حصريا علي منتدي اخوات طريق الاسلام

[صحبه الصالحين 0]

السلام عليكم ورحمة الله وبركاته،،

 

اخواتي الغاليات بصراحه موضوع المسلسلات والافلام المصريه جيبالي احباط ومعظمها مستفز

 

وديما مطلعين الستات المصريات خائنات وسهل انهم يفكرو في حد غير ازواجهم وموضوع الزنا ده

 

سهل بدون وجود تأنيب ضمير حتي المهم من الاخر مطلعيين الستات المصريات راقصات وبتوع كلام فارغ

 

ده غير نظرتهم للملتزمين واللي شوهو كل صوره جميله عنها لدرجه ان الناس تيقنت ان تحت النقاب راجل متخفي

 

او سفاح هربان والملتحي اما ارهابي او مدعي التدين صراحه اوضاع تحرق الدم وبعد حرقه الدم دي قولت اعمل

 

مسلسل او قصه مصوره من تاليفي طبعا انتو عارفيني عبقريه :ohmy: ههههههههه مع مراعاه قوانين المنتدي واحاول اوصل فيها

 

الصوره الصحيحه اولا للملتزمات وثانيا المصريات يا رب الفكره تعجبكم وانتظرو الحلقه الاولي من المسلسل الجديد

 

انتظر التشجيع :wub: :tongue:

[ام رميساء و جنى 16]

انا اول حاجة عايزا اقولها اني عارفا ومتاكدة من الصورة الصحيحة للمصريات الملتزمات والمنقبات ولكل اخواتنا المسلمات في العالم كله من غير فيلم ولا حاجة

 

وهده الظاهرة اصبحت متفشية في اي مكان فوق الارض مش مصر وبس وحتى عندنا في المغرب

 

ههههههههه

 

بس حبيت نقول انا معاك اذا كان هذا حايفيد اخوات اخريات لسا عنهم شك في الاخوات المنقبات

 

وانا احب المنقبات كثيرا

 

واسال الله لهن التبات وان يكون اللباس الداخلي احسن بكثييييييييييير من الخارجي

 

احبكن في الله

تم تعديل 17 فبراير, 2009 بواسطة om jomana

[* أم بلال * 2]

السلام عليكم ورحمة الله وبركاته،،

 

أختي هذا حال جميع المسلسلات في وطننا العربي

 

أخيتي لو ترين الحملة التي تشنها الأفلام المغربية الآن على الملتزمين وحسبي الله ونعم الوكيل

واجبنا ننهى عنها ونمنع القنوات الغير ملتزمة من دخول بيوتنا

 

وبانتظار إبداعك أنا متابعة

 

أحبك في الله

[صحبه الصالحين 0]

السلام عليكم ورحمة الله وبركاته،،

 

بارك الله فيكم بس استنو عليه شويه لما اجمع العبقريه

 

وانزل باول الحلقات

 

احبكم في الله

[ام رميساء و جنى 16]

ههههههههههههه

 

حاضر حبيبتي مستنييك

 

[صحبه الصالحين 0]

السلام عليكم ورحمة الله وبركاته،،

 

(( شوف الزهور واتعلم))

 

 

الحلقه الاولي

 

(الف باء الاسلام)

 

 

دي بلدنا مصر وبالتحديد القاهره

 

 

واللي احداث قصتنا هدور فيها وسط الزحمه والناس الكتير واللي كلهم طيبين بس فيه حبه كده ربنا يهديهم

 

ودول الزهور واللي هنتعلم منهم طول القصه حاجات اكيد نعرفها ويمكن سمعنا عنها بس الاكيد ان كلها فايده ونور

 

 

ودي انا راويه القصه واللي هدخل بين احدثها بتعليقات ووصف واسلك بين الابطال لما يتخاصمو المهم هكون الحشريه اللي في القصه فيه اي اعتراض

 

 

تبدء قصتنا في ساعه الفجريه هذه الساعه المباركه العطره اللي بتكون فيها نسمه هواء تسائل الكثيرين عن سر جمالها وميعرفوش

 

ان جمالها من دعاء المصلين والقائمين الليل اللي انفاسهم بتعطر الاجواء بنسمه رائعه من الطاعه ورضي الرحمن باذن الله

 

[مُقصرة دومًا 1261]

السلام عليكم ورحمة الله وبركاته،،

 

