* فخذ الخروف الضانى * كل عام وأنتم بخير

[orkid 0]

بسم الله الرحمن الرحيم

وحشتونى موت وقلت مش هعدى العيد من غير أكلة حلوة وكلنا بنحبها فخذة الخروف الضأن

تفضلوا معايا :

 

المقادير

فخده خروف - ثوم - حبهان أو هيل مطحون - عصير ليمون - زبادى - بصلتين حجم كبير - بهارات وملح وفلفل

 

 

الطريقة :

نجهز الفخذة الضانى الطازجة بأن نقوم بعمل ثقوب بها ونحشيها بالبصل المفروم والثوم المهروس فى هذة الثقوب ثم نقلب الزبادى مع البهارات والملح والفلفل وندهن بها الفخذة ونرش عليها الليمون ونتركها ساعة بالثلاجة للتبيل ثم نضعها بالفرن بعد أن نغطيها بورق الفويل وعند تمام النضج نرفع ورق الفويل ونفتح الشواية فى الفرن لنحمر الوجة من فوق وتقدم مع أرز أبيض وبالهنا والشفا

وحشتونى أوركيداااااااااااااااااااااا

[ام نوح 0]

السلام عليكم جزاكِ الله خيراً وتسلم يداكِ على الأكلة اللذيذة هذه وكل عام وأنتِ بخير وجميع الأخوات بالمنتدى.

[| ربي سبحانك لا اله الا أنت | 2]

السلام عليكم و رحمة الله و بركاته

 

أم نوح كتبت :

 

السلام عليكم جزاكِ الله خيراً وتسلم يداكِ على الأكلة اللذيذة هذه وكل عام وأنتِ بخير وجميع الأخوات بالمنتدى.

 

و أركيد كتبت :

 

وحشتونى موت

 

 

وأنت أيضا و حشتيني أختي الحبيبة أركيد و أحمد الله على سلامتك .

أسعدتني إطلالتك على المنتدى بعد هذه الغيبة .

[التائبة الى ربها 2]

السلام عليكم و رحمة الله و بركاته  

 

أم نوح كتبت :

 

السلام عليكم جزاكِ الله خيراً وتسلم يداكِ على الأكلة اللذيذة هذه وكل عام وأنتِ بخير وجميع الأخوات بالمنتدى.

 

و أركيد كتبت :

 

وحشتونى موت

 

 

وأنت أيضا و حشتيني أختي الحبيبة أركيد و أحمد الله على سلامتك .

أسعدتني إطلالتك على المنتدى بعد هذه الغيبة .

[المشرفة 68]

وعليكم السلام ورحمة الله وبركاته

أطعمكِ الله من ثمار الجنة يا وردتنا الحبيبة أوركيد، لكن لا تنفع عزومة "إلكترونية"! : )

[ريـانة العود 1]

وحشتيني يا اوركيدة يا الحبيبه ومشكوره على الطبخه الحلوة

وبخلي امي تجربها لازم لان شكلها حلووووو .

وتسلمين مره ثانيه

مع حبي

[غُربة روح 0]

[align=center:df78e1c078]

 

:wink:

 

[JUST FOR ALLAH 0]

السلام عليكم

 

اممممم........ اية دة ........ دة الريحة جايبانى من اخر المنتدى

 

جزاكى الله خيرا على الطريقة

[orkid 0]

أخواتى الحبيبات وحشتونى كلكم وكل عام وأنتم بخير

غربة روح أو عجوب وحشتينى اكثر حبيبتى

بس عندى سؤال هى مرايا مبعثرة هى اختنا أسرار الماضى ؟؟؟؟؟؟؟؟؟ ولو كانت هى تبقى وحشتينى كثير جداااااااااااااااااااااااااااااااااااااااا وليكى أكبر وحشة

أختى المشرفة أنتى بسى تعالى ونورينا فى مصر وأنا اعملك أحلى الأكلات :))

[ريـانة العود 1]

ايوة هي يا حبيبتي

وانا كمااااااااااااااااااااااانت وحشتيني اوى اوى

خالص با كدة مابتساليش :mrgreen: حرم عليك يابنت انتي :mrgreen: :mrgreen:

بس انا مش زعلانه منك اوى اوى بس مخذ على خاطري شويه

>>> اتقنت المصريه

(شخبارك حبيبتي اوركيد ه مشتاق لك موت)

 

مع حبي

[orkid 0]

والله أسرار أنا سألت عليكى كثير وأتمنيت أنكى ترجعى لينا تانى وحشانى جدا" جدا" أيوة كدة خلى المنتدى يرجع تانى ينور بكل حبايبى وحشانى كثير والحمد لله بتتكلمى مصرى أحسن منى ماشاء الله

:wink:

[ريـانة العود 1]

تسال عليك العافيه حبيبتي

وهذا انا رجعت لكم بس الباقي والدور على اخواتي الثانين :wink:

المنتدى منور ب اصحابه يا الغاليه وانتي والله وحشاني اوى اوى

مع حبي :wink:

[شموخ 0]

تسلم إيديك يا طعمه يا أوركيدا...

 

حبيبتي إنت مالك !؟

 

إيه إللي متغير حبيبتي !؟

 

ما بتدخليش المنتدى كتير زي عوايدك يعني !؟

 

هو في حاجة مزعلاك !؟

 

طيب أوركيدو ...

