تجمع الحوامل ارجومن كل حامل تدخل وتشاركنا

[ام رحمة السلفية 12]

السلام عليكــم ورحمـة الله وبركاتــة ،،

 

كيف حالكنّ اخواتى الغاليات

اسأل الله ان تكونوا جميعاً بخير والبيبهات

 

 

الحبيبة د.مسلمة جزاكِ الله خير فعلاً احنا قلوقين جداً انا كنت حموت من الوف والرعب والتصل على الدكتورة متردش

واضح انها كان عندها عملية وبعد وقت ردت عليا وقلتلى متقلقيش ده شئ عادى الحمد لله على كل حال

انا كمان كان المفروض معادى النهاردة واعرف نوع الجنين لكنى بسسبب قلقى رحتلها اول الشهر وعملت السونار اول الشهر

ومعرفتش نوع الجنين وقلتلى استنى للشهر القادم الله المستعان

على فكرة انا وانت تقريباً مع بعض بالظبط انا تانى يوم ليا فى الخامس

ربنا ييسر امرك وتطمنى وتعرفى نوع الجنين وياريت تطمنينا عنك بعد ماترجعى ان شاء الله

 

درصاف شكراً لدعوتك الطيبة ربنا ييسر ولادتك على خير

 

ريتاج الحبيبة انا فعلاً قلوقة جداً وابنى حيطلع عصبى جداً عنده كأبه بسببى

ان شاء الله احاول اغير عشان يتطلع سعيد اذن الله

ربنا ييسر ولادتك ويرزق باحلى هند وتكون من الصالحات

 

فطومة اشتقتلك يارب تكونى بخير ان شاء الله وتطمنينا عنك قريباً

 

ام رقية اين انتِ لعل مانع غيابك خير ان شاء الله

 

باقى الاخوات الغايبين عنا كتير يارب تكونوا جميعاً بخير

[dr_muslema 0]

أختي نهلة أم بلال الحمد لله إنك اتطمنتي, ربنا يطمنك دايما حبيبتي

أنتي فعلا زيي بالظبط, باليوم كمان, سبحانك يارب :icon15:

 

أنا كمان أستعجلت وروحت للدكتورة المرة اللي فاتت بدري, وكانت انهاردة الأستشارة, وبرضه قالتلي استني شهر كمان على ما نقدر نعرف ولد ولا بنت,

الحمد لله طمنتني على البيبي والحمد لله الزيارة انهاردة كانت جميلة, قالتلي ممكن تصومي بس نامي طول النهار واذا صحيتي قبل الساعة 2 افطري :mrgreen:

وكمان قالتلي ممكن أصلي التراويح بس وانا قاعدة , الحمد لله كنت حاسة ان رمضان ممكن يعدي عليا وما أحسش بيه, لا صيام ولا قيام, كنت هبقى زعلانة أوي, بس الحمد لله كدة كويس أوي , ربنا يبلغنا أياه ويتقبل منا أعمالنا يارب ويعينا على كثرة الطاعات فيه.

وكمان بفضل الله زدت كيلو بحاله بقيت 39 كيلو (ما تضحكوش عليا ) :blush:

 

سبحان الله ربنا كتبلي التفريج شوية في الزيارة انهاردة, أصلي زيك كدة يا أم بلال حالتي النفسية بتبقى غريبة شوية مش عارفة انا مبقتش مستحملة خالص وبقيت حساسة أوي, يمكن الهرمونات هي اللي عاملة فينا كدة أختاه, أنا كمان بقول لنفسي اني احاول اغير علشان البيبي ما يطلعش عصبي, أدعيلي بظهر الغيب وأنا كمان أدعيلك

عشان الملك يأمن على الدعء, ربنا يفرج عنا يارب, ويعنا

 

حبيبتي ريتاج أحبك الله الذي أحببتيني فيه, ربنا يفرح قلبك يارب, ويقر عينك بهند العسولة وتكون أمورة وجميلة وصالحة يارب,

 

شجورة أيه أخبارك طمنينا ,

ربنا يهون علي كل اللي دخلت التاسع يارب ويقومكوا بالسلامة وتكون ولادة سهلة خالص يارب

 

باقي الحوامل الحلوين فين

[ღأم عبدالله ღ 30]

السلام عليكــم ورحمـة الله وبركاتــة ،،

هلا بكل الحبيبات الغاليات

ذهبت يوم الأحد للطبيبة وطلبت مني المواصلة في العلاجات السابقة

واعطتني اسبرين 75 مجم يوميا لكني خائفة منه واخذته مرة واحدة فهل يوجد منه ضرر علي البيبي؟

سلامي لكل الغاليات

اعذروني فأنا لا استطيع الدخول دائما فأنا مازلت عند أمي.

