميميمي

 

ايييييه الرووووووووعه دى يا بنت الصادق يا بخت اللى كانو معزوميييين

 

ماليش دعوه انا عايزه من ده ^_^

[*أم رقية* 473]

ما شاء الله عليكى حبيبتى

 

عقدتينى

 

دة انا لو عملت ورق العنب بس بقعد فية اليوم كلة هههههههههه

 

ماشاء الله وانا كمان عايزة مليش دعوة هه

[MESHMESH82 0]

ما شاء الله لا قوة الا بالله

 

عجبتني عزوتمك اوي اكتر من عزومة الست اللي قولتي عنها في الاول :) لأني حاسة انك اتوفقتي جدا جدا في اختيار الاصناف متناسقة مع بعضها. انا مش باحب العزايم اللي فيها اكل كتير ملوش علاقة ببعضه والناس متقدرش تاكله مع بعضه.

 

يا ريت يا بنت الصادق لو تقوليلي معلش ازاي عملتي الديك الرومي هل شوتيه في فرن البيت والا جهزتيه ووديتيه يتشوي بره مثلا. انا اول ما اتجوزت اهل جوزي جم اتغدوا عندنا اول مرة ديك رومي بس حماتي قالتلي في التلفون اسلقيه وحمريه في الفرن لأن فرن البيت مش هيخليه يستوي. انا بقى سمعت الكلام صحيح بس مكنتش مقتنعة بصراحة لاني حاسة ان طعمه هيبقى احلى كتير اوي لو اتشوىفي الفرن من الاول للآخر. وكمان لاحظت كأنك حاشياه من جوا. يعني من الآخر يا ريت تقوليلي الطريقة من الألف للياء :) معلش هتعبك معايا. ربنا يكرمك ويسعدك يا رب.

[زنبقة الوادى 0]

تم تعديل 3 يونيو, 2008 بواسطة زنبقة الوادى