marble 2 أرسلي تقرير عن المشاركة قامت بالمشاركة 2 ديسمبر, 2008 (معدل) السلام عليكم و رحمة الله و بركاته في يوم من الأيام كنّا بندرس في الجامعه في الدراسات العليا لوقت متأخر من الليل حتى الساعه الثامنه مساءً و لمّا كان الدكتور يأخرنا لـ9 مساءً كنّا نطلع مرعوبين لأننا لسه حنصور ورق و حننتظر المواصلات يعني مش بعيد نتأخر ل10 كمان يا خبر امّا مشكلة بجد :unsure: حقيقي كنّا بنبقى شايلين الهمّ :sad: و في مرة من المرات ركبنا الأتوبيس و احنا خارجين متأخرين كده كنّا 3 بنات و ركب معانا زميل لينا بالصدفه ساكن في نفس الإتجاه و انا كنت ضد فكرة ركوب الزميلات مع زملائهم المواصلات و ضد فكرة الزميل اللى يوصل زميلاته و الكلام ده لكن طالما ملناش علاقه بيه و هو ركب مع نفسه قدراً و احنا مش حنكلمه خلاص و قعد في مكان بعيد بالفعل ملناش علاقه بيه و ملوش علاقه بينا قعدنا على كنبتين وراء بعض بنتين على كنبه و تبقت زميلة لينا جلست بجوار سيده غريبه و بعد بضع محطات قامت السيده و نزلت لاقينا زميلنا ده راح قايم و قعد بجوار زميلتنا اللى لوحدها :biggrin: الحق يقال كان سايب مسافه كبيرة قوى بينه و بينها و تقريباً شبه معطيها ظهره و لمّا قالت له الزميله : هو حضرتك قمت و سيبت مكانك ليه خير في حاجه :dry: ؟ فقال لها: بقى دي تيجي اسيب حد غريب يقعد جنبك في هذا الوقت المتأخر و يضايقك :cool: و الحقيقه هو كان انسان محترم جداً جداً و الله و شهم لأبعد الحدود في هذا التصرف بس برده رغم يقيني انه انقذها فعلاً من تطفل اى راجل ممكن يضايقها اللا انى غصب عنّي يومها طرأ على بالى جمله بعد جملته طبعاً قلتها لنفسي في سرّي نص الجمله دي كان بيقول ( و هو انت شخصياً مش غريب :wub: ) و من الجدير بالذكر ان هذا الزميل كان متعاون جداً مع جميع زميلاته كان اخ حقيقي لهن و الحقيقه انى اعرفه من ايام الدراسه الأساسيه في الكليه و اعرف عنه انه زي اغلبنا مهتم بالعمل الخيري التطوعي و انه مشترك في بعض الجمعيات مش لوحده و لكن هو و مجموعة كبيرة جداً من زميلات و زملاء الدراسه القدام و كنت اعرف عن مجموعة زملائنا دول انه لو اى زميلة من زميلاتنا حبت تشتري طلبات شهريه مثلاً من مواد تموينيه لبعض الأسر او ملابس للأطفال في العيد .. الخ من اعمال الخير انها بتستعين بأى زميل من زملائنا انه بينزل معاها للأسواق بمنتهى الشهامه و الأخوة يختاروا السلع بعناية مع بعض يختاروا الأجود و الأرخص في نفس الوقت و يشيلوا الشيله و يركبوا بيها مواصلات لغاية ما يوصولوا عند الأسر و يبتدوا بتوزيعها من الطريف انى في يوم من الأيام عندما خطب احد زملائي الخيرين دول عزمته مرة هو و خطيبته على المشاركه في عمل خيري ( تبرّع بالدم ) و الحقيقه انى كان في نيتي انها تقابله عندنا في المستشفي مباشرةً او تيجي و معاها محرم زي اخوها او حتى اختها و لكن لأنى كنت فاكرة ان معتقداتى دي متهمش حد غيري و انها لو من ضمن مبادئ من اتحدث معه حتكون مفهومه ضمناً فمهتمتش اوضحها له بالنص واكتفيت فقط اقول له: ما تقول لفلانه خطيبتك على يوم التبرع بالدم يا ريت تشرفونا انتوا الإتنين :smile: فرد بتردد و قال لى: اصل الحقيقه انا و هي مينفعش نخرج مع بعض لوحدنا :unsure: لا تعليق :huh: ! زمان و انا طفله سمعت الشيخ الشعراوي بيقول في حلقة من حلقات التفسير للقرآن الكريم جمله مش بنساها كان بيقول ( طيب البنت اللى بتصبغ شعرها اصفر و تلبس لبس ملوش علاقه بالحجاب و تتصاحب على ده و تعرف ده عشان تتجوز حنقول انها بتدورعلى عريس نفسها تتجوز طيب اللى اتجوزت بتعمل كده ليه...؟!؟ ) و سكت و ضحكوا الناس و فهموا المغزي من كلامه زي ما اعتقد ان حضراتكم جميعاً فهمتوا المغزي انتوا كمان مجتمعاتنا الشرقيه بتعيش حاله من الفوضي بسبب علاقات مشوهه و مبادئ منقوصه اسمها علاقات العشم و قبل ما ابتدي كلامي احب اذكر الساده القرّاء انى مش عايزه حد يُستفز من كلامي و يتصور انى عايزه اصور نفسي ملاك بإستمرار في كل موضوعاتى و اقعد في برج عاجي انتقد اخطأ البشر و لكن الحقيقه اللى بقولها دايماً انى جزء من هذا المجتمع و انى بشر زي كل البشر و لى نفس اخطائهم و نفس نقاط الضعف بشكل ما او بآخر و لكن انا بتكلم في الموضوعات التى تستعرض سلبياتنا امام انفسنا لأنى اتعلمت ان اول خطوة في رحلة التطهير بتبتدي بمواجهة النفس بأخطائها و تفويقها من غفواتها بإستمرار و البحث عن الحقيقه مهما كانت مؤلمه ومرة و عمل الصح مهما كان صعب و مهما كانت النتيجه و ارجع لموضوعنا و اقول لكم ان العلاقات المشوهه دي نتجت من ان مفهومنا عن العيب و الحرام اصبح ايضاً مشوه فمثلاً بنتصور ان لو بنت و شاب زملاء في اى مكان في بينهم مشاعر لطيفه و رغبة صادقه في الإرتباط الشرعي او حتى مخطوبين بس مش مكتوب كتابهم يبقى عيب او حرام جداً جداً جداً انهم يخرجوا مع بعض او يكون في بينهم كلمات رقيقه او لفتات رومانسيه بريئه و تبقى الرقابه عليهم 25 ساعه في ال24 ساعه :excl: امّا لو كان زميل دراسه او عمل عادي او الشاب اصغر سناً بكتير من الفتاه او هي كانت متزوجه و هو متزوج و ليهم اطفال او كانوا ناس كبيرة قوى في السن يبقى خلاص حلال في حلال :mrgreen: ! طالما انتفت شبهة انهم يتجوزوا او يفكروا في بعض :wacko: بنحولهم احنا اتوماتيك لمحارم شرعيين و يبتدوا يتكلموا براحتهم خالص في كل و اى شئ و في كل و اى وقت و في كل و باى كيفيه ونبتدي نسمع عبارات مباركه و شهيرة قوى في مجتمعاتنا زي مثلاً ده اصغر منى يعني زي اخويا الصغير ده من سن اولادي اصل فلان يبقى زوج خالتى اللى ربانى من و انا طفله زي بنته بالضبط طلعت للنور ملاقيتليش اب غيره اصل فلان يبقى زوج عمتى اللى بيودني اكتر من اولاده انا متعوده عليه من و انا صغيرة اصل فلان يبقى استاذي في الجامعه اللى بيشرف على الرسالة بتاعتي انتوا بتتكلموا في ايه يا جماعه ده فلان اللى هو يبقى زوج بنت خالتى كأنه زوج اختى بالضبط لأنها اختى فعلاً اهو فلان ده بقى بالذات يبقى زميلى في العمل من 40 سنه ..ده احنا عشرة عمر و مراته صاحبتي و زوجي صديقه و اولاده و اولادي في مدرسة واحده اصلى اولادي في الجامعه وانا زي ما انتى شايفانى اتبهدلت و تخنت و معادش فيّا طمع اصلنا بنتكلم على النت يعني من وراء حجاب اصلى شخصيه عامه و شغلى عايز كده و غيرها و غيرها من المبررات اللطيفه التى يباركها المجتمع و التى غالباً ما تكون اجابات على كوارث لطيفه ظريفه محندقه بنرتكبها يومياً و احنا مش حاسين يعني مثلاً لو اخذنا من فوق جملة اصل فلان يبقى استاذي في الجامعه ممكن نلاقيها ببساطه تكملة لجملة>> و ايه يعني لمّا يوصلنى في طريقه بعربيته او اتناول معاه وجبة الغداء في مطعم او يشتمنى على سبيل الدعابه لو اخذنا مثلاً جملة اصل فلان يبقى زوج