هل ألحق ابنتي بالتعليم ؟؟هل أجعلها تذهب للمدرسة ،لا أريد ذلك

[حنــــ القلوب ــــان 0]

حبيبتي حبيت اقولك

 

لا تحرمي بنتك من انها تكون متفتحه العقل ومتعلمه والله انا امي لم تتعلم والآن تتحسر على نفسها وعلمت نفسها بنفسها حتى تعرف ان تقرأ القرآن

 

الآن في هذا الزمان الغير متعلم وكأنه لا يعيش في الدنيا فكل شيئ الآن يعتمد على ثقافتك وخبرتك كل شيئ اصبح بالكمبيوتر

 

الآن الغرب يسبقونا في التطور والتقدم واحنا نقول بناتنا ما يتعلموا اتمنى لا تفهميني غلط ولكن انا والله من فتره قرأت ان امرأه سعوديه طبيبه اكتشفت دواءا لمرض مزمن والمرأه منتقبه وفي غايه احتشامها

 

حبيبتي لا تجعلي ابنتك( آسفه )انها تلومك يوما من الأيام الآن لما بنتك تكون طبيبه مسلمه ماهره مثلا في النساء والتوليد فانها سترحم اما من ان تنكشف على رجل

 

او انها تكون معلمه مربيه تعلم اجيالا مو احسن من ان تكون جالسه بالبيت لا تفيد المسلمين ولا تفيد نفسها

 

راجعي نفسك حبيبتي وقوليلنا آخر الأخبار بتدخليها ولا لأ

[الجمانة 3]

السلام عليكم ورحمة الله وبركاته،،

 

أعانكِ الله يا غالية على تربية ابنتكِ التربية الصالحة..

وهداكِ إلى طريق الصواب..

 

عفواً..

دخلت لأنبـّه أختي آية مجاهدة..

أنـّه لا يجوز رواية القرآن بالمعنى..

وبإذن الله سأبحث عن الفتوى..

 

والسلام عليكم ورحمة الله وبركاته،،

[انبلاج النور 0]

أختي نهى المصرية بارك الله لكي

 

 

فكرتك جميلة غير أن للأزهر مساويء أخرى قد تكون كبيرة جدا وأغلب الأخوات عارفينها ومنها ان المدرسة العادية ممكن تسمح بالنقاب للتلميذة تجاوزا

 

 

أما الأزهر فلا !

 

 

ولا حول ولا قوة إلا بالله

 

 

 

 

 

 

ومتحرميش ابنتك من نعمة التعليم

 

 

 

والله يا أختي أنا بذلك لا أحرمها من نعمة العلم

 

 

ولكن الحقيقة أنني ( أحرمها) من الشهادة وأنا أخاف من ربي أن يسألني عن سلامة قلبها فأرد عليه

 

 

لأجل الشهادة يا رب !

 

 

لأجل مظهري ومظهر ابنتي أمام الناس يا رب !

 

لأجل أنني أخاف أخالف الناس ..

 

 

 

أليست هذه الحقيقة التي واجهت بها نفسي يا أختي؟

[انبلاج النور 0]

يا أخواتي أرجوكن انتبهن والله بإذن ربي سأعلمها وأجاهد في ذلك أكبر جهاد لكن فقط ليس عن طريق المدرسة !

 

 

من قال إنها ستكون غير متعلمة؟؟؟

 

 

 

 

 

 

حبيبتي لا تجعلي ابنتك( آسفه )انها تلومك يوما من الأيام الآن لما بنتك تكون طبيبه مسلمه ماهره مثلا في النساء والتوليد فانها سترحم اما من ان تنكشف على رجل

 

او انها تكون معلمه مربيه تعلم اجيالا مو احسن من ان تكون جالسه بالبيت لا تفيد المسلمين ولا تفيد نفسها

 

 

أختي في الله حنان القلوب

 

 

هل المرأة التي تجلس بالبيت لخدمة زوجها وأولادها لا تفيد المسلمين ولا تفيد نفسها؟؟؟؟؟؟

 

 

سبحان الله يا أختي الغالية

 

 

هذه هي وظيفتنا الأولى

 

 

وما دونها مجرد تطوّع...فهل أتقننا واجباتنا؟؟

[انبلاج النور 0]

جزاكي الله خيرا أختنا الجمانة

 

 

وأسأل الله أن ينفعنا بالفتوى بارك الله لكي

[رَوْحٌ وَرَيْحَانٌ 0]

حبيبتى فكرتى هى أن تدخلى ابنتكِ مدرسة أزهرية

بحيث تطمئنى عليها من حيث الصحبة

وايضا من حيث المناهج

لكن أن تتركيها بدون تعليم فهذا ظلم لنا لتلك البريئة

انا لسة حبيبتى بدرس بالمدرسة الإعدادية

ولا احب المناهج الدراسية ولا المدرسة

ومع ذلك لا اريد الانقطاع عن المدرسة

لكى احقق احلامى المستقبلية التى لا ولن تتحقق إلا بالتعليم

ويسر الله عليكِ ولادتها

وحفظها الله لكِ ورعاها من كل سوء

وجعلها زخرا للإسلام والمسلمين

اللهم آمين

فى امان الله اخيتى

[انبلاج النور 0]

 

 

 

انا لسة حبيبتى بدرس بالمدرسة الإعدادية

ولا احب المناهج الدراسية ولا المدرسة

ومع ذلك لا اريد الانقطاع عن المدرسة

لكى احقق احلامى المستقبلية التى لا ولن تتحقق إلا بالتعليم

 

 

أختي الحبيبة جزاكي الله خيرا على دعائك الجميل ..تقبل الله منكي يا أختي ولكي بمثل دعائك :icon16:

 

 

 

وأسأل رب ان يوفقك لنيل مرادك فيما يرضيه سبحانه وتعالى

 

 

لكن لماذا هذا الجزم يا أختي؟؟

 

