تجمع الحوامل ارجومن كل حامل تدخل وتشاركنا

[توتى سمسم 8]

daughterofislam89 مبرووووووووووووووك حبيبتى على الحمل

درصاف عاملة ايه وريتاج وبنت مسلمة والشجرة الطبية وسجودى لله فقط كلكم وحشتونى اوىىىىىىىىىىىىىىىىىى

[بسمة الرضى 182]

:dry:

 

 

:rolleyes:

 

 

 

:wub:

 

 

 

 

لا صراحة هو انا لسة بفكر التحق بيكوا ولا أنتظر شوية !!

 

:mellow:

[درصاف 73]

السلام عليكــم ورحمـة الله وبركاتــه،،

 

ريتاج الحبيبة، ربي يسعدك ياغالية :wub:

يارب يقدّرني وأكون لها أمّا جيدة..

ابتدأ العد التنازلي لدخولك التاسع إن شاء الله، صح؟ (:

فاضل يومين مش كده؟

يااارب ييسرلك يا ريتاج ياغالية..

خليك دائما معنا اوعي تغيبي.. وطمنينيا أول بأول..

 

شجوووورة الحبيبة، أيوه كده ممتاازة :icon15: :biggrin:

سجلي حضور بكلمتين أحسن من إنك ما تكتبيش :blush:

انت فاضل لك كام عالتاسع؟

اهئ اهئ بدأت أتوتر :sad:

 

توووتي سمسم يا هلاااااا منورة التجمع من جديد (((:

احنا بخير ياغالية، ادعيلنا نلحقك قريبا ونقوم احنا والبيبيهات بصحة وسلامة (:

طمنينا عنكِ وعن أخبارك مع ابنك (:

 

فطووووم عودا حمييييدا (:

دايما كده كلامك مفرفش :tongue:

يلا استقري وارتاحي وتعالي احكيلنا عن أحوالك مع الحمل وإيه أخبار الوحم..

وهل غيرتِ الطبيبة ولا لا؟ وبتزوريها بانتظام؟

 

بسمة الرضا يا هلاااااا ومليون مرحبااااا :laugh:

أكييييييد.. هي لسه محتاجة تفكير؟

يلا توكلي على الله وتعالي معنا (:

وعندك هنا طبيبات ما شاء الله، أي شيء يقلقك اسأليهم..

وعندك ناس ذوات خبرات سابقة، اللهمّ بارك، ممكن يفيدوكِ..

مش ناقص إلا إنك تأتي :mrgreen:

[~*أم جويرية*~ 71]

السلام عليكم ورحمة الله وبركاته؛

 

ياهلا بالبطوطات على رأي ام محمد :)))

كيفكن يا غاليات؟؟

 

أنا جيت أطمئن عليكن حبيباتي.. واللهم بارك منكن من قاربت دخول التاسع بإذن الله.. وبانتظار اللحظة الحاسمة :)))))))))

أعانكن الله، وثبت حملكن، وهون عليكن الولادة، ورزقكن ولادة طبيعية ميسرة..

أنا عن نفسي ولدت قيصري.. فما بعرف آلام الطبيعي :icon15: ..

 

جزى الله المرحبات بي كل خير.. وأرجو ألا أكون متطفلة عليكن.. لكن أود أن أشاركن فرحتكن وأتابع مواعيد ولادتكن بإذن الله

درصاف الحبيبة.. تسلمي على الترحيب الحلو مثلك.. لا أدري لما أحبك في الله كل هذا الحب!!!

أم عمر (سجودة).. وأنا أحبك في الله جدا جدا.. من القلب للقلب :)))

ويارب ألحق بكن بخير بإذن الله متى أراد الله لي ذلك.. وأن يهيء لي ظروف جيدة لإكمال حملي.. لأن ظروف مرضي ودوائي.. الله المستعان..

