زهرتي ..لنلبس النـّقاب ! فهل أنتِ موافقة ؟

[سلمي السلفيه 0]

 

بسم الله الرحمن الرحيم

 

السلام عليكم ورحمه الله وبركاته

 

 

كما ترون موضوع النقاب تكرر مرارا وتكرار على شاشات الفضائيات ويثير الجدال اينما طرح

وطالما أتهم مؤيدوه بالتشدد والتعصب واتباع هوى النفس , وأنهم يفرضون في الاسلام فروضا ويحرمون على غير المنتقبات لبسهن لهذا

الحجاب وانهم يزكون انفسهم بلبسهن النقاب واتهامات كثيرة ..

 

أعدكن أن نتحدث هذه المرة بلسان آخر أكثر تحبيبا في النقاب بلا جدال ولا نزاع.

 

ويشهد الله أن مادفعني لكتابة هذا الموضوع إلا حبي لكنّ في الله ، وفي رغبتي أن يجمعنا الله جميعا في جنة الفردوس

وأن يحشرنا مع زوجات النبي صلى الله عليه وسلم ..

 

 

ويبقى فقط أن أنوّه أننا لن نتحدث عن فرضية النقاب فهو مفتوح لكنّ أن تقتنعوا بالفرضية أم السّنية مما تستشفوه من قراءاتكم لكتب

التفاسير وآراء العلماء ..

 

فالكلمات هنا تحمل معنى الدعوة بدون التطرق للجدال في الأمور الخلافية ...

ويشهد الله على صدق النوايا في الدعوة الى النقاب....

 

 

أخواتي في الله منتقبات وغير منتقبات ..

 

 

لن أبدأ حديثي بالبداية التي تفزع الكثير منكن وتجرى الدم في العروق وما كنت أعلم أنها مثيرة أو مستفزة لهذه الدرجة ،

وهي عبارة (النقاب فرض)

 

وأحب أن أرفع شعاري عندما قررت كتابة هذه الكلمات وهي .... لا للجدال ولكن الدعوة بهدوء

 

كتير من الناس بيرددوا عبارة (النقاب فضل أو فضيلة) ..

 

طيب تعرفوا معناها إيه ؟

سأستعين برأي الشيخ الجليل الألباني في شرح أفضلية النقاب على الحجاب العادي (غطاء الرأس) فيما يفيد موضوعي ..

 

 

قال الشيخ الجليل ..

 

السنة: ما يثاب فاعله، ولا يعاقب تاركه، والمستحب كذلك.

إذن الشيخ يرى أن التغطية سنة مستحبة، لم يقل: مباح، جائز

 

بل قال:

سنة ، مستحب

 

وهذا ألفاظ شرعية تدل على الأفضلية ..

 

والمشروع هنا هو تغطية الوجه ، ومعلوم المشروع وهو ما شرعه الله تعالى أفضل من الجائز ، وهو ما أباحه الله تعالى ..

وفي بعض الناس بتفهمها خطأ تقول [ دي زيادة تقوى مني وزيادة تستر مني .. لى أني أعملها أو معملهاش لأنها فضل!! ]

 

سبحاااااان الله !!!!

 

ده في آية كريمة بتقول :

( يَمنون عَليكَ أن أسلمو قُل لا تمنُو عَلى إسْلَامِكم بَل الله يَمن عَليكُم أنْ هَدَاكُم للإيمَان إنْ كُنْتُم صَادِقِين )

 

 

الناس فاهمينها بالمقلوب يعني حتى لو عايزين يصححوا رؤيتهم شوية يقولوا طيب ده فضل من ربنا على أنه يرزقني حاجة زي دي ويهديني

إني أتستر مش أنه فضل مني ؟؟؟!!!

 

سبحاااان الله !!

 

 

حجاب هذه الأيام ألوانه تجنن بتدعو لإطلاق البصر ،

أنا نفسي كفتاة انظر إليها وإلى تناسق الألوان والشياكة والخرز والترتر اللي بيلمع فيها ..

 

وانظر الى طريقة الـ cross في لف الإيشارب التي طالما جننتني (أيام الجاهلية) قبل الإلتزام لأتعلمها

و الى الـ band او اللى بيسموها (باندانا)

 

وليها لون وتلبس تحت إيشارب لون مختلف عشان تعمل contrast شياكة يعني

 

وأيضا إلى لفات الإيشارب التي تخنق الرقبة لأنها ملفوفة حولها مباشرة ولاتغطي الصدر كأنه لم تنزل آية تقول :

( وَقُل للمؤمنَاتِ يُغضضنَ مِنْ أبْصَارِهِنَّ وَيَحْفَظَنَ فُروجَهنَّ وَلا يُبدينَ زِينتهنَّ إلا مَاَظهرَ مِنهَا وَليضربنَ بِخمرهنَّ عَلى جُيوبهنَّ )

 

اتعمل بقى حجاب جديد غريب من نوعه يغطي الشعر والرقبة ثم يمر ليظهر الاذن !!!

لاحول ولاقوة إلا بالله هل هذا نوع جديد من الحجاب نزلت به آية ؟؟

 

 

دى فتنة إلى جانب إن شكلها مش ظريف بفرض خلاص لبسنا عباية

(عباااااية مش بنطلون وعليها بلوزة قصيرة أو بودي أو شيميز أو حاجة من الحاجات الوحشة دي ) مع الإيشاربات دي

 

طب ما كده الحجاب مش مستوفي كل شروطه ..

ويااارب العباية ماتكونش زينة في نفسها...

 

تخيلى الآية بتقول (وَلايُبدينَ زِينتهنَّ) واحنا بنخالف ونبدي الزينة !!

