كوثرالدنيا 0 أرسلي تقرير عن المشاركة قامت بالمشاركة 29 مايو, 2006 الكشرى الإسكندرانى كيلو أرز ربع كيلوعدس أصفر بصله الطريقه نغسل الأرز مع العدس جيدا نحمر البصله بعد تخريطها فى ملعقتان زيت وملعقة سمن بعد أن تصل البصله إلى اللون البنى الفاتح نخرج البصل من الزيت نضع على عدد أكواب الأرز ماء ونتركه حتى يغلى نضع الأرز فى الماء ونتركه حت يجف الماء ثم نضعه على نار هادئه وبعد مرور القليل من الوقت نرش ثلاث ملاعق من الزيت على سطح الأرز ونتركه حتى ينضج مع السمك المشوى روعه بالهنا والشفا شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 الأرز الأحمر كيلو أرز ملعقتان سمن ثلاث ملاعق صلصه كبيره مذابه فى الماء الطريقه نضع السمن حتى يسخن ثم نضع الصلصه نتركها حتى تتسبك نضيف الماء بعدد أكواب الأرز وبعد أن يغلى الماء مع الصلصه نضع الأرز وبعد جفاف الماء يوضع على نار هادئه حتى ينضج أرز السمك المشوى والسمك الصينيه :oops: الأرز البنى كيلو أرز بصله كبيره مخرطه 5 ملاعق زيت الطريقه نضع الزيت على النار حتى يسخن نضع البصل حتى يصبح لونه بنى غامق جدا{مش اسود :oops: } ثم نضع الماء بعدد أكواب الأرز يغلى الماء جيدا يوضع الأرز ثم نفس خطوات الأرز ده أرز السمك المقلى وبرده الصينيه ملحوظه كل الأرز مصرى :oops: شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 العجه حزمة بقدونس مخرطه 4 بيضات كبيره ملعقه صغيره بنج بودر ملعقه كبيره دقيق 2بصله متوسطه الطريقه يخرط البصل ويحمر حتى يصفر لونه{زيت أو سمن لكن الأفضل زيت} يوضع البقدونس ويقلب لمدة 3 دقائق مع البصل أطفئى النار ضعى ملعقة الدقيق والبكنج بودر وقلبيهم مع البصل والبقدونس ضعى عليهم البيض وقلبى جيدا تدهن الصينيه بالزيت ويوضع فيها الخليط وتوضع فى الفرن حتى تمام النضج الشكشوكه عدد البيض حسب عدد الأفراد بصله كبيره فلفل أخضر مخرط 4 ملاعق صلصه ملح وفلفل أسود الطريقه يحمر البصل فى السمن حتى يصفر لونه نضع الفلفل ويقلب مع البصل قليلا ثم توضع الصلصه المذابه فى الماء حتى تتسبك ونضع الملح والفلفل ثم نضع كوب ونصف ماء حتى يغلى قليلا نجعل النار هادئه نضع البيض الواحده تلو الأخرى ونبتعد قليلا عند وضع كل بيضه حتى لا تلتصق بالأخرى نغطى الصينيه ونجعل النار معتدله حتى تمام النضج شارك هذه المشاركه رابط المشاركه شارك
كوثرالدنيا 0 أرسلي تقرير عن المشاركة قامت بالمشاركة 29 مايو, 2006 خلطات مجربه للفراخ بقدونس مخرط&بصله مخرطه&فلفل أسود&قليل من الملح&ملعقتان صلصه&ملعقتان زيت{يقلبو جميعا وتدهن بهم الفرخه المسلوقه وتوضع بالفرن} ثلاث ملاعق صلصه كبيره&فلفل أسود&ثلاث ملاعق زيت&قليل من الملح{يقلبو جميعا وتدهن بهم الفرخه المسلوقه وتوضع بالفرن} دقيق ويوضع عليه جميع التوابل التى تفضلينها بجانب الملح والفلفل الأسود{تتبل به الفراخ المسلوقه وتقلى فى الزيت} شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 30 مايو, 2006 اختي الحبيبة كوثر الدنيا.. ماشاء الله ربنا يبارك فيكي مجهودك واضح وكتبتي اكل كتير هنقله ان شاءالله تعالى في موضوع الأكلات المصرية بالترتيب.. ايه يامصريات فين بقيتكوو.. انتو فين حبيبتي كوثر الدنيا.. معلش ممكن تقوليلنا طريقة تنظيف الممبار بالظبط.. لأن احنا هنا بنعلم البنات بالظبط يعملو ايه من الألف للياء وفي كتير ميعرفوش طريقة تنظيفه.. معلش ممكن تقولي :) انا عارفة هتنيمي الأولا د تاني وتخرجي باباهم تاني.. بس هنعمل ايه بأة :) وجزاكي الله خيرا حبيبتي شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 30 مايو, 2006 اخواتي المصريات انا خلصت تقريبا كل الطبيخ ماعدا الخبيزة والسبانخ والقلقاس والفول المفصص ها يبنات في حاجة تانية ؟؟ انا هكتبهم ان شاء الله المرة الجية.. كلهم مع بعض.. ادخلو علا موضوع الأكلات المصرية وشوفو كدة لو في حاجة ناقصة قولولي عليها وبعد ما اخلص الطبيخ بإذن الله تعالى.. هكتب بأة الرز وأنواعه.. رز السمك والرز الأبيض والفتة والرز بالخلطة والرز بالكبد والكلاوي.... إلخ وبعدين هخش في اللحوم والفراخ والأسماك وبعدين المعجنات (المكرونات والفطائر بأنواعها..) وبعد كدة هتكلم عن البقوليات بأنواعها (الفول المدمس - العدس ابو جبة - الطعمية وطريقة صنعها - الفول بالزيت والليمون- الفول الاسكندراني - الفول بالبيض والزبدة وغيره.. ) انا قلت بس اقولكو عالترتيب الي همشي بيه عشان محدش يقلق ان وصفته متكتبتش.. ماشي وعشان كمان لو حاجة ناقصة اكتبها طبعا بعد كدة هنتكلم عن المشروبات الساخنة والباردة طريقة عمل الشاي والقهوة والنسكافيه والكاكاو واحسن طرق صنعها العصائر بأنواعها.. وآخر حاجة هتكلم فيها يبنات الحلويات. خلاص اتفقنا وانا هقسم الأيام عشان منتوهش.. انا ادامي بالظبط اسبوعين .. الاسبوع الجي والي بعده..وبعد كدة هطبع الملفات بجميع اكلات البلاد التانية وهاخدها معايا عشان اتجوز :) بقية الأسبوع دة هخلص بقية الطبيخ الخبيزة والسبانخ والقلقاس والفول المفصص الاسبوع الجي بإذن الله تعالى هخلص انواع الرز كلها وهخلص معاها اللحوم والدجاج والأسماك الأسبوع الي بعده ان شاء الله هخلص المعجنات والبقول بأنواعهم.. ولو في وقت تاني وربنا كتبلي اني مسبكوش ابل الأسبوعين هكتب معاكو العصائر والحلويات. وادعو يابنات نقدر نخلص كل دة في خلال الأسبوعين الي جيين دول.. المهم دلوقت انا عيزاكو تكتبو جميع انواع الرز الي تعرفوه كوثر الدنيا وام منة و ام ادريس ونيفين انتو فين. .. وروني همتكو عيزة اللحوم بأنواعها والفراخ والأسماك وياريت كمان لو طريقة التنظيف انا عيزة الملف دة كامل من كل حاجة لأي بنت مبتعرفش حتى تعمل كوباية شاي.. كل حاجة هكتبها هنا.. وكل الي نعرفه عن الطبخ هنكتبه.. ماشي.. يلا اسيبكو دلوقت في حفظ الله تعالى :) شارك هذه المشاركه رابط المشاركه شارك
محبة لربها 1 أرسلي تقرير عن المشاركة قامت بالمشاركة 31 مايو, 2006 (معدل) اخواتى اليكن طريقة الممبار اللى اعرفها اولا عملية الغسل تجيبى الممبار بالكمية المناسبة ليكى وبعدين تقلبية يعنى تخلى داخل الممبار من الخارج وبالسكين تبدأى تشيلى الطبقة اللذجة اللى عليه وبعدين تدعكيه بملح كويس جدا وبعدين تغسليه بماء جارى كويس جدا جدا جدا يراعى يا اخوات عملية الغسل دى كويس جدا بعد ما غسلنا الممبار نحشية من الداخل بخلطة ارز وممكن لسهولة الحشو تقسمى الواحدة الطويلة من الممبار الى جزئين ولكى خيارين فى الخلطة المستخدمة: اما تحشية بأرز بخلطة زى بتاعة المحشى بالضبط او انك تستعملى مع الارز خلطة نى فى نى ودى الممبار بيها بيكون اطعم وطريقتها: تقطعى الطماطم قطع صغيرة وكذلك البصل والخضرة (بقدونس وشبت وكزبرة)وتضيفى عليهم الارز المغسول والمصفى جيدا وتضيفى كمان عليهم زيت وتوابل( فلفل اسمر و بهار وقليل من الشطة الحمراء )وللعلم ان الاكلة دى لما تكون متبلة كويس ومشطشطة بتكون الذ بكتيييييير تبداى تحشى الممبار من الداخل وتراعى ان لا يكون مملوء لا زم يكون فى من الداخل