بسومة الحبيبة.. تيجي نفكر ونعملها مع بعض بإذن الله..؟؟ أجد من يونسني بعد ما الحبيبات يولدن بالسلامة :))

فكري وقولي رأيك :)))))))))))

[dr_muslema 0]

السلام عليكم ورحمة الله وبركاته،،

 

أخت الشجرة الطيبة على رمضان إن شاء الله هكون في الشهر السادس

ولما فطرتي في ابنك أسامة عرفتي تعوضي وأنتي بترضعي ولا برضه ماقدرتيش؟؟

 

أخت سجودي لله فقط, أه شوفتي وزني عامل ازاي, شكرا حبيبتي على النصيحة هحاول اسأل المشرفة اللي هنا برضه زي ماأخت درصاف قالت

 

أخت نهلة أم بلال , اه فعلا شرب المية كتير بيزود المية حوالين البيبي , ماهي قلقانة اني اصوم في الحر علشان كدة مش عشان الأكل , لأ علشان المية

جزاك الله خير أختاه على الأهتمام

 

أخت درصاف, ازاي أعرض هذا على الدكتورة في المنتدى؟ في أي موضوع , وهي أسمها أيه ؟

 

daughterofislam89 ازيك عاملة ايه كويس انك رجعتي تاني حاولي تدخلي تطمنينا

[daughterofislam89 10]

حبيباتى الجميلات

وحشتوووووووووووووووووووووووونى

انا خلصت الصفحات كلها اللى فاتتنى وخلصت بكسر الخاء :)

وعينينا بتلزق فى بعضها

انا الحمدلله افضل هو الترجيع اللى لسة معايا شوية

لان حباية فيروترون دى انتقام بجد

روحت للطبيبة وطلبت منها تغييير الماترنا وقالتلى الكلام ده مش صحيح

وكتبتبلى فيروترون كذا مرة اخدها واحسها بتقف فى زورى وتخلينى ارجع

وزوجة اخى بشرتنى انها مستمرة معى حتى الولادة وربما بعدها ايضا

انا كنت عندها من حوالى 9 ايام ومعادى معاها يوم 14/7 بس لو كنت كويسة ان شاء الله ممكن اخرها اسبوع او اسوبعين كمان عشان السونار صراحة احبه يكون كبر شوية *__*

وكتبتبلى كالسيوم الشيكولاتة

 

على فكرة الحمدلله انا بقيت افضل ورجعت انزل الدار اللى كنت بحفظ اطفال فيها تانى بقالى 5 ايام انزل فقط يارب افضل كويسة لان زوجى قالى لو تعبتى هتقعدى فى البيت

هو بس ساعات لما بقوم انضف الشقة بتعب شوية من ضهرى

انا كنت جبت واحدة نضفت فصعبان عليا البيت يتقلب تانى فبعمل فتوة واقوم انضف هعمل ايه بس

الله يعيدها لناعلى خير

 

بجد وحشتونى كلكوا ونفسى اكتبتلكوا كلكوا بس خايفة انسى حد ولازم اقوم انام عشان هروح الدار الساعة 9 ولسة هصحى الفجر فربنا يستر ومروحش متاخرة بكرة

 

كنوز الدنيا على فكرة انتى معايا بنفس اليوم بالظبط راجعى شريطك انا اايضا تاريخ ولادتى 27/12

 

احبكن فى الله يا احلى اخوات

باذن الله لو بكرة هبقى عند امى بليل هكتبلكم

 

بسمة الرضى يالا مستنية ايه تعالى معانا

 

توتى ربنا يكرمك يالا اتشطرى وافطمى ياسين وتعالى معانا تانى ههههههههههههه

[درصاف 73]

وعليكم السلام ورحمة الله وبركاته،

 

نوّرتِ يا أم جويرية الحبيبة (((:

والله وأنا كذلك أحبكِ في الله كثيييييييرا، سبحان الله..

وجزاكِ الله خيراً على دخولك للاطمئنان علينا..

دعواتكِ لنا بالتيسير..

ويارب ييسر لكِ ويعافيكِ ويرزقك الحمل السليم قريباً يااااارب..