 

 

وصور الزينة معروفة :

 

- تناسق الألوان ولا أعني إننا نبقى مبهدلين لكن مايلفتش النظر ..

 

- والتطريز والإيشاربات المشجرة القصيرة ولبس الخواتم والذهب أعني إظهارهم ..

 

يعني ربنا سبحانه وتعالى بعث لنا رسولنا الكريم صلى الله عليه وسلم ليكون لنا قدوة وأسوة ونموذج نسيرعلى دربه هو وأزواجه ثمّ

صحابته ثمّ التابعين.

 

وأدينا دلوقتي عايشين في هاوية المنحدر ونرى مظاهر العرى قد تفشت .. فهذا يعني أن ما كان قبلنا كان أكثر مننا تسترا فأكثر حتى زمن

النبي صلى الله عليه وسلم اللي كانت فيه النساء يرتدين السواد حجابا لا حدادا.

 

وهناك أحاديث كثيرة عن عائشة رضي الله عنها تصف فيها لباس النساء (متلفعات بمروطهن مايعرفن من الغلس) والغلس هو الظلام الدامس

وقول آخر(عليهن أكسية سود كأن على رؤسهن الغربان من السكينة) مش ده برضه قول أمنا عائشة رضي الله عنها وكانت صغيرة لما

اتحجبت هو الحجاب ده مش لينا إحنا المسلمين ..

 

 

سؤال :

ليه دايما بنفهم ان المؤيدين للنقاب (اللى الناس بتعتبرهم متعصبين متشددين) بينادوا بالنقاب اللى هو عبارة عن قطعة قماش سوداء تغطى الوجه؟؟

 

 

الجواب :

 

لا أبدا هم مش بينادوا بكده ..

 

هم بينادوا بالرجوووووع للحجاب اللي كانت بترتديه نساء النبي صلى الله عليه وسلم في حرصهم على حجابهم وهم مثلا بينفذوا سنة من

السنن أو فرض من الفروض نفسهم برضه إن أخواتهم ينفذوه زيهم.

 

 

أخواااتي ألا تشتاقون للقاء رسول الله صلى الله عليه وسلم ؟؟

ألا تحبون أن تكونوا أهلا لأن تحشروا معه ومع زوجاته (فمن أحب قوما حشر معهم) ؟

 

وبالنسبة للأخوات اللي نفسهم يلبسوا النّقاب نصييييحة أختي ساااااااااارعي إليه والله والله هتحسي بحلاوة محدش هيحسها غيرك

وهتلاقي نفسك فرحاااانة جدا ماتعرفيش ليه

 

 

ولو الأهل مش موافقين ماتيأسيش ادعي لنفسك بالثبات وادعي لهم بالهداية وابتدي ادعيهم بالحسنى إنهم يقتنعوا وسوّقي لهم الأدلة وافتحي

معاهم كتب التفاسير القرآن دستورنا والسنة ..

 

ماهو إحنا نرجع لمين غيرهم ؟؟

 

ولو زاد الأمر سوءًا معاهم وأصروا على الرفض .. فما تركنيش الموضوع

خليكي لسه سخنة فيه ..

 

وحطيه في دماغك كأي أولوية بتدي لها إهتمام.

 

ناس كتير خدتهم الحمية في الأول وبعد كده بردوا وكأن شيئا لم يكن ،

وللأسف ده بيسوء الصورة عند الأهل وبيعتبروا النقاب مُجرد حاجة بنتهم شبطت فيها لفترة وبعد كده زهقت ..

 

وبيزود التأكيد والاقتناع عندهم إن حجاب الأيام دي يمشي مع إننا في عصر الفتن

خلاص المنتقبة والغير منتقبة بتتعاكس ماعدتش تفرق مع الشباب ..

 

فأولى بأولى إننا نزيد التستر ..

 

كما ترون إني حتى الآن لم أناقش فرضية النقاب ولكني أدعو لتفتيح المسام المنغلقة تجاه هذا الموضوع والله أعلم بنيتي وأسأل الله أن يجعل

كل أعمالي خالصة لوجهه الكريم .

 

 

يا جماعة معليش سؤال صغير ..

 

مش اللي عايز يعمل حاجة لازمًا ولابدًا يعرف إيه فوايدها ؟؟

 

دلوقتي هقول الفوائد الظاهرية للنقاب والفوائد الباطنية طبعًا عارفينها إنه أفضل وأنه قربى لله تعالى ..

 

وسبحان الله تستر المرأة الكامل لهُ فوائد جميلة جدًا مايحسهاش إلا اللي لبسوه (وعلى لسانهم) ..

هي فوائد عجباني شخصيًا.

 

مثلا :

 

- في الميكروباص لما تيجي تركبي كأن في حالة لبس حصلت فيه كله بيوسع للمنتقبة إحتراما لها

(وأنا لا ازكيهم على الله في إنهم مثيرين للإحترام ) بس ده اللي بيحصل فعلا ..

 

ولو قدر الله إن قعد جنبها رجل برضه يوسع لها وبيبقي كأنه قاعد مش على بعضه زي مابيقولوا عندنا في مصر خايف إنه يمسها ..

سبحان الله !! أنتِ كده بنقابك خدتي عليه كذا ثواب ..

 

 

أولاً :

 

- أعنتيه على غض بصره

( وَمَن دَعَا إلَى هُدَى كَانَ لَهُ مِن الأجرِ مِثلِ أجور مَن تَبعه لا ينقصُ مِن أجُورِهِم شيئًا) ..