اشمعنا القاهرة ليه مش بورسعيد طيب كله فى مصر ههههههههههههههههه

[صحبه الصالحين 0]

جلست جنه تقرء في المصحف الشريف وتذكر الله بعد صلاه الفجر عندما استيقظت اختها عبير علي صوت المنبه

 

عبير / انتي لسه صحيه يا جنه ده انا نمت ما حستش بنفسي

 

جنه / من سهرك اودام الكمبيوتر مش كنتي اقمتي معايا الليل

 

عبير/ حاضر حاضر من غير دروس انهارده اوعدك اكون معاكي

 

قامت جنه واغلقت المصحف بحرص ووضعته علي المكتبه ونظرت اليه بمحبه وكانها تشتاق اليه من قبل ان تتركه

 

ثم اتجهت الي باب الحجره وقالت لاختها

 

طيب يلا يا لمضه البسي عشان ما تتاخريش علي الكليه وانا كمان متاخرش علي العيال في الحضانه

 

وطبعا كالعاده اخرتها عبير واضطرو يركبو تاكسي عشان التاخير

 

 

وصلت جنه الي مكان عملها بدار الحضانه متاخره قليلا ولكن مديره الحضانه كانت تحبها وتقدرها فلم تكلمها علي التاخير اما الاولاد

 

فكانو في اشتياق لها فهي من المعلمات القلائل الاتي يبيت الاطفال يحلمو بهم حتي يلقونها في الصباح والسبب في ذلك هو الحب

 

جنه كانت تحب عملها وتتفنن في اتقانه وتوصيل المعلومات للاولاد ببساطه وتلقائيه دخلت جنه علي الاولاد فجرو عليها ليحتضنو اقدامها

 

وهي اقرب شيء لطولهم وطلبت منهم ان يجلسو مكانهم وبدئت يومها معهم باغنيه بسم الله (وعلي فكره من احب الاغاني الي نفسي طبعا بتقولو انا مين

 

انا الراويه انتو نسيتو اقولكو الاغنيه بسم الله بسم الله احلي كلام اتعلمناه بسم الله لازم يا حبايبي لازم كلمه بسم الله قبل ما نقرا قبل ما نكتب لازم نكتب بسم الله

 

قبل ما ناكل قبل ما نشرب لازم كلمه بسم الله كل الدنيا تنور لينا وكمان تتحقق امانينا لما نقول ونغني معاه بسم الله ..بسم الله.. بسم الله . جميله قوي بحبها نرجع للقصه )

 

 

سمعت جنه صوت شجار واصوات تتعالي من مكتب المديره فذهبت لتري ما يحدث ووجدت واحده من اولياء الامور تتشاجر مع المديره فاستاذنت في الدخول

 

وكانت السيده تقف ببنطلون جينز وبلوزه ومكياج خفيف وشعر نحاسي جميل ويظهر عليها علامات الضيق سألت جنه عما يحدث وكان اغرب شيء سمعت به

 

السيده منزعجه من ابنها الذي يسالهاعن الدين لاحول ولا قوه الا بالله وزاد انزعاجها عندما رئت جنه بالنقاب حاولت جنه تهدئتها وطلبت منها الجلوس

 

تم تعديل 18 فبراير, 2009 بواسطة صحبه الصالحين

[صحبه الصالحين 0]

جلست السيده وبدئت جنه تستفسر منها عن سبب انزعجها هذا والذي المفروض ان تفرح له الولد يسالها عن الدين وماذا في هذا

 

ردت السيده بضيق/ شوفي بقي انا عارفه ان المنتقبات متشددين ومش بيتفاهمو واصرار الولد انو يعرف غريب يعني بصراحه انتي بتخوفيه بايه

 

عشان يحاول يعرف بالطريقه دي؟؟؟

 

جنه / طيب وليه ما تقوليش انتي حببتيه ازاي فيه عشان يحاول يعرف وابتسمت ثم اقتربت منها ممكن اقولك حاجه بس اوعديني انك ما تزعليش!!