أيوه كده امسكي في بسومة وتعالوا انتوا الاتنين :icon15:

ولو لقيتوا وحدة تانية في طريقكم هاتوها معاكم :mrgreen:

يارب يرزقنا الذرية الطيبة الصالحة ويعيننا على تنشئتهم تنشئة حسنة..

 

ريتاج وشجورة، أنا كنت حزينة عشان حاسة إنه قرب فراقنا :blush:

بس خلاص لقيت بيت جديد ممكن نلتقي فيه بإذن الله ((:

اجتماع الأمهات اللي أطفالهم أقل من سنتين

بس يعز عليّ كمان فراق أم عمر وفطوم ونهلة ود.مسلمة وليتيسيا وصفة الصفوة وكل الأخوات :wub:

يارب ييسر لنا جميعاً الخير كله..

معلش أنا بقيت نكدية غصب عني :biggrin:

أحببت التجمع كثيييييرا..

 

د. مسلمة، ممكن تدخلي على هذا الرابط وتكتبي استشارتك ياغالية

https://akhawat.islamway.net/forum/index.php?showforum=160

الدكتورة اسمها د.هالة..

ولا تقلقي إذا تأخرت عليك قليلا بالرد لأنها ممكن تكون مشغولة..

ابقي طمنينا ياغالية (:

[daughterofislam89 10]

ام جويرية شجعى ام محمد وام محمد حسان وبسومة ومع بعض يالا

 

درصاف انتى غاوية بؤس يا بنتى

ومين قالك بقى انك لما تروحى هناك التجمع التانى مش هتبقى معانا هنا

غصب عنك هتبقى معانا انا بقولك اهو

والا مش عارفة بقى والا ايه بس هو والا وخلاص

انا بقولك اهو وقد عنذر من فنذر

[شذى الهمة 331]

:smile: السلاااااااااام عليكم ورحمة الله وبركاته

 

ماشاء الله الصفحات منورة بحبيبات كتير

 

بسمة الرضى يا ألف هلا ومرحب بيكي معانا

أنا بشجع الحمل جدااااااا 8-) يللا مستنينك وياريت تجيبي في إيدك كام واحدة في بالي

هم عارفين نفسهم كويس

 

أم جويرية الحبيبة

دخولك بيسعدني جدا ربي يبارك فيكي ويشفيكي شفاء لا يغادر سقما

خلي بالك من جويرية واستني لما تكبر شوية متهيألي هي لسه ما تمت سنة

أنا ولدت عمر كان نفسي أحمل تاني وأجيب نون تاني

بس لما كبر شوية غيرت رأيي جدا جدا :icon_eek: ربنا يهديه يارب هو وكل الأولاد

 

فطوووووووووووووم

وحشتينا جدا

أهم شئ إنك بخير الحمدلله

ما تتعبيش نفسك في الشقة كتير

بس فعلا حاولي تروقي أول بأول حاجات بسيطة كده علشان الشقة ما تتقلبش

ومش لازم الشقة تكون بتلمع قوي يعني :closedeyes: يعني من فوق الوش زي ما بيقولوا

 

نهلة الحبيبة

أنا بحب اسكندرية جدا ونفسي أروحها لما ننزل مصر بس طبعا مش بنروح نصيف إلا في الشتا علشان الناس يبقوا لابسين عالبحر

تعرفي ممكن أروح أول رمضان نصيف ونصلي التراويح مع مشايخ اسكندرية ده أحسن حل :wub:

الله يعينكم على شهور الصيف والضيوف اللي بيجيلكم

بس بجد الهوا بتاعها يسطل وتحسي أنه رد الروح فيكم

 