[الشجرة الطيبة 0]

السلام عليكــم ورحمـة الله وبركاتــة ،،

 

اخواتى الحلوين :smile: ازيكم :tongue: وحشتونى :ninja: اوى من ليله الاربعاء وانا كل ما احاول اكتب لكم يحصل حاجه تعطلنى

 

الحمد لله بقالى دلوقتى 8 ايام فى التاسع وانتى يادرصاف النهارده اول يوم ليكى؟؟

 

ذهبت للطبيبه يوم التلات الماضى زى ما قلت لكم والجنين الحمد لله تمام وربنا استجاب وطلعت حامل فى بنووووووووووته :wub:

 

يعنى مريم هتنضم اخيرا لسلمى وهند يوصلوا كلهم بالسلامه

 

سبحان الله حبيتها اوى من ساعة ما عرفت وبكلمها كمان :smile:

 

جزى الله خيرا كل من سالت عنى

 

ريتاج انا كمان رجلى منتفخه جدا وزادت قياسين لازم ارفعها عن الارض علشان الالم ربنا يقومك بالسلامه

درصاف اشتريتى ملابس لسلمى واللا لسه انا بس ناقص عندى احزمة السرة لسه مجبتهاش

 

ام عمر اخبارك ايه

[الشجرة الطيبة 0]

dr muslemaربنا يهون عليكى صيام رمضان ووزنك يزيد كمان وكمان :wub:

 

ام عبد الله سلامتك بصراحه معرفش حاجه عن الاسبرين بس اعتقد طالما ان الطبيبة هى اللى وصفته يبقى مفيش مشكله

 

حبيبتى نهله متستعجليش انا كنت عملت سونار فى اول السادس مكنش بان نوع الجنين وفى اول السابع كانت مريم مكسوفه ومعرفتش برضه

فضلت مطنشه لغايه اليوم الرابع فى التاسع وبعدين فرح قلبى بيها ربنا يبشرك بما يسرك انت وجميع الاخوات

 

اهم حاجه بس انكوا تطمنوا على صحه الجنين وتكون كل حاجه ماشيه تمام وبعدين ولد او بنت كله نعمه وفضل ورزق عظيم من الله

 

انا زعلانه اوى ان فريال دخلت مره واحده من فتره طويله ومدخلتش تانى هيا كانت ماشيه معايا ارجووووووكم محدش يعرف عنها حاجه

 

امبارح كنت حاسه انى هولد برضه جت لى تقلصات متقطعه على مدار اليوم بس سبحان الله بالليل نمت كويس

 

ياترى هولد امتى حد يعرف :smile: ؟

[درصاف 73]

السلام عليكــم ورحمـة الله وبركاتــه،،

 

 

وحشتوني جدا ((:

نهلة الحبيبة كيف حالك؟ يارب تعرفي نوع الجنين المرة القادمة وتخبرينا (:

 

د.مسلمة، يارب ييسر لكِ الصيام والقيام في رمضان..

الحمد لله أهو دكتورة المنتدى أجابتك كمان (:

وجزاك الله خيراً على دعواتك الطيبة ياغالية..

 

أم عبد الله الحبيبة، يسر الله لكِ..

لا أدري بشأن هذا الدواء..

أرجو أن تفيدك إحدى الأخوات..

 

شجووووووووورة، مباااااارك عليك البنوووووووتة (((((:

ربي ييسر ولادتها ويجعلها من الصالحات..

بكره إن شاء الله هند ومريم وسلمى يكبروا ويصيروا أصحاب ويدخلوا يشاركوا في المنتدى هم كمان :biggrin:

ربي يعينك يا شجورة، انت كمان رجليك انتفخت :unsure:

يارب مش عقبالي.. :unsure:

أنا اليوم هو الثاني في التاسع الحمد لله :closedeyes:

امبارح بدأت أمشي شوية..

