انا محتاره .. مش عارفه اعمل ايه معاها

[Bosy_eng 0]

بسم الله الرحمن الرحيم

ازيكم يا قمرات؟ وحشتوووني :biggrin:

انا عندي مشكله بقى و عايزه حد يحلهالي لإن طفح بي الكيل والله

انا دلوقتي ليا صديقه أعرفها من حوالي خمس سنين كده , أول سنتين كده لما عرفتها , كانت كويسه و هاديه و طيبه و معاملتها معايا حلوه , لكن في السنه التالته لقيت أخلاقها بدأت تتغير , و بدأت تتصاحب على بنات معروفين إنهم مش كويسين , و بيمشوا مع ولاد و مشي بطال , و لقيتها بدأت تسيب الصلاه بعد ما كانت بتحمسني إني اصلي , و بقت تقلع الحجاب و مامتها مش موجوده , و بدأت تحط ميك أب كتير و كده

المهم أنا بعدت عنها عشان انا محترمه و مش عايزاها تكون شبهه عني , و بعدين هي بدأت تتقرب لي تاني , و أقنعتني إنها اتغيرت و بطلت الكلام الأهبل ده , و رجعت لربنا و بتاع , انا بكل براءه صدقتها , و رجعت لها تاني , و رجعت تاني تعاملني بشكل حلو و بقت تجاملني بطريقه مبالغ فيها , يعني تقولي مثلاً "انتِ جميله اوي يا بوسي" , "الله !! حلوه الجيبه دي" , "جامد اوي الفستان بتاعك" , و هي عارفه إني مش بحب إن اي حد يمدح فيا كتير , مانا برضو انسانه و بغلط و فيا حاجات غلط كتير يعني ..

المهم لقيتها مش رجعت لربنا ولا حاجه , لقيتها رجعت أوحش من الأول , و بقت بتشرب سجاير , و انا بحكم شغلي كواحده من صناع الحياه , خليتها تقلع عن التدخين , و نجحت في كده الحمد لله لإن دي شغلتي , و قلت لوالدتها عن كل حاجه وحشه بتعملها , طبعاً والدتها اتصدمت وقالت مش ممكن و ازاي و مش ازاي و معرفش ايه , و عاقبتها على كده , و اتخانقت معايا و قالت لي يابوسي إنتِ بتروحي تفشي أسراري و بتاع , انتِ مش صاحبة ثقه و كلام غريب كده , طبعاً مش حسيت إني غلطانه , لإني نصحتها و هي لم ترتدع

بس برضو مامتها مش بقى يفرق معاها لما أقول لها عن غلطات بنتها و البلاوي اللي بتعملها ادام عيني

 

المهم اتخانقت و سابتني و رجعنا تاني لبعض , و لقيتها بقى متعلقه بواحد اتعرفت عليه بطريقه غلط , عن طريق التليفون , طلبت الرقم غلط فكان هو , و نشأت قصة حب وهميه بينهم , و بقوا بيقابلوا بعض , و كلام أفلام كده , فالمهم من كام شهر , لقيتها بتتصل بيا عالموبايل و منهاره عالآخر و بتقولي يابوسي تعالي و الحقيني انا حاسه إني همووووت و قاعده تعيط , مافهمتش منها حاجه , فرحت لها البيت

و قالت لي إن الشخص ده حاول يتحرش بيها , بس ربنا ستر , قعدت اقولها كل ده عشان اغضبتي ربنا و عشان علاقتكم غلط من الأول , هو لو بيحبك زي مابيقول , كان جه و كلّم أهلك , و قعدت ييجي 3 ساعات قاعده اكلمها بالعقل و هي قاعده ساكته و مش بترد و كأني بكلم نفسي !!