درصاف الحبيبة

أنا كمان هفتقدكم لما تولدوا بس هبقى فرحانة إنكم قمتم بالسلامة يااااااااااارب

وسبحان الله دي سنة الحياة لو تدبرناها

رسالة وبنسلمها لبعض

بس لما تدخلي التاسع وتبقي بطيخة قربت تستوي خالص

هتبقي عايزة تولدي باي طريقة

أنا كنت حاجة فظيعة في عمر

كنت ببص لصوابع رجلي بتصعب عليا من كتر الورم اللي حواليها وهي مش باينه

ولي عودة بإذن الله هكتبلكم أنا أخدت معايا إيه فالشنطة

بس إنتي مغتربة فين ؟؟

شجورة الحبيبة

عاملة إيه دلوقتي وأخبار أسامة إيه

هاتيه يلعب مع عمر وانتي بتولدي

عمر بيحب العيال قوي وبيبقى مكتئب لما مبيكنش فيه حد

بقعد اتصل بأي حد واتحايل عليه ييجي

تصدقي بينساني خالص لما بييجي ضيوف ويقعد يلعب ويبقى واحد تاني سبحان الله

بس ليه مواقف محرجة معايا

لما يجيلي حد ومعاه ولاد وبنات يتصاحب عالبنت ويديها اللعب ويضرب الولد :icon15:

ليا واحدة صاحبتي تقعد تقول شوفوا ابن الشيخ بيعمل إييه

 

 

ريتاج الحبيبة

عاملة إيه ياقمر وأخبار صحتك

أنا سمعت الكلام وريحت خالص أهو بس ببقى كويسة أول ما بصحى ولما أقوم واتحرك شوية ألاقي المغص بدأ

خايفة يكون وهم بس هحاول أروح للدكتورة اليوم لأني من يومين لقيت سائل بينزل مني شفاف خالص مش زي الإفرازات الطبيعية

سألت دكتورة صاحبتي قالتلي خلي بالك ليكون مية من الجنين فقلت أروح أفضل

مش عارفة مية إزاي أنا لما كنت بتعب في عمر كان بينزل دم مش مية خالص

مش عارفة

دعواتكم كتير

 

ليتيسيا

أخبارك إيه ياقمر

ربنا يشفيكي ويرفع عنك يارب

 

أم محمد حسان

عاملة إيه وإزي ابنك دلوقتي

عمر بدأت العقدة تتفك ويقول بعض الكلمات بس كل يوم بالليل لازم نراجع القاموس

بيقول عالكورة كوتة

وعالبالونة باللو داه

وعلى كل الفاكهة فاح يعني تفاح

بس تصدقي من أوائل الكلمات اللي قالها

مامة يعني حمامة لما شاف حمامة باضت على الشباك ورتهاله وشافها لما طارت وقعدت أقوله حمامة لقطها

الحمدلله

حاولي تاخدية حديقة الحيوان كده وتكرريله السماء

ربنا معاكي يارب ومعايا

 

د/ مسلمة

عاملة إيه دلوقتي

كلي كويس علشان خاطرنا

اعملي نظام غذائي مكثف الشهور دي وطول ما انتي قاعدة كلي

 

 

طبعا في كتير أنا نسيتهم

معلش سامحوني

بس أعتقد دي آخر مشاركة طويلة ليا

لغاية ما أسافر

هدخل أسجل حضور وأطمن عليكم بس

:smile:

تم تعديل 4 يوليو, 2010 بواسطة سجودى لله فقط

[شذى الهمة 331]

بالنسبة لشنطة المستشفى

1- فوطة وجه

2- شبشب الحمام

3- طرحة قطن كبيرة شوية علشان لو جالك حد يزورك في المستشفى وحابيتي ترضعي أو غيره

4- فرشاة الشعر وكريم لو شعرك ما يستغنى عنه

5- مزيل العرق ما تضمنيش هتقعدي قد إيه خصوصا لو قيصري

6- جلابيتين ليكي طبعا لازم يكونوا مفتوحين من فوق علشان الرضاعة

7- صابونة ما تضمني المستشفى فيه صابون ولا لا

8- غيارات داخلية ممكن عشرة أو أكثر لأنك هتحتاجي كتير

9- فوط صحية علشان دم النفاس

 

بالنسبة للبيبي

1- كوفرته ولو الجو برد خدي بطانية وكوفرتة

2- طقمين من كل حاجة طبعا أول أسبوع بيكون ليه لبس خاص

الفانلات الداخلية بتكون مفتوحة من الأمام مش مقفولة علشان ماترفعي إيد وتلبسيه

بتاخدي اتنين أو أربعة

جلابيتين ولفتين مش هتعرفي تلبسيه بنطلون ( طبعا مش انتي اللي هتلبسيه )

حفاضات صغيرة أو كوافيل لو تحبي

 

لو في حاجة تانية نسيتها ياريت تذكروها

[درصاف 73]

السلام عليكــم ورحمـة الله وبركاتــه،،

 

فطوم الحبيبة، الحمد لله إن الترجيع خف..