 

 

ثانيًا:

 

-أعنتيه أنه لايمس بدنك

(لأن يطعن في رأس احدكم بمخيط من حديد خير له من ان يمس امرأة لاتحل له ) ..

 

 

ثالثًا :

 

- خارج الميكروباص في الكلية بيخلصك من آفة الاختلاط

سبحان الله ..

 

مثلا كنتِ بتكلمي ولد وانتقبتي مرة واحدة سيبك من إنه مش هيعرفك بس مش هيجرؤ إنه يجي يكلمك هيحس بهيبة تانية ..

ده غير طبعًا وأنتِ لابسة القفازين محدش هيسلم عليكِ بالأيد ..

 

 

رابعًا :

 

- تستر وعفة وطهارة من جوة ..

 

 

خامسًا :

 

- بيعينك أنتِ نفسك على غض البصر وبيعين غيرك معاكِ ..

 

 

سادسًا :

 

-بيقرب منك صحبة صالحة ماتعرفيش ازاي لأنهم هيتوسموا فيكِ الخير وهتلاقيهم هم نفسهم بيدعوا لكِ بالثبات ..

 

 

سابعًا :

 

-هتحسي بقرب شديد من ربنا سبحانه وتعالى هو اللي انعمه عليكِ واختصك به ..

 

 

ثامنًا :

 

- بيحميكِ من إسمرار البشرة في الصيف بالذااااات لو خدتي بالك وأنتِ محجبة بتلاقي في فرق في اللون بين برة وجوه.

لكن في النقاب بيبقي في homogenity في اللون.

 

 

وصلنا بقى لحاجة دايمًا بتخاف منها البنات قبل ما تلبس النقاب ألا وهي ..

كلكم طبعا عارفينها ..

 

 

الزواج

 

 

]

 

امممم طيب هسألكم سؤال

 

أنتم مش مؤمنين بالله سبحانه وتعالى ومؤمنين إنه مقسم الأرزاق وعلام الغيوب ؟؟

الزواج ده رزق من ربنا سبحانه وتعالى يؤتيه من يشاء وينزع الفضل ممن يشاء ...

 

يعني ماتخافيش هيجيلك هيجيلك ده مكتوب لك فوق ومقدر ليكِ يتقدم لك في اليوم الفلاني في السنة الفلانية ...

وعايزة أطمنك إن رزق المنتقبات(ولا احسدهم وازكيهم) ماشاء الله بيبقي أوسع أوسع أوسع بكتييييييييييييييييير من غير المنتقبات ...

 

لا ومش كده وبس ..

مش أي حد بيتقدم لهم ، مابيجيلهمش إلا الملتزمين ..

 

وده مش كلامي ده كلام إخوانا ..قرأت لهم ردود كتيرة على مواقع كتير بيقولوا إنهم لن يتزوجوا إلا منتقبة

 

يعنى واحد عارف ربنا .. واحد عايز بدايته تبقى كده

إيه رأيك مش ده برضه أحسن ولا لأ ؟؟

 

وكل واحدة على أد نيتها في الزواج وفي إرتداء النقاب قاصدة به وجه الله تعالى والتقرب منه بتنفيذ أحكامه ولا عشان يجيلها واحد كويس

(إنما الأعمال بالنيات ولكل امرئ مانوى ومن كانت هجرته إلى الله ورسوله فهجرته إلى الله ورسوله ومن كانت هجرته إلى دنيا يصيبها

أو امرأة ينكحها فهجرته إلى ماهاجر إليه )

 

يعني النقاب (قطعة القماش السوداء هذه) مش هي اللي بتفرق ..

 

تضمني منين إنه حتى يجي لكِ وأنتِ غير منتقبة ، أهو واحد شافك وشاف أد إيه أنتِ جميلة يكون كويس أو ملتزم ؟

الله أعلم....ربنا هو عالم الغيب.

 

وعلى فكرة دي تعتبر فايدة جميلة أحب أضيفها لفوائد التستر الكامل ...إنه بيغرس فيكِ وازع التوكل على الله واليقين بالله والثقة في الله ..

 

سايبة نفسك لربنا سبحانه وتعالى ومتوكلة عليه وهو عز وجل لما يشوف منك كده هيرزقك ...

وكمان لما ترددي بينك وبين نفسك بتسترك وعفتك (ومن ترك شيئا لله عوضه الله خيرا منه)

 

وتقتنعي وتثقي وتجزمي بيقين ربنا هيعوضني ، أنا بعمل كده وواثقة إن ربنا هيديني أحسن ما كنت أتمنى وزيااادة !!

 

 

سؤال تاني بقى

 

ليه دايمًا لو لاقيتي واحدة صاحبتك لبست النقاب بتلاقي نفسك تلقائيا بتقولى لها مباااارك ؟؟؟؟؟

 

وممكن لو قالت لك عقبالك تقولي يارب ،

أنا بقول الكلام ده للأخوات اللى بتروح لأختها المنتقبة تبارك لها مش تقولها إيه اللي أنت عملتيه في نفسك ده ؟ ليه عملتي كده ؟

 

أنت لسه صغيرة !!

 

 

فتشي بينك وبين نفسك أختي ..

هتلاقىي سبحان الله ميل غريزي إنك تبقي متسترة ، تبقي غالية مكنونة في حجابك وإلا ماكنتيش قلتِ لها مبارك أو قلتِ يارب يرزقني زيها.

 

نقطة كمان ..

 

بعض الأخوات بتبقي نفسها جدًا تلبس النقاب ومقتنعة به وكل حاجة بس تيجي تلبسه تقول لا بعد مااتزوج .. واحنا اتفقنا إنه رزق ،

يعنى هي مقتنعة وعايزة تلبسه بس الشيطان مانعها مقيدها مسلسل ايديها ورجليها إنها تنزل تشتري الحجاب اللي تستر به نفسها.