 

" لا ولن تتحقق إلا بالتعليم ؟"

 

ما هي أحلامك ؟ يسعدني أن أقرأ كلماتك يا أختي

[ساره أم حمزه 1042]

وعليكم السلام ورحمة الله وبركاته

حياكِ الله اختى انبلاج النور

بارك الله فيكِ ربنا ييسرلك الولادة ويحفظكم من كل سوء

 

فعلا الاختلاط ده مشكله جامده ولا حول ولا قوة إلا بالله حتى اللى فى الابتدائى فى منهم بقى

اكنهم مش اطفال مفيهمش براءة زى اطفال زمان لان فى منهم اتعلموا

من التليفزيون [ المفسديون ] اخلاق سيئة والله المستعان

الحمد لله بفضل الله مكملتش تعليم اخدت الشهادة الاعداديه وجلست فى البيت ودى فعلا نعمة عظيمة

الحمد لله الذى بنعمته تتم الصالحات ، انا حسيت بالنعمه دى

يارب لك الحمد كما ينبغى لجلال وجهك وعظيم سلطانك

 

لو قلتلك خليها تتعلم لحد الابتدائى مقدرش اقولك كده لانى شفت بنفسى فى الابتدائى بيعملوا ايه

بسبب الاختلاط ،

 

لما جلست فى البيت كنت بقرأ من الواجب اللى كنت باخده فى المدرسه لاقيت اسأله اعوذ بالله

مثلا ولله المثل الاعلى ( الموسيقى ........... ) واحنا نجاوب

 

وتجاوبى اجابة زى تقولى ( بفضل كذا كذا ) بدل منقول بفضل الله ، انا مكنتش واخده بالى وانا فى المدرسه

لكن دلوقتى بقول انا ازاى كنت بكتب الحجات دى

ربنا يسامحنا ويغفر لنا ذنوبنا

وكمان فى التعليم بتبص على المدرس وفى قصص حصلت بسبب الاختلاط

وخروج كذا مره من البيت

وكمان فى بنات واولاد بيهتموا بالدراسه التعليم الدنيوى وتقوليلهم بتقرئى ورد من القرءان يوميا تقولك مفيش وقت ، والله المستعان

مش كله

 

فى حضانة اسلامية مش مختلطه ؟

انا اعرف ان فى حضانة اسلامية

وانتى كمان ممكن تعليمها القراءة والكتابة وتحفظيها القرءان من صغرها وتعلميها العلم الشرعى

 

صلى صلاة استخارة

تم تعديل 14 أغسطس, 2008 بواسطة سارة محمد المصريه

[انبلاج النور 0]

وعليكم السلام ورحمة الله وبركاته

 

 

بارك الله لكي أختي سارة

 

 

بالله عليكي يا أختي حدثيني أكثر عن تجربتك ..

 

 

قاعدة من المدرسة منذ كم سنة؟

 

من قرر قرار توقفك ؟

 

هل تشعرين بنقص وعدم قدرة على التفاعل مع المجتمع؟

 

 

يعني كلميني عن نفسك بعد ترك المدرسة

 

 

بارك الله لكي

[ساره أم حمزه 1042]

وعليكم السلام ورحمة الله وبركاته

بارك الله لكي أختي سارة

بالله عليكي يا أختي حدثيني أكثر عن تجربتك ..

اللهم آمين وفيكِ بارك الله اختى انبلاج النور

اسمك جميل ( :

الحمد لله والشكر لله ان ربنا يسرلى انى مكملتش لانى كمان مكنتش هتشغل ان شاء الله

قال تعالى {وَقَرْنَ فِي بُيُوتِكُنَّ} (33) سورة الأحزاب

قاعدة من المدرسة منذ كم سنة؟

4 سنين تقريبا

من قرر قرار توقفك ؟

احنا كنا عارفين اننا مش هنكمل ان شاء الله ابتى واخويه يعنى كانوا معرفينا كده واحنا مبسوطين اننا مكملناش

انا واختينى البنات

هل تشعرين بنقص وعدم قدرة على التفاعل مع المجتمع؟

الحمد لله بتعامل مع الاخوات وكمان ربنا رزقنى باخوات فى الله اتعرفت عليهم هنا فى المنتدى الحمد لله

لكن بعض الناس لما يعرفوا انى مكملتش بيفكروا انى مستوايا كان مش كويسه علشان كده مكملتش { غلط الحمد لله كنت فى الاعدادى مش باخد درس وكنت بذاكر لوحدى والحمد لله بنجح بفضل الله }

يعني كلميني عن نفسك بعد ترك المدرسة

اللى بتبقى فى المدرسه بتتعرض للفتن والاختلاط وكمان بتبص على المدرس وهو بيشرح وعليها تغض بصرها

وكمان لما تكلمه وكمان فى بعض البنات سلوكهم مش كويسه ويبقوا عايزين يخلوك زيهم عايزين يشوهوا صورتك

انتى عارفه فى الاعدادى بعد ميمتحنوا ويخلصوا ويلاقوا عندهم غلطات ألاقيهم بيصوتوا ( بيصوتوا على ايه )

لا حول ولا قوة إلا بالله ، طيب يهتموا بالعلوم الشرعية اكتر من كده لانها هتنفعها فى الدنيا والاخره بإذن الله

 

كنت بشوف سلوك مش كويس والله المستعان

 

الحمد لله كده مستريحه لانى كمان مش بخرج ( المدرسه بتخلينا نخرج تقريبا معظم الايام ونتعرض للفتن فى الطريق والمدرسه

وفى بيصمموا انهم يكملوا علشان خاطر الشهادة ويبقى اسمها معاها شهادة كذا

 

الحمد لله اتعلمت القراءة والكتابة وكنت بحضر دروس فى المسجد الحمد لله

 

 

 

 

 

بارك الله لكي

[انبلاج النور 0]