وانت يا شجورة بتمشي ولا لأ؟ وريتاج؟

وكمان اشتريت حاجيات سلومة :blush:

بس لسه في شوية حاجات ناقصة، ربي ييسر..

يارب ييسر لك الولادة وتكون سهلة ميسرة يا شجورة..

ابقي طمنينا كل يوم عليك..

أنا لسه مش حاسة بتقلصات ولا أي شيء..

 

ريتاج انت فين؟؟ :icon_eek:

 

أنا بخير ولله الحمد..

مثلما ذكرت لسه مفيش تقلصات ولا شيء..

بس حركة سلومة زادت، اللهم بارك

الظاهر إنها زهقت من القعدة في بطني :tongue:

ربي يقدر لنا جميعاً الخير..

 

معلش آسفة مش باسأل عن بقية الأخوات..

حاسة إني محتاسة :blush:

أم عمر وصفة الصفوة وأم رقية وفطومة وأمولة وحنيني وليتيسيا وكنوز الدنيا وكلكم.. انتوا فييييين؟؟

 

 

 

[ام رحمة السلفية 12]

السلام عليكــم ورحمـة الله وبركاتــة ،،

 

درصاف الحبيبة مبارك دخولك التاسع ربنا يتم حملك على خير ويسر ولادتك

ومبارك انك اشتريتى حاجات سلمى اكيد حاجات البنات جميلة صح

انا نفسى جداً ياجى اليوم النزل اشترى فيه واحضر شنطة المستشفى بسرعة

ربنا يقر عينك برؤية سلمى بلاسلامة ان شاء الله ويجعلها من الصالحات

تيلى ان لسه ماكتبتش ورقة اصلا حاسه انه لسه بدرى :tongue:

 

الغالية د.مسلمة الحمد لله انك اطمنتى على الجنين والحمدلله ان وزنك زاد لا عوزين زياده بجد كيلو ده شوية معلش ربنا يسسر امرك

اهم شئ احنا فعلاً لازم نهدى شوية لان كتر العصبية بتأثر

علينا وعلى الجنين بس سبحان الله ساعات بتكون حاجات خارجه عن ادينا الحمدلله على كل حال

الحمدلله انك حتصومى انا ان شاء الله عندى استشارة بكرة ان شاء الله بس بدون سونار لان الدكتورة عوزة تخلهولى كل شهر

حسألها ان شاء الله عن الصيام ربنا يعنا على الصيام والقيام ويجعلنا من العتقاء فى هذا الشهر الكريم

 

الحبيبة الشجرة الطيبة ( ام مريم ) شفتى كان عندى احساس اذاى انها بنت ربنا يباركلك فيها

ويقر عينك برؤيتها ويجعلها من الصالحات لما غبتى انا قلت عملتيها شكلك مستعجل :smile:

معاكِ حق المفروض مانستعجلش بس انا وزوجى كل واحد فينا عاوز حاجة وبيتوقع شئ فنفسنا نعرف :tongue:

وطبعاً كله من عند الله خير ونعمة وفضل من الله وغير كده مش متفقين على اسم لو بنت ان شاء الله

مختلفين على الاسماء جداً بس كله نعمة من الله ربنا يتم حملنا على خير ويرزقنا بذرية صالحة ده اهم شئ

 

ريتاج الحبيبة اين انتِ لعل مانع غيابك خير او ترجعلنا ان شاء الله ومعاكِ هند بسلامة

 

ام رقيه فينك نسيتى التجمع ولا ايه طمنينا عنك

 

باقى الاخوات فينكم عوزين نطمن عليكنّ ان شاء الله يكون مانع غيابكم خير

[كنوز الدنيا 0]

السلام عليكم ورحمه الله وبركاته

واااااااااحشتونى اوووووووووى كلكم

 

نهله ام بلال

ربنا ييسر حملك وتطمنينا قريب نوع الجنين ايه؟

 

د\ مسلمه

ربنا يعلم انتى كنتى اد ايه صعبانه عليا لما قولتى الدكتوره قالت انك مش هتصومى

الله المستعان عاى الصيام والتراويح والقيام

 

ام عبدالله

ربنا ييسر ليكى الخير

وابقلا طمنينا عليكى

 

درصاف

مبروك دخول التاسع وجزاكى الله خيرا للاهتمام والرد

 