 

السيده/ ايوه ايوه المتوقع الحجاب واللبس والكلام ده

 

جنه وهي تحافظ علي ابتسامتها الرقيقه/ لا والله مش كده انا بس عايزه اسالك خوفك وانزعاجك ده علي الولد ولا علي نفسك؟

 

السيده / مش فاهمه

 

جنه/ يعني يا حبيبه قلبي الولد فكرك انك مش عارفه اساس الاسلام وحسيتي بقله معرفتك فخفتي لحسن حد يغسله دماغه زي ما بتشوفي في الافلام مش كده

 

سكتت السيده ولم ترد(بس تعرفو كلام جنه صحيح واضح انها واخده فكره غلط خالص عن الملتزمات وكمان عن تعاليم دينها اللي هو الاسلام واوعي تقولي انا مين تاني)

 

كملت جنه /بصي يا اختي اول حاجه انا بعلمه الف باء الاسلام واللي هي اركان الاسلام الخمسه واكيد انتي عرفاها

 

السيده بحرج/ طبعا طبعا

 

جنه / طبيعي لما اقول للولد ان الصلاه هي عماد الدين واحنا بنعرف المسلم من غيره منها انو يسالك عنها صح

 

السيده/ صح لكن.........

 

جنه / خليني اكمل من فضلك ...يمكن ربنا خلاه يسالك عشان يفكرك بيه وان الدنيا زي ما فيها موضه ولبس فيها برده دين وعباده وهي اساس وجودنا في الدنيا من اصله

 

بصي بقي انا عايزاكي النهارده تقعدي مع ابنك وتقريلو من كتاب تعليم الصلاه ده اكيد هتوصله المعلومه منك اسرع ويا ريت كمان تعليمه الوضوء زي ما موجود في الصور دي

 

وتاكدي اني عمري ما هضر ولادي ولا الافلام والمسلسلات هي مقياس تحكمي بي عليه وعلي غيري من الملتزمات

 

خرجت السيده مع ابنها وفي يدهل كتاب تعليم الصلاه وفي راسها كلمات جنه وفي قلبها بدء شيء يتحرك يا تري ما هو(انا عارفه ومش هقولكم)

 

تم تعديل 18 فبراير, 2009 بواسطة صحبه الصالحين

[عاشقة أمنا خديجة 0]

ايه الروعة دى منتظرين البقية

 

ارجوكى فى اسرع وقت لانى متشوقة جدا للبقية

 

وجزاك الله خيرا

[ام يوسف 55555 0]

بارك الله فيكى ياختى وحببتى انا مستنية الحلقات القادمة

[صحبه الصالحين 0]

السلام عليكم ورحمة الله وبركاته،،

 

حبيبتي عاشقه امنا خديجه ربنا يبارك فيكي يا رب شكرا يا غاليه علي ردك الجميل

 

 

وكمان ام يوسف هنا يا مرحبا يا مرحبا منوراني يا حبيبه قلبي شكر يا عسل علي ردك العسل اللي زييك وبوسيلي الواد يوسف

 

والحلقه التانيه في الطريق

 

بحبكو في الله

[#ام سلمى# 1]

السلام عليكم ورحمه الله وبركاته

 

لالالا بجد مش قادرة اقول

بقا فعلا هيكون عندنا مسلسل

طب يا ستى زودى العبقرية شوية علشان يخلص بسرعة :wacko: :wink:

لانى مشتاقة اشوف البقية قوى :ninja:

وهديتك دى يا ستى احلى من ميت وردة والف جاتوة :tongue:

كملى وانا معاكى بس مش تتاخرى علينا

بحبك فى الله

[أم سوفي 0]

بارك الله فيك حبيبتى صحوبه

ايه الجمال ده يا مبدعه

يلا كملى القصه

انا لبيت الدعوه اهه

جزاك الله خير

انا منتظره على نار

[صحبه الصالحين 0]

السلام عليكم ورحمة الله وبركاته،،

 

ام سوفي وام سلمي يا الف اهلا وسهلا والله انا فرحت بقدومكو اوي وفرحت اكتر ان القصه عجبتكم

 

ان شاء الله الباقي يكون اجمل وطبعا ما ينفعش تيجو عندي من غير ما اقدم ليكو حاجه

 

اتفضلو

 

 

وطبعا باقي اخواتي الغاليين انا مش ناسيكو اتفضلو

 

 

بحبكم في الله

[التواااقة للجنان 19]

السلام عليكم ورحمة الله وبركاته،،

والله انتي مبدعة بجد ما شاء الله عليك .يلا بقى اجتهدي في ابداعك او خلينا نكمل القصة لحسن شوقتينا اوي

