كوثرالدنيا 0 أرسلي تقرير عن المشاركة قامت بالمشاركة 24 مايو, 2006 السلام عليكم أنا دلوقتى حاسه إنى واقفه فى المطبخ وأولادى حواليه ومش عارفه أعمل منهم حاجه بس ححاول قبل بباهم مايجى من الشغل شوفو يا بنات أنا جربت طرق عدس كتييييييييييييييييييير جدا لكن الطريقه الوحيده اللى عجبتنى حقلكم عليها بس مشكلتى هى المقادير لأنى بشتغل بالبركه وعلى أد أسرتى اللى هى أربع أفراد العدس بالشعريه تقريبا نصف كيلو عدس أصفر بغسله وأحطه على النار ومعاه الماء لحد ما تغطيه وأسيبه يغلى وأقلبه من وقت للتانى لحد ما أحس إنه إستوى جدا يعنى إتهرى بشيله وأضربه فى الخلاط أحمر تقريبا أربع ملاعق شعريه وبعدين البصل بس البصل يتحمر لحد ميكون لونه أصفر غامق وبعدين أحط عليهم ملعقة كمون كبيره ووراها العدس لحد ما يغلى والشعريه تكون إستوت فيه والله لذيذ جدا وبعد ما أغرفه فى الأطباق بكون محمره بصل زى بتاع الكشرى وأرش شويه على كل طبق وبالهنا والشفا شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 24 مايو, 2006 الملوخبه بطريقة مامتى حبيبتى على شوربة لحمه بعد ما تستوى اللحمه بناخد تقريبا كوبيتين شوربه كبيره وبنحطهم على النار وبنحط معاهم بصله صغيره مبشوره وطمطمايه صغيره مبشوره ونسبهم يغلو مع الشوربه شويه وبعدين نحط الملوخيه وطبعا إذا حسينا إنها طخينه أوى بنخففها شويه ونحمر الثوم فى السمن وقرب ما يجى يتحمر نحط الكسبره لأن الكسبره بتمرر لما تتحمر كتير وبعدين نحطها على الملوخيه وأول ما تطش طبعا نسمى الأول وبعدين نشهق ونغطى عليها وإنتو عارفين الباقى وتكلوها بالهنا والشفا يمكن متكونش جديده لكن إتفقنا إنها تكون مجربه وحائزه على شهادة الأيزو شارك هذه المشاركه رابط المشاركه شارك
Omtaym_ALLAH 11 أرسلي تقرير عن المشاركة قامت بالمشاركة 25 مايو, 2006 السلام عليكن و رحمه الله و بركاته يالبنات الحوات بدى حدا فيكن يساويلنا شى طيب من المطبخ المصرى اظن تسمونه ( حواوشى ) لحم هبره بالخبز ، حاولت اساويه متل ما نساوى لحمالعجين و ما فلحت ، كييف تساوونه يالحبيبات بس وصفه مضمونه لانى بدى ساوييه و مشتاقتله كتير و يعطيكن الف عافيه شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 27 مايو, 2006 السلام عليكمأنا دلوقتى حاسه إنى واقفه فى المطبخ وأولادى حواليه ومش عارفه أعمل منهم حاجه بس ححاول قبل بباهم مايجى من الشغل ههههههههههه.. ربنا يكون فعونك وعقبالنا احنا كمان لما نحتاس زيك كدة.. العدس بجد شكله كدة طعمه لذيذذذذذذذذذذ جزاكي الله خيرا بس علافكرة احنا الإضافات الي بنحطها الي زي الجزر والبطاطس وكدة بنحطها عشان تبأة مفيدة.. عرفتي بس بجد طريقتك روعة وتسلم ايد مامتك عالملوخية ياجميل.. مردتيش عليا بالنسبة للطحينة شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 27 مايو, 2006 يالبنات الحوات بدى حدا فيكن يساويلنا شى طيب من المطبخ المصرى اظن تسمونه ( حواوشى ) لحم هبره بالخبز ، حاولت اساويه متل ما نساوى لحمالعجين و ما فلحت ، كييف تساوونه يالحبيبات بس وصفه مضمونه لانى بدى ساوييه و مشتاقتله كتير و يعطيكن الف عافيه اهلا بيكي اختي الحبيبة.. هرد عليكي واستني ردي ياجميل.. شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 27 مايو, 2006 السلام عليكم **ربنا يكون فعونك وعقبالنا احنا كمان لما نحتاس زيك كدة** **يارب يا أختى يارب** جزاكى الله خيرا على ثنائك من غير ما تتذوقى بس بأمر الله لما تتذوقيها