الشجره الطيبه

ربنا يقر عينك بمريم ويرزقك الخير

 

ريتاج

الانتفاخ ده طبيعى جدا

انا اشتريت الحذاء بتاع العيد كبير عشان ابقى اعرف البسه هههههههه

بنت الاسلام انتى فين؟ لعل المانع خير

يا رب مكونش نسيت حد

[كنوز الدنيا 0]

السلام عليكم ورحمة الله وبركاته،،

انا الحمد لله بخير

بس انا حاسه انى درجه حراره رجلى زياده

يعنى رجلى على طول سخنه

يا ريت اللى يعرف حاجه يطمنى

وبارك الله فيكم

ويسر لكم جميعا الحمل والوضع

[درصاف 73]

السلام عليكــم ورحمـة الله وبركاتــه،،

 

نهلة الحبيبة، الله يبارك فيكِ ياغالية..

فعلاً ملابس البنات جميلة جدا.. :blush:

بتخليني أتمنى آخذ المحل كله عالبيت..

ربي ييسر لكِ ويتم لك الحمل على خير ياغالية..

ممكن تبدئي تجهزي الشنطة من الآن ياغالية، أحسن ما تعملي زيي :closedeyes:

 

الغالية كنوز الدنيا، أعانكِ الله ياحبيبة..

صراحة لا أدري بشأن هذه الحرارة :unsure:

 

ريتاج انت فين؟؟ :sad:

يسر الله لي ولكنّ جميعاً..

 

وشجورة ما سجلتش حضور اليوم..

 

اوعوا تكونوا عملتوها :ninja:

[Guest om.omar]

السلام عليكــم ورحمـة الله وبركاتــة ،، وحشتووونى

كيفكن يا اخوات؟

تاخرت بالرد عليكن لانى بقيت فتره طويله عند والدتى حت

اقدر على مسؤليه الاولاد

الحمد لله المنجى الذى اتم ولادتى بخير

اريد ان تقبلوا نصيحتى بالاستعداد للوضع مع اول يوم بالتاسع وربما قبل ذلك بايام

اكتر من طبيب حدد للولاده موعد من 20\6 وحتى 10\7

وقدر الله لى الولاده يوم 9\6

الولاده القيصريه لثالث مره متعبه ولكن بفضل الله عندما ترى الام طفلها تنسى الالم تماما

اتم الله لكن جميعا

[الشجرة الطيبة 0]

السلام عليكــم ورحمـة الله وبركاتــة ،،

 

حبيبات قلبى انا هنا ولسه معملتهاش :unsure:

 

درصاف حبيبتى الله يبارك فيك يا حبيبة قلبى

الفتره دى ما بين بيتى وبيت والدتى امبارح انا كتبت الرد فى بيتى وبقيت اليوم رحنا لماما ورجعت بالليل

وبكتب دلوقتى من بيتى وانا بنتظر الغساله تخلص علشان انشر الهدوم وهلبس هدومى وعلى بيت ماما على طول

حاسه بلخبطه ومفيش استقرار بس الحمد لله كله علشان خاطر عيون مريم

انا كده بضطر امشى شويه من موقف السيارات للبيت بس لسه ماكلتش تمر كتير علشان الولادهالنهارده تاسع يوم فى التاسع

 

بالنسبه لمريم حركتها قلت علشان وزنها بيزيد ما شاء الله والمكان ضاق عليها بس مش عارفه هى ناويه تخرج على امتى

شكلك يا درصاف هتعمليها مره واحده طالما مفيش تقلصات انا وقت للتانى وساعات فى اليوم الواحد بتيجى تقلصات وشويه الم زى الدوره ويروح تانى

 

استاذ اسامه سكب عصير على الكيبورد عند امى خللى ازرار بتشتغل وشويه لا فمش عارفه اكتب رد هناك كل ما يتيسر لى ان شاء الله هدخل واسجل حضور

السلام عليكــم ورحمـة الله وبركاتــة ،، وحشتووونى

كيفكن يا اخوات؟

تاخرت بالرد عليكن لانى بقيت فتره طويله عند والدتى حت

اقدر على مسؤليه الاولاد

الحمد لله المنجى الذى اتم ولادتى بخير

اريد ان تقبلوا نصيحتى بالاستعداد للوضع مع اول يوم بالتاسع وربما قبل ذلك بايام

اكتر من طبيب حدد للولاده موعد من 20\6 وحتى 10\7

وقدر الله لى الولاده يوم 9\6

الولاده القيصريه لثالث مره متعبه ولكن بفضل الله عندما ترى الام طفلها تنسى الالم تماما