بكره يخف أكثر بإذن الله وترتاحي (:

وطبعا مش هاسيبكم بإذن الله، هافضل لازقة فيكم لغاية ما تزهؤوا مني :tongue:

 

 

أم عمر الغالية هتوحشينا جدا جدا :cry:

لو رحتِ للطبيبة طمنينا عنكِ ياغالية..

وياريت تروحي أكيد قبل ما تسافري بإذن الله..

عشان يكون بالك مطمن واحنا كمان نكون مطمنين عليكِ..

الله يستر من الشهر التاسع ده :unsure:

كل مرة أسمع عن حاجة بتخوّف منه..

بالنسبة لي ياغالية أنا مغتربة في كندا..

أسأل الله أن يرزقني وزوجي الهجرة إلى بلد مسلم عاجلا غير آجل..

وجزاكِ الله خيراً على نصائحك بشأن الشنطة..

سبحان الله أشياء كثيرة كانت غايبة عن بالي..

بإذن الله أكتبها عشان لا أنسى..

بالنسبة للبيبي ماكنتش أعرف إنه ما ينفعش يلبس بنطلون أول يوم :unsure:

ممكن ياغالية أثقل عليك وأطلب منك تضعي صورة للفانلات الداخلية دي؟

ولو تكملي معروفك تحطيلي شو ممكن تلبس البنت أول ما تتولد..

بالصور لو ممكن عشان التسميات صعب أفهمها..

بجد حاسة نفسي جاهلة جهل فضيع :unsure:

ربي يضاعف أجرك..

[شذى الهمة 331]

د. مسلمة

أخبارك إيه دلوقتي

ومتضايقة ليه

معلش الحمل بيعمل كده ربي يهون عليكي

احتسبي ولك الأجر بإذن الله

 

درصاف

مش جاهلة ولا حاجة

هو البيبي أول ما يتولد بيبقى صغنون خالص ومقرفص رجله وبتبقى صغيرة جدا

على اسابع ممكن تلبسيه بنطلون

ولو مش عندك غيره لبسيه كده وخلاص منظر

بس أعتقد عندكم كنكا برررررد فخلي بالك

لازم تدفيها كويس علشان ما يبردش

ممكن تجيبي سلوبيت تقيل وتلبسيها غير البطانية

واوعي تفتكري انك أول ما تولديها هتحسي انها بنوتة ويفرق معاها اللبس

ده بيبقى شكله جميييل :biggrin: أهم شئ ما تضخضيش وتحسي أنها مش تبعك

على السابع بتبدأ تبان ملامحها وعلى الأربعين بإذن الله بتبقى عسولة

خلينا في الهدوم

مادام الجو برد عندكم اعتقد الفضل السلوبيت

وهجيبلك صور قريب بإن الله

ربنا يقومك بالسلامة يارب

معلش حاسة إن كلامي مش منظم بس تعبانة ومش قادرة أقعد

وعلى فكرة روحت للدكتورة اليوم الحمدلله وطمنتني بس أدتني يوتوبار علشان يهدي التقلصات

وكالعادة قالتلي لازم ترتاحي

[daughterofislam89 10]

درصوفة الجميلة وام عمر

تسجديل حضور يا بنات

بصى يا دودةو لانى معلش مستعجلة اوى نازلة مشوار وهرجعلكم

الفانلات دى بتسمى فى مصر هنا عنترى وسواء ولد او بنت اول شهر تقريبا للامان بنلبس دى بتبقى عاملة زى الروب بالظبط وبتيجى عكس بعضها وبتتربط عشان متقعديش ترفعى ومش تلبسى بنطلون وكدة