أختي سارة ربنا يكرمك ممكن تدخلي على الموضوع اللي ف توقيعي وتجاوبي عن الأسئلة فيه

 

 

جعل الله ذلك بميزان حسناتك آمين

[غزالة 0]

السلام عليكم ورحمة الله وبركاته،،

صراحة يا انبلاج النور انتى عندك حق فى حاجات وحاجات لأ:يعنى اولا لو كنت فىمقابل انك مش هتوديها المدرسة هتعلميها كل العلوم الواجبة و النافعة دينيويا واخرويا اعانك الله ووفقك ولكن لابد ان تبذلى جهد مضاعف حتى لا تشعر ابنتك بالنقص على اى جانب :blush: .....حاجة كمان انا كمان سمعت واعرف ناس دخلوا مدارس اسلامية خاصة وبيشكروا فيها جدا وكانوا مرتبطين بالمعلمات بتوعهم ارتباط وثيق وتقريبا كانوا حافظين معظم القرآن ويعرفوا احكام التجويد وكثير من الفقه الواجب وطبعا كانت مدرسة غير مختلطة واضافة لكل ده كان ليهم صديقات بيحبهم وبيشتركوا معهم فى نشاطهم لأن الانسان بطبيعته اجتماعى وبيحب يبقى له أصحاب :rolleyes: ....اما الحاجة التالتة وانا شايفة ان عندك حق فيها جدا جدا جداااااااااااا هو الاختلاط فى الكلية امر بشع فانا ايضا فى كلية طب الاسنان وارى من الاختلاط البشع ما يجعلنى اكره الكلية على الرغم من متعتها وحبى للعلم الا فيها لكن فعلا بحس انى بقل جداااااا ايام الكلية فى التزامى وبحس انى بارتكب معاصى ومخالفات كتير بس انا بقول كل سنة هحاول اتقى الله على قد مااقدر وعزائى انى عايزة افيد المسلمات بدل ما تروح لطبيب وتكشف وجهها امامه ويقرب منها وهو بيعالجها عشان كده انا رأى 1-تصلى استخارة وتدعى ربنا كتير وكفاية قوى ان نيتك ان تتقى الله فى تربية ذريتك وتخرجى جيل يتقى الله

2-تدخليها مدرسة اسلامية خاصة بنات بس.......3-اما الكلية بقى مش لاقيلها حل صراحة حتى الآن بس هحاول اسأل وأفكر علشان انا كمان شاغل بالى جدا هذا الموضوع على الرغم انى مش مجوزة اتمنى ان يلهمك الله لما فيه خير لك ولابنتك فى امان الله يا انبلاج النور :tongue:

[جيلان خطاب 0]

اولاالسلام عليكم ورحمة الله وبركاته،،

ثانيا احب اعرفكم بنفسى الاول انا عندى 17 سنة هادخل كلية صيدلة بعد شهر

كنت فى مدرسة خاصة و لغات مشتركة من و احنا فى الbaby classو مع كدة احنا مدرسة للمسلمين فقط و المدرسة لا تقبل غير المسلمين كنا بنتعلم هناك قرأن و موسيقى و لما قولنا مش عاوزين موسيقى لغوها

و رغم ان احنا مدرسة مشتركة و معظمنا عايش حياته ف النادى و السينما و الخروجات و الفسح عمرى ما ارتبط بولد و لا اى حاجة

بالعكس انا طول عمرى لحد النهاردة ولحد اخر يوم فى عمرى شايفة ان المدرسة هى المكان اللى تعلمت فى الدين و تعلمت احترم فى الناس

و بعدين معلش اعتبرونى عيلة هبلة و مش فاهمة حاجة و مجنونة كمان بس المثل بيقول خد الحكمة من افواه المجانين

يعنى يا ناس تشتكوا من الفقر و المرض و الجهل و الزيادة السكانية و الفساد و الظلم والبطالة و من امريكا و القوة اللى هى فيها و من الهوان اللى عايشة فيه امة الاسلام

و فى نفس الوقت عاوزين تعقدوا فى بيوتكم زى النعامة اللى بتخبى رأسها فى الرمل و الحجة ان الله يقول{وَقَرْنَ فِي بُيُوتِكُنَّ} (33) سورة الأحزاب :icon15:

طب ما برضه ربنا طلب مننا اننا نتعلم العلم

طب لية سؤال هنحارب اعداء الاسلام ازاى لو ماكنش بالعلم و ماحدش يقولى العلم الشرعى امريكا طلعوا القمر و قريب ان شاء الله هيقضوا اجازتهم فى الفضاء و يتركوكم هنا تتخبطون فى ظلمات الجهل :wub: و التخلف

و بعدين نرجع نتحسر على ايام المسلمين و السلف الصالح

وبعدين يعنى مثلا لو ولد هاتخلوا يتعلم فى البيت برضه لاء طبعا علشان هو ولد

و ربنا امر الرجال ان يغضوا ابصارهم قبل النساء

على كدة بقى نقعد كلنا فى البيوت علشان ماحدش يتعرض للفتنة

و كل سنة و انتوا طيبين و حسبى الله و نعم الوكيل فى البدع الجديدة

و معلش انا اسفة على كلامى بس كان لازم اقوله

[انبلاج النور 0]

السلام عليكم ورحمة الله وبركاته،،

لابد ان تبذلى جهد مضاعف حتى لا تشعر ابنتك بالنقص على اى جانب :blush: ....mrgreen:

 

 

وعليكم السلام ورحمة الله وبركاته

 

 

عندك حق يا أختي الكريمة غزالة

 

لكن ما حجمه بالنسبة للوقت الذي سأنقي رأسها فيه مما سيتقبله من أغلاط ؟؟

 

وبعدين أعصابي؟

 

أعصابي هتكون مستريحة ف أي الحالتين ؟

 

 

 

 

 

