تجمع الحوامل ارجومن كل حامل تدخل وتشاركنا

[~~أم أسيل~~ 26]

السلام عليكم ورحمة الله وبركاته،،

 

أم عبد الله .. معلش ينفع حماتي أم الزوج لأن اخو زوجي بالجيش :( الصراحة شيء سخيف جدا يعني هننأيدهم بأبهات تانية :(

[درصاف 73]

السلام عليكم ورحمة الله وبركاته،

 

أم عبد الله جزاكِ الله خيرا على النصيحة ياغالية. الحمد لله توقفت عن أكل المثلجات وأحاول أن لا أشرب البارد..

ولم يُعاودني الإسهال ولله الحمد..

 

جزاكِ الله خيرا "اللهم ارحمني وزوجي"على النصيحة..

هناك نصيحة أخرى سمعتها من أخت جرّبت ذلك، وهي الإكثار من أكل الزبيب خلال الحمل..

قالت لي أنه يساهم، بفضل الله، في زيادة درجة ذكاء الطفل وقوة حفظه.. والله أعلم..

وقد لاحظتْ ذلك في ابنتها، على عكس ابنها الاول فلم تأكل زبيب عند حملها به..

 

توتي عوداً حميدا ياغالية..

 

أم أسول يارب ييسر لكِ وتجدي حل سريع..

طمنينا عن أسول عاملة إيه معاكِ (:

 

غدا إن شاء الله عندي اختبار مع الطبيبة المختصة في الحمل..

أسأل الله أن ييسر ما فيه الخير..

[توتى سمسم 8]

حبيباتى

درصاف جزاك الله خيرا

أم أسيل ربنا يسهلك الامور حبيبتى

أم عبدالله يعنى ايه ساقط قيد اسمعها لكن ايه المشكلة فيها اعتقد عادى ولا ايه؟

أم مصعب إن شاء الله ايه ده سى مصعب شغلك عننا ولا ايه طمنينا عليكى حبيبتى

[ام مصعب 953 0]

السلام عليكم وحشتونى كتير معلش انا اتشغلت عنكم لانى كنت تعبانه شويه كان عندى سخونيه وانخفاض شديد فى ضغط الدم واستمريت يومين على هذه الحال وبعدين ذهبت للطبيبه وقررت انى لازم اقعد فى المستشفى عشان اعلق محاليل لخفض درجة الحراره ولرفع الضغط والحمد لله ربنا عافانى لكن طلبت تحاليل لمعرفة سبب السخونيه وكانت شاكه فى تيفود بس الحمد لله مطلعش فى لكن اكتشفنا نقص شديد فى الحديد وتكسير فى صفائح الدم وانا الان بعلق محاليل يوم ويوم لتعديل نسبة الحديد واحتمال اعلق كيسين دم بالله عليكم ادعولى انا بحمد ربنا على كل حال لكن خايفه على بنتى اوى وكمان على الجنين خايفه يتاثر وكمان الدكتوره خايفه ليحصل ولاده دلوقتى اقبل اما اعلق الدم لان ده خطر على ادعولى ربنا يقدر لى الخير واتمنى تكونو جميعا بخير

[ام مصعب 953 0]

انا قرات اخبار حلوه فى الصفحه اللى قبل دى مبارك ام بلال ربنا يبارك لك فى بنوتك وام مصعب الف مبروك على الحمل ربنا يتملك على خير وعقبال كل الاخوات معلش اتاخرت فى التهنئه بس بقالى كتير مدخلتش وام اسيل وحشتينى ربنا يتم لك على خير ويهون عليكى ودرصاف الغاليه انا عرفت ان البيض بيزود نسبة الزلال وده اللى بيسبب تورم فى القدمين ربنا يعينك باقى الاخوات اتمنى تكونو بخير والغاليه توتى وكلكم متزعلوش لو نسيت حد ربنا يهون علينا جميعا

[توتى سمسم 8]

حبيبتى أم مصعب 953 ربنا ييسرلك الخير يارب وتقومى بالسلامة يارب إن شاء الله خير حبيبتى طمنينا عليكى دايما

[~~أم أسيل~~ 26]

السلام عليكم ورحمة الله وبركاته،،

 

ربنا يعينك يا ام مصعب وشفاكِ الله وعفاكِ

[ام مصعب 953 0]

جزاكم الله خيرا ام اسيل وتوتى على الدعاء متنسونيش بالله عليكم ادعولى كتير انا الحمد لله احسن من الاول هخلص المحاليل يوم الجمعه واعمل تحليل عشان اشوف نسبة الحديد عملت ايه وبعدين ممكن احتاج دم ربنا يقدر الخير

[نور عيوني 0]