حتدعيلى من قلبك شوفى ياستى الطحينه بالحمص إحنا طبعا بنسلق الحمص لحد ما يستوى بنحضر الطحينه عادى بالماء ومتكونش سميكه أوى ولا خفيفه نص ليمونه وملعقة خل وثلاثة فصوص ثوم وملعقة كمون نحطهم على الطحينه وبنكون فرمنا الحمص وسواء ناعم أوخشن شويه ده حسب الذوق وبنقلبهم كلهم مع بعض وبعدين الملح حسب ماتحبيها وممكن تحطى شطه أو البهارات إللى تحبيها لذيذه وبتشهى أما طحينة الزبادى مش عارفه والله حسأل وأرد عليكى والمخللات الحاجه الوحيده اللى أعرفها عنها هى أكلها وبس :cry: شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 27 مايو, 2006 حبيبتى بنت الصادق بعد إذنك أرد على أختنا أم تيم على أد ما بعرف**والموجود يسد** أختى أم تيم طبعا الحواوشى أكله ولا بعدها بجد جميله الوصفه السهله طبعا اللحمه بتتبل بالبصل بس تعصريه شويه بعد ما تبشريه عشان الماء اللى فيه بيهرى الخبز والبقدونس والفلفل الأخضر والفلفل الأسود وأى بهارات إنتى تفضليها الصعوبه طبعا فى العجين والزوجات السريعات زيينا بتروح المخبز وتتطلب عجينة الخبز الفينو وبتاخدها تقطعها على حسب حجم اللى يناسبها وتفرده وتحشى فيه مقدار من اللحم فى نصف الرغيف وبعدين تقفل النصف الثانى عليه والطرف بتلمه على بعض كويس. اما طربقة العجين مثلا حنقول 2كيلو دقيق مقدار 5 أكواب ماء دافىء مذاب فيه القليل من الملح ملعقة خميره صغيره مذابه فى ربع كوب ماء دافىء مع ملعقة سكر صغيره يرش الماء على العجين قليلا قليلا ويعجن باليد جيدا وتستمرى فى إضافة الماء على دفعات حتى يصير العجين متماسكا ولا يلتصق بيدك ثم تضيفى الخميره وتقلبى معها العجين جيدا ثم تقطعى العجين علىعدد الأرغفه التى تريدينها على هيئة دوائر متوسطة الحجم وتتركيه قرابة الساعه ليخمر ثم تفرديه وتتبع الخطوات السابقه وبالسدق طعمه ألذ وأطعم وبالهناء والشفاء :cry: شارك هذه المشاركه رابط المشاركه شارك
نيفين حمدي 0 أرسلي تقرير عن المشاركة قامت بالمشاركة 28 مايو, 2006 السلام عليكم و رحمة الله انا اول مرة هاشترك معاكم بس يا رب الاكل اللي هاكتبه علي قد ما باعرف يعجبكم هاقولكم علي خلطة حلوة للفراخ البانيه تخلي طعمها زي الفراخ بتاعة المطاعم المقادير 1/2 كيلو فراخ بانيه 2 بيضة 3/4 كوب دقيق 1 كوب زبادي 1كوب لبن او ماء ملح - فلفل - بهارات - قرفة ملعقة خل صغيرة للتحمير: بقسماط ناعم 2 كيس مرقة دجاج فورية الطريقة : - تخلط المكونات جميعا في الخلاط جيدا ثم نضع فيها الفراخ بعد غسلها جيدا و نتركها فيها لمدة ساعتين ع الاقل و بعد ذلك نخرجها من هذه الخلطة ونمسح باليد ما تبقي من اثار الخلطة عليها ثم نضعها في البقسماط المضاف له مرقة الدجاج الفورية ونحمرها في زيت غزير حتي يصير لونها ذهبيا وتقدم في طبق مفروش بالقدونس و بالهنا والشفا ملحوظة لا يستعمل البصل لان المصريين عادة بيتبلوها بالبصل شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 28 مايو, 2006 أخواتي الحبيبات انا رأيي ان الموضوع اتلخبط شوية وعندي فكرة كويسة.. انا هعمل موضوع تاني ابيض فيه كل الطبخات دي وبالتنسيق وكدة وهحط بجانب كل وصفة مين الي كتبتبها.. متفقين بس هنلائي وصفات متكررة وممكن نلائي طبخة معمولة بطريقة عادية وطبخة مثلا فيها إضافة زيادة.. يبأة طبعا هكتب الطبخة الي فيها إضافة جيدة عشان كلنا نستفيد.. خلاص اتفقنا.. يبأة هنكتب هنا وهبيض انا في الموضوع بتاع الأكلات المصرية.. ماشي يامصريات نيفين وكوثر.. ورونا همتكو