.حاجة كمان انا كمان سمعت واعرف ناس دخلوا مدارس اسلامية خاصة وبيشكروا فيها جدا وكانوا مرتبطين بالمعلمات بتوعهم ارتباط وثيق وتقريبا كانوا حافظين معظم القرآن ويعرفوا احكام التجويد وكثير من الفقه الواجب وطبعا كانت مدرسة غير مختلطة

 

mrgreen:

 

 

 

 

بكل أسف المدرسة الاسلامية الوحيدة في مدينتي مختلطة

 

 

 

 

 

 

اكره الكلية على الرغم من متعتها وحبى للعلم الا فيها لكن فعلا بحس انى بقل جداااااا ايام الكلية فى التزامى وبحس انى بارتكب معاصى ومخالفات كتير بس انا بقول كل سنة هحاول اتقى الله على قد مااقدر

mrgreen:

 

وانا كمان

 

 

 

 

 

 

 

وعزائى انى عايزة افيد المسلمات بدل ما تروح لطبيب وتكشف وجهها امامه ويقرب منها وهو بيعالجها

mrgreen:

 

لكن هذا لا يعزيني يا أختي بكل أسف

 

الحمد لله يا أختي أعتقد ان فرض الكفاية من الطب حاصل في مدينتي إلا في مجالين فقط :الانف والأذن -التخدير

 

وباقي المجالات في مدينتي الصغيرة حصل

 

أنا مش عارفة انتي عايشة فين ...بس هل مفيش طبيبات أسنان يكفو نساء المدينة ؟

 

 

وحتى لو كدة

 

نؤدي فرض الكفاية مع الإثم

 

 

ولا بلاش فرض الكفاية وبلاش الإثم ؟؟

 

 

لا أدري -نبحث في الفتاوى

 

 

 

 

 

عشان كده انا رأى 1-تصلى استخارة وتدعى ربنا كتير وكفاية قوى ان نيتك ان تتقى الله فى تربية ذريتك وتخرجى جيل يتقى الله

2-تدخليها مدرسة اسلامية خاصة بنات بس.......3-اما الكلية بقى مش لاقيلها حل صراحة حتى الآن بس هحاول اسأل وأفكر علشان انا كمان شاغل بالى جدا هذا الموضوع على الرغم انى مش مجوزة اتمنى ان يلهمك الله لما فيه خير لك ولابنتك فى امان الله يا انبلاج النور :mrgreen:

:wub:

 

بإذن الله يا أختي وأسأل ربي أن يأجركي على ردك الجميل الصادق النافع

 

 

أختك في الله

[انبلاج النور 0]

اولاالسلام عليكم ورحمة الله وبركاته،،

ثانيا احب اعرفكم بنفسى الاول انا عندى 17 سنة هادخل كلية صيدلة بعد شهر

 

 

 

 

أولا : وعليكم السلام ورحمة الله وبركاته :mrgreen:

 

وثانيا : :wub: أهلا وسهلا بكي جيلان وربنا يوفقك للخير آمين -بس قولي ان شاء الله على أي حاجة بالمستقبل :mrgreen:

 

 

 

و لما قولنا مش عاوزين موسيقى لغوها

 

 

اللهم بارك هذا شيء رائع :blush:

 

 

 

و رغم ان احنا مدرسة مشتركة و معظمنا عايش حياته ف النادى و السينما و الخروجات و الفسح عمرى ما ارتبط بولد و لا اى حاجة

 

 

 

امممممممم

 

 

 

بالعكس انا طول عمرى لحد النهاردة ولحد اخر يوم فى عمرى شايفة ان المدرسة هى المكان اللى تعلمت فى الدين و تعلمت احترم فى الناس

 

 

 

 

امممممم

 

 

 

 

 

و بعدين معلش اعتبرونى عيلة هبلة و مش فاهمة حاجة و مجنونة كمان بس المثل بيقول خد الحكمة من افواه المجانين

 

 

 

 

:ohmy:

 

 

:unsure:

 

 

 

:laugh:

 

 

 

 

يعنى يا ناس تشتكوا من الفقر و المرض و الجهل و الزيادة السكانية و الفساد و الظلم والبطالة و من امريكا و القوة اللى هى فيها و من الهوان اللى عايشة فيه امة الاسلام

و فى نفس الوقت عاوزين تعقدوا فى بيوتكم زى النعامة اللى بتخبى رأسها فى الرمل و الحجة ان الله يقول{وَقَرْنَ فِي بُيُوتِكُنَّ} (33) سورة الأحزاب

 

 

طب ما برضه ربنا طلب مننا اننا نتعلم العلم

 

:tongue: :angry: :angry:

 

شيلي الآية يا جيجي ! بلاش تقولي آيات في نقاش بتتكلمي فيه بحرية كدة ..وانتي أكيد مش عارفة تفسيرها وأحكامها

 

 

 

 

 

 

 

طب لية سؤال هنحارب اعداء الاسلام ازاى لو ماكنش بالعلم و ماحدش يقولى العلم الشرعى امريكا طلعوا القمر و قريب ان شاء الله هيقضوا اجازتهم فى الفضاء و يتركوكم هنا تتخبطون فى ظلمات الجهل :ninja: و التخلف

 

 

 

 

 

 

عيب كدة ! :smile:

 

 

 

و بعدين نرجع نتحسر على ايام المسلمين و السلف الصالح

 

 

 

طيب حد قال لك يا جيلان ان السلف الصالح كانوا بيقضوا أجازتهم في الفضاء؟؟

 

 

 

:mrgreen:

 

 

 

 

وبعدين يعنى مثلا لو ولد هاتخلوا يتعلم فى البيت برضه لاء طبعا علشان هو ولد

و ربنا امر الرجال ان يغضوا ابصارهم قبل النساء

على كدة بقى نقعد كلنا فى البيوت علشان ماحدش يتعرض للفتنة

و كل سنة و انتوا طيبين و حسبى الله و نعم الوكيل فى البدع الجديدة

و معلش انا اسفة على كلامى بس كان لازم اقوله

 