اتم الله لكن جميعا

حمدا لله على سلامتك يا ام عمر

بورك لك فى الموهوب وشكرت الواهب وبلغ اشده ورزقت بره

عندك حق لازم الاستعداد من بدرى محدش عارف الولاده هتكون امتى

انا ولدت مره قيصرى وشكل المره دى كمان كده ربنا ييسر

 

ربنا يتمم لكل الاخوات على خير

 

 

ريتاج وام عمر وفطومه؟؟؟؟

[ام رحمة السلفية 12]

السلام عليكــم ورحمـة الله وبركاتــة ،،

 

اين الاخوات معقول يومين محدش يدخل

عوزين نطمن على الغاليات والبيبهات

 

درصاف لم تسجى حضور من يومين لعل مانع غيابك خير

 

ريتاج شكلها عملتها يارب قريب تدخل وتطمنا عليها ان شاء الله

 

الشجرة الطيبة ربنا يتمم ولادتك على خير

 

الغالية كنوز الدنيا جزاكِ الله خير على دعائك شفاكِ الله وعفاكِ معرفش والله سبب

ذلك بس حولى تروحى لدكتورة المتبعاكِ وان شاء الله خير

 

باقى الاخوات يارب تكونوا جميعاً بخير ومتنسوش التجمع وتطمنونا عليكم بأذن الله

 

اما عنى عملت سونار من يومين والحمد لله طمنتنى الطبيبة على الجنين وقالت انها احتمال تكون بنت هى غير

متأكده وقلتلى الشهر الجاى نتأكد وكله من عند الله خير ولله الحمد

بس انا لحد دلوقتى لم اشعر بحركة الجنين او يمكن مش عارفة اميزها

بس قرأت ان البنات فعلاً بتكون حركتها اقل من الولاد والله واعلم

ربنا يتم حملنا جميعاً على خير ويرزقنا الذرية الصالحة باذن الله

[ritaj 21 34]

اااااسفة انا كانت عندي ظروف مانعة والحمد لله مرت على خير

والله انكن وحشتوني بس التجمع ناقص ليه اين حوامل الشهور الاولى والنصف التاني

ومتلوموش حوامل النصف الثالت لانهن منهكات طبعا

انا عن صحتي كويسة والحمد لله وعندي كتير من التقلصات وبدات اعمل رياضة تساعد على امتداد الحوض

[ام رحمة السلفية 12]

السلام عليكــم ورحمـة الله وبركاتــة ،،

 

ريتاج الحبيبة عوداً حميداً

قلقتينا عليكِ

انا توقعت خلاص حتجلنا بهند ان شاء الله

 

ربنا ييسر امرك ويتم حملك على خير ويسر ولادتك انتِ ودرصاف والشجرة الطيبة وجميع الاخوات

 

الحمدلله اننا اطمنا عليك ماطولى الغيبة لازم تسجلى حضور وتقليلنا قبل موعد الولاده

علشان ندعيلك ان شاء الله وانتِ بتولدى

[درصاف 73]

السلام عليكــم ورحمـة الله وبركاتــه،،

 

اشتقت لكنّ كثيرا ياأخوات..

وآسفة على تقصيري، أنا بس كسّلت أكتب رد :oops:

 

أم عمر الحبيبة، فعلا لا أحد يدري متى يمكن أن تحدث الولادة..

ربي يقدر لنا جميعا الخير حيث كان..

ومبارك عليكِ..

بارك الله لكِ في الموهوب وشكرتِ الواهب رزقت بره وبلغ أشده (:

 

شجورة الحبيبة ربي يعينك..

يارب تكوني بخير وفي صحة جيدة..

طمنينا عنكِ..

 

نهلة الحبيبة جزاكِ الله خيرا على سؤالكِ ياغالية..

لا بأس إن شاء الله تتأكدي من الجنين المرة القادمة..

أنا مثلك لم أحس بحركة سلومة إلا في وقت متأخر..

أظن مع بداية الشهر السادس.. مش فاكرة صراحة..