فراغ علشان هو هيكش والارز هيزيد فممكن الممبار يتقطع لا قدر الله والارز يخرج منه وبكدة تكون الكلة باظت بعد ما تنتهى من حشو الممبار ودة هياخد منك وقت مش قليل تكونى مجهزة ماء على النار لحد لما يغلى تبداى تحطى الممبار فى الماء المغلى ويكون بكميات قليلة يعنى مش كله مرة واحدة وتنتظرى لحد لما يستوى وتختبرى السوا بغرز شوكة فى واحدة ممبار بس تاخدى بالك لاحسن يتقطع بعد تمام سواء الكمية كلها تكونى مصفياها من ماء السلق فى مصفاة تجهزى طاسة فيها زيت وتبدأى تقلبيه فى الزيت لحد لما يحمر من جميع الجهات وتخرجى على ورق مناديل للتخلص من الزيت الزيادة وبعدين تقطعيه بسكين حاد لشرائح مستديرة وترصيه فى طبق. ودى الطريقة اللى اعرفها وبالف هنا وشفا وما تنسوش تدعو لى بس اوعوا تدعوا عليا تم تعديل 31 مايو, 2006 بواسطة محبة لربها شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 3 يونيو, 2006 بارك الله فيكي اختي الحبيبة محبة لربها ربنا ميحرمنيش منك يارب.. انا دلوقت هحطه في الموضوع التاني.. شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 4 يونيو, 2006 ها يمصريات انتو سبتوني ورحتو فين مينفعش كدة انا خلصت الأرز بأنواعه.. ودة الرابط عشان تشوفو الموضوع لو في حاجة ناقصة من الشوربات والسلطات والطبيخ والأرز بأنواعه https://akhawat.islamway.net/forum/index.ph...pic=21193&st=60 المهم ربنا يباركلكم انا عيزة دلوقت طريقة تخليل الفلفل والطرشي والزتون واللمون والحاجات دي وطريقة تخليل السلامون وكمان طريقة الصيادية.. (صينية السمك) ربنا يخليكو متسيبونيش شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 4 يونيو, 2006 كمان عشان لما ابدا في المعجنات حد يكتبلي طريقة اللازانيا.. والفطير المشلتت.. وفطيرة البيتزا.. وكدة.. يعني اي حاجة فيها عجين يلا يبنات متنسونيش :( شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 5 يونيو, 2006 سؤال : اريد عمل الخبيزه المصريه فهل من ناصحه ؟و كيف اجدها فى الاسواق هل لها اسم معروف بالانجليزيه او الفرنسيه ؟ مشكورات :) الأخت الحبيبة ام تيم الله.. وضعت لكي افضل طريقة للخبيزة بارك الله فيكي.. الخبيزة بصراحة لا اعلم لها أي اسم آخر:( شارك هذه المشاركه رابط المشاركه شارك
Omtaym_ALLAH 11 أرسلي تقرير عن المشاركة قامت بالمشاركة 9 يونيو, 2006 يسلموا خبيزاتك :) شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 10 يونيو, 2006 الله يسلمك ياجميل :) شارك هذه المشاركه رابط المشاركه شارك
بنت الصادق 9 أرسلي تقرير عن المشاركة قامت بالمشاركة 20 يونيو, 2006 أخواتي الحبيبات أعلن اني قد انتهيت في ملف الأكلات المصرية من الآتي: اولا الشوربات ثانيا السلطات ثالثا المقبلات رابعا الطبيخ خامسا اللحوم بأنواها سادسا البقوليات سابعا المعجنات وسأسلم لكن حبيباتي الموضوع بعد ذلك لتكملوه انتن بالنيابة عني.. لأني سأتغيب بإذن الله تعالى فقط ما ينقص هو الحلويات والمشروبات الباردة والساخنة.. ارجو المتابعة بارك الله فيكن :) شارك هذه المشاركه رابط المشاركه شارك
مروة ماهر 0 أرسلي تقرير عن المشاركة قامت بالمشاركة 10 يناير, 2009 السلام عليكم حبيباتي انا عضوة جديدة معاكم وبجد اقتراحكم رائع لان بمعني اصح نفسي اتعلم اكون طباخة بريمو انا بعمل اكلات لكن مش كتير قوي علي قدي كده وان شاء الله اساعدكم باللي بعرف اعمله وربنا يكرمكن جميعا شارك هذه المشاركه رابط المشاركه شارك