و في الآخر قلت لها "بصي يا بنتي , قسماً برب العزه لو رجعتي للشخص ده تاني , يبقى إنسي إن ليكِ صاحبه إسمها بوسي"

المهم اكتشفت انها رجعت تكلمه تاني , و لما جيت أواجهها بكده قالت لي "بصي يا بوسي بقى انا هقولك انا بكلمه ليه , و ياريت تفهمي موقفي "

.. قبل ما أكمل أحب اقولكم إن هي كانت قايله لي إن مامتها بتعرف راجل و بتخون والدها معاه ..

المهم اكمل فبتقولي " فاكره يا بوسي لما قولت لك ان ماما بتعرف راجل " فقولت لها "آه فاكره" فقالت لي "آهو الراجل ده يبقى صاحبي , و هو بيكلمها عشان يخليها تبعد عني , عشان هي لازقه لي في كل حاجه , و بتتدخل في كل حاجه , و بتمنع عني حاجات كتير"

و بررت لي انه حاول يتحرش بيها إن فيه واحده صاحبتها اتصلت بيه و قالت له دي بتشتغل في حاجات مش كويسه يعني الله يحفظنا منها , فحب يختبرها (ونعم الإختبارات يعني)

ماعلقتش عاللي قالته ده و قلت لها "طيب ماشي يا ستي .."

أنا طبعاً مادخلش دماغي الكلام اللي قالته عن والدتها ده .. :biggrin:

المهم رحت قلت لوالدتها , فوالدتها اتصدمت و قالت لي "يابنتي أنا مش هحلف , لإن ربنا يعلم إني مش بعمل كده , و انا بحفظ قرآن و اعرف ربنا , يبقى هخون جوزي .. انتِ عارفاني يا بنتي و مش محتاجه ادافع عن نفسي"

و راحت والدتها قالت لجوزها طبعاً اللي هو والدها .. فاتخانق معاها و ضربها , فقعدت متنرفزه بقى و تقولي انا بس عايزه اعرف مين اللي قالت لماما اني قولت عنها كده ..

فلما عرفت انه انا زعلت جدااااااااااااااااااااااااااااا و قالت لي انتِ اي حاجه بعملها شايفاها غلط , في حين إني شايفاها صح , و حاجات كتيره كده و قعدت تهزأني و كأني أجرمت في حق الإنسانيه يعني .. و قالت لي والله لأخلي أهلك يخسروكِ و أخلي خطيبك اللي بتموتي فيه ده يبعد عنك , و هحطم لك كل أحلامك , فهديتها و قولت لها لو عايزه تعملي كده , مش راح تقدري لإن ربنا معايا و ربنا أقوى منك و من أي حد

و قفلت معاها و برضو شايفه اني مش غلطانه , انا نفسي إني اخليها تبطل العبط اللي بتعمله ده , دي مصاحبه ييجي 53 واحد !!

و بتخلص رصيدها عليهم و تيجي تستلف من اصحابها !! تصوروا!!

المهم سبتها و جت هي تتصل بيا تاني و قالت لي "يابوسي أنا آسفه و مش تزعلي مني" مش علقت بقى لإني زهقت

و امبارح قعدت تتحايل عليا نخرج مع بعض فقلت لها طيب ماشي , خصوصاً و إني زهقت من شغلي فحبيت اأجز منه شويه

المهم خرجت معاها و هي قاعده ساكته مش بتتكلم ولا انا , لإن مافيش حاجه أتلكم فيها , و لقيت صاحبتها الأنتيم بتتصل بيها و جت تقعد معانا , فقلت لها طيب انا هروح أجيب أكل , خصوصاً و إني لقيتها فرحانه اوووووووي إنها جت تقعد , و لما رجعت بالأكل لقيتهم خرجوا من الحمام و لقيت صاحبتي قلعت الحجاب و حاطه ميك أب , فبقولها ايه يابنتي انتِ قلعتي الحجاب ,قالت لي أنا مش مقتنعه بيه اصلاً , و ماما عارفه كده .. قلت لها طيب براحتك و قولت في سري " أحسن , المفروض مش تلبسيه اصلاً لإنك كده بتسيء للحجاب بتصرفاتك دي"