أول ما تبدأ حركة الجنين تظهر، هتكون مثل فقاعات الغاز تتحرك في بطنك (:

استلقي على أحد جانبيك وحاولي تركزي..

ولو تأخر شعورك بالحركة عادي ماتقلقيش..

في أخوات بيحسوا بالحركة في السابع..

ربي ييسر لكِ ياغالية (:

 

ريتاج أنا زعلانة منك :icon15:

كده خضيتيني عليك؟؟

المهم إنك بخير ولله الحمد (:

شو هي الرياضة اللي تساعد على توسع الحوض؟ :unsure:

أنا عايزة أمشي ساعة في اليوم عالأقل لكن زوجي طول الوقت في الشغل، الحمد لله..

ربي ييسر ما فيه الخير..

 

عن نفسي مفيش أي شيء متغير..

وكأني لسه في الأشهر الوسطى من الحمل :wacko:

فقط حاسة سلومة نازلة لتحت أكثر..

لكن لا وجع ولا أي شيء.. :closedeyes:

الحمد لله رب العالمين

 

أم عمر (سجودي لله فقط) فينك ياغالية؟ وفطوم؟ وبقية الأخوات..

يارب يكون الجميع بخير

 

 

[شذى الهمة 331]

السلام عليكم ورحمة الله وبركاته

وحشتوووووووووووووووووني جدا ياغاليات

ربنا يطمنا عليكم يارب وييسرلكم ولادة سهلة

أبشروا بإذن الله

أهم شئ تتمشوا بس لا تضغطوا على نفسكم

واليوم اللي مش هتقدروا تكملوا فيه المشي المعتاد تعرفوا إنكم قربتوا خالص ممكن في نفس اليوم أو بعده

أنا كنت باجي على نفسي جدا في المشي من التعب بس جيت في يوم مشيت نصف الشارع وكنت هعيط من التعب

زوجي قالي خلاص مش مهم النهاردة واشفق عليا وكانت الساعة عشرة بالليل

تاني يوم بعد الفجر بدأ الطلق ونزول المياه

ربنا معاكم يارب وييسرلكم ساعة سهلة وتذكرن الأجر ياحبيبات

هانت ياقمرات

باقي الحوامل أخباركم إيه

وياترى داخلين خارجين عالحمام زيي ولا لا

أنا الموضوع ده تاعبني جدا

بييجي عليا وقت بدخل كل عشر دقائق

 

وحشتوني جدا كلكم يعلم الله

لا تنسوا حبيباتي الدعاء للبعض بظهر الغيب

كل لما تبقي تعبانة ادعي لأخواتك هنا وخصوصا الجماعة الغلابة اللي قربوا دول

ربنا معاهم يارب ويقومهم بألف سلامة

سبحان الله كأن تعب الحمل علشان نتحمل وجع الطلق

وأنا في الطلق كنت بقول مع نفسي مش مهم أكيد هيخلص واولد بقى علشان أعرف أنام وبقيت عايزاه يخرج بأي طريقة

[ليتيسيا 0]

السلاااااااااااااااااااااااام عليكن

متأسفه كتير على غيابي وشكرا لكل اخت اهتمت فيي وسألت عني الله بيعلم اني بحبكن في الله كثيرا وما في احب على قلبي من دخول التجمع

بدي اخبركن انو بإذن الله راح اولد بنت بفحص السونار امبارح خبرني الدكتور انها بنوته حلوه (الحمد لله كثيرا متل ما تمنيت)

ان شاء الله ربي يتمم الي والكن على خير يا رب بس انا قلقانه شوي لانو متل ما قلتلكن مسجل حملي انو بخطر والطبيب قال انو يمكن اني احتاج بالشهر السابع ادخل مستشفى لمراقبة الحمل وكمان خبرني اني ما راح اكمل للشهر التاسع يعني راح يصبروا عليي لآخر الثامن او اول التاسع ويعينولي عمليه قيصريه وراح يحكيلي مع جراحين مختصين في مستشفى بحيفا انو يدخلوا لعمليتي خوفا من مضاعفات لا سمح الله (خفت) بس الي رب يحميني ويحمي جنيني ادعولي انتو كمان