 

والقرآن الكريم بيحكي لنا خطة عمل الشيطان في إفساد الشعوب ( ليريهما ما وورى عنهما من سوءاتهما ).

 

تخيلوا اللعين عايز العرى ينتشر ..

 

وكانت هي دي خطته من زمان المحجبة يقول لها ده أنت بنت كده .. خلاص أنت عملتي اللي عليكِ كفاية عليكِ كده خليكِ كده ،

فيفتنها ويصرف تفكيرها إنها تعدل في حجابها أو تطور نفسها فيه.

 

يعني إن كان قصير تطوله .. و إن كان فيه زينة تبعد عنها.

وإن كان بنطلون ماتلبسوش لكن اللعين ده يقولها ده عملي وكمان لما تيجي تركبي الميكروباص محدش يقدر يشوف منك حاجة !!!

 

والغير محجبة ينسيها ( بالرغم من إنها بتشوف نفسها في المراية كل يوم وبتسرح شعرها الصبح ) ينسيها فرض الله ألا وهو الحجاب وتسأل

عنه يوم القيامة تلاقي نفسها مش عارفة تقول إيه.

 

وتخيلي أختي من اللي بيسألك .. الجبااار .. سبحانه وتعالى

 

أنا مش بخوفك أختي لكن بالله عليكِ ماتضيعيش فرض الله أنتِ مسوؤلة طول ما أنتِ بالغة ورشيدة ،

وفوايد الحجاب جمييييلة وكتيييييرة بس أنتِ انوي والبسيه.

 

 

طيب بعض الأخوات تقول ادعي لي إن ربنا يهديني الأول وبعد كده البسه ..

 

طب وأنت لابسة حجابك ( غطاء الرأس ) لما كبرت قعدت تقولي لما ربنا يهديني

أنا بقولك ده على أساس إنك لسه مقتنعة إن هو ده الحجاب الشرعي ..

 

لا مقلتيش كده بالرغم من إنك في قرارة نفسك لابسة غطاء الرأس على إنه فرض ،

إذن تنفيذك لفروض ربنا ومنها حجابك وتسترك مالوش علاقة بدرجة الإلتزام والهداية ( والله يهدى من يشاء )

 

البسي الأول وهتلاقي النقاب نفسه بيضفي عليك مشاعر وموجبات الإلتزام ..

 

منها غض البصر ليك وبتعيني غيرك بيه وخفض الصوت ، وطبعا مفيش اختلاط ، مفيش سلام باليد ، مفيش تبرج في حجابك ، ولا زينة في نفسه ،

ولا لباس شهرة.

 

 

طيب في أخوات بيقولو أخاف ألبسه وبعدين أخلعه تاني ؟؟؟ ..

 

شوفي يا أختي المفروض إنك لابساه ابتغاء لوجه الله تعالى وامتثالا لأوامره ، يبقى تبقي مسلمة بيه ، وتدعى لنفسك بالثبات عليه

وهتلاقي سبحان الله الصحبة الصالحة انجذبت ليك وهتدعي لك بالثبات إن شاء الله.

 

وإن كان عليّ هدعيلك بس أنت خطي الخطوة الأولى في الطريق ده ، وربنا هياخد بإيدك صدقيني.

 

 

أخوات تانيين ممكن يقولوا طب والشغل ؟؟؟؟؟ ..

 

اااه جينا لنقطة جميلة جدًا ...

في آية كريمة جميلة بتقول ( وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى )

 

شوفي معايا كلمة ( وَقَرْنَ فِي بُيُوتِكُنَّ ) أد إيه جميلة تحسي إن ربنا خايف عليكِ وعايز يحفظك ، وبيأمرك بالقرار في بيتك معززة مكرمة.

 

تفتكري لو زوجك قالك اقعدي في البيت ماتشتغليش هتطيعيه ولا لا ؟؟

طب ده ربنا عز وجل هو اللي بيأمرك ليه ماتطيعيهوش !!!

 

وتدبري معايا أختي إن ربنا قال (وَلا تَبَرَّجْنَ تَبَرُّجَ الْجَاهِلِيَّةِ الْأُولَى )

 

 

أنا مش بقولك خليك في البيت محبوسة لحد مايجيلك كبت...لا أبدًا. ..

إسلامنا عمره ماكان دين شدة وعنف بينا ، وماكان الله سبحانه وتعالى ليكلفنا مالا نطيق ..

 

أنت مأمورة إنك تتعلمى(طلب العلم فريضة) ولكن تلتزمي في خروجك بالضوابط الشرعية ؛ كغض البصر ، وعدم الخضوع بالقول ، وعدم الاختلاط .

 

والنقطة الاخيرة (عدم الاختلاط ) كلنا للأسف مش عارفين نحققها لأنها موجودة في كل حتة في الكلية... في الاسواق .. في الشغل ..

 

 

أنا دلوقتي مش بناقش فرضية النقاب بس بفكر معاكو بصوت عالي ..

 

لذا كيف السبيييييييل ؟؟؟

 

وأقولك يا أختي عليكِ إنك تنفذي الآية بشكل متحور شوية بإنك تبقي بره بيتك زيك كأنك جوه بيتك ..

 

لا استني اوعى تكوني فهمتي إني بقولك تبرجي ..

استني بسسسسسس

 

مش أنت لما بتكوني في بيتك حد بيبقي شايفك ؟؟

لا...

الجدران والستائر والأغطية مغطياك ..