 

 

أختي جيلان ..لكل جملة من كلامك عندي رد

 

ولكن ليس الآن

 

 

أتركك تتدبرين ردك قليلا ثم أعود للرد بإذن الله

 

 

 

أختك في الله أم خديجة

[أم آسية 0]

السلام عليكم يا أخوات،

 

أنا دخلت الموضوع لأني بأعاني من نفس الحيرة

 

بس أولا نصيحة للاخت صاحبة الموضوع، فيه دلوقتي في مصر مدارس أزهرية خاصة، بعضها جيد جيدًا وهدفهم فعلا إعداد جيل جيد مربى على العقيدة الصحيحة، والحمد لله المدارس دي مفيهاش اختلاط ولا موسيقى، وهي بتدرس منهج أزهري مع منهج التعليم العام لكن أحسن شيء هو تدقيقهم في اختيار المدرسيين ، هم لا يعتمدوا فقط على المناهج ولكن يختارون مدرسين ملتزمين بمعنى الكلمة ، أنا أعرف هذا لأن بالفعل الكثير من بنات صديقاتي يدرسون فيها وعدد من صديقاتي يعملون بها كمدرسين، طبعا أن لا أقول إنها كاملة ولكن هي أخف الضررين.

 

 

بالنسبة للمدرسة، البنات محتاجة تفاعل مع ناس كتير خارج البيت لأنها لا مفر لها من هذا التفاعل علشان ما تتصدمش بعد كدة في تعاملها مع محتمع نشأت بمعزل عنه

 

أنا فعلا مثلك بأكره مساوء التعليم المصري، خاصة إن أنا دلوقتي عندي بنتين في سن المدرسة وللأسف بعيدة عن أي من المدارس اللتي اتكلمت عنها فوق، فللأسف دلوقتي بنتي رايحة أولى ابتداءي وفي مدرسة مختلطة وفيها موسيقى، بس عن تجربة أهم شيء هو اللي انت هتعلميه ليها في البيت، في السن دة رأيك هيكون هو الأساس، مثلا بنتي راحت قالت لمدرس الموسيقى إن الموسيقى حرام، وعارفة إن الاختلاط حرام والنقاب فرض، ومدرستها قالت لي أنها بتروح في المدرسة بتتكلم عن الحرام والحلال وحتى هي المُدرسة أتأثرت بيها.

لكن في نفس الوقت ، هي برضه البنت مشتتة بين عالم البيت وعالم المدرسة، وللأسف خايفة من تأثير المدرسة والصحبة لما تكبر، ففعلا مش عارفة هأعمل إيه إذا ما اقدرتش أنقلها مدرسة إسلامية.

 

أما بالنسبة لأنها ما تكملش تعليمها فأنا مش عارفة إذا كانت فكرة صائبة ولا لأ علشان تطورها النفسي والاجتماعي، عموما لو تقدري تدخليها مدرسة كويسة يبقى دة أفضل من أنها ما تتعلمش، وحاولي توازني الأمور وتوفرلها صحبة صالحة في البيت وتصححي أفكارها وعقيتدتها من الأول.

 

وربنا معاكي

[انبلاج النور 0]

السلام عليكم يا أخوات،

 

أنا دخلت الموضوع لأني بأعاني من نفس الحيرة

 

 

 

أما بالنسبة لأنها ما تكملش تعليمها فأنا مش عارفة إذا كانت فكرة صائبة ولا لأ علشان تطورها النفسي والاجتماعي،

 

 

وعليكم السلام ورحمة الله وبركاته

 

 

جزاكم الله خيرا يا أختي

 

 

الحمد لله في اخوات كتير سابو التعليم وتطورهم النفسي الاجتماعي ممتاز وبعض تجاربهم على الموضوع في توقيعي فتفضلي بالاطلاع وابداء رأيك :mrgreen:

 

 

 

 

هرجعلك يا جيلان ان شاء الله :mrgreen:

[جنى دان 1]

اختى الحبيبة

 

 

انا مش مصدقة ان فى طبيبة بهذا الفكر

 

 

يا اختى اهم شيء هوالتربية السليمة فى البيت

 

وغرس القيم الطيبة فى طفلتك منذ الولادة وحتى يحين دخولها المدرسة

 

 

فنحن نجنى ثمار ما نغرسه فى اولادنا

 

 

نعم المدرسة ايضا تربى

 

 

ولكن علينا نحن الاباء ان نصحح المسار لابنائنا

 

غير ان القيم الفاسدة لا تاتى من المدرسة فقطحتى لا تحرميها من التعليم

 

 

ولكن تاتى منكل البيئة المحيطة حولنا

 

 

هل ستمنعينها من التنفس؟؟؟؟؟؟؟؟؟؟؟؟؟؟

 

 

لا ارى ان هذا هو الحل السليم

 

 

الله يهديكى

[جيلان خطاب 0]

اولا السلام عليكم ورحمة الله وبركاته،،

 

ثانيا مازلت عند رأيى لأنى مقتنعة به

ثالثا لا تزعلى منى بس بعد ما قرأت موضوعك دة و الردود التى توافقك فكرت فى انى لا اريد الدخول الى المنتدى مرة اخرى اسفة فهمت من الكلام ان حضرتك دكتورة بس كلامك دة فى تعنت جامد و بعدين هو يعنى حضرتك فكرة انك لما تبعديها عن كل حاجة و تقعديها فى البيت زى اهل الريف كدة تطبخ و تمسح و تكنس هى هتسكت :?:

زمان كان اهل الريف مش عندهم حتى الراديو بس دلوقتى فى حاجة جديدة اخترعها واحد امريكى اتربى على العلم اسمه بيل جيتس اخترع البتاع اللى قدام حضرتك دة و طوره ناس من دول العالم المتقدم اللى طبعا و لله الحمد مفيش دولة اسلامية و لا حتى عربية فيهم{لا سمح الله التقدم حاجة وحشة و احنا منقبلش التقدم ابدا حاشا لله} :angry:

المهم بقى فى حاجة اسمها انترنت و المثل بيقول الممنوع مرغوب يا دكتور {ما انا برضو هبقى دكتورة ان شاء الله يعنى :laugh: }

و ما ادراكى ما الانترنت يعنى اللى عاوزة تعرفه هاتعرفه و غرف الشات غنية عن التعريف و عند اى كلمة منك ستلومك انك السبب فيما وصلت اليه

اننى فتاة فى ال17 من عمرى و اعلم جيدا كيف تفكر الفتيات فى مثل سنى

ارجوكى ادخلى ابنتك المدرسة لا تجعليها تتمنى فى يوم لو انك لم تكونى امها عندها لا تكفيك ايامك لتعبرى عن ندمك

ارجوك لا تكونى انانية اتركى ابنتك تختار طريقها بنفسها علميها العلم الشرعى و اتريكيها تروح المدرسة و هى تختار كما اخترتى انتى

و عندما يسألك ربك قولى له انك قد علمتها دينها و هى اخترت طريقها قد تبين الرشد من الغى

و شكرا و ارجو الرد

[ساره أم حمزه 1042]

أختي سارة ربنا يكرمك ممكن تدخلي على الموضوع اللي ف توقيعي وتجاوبي عن الأسئلة فيه

جعل الله ذلك بميزان حسناتك آمين

ان شاء الله حبيبتى ارد فيه

اللهم آمين وبارك الله فيكِ

 

يا اخوات انا شفت سلوك مش كويسه وانا فى الاعدادى حتى فى 5 ابتدائى بسبب الاختلاط والله المستعان

ولو قلتلهم المدرسه فيها مدرسين رجال بعضهم يقول ده زى والدك لكن غلط اللى بيقولوه

الشيطان بيزين النساء للرجال وانا شفت فى المدرسه مع انى كنت فى مدرسه بنات فقط بس فى مدرسين رجال وشفت كانوا بيعملوا ايه

الحمد لله ان ربنا سبحانه وتعالى يسرلى انى مكملش

وفعلا احنا نعلم اولادنا من صغرهم نعلمهم السلوك الصحيح والاخلاق الحسنة ونعرفهم ايه الحرام وايه الحلال

لان فى بعض الناس تلبس بناتها وهى صغير لبس كاسى عارى وتقول دى لسه صغيره ولما البنت تكبر

امها تقولها تلبس نقاب او خمار متبقاش عايزه ( إلا من رحم ربى )

انما لو عودتيها من صغرها تنشأ نشأة صالحه كويسه بإذن الله

واللى هيفيدنا دنيا واخره ان شاء الله ( العلم الشرعى ) وتحفظوهم القرءان

وطبعا تتعلم القراءة والكتابة لكن لو تكون مدرسه اسلامية ومش مختلطه

الله اعلم صلى صلاة استخارة

ده احنا كنا بناخد امتحان فى الموسيقى ( وطبعا الامتحان ده بيخليك تذاكرى علشان تعرفى تحلى وبكده يركز حجات الموسيقى فى دماغك )

لا حول ولا قوة إلا بالله

ربنا ييسر اللى فيه الخير ويوفقنا لما يحبه ويرضاه

[انبلاج النور 0]

اختى الحبيبة

 

 

 

يا اختى اهم شيء هوالتربية السليمة فى البيت

 

وغرس القيم الطيبة فى طفلتك منذ الولادة وحتى يحين دخولها المدرسة

 

 

فنحن نجنى ثمار ما نغرسه فى اولادنا

 

 

نعم المدرسة ايضا تربى

 

 

ولكن علينا نحن الاباء ان نصحح المسار لابنائنا

 

 

 

 

صدقتي .

 

 

 

 

 

 

هل ستمنعينها من التنفس؟؟؟؟؟؟؟؟؟؟؟؟؟؟

 

 

لا ارى ان هذا هو الحل السليم

 

 

الله يهديكى

 

 

 

 

اللهم آمين

 

 

ولن أمنعها من التنفس يا أختي . غفر الله لي ولك .

[ساره أم حمزه 1042]

اعرف اخت كانت فى الكليه بتقول مكنتش ليه دعوة بالشباب خالص مش بتكلمهم بس اول خطوة بدأت بإن واحد طلب منها تديله المحاضرة وكانت دى اول خطوة

بس الحمد لله ربنا هداهم

 

{ وَمَن يُرِدِ اللّهُ فِتْنَتَهُ فَلَن تَمْلِكَ لَهُ مِنَ اللّهِ شَيْئًا} (41) سورة المائدة

[انبلاج النور 0]

 

 

اولا السلام عليكم ورحمة الله وبركاته،،

 

 

 

 

أولا : وعليكم السلام ورحمة الله وبركاته

 

 

 

 

ثانيا مازلت عند رأيى لأنى مقتنعة به

 

 

طيب ما انا عارفة هو انا لسة رديت

 

 

 

 

 

ثالثا لا تزعلى منى بس بعد ما قرأت موضوعك دة و الردود التى توافقك فكرت فى انى لا اريد الدخول الى المنتدى مرة اخرى

 

 

 

 

ليه ؟؟

 

انتي ضد انك تناقشي ناس مختلفة معاهم ؟

 

 

طول ما احنا بنحترم بعض يا جيلان يبقى في مجال للتفاهم

 

 

أما انك تخرجي من مكان لمجرد انك مختلفة مع اللي فيه يبقى مش هتتحركي اي خطوة - اثبتي صحة رأيك أو اقتنعي بصحة رأي من يناقشك

 

 

طول ما في احترام متبادل..والتزام بالأدب وحرية في التعبير في نطاق حدود الشرع والأدب ..ايه المشكلة ؟

 

 

 

 

 

 

اسفة فهمت من الكلام ان حضرتك دكتورة بس كلامك دة فى تعنت جامد و بعدين هو يعنى حضرتك فكرة انك لما تبعديها عن كل حاجة و تقعديها فى البيت زى اهل الريف كدة تطبخ و تمسح و تكنس هى هتسكت :?:

 

 

 

:icon_eek: :icon_eek:

 

 

 

زمان كان اهل الريف مش عندهم حتى الراديو بس دلوقتى فى حاجة جديدة اخترعها واحد امريكى اتربى على العلم اسمه بيل جيتس اخترع البتاع اللى قدام حضرتك دة

 

 

 

بيل جيتس مش مخترع يا جيلان...بيل جيتس أغنى رجل في العالم وصاحب شركة مايكروسوفت :tongue: ..