خالتى اللى ربانى حنلاقيها ممكن تكون مبرر لجملة>> و ايه يعني لمّا يقبلّنى و يضمنى في يوم فرحي و يسلمنى من ايدي لعريسي في الزفه و يدلننى زي اى اب بيدلل بنته ده في مقام ابويا و لو اخذنا مثلاً اصل فلان يبقى زميلى في العمل من 40 سنه و عشرة عمر ممكن نلاقيها مبرر لجملة>> و ايه يعني لمّا نزلت معاه السوق اللى جنب الشغل واشترينا طلبات الولاد في بيته و بيتي و رجعنا الشغل سوا ده زي اخويا بالضبط مش كتر خيره انه تطوع يشيل معايا بدل ما كنت اتبهدل لوحدي و بعدين ايه المشكلة يعني امّا شافنى الصبح و قال لى ايه الشياكه دي مجرّد مجامله من اخ لأخته امّا لو اخذنا جملة فلان ده اخويا الصغير فعلاً ده انا بيني و بينه 12 سنه فرق سنه فرق على الأقل ممكن جداً نلاقيها اجابه لجملة>> و ايه يعني لمّا ناديته بإسم الدلع او نادانى هو بإسم الدلع او مسكته من ايده و انا بكلمه او حطيت ايدي على كتفه بشكل عفوى من وقت للتاني انا اصلى متعوده اتكلم مع الناس بإيدي و ده زي ابنى مش حيفتكر فيّا حاجه يعني امّا جملة فلان يبقى زوج بنت خالتى اللى هي تماماً اختى فكانت رد من احد الفتيات التى تخلع الحجاب امام زوج بنت خالتها على اساس انها اعتبرته خلاص واحد من محارم العيله و جملة اصل ولادي في الجامعه و اتبهدلت و معادش فيّا طمع ممكن تكون مبرر لسيده تركب وسيلة نقل عام و تحشر نفسها في الكراسي وسط الرجال الأغراب عنها بطريقه مزريه و بمنتهى الطمأنينه امّا جملة اصلنا بنتكلم على النت من وراء حجاب فكانت مبرر لأحد الفتيات مثلاً التى كانت تتحدث مع احد مديرين مواقع تزويج الشباب و الفتيات و اللى فاهم انه بيقوم بخدمه جليله في المجتمع و بيدي لنفسه منتهى الحق انه يسأل البنت في كل كبيرة و صغيرة في حياتها و عن تفاصيل اهلها و عيلتها و مواصفات فتى الأحلام بالنسبة لها و بتحب ايه و بتكره ايه و يناقشها في رأيها كأن بالضبط صديقه قاعده بتتكلم مع مامتها او صديقتها و كأن الكلام اللى كان محرّم على البنت تقوله لأى رجل غريب عنها اصبح محلل ببساطه عليه سماعه!! و كأنه بيساوي نفسه بالشيوخ في دار الإفتاء التى تضطر بعض النساء احياناً ان تسالهم في امور شخصية بزعم انه لا حياء في الدين او الطبيب المعالج التى تضطر بعض النساء للكشف على امراضها عنده في حالة عدم وجود طبيبه معالجه بزعم انه لا حياء في العلم و اخيراً جملة اصل انا شخصيه عامه و دي طبيعة شغلى بتكون مبرر لإستخدام بعض الفتيات لبعض المفردات المنفتحه و هي بتتكلم مع الشباب زي ( يا جميل و يا قمر و يا باشا ويا ملاكي و يا عيوني .. الخ ) او قبولها لبعض العبارات المنفتحه من الشباب زي ( وحشتيني و ازيك يا جميل .. يا حبيبتي.. الخ ) و كل دي مفردات لا اتصور تواجدها غير بين اب و بنته اوزوج و زوجته :wub: و غيرها و غيرها من علاقات غريبه و مشوهه يباركها المجتمع ويتعامل معها ببساطه خانقه و بيعلمها لنا .. و اهم شئ بس تكون النيه سليمه اتمنى يكون كلامي وصل لحضراتكم من غير ما يزعل حد منى اللهم اجعلنى خيراً مما يظنون و اغفر لى ما لا يعلمون و ارحمنى يوم يبعثون شكراً ==================== منقول من إحدى المجموعات البريدية بقلم : منار عقل تم تعديل 6 اكتوبر, 2009 بواسطة marble شارك هذه المشاركه رابط المشاركه شارك