اختي نهله ام بلال انا بالاسبوع الرابع عشر تقريبا وبين من اسا انها بنت

ما بعرف ليش انتي بالشهر الخامس واكتر مني بالاسابيع ولسا ما بين؟

على فكره يمكن بإذن الله اسمي البنوته ماريا شو رأيكن؟

[amina_kr 0]

السلام عليكم ورحمة الله وبركاته،،

جزاك الله اختي أم طارق على موضوع انا بفكر في الحمل ان شاء الله في شهر غشت

انا لا اشرب اي مانع و لله الحمد اقوم بطريقة التقليدية و هي العزل في فترة الاباضة

لكن اريد معرفة كل امور المتعلقة بالحمل جزاك الله خيرا عزيزتي

واتمنى من اخوات الحوامل دعاء لي و لجميع بالدرية الصالحة

فــــــــــــــــــــــــي حفظ اللـــــــــــــــــــــــــــــــــــــــــــــــــــــــه

[dr_muslema 0]

السلام عليكــم ورحمـة الله وبركاتــة ،،

ازيكو يا أخوات معلش انا مش بدخل كتير لأني بجد كسولة جدا ومش باكل كويس

عندي ضرسين اتكسرو,الحمد لله على كل شيء

بس انا بتاعبع دايما الأخبار حتى لو مش بشارك

 

أم عمر حمدا لله على سلامتك, عقبالنا يارب

 

كنوز الدنيا عاملة ايه ورجلك وحرارتها عاملة ايه؟

د\ مسلمه

ربنا يعلم انتى كنتى اد ايه صعبانه عليا لما قولتى الدكتوره قالت انك مش هتصومى

الله المستعان عاى الصيام والتراويح والقيام

 

جزاك الله خير يا كنوز

ربنا يعينا يارب

 

درصاف وريتاج عاملين ايه, ربنا يقومكو بالسلامة ياررب

هي ايه فعلا يا ريتاج تمارين توسيع الحوض دي؟

 

سجودي لله فقط, أنا معاكي فعلا في الدعاء بظهر الغيب, نحاول ندعي لبعض ربنا يهونها علينا ونقوم بالسلامة يارب

 

أختي نهلة, أنا كمان نفسي أجيب حاجات البيبي أوي, وكان نفسي أعرف نو الجنين , بس الدكتورة مش قادرة تحدد خالص, كاتبتلي اشعة ثلاثية الأبعاد وقالتلي لو مستعجلة اعمليها, بس قولت مش مهم خلاص, انتظر وخير بأذن الله

أضحكك عليا, أنا كل اللي جبته شرابين للبيبي كان نفسي أجيب أي حاجة, بس انا كل ما امسكهم ابقى فرحانة بيهم اوي ونفسي اعلقم, زوجي قالي انتي هتتجنني قريب :))

على فكرة أختي أنا كمان حسيت بالحركة يادوب من قريب ومكنتش عارفة في الأول انها حركة البيبي أنا كنت فاكرة ان القولون مش مرتاح أو في اضطرابات في الرحم, بس الدكتورة قالتلي لأ هي دي حركة البيبي وماما كمان قالتلي انها زي رفرفة الفراشة كدة, بس اعتقد انه مالوش دعوة بنوع الجنين صحبتي حامل في بنت وما شاء الله عرفت انها بنت من نص الرابع

وكمان حست بالحركة بدري رغم انها بنت

ربنا يطمنا أحنا كمان

انا كمان لسة مش عارفة أختار أسماء:)

 

بدي اخبركن انو بإذن الله راح اولد بنت بفحص السونار امبارح خبرني الدكتور انها بنوته حلوه (الحمد لله كثيرا متل ما تمنيت)

ان شاء الله ربي يتمم الي والكن على خير يا رب بس انا قلقانه شوي لانو متل ما قلتلكن مسجل حملي انو بخطر والطبيب قال انو يمكن اني احتاج بالشهر السابع ادخل مستشفى لمراقبة الحمل وكمان خبرني اني ما راح اكمل للشهر التاسع يعني راح يصبروا عليي لآخر الثامن او اول التاسع ويعينولي عمليه قيصريه وراح يحكيلي مع جراحين مختصين في مستشفى بحيفا انو يدخلوا لعمليتي خوفا من مضاعفات لا سمح الله (خفت) بس الي رب يحميني ويحمي جنيني ادعولي انتو كمان