 

أما اللي اخترع الكمبيوتر هو باسكال :tongue: ...

 

واسمه كمبيوتر أو حاسوب ..مش بتاع :wub:

 

 

 

 

 

{لا سمح الله التقدم حاجة وحشة و احنا منقبلش التقدم ابدا حاشا لله} :lol:

 

 

 

مين دخل الأفكار دي لدماغك ؟

 

 

 

 

 

 

المهم بقى فى حاجة اسمها انترنت و المثل بيقول الممنوع مرغوب يا دكتور {ما انا برضو هبقى دكتورة ان شاء الله يعنى :laugh: }

و ما ادراكى ما الانترنت يعنى اللى عاوزة تعرفه هاتعرفه و غرف الشات غنية عن التعريف و عند اى كلمة منك ستلومك انك السبب فيما وصلت اليه

اننى فتاة فى ال17 من عمرى و اعلم جيدا كيف تفكر الفتيات فى مثل سنى

ارجوكى ادخلى ابنتك المدرسة لا تجعليها تتمنى فى يوم لو انك لم تكونى امها عندها لا تكفيك ايامك لتعبرى عن ندمك

ارجوك لا تكونى انانية اتركى ابنتك تختار طريقها بنفسها علميها العلم الشرعى و اتريكيها تروح المدرسة و هى تختار كما اخترتى انتى

و عندما يسألك ربك قولى له انك قد علمتها دينها و هى اخترت طريقها قد تبين الرشد من الغى

و شكرا و ارجو الرد

 

يا اختي من قال همنعها من النت ؟

 

انتي قريتي ردودي كلها ؟

 

 

على العموم حاضر الرد

[انبلاج النور 0]

السلام عليكم ورحمة الله وبركاته

 

 

أولا أنا مش ضد التعليم يا جيلان أنا ضد نظام التعليم..يعني انتي مثلا دخلتي مدرسة خاصة بفلوس

 

 

 

و لما قولنا مش عاوزين موسيقى لغوها

 

 

طيب دة جميل

 

لكن انا اقدر احققه فين وانا المدرسة الخاصة اللي ف بلدي نصرانية يعني مش مسلمة اصلا..والمدرسة التانية فيها صفات المدارس الحكومية كلها

 

 

 

 

و رغم ان احنا مدرسة مشتركة و معظمنا عايش حياته ف النادى و السينما و الخروجات و الفسح عمرى ما ارتبط بولد و لا اى حاجة

 

 

يعني انتي فاهمة ان المشكلة انها تخرج مع شاب؟؟؟ت

 

انا خايفة عليها من انها تتعود على واحدة غير محجبة وبتحط ميك اب وتكون دي هي قدوتها " معلمة المدرسة" !

 

اذا كانت السينما بكل ما فيها شيء اتربيتي عليه، فأنا لا ألومك انك متكرهيش الاختلاط ..ومتكرهيش عدم الحجاب..ومتكرهيش رجوع البنت لبيتها متأخر

 

دة طبيعي لأن هي دي السينما وهي دي الأفلام ..رجال وبنات أكتر من متزوجين على شاشة ضخمة وعيون مفتوحة تشاهد كل حركاتهم السافلة

 

كيف تغض هذه العين بصرها عن وجه شاب عادي؟

 

لا ألومك على رأيك فهذا طبيعي

 

أنا مش بحكم من منظور بنت اتربت على السينما -انا بحكم من منظور آخر .

 

 

 

 

بالعكس انا طول عمرى لحد النهاردة ولحد اخر يوم فى عمرى شايفة ان المدرسة هى المكان اللى تعلمت فى الدين و تعلمت احترم فى الناس

 

 

 

أوافقك يا أختي

 

 

لكن أي درجة من الدين ؟؟

 

 

أحب أن أسألك سؤال بسيط ..احنا داخلين على رمضان ..وانتي عمرك 17 سنة

 

 

يعني مكلفة بالصيام

 

 

تقدري تقولي لي لو اتعرضتي لأي إشكال في صيامك هتعرفي حكم الشرع فيه ايه ؟

 

 

يعني لو جاتلك حموضة مثلا وانتي صايمة .. واتعمدتي انك ترجعي ..تتقيئي يعني..كدة صيامك صحيح أم اتنقض؟؟

 

 

 

لو بتصلي ونسيتي التشهد الصغير..تعملي ايه؟

 

 

لو عندك دهب 100 جرام ...عليكي زكاة ؟؟

 

 

لو انتي والدك غني وبيشتغل برة في السعودية .. وأعطاكي مبلغ من المال قدره 30 ألف جنيه - وهو بييجي اجازات ومعندوش مانع ياخدك معاه

 

 

واجب عليكي الحج ؟

 

تاخدي ذنوب على انك محجتيش من أول سنة اتوفرت لك فيها الظروف دي؟

 

 

 

 

دي أسئلة بسيطة في أركان اسلامك الخمسة ..اللي هنقابل بيهم ربنا،، تقدري تقولي ايه الاجابة ؟؟

 

يا ترى المدرسة علمتك؟

 

 