شوية.. :) مش معقولة نكون كلنا مع بعض في المطبخ ولسة مخلصناش.. ادخلو المطبخ الخليجي شوفوه عامل ازاي :) شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 28 مايو, 2006 (معدل) يابنات.. موضوع الأكلات المصرية https://akhawat.islamway.net/forum/index.php?showtopic=21193 وانا نظمته وحطيت الأول السلطات والصلصات وبعدين الشوربات وبعد كدة لما يناسبني الوقت ان شاء الله هكتب بأة الأكلات التانية الي انتو قلته عليها.. اوك اسيبكو دلوقت تم تعديل 28 مايو, 2006 بواسطة بنت الصادق شارك هذه المشاركه رابط المشاركه شارك
نيفين حمدي 0 أرسلي تقرير عن المشاركة قامت بالمشاركة 29 مايو, 2006 الكفتة 1كيلو لحمة مفرومة بصلة كبيرة 2 بيضة ملح - فلفل - -بهارات - قرفة بقدونس مفروم ناعما 1/2 كوب بقسماط ناعم الطريقة: - تبشر البصلة ثم تعصر باليد لاخذ مائها وقليل من البصلة نفسها ربعها تقريبا ثم اضيف البيض علي هذا الماء ثم التوابل ثم اضيف اللحمة المفرومة ثم البقدونس واقلبهم جيدا معا ثم ابدا في اضافة البقسماط شيئا فشيئا حتي يتماسك قوام الكفتة و يسهل تشكيلها *ملحوظة لا اضيف البقسماط مرة واحدة ولا اضعه بكمية كبيرة حتي لا تصبح الكفتة ناشفة ولكن قليلا قليلا حتي تبدا الكفتة في التماسك ويسهل تشكيلها تشكل الكفتة علي شكل اصابع او دوائر علي حسب الرغبة ثم توضع في صينية مدهونة بالزيت دهنا خفيفا وتدخل الفرن و بعد 10 دقائق تقريبا نفتح الفرن و نقلبها علي الوجه الاخر اذا كان الوجه الاول قد نضج و فور خروجها من الفرن نضيف لها قطعة فحم في فنجان صغير سبق تسخينها علي النار حتي ابييض لونها مضاف لها قليل من الزيت وتوضع في الصينية وتغطي الصينية مدة 10 دقائق ثم توضع الكفتة في طبق التقديم وبالهنا والشفا0 شارك هذه المشاركه رابط المشاركه شارك
نيفين حمدي 0 أرسلي تقرير عن المشاركة قامت بالمشاركة 29 مايو, 2006 صينية الرقاق باللحم المفروم ================== المقادير ========== عدد 12 ورقة رقاق مصرى جاف مرقة لحم او مرقة عظام دسمة الى حد ما 1/2 كيلو لحم مفروم ومعصج 1/4 كوب سمن الطريقة ========== 1-نجهز المرقة الساخنة وندهن صينية بقليل من السمن نأخذ كل ورقة رقاق على حده ونغمسها فى المرؤقة ونضعها فى الصينية ونرش قليل من السمن ...(يمكن ان نذيب السمن مع المرقة لاختصار الخطوات وهكذا دواليك حتى يكتمل 6 طبقات من الرقاق المغموس بالمرقة نضع اللحم العصاج بالتساوى على السطح نكرر الخطوة رقم 1 باضافة باقى الرقاقات بعد غمسها بالمرقة نصب قليلا من المرقة على كامل الصينية وتدخل فرنا حار حتى يتورق ويحمر الوجه وبالهنا والشفا علي فكرة الفرن بينشف الرقاق الاحسن تغطي الصينية بغطاء محكم وتضعيها علي البوتاجاز من فوق وتكون النار هادية اوي وبع د 1/4 ساعة تقريبا وبواسطة ملعقة نرفع اخر طبقة في الصينية للتاكد من نضجها ثم تقلب الصيينية علي الغطاء ويعاد الرقاق الي الصينية مرة اخري بعد قلبه علي الوجه الاخر ثم يوضع علي النار حتي ينضج هو ايضا شارك هذه المشاركه رابط المشاركه شارك