اختي نهله ام بلال انا بالاسبوع الرابع عشر تقريبا وبين من اسا انها بنت

ما بعرف ليش انتي بالشهر الخامس واكتر مني بالاسابيع ولسا ما بين؟

على فكره يمكن بإذن الله اسمي البنوته ماريا شو رأيكن؟

 

ازيك يا ليتيسيتا

ربنا يخليلك بنوتك يارب ويحميها

وييسرلك ولادتك يارب وتقومي بالسلامة

 

بالنسبة لي ولأم بلال اننا معرفناش نوع الجنين, تقريبا لأن نوع جهاز السونار بيختلف من دولة ودولة ومن دكتورة ودكتورة,

معظم الدكاترة عندنا هنا في مصر أجهوتهم مش ثلاثية الأبعاد وكمان مش حديثة أوي فا مش بتبين كويس في الأول

 

على فكرة ما شاء الله أسم ماريا حلو

يارب تيجي بالسلامة وتنور عليكي الدنيا:)

 

تحياتي لكل الأخوات, ولا تنسوا الدعاء بظهر الغيب

[الراجيه من الله الجنه 0]

السلام عليكــم ورحمـة الله وبركاتــة ،،

عاملين ايه وحشتونى جدا

 

النونات اخبارها ايه

ازيكو كلكم

درصاف

د مسلمه

سجودى لله

الشجرة الطيبة

ام عمر

نهله

والى مكتبتش سمها متزعلش هى بقى تسلم عليى

 

انا بداءت فى الشهر ال3

وبلال تقريبا بيسنن تعبان شواية وريحة البراز :dry: ربنا ما يورى حد مش قادرة اقرب منه من شدة القرف وطبع من الوحم والحمل وهو وزنه نزل وشكله باين عليه

بجد وحشتونى يارب تولدو بقى عشان تجننو زاى بلال ممجننى بيروح ورايى فى كل مكن فى البيت وينام على رجلى وانا واقفه ده غير العياط المستمر خايفة يكون اتعود ولا من التعب مش عارفة

عقبال متشوفو النونات قمرات زاى بلال يارب

 

بجد وحشتونى جداجدا

[الراجيه من الله الجنه 0]

السلام عليكــم ورحمـة الله وبركاتــة ،،

ايه الكسل ده كله محدش هنا خالص انتو فين

الحر ولا مكسلين يلا يا ستات عايزين نشوف رضضكو الجميلة

[*أم رقية* 473]

السلام عليكم ورحمة الله وبركاته،،

 

ازيكم يا اخوات عاملين اية

 

معلش مش بدخل كتير ونفسيتى كانت تعبانة والحمد لله

 

ان شاء الله ابتدى ادخل بس عندى دور برد لما يروح ادخل لحسن اعدى حد :)

[حنيني إلى بلادي 0]

السلام عليكــم ورحمـة الله وبركاتــه،،

 

كيف حال الجميع ، لقد عدت إلى بلاد الغربة والكفر والحمد لله... عملت تحليل السكر والحمد لله ماعنديش سكر،،

 

شفا الله الجميع أنا شايفة إن الجميع تعبان ربنا ييسر لنا الحمل والولادة.... مش تجمدو شوية ،، دا الألمانيات هنا صحتهم حديد.. بيستغربو ايه الورق دا!!!!!!! :sad:

 

جزى الله خيرا كل من سألت عني...

 

أختي د مسلمة وأختي نهلة أنا كمان اشتريت شرابات وكل شوية أطلعهم وأبوس فيهم وزوجي يبصلي ومستغرب ههههه، ونفسي أجيب حاجاته وماكنتش أعرف نوعه قبل ما أسافر ،،،،، ربنا ما يحرم مسلم أو مسلمة من فرحة الإنجاب يا رب آمين ..

 

 

وحركة الجنين مالهاش دعوة ببنت أو ولد في الطب أنا قريت دا ، وأنا كمان ماحستش بيه مطلقاً إلا في آخر الخامس ومش دايما وهوا ولد وكنت بقلق خالص من عدم الحركة دي وقلت أكيد هادي زي أبوه مش شقي زيي، هوا بس ماتحركش الا لما رحت فرح وكان الصوت عالي جدا اتضايق تقريباً ...

[ღأم عبدالله ღ 30]

السلام عليكــم ورحمـة الله وبركاتــة ،،