ويا ترى لو سألنا أسئلة أصعب ووالله بنتعرض لها ف كل لحظة ...هيكون عندك رد ؟؟من المدرسة التي تعلم الدين ؟؟

 

 

 

 

 

 

 

 

 

 

 

يعنى يا ناس تشتكوا من الفقر و المرض و الجهل و الزيادة السكانية و الفساد و الظلم والبطالة و من امريكا و القوة اللى هى فيها و من الهوان اللى عايشة فيه امة الاسلام

و فى نفس الوقت عاوزين تعقدوا فى بيوتكم زى النعامة اللى بتخبى رأسها فى الرمل و الحجة ان الله يقول{وَقَرْنَ فِي بُيُوتِكُنَّ} (33) سورة الأحزاب

 

 

طب ما برضه ربنا طلب مننا اننا نتعلم العلم

 

طلبت منك ان تحذفي الآية حتى لا تتعرضي لذنب يا أختي لعدم معرفتنا والمامنا بتفسيرها التام الصحيح وأحكامها فنحافظ على آيات القرآن من نقاشاتنا التي تكون بحرية هكذا

 

 

 

فأرجو منك يا أختي أن تحذفيها ثم أواصل الرد ونواصل الحوار بإذن الله :grin:

[كفى بالموت واعظا 0]

حبيبتى انبلاج النور اولا اشكرك على طرحك هذا الامر فقد اثار اراء الكثير وانا منهم

 

 

بالنسبه لرايى حبيبتى هذا هروب من تحمل المسؤليه

 

اسالك سؤال انتى الان فى السنه السادسه كلية الطب لما لم تتركى الكليه عندما علمتى بالاختلاط وعدم جدوى ما تدرسين حبيبتى ؟

 

هل ستجلسين فى المنزل بعد انتهاء الدراسه ؟

 

البتر ليس حلا للعلاج اليس كذالك ؟

 

فالطبيب يبذل كل الجهد وكل المحاولات حتى لا يلجا للبتر وما تنوين فعله هو بتر للتخلص من هم المتابعه وعدم دخول افكار شاذه وعدم تضيع حياتها

 

 

لا حبيبتى هكذا تظلمين ابنتك ظلما كبيرا

 

بدل من ان تقولى ساربى ابنتى حتى تكون طبيبه مسلمه تقيه تقدر تفتى مرضاها فى احكام الصيام وغيره ؟

 

 

بدل ان تقولى ساربى ابنتى حتى تكون معلمه ملتزمه تقيه تربى جيل كامل وتحاول اصلاح شانه

 

 

حبيبتى الدنيا ابتلاء والعزله عن الناس مكروهه

 

 

اسمعى شريط العزله عن الناس للشيخ محمد حسان رائع

 

يقول فيه ان العزله ليست حل فالحل الاختلاط مع الناس ومقاومة الباطل

 

 

وانتى هكذا تجنى على ابنتك بعدم اختلاطها حبيبتى

 

احنا معظمنا اتربى فى مدارس حكوميه عاديه بها نصارى وبها متبرجات

 

والجامعه مختلطه لكن ياتى دور تربيتك حبيبتى لها

 

التربيه فى البيت هى الاساس

 

اعدى منهج محدد لك واجمعى المواد جيد فامامك الكثير من الوقت حتى تكونى مستعده للمواجهه

 

وربى ابنتك تربيه اسلاميه صحيحه واتركيها تواجه الحياه لتتعلم الحياه قبل ان تتعلم العلوم

 

 

حبيبتى انا زوجى للاسف اهله كان عندهم بعض التفكير مثل تفكيرك

 

كانوا يغلقوا عليهم وتضيق شديد اعتقادا منهم ان هذا حفاظا على الابناء من الغزو الفكرى والانحلال

 

مش عايزة اقولك حال ابناءهم

 

 

سوء خلق ممكن يحضروا افراح غير ملتزمين عاااااااااااااااااااااادى

 

اعتراض على النقاب والحجاب رهيب

 

حب للاختلاط رهيب

 

كانوا يضحكوا على ابيهم وامهم ويدعون انهم يذاكروا ويقرؤن الروايات والقصص

 

يتفرجوا على المتشات على القهاوى

 

انقلاب لم يستطيعوا مواجهته

 

 

لكن مع بعض اللين تقدرى تسيطرى حبيبتى اكثر من الشده

 

 

الان احضروا تلفاز اسلامى حتى يتفرج الابناء الصغار على الكارتون ؟؟؟؟؟؟؟؟؟؟؟؟؟؟؟؟؟؟؟؟

 

 

 

ادخلوا الدش حتى يتفرج الابناء على الماتش افضل من الجلوس على القهاوى ؟؟؟؟؟؟؟؟؟؟؟؟؟؟؟؟؟؟؟؟؟

 

 

ادخلوا الجرنال المنزل وهذا كان ممنوووووووووووووووووووووووووووع تعرفى لماذا لان الابناء بداوا يقراو الصحف الصفراء

 

ليس ايت صحف الصفراء

 

 

الكبت يولد الانفجار حبيبتى

 

 

انا انقل لك واقع مماثل لما تقولين

 

انتى تقولى افكار مستقبليه

 

وانا انقل لك الصورة الحيه

 

 

انفلت الابناء من بين ايديهم حبيبتى

 

 

بسبب هذا التفكير

 

التربيه حبيبتى من البيت ربى وغذى العقل واتركيها تواجه الحياه بكل متطلباتها

 

عندى نموذج اخر حبيبتى ربى ابناءه فى البيت وتركهم والام والاب يوجهوا ويعدلوا الافكار

 

وما شاء الله عليهم الاطفال من سن صغيره ملتزمين باشياء لم نكن نعلم عنها فى سنهم

 

الافضل المواجهه وليس دس رؤسنا فى التراب مثل النعامه

 

 

لا تقتليها بيدك حبيبتى اتركيها تواجه الحياه وانتى عليكى التوجيه والتصحييح