السلام عليكــم ورحمـة الله وبركاتــة ،،

انا سعيدة جدا لأنضمامي اخيرا الى ركن الحوامل

لكن قدر الله و ما شاء فعل

الموضوع اني حللت الدم لمعرفة الحمل طلع ايجابي بس ضعيف و المطلوب اني اعيد التحليل مرة اخرى و لكن الأمس نزل علي دم بني و اليوم احمر غامق

انا سبق و اجهضت في حمل سابق لي و كان عمره شهر و نصف و لذلك نصحتني الدكتورة انا اخد اسبرين اطفال قبل ميعاد الدورة بعشرة ايام مع العلم اني اخد هذا الشهر كلوميد

فهل هذا الحمل ضعيف و هذا الدم انذار بالإجهاض انا حاليا اخد المثبت دوفاستون و اسبرين الأطفال هل اسبرين الأطفال هو سبب نزول الدم ؟فهل هناك شيىء ممكن افعله

ارجوا منكن اللي مرت بتجربتي تطمني او تنصحني لكن الأهم هو الدعاء لي بظهر القلب

انا اخر دورة كانت يوم 10فبراير 2010

لا تنسوني الله يكرمكم و يكمل حملكم على خير

 

تم تعديل 16 مارس, 2010 بواسطة نور عيوني

[توتى سمسم 8]

السلام عليكم ورحمة الله وبركاتة

حبيبتى أم مصعب إن شاء الله يسر الله لكى حملك وأتمه على خير حبيبتى وإن شاء الله نسبة الحديد تبقى كويسة

حبيبتى نور عيونى مبروك الحمل حبيبتى ربا يبارلك فيه ويتممهولك على خير يارب انا للاسف معرفش حاجه عن التجربة دى لكن إن شاء الله هدعيلك حبيبتى

[ام مريم ويحيى 136]

السلام عليكم ورحمة الله وبركاته

 

اخواتى الحوامل

 

عاملين ايه ؟؟ واخبار البيبيهات ايه ؟؟

 

يارب تكونوا جميعا بخير وتقوموا بألف سلامه

 

حبيبتى توتى انا متابعه اخبارك وعارف ان خلاص هانت بدأتى فى التامن

 

ربنا يهونها عليكى يا قمر وتقومى بألف سلامه

 

انا بس قلت اسلم عليكى واسلم على كل اخواتى الحوامل

 

ولا تنسونا من دعاءكم يا احلى اخوات

[* أم عبد الله * 0]

وعليكم السلام ورحمة الله وبركاته

 

أم أسيل 00مش عارفة إذا كان أم زوجك ينفع تسجل البنت ولا لأه000إسألى ربنا ييسر أمورك0

 

توتى سمسم 00ساقط قيد 00نتيجة التأخير فى تسجيل المولود00مثل العادية ولكن مكتوب عليها

ساقط قيد000ولايعجبنى شكلها 000لكنها تؤدى نفس الغرض0

 

ثبت الله حملك أختى نور عيونى وكتب لك الخير أينما كان0

تجربتى 000أخذ دوفاستون فى أول أربع شهور لى من الحمل00

لأنه ينزل عليا دم أحمر اللون000لاأعلم شيئا عن الأسبرين ولم أتناوله000

ونصيحتى لك الرااااااااااحة التاااامة 000

 

مبارك أختى أم مصعب إن شاء الله الحمل ويسره لك0

 

شفاك الله وعافاك أختى أم مصعب953 000شبه حالتى سبحان الله لاتوجد سخونة ولكن

رغم حرصى00 الحديد نازل ودايخة دايما ومجهودى ضعيف

علقت محاليل وأخذت حقن حديد000وموعدى مع الطبيبة لتكرار ذلك بكرة إن شاء الله

دعواتكم0

[توتى سمسم 8]

حبيباتى

أم عبدالله جزاكى الله خيرا حبيبتى على الافادة

حبيبة قلبى سندسة إن شاء الله تكونى معانا قريب ربنا يرزقك بالذرية الصالحة عاجلا ليس أجلا حبيبتى الحمدلهل أم مصعب حملت عقبالك يارب

أم أسيل اسيل عاملة ايه

[مسلمة مجاهدة 353]

السلام عليكــم ورحمـة الله وبركاتــة ،،

 

كيفكن حبوبات إن شاء الله بخير؟؟

 

مبارك للحوامل الجدد الله يتمم الحمل على خير

 

وللحوامل جميعا الله يهونها عليكن ويرزقكن الذرية الصالحة

 

:::

 

حبوبات يا ريت تشاركونا هذا الموضوع

 

https://akhawat.islamway.net/forum/index.ph...p;#entry2777785

 

:)

[ام مصعب 953 0]