و سبت لها الأكل و مشيت لإنها كل شويه تاخد صاحبتها و تقوم فحسيت بالإحراج , وهما تقريباً كانوا رايحين يقابلوا واحد صاحبهم ولا حاجه زي كده

لما روحت قلت لمامتها عاللي حصل , و جت النهارده مامتها تعاتبها عاللي عملته فاتنرفزت اووووي و كلمتني بأسلوب وحش اوي اوي , و قالت لي انتِ كل حاجه شايفاني بعملها تشوفيها غلط , بصي يابنتي أنا واحده فاقده الأمل و فاقده الثقه في نفسي , و أنا عقلي أكبر منك و أحسن منك , و مش هتعملي عليا واحده نفسها تنصحني , انا هفضل في اللي أنا فيه ده إذا كانش عاجبك , و صوتها كان جايب المدينه اللي جنبنا يعني !! , فكظمت غيظي و استعذيت بالله من الشيطان الرجيم و قلت لها "براحتك , بس انا آخر حاجه عندي مش راح اكلمك تاني , و مش راح اصدق كلامك بانك اتغيرتي و ماتغيرتيش , و انتِ شايفاني مش صاحبتك , يمكن عشان أنا متدينه , او بحب ربنا اكتر , او بحبك في الله" قالت لي "مش عايزاكي تحبيني في الله , انا مش بحب الحب في الله !!" قلت لها "استغفر الله العظيم , ده ممكن يكون سبب انه يدخلك الجنه مع ذنوبك دي" .. وقفلت معاها

مع العلم إن لما أهلي عرفوا إني لسه بكلم واحده بالأخلاق دي زعلوا جدااا و اتضايقوا مني اوي و قالوا لي انتِ بنت كويسه بشهادة الجميع و سمعتك كويسه , مش تلوثيها لسبب تافه زي ده , و انتِ ليكِ هدف و عايزه توصلي له , مش تضيعي وقتك معاها و ركزي في دراستك و شغلك

و خطيبي برضو اتضايق مني و قالي أنا مش مصدق إنك انتِ البنت الطيبه الكويسه تصاحب واحده زي دي و فضل كتير مش يكلمني بسببها

 

انا بس نفسي أعرف

هو أنا غلطت لما قولت لوالدتها؟؟ ولا ايه

أنا عارفه إني غلطانه بنسبة مليار في الميه إني لسه بكلمها يعني , بس والله أنا المره دي مش راح اكلمها تاني , حتى لو عملت لي ايه عشان تثبت لي إنها اتغيرت , مش هتتغير غير لما الأيام تديها درس قاااااااااااسي لإني جبت آخري

[رحيـل الغد 101]

 

بسم الله الرحمن الرحيم

 

حياكِ الله غاليتي بوسي وأهلاً بتواجدكِ ياحبيبة..

 

غاليتي بدايةً فقد قلتِ أنكِ قمتِ بواجب النصح لها وهذا ما عليكِ، ولكن يا حبيبة من خلال حديثك لمستُ أنكِ باستطاعتكِ التأثير عليها إيجابياً أكثر، فكما وفقكِ الله تعالى لاقناعها بترك التدخين وذلك فضل من الله، فلماذا لا تتابعي مستعينة بالله بدعوتها لترك الحال الذي آلت إليه لتعود إلى الله. فكما قلتِ يا حبيبة أنكِ صاحبتها خمس سنوات وكانت إنسانة طيبة أول سنتين ثم ساء حالها فغالب الظن أنها وقعت في أيدي صحبة سوء أوردتها موارد الهلاك، حتى بات يُخشى من مصاحبتها، لذلك فما عليكِ فعله هو:

 

 

النصح لها بلين وأسلوب طيب دون مجابهتها بأن ما تفعله خطأ والانهيال عليها بسيل من التقريع، فكما رأيت أنها أكثرت لومك لتخطئتها دائما، فالكلمة الطيبة تسلك من النفس مسلكاً حسناً فاختاري أسلوبكِ دون تهاون في حدود الله فلا إفراط ولا تفريط.