 

أنا بدي أذوق شيء حلو من إيديك!؟

 

ممكن و لا !؟

[orkid 0]

شموخ حبيبتى وحشانى جدا أنا أسفة لأنى مش بدخل المنتدى كتير بس أنا بدخل كل شوية أطمن عليكوا لأنكم حبايب قلبى

أنتى عاملة أية وأخوكى أخبار صحتة أية يارب تكونى أنت وكل العائلة بخير بأذن الله

 

أنا والله نفسى تيجى مصر عندنا وأتمنى أن أول بيت يستقبلك هو بيتى بأذن الله وأول أكلة تأكليها عندى حبيبتى

[أمـ الســعد 4]

السلام عليكــم ورحمـة الله وبركاتــة ،

 

كنت ابحث عن طريقته .. ووجدت طرق اخرى كثيرة في مواقع أخرى لكن تخيرت هذه الطرق الاتيه فقط فأحببت أن أشارككن بها ،

ملحوظة :

أحببت أن ألفت أنتباه أخواتى أن لف الورق الألومنيوم (الفويل) على الطعام بطريقة مباشرة مع التسخين (أى ملاصق له)غير صحى بالمرة ... فإما يكون بينهم ورق شفاف من النوع الذى يتحمل الحرارة(يسمونه ورق زبدة) - او يكون الورق الألومنيوم غير ملاصق للطعام أى على حرف الصينية او الإناء.

 

والأن مع طرق طهى الفخذة الضانى في الفرن التى أعجبتنى.. هى متشابهة جدا مع اختلاف بسيط ..

 

كما انوى أن ازيد عليها كوب ماء حتى لا يجف اللحم فى الفرن.

 

الطريقة الأولى:

 

المقادير: فخدة خروف، كوب زبادى، ملح وفلفل، بصل مفروم، توم مفروم، زعتر، بهارات لحمة، شوية حبهان.

 

طريقة الاعداد: تجيبى الفخدة المغسولة وتنشفيهامن المية وتخلطى كوب زبادى مع الملح والفلفل والبصل والتوم وزعتر وبهارات لحمةو شوية حبهان صغير وتلفى الفخدة فى ورق الفويل وتحطيها فى التلاجة 24 ساعة.

 

وبعدين تحطيها زى ما هى كدة فى الفرن لحد ما تستوى وبعد ساعتين او تلاتة تشيلى الفويل وتشيلى الخلطة من عليها وتحطيها تحت الشواية وتقلبيها علشان تحمر من كل حتة. "

 

================================================================

 

الطريقة الثانية:

 

1. فخذة ضانى

2. فصوص ثوم

3. ملح - فلفل - بهارات

4. بصل

5. فاصوليا بيضاء لمن يحبها

 

الطريقة:

 

1. نحضر الفخذة وننزع معظم الدهن الذى بها او اللى بيحب الدسم زيادة ممكن يخليه

2. نعمل شقوق فى الفخذة بمقدمة السكين نغرز بها فصوص الثوم يعنى كل شق به فص ثوم

3. نتبلها بالملح والفلفل والبهار

4. ثم نضعها فى صينية (اذا كنا نزعنا كل الدهن ندهن الصينية بالسمن )ونغطيها بالفويل وندخلها الفرن

5. بعد ساعة او ساعة الاربع نخرجها ونضيف اليها البصل المقطع والفاصوليا البيضاء

6. ندخلها الفرن مره اخرى ونتركها حتى تنضج مع تقليبها من فترة لأخرى

7. ننزع الفويل ونتركها قليلا بالفرن حتى تتحمر

===================================================================

الطريقة الثالثة:

 

المقادير:

 

1 فخذة ضانى ( فخذة خروف )

قرفه

بهارات عربى

ملح

فلفل اسود

كزبره ناشفه

1 كيلو بطاطا

2 حبه فلفل رومى

4 حبات فلفل حار ( حسب الرغبة )

1 حبه كبيره طماطم

1 حبة بصل كبيره

كوب زبادى

ثوم مفروم

سمن

 

 

الطريقة:

 

- قومي بإحداث شقوق في الفخذة ليسهل نضجها من الداخل و لكى تاخذ طعم الخلطه .

- ضعي الفخذة فى صنيه تيفال ثم ادعكيها بجزء من التوابل و الملح .

- قطعي جميع الخضروات إلى مكعبات , اضيفي الزبادى و باقي التوابل و الثوم و ضعي المزيج فوق الفخذة .

- رشي السمن فوق مزيج التوابل و اللبن و يمكن الاستغناء عنه إذا كان اللحم دسماً .

- غطى الفخذة بورق الفويل ( ورق الألمنيوم ) , و ضعيها بالفرن لمدة ساعه او اكثر حتى تمام النضج .

- قدمي الطبق مع الارز الابيض و السلطه الخضراء , هذا الطبق يصلح للولائم .

========================================================

 

لم أجرب طهى ولا واحدة منهم .. لما أجرب هاقول لكم :)

[شهرزاد الجزائرية 50]

السلام عليكم ورحمة الله وبركاته،،

رائع ، جزاك الله خيرا :unsure: