بنت الصادق 9 أرسلي تقرير عن المشاركة قامت بالمشاركة 16 مايو, 2006 انا يا ستي عندي امتحانات اولا ربنا يوفقك.. وتطلع النتائج كويسة ان شاء الله.. لا خلاص انتي كدة براءة 2- طحينة و انتو عارفين ان الطحينة ليها كذا نوع و انا حاقولهم ليكو ان شاء الله انتو طبعا عارفين ان الناس اللي بيعملوا الطحينة مزبوطة في العالم كله محدودين جدا و انا اولهم لاني محترفة طحينة مستنينك ياستي في الجزء الخاص بالسلطات.. واكيد يامسك هزعل منك لو مجتيش.. تيجي تكتبلنا الطحينة بتتعمل ازاي عشان بجد نفسي اتعلمها 3- باعرف اسلق المكرونة طبعا ده حاجة صعبة جدا و عايزة تركيز فظيع طبعا عيزة تركيز فظيع.. إنتي بتقولي فيها..انا مش بهرج بصي ونصيحة مني كمان ابل متحطي المكرونة.. طبعا هتكون المية غليت .. تحطي ملعة ملح وملعقة زيت .. اي نوع من الزيوت عشان المكرونة مبرمش معاكي وتبأة فكة من بعضها.. .. ولما تبرد طبعا تغسليها كويس اوي بماء فاتر وتسيبيها تبرد .. وابل متحطيها عالصلصة علا طول تغسليها تاني عشان تعرفي تقلبيها كويس في الوعاء.. 4- اعرف ارمي البطاطس المحمرة في الزيت من علي بعد عشرة متر و نص و اهم حاجة نص المتر ده لانه بيدي طعم مختلف للبطاطس عما تقفي عن بعد عشرة متر بس مسوكة حبيبتي خلي بالك.. اوعي ترمي البطاطس كدة.. انتي قربي اوي من الطاسة وحطي البطاطس بالراحة اوي.. بس خلي بالك مش تحطي ايدك في الزيت.. لأني عملتها ابل كدة.. وبعدين لو عيزة البطاطس تطلع بالظبط زي الي بتجيبيها من برة (الفارم فريتس) وطي عليها شوية بعد ماتحطيها بــ 3 دقائق.. تكون النار هادية جدا جدا جدا وبعدين بعد 5 دقائق كدة خلي النار متوسطة عليها عادي.. وطبعا تصفيها كويس ابل ما تطلعيها.. وشوفي هتبأة عاملة ازاي :) 6- باعرف اعمل سلطة تجنن و التتبيلة بتاعتها تحفة (ده بجد) بردو هستناكي ان شاء الله في قسم السلطات.. بعد ما نخلص الشوربات.. مستنياكي يامسوكة.. كل اهت عندها تجربة في المطبخ ياريت تقولها يعني مثلا الحاجات الصغيرة المحترفة زي مثلا ما تحطيش الفلفل قبل الملح و حطي الملح الاول او ما تسلقيش اللحمة في مية ساقعة لكن اسلقيها في مية دافية من الحمام مهو هو دة هدف الملف.. بس ايه ماتحطيش الفلفل ابل الملح دي !! انااعرف ان الفلفل الأسود بيتحط ابل الملح في اي اكل وبعدين ايه حكاية مية دافية من الحمام ؟؟ اوعي تكوني تقصدي يعني مية السخان.. اوعي تستخدمي مية السخان في أكل.. ابدا.. لأنها مضرة جدا جدا لأن السخان من الداخل معمول بمادة الرصاص وطبعا المية بتكون مركونة فيه..... دة غير ان الحكاية مش حكاية مية دافية او باردة لازم تكون مغلية يابنتي.. المهم انا مستنياكي عشان تحطلنا احلا السلطات.. ماشي ياجميل.. ولما نشوف بأة الانتماء شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 16 مايو, 2006 فكرة حلوة جدا انا كدة اتطمنت انى ممكن اعرف اطبخ احسن ابو العيال كاتم فى نفسه وساكت وبصراحة انا خايفة اشترك معاكم تدعوا عليا على العموم هاحاول اشجع نفسى واشترك معاكم ولحد ما اتشجع هاتفرج عليكم وانتم بتطبخوا اختي الحبيبة محبة لربها.. خلي بالك.. الأكل دة اكتر حاجة بيحبها الرجالة.. وعيزاه يحبك اكتر ادخليله من معدته.. دة غير انه بيفرح جدا لما بيلائي حد يفضل يقوله .. مراتك اكلها حلو اوي .. مراتك نفسها جميل في الأكل وياسلام بأة لو جه حد من اهله او اصحابه وعملتلهم اكلة حلوة.. هيبأة فرحان وفخور بيكي جدا.. وياريت تتشجعي واي وصفة تشوفيها هنا تجربيها علاطول.. وربنا معاكي ان شاء الله ياحبيبتي شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 16 مايو, 2006 ياست ام ادريس فين ياستي العدس.. بآلي يومين بقولك اعمليلنا عدس.. مستنية شوربة العدس :( حرام عليكو انا نفسي فيه اوي.. وياريت بأة تكتبيلنا العدس بالشعرية وبالرز وسادة.. يعني التلات طرق.. مستنياكي بأة اوعي تتأخري.. إحنا كدة متأخرين اوي محبة عائشة وخديجة شكلها كدة هتغلبنا كلنا :( وهتطلع هي الطباخة الماهرة وبصراحة تستاهل.. دي وجعتلي بطني وجوعتني اوي شارك هذه المشاركه رابط المشاركه شارك
مسك الجنان 2 أرسلي تقرير عن المشاركة قامت بالمشاركة 16 مايو, 2006 ما تقلقيش انا حادخل و اكتب لكو كل الحاجات اللي باعرف اعملها لكن بجد ردك ضحكني جداااااااااااااااااااااااااااااااا وبعدين ايه حكاية مية دافية من الحمام ؟؟ اوعي تكوني تقصدي يعني مية السخان.. اوعي تستخدمي مية السخان في أكل.. ابدا.. لأنها مضرة جدا جدا لأن السخان من الداخل معمول بمادة الرصاص وطبعا المية بتكون مركونة فيه..... دة غير ان الحكاية مش حكاية مية دافية او باردة انا كنت باهزر و الله مش قصدي احط مية من الحمام ابدا :grin: بالظبط زي الي بتجيبيها من برة (الفارم فريتس) بطاطس بره بتبقي مضرة جدا جدا جدا و ماما منعاها عندنا احسن حاجة للبطاطس انك تقليها نص قلية و بعدين تروحي حطاها في كيس و حطيها في الفريزر و سيبها يومين تلاتة و بعدين اقليها و حتلاقي زي بتاعة بره بالزبط و ده طريقة حلوة لحفظ البطاطس المحمرة و انها تكون موجودة بسهولة في اي وقت تحبي تقلي بطاطس او تعملي اكلة خفيفة تكون موجودة عندك في الفريزر و حتاخد اقل من 8 دقايق قلي و انتو عارفين طبعا نا الحاجات الخفيفة ده الولاد الصغيرين بيبحوها جدا و كمان الكبار اللي بيمتحنوا_(زي كده)_ و اي حاجة تحبوا تسالوا فيها بخصوص الاطفال بيحبوا ايه قولولي وا نا اقولكو علطول شارك هذه المشاركه رابط المشاركه شارك
الطامحة للجنة 0 أرسلي تقرير عن المشاركة قامت بالمشاركة 16 مايو, 2006 السلام عليكم ورحمة الله تعالى وبركاته مشكورة الحبيبة بنت الصادق على هدا الموضوع أصدقك القول والله إحنا محتاجين لدورات تدريبية في الطبخ :grin: :smile: :smile: :grin: إن شاء الله راه أشارك بوصفات مغربية الغنية واللديدة وسأتتبع التصنيف اللدي وضعته مشكورة شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 انك تقليها نص قلية و بعدين تروحي حطاها في كيس و حطيها في الفريزر و سيبها يومين تلاتة و بعدين اقليها و حتلاقي زي بتاعة بره بالزبط انا الطريقة الي قلتلك عليها دي هي هي نفسها الي انتي ذكرتيها بس لو انتي مستعجلة يعني ممكن تعمليها وهتبأة اكنك حفظتيها في الفريزر وكدة يا مصريات ربنا يسامحكو.. انا هبدأ في السلطات :( شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 أم ادريس لما تيجي ابقي اكتبي شوربة العدس.. انا هستناكي اوعي تنسيني دي اهم شوربة عندنا في مصر شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 اتفرجي عليا بأة ياست محبة عائشة وخديجة.. اتفرجي شوربة البطاطس والسبانخ المقادير: 1 بصلة متوسطة ومفرومة 2 ملعقة زيت زيتون ا سن توم مبشور ناعم أو مدقوق 1 ملعقة صغيرة من أوراق الزعتر المجفف 400 جرام بطاطس مقشرة ومفرومة خشن 4 أكواب (لتر) مرقة دجاج نص كوب مسحوق حليب حزمة سبانخ، عصير نصف ليمونة 2 حبة كرات كبير الحجم (اختياري) الطريقة: يسخن الزيت في قدر كبيرة ويضاف له البصل ثم الثوم والزعتر. ويغطى القدر يحمر الخليج على نار هادئة من 3 إلى 4 دقائق مع التحريك من وقت لآخر يغسل الكرات وترمى الأوراق الخارجية القاسية ويقطع قسميه الأبيض والأخضر إلى شرائح يضاف الكرات مع البطاطا إلى خليط البصل ويغطى القدر وتترك على النار من 3-4 دقائق أخرى مع التحريك مرة أو مرتين تضاف مرقة الدجاج وتترك القدر على النار حتى تغلي تخفف النار وتترك القدر على نار هادئة مدة 20 دقيقة أو حتى تصبح البطاطس طرية 4- تضاف السبانخ ويترك القدر على النار من 3-4 دقائق أخرى يضرب خليط الحساء على دفعات في الخلاط يضاف مسحوق الحليب للخلاط يقدم الحساء ساخنا أو يترك حتى يبرد قبل التقديم مباشرة يعصر قليل من عصير الليمون الحامض فوق وعاء التقديم. وبالهناء والشفاء شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 شوربة البصل المقادير: 2 ملعقة طعام زيت زيتون 2 ملعقة سمنة 6 بصلات متوسطة الحجم، مقشرة ومقطعة شرائح رفيعة ملعقة كبيرة سكر 4 كوب مرقة لحم توابل (ملح - فلفل اسود) القليل من الخل (حسب الرغبة) الطريقة: تسخن السمنة في القدر تضاف شرائح البصل وتحرك على نار خفيفة بين الوقت والآخر حتى يذبل البصل ويصفر لونه (من 20 إلى 25 دقيقة) ينثر السكر فوق البصر مع استمرار التقليب فوق النار لمدة 5 دقائق تضاف مرقة اللحم ثم يضاف الخل والملح والفلفل الأسود ويترك ليغلي مدة 15 دقيقة تقدم الشوربة مع شرائح الخبز الفرنسي المحمصة لعمل شرائح الخبز الفرنسي المحمصة، يقطع رغيف خبز فرنسي (فينو) إلى شرائح سميكة بعض الشيء وينثر فوقها جبن مبشور وتوضح تحت الشواية حتى يذوب الجبن وبالهنا والشفا شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 طريقة أخرى لشوربة البصل المقادير: ملعقتين كبار سمن 2 بصلة مفرومة ناعمة 4 اكواب حليب 1 ملعقة طحين (دقيق) 1 كوب جبنة موتزاريلا ملح - فلفل اسود حسب الرغبة الطريقة: تسخن الزبدة وتحمر البصلة المفرومة حتى يصفر لونها يضاف الطحين ويحرك حتى يزهر لونه يضاف الحليب مع التحريك المستمر ويضاف الملح والفلفل عند الغليان تخفف النار وتترك خمس دقائق تسكب في طبق عميق خاص بالفرن ويرش على الوجه الجبنة توضع في فرن ساخن لمدة 5 دقائق أو حتى تسيح الجبنة وتقدم ساخنة بالهنا والشفا شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 سيداتي.. آنساتي .. المرة الجية ان شاء الله اوعدكم بشوربة الجمبري.. السخنة اللزيزة.. التي بتتعمل مع اكلة سمك وجمبري.. استنوني :) شارك هذه المشاركه رابط المشاركه شارك
ام منه 0 أرسلي تقرير عن المشاركة قامت بالمشاركة 17 مايو, 2006 يا جماعه انا هشارك معاكم موافقه خلاص بس بالاكل بس هههههههههه وكمان فين الاكل الليبي الجميل اصل انا كنت مقيمه فى ليبيا مع والدى الله يرحمه ياسلام على البازين ولا لا الكسكسي ولابلاش ده كله الرشده احلى ولا الكم لاالعصيده ولا الجديد اللحمه الى منشفنها بالشمس صح الكلام انا عايزه اكل بازين بسرعه اعملوه انا مستنيا انا بصراحه زهقت من الاكل المصري عايزه اغير ما تزعلوش يا مصرين انا مصريه بس التنويع حلو شارك هذه المشاركه رابط المشاركه شارك
محبة عائشه وخديجه 0 أرسلي تقرير عن المشاركة قامت بالمشاركة 17 مايو, 2006 ما تقلقيش انا حادخل و اكتب لكو كل الحاجات اللي باعرف اعملها لكن بجد ردك ضحكني جداااااااااااااااااااااااااااااااا وبعدين ايه حكاية مية دافية من الحمام ؟؟ اوعي تكوني تقصدي يعني مية السخان.. اوعي تستخدمي مية السخان في أكل.. ابدا.. لأنها مضرة جدا جدا لأن السخان من الداخل معمول بمادة الرصاص وطبعا المية بتكون مركونة فيه..... دة غير ان الحكاية مش حكاية مية دافية او باردة انا كنت باهزر و الله مش قصدي احط مية من الحمام ابدا :blink: بالظبط زي الي بتجيبيها من برة (الفارم فريتس) بطاطس بره بتبقي مضرة جدا جدا جدا و ماما منعاها عندنا احسن حاجة للبطاطس انك تقليها نص قلية و بعدين تروحي حطاها في كيس و حطيها في الفريزر و سيبها يومين تلاتة و بعدين اقليها و حتلاقي زي بتاعة بره بالزبط و ده طريقة حلوة لحفظ البطاطس المحمرة و انها تكون موجودة بسهولة في اي وقت تحبي تقلي بطاطس او تعملي اكلة خفيفة تكون موجودة عندك في الفريزر و حتاخد اقل من 8 دقايق قلي و انتو عارفين طبعا نا الحاجات الخفيفة ده الولاد الصغيرين بيبحوها جدا و كمان الكبار اللي بيمتحنوا_(زي كده)_ و اي حاجة تحبوا تسالوا فيها بخصوص الاطفال بيحبوا ايه قولولي وا نا اقولكو علطول ياحبيبتي طلعتي طباخه وتعرفي تحفظي الأكل كمان على فكره راح أجرب البطاط الي قلت عليه لأن أطفالي يموتو عليه بس إذا طلع معفن أنا بفضحك في بنت الصادق وفي المنتدى كله اليوم راح أجربه يا حرام أنا جالسه أطبخ لحالي هناك ولا وحده خليجيه معاي وأنتوا هنا متأمرين عليا بس دايما القليل يغلب الكثير وأنا راح أفوز عليكم ههههههه شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 17 مايو, 2006 يا جماعه انا هشارك معاكم موافقه خلاص بس بالاكل بس ههههههههههوكمان فين الاكل الليبي الجميل اصل انا كنت مقيمه فى ليبيا مع والدى الله يرحمه ياسلام على البازين ولا لا الكسكسي ولابلاش ده كله الرشده احلى ولا الكم لاالعصيده ولا الجديد اللحمه الى منشفنها بالشمس صح الكلام انا عايزه اكل بازين بسرعه اعملوه انا مستنيا انا بصراحه زهقت من الاكل المصري عايزه اغير ما تزعلوش يا مصرين انا مصريه بس التنويع حلو أم منة.. الله يكرمك ياستي ايدك معانا يلا.. ولو تعرفي اكل ليبي.. انا عاملة موضوع لوحده للأكل الليبي.. ادخلي عليه واكتبي الأكلات الي تعرفيها شارك هذه المشاركه رابط المشاركه شارك
ام ادريس 0 أرسلي تقرير عن المشاركة قامت بالمشاركة 17 مايو, 2006 السلام عليكم ورحمة الله وبركاته طريقة عمل شوربة العدس 1/2 كيلو عدس عدد2 حبة طماطم عدد 1 بصلة عدد 2 حبة بطاطس عدد 2 جزر وقليل من الملح والفلفل والكمون طريقة الاستعمال: ينقع العدس ثم يغسل جيدا ثم نضعة فى اناء وعليه البطاطس والطماطم والبصل والجزر وقليل من الملح والفلفل والكمون حتى يستوى بعضها يبرد ويضرب فى الخلاط وبعدها نضع اناء اخر على النار ونحمر البصلة حتى تصفر ثم نضع العدس بعد ضربه فى الخلاط لمدة 10 دقائق وبعد ذلك نضع عليه قليل من الزبدة وبالهناء والشفا شارك هذه المشاركه رابط المشاركه شارك
ام ادريس 0 أرسلي تقرير عن المشاركة قامت بالمشاركة 17 مايو, 2006 عذرا بنت الصادق لو الكلام مش مرتب لانه ليس منقول بل مجرب وانا ممكن اقول لكى على وصفات كثيرة ولكن المشكلة عندى اسلوب الكلام والترنيب وانا مصرية تحت امرك فى اى حاجة شارك هذه المشاركه رابط المشاركه شارك
ام منه 0 أرسلي تقرير عن المشاركة قامت بالمشاركة 20 مايو, 2006 حساء كريمه المشروم المقادير زبده بصل مفروم صغير دقيق عادى مرقه دجاج او لحم ملح فلفل ابيض كريمه لبانى جبن فيتا للتزين الطريقه ينظف المشروم باستخدام منشفه ورقيه ولا يشطف بالماء يقطع كبير توضع الزبده على نار متوسطه ويشوح البصل قليلا يضاف اليه المشروم حتى يذبل يرفع قليل من المشروم للتزين يضاف الدقيق الى المشروم مع التقليب حتى يتداخل الدقيق مع المشروم ثم يتبل بالملح والفلفل يضاف المرق مع التقليب المستمر يترك على نار متوسطه حتى ينضج المشروم ويغلق عليه يضرب البصل والمشروم فى خلاط كهربائى حتى يصبح سائلا غليظا يضاف الكريمه اللبانى قبل التقديم مباشره ويزين بقطع المشروم والجبنه الفيتا وبالهنا والشفا شارك هذه المشاركه رابط المشاركه شارك
لاكرب وانت رب 0 أرسلي تقرير عن المشاركة قامت بالمشاركة 20 مايو, 2006 (معدل) ههههههههههههههههههههههههههههههههه والله أنتو بنات زى العسل ربنا يكرمكم أختى الحبيبة بنت الصادق فكرة رااااااااااااااااااائعه فعلا أنا كنت هأسألك خدتى الدورة ديه فين اصلى نفسى فيها من زمان ديه عندى احسن من اى شهادة........................ ديه اللى حاجه اللى بتنفع البنت عاملت ايه الشهادة يعنى بس للأسف ديه فى الكويت بس أنتى جزيت خيراً هاتوصلهالنا لغاية البيت أنا مبسوطه اوى بالملف ده حبيبتى كان نفسى أشارك معاكم بشكل منتظم للأسف بقالى سنتين مخلصة وقاعده فى البيت ومش بعرف كتير فى الأكل حتى تنضيف السمك لسه عارفاه قريب بس زى ماتقولى ماما بتقولى بدل مااقعد اشرحلك اكون ان طبخت وخلصت ومش بتحب تتعبنى ربنا يخليهالى يارب ومايحرمنيش منها ابداً مريحانى على طوووووووول إن شاء الله اتعلم منكم ويكون فى ميزان حسناتكم جميعا ولو عرفت حاجه حلوة ومظبوطه ان شاء الله اضيفها وان شاء الله لما اتجوز بس انتى ادعيلى كل مااعمل حاجه من اللى اتعلمتها منكم وتعجب الأستاذ هاندعيلك تم تعديل 20 مايو, 2006 بواسطة لاكرب وانت رب شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 20 مايو, 2006 يااااااااااااااااااااااه اخيرا يا ام ادريس حنيتي علينا وكتبتيلنا شوربة العدس.. الحمدلله.. ايدك معايا بأة عشان هنخش في السلطات شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 20 مايو, 2006 أنا كنت هأسألك خدتى الدورة ديه فين اصلى نفسى فيها من زمان ديه عندى احسن من اى شهادة........................ ههههههههههههه.. خدتها في البيت لأن ظروفي حكمت عليا بكدة والحمدلله انا كنت بنت مدلعة جدا جدا.. اروح الجامعة الضهر .. اجي بالليل اكل وانام.. دي كانت حياتي وماما بردو كانت بتكبر دماغها وتعمل كل حاجة بنفسها .. عشان انا لما بدخل المطبخ بتفضل تصوت وتقولي متدخليش تاني المهم.. الظروف حكمت اني اسافر لوحدي واقعد مع ابويا.. وكان خطيبي كمان هنا وخطيبي من النوع الي بيحب الأكل.. والبيت عندهم بيعملوا اكل ماشاء الله دخلت تحدي مع نفسي.. وقلت هقبل حل من اتنين.. يأما اكلي يبأة زي اكل مامته.. يأما يبأة احلا.. والحمدلله.. انا دلوقت بعد مااتعلمت بأيت تقريبا زيها.. وحعدي عليها قريب :) الدورة الي خدتها انا اقصد لأني اعدت لوحدي مع ابويا.. لمدة سنتين ودي لوحدها تكفي انها تعلمني شغل البيت.. لحد مالئيت ان الطبخ بالنسبالي متععععععععة.. مش مجرد وقفة مطبخ واطبخ واقلب.. لا طبعا وان شاء الله تتعلمي معانا الطبخ وتكوني احسن طباخة في الدنيا :) شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 20 مايو, 2006 عذرا بنت الصادق لو الكلام مش مرتب لانه ليس منقول بل مجرب وانا ممكن اقول لكى على وصفات كثيرة ولكن المشكلة عندى اسلوب الكلام والترنيب وانا مصرية تحت امرك فى اى حاجة ياام ادريس مش مهم مش مترتب.. اهم حاجة بس تكتبي وصفات.. يلا مستنيين جديدك :) شارك هذه المشاركه رابط المشاركه شارك
لاكرب وانت رب 0 أرسلي تقرير عن المشاركة قامت بالمشاركة 20 مايو, 2006 (معدل) هههههههههههههههه يعنى الحال من بعضه يعنى اتعلمتى فى البيت بجد افتكرت اخدتى دورة فى الطبخ فى مكان ما فى الكويت لأنى بسمع عن الدورات ديه بس أنتى دلوقتى باقيتى أستاذة جميل أن الواحد يتعلم ويعلم جزاك الله خيرا بوركتى أختى وتسلم ايديك مقدماً على الأكلات اللى أكيد إن شاء الله طعهمها راااااااااااااااائع الجميل أنك بتقولى المقادير بالظبط وديه مشكلة عندى الملح والفلفل مرة يجى كتير ومرة قليل إن شاء اتعلم واستفيد منك أكتر جزاك الله الجنة تم تعديل 20 مايو, 2006 بواسطة لاكرب وانت رب شارك هذه المشاركه رابط المشاركه شارك
Omtaym_ALLAH 11 أرسلي تقرير عن المشاركة قامت بالمشاركة 21 مايو, 2006 السلام عليكن اخواتى و الله تاركتنى بالمطبخ الشامى اكبكب لحالى و انتن هنا مجتمعات ؟؟؟:))) و الله بدى احشر حالى بيناتكن و بجيب معى طنجره شوربه عدس هاااااااااالقد و الطيب بيجمع :) على كل حتى بالعرس راحجيبها معى هههه على كل مبارك يا خيتى بارك الله لكما وبارك عليكما وجمع بينكماعاخير شوربه العدس على الطريقه المصريه حسب وصفه امى جزاها الله خيرا المقادير: نصف كأس صغيرة عدس اصفر نصف ملعقة سمنة نصف ملعقة ثوم 4الى 5 ملاعق من عصير الليمون القليل من الملح البهار الفلفل الكمون بطاطا ( بطاطس) قطع صغيرة جزرة مقطعه نفس الحجم كوسام قطعه نفس الحجم 4 مكعبات قرع مقطعه نفس الحجم طماطم ( بندوره مقطعه ) بصله مقطعه نفس الحجم ثوم مقطع قطع صغيره و محمر فى ملعقه زبد لحاله كوبين خبز مقطع مكعبات ( عيش فينو) و يرش عليه ملعقتى زيت و يقلب معه الثوم السابق و يدخل الفرن حتى نحصل على خبز كهرمانى لاستخدامه مع الشوربه الطريقة: نضع العدس على النار بعد ان نغمره بالماءونتركه يغلي حتى يستوي وكلما نقص الماء نزده ثم نضع القليل من الملح. في اناء اخر نقلي الثوم بالسمنة ثم نضعه فوق العدس ونضيف اليه عصير الليمون. و نضيف اليه باقى الخضروات و البهار لان العدس راح يستوى فى وقت اطول شوى بعدما يتم الطهى يبرد ثم يضرب بالخلاط و يسخن و يقدم معه الخبز الكروتون وبالهناء والشفاء شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 21 مايو, 2006 ديه بس أنتى دلوقتى باقيتى أستاذة جميل أن الواحد يتعلم ويعلم جزاك الله خيرا وجزاكي اختي الحبيبة.. والطبخ لازم ولابد انك تتعلميه.. لأن الست بتحب جدا الي يمدحها ويقول ان اكلها حلو اختي ام تيم الطريقة رائعة بارك الله فيكي.. بجد نشاطك ماشاء الله مش عرفة اقولك ايه.. ولو تعرفي اكلات مصرية تانية ادخلي واكتبيها..ا لمهم هنا مين الي هتطلع الطباخة الماهرة شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 21 مايو, 2006 شوربة الجمبري (الروبيان) المقادير: نص كيلو من الجمبري المنظف ، ثلاث رؤوس سمك نص كيلو طماطم، ضلعان من الكراتت، بصلة ثلاثة فصوص توم مدقوقة 2 ورقة لوري (ورق غار) ، ملعقة صغيرة ملح نص ملعقة صغيرة من ورق الزعتر الجاف، نص كوب زيت نباتي رشة من مسحوق الشمر، رشة من الزعفران، نص ملعقة صغيرة فلفل اسود الطريقة: ينظف الكرات ويزال القسم الأخضر منه ويقطع الجسم الأبيض إلى دوائر رقيقة يقشر البصل ويفرم ناعما وتقشر الطماطم وتقطع إلى قطع صغيرة خالية من البذر يقلى البصل والكرات بالزيت على نار هادئة مدة خمس دقائق ثم تضاف ثلاثة أرباع كمية الجمبري ورؤوس السمك والطماطم والثوم مع الزعتر وورق اللورا والملح والفلفل والشمر والزعفران مع لترين ماء يترك الخليط على نار هادئة مدة نصف ساعة ويوضع ما تبقى من الجمبري فوق المرق ويترك مدة عشر دقائق ثم يرفع الجمبري ويترك حتى يبرد ثم يقشر ويحتفظ به جانبا عندما ينضج الحساء ترفع منه رؤوس السمك ويطحن الحساء في المطحنة. يعاد على نار خفيفة ويضاف إليه الجمبري المقشر ويترك مدة عشر دقائق يقدم ساخنا مع الخبز الفرنسي وبالهنا والشفا شارك هذه المشاركه رابط المشاركه شارك