طيب نفذي الآية بقي اخرجي وأنت متغطية .

 

فعليكِ بالحجاب الكامل ...اللي ينفذ لك الآية ويحفظك ..

في الشغل عمومًا أنتِ مش مأمورة بالشغل لأنك ملزومة من زوجك وأهلك بإنهم يصرفوا عليكِ.

 

فإن كان ولابدّ اوي فاشتغلي واحفظي نفسك بنقابك وإن شاء الله ربنا هيحفظك.

 

اسألكم الدعاء لي

 

[(حفيدة الصحابة) 91]

السلام عليكــم ورحمـة الله وبركاتــة

 

أهلا بكِـ بيننا أختى سلمى :)

[(مسلمة في زمن الغربة) 87]

شكرا لك يا غالية

وجزاك الله كل خير على ما تقدميه

نفع الله بك الأسلام والمسلمين

ولكن أتنمى لو أسماء كاسيتات

سامحيني غالبتك

والشريطين السابقين رائعين

الله يجزيكي الخير

[نوفا* 10]

السلام عليكــم ورحمـة الله وبركاتــة ،،

اختى حفيدة الصحابة انتى طلبتى منى ان نتناقش فى هذا الرابط

 

لى عودة معك ان شاء الله لكن سريعا عايزة اقولك 00 انى احبك فى الله

[(حفيدة الصحابة) 91]

السلام عليكــم ورحمـة الله وبركاتــة

 

شكرا لك يا غالية

وجزاك الله كل خير على ما تقدميه

نفع الله بك الأسلام والمسلمين

ولكن أتنمى لو أسماء كاسيتات

سامحيني غالبتك

والشريطين السابقين رائعين

الله يجزيكي الخير

 

وإياكِـ حبيبتى

حفظكِ الله بالدنيا والأخره

هذه شرائط كاسية تتباع فى المكتبات إن شاء الله ياغاليه

وإن كنتِ تريدين شئ غير ذلك فوضحيلى بارك الله فيكِ

ليس تعب ياغاليه بل أكون سعيدة بذلك

أنتظر ردك بإذن الله

 

السلام عليكــم ورحمـة الله وبركاتــة ،،

اختى حفيدة الصحابة انتى طلبتى منى ان نتناقش فى هذا الرابط

 

لى عودة معك ان شاء الله لكن سريعا عايزة اقولك 00 انى احبك فى الله

وعليكم السلام ورحمة الله وبركاته

نعم حبيبتى

أنتظركـِ بإذن الله ياحبيبه

أحبكـِ الله

وأنا أحبكِـ فى الله

[(مسلمة في زمن الغربة) 87]

بارك الله فيكي رقية حبيبتي

وجزاك الله عني كل خير

إن شاء الله بشتريهم قريبا

تم تعديل 27 يوليو, 2009 بواسطة محبة الأخوة

[(حفيدة الصحابة) 91]

السلام عليكــم ورحمـة الله وبركاتــة ،،

 

بارك الله فيكي رقية حبيبتي

وجزاك الله عني كل خير

إن شاء الله بشتريهم قريبا

 

وإياكِـ حبيبتى نفع الله بكِـ

 

وجعله الله بميزان حسناتكـِ

[(مسلمة في زمن الغربة) 87]

السلام عليكم

رقية حبيبتي

أنا أسفة ما سألت عليكي بس والله دايما في بالي وبدعيلك في كل صلاة والله يا غالية

عندي مشكلة

والدتي تجبرني على كشف وجهي أمام أبناء أعمامي وأخوالي وأزواج خالتي مع إنهم مش من محارمي

وأنا مجبرة على ذلك ولا يوجد أحد من كل عائلتي بغطي وجهه على الأقارب

وأنا لابسة الخمار على أنه فرض مش سنة شو أعمل؟؟؟؟؟؟

[(حفيدة الصحابة) 91]

السلام عليكم

رقية حبيبتي

أنا أسفة ما سألت عليكي بس والله دايما في بالي وبدعيلك في كل صلاة والله يا غالية

عندي مشكلة

والدتي تجبرني على كشف وجهي أمام أبناء أعمامي وأخوالي وأزواج خالتي مع إنهم مش من محارمي

وأنا مجبرة على ذلك ولا يوجد أحد من كل عائلتي بغطي وجهه على الأقارب

وأنا لابسة الخمار على أنه فرض مش سنة شو أعمل؟؟؟؟؟؟

 

وعليكم السلام ورحمة الله وبركاته

لا حبيبتى المهم إنكِ بخير حفظكِ الله ولك ِ مثل مادعوتِ ياحبيبه :)

أسأل الله أن يفرجها عليكِ

وأن يهدي الله والدتكِ أختى الحبيبه وهذا خطأ

وأصلا لايجوز أن تتكلمى مع أبناء أعمامك وهكذا

حبيبتى ماذا ستفعل والدتكِ إن لم تنزعيه أمامهم ؟

(لاطاعة لمخلوق فى معصية الخالق )

وأمكِ تدعوكِ لمعصيه أسأل الله أن يهديها للصح اللهمـ أمين

أختى والنقاب فرض

ولابد بإذن الله أن لاتنزعى نقابكِ أمامهم ولاتجلسى معهم

وهذه فتوى أسأل الله أن تنتفعى بها

 

 

من هم المحارم الذين تكشف أمامهم المرأة.