 

والأهم هو:

تجنب مخالطتها وعدم مجاراتها في ما تفعله بغرض نهيها عنه، فلا يخفى عليكِ ما للصحبة السيئة من آثار عظيمة تتركها في النفس حتى إن الإنسان لينطبع بطباع رفقته فالناس مجبولون على تقليد بعضهم بعضاً وكلُّ قرينٍ بالمقارن يقتدي، قال رسول الله صلى الله عليه وسلم: "المرء على دين خليله فلينظر أحدكم من يخالل"

 

 

إذن فالأمر بينهما نصحٌ وإرشاد بأسلوب طيب دون مصاحبة وخالطة ولا تنسي الدعاء لها دائماً، ونسأل الله أن يستجيب ويهديها للحق ويصلح حالها.

 

 

أما إخباركِ لوالدتها في بداية الأمر فهذا واجبكِ بعد إسداء النصح لها وعدم تقبلها له، ولكن تكرار ذلك في كل مرة ترينها على خطأ فلا أوافقكِ عليه فكما رأيت فإن والدتها لم تستطع فعل شيء فكان الأولى بعد المحاولة الأولى ألا تفعلي وتهدمي الثقة بينها وبينكِ لتتمكني بعون الله من مساعدتِها بعد ذلك.

 

 

وفّقكِ الله تعالى غاليتي وأجرى الخير على يديكِ، وأبعد عنك رفقة السوء ووقاكِ شرّهم.

 

 

[حنــــ القلوب ــــان 0]

الصراحه من رايي لا اعرف ان كان صح ولا غلط

 

انت غير غلطانه تماما بل انت كذا ميه ميه انك قلتي لماماتها اوعي تندمي على انك قلتي لها هو ده الصح

 

اما انك تكلميها والله لو كلمتيها تكوني غلطانه في انك تخرجي معاها او تكلميها لان انت يمكن لو كلمتيها على اساس انك تنصحيها انها تشدك معاها وكما انك حاولتي تغيرها في البعد عن التدخين ممكن تشدك انك تكوني معاها في حاجات تانيه والعياذ بالله ولكن انا اعرف والله ناس كتتير ندمت في يوم انها نصحت انسان وانت متأكده انها ممكن تؤذيكي

وانت نصحتيها مره واثنين وعشره خلاص هيي لو فيها ذرت خير بترجعلك

 

ولكن هذا لا يمنع انك تنصحيها ولكن لما تثبتي على دينك ولما تحسي انك خلاص ثابته ثابته ان شاء الله وتكوني خلاص واثقه ان هيي ولا تهز منك شعره تروحي تنصحيها بس بالراحه وبلطف ولا تختلطي معاها كثيير بس مجرد النصح وبس يعني ما تكون صحبه اوي ليكي او تقوليلها اسرارك

 

لانها ممكن تأذيكي حبيبتي كما قالت لك انها ممكن تؤذيكي

 

الله يبارك فيكي مش عارفه هلى ده كلام صح ويناسبك بس هذا ما كنت سأفعله لو كنت مكانك

 

قوليلنا ايش اللي حصل وآخر الأخبار

 

انتظرك وقرارك

[امامه 0]

انا مش عارفه انتو هتفهموني ازاي واحده زي دي ممكن تخططلك وتضيعك ابعدي عنها ومعدتيش تسمحيلها اصلا انها تتصل بيكي اول متسمعي صوتها تقفلي السكه في وشها علي طول ياجماعه احنا في زمن محدش فيه يعرف حد ابعديييييييييييييييييييييييييييييييييييي عنهاعشان ترتاحي انتي عارفه انا لما بقرامشاكلكو بستفيد منها كتيرجدا وبحاول ان انا اتعلم منها