ازيكم كلكم عاملين ايه يارب تكونو بخير جزاكى الله خيرا اختى ام اسيل وتوتى وام عبد الله على الدعاء شفاكى الله وعافاكى اختى ام عبد الله ربنا يهون علينا وعليكى انا النهارده نزل عليا شوية ميه وطلبت الطبيبه ونصحتنى انام ساعتين على ظهرى واذا نزل شى تانى اكلمها لكن لم ينزل شى وطلبتها قالت لى اروح لها بكره ادعولى ربنا يقدر لى الخير امابالنسبة لحبيبتى نور انصحك بضرورة الاتصال بالطبيبه فهى اعرف بحالتك وعليكى بالراحه التامه والنوم على ظهرك لحين تعرفى الطبيبه هتنصحك بايه ربنا يتم لك على خير ويرزقك الذريه الصالحه واسال الله ان يرزق الاخت سندسه وجميع الاخوات عاجلا غير اجل

[~~أم أسيل~~ 26]

السلام عليكم ورحمة الله وبركاته،،

 

ان شاء الله خير يا نور ... ربنا يثبت حملك يارب ... انا اخدت اول 3 شهور دوفاستون للتثبيت ...

 

تسلمي ياتوتي على السؤال .. اهو انا في اول اسبوع في التاسع ... ربنا يسهل ويكملها على خير يارب

 

في حد ولد في اول التاسع وهل في خطر على الجنين ؟؟؟

[توتى سمسم 8]

حبيتى أم أسيل أختى الكبيرة ولدت 2 فى أول التاسع حبيبتى والحمدلله بصحة جيدة

وأخت صاحبتى لسه والدة الحمدلله أول يوم التاسع والحمدلله النونو بصحة جيدة لكن الحمدلله عندها الصفراء ودى ملهاش علاقة بولادة أول التاسع وأنا أتوقع أنى هولد فى أول التاسع إن شاء الله

ياريت ياجماعة الاخت اللى بعتتلى لينك عن الاسماء تبعتة تانى (ياسين) اصلى توهت ومش عارفة أجيبة

[* أم عبد الله * 0]

السلام عليكــم ورحمـة الله وبركاتــة ،،

 

 

أخواتى حاولت أجمع أسماء الحوامل وتاريخ ولادتهم إن شاء الله

حتى نطمئن على بعض ياريت اللى تاريخها مش مكتوب تكتبه

واللى حامل واسمها مش موجود تضيفه والتاريخ0000

واللى نفسها تحمل يارب ارزقها وتنورنا عن قريب0000

 

أم مصعب 953 0000000000؟ / 3

 

حنان المحبة 00000000000 ؟ /3

 

أم أسيل00000000000000 17/4

 

أمة الرحمن00000000000 21 /4

 

أم عبد الله000000000000 27 /4

 

بنت أبيها0000000000000 5 /5

 

توتى سمسم000000000000 ؟

 

ريحانة00000000000000 20 / 5

 

فاطمة الزهراء000000000 ؟

 

بنت مسلمة00000000000 ؟

 

أم جويرية وأنس0000000 ؟ / 6

 

حورية الصاوى00000000 ؟

 

أمة الله 26 0000000000 20 / 6

 

الراجية رحمة الله ومغفرته0000 ؟

 

أمامة أم بلال000000000000 ؟

 

أمة الله000000000000 27 /6

 

أم عمر00000000000 1/7

 

أم معاذ89 000000000 2/7

 

أمة الرزاق000000000 ؟

 

درصاف00000000000 ؟

 

أم جنان 0000000000 ؟

 

الشجرة الطيبة 000000 ؟

 

رب هب لى من لدنك ذرية طيبة000؟

 

المسلمة فريال000000 ؟

 

اللهم ارحمنى وزوجى0000000 ؟

 

أم حلا0000000000 ؟

 

رضاك يارب000000000 ؟

 

شهرزاد الجزائرية0000000 ؟

 

أم مصعب إن شاء الله00000 ؟

 

نور عيونى0000000000 ؟

 

زهر الفردوس00000000 ؟

 

ابنى هو كل حياتى000000؟

 

 

كتير أوى مختفيات ياريت يدخلو ويطمنونا عليهم0000

[توتى سمسم 8]

توتى سمسم من 12/4 الى 12/م إن شاء الله فكرة جميلة اوى وياريت نعمل تجمع لينا كل اخت تخرج من التجمع ده تروح هناك ونبدأ نتابع مع بعض اخبار النونو ايه

[ام مصعب ان شاء الله 0]

السلام عليكــم ورحمـة الله وبركاتــة ،،ازيكم يابنات كلكم انا كنت عند امى عشان كده مش بدخل عاملين ايه ام مصعب 952 الف سلامه عليكى ربنا يقومك بالسلامه توتى عامله ايه شدى حيلك هانت وكلك الاخوات يارب تكونوا بخير انا بيجيلى مغص شويا ويروح زى مغص البريوت وشويا تعب فى معدتى وصداع ونفسى تتسد ومباش عايزه اكل وساعات اجوع جدا حتى البيض واللبن مش طيقاهم افيدونى دى اعراض عاديه والا ايه انا لسه مرحتش لدكتوره ربنا يسهل بس مشيه على الفوليك اسيد ام عبد الله انا مش عارفه انا فى الكام بصى انا اخر دوره كانت 25\1 احسبيلى بقى

[~~أم أسيل~~ 26]

السلام عليكم ورحمة الله وبركاته،،

 

أختي ام مصعب ان شاء الله

 

مراحل الحمـل التاريخ

بداية الحمل - الالقاح 08/02/2010

نهاية الاسبوع الثاني 22/02/2010

نهاية الاسبوع الثالث 01/03/2010

نهاية الاسبوع الرابع 08/03/2010

نهاية الاسبوع الخامس 15/03/2010

نهاية الاسبوع الثامن 05/04/2010

نهاية الاسبوع العاشر 19/04/2010

اليوم المتوقع للولادة (40اسبوع) 02/11/2010

 

 

ربنا يقومك بالسلامة يارب ..ويكتبلك ساعه سهلة يارب

[توتى سمسم 8]

حبيبتى أم مصعب إن شاء الله وحشتينى جداااااااااا متتخيليش فرحانة ليكى قد ايه حبيبتى دى اعراض طبيعية جدا وضيفى عليها الفراخ يالهوى كنت مش طايقة نفسى منها وابقى هموت وعلى فكرة انا فى الثامن اهو ولس قرافنة من الاكل بس دى طبيعتى اصلا بحب الفواكة اوىىىىىى ومش بحب الاكل خالص لسه لغاية دلوقتى قرافانة من البيض واللبن والفراخ اوى بصى الدكتورة قالتلى متتغطيش على نفسك فى الاكل فترة وهتعدى شوية وهتعوضى كل ده كل شوية كان حد يقولى كلى ومش مهم أدخلى المهام وعلى الحوض بصراحة كنت بتعب اوى الدكتورة قالتلى لا لسه بدرى الفترة الجاية هتعوضى والحمدلله فعلا بعد كده بقيت افضل

عقبال سندسة يارب وكل الاخوات يرزقهم بالذري الصالحة عاجلا ليس أجلا

حبيبتى أم أسل اسيل عاملة ايه

أم عبدالله عاملة ايه حبيبتى

أم مصعب عاملة ايه حبيبتى

أمة الله فينك

درصاف ايه أخبارك

فى أخوات كتيرة مش موجوده ليه كده

[ام مصعب 953 0]

السلام عليكم ازيكم عاملين ايه يارب تكونو بخير ام عبد الله انا المفروض اخر ميعاد للولاده 8\4بس انا نزل عليا ميه وحاسه بطلق احتمال مكملش الاسبوع ده ادعولى ربنا يقدر لى الخير الدكتوره طلبت منى تحليل لصفائح الدم لانى ممكن اولد عشان تعرف اذا كنت هحتاج اعلق دم ولا لا الاخت ام اسيل عامله ايه متقلقيش فى ناس كتير بيولدو فى اول التاسع وام مصعب ربنا يتم لك على خير وحبيبتى توتى عامله ايه ودرصاف الغاليه اين انتى وباقى الاخوات ربنا ييسر لنا جميعا

[نور عيوني 0]

جزاكم الل خيرا

انا حبيت اشكركم ربنا يكملكم حملكم على خير و يرزقكم ذرية طيبة مباركة و انا معاكم

انا مستمرة على المثبت ووقفت الأسبرين بس الدم لسه شغال

و بحاول ارتاح بس القلق تعبني

ارجوكم لا تنسوني بالدعاء انا خر دورة لي كانت 10 فبراير 2010

مش عارفة انا في الكام ولا اساسا الحمل مستمر ولا انتهى

على العموم يوم السبت حعمل التحليل الرقمي و بعد ذلك بيومين حعيده تاني و ربنا يسهل و تزيد الأرقام لأن ذلك معناه البيبي بيكبر

ادعولي الله يكرمكم

[( ***ام طارق***) 0]

السلام عليكم ورحمة الله وبركاته،،

كيفكن يا حوامل يا امورات يا شطورات يا نشيطات ان شالله بخير وكيف البيبيهات ان شالله بخير وصحتهن جيدة انا بصارحة والله من زمان ما شفت التجمع وما بعرف مين حمل ومين ولد لذلك رح قول الف مبروك للكل الحامل والولدانة والله يهون علي رح تولد وعالتعبانة كلها ايام ان شالله وبتشوفوا البيبي عم يغرد جنبكن وبتنسوا والله انا مع اني ما شفت البيبي بس نسيت كل الالم الحمدلله

طمنوني عنكم