 

http://www.islamqa.com/ar/ref/5538/من%20هم...ها%20أمامهم%20؟

[(مسلمة في زمن الغربة) 87]

رقية حبيبتي

الله يجزيكي الخير

لو تعودي لمشاركتي في الصفحة السابقة

أني أقنعتها أنه فرض وطرحت عليها فكرة الأشرطة لكن

الأن ترفض أن أغطي وجهي أمامهم

واليوم نريد زيارتهم وأنا رفضت الخروج حتى لا أكشف وجهي أمامهم

وأنا لم أخبرها أني لا أريد أن أخرج حتى لا أكشف وجهي أمامهم وقلت أني مريضة

وهي بتقول أن هذا من عاداتنا ولا أحد يغطي وجهه في العائلة ويجب أن أرد السلام عليهم وأن تكلموا أن أرد عليهم

[(مسلمة في زمن الغربة) 87]

رقية حبيبتي

الله يجزيكي الخير

لو تعودي لمشاركتي في الصفحة السابقة

أني أقنعتها أنه فرض وطرحت عليها فكرة الأشرطة لكن

الأن ترفض أن أغطي وجهي أمامهم

واليوم نريد زيارتهم وأنا رفضت الخروج حتى لا أكشف وجهي أمامهم

وأنا لم أخبرها أني لا أريد أن أخرج حتى لا أكشف وجهي أمامهم وقلت أني مريضة

وهي بتقول أن هذا من عاداتنا ولا أحد يغطي وجهه في العائلة ويجب أن أرد السلام عليهم وأن تكلموا أن أرد عليهم

[(مسلمة في زمن الغربة) 87]

وما بعرف لو بقيت رافضة كشف وجهي أمامهم

شو تعمل.........

تم تعديل 30 يوليو, 2009 بواسطة محبة الأخوة

[(حفيدة الصحابة) 91]

السلام عليكــم ورحمـة الله وبركاتــة

 

رقية حبيبتي

الله يجزيكي الخير

لو تعودي لمشاركتي في الصفحة السابقة

أني أقنعتها أنه فرض وطرحت عليها فكرة الأشرطة لكن

الأن ترفض أن أغطي وجهي أمامهم

واليوم نريد زيارتهم وأنا رفضت الخروج حتى لا أكشف وجهي أمامهم

وأنا لم أخبرها أني لا أريد أن أخرج حتى لا أكشف وجهي أمامهم وقلت أني مريضة

وهي بتقول أن هذا من عاداتنا ولا أحد يغطي وجهه في العائلة ويجب أن أرد السلام عليهم وأن تكلموا أن أرد عليهم

 

بارك الله فيكِ ولكن حبيبتى كما أقنعتيها بفرضيته وبالأشرطه يمكنك أيضا إيقناعها بإذن الله بأنه لايجوز نزعه أمامهم

أختى تكلمى مع والدتكِ باللين وبإذن الله ستقتنع ولايجوز المزح والجلوس وإظهار وجهك أمامهم والله المستعان

وأسأل الله أن ييسر لكِ الأمور

و(لاطاعة لمخلوق فى معصية الخالق )

[مطمئة بالله 0]

السلام عليكم ورحمة الله وبركاته،،

 

أختى فى الله (حفيدة الصحابة) اتمنا تكونى بخير وبصحة افضل

طبعا عشان مش عارفين نتراسل قولت ادخل اسلم عليكى هنا فى موضوعك الاكثر من رائع

جزاكى الله خيرا

ويجعلوا عامر ,,,,,

[(حفيدة الصحابة) 91]

السلام عليكم ورحمة الله وبركاته،،

 

أختى فى الله (حفيدة الصحابة) اتمنا تكونى بخير وبصحة افضل

طبعا عشان مش عارفين نتراسل قولت ادخل اسلم عليكى هنا فى موضوعك الاكثر من رائع

جزاكى الله خيرا

ويجعلوا عامر ,,,,,

 

وعليكم السلام ورحمة الله وبركاته

جزاكـِ الله خيرا أختى الغاليه مطمئنة بالله :)

أهلا بكِ أختى الغاليه لكن أخبرينى هل أنتِ تعرفينى من قبل :)

المهم أخبرينى هل أنتِ منتقبه أم لا:)

[مطمئة بالله 0]

السلام عليكم ورحمة الله وبركاته،،

 

اختى فى الله اتكلمنا قبل كده فى موضوعك هنا

https://akhawat.islamway.net/forum/index.ph...4334&st=200

 

وأن شاء الله اول يوم برمضان هلبس النقاب ربنا يديمها علينا نعمه

 

ويارب تكونى افتكرتى لما تشوفى لينك لى بعتهوالك وردودك عليا فيه

 

جزاكى الله خيرا

ويجعلوا عامر,,,,

[(حفيدة الصحابة) 91]

السلام عليكم ورحمة الله وبركاته،،

 

اختى فى الله اتكلمنا قبل كده فى موضوعك هنا

https://akhawat.islamway.net/forum/index.ph...4334&st=200

 

وأن شاء الله اول يوم برمضان هلبس النقاب ربنا يديمها علينا نعمه

 

ويارب تكونى افتكرتى لما تشوفى لينك لى بعتهوالك وردودك عليا فيه

 

جزاكى الله خيرا

ويجعلوا عامر,,,,

 

مممممممم أعتذر جدا أختى الغاليه:)

تذكرت أعتذر فحقا الذاكره أصبحت الحمدلله

لكن بإذن الله لن أنساكِ ثانية إن شاء الله

وأنتظر أن تبشرينى ياغاليه

وسلمكِ الله من كل شر ولكن لماذا لاتدخلين المنتدى كثيرا

[مطمئة بالله 0]

السلام عليكم ورحمة الله وبركاته،،

 

ان شاء الله ياغالية مافيش نسيان مابينا تانى

 