نيفين حمدي 0 أرسلي تقرير عن المشاركة قامت بالمشاركة 29 مايو, 2006 البطاطس المهروسة (سلطة او وجبة رئيسية) المقادير: 4 بطاطس متوسطة الحجم مسلوقة.. حزمة بقدونس مغسولة ومقطعة قطع صغيرة ربع كوب خل 2 فص توم مهروس مع (ملح - فلفل اسود - شطة - نص قرن فلفل أخضر) ربع كوب زيت نباتي الطريقة: بعد سلق البطاطس نتركها حتى تبرد ثم نقوم بتقشيرها ونهرسها جيدا بالشوكة نضع عليها البقدونس والخل والتوم والزيت نقوم بالتقليب جيدا ثم نزين الطبق بالشطة الحمرا وبالهنا والشفا حلوة فعلا الطريقة دي و في كمان عندي طريقتين للبطاطس المهروسة الطريقة الاولي / يقلي البيض بالطريقة العادية وعندما يتماسك نضيف البطاطس المهروسة و يقلبا معا لمدة دقيقتين علي النار ثم تقدم0 الطريقة الثانية / بعد ان نهرس البطاطس جيدا نضيف لها 2 ملعقة كبيرة مايونيز, ملعقة خل ,ملعقة زيت, جزر مبشور, فلفل اخضر مقطع قطع صغيرة, خص, بقدونس, ملح, فلفل و ممكن جرجير او اي خضار تاني عندك و بالهنا والشفا شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 29 مايو, 2006 اختي الحبيبة نيفين.. مشكورة على مجهودك حبيبتي.. :) وياريت لو تعرفي او حد يعرف يقولنا طريقة الفتة بالكوارع.. والممبار.. وورق العنب يتفضل يقول :) شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 السلام عليكم أنا جيت :oops: نيمت الأولاد وخرجت بباهم وجتلكم فتة الكوارع إحنا طبعا بنجيب الكوارع مقطعه وإحنا بنضفها ونزيل الشعيرات الصغيره بطريقه سهله بنمسك القطعه اللى فيها شعر ونمشيها على النار من بعيد وبيتحرق الشعر وبيخف بنسبه كبيره تسلق الكوارع فى ماء به ملح وفلفل أسود وبصله مقطعه {وأى بهارات إنتى تفضليها} حتى تصل إلى النضج التام نحمر خمس فصوص من الثوم فى ملعقة سمن ثم نضيف الخل حسب الرغبه يرش الخل والثوم على الكوارع وتوضع فى الفرن يحمر الخبز بالسمن ويوضع عليه بعض الشوربه ثم الأرز الأبيض ثم يرش كثير من الفلفل الأسود على وجه الأرز ثم نضع الثوم المحمر بالسمن مع الخل على الفته{بنحمر ثوم تانى مش اللى حطناه على الكوارع!!! :oops: بالهناء والشفاء شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 العظبان{الممبار } طريقة التنظيف طبعا عارفينها الخلطه أرز{حسب عدد أفراد الأسره} حزمة بقدونس وشبت وكسبره خضراء فلفل أسود بس كتروه شويه 5 ملاعق زيت ملعقتان سمن أو زبده 2بصله متوسطه الملح تخرط الخضره مع البصل ثم يغسل الأرز جيدا وتوضع عليه كل المقادير متنسوش الصلصه أو عصير الطماطم تقلب الخلطه جيدا ثم يحشى العظبان قبل أن تحشى العظبان ضعى حله {طنجره}كبيره على النار وإملئيها حتى ربعها أو أعلى قليلا وإتركيها حتى تغلى وضعى فيها قليلا من الخلطه ولكن بدون الأرز{فقط قليل من الخضره مع الصلصه} وضعى العظبان فى الماء المغلى وإرقبيه حتى يسوى{وذلك بالضغط عليه بملعقه} ثم أخرجى العظبان إقدحى السمن حت تقلى العظبان ما بقى فى الحله فهو للشوربه{وهى رائعه} وللفته نحمر الخبز ونضع عليه الأرز الذى خرج من العظبان أثناء غليه والشوربه وبالهناء ولشفاء :oops: شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 ورق العنب نقص قمع ورق العنب نضع ماء فى صينيه بها القليل من الملح وعصير الليمون ونضعه على النار حتى يغلى ونطفىء النار نضع ورق العنب فى الماء المغلى ويقلب حت يتغير لونه الأخضر إلى كمونى الخلطه أرز{حسب عدد أفراد الأسره} حزمة بقدونس وشبت وكسبره خضراء فلفل أسود بس كتروه شويه 5 ملاعق زيت ملعقتان سمن أو زبده 2بصله متوسطه الملح تخرط الخضره مع البصل ثم يغسل الأرز جيدا وتوضع عليه كل المقادير متنسوش الصلصه أو عصير الطماطم تقلب الخلطه جيدا ثم يحشى ورق العنب ويرص فى الإناء الذى سيسوى فيه ونضع عليه قليلا من صلصة الخلطه المتبقيه ويوضع على النار يغلى قليلا ثم توطى النار حتى تمام النضج بالعافيه شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 