مستنييبك ان شاء الله

[* أم بلال * 2]

حييييلوة ^__^

 

أنا بانتظار البقية

[التائبه 2008 1]

قراءت القصه يا مبدعه :icon15:

 

جزاك الله خير

 

بس عصبتيني :angry: شوي لاني ما كملت النهايه على طووووووووووول

 

انتضر بفارق الصبر يا غاليه

[حنان المحبة 9]

السلام عليكم ورحمة الله وبركاته،،

 

صحبة الصالحين

 

احب ان اطمئنك بانني ساتابع مسلسلك ولكن احذرك فانا صبري قليل جدا

 

اياك ان تجعليه كالمسلسلات المكسيكية والتركية 500حلقة!!!!!!!!!!!!!!

[صحبه الصالحين 0]

السلام عليكم ورحمة الله وبركاته،،

 

اشمعنا القاهرة ليه مش بورسعيد طيب كله فى مصر ههههههههههههههههه

 

حبيبتي سمحيني ماخدتش بالي منك اصلك جيتي في نصف الحلقه هههههههههه

 

شكرا لردك يا غاليه والقاهره مكان سكني واكتر اماكن لقيت لها صور ههههههه

 

واهي كلها مصر علي رئيك

 

بحبك في الله

[صحبه الصالحين 0]

السلام عليكم ورحمة الله وبركاته،،

 

mohiba li din allah ربنا يبارك فيكي يا حبيبتي وشكرا علي كلماتك الرقيقه

 

أم حفــ بلال ــصة شكرا ليكي يا غاليه والباقي في الطريق

 

التائبه 2008 بعد الشر عليكي من العصبيه وانشاء الله مش هتاخر في الحلقه التانيه

 

حنان المحبة ههههههههههههههه 500 حلقه يا خبر ده انا لغايه دلوقت مجمعتش الحلقه التانيه بس ما تقلقيش انا مش بحب التطويل

 

 

بارك الله فيكم والف الف شكر علي التشجيع

 

نلتقي بعد الفاصل ههههههههههههه

 

بحبكم في الله

[#ام سلمى# 1]

تسلميلى حبيبتى على الحلويات والورد

بس انا هاكل الحلويات والفاكهه كلها مش هدى ام سوفى حاجة

انا مستنية باقى الحلقة بقا مش تتاخرى علينا

[نور الاسلام 2 8]

متابعينك باذن الله والله

انا كمان جارتك هههههههه

بس انا نفسى فى احداث مسلسلك توضحى لباقى الاخوات

ان سبحان الله بالرغم من زى ما انتى قلتى بعض الناس نظرتهم للمنتقبات خاطئة

الا ان ماشاء الله اللهم بااااااااارك عدد المنتقبات

فى زيااااادة مستمرة فى مصر

عددهم كبر جدا

ربنا يثبتهم يارب ويثبتنا

ويرزق كل بنات المسلمين ثوب العفاف

ويلا بقا متتاخريش علينا

[صحبه الصالحين 0]

السلام عليكم ورحمة الله وبركاته،،

 

الحلقه الثانيه

 

(راحو فين حبابيب الدار)

 

 

صباح جديد علي منزل ابطالنا الغاليين ويوم الاجازه تحلي اللمه وكمان الكسل

 

 

الكل جالس في البيت في استرخاء مفيش غير عبير اللي مش عايزه تهمد عماله تهزر وتعاكس شويه في امها وشويه اختها

 

عبير/ مالكو اعدين كده قومو اعملو حاجه

 

الام /عايزانا نعمل ايه يعني ربنا يهديكي

 

جنه / سيبك منها يا ماما ددلوقت تتعب من التنطيط وتدخل تنام

 

عبير/ اهه ..علي اساس اني كوره يعني هي هي

 

جنه / يا بنتي ريحي نفسك شويه والله حرام الطاقه دي كلها تروح علي الفاضي

 

عبير /طيب هسكت بس قوليلي اخر اخبار الماما بتاعت الولد ايه؟

 

جنه/ مفيش جديد الحمد لله ان ربنا جعلني سبب ان قلبها يدق بطاعه الله و ترجع لله تاني وبدئت تلبس جيبات وتصلي مع ابنها

 

وانا بحضر لها هديه جميله اوي

 

عبير /وانا كمان اشمعني هي

 