والله تقدرى تقولى انا مش بطلع من منتدى اصلا ههههههههه بس قارىء ليس اكتر ويعنى بدات دلوقتى اقرا وارد على المواضيع والله الموفق

 

وزى ماتقولى كده بحاول اقرا اكتر عن مواضيع النقاب وافهم اكتر والحمدلله كنت الاول بلبس البناطيل وبلبس عليها تونك لغاية الركبة بس الحمدلله منعتها وفضلتها بى جيبات وبعد كده فضلتها ولبست العباء وربنا يثبتنى ولبس النقاب بجد مشتاقة لليوم ده وربنا يثبتنا اجمعيييين

 

اسفة اختى العزيزة بس اريد منك مواضيع تانية عن النقاب انتى كتباها عجبنى اسلوبك اوى بيشد القارى لقريته

 

وجزاكى الله خيرا

ويجعلوا عامر ,,,,

[(حفيدة الصحابة) 91]

السلام عليكم ورحمة الله وبركاته،،

 

ان شاء الله ياغالية مافيش نسيان مابينا تانى

 

والله تقدرى تقولى انا مش بطلع من منتدى اصلا ههههههههه بس قارىء ليس اكتر ويعنى بدات دلوقتى اقرا وارد على المواضيع والله الموفق

 

وزى ماتقولى كده بحاول اقرا اكتر عن مواضيع النقاب وافهم اكتر والحمدلله كنت الاول بلبس البناطيل وبلبس عليها تونك لغاية الركبة بس الحمدلله منعتها وفضلتها بى جيبات وبعد كده فضلتها ولبست العباء وربنا يثبتنى ولبس النقاب بجد مشتاقة لليوم ده وربنا يثبتنا اجمعيييين

 

اسفة اختى العزيزة بس اريد منك مواضيع تانية عن النقاب انتى كتباها عجبنى اسلوبك اوى بيشد القارى لقريته

 

وجزاكى الله خيرا

ويجعلوا عامر ,,,,

 

بارك الله فيكـِ أختى الحبيبه^ ______^ الحمدلله الذى بنعمته تتم الصالحات

إنك لاتهـدى من أحببت ولكن الله يهدى من يشاء

 

سأضع لكِ بإذن الله بعض منهم هنا إن شاء الله وإن إستطعت وضع الجميع سأضعه بإذن الله

 

 

هـل فـكـرتي فـي ارتـداء الـنـقـاب :)

 

 

نـــــقـــــــابــى من الأن سـأجـعلـه أفـضـل

 

 

حكم الاستخارة في لبس النقاب

 

 

الـنـقـاب يـتـسـآل...لـمـاذا الـنسـاء عـنـه تـتـثـاقـل؟!!

 

 

 

هذه هي قصتي مع النقاب ...

 

 

إلـى مـن تنكـــر فـرضـيـة الـنـقـاب

 

 

لـمـاذا لا تـتـحـجـبـي؟

 

 

وبإذن الله أختى سأحاول وضع لكِ المزيد إن شاء الله نفع الله بكِ وثبتكِ

وجعلك الله داعية للخير مؤثرة فى الغير

[مطمئة بالله 0]

السلام عليكم ورحمة الله وبركاته،،

 

تسلميلى يارب من كل شر ياحبيبتى

جميلة جدا المواضيع قريت 3 منهم بجد ماشاء الله عليكى ربنا يحميكى يارب

هبدا دلوقتى فى تكملة باقى المواضيع ومنتظرة الباقى منك وفقكى الله ورعاكى

ويجعلوا عامر,,,,

[سلماء 140]

السلام عليكم ورحمة الله وبركاته،،

 

اختى فى الله اتكلمنا قبل كده فى موضوعك هنا

https://akhawat.islamway.net/forum/index.ph...4334&st=200

 

وأن شاء الله اول يوم برمضان هلبس النقاب ربنا يديمها علينا نعمه

 

ويارب تكونى افتكرتى لما تشوفى لينك لى بعتهوالك وردودك عليا فيه

 

جزاكى الله خيرا

ويجعلوا عامر,,,,

sالسلام عليكــم ورحمـة الله وبركاتــة ،،

طيب لماذا لا يكون اليوم .لماذا النتظار ان كنت قد عزمت على اتدائه اختي.

ثبتك الله على لبسه و زادك حرصا على طاعته.

تقبلي مروري

[مطمئة بالله 0]

sالسلام عليكــم ورحمـة الله وبركاتــة ،،

طيب لماذا لا يكون اليوم .لماذا النتظار ان كنت قد عزمت على اتدائه اختي.

ثبتك الله على لبسه و زادك حرصا على طاعته.

تقبلي مروري

 

وعليكم السلام ورحمة الله وبركاته،،

 

اختى فى الله "" السلماء ""

والله اتمنا جدا الساعه دى قبل لى بعدها والله وربنا يعلم

بس حسة انى ان شاء الله لما البسه اول رمضان هحس بفرحة جميلة جداا

وغير كده انا بقالى اسبوع بس لبست العباء الواسعه وربنا رحمنى من البناطيل والجيب

وان شاء الله انا مش هلبس النقاب المعتاد لى بجد بيحزنى جدا وبيوجع قلبى لما اشوف حد لابس نقاب ومتزين فى العيون بتعب بجد والله ربنا يهديهم

هلبش (الغشوة ) قد اية جميل ومش بيبن العيون ولا اى شىء فى المراة بيحفظها ويصونها وربنا يثبتنى يارب واياكم

وانا مرحلة دى اصلا مش بخرج ويمكن فعلا أول يوم هخرج فيه فى رمضان عشان كده قولت هلبسه فى رمضان عشان صلاة التراويح