يا بنااااااااااااااااااااااااات حد يجرب ويقولى أصل زوجى بيعجبه أكلى وعاوزه أعرف إن كان بجدولا!!!!!!!!!!!!!!!!!!!!!!!!!!!!!!!!!!!!!!! والله إنى أحبكم فى الله شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 يا بنااااااااااااااااااااااااات حد يجرب ويقولى أصل زوجى بيعجبه أكلى وعاوزه أعرف إن كان بجدولا!!!!!!!!!!!!!!!!!!!!!!!!!!!!!!!!!!!!!!! والله إنى أحبكم فى الله :oops: شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 يا بنااااااااااااااااااااااااات حد يجرب ويقولى أصل زوجى بيعجبه أكلى وعاوزه أعرف إن كان بجدولا!!!!!!!!!!!!!!!!!!!!!!!!!!!!!!!!!!!!!!! والله إنى أحبكم فى الله شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 يا بنااااااااااااااااااااااااات حد يجرب ويقولى أصل زوجى بيعجبه أكلى وعاوزه أعرف إن كان بجدولا!!!!!!!!!!!!!!!!!!!!!!!!!!!!!!!!!!!!!!! والله إنى أحبكم فى الله شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 : icon17: العدس أبو جبه نصف كيلو عدس بنى بصله كبيره ثلاثة فصوص ثوم مفروم مع ملعقة كمون أربع ملاعق صلصه الطريقه يسلق العدس حتى تمام النضج{لا نجعل الماء يجف بل يجب أن نبقى به قليل من الماء} يخرط البصل ثم يحمر فى السمن حتى يصفر لونه ثم نضع عليه الصلصه المذابه فى الماء نتركه حت يسبك مع الطماطم ثم نضعه على العس ونتركه حتى يغلى ثم نضع الثوم والكمون يغلى العدس قليلا ونظبط الملح بألف هنا يا رب شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 الكبده الإسكندرانى{بس إسكندرانى بجد} شوفو يابنات وخصوصا حبيبتى بنت الصادق الكبده الإسكندرانى لا بتتبل قبل ما تتعمل ولابيتحط عليها بصل أبداوبتتعمل بالزيت مش بالسمن الطريقه الكبده مقطعه إسكندرانى {ترنشات رفيعه وصغيره}نصف كيلو ربع كوب صغير زيت 2 فلفل أخضر مقطع 10فصوص ثوم كبيره مفرومه 2ليمونه ملعقة كمون كبيره قليل من الشطه الطريقه نضع الزيت على النار حتى يسخن قليلا نعصر فيه ليمونه نضع نصف كمية الثوم والفلفل الأخضر فى الزيت ويقلب قليلا ثم نضع الكبده تقلب برفق وتترك حتى إختفاء اللون الأحمر توطى النار نضع الكمون على كمية الثوم المتبقيه فى ربع كوب ماء ويقلب جيدا ثم يوضع على الكبده نقلب برفق ونتركها حتى تنضج بعد غرفها نعصر عليها الليمونه المتبقيه مع خبز إيرانى بقى حكايه إدعولى يابنات شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 البطاطس البيوريه 1,5كيلو بطاطس 3ملعق سمن كبيره نصف كيلو لحمه مفرومه {عصاج} تسلق البطاطس وتوضع عليها السمن وتهرس جيدا تدهن الصينيه سمن وترص طبقه من البطاطس ثم نضع اللحمه المعصجه بالبصل ثم نضع طبقة البطاطس الأخرى تترك بالثلاجه لتبرد ثم يدهن سطحها بصفار البيض مع قليل من الفلفل الأسود توضع بالفرن حتى إحمرار وجهها بالهنا والشفا :oops: شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 ملحوظه سريعه بدل ما نضع طبقه من البشاميل فى الصينيه قبل المكرونه نقلب المكرونه مع كبشه كبيره بشاميل قبل ما نضعها فى الصينيه وبعد ما نرص اللحمه نضع كبشة بشاميل عليها نصيحه قبل تسوية البشاميل ضعيها بالثلاجه مش أقل من ساعه وحتشوفى النتيجه وكل ما زادت عدد الساعات كل ما كانت أطعم ولا تضعى البيض إلا قبل دخولها الفرن مباشرة وجربى أن تصنعى البشاميل بدون أى بيض{لذيييييييييييييييييييييييييييييييذ} شارك هذه المشاركه رابط المشاركه شارك