blue 2 eyes 3 أرسلي تقرير عن المشاركة قامت بالمشاركة 3 ديسمبر, 2008 ماربل انتي رجعتي مش انتي الي كنتي عاملة موضوع عن النقاب؟؟؟؟ لي عودة للقراءة شارك هذه المشاركه رابط المشاركه شارك
Nadia David 0 أرسلي تقرير عن المشاركة قامت بالمشاركة 3 ديسمبر, 2008 و عليكم السلام و رحمة الله و بركاته أشكرك أختي الحبيبة marble على نقلك للموضوع الجميل و الذي فعلا يصور لنا واقعا ملموسا للأسف بل انتشر بطريقة واسعة جدا أختي الحبيبة كان عندي الكثير لأقوله و لكني نسيته لأنني بحاجة لأخلد إلى النوم و ستكون لي عودة بإذن الله تعالى للرد على موضوعك الجميل شارك هذه المشاركه رابط المشاركه شارك
marble 2 أرسلي تقرير عن المشاركة قامت بالمشاركة 3 ديسمبر, 2008 ماربل انتي رجعتي مش انتي الي كنتي عاملة موضوع عن النقاب؟؟؟؟ لي عودة للقراءة :icon15: يادي الكسوف! جزاكِ الله خيرا انكِ فاكراني...وسعدت بمروركِ :wub: و عليكم السلام و رحمة الله و بركاته أشكرك أختي الحبيبة marble على نقلك للموضوع الجميل و الذي فعلا يصور لنا واقعا ملموسا للأسف بل انتشر بطريقة واسعة جدا أختي الحبيبة كان عندي الكثير لأقوله و لكني نسيته لأنني بحاجة لأخلد إلى النوم و ستكون لي عودة بإذن الله تعالى للرد على موضوعك الجميل جزاكِ الله خيرا على مروركِ الكريم :wub: وأحلام سعيدة :wub: وفي إنتظار تعليقاتكِ إن شاء الله شارك هذه المشاركه رابط المشاركه شارك
أم عبد الوارث 24 أرسلي تقرير عن المشاركة قامت بالمشاركة 3 ديسمبر, 2008 جزاك الله خير أختي فعلاً موضوع مهم لأنه يمثل العلاقات في المجتمع بكل واقعية شارك هذه المشاركه رابط المشاركه شارك
blue 2 eyes 3 أرسلي تقرير عن المشاركة قامت بالمشاركة 5 ديسمبر, 2008 طبعا موضوعك معلق ببالي والله شارك هذه المشاركه رابط المشاركه شارك
سُندس واستبرق 4685 أرسلي تقرير عن المشاركة قامت بالمشاركة 6 ديسمبر, 2008 السلام عليكم ورحمة الله وبركاته،، بارك الله فيك ِ يا حبيبة صور نراها كل يوم :) شارك هذه المشاركه رابط المشاركه شارك
blue 2 eyes 3 أرسلي تقرير عن المشاركة قامت بالمشاركة 6 ديسمبر, 2008 قرأته حلووووووووووووووووووووووووكتييييييييييييير جزاك الله كل خير شارك هذه المشاركه رابط المشاركه شارك
Nadia David 0 أرسلي تقرير عن المشاركة قامت بالمشاركة 6 ديسمبر, 2008 السلام عليكم و رحمة الله و بركاته أختي الحبيبة marble لقد عدت مرة ثانية لكن بداية أود يا غاليتي أن أعتذر عن تأخري حيث إنني مشغولة جدا هذه الأيام و قلما أجد فرصة لأكون بها على النت ، فأتمنى قبول اعتذاري أختي الحبيبة marble هل تعلمي بأنني قبل 3 سنوات لم أكن أعرف عن هذا النوع من التمادي في الحديث بين الشباب و البنات على الرغم من أنني أعيش في بلد غربي قد يكون السبب هو عدم اختلاطي بالعرب نهائيا ، و أيضا علاقاتي كانت معظمها مع الغربيات فقط و هن جادات جدا في حياتهن و ليس من النوع الذي تصوره هوليوود لنا بكل سوء فلم يكن لدينا الوقت للممازحة و الكلام الفارغ ، على فكرة سبب تفوق الغرب في العلم يرجع إلى جديته في العمل و المثابرة . و لكن بعد أن بدأت أعرف العرب أقصد الفتيات العربيات بدأت أرى الكلام الذي ذكرته في موضوعك و كنت أستغربه جدا في البداية لأن ما أعتقده أنا أن هناك دائما خطاَ أحمرا لا يجب على الفتاة تجاوزه عند تعاملها مع زملائها في المدرسة أو في العمل ، قد ألقي تحية الصباح على زملائي و على وجهي ابتسامة كل يوم و قد