حصريا علي منتدي اخوات طريق الاسلام

[صحبه الصالحين 0]

السلام عليكم ورحمة الله وبركاته،،

 

ام سلمي يا حبيبه قلبي انا بكتبها واجمع الصور في وقت واحد

 

وبدوخ علي ما الاقي الصوره اللي تعبر عن الكلام ومتكونش مخالفه

 

معلش اصبري عليه شويه

[#ام سلمى# 1]

وعليكم السلام ورحمه الله وبركاته

ماشى يا حبيبة قلبى

حجتك مقبولة

وخصوصا فعلا انك لسه بتكتبيها

انا متابعة معاكى بأذن الله

[مريم فوزي 1646]

السلام عليكم ورحمة الله وبركاته،،

 

حبيبتي عاشقه امنا خديجه ربنا يبارك فيكي يا رب شكرا يا غاليه علي ردك الجميل

 

 

وكمان ام يوسف هنا يا مرحبا يا مرحبا منوراني يا حبيبه قلبي شكر يا عسل علي ردك العسل اللي زييك وبوسيلي الواد يوسف

 

والحلقه التانيه في الطريق

 

بحبكو في الله

ايه ده ايه ده ما شاء الله شاعرة من ورايا وانا ما اعرفش ده انتي مبدعة ما شاء الله ربنا يثبتك يا بنتي

وبعدين يا ام يوسف خلي بالك علي ابنك يوسف علشان صحبة دلوقتي بتقول بوسهولي شوية هاتقول مممممممممم بلاش بس بس اعتقد يوسف هايتجوز قريب هههههههههه :unsure: خلي بالك يا ام يوسف

بجد ما شاء الله جامدة اوي بس يا رب تكمليها بسرعة

بحبكم في الله

[* أم بلال * 2]

والحلقة الثانية أحلى

تسلمي

متابعااااااااااااااكيييييييييي

[محبة للجنان 292]

اللهم بااااااارك

 

هيييييييييييه عندنا مسلسل

الحمد لله ربنا عوضنا خير عن المسلسلات اللي في التلفزبون ^____^

 

كملي كملي بسرعه

 

حاتقوليلي انك بتجمعي الافكار :wub:

 

طيب طيب

 

خذي راحتك على مهلك ...

 

بس مش على مهلك أوي يعني :-

 

جناااااااااان حلوة القصة :blush: >>>> فكرتني الكلمة بحاجة حلوة :smile:

 

م

ت

ا

ب

ع

ي

ن

 

 

:wub: ;-)

[أم عائشة المصرية 242]

سلمت يمينكِ غاليتي

 

بجد أسلوبك ما شاء الله لا قوة إلا بالله مرح ودمك خفيف..

 

متابعين معكِ

تم تعديل 21 فبراير, 2009 بواسطة أم عائشة المصرية

[صحبه الصالحين 0]

السلام عليكم ورحمة الله وبركاته،،

 

الحلقه الثالثه

 

(( ابن الجيران ))

 

 

مرت الايام سريعا وانشغل الجميع في حياتهم ولكن عبير وجنه كانو علي اتفاقهم التجمع كل اسبوع وسط اهلهم صحيح ان هناك من يخلف الاتفاق

 

لظروف معينه او ضيق من زوجه احدهم من التجمع في بيتها ولكن البنات كانو يبادرون دائما بالسؤال والذهاب اليهم او حتي بمكالمه تليفون المهم الا يبتعدو عنهم ثانيه

 

 

دخلت عبير من باب العماره واختفت داخل المدخل الكبير ولم تلحظ تلك العيون التي تراقبها في اهتمام.............؟؟

 

((يا لهوي حد بيراقبها تعالو معايا ده هيطلع عينو يلا بينا ))

 

في المنزل المقابل تسكن اسره لسه معزله جديد وطبعا عشان مفيش شقق فهي ساكنه ايجار جديد وميعرفوش ناس المنطقه كويس المهم عندهم شاب شايف نفسه حبتين

 

اسمه وليد وطبعا متاكد ان عبير اول ما هتشوفو هتقع في هواه المشكله انو بيراقب كل حركاتها من يوم ما سكن وكمان ايه وراها لاصحابه عشان يشوفو ذوقو بقي .................

 

وليد/ البت دي موزه صح يا ولاد

 

خالد/ بصراحه عندك حق البت خطيره

 

سعيد/ لما اللي كشفه وشها بالشكل ده امال المنقبه التانيه شكلها ايه

 

خالد/ اكيد احلي ميت مره

 

وليد/ يا عم ملناش دعوه بالتانيه تليقها معقده خلينا في اختها

 

سعيد/ معقده ايه يا بني انت ما بتشوفش افلام

 

خالد/ اه والله دول بيقو نفسهم حد يكلمهم في الافلام وكلهم بيطلعو هيفين في الاخر

 

وليد/ يا عم ده كلام افلام انت بتصدق

 

خالد/ افلام ايه يا بني ما كل البنات بتعمل زي الافلام تراهني عليها

 

وليد/ لا يا عم كده هتضيع عليا اختها

 

سعيد/ اراهنك انا

 

خالد / كلام رجاله .......................................

 

(( لا طبعا كلام عيال زي الصوره دي اصبرو عليه انا هطلع البلا عليكو))

 

 

رسم الشباب اللي رينا يهديهم خطه عشان يكلمو الاختين الحلوين واستني وليد عبير عند الكليه واستني خالد جنه عند البيت وسعيد الحكم ههههههههههههه

 

المهم تفاجئت عبير بشخص ينادي عليها التفتت اليه فاقترب منها

 

وليد/ سلامو عليكو

 

عبير/ وعليكم السلام ورحمه الله وبركاته خير انت تعرفني

 

وليد/ ايوه طبعا انا جاركم

 

عبير / وافرض عايز ايه

 

وليد/ يعني لقيتك لوحدك قولت اوصلك

 

عبير/ اتقي الله وروح لحالك ...........انا بكلمك بادب بس ممكن اتكلم بطريقه تانيه

 

وليد/ ايه هتضربيني.......هههههههه

 

عبير / لا ثواني ........ اشارت عبير ناحيه باب الجامع وقبل ان يدرك خالد ما الذي يحدث وجد امن الجامعه امامه

 

الضابط فيه حاجه يا انسه

 

عبير/ مش عارفه اسال الاستاذ اصل شكله بيشبه

 

وليد/ ايه يا جماعه مفيش حاجه انا افتكرتها جارتي..........

 

الضابط طب مع السلامه ومتبقاش تفتكر تاني

 

((ههههههه احسن وشو جاب الوان ))

 

مشي وليد وهو يتوعد لعبير ان يرد لها موقفها له وصمم اكثر ان ينال منها باي طريقه

 

 

اما خالد فكان حظه مع جنه ميقلش عن وليد لانها لم تلفت ليه من الاصل وكملت دخولها الي المنزل ولا كانها سمعه حد ولما اجتمعو الاختين مع بعض

 

عبير/ اسكتي يا جنه حصلي حته موقف النهارده

 

جنه/ خير فيه ايه

 

عبير/ واحد كان بيعاكسني وعم محمد بتاع امن الكليه جبله رعب

 

جنه/ عم محمد اللي خدتيلو محشي قبل كده

 

عبير/ايوه هو ده ......الحمد لله ان هو اللي كان واقف مكنتش عارفه اتصرف ازاي كنت هجري علي الكليه تاني

 

جنه/ المفروض مكنتيش رديتي عليه اصلا زي ما انا عملت في واحد انهارده

 

عبير/ ايه ده هو يوم امعاكسه العالمي .........

 

في الوقت نفسه كانو الشباب عمليين ينفخو من الغيظ ان الخطه فشلت راح اقترح عليهم سعيد

 

/ ايه رئيك يا وليد تخلي اختك تروحلهم

 

وليد/ اختي

 

خالد/ برفو عليك يا سعيد صح هي اختك

 

وليد/ وهي هتروحلهم بصفتها ايه

 

سعيد/جيران وعايزه تتعرف عليهم

 

وبعد كده خليها تفاتحها في موضوعك ايه رئيك

 

وليد/ لما اشوف..................