وكمان بقرا اكتر عن النقاب لكون على دراية واعية بيه

وان شاء الله بيكوا هنفع دينى واتعلم اكتر والنقاب بالنسبالى هى بداية الالتزام مش النهائية

[مطمئة بالله 0]

السلام عليكم ورحمة الله وبركاته،،

 

حبيبتى فى الله حفيدة الصحابة

 

والله كنت اتكلم مع امى دلوقتى فى موضوع النقاب وقالتلى على خيرت الله انتى اخر كلام مقتنعه قولتلها طبعا خلاص قالتلى ربنا يهديكى يارب دائما

 

وقالتلى بس على فكرة النقاب مش فرض دى سنة

قولتلها حتى لو سنة فانها قريبة جدا من الفرض بس انا ياامى هلبسها فرض

قالتلى لا فى ناس كتيرة قالت انها سنة حاولت اقنعها بحاجات كتير

قالتلى والله لو اقتنعت انها فرض هلبسها معاكى

فايااختى العزيزة ( حفيدة الصحابة ) ارجو منك الادلة والاثبات على فرضية النقاب لكى تقتنع امى والله نفسى امى تلبس النقاب معى عشان فرحتى تبقى فرحتين وامى لبسة الخمار وماشاء الله عليها تلزم القران دائما وربنا يثبتها

بس انا نفسى تلبس النقاب وتكمل واجبها وأمى مقتنعه بالنقاب بس على اساس سنة ولو عرفت انه فرض واقتعت هتلبسه

وربنا يوفقها يارب وتلبسه عشان تكمل سعادتى

[(مسلمة في زمن الغربة) 87]

السلام عليكــم ورحمـة الله وبركاتــة

 

رقية حبيبتي

الله يجزيكي الخير

لو تعودي لمشاركتي في الصفحة السابقة

أني أقنعتها أنه فرض وطرحت عليها فكرة الأشرطة لكن

الأن ترفض أن أغطي وجهي أمامهم

واليوم نريد زيارتهم وأنا رفضت الخروج حتى لا أكشف وجهي أمامهم

وأنا لم أخبرها أني لا أريد أن أخرج حتى لا أكشف وجهي أمامهم وقلت أني مريضة

وهي بتقول أن هذا من عاداتنا ولا أحد يغطي وجهه في العائلة ويجب أن أرد السلام عليهم وأن تكلموا أن أرد عليهم

 

بارك الله فيكِ ولكن حبيبتى كما أقنعتيها بفرضيته وبالأشرطه يمكنك أيضا إيقناعها بإذن الله بأنه لايجوز نزعه أمامهم

أختى تكلمى مع والدتكِ باللين وبإذن الله ستقتنع ولايجوز المزح والجلوس وإظهار وجهك أمامهم والله المستعان

وأسأل الله أن ييسر لكِ الأمور

و(لاطاعة لمخلوق فى معصية الخالق )

 

 

إن شاء الله سأحاول حبيبتي بس إلى الأن وأنا ما بغطي أمامهم

والله يا رقية إني تعبانة كتتتتتير

أرجوكي لا تنسيني من الدعاء فأنا في أمس الحاجة للدعاء في هذه الفترة الله يثبتني ويصبرني

لا حول ولا قوة إلا بالله

[(حفيدة الصحابة) 91]

السلام عليكم ورحمة الله وبركاته

 

السلام عليكم ورحمة الله وبركاته،،

 

حبيبتى فى الله حفيدة الصحابة

 

والله كنت اتكلم مع امى دلوقتى فى موضوع النقاب وقالتلى على خيرت الله انتى اخر كلام مقتنعه قولتلها طبعا خلاص قالتلى ربنا يهديكى يارب دائما

 

وقالتلى بس على فكرة النقاب مش فرض دى سنة

قولتلها حتى لو سنة فانها قريبة جدا من الفرض بس انا ياامى هلبسها فرض

قالتلى لا فى ناس كتيرة قالت انها سنة حاولت اقنعها بحاجات كتير

قالتلى والله لو اقتنعت انها فرض هلبسها معاكى

فايااختى العزيزة ( حفيدة الصحابة ) ارجو منك الادلة والاثبات على فرضية النقاب لكى تقتنع امى والله نفسى امى تلبس النقاب معى عشان فرحتى تبقى فرحتين وامى لبسة الخمار وماشاء الله عليها تلزم القران دائما وربنا يثبتها

بس انا نفسى تلبس النقاب وتكمل واجبها وأمى مقتنعه بالنقاب بس على اساس سنة ولو عرفت انه فرض واقتعت هتلبسه

وربنا يوفقها يارب وتلبسه عشان تكمل سعادتى

 

ماشاء الله

أتمنى حبيبتى أن تجعلى أمك تقرء كلماتى أو بلغيها إياها وقولى لها أن من كلامك عليها ماشاء الله

نحسبها على خير ولانزكى على الله أحد وبإذن الله لاتقلقى حبيبتى أمكِ فيها خير وسترتديه

لأنى ارتاح لهذا الأمر وأسأل الله أن تقتنع بما ساضعه لكِ

وأسأل الله أن يرزقكِ وأمكِ النقاب عاجلا غير أجلا اللهمـ أمين

 

المهم تفضلى ياغاليه إهدى هذه الفتاوى لأمكِ وأخبرينى بخير إن شاء الله

 

حكم تغطية الوجه بالأدلة التفصيلية .

 

http://www.islamqa.com/ar/ref/11774/الوجه

 

 

هل يشترط لبس النقاب للمرأة .

 

http://www.islamqa.com/ar/ref/21134/النقاب