أسألهم عن أحوالهم كسؤال عابر ، قد يكون ما أفعله أمرا غير جائزا عند بعض شيوخنا لأنني في مجتمع مختلط و الاختلاط قد يكون غير جائز و لكني لن أرضى أن يكون الاختلاط سببا في عدم تحقيق أهدافي ، كما أنني لا يمكن لي أن أكون جامدة و كأنني الصخر عند تعاملي مع زملائي من الذكور و بوجه متجهم عابس ، فهم بشر مثلنا و يضرهم ما يضرنا ، و على هذا الأساس يكون تعاملي مع الآخرين، فقد تضيء ابتسامتي و سؤالي لذلك الشخص يوم ذلك الشخص . أقول لك أمرا قد لا يعجب الأخوات و أعتذر منهن مسبقا فأنا عندما أكلم أي شخص ابتسم تلقائيا من باب الإنسانية بل قد ابتسم له فقط لمجرد رأيته دون أن أحدثه على الرغم من أنني لا أعرفه نهائيا ، و لكن حدث مرة بأنني ابتسمت لمسلم في دكان عربي فعبس، استغربت كثيرا و تساءلت هل ارتكبت جرما ما و أنا لا أدري؟ وقتها لم أكن أعرف بأن الابتسامة لها تفسير غريب عند العرب ألا و هو أن الفتاة التي تبتسم للشاب تريد منه أن يلاحقها أو شيئا من هذا القبيل ، طبعا أخبرني بذلك شابا عربيا عندما ذكرت له قصة عبوس ذلك الشخص ، على كل حال ما كان يضرني أن ابتسم للآخرين و لكن انزعاجهم جعلني أتوقف عن الابتسام قد تكون قصة الزميل الذي يحمي زميلاته مقبولة عندي و لكن أن يأتي و يجلس بجوارها هو الغير مقبول عندي الفتاة غالبا تحتاج لمن يرافقها و خصوصا إذا كان الوقت متأخرا من الليل أو أنها تحمل بحقيبتها سلاحا لتحمي نفسها به إذا ما أراد أحدهم الاعتداء عليها ، صراحة أنا أفعل ذلك. و لهذا أنا دائما أشجع الفتيات و خصوصا في هذا الزمن التعس أن يتعلمن فنون القتال و استخدام السلاح للدفاع عن النفس أختي الحبيبة marble الأمر و ما فيه أن الناس أصبحت تتساهل جدا في علاقاتها الإجتماعية و لهذا نجد ارتفاعا في نسبة الانحرافات الإجتماعية بسبب التساهل و لكن من يتعظ من هذه المشاكل التي بدأت تعاني منها معظم البيوت؟ أختي الحبيبة marble تقبلي فائق احترامي و تقديري بارك الله فيكِ و جزاكِ الله عنا كل خير شارك هذه المشاركه رابط المشاركه شارك
ام التراب 0 أرسلي تقرير عن المشاركة قامت بالمشاركة 6 ديسمبر, 2008 الله اكبر الله اكبر الله اكبر ولله الحمد جزاكي الله خيرا عن الموضوع وبارك فيكي الي اختي nadia اختي ما يحكمنا ديننا وليس الانسانيه فالغرب يحكمه عواطفه او انسانيته او اي مصطلح يصنعه هو اما نحن المسلمون فيحكمنا ديننا ما قال الله او قال الرسول واي امر نرده الي الله ورسوله وليس الي هوانا او ما نعتقده انه صحيح قال تعالي (اليوم اكملت لكم دينكم ورضيت لكم الاسلام ديننا...) الله شرع لنا كل شيئ في حياتنا فشرع لنا التعامل مع المحرم وغير المحرم فلا يجب لنا الا السمع والطاعة ولا نفكر في مصطلحات من صنع الانسان كالانسانيه والعروبه والقوميه وغير ذلك واخيرا احبك في الله شارك هذه المشاركه رابط المشاركه شارك
Nadia David 0 أرسلي تقرير عن المشاركة قامت بالمشاركة 6 ديسمبر, 2008 السلام عليكم و رحمة الله و بركاته إلى أختي الحبيبة ام التراب شكرا لكِ على التذكرة و جزاك الله عنا كل خير و لكني أحب أن أضيف بأن باب الإنسانية هو أحد أبواب بيت الإسلام الكبير و الذي دخل الكثيرين ممن كانوا يدينون بدين غير الإسلام منه، أليس كذلك؟ رضيت بالله ربا و بالإسلام دينا و بمحمد صلى الله عليه و سلم نبيا و رسولا شارك هذه المشاركه رابط المشاركه شارك