 

ولم ينتظر كثيرا كلم اخته وذهبت الي بيت عبير وتعرفت عليها وبعد فتره عزمتها في بيتهم

 

وعندما ذهبت كان وليد هناك سلمت علي والدتها وجلست في الصالون معهم عندما دخل وليد

 

تم تعديل 21 فبراير, 2009 بواسطة صحبه الصالحين

[صحبه الصالحين 0]

السلام عليكم ورحمة الله وبركاته،،

 

مريومه انتي اهلا يا حبيبتي انتي اللي اروع وشكرا لكلماتك ويوسف يا ستي بيموت في سندسه بنوتي يعني محجوز محجوز

 

ام حفصه شكرا يا حبيبتي واوعي ماتتبعنيش

 

حبيبه قلبي يا محبه للجنان وجودك فرحني جدا وانا عرفه الكلمه فكرتك بايه ههههههههههههههه بحبك اوي

 

ام عائشه انتي اللي زي العسل وان شاء الله مش هتاخر عليكو

 

ام سلمي انتي فين

 

بحبكو في الله

[حبيبة الصديقه 9]

سلمت يمينكِ غاليتي

 

بجد أسلوبك ما شاء الله لا قوة إلا بالله مرح ودمك خفيف..

 

متابعين معكِ

[حبيبة الصديقه 9]

سلمت يمينكِ غاليتي

 

بجد أسلوبك ما شاء الله لا قوة إلا بالله مرح ودمك خفيف..

 

متابعين معكِ

[الاستشهادية 10]

tjفتح الله عليك أختي الحبيبة

 

متابعين معك

 

بس ماتطولي

شوقتينا

[(نشوى) 113]

السلام عليكم ورحمة الله وبركاته،،

 

ماشاء الله لا قوة الا بالله .... موهبتكِ طيبة وجميلة حبيبتى رزقكِ الله تسخيرها لخدمة الإسلام

بارك الله فيكِ .... ومتابعات نحن معكِ ان شاء الله تعالى :wub:

[صحبه الصالحين 0]

السلام عليكم ورحمة الله وبركاته،،

 

حبيبة الصديقه شكرا ليكي يا حبيبتي علي ردك الجميل

 

الاستشهادية الله يبارك ليكي يا غاليه والبقيه في الطريق

 

سجدة قلب مسلم حبيبه قلبي ومشرفتي الغاليه انا مستنياكي من بدري وقولت ان الموضوع مش عجبك

 

بس الحمد لله قلبي اطمن وربنا يقدرني واكمل علي نفس المستوي

 

بحبكم في الله

تم تعديل 22 فبراير, 2009 بواسطة صحبه الصالحين

[عاشقة أمنا خديجة 0]

القصة بلغة وليد روشة طحن

 

جميلة قوى قوى

[محبة للجنان 292]

:dry: أشرار

 

متابعين معاكِ

بشوق

[أم حذيفة السامرائية 0]

أكملي يا حبيبتي تراك شوقتينا كثيرا

[* أم بلال * 2]

بالانتظار ^__^

[صحبه الصالحين 0]

عاشقة أمنا خديجة :wub:

 

محبة للجنان :smile:

 

أم حديفة العراقية :smile:

 

أم حفــ بلال ــصة :smile:

 

شكرا ليكم يا احلي اخوات والباقيه في الطريق

 

ومعلش سامحوني علي التاخير اصلي كتبتها والجهاز فصل

 

واتمسح كل اللي كتبته وهكتبها تاني حاضر انتظروني مش هتاخر

 

بحبكم في الله :wub:

[أم حنين عدلي وعلي 1]

السلام عليكم ورحمة الله وبركاته،،

 

صحبة الصالحين

 

احب ان اطمئنك بانني ساتابع مسلسلك ولكن احذرك فانا صبري قليل جدا

 

اياك ان تجعليه كالمسلسلات المكسيكية والتركية 500حلقة!!!!!!!!!!!!!!

[صحبه الصالحين 0]

السلام عليكم ورحمة الله وبركاته،،

 

حبيبه قلبي لبيك غزه المسلسل هو اقصر مسلسل شاهدتيه فهو خمس حلقات فقط

 

يعني باقي حلقتين بس لا تقلقي

 

احبك في الله

[أم حنين عدلي وعلي 1]

اللهم زد وبارك أبدعتي أخيتي الحمدلله إلي هدانا وتاب علينا من كلام المسلسلات الفاظي أحبك الله

[صحبه الصالحين 0]

السلام عليكم ورحمة الله وبركاته،،

 

الحلقه الرابعه

 

(( يا دبله الخطوبه عقبلنا كلنا ))

 

 

عندما دخل وليد الصالون همت عبير بالانصراف فاوقفتها اخته

 

الاخت/ ايه علي فين احنا لسه ما شبعناش منك

 

وليد/ لا يا ستي بس اذا جائت الشياطين.........

 

عبير/ معلش اصلي سيبا ماما وحدها

 

الوالده/ مش كانت جت معاكي نورتنا

 

عبير / المره الجايه بعد اذنكم

 

انصرفت عبير ووليد يتابعها ببصره حتي اغلقت الباب فنادي علي اخته وجلسو يتحدثون

 

الاخت/ شكلك معجب بيها اوي يا وليد

 

وليد/ اوي.....بس المشكله انها مش زي اي بنت عرفتها

 

الاخت/ بصراحه ايوه ليها دماغ لوحدها هي واختها

 

وليد/ طيب ما تحاولي تخليها تقابلني في الكليه

 

الاخت/ بص يقي عبير دي انا حبتها اوي ومعتقدش انها هترضي وطالما عجباك كده ما تخطبها

 

رنت الكلمه في اذن وليد (اخطبها) وليه لا بدل ما اجري وراها في كل حته هقابلها واعد معاها وفي بيتها كمان

 

عرض وليد الفكره علي اصحابه فعارضو في الاول ولكن خالد اقتنع بالفكره وقرر ان يذهب معه لخطبه جنه طالما هي الطريقه

 

الوحيده ليتقربو منهم واتفقو علي ميعاد ليذهبو الي بيت جنه وعبير ليخطبوهم..............

 

 

في الميعاد المحدد وصل الصديقين وكان في انتظارهم اعمام البنات وتكلمو معهم وطلبو منهم ان يخطبو البنتين ولكن الاعمام طلبو وقت ليسالو عنهم

 

وغير ذلك ثم نادو علي البنات ليجلسو معهم وكانت جنه هي اول من تكلم ووجهت الكلام الي خالد يا تري يا استاذ خالد ايه اخبارك مع القرأن

 

تغير وجه خالد فهو لم يتوقع هذا السؤال ولكنه قال الحمد لله تمام

 

جنه / يعني حافظ كام جزء

 

خالد / عشره

 

جنه / والباقي بتحفظه

 

خالد/ طبعا طبعا

 

عبير/ وانت يا استاذ وليد

 

وليد/ احنا مع بعض في كل حاجه

 

عبير/ يعني حافظ عشر اجزاء برده

 

وليد/ طبعا ..طبعا

 

الاعمام/ خلاص سيبو لنا وقت يا ولاد نفكر وباذن الله نرد عليكو............ والمره الجايه نتقابل مع الاهل باذن الله

 

نزل خالد ووليد وهم يشعرون بلانتصار وعبير وجنه قررو استخاره الله هم صحيح مش ملتحين ولكنهم يحفظون القرأن

 

ميعرفوش انهم كدبو عليهم بس عشان يوصلو ليهم بعد فتره من الاستخاره عبير وجنه شعرو بارتياح غريب من ناحيتهم

 

فقررو ان يقبلو واجتمع الاهل ووتمت الخطبه وجلس خالد مع جنه يتكلمان

 

خالد/ علي فكره المفروض اني اشوف وشك

 

جنه في خجل/ المفروض .......

 

خالد/ طيب تعالي ندخل الحجره عشان اشوفه

 

جنه وصوتها يكاد لا يخرج / انا هنده علي عمي يجي معانا

 

خالد/ وايه لازمه عمك دلوقت

 

جنه وقد اخرجتها كلمه خالد من خجلها/ ازاي بقي انتي عايز تجلس معايا من غير محرم ولا ايه

 

خالد وقد اضطرب من الكلمه/ لالا ازاي روحي اندهي ليه انا بهزر معاكي

 

ودخل خالد وجنه وعمها الي الحجره ورفعت جنه النقاب في خجل شديد وعندما رئها خالد شعر بقلبه يكاد يقفز من مكانه

 

وعندما خرج وجد سعيد صديقه وساله عن شكلها شعر ان سعيد ينتهك حرمته فغضب وقال له ممكن تنسي الموضوع ده خالص ومتتجرئش تسال عنه تاني

 

شعر سعيد بغضب صديقه فابتعد عنه واعتذر اما خالد ووليد فقد شعرو بتغيير رهيب شعرو بمسؤليه رهيبه ناحيه الاختين ومن بعد ما كان الشر في قلوبهم للبنت

 

ابدله الله حب وخوف عليهم في لحظه ((صحيح والله من يتق الله يجعل له مخرجا)) جنه واختها استخارو الله والله سبحانه وتعالي رد كيد الكائدين مع الايام عرفت عبير وجنه

 

ان العرسان كدبو عليهم وانهم بعيدين كل البعد عن الدين وهمو بفسخ الخطبه الا ان الصديقين اقسمو انهم تغيرو وانهم يكدو في دراسه كتاب الله وطلبو منهم ان يعينوهم علي حفظه

 

بعد الله سبحانه وتعالي وخلال شهور قليله بدل الله الشابان المستهتران الي شابان ملتزمان وملتحيان من اجل ان يرضي الله عنهم وليس من اجل عبير او جنه فقد جعل الله سبحانه وتعالي

 

عبير وجنه سبب لينصلح حالهم ليس الا ............................

 

 

بعد سنه من الخطبه تغير الحال بشبابنا فاصبحو لهم شأن ثان ولبست عبير النقاب بناء علي طلب وليد ولبست اخت وليد الاسدال

 

وفكر وليد وخالد باصدقائهم وطريقه حياتهم وبدئو في نصحهم ودعوتهم للرجوع الي الخير وتعليمهم معني ان يذقوا حلاوه الايمان ومنهم من هداه الله

 

ومنهم من ابتعد عنهم المهم ان وليد وخالد قد ولدو من جديد وطلبو من اعمام البنات التعجيل بالزواج ولكنهم اشترطو ان لا تعمل البنات بعد الزواج وكان هذه

 

مشكله بالنسبه لعبير وجنه فهم يحبون مجال عملهم عبير في الكمبيوتر وجنه في الحضانه وحاولو بكل الطرق ان يقنعو خالد ووليد ولكنهم لم يقتنعو حتي طرئت

 

علي راس جنه فكره عبقريه منها تعمل ما تحبه ومنها لا يخاف عليها خالد من العمل وفي نفس الوقت عبير تعمل معها في نفس المكان

 

يا تري ما هذه الفكره العبقريه..........؟؟؟؟؟؟؟؟؟؟

 

وهل سيوافق خالد ووليد عليها...........؟؟؟

 

ام ستكون سبب في انفصالهم.............؟؟

 

تابعوني في الحلقه الاخيره باذن الله

 

تم تعديل 1 مارس, 2009 بواسطة صحبه الصالحين

[زوجة معين 0]

متابعين يا حبيبتي بس لا تتأخري علينا

و الله فكرة هذا الموضوع رائعة جدا ومفيدة جزاك الله الجنة يا غالية

[(نشوى) 113]

السلام عليكم ورحمة الله وبركاته،،

 

ما شاء الله عليكِ حبيبتى

رائع وجميل جدا المسلسل وصاحبته

 

شكلنا بنعمل معاكِ عقد احتكار هنا فى قلم نابض :oops: :smile:

 

الله ييسر لكِ الخير دوما

[حبيبة الصديقه 9]

السلام عليكم ورحمة الله وبركاته،،

 

ما شاء الله عليكِ حبيبتى

رائع وجميل جدا المسلسل وصاحبته

 

 

ومعلش سامحوني علي التاخير اصلي كتبتها والجهاز فصل

 

واتمسح كل اللي كتبته وهكتبها تاني حاضر انتظروني مش هتاخر

 

 

بعد اذنك ممكن اقولك على حل للمشكله دى علشان لو الجهاز فصل يفضل شغلك

زى ما هو بعد ما تشغلى الجهاز من تاني

 

لازم تعملي هايبرنيشن للجهاز والطريقه انا صورتها لك بس مش عايزه ابوظلك موضوعك

 

انت من على سطح المكتب تضغطي يمين الماوس وبعدين تختارى اخر خيار

 

هيفتح لك نافذه هتختاري screen saver وبعدها تختارى power

 

هتفتح لك نافذه اختاري hibernate وبعدين هتلاقي خيار enable hibrnation

 

علمي عليه واختاري apply ثم ok ثم ok

 

ويارب اكون أفدتك ولو عايزانى انزلك الصور هى عندي على الجهاز أنزلهالك على طول ان شاء الله