جنه/ يا بنتي هي شوكلاته انا مجمعه ليها مجموعه شرايط دينيه ومصحف واسدال وحطاهم في سله شيك اوي ناقص اغلفها بس

 

عبير/ يا عيني علي الشياكه ربنا يصلح حال المسلمين جميعا

 

الام /اللهم امين

 

جنه/ اللهم امين

 

 

كانت والده جنه بدئت في الشرود منهم كالعاده وبالذات في يوم الجمعه شرودها كان يزيد

 

جنه / مالك يا ماما؟؟ انتي روحتي فين ؟

 

الام / هه...... لا مفيش انا معاكو اهو

 

عبير / انتي مش معانا خالص نفسي اعرف بتسرحي في ايه

 

جنه وهي تنظر لعبير نظره لوم/ يعني هتسرح في ايه فينا طبعا

 

الام /انا هدخل اشوف هنتغدي ايه انتو فضيين!!!!

 

عبير/ هي زعلت مني ولا ايه

 

جنه/ لا يا حبيبتي بس انتي مش عارفه ايه اللي شاغل دماغها

 

عبير/ عرفه بس كنت بحاول اهزر عشان تبطل سرحان

 

جنه /علي الرغم من مرور سنين علي رحيل بابا الله يرحمه بس هي علي طول فكراه

 

عبير/ وخصوصا يوم الجمعه البيت ما كنش بيفضي

 

جنه/ صحيح والله اعمامي كانو علي طول مليين البيت علينا وبعد بابا كل واحد انشغل في حياته

 

عبير/ معقول ما يفتكروناش غير في المناسبات بس دول كانو زي ضلنا

 

جنه / الحياه بتشغل يا حبيبتي وزمان كانو لوحدهم انما دلوقتي بقي ليهم عيله وانشغلو فيهم

 

عبير / ما تيجي نكلمهم

 

جنه / لا تعالي نجمعهم عندنا زي زمان.................................!!!!

 

 

بدئت جنه وعبير الاتصال باعمامهم ودعوهم علي العشاء ثم ذهبو الي امهم في المطبخ ليخبروها بقدومهم ويجهزو للوليمه معها

 

في الساعه الثامنه رن جرس الباب وكان اصغر الاعمام هو اول من حضر ((ما شاء الله عليهم اصل اعمامهم خمسه ومعاهم عيلتهم شوفو بقي الهيصه تبقي ازاي..... اللهم لا حسد :wub: ))

 

كانت عبير هي من فتحت لعمها واستقبلته بابتسامه كبيره اراحت صدره من القلق وشعر ان هناك خبر سعيد.......(( عريس يعني :smile: ))

 

ولكنه عرف االبنات افتقدوهم وعشان كده حبو يجمعوهم النهارده وصل الاعمام الواحد تلو الاخر وتجمعو حول مائده الطعام ولم ينسو اخوهم الذي كم اجتمعو علي هذه المائده معه

 

فدعو له بالرحمه وظلو يتسامرون ويحكون ويتذكرو زمان وايام زمان ووسط كل هذا كانت عبير وجنه يشد انتباههم انطباع امهم والتي كانت السعاده تملائها وعينها تكاد تنطق بها

 

انها تري زوجها وسطهم تراه في عيون اخوته في كلامهم عنه وفي لمتهم في بيتها وكانه موجود معها وشعرت الام وبناتها باحساس افتقدوه من زمن احساس الدفيء والاسره

 

احساس اللمه والعيله.............

 

 

وعقدت عبير وجنه مع اعمامها اتفاق ان يكون تجمعهم كل اسبوع عاده لا يقطعوها ثا نيه حتي لا توسع الفجوه بينهم ويتوهو من بعضورحب اهلهم بالفكره واتفقو ان تكون اللمه القادمه في منزل العم

 

الكبير وكانت بدايه لطاعه جديده وصلت فيها جنه واختها ارحامهم وادخلتا بعض من السعاده علي قلب امهم.............

 

تم تعديل 21 فبراير, 2009 بواسطة صحبه الصالحين

[#ام سلمى# 1]

لا يا صحبة انا مبحبش التشويق دا انا عايزة حتة كبيرة علشان انا قلبوظة

بجد طريقة طرحك جميلة جدا

وانا متابعة وبشدة كمان

لانى حاسة ان اللى بتمر بيه دا كنت مريت بيه زمان

كملى بقا