انتى منين فى كندا زوجة اخى كندية اسلمت وجبناه مصر عشان مترتدش وكدة وتثبت عشان طبعا اهلها نصارى

ادعيلهم بقالهم كتير مش متزوجين من حوالى شهرين فقط

[الشجرة الطيبة 0]

السلام عليكــم ورحمـة الله وبركاتــة ،،

 

شجوووورة الحبيبة، أيوه كده ممتاازة

سجلي حضور بكلمتين أحسن من إنك ما تكتبيش

انت فاضل لك كام عالتاسع؟

اهئ اهئ بدأت أتوتر

ازيك يا درصاف انا قدامى ان شاء الله 5 ايام وادخل التاسع باذن الله :mellow:

ولسه محضرتش الشنطه بكتب بس الحاجات فى ورقه وناقص انى اجمعها فى الشنطه

خايفه اوى عندى احساس لما احضرها مش هبات فى البيت على المستشفى على طول :cry:

انتى قلقانه ليه دا الموضوع بسيييييط شكة ابره بس :wacko:

فى ولاده اسامه كنت متشوقه اروح المستشفى واولد دلوقتى باه العكس وساعات مشاعرى بتكون متناقضه ومتضاربه

بس اما امسك الملابس الصغيوووره بشتاااااق جدا :tongue:

 

أخت الشجرة الطيبة على رمضان إن شاء الله هكون في الشهر السادس

ولما فطرتي في ابنك أسامة عرفتي تعوضي وأنتي بترضعي ولا برضه ماقدرتيش؟؟

انا فطرت فى اسامه 28 يوم صمت 14 يوم ولسه 14 غير الرضاعه كنت فطرت عده ايام ورمضان الماضى مازال على ايام

وكل رمضان منهم صمت منه ملسه باقى انا فى رقبتى دين ثقيل ربنا يعنى ويقوينى واخلص قبل ما اموت يارب :sad:

 

فطوووووومه حمدا لله على السلامه منورانا يا جميل

الفيروترون كويسه جدا كنت اخدتها فى اسامه ابنى ممتازه معلش استحملى وخديها

 

شجورة الحبيبة

عاملة إيه دلوقتي وأخبار أسامة إيه

هاتيه يلعب مع عمر وانتي بتولدي

عمر بيحب العيال قوي وبيبقى مكتئب لما مبيكنش فيه حد

بقعد اتصل بأي حد واتحايل عليه ييجي

تصدقي بينساني خالص لما بييجي ضيوف ويقعد يلعب ويبقى واحد تاني سبحان الله

بس ليه مواقف محرجة معايا

لما يجيلي حد ومعاه ولاد وبنات يتصاحب عالبنت ويديها اللعب ويضرب الولد

ليا واحدة صاحبتي تقعد تقول شوفوا ابن الشيخ بيعمل إييه

الحمد لله انا بخير طول ما انا عند ماما :icon_eek:

سبحان الله بحس انك بتتكلمى عن سمسم ابنى هو عمره دلوقتى سنتين و3 شهور و6 ايام

خصوصا موضوع البنات ده اعتقد ان دى حاجه فطريه جواهم مش كده :cry:

خللى بالك من نفسك كويس واما تحسى بالمغص افردى ظهرك على السرير على طول لغاية ما ترتاحى

بوسيلى عموره هو عنده كام دلوقتى؟

 

بالنسبة للبيبي ماكنتش أعرف إنه ما ينفعش يلبس بنطلون أول يوم

 

النونو لو صغير اوى ممكن الجزء السفلى يتلف فى لفف بتتباع للغرض ده

لكن غالبا الناس كلها بقت بتلبس بناطيل من اول يوم

سمسم كان صغير اوى بس كنت اشتريت له بناطيل صغيره اوى لبسها فى اول شهر من عمره

بصراحه انا بفضلها عن اللفف

وسبحان الله دي سنة الحياة لو تدبرناها

رسالة وبنسلمها لبعض

تمام يا سجوده

 

وعلى فكرة روحت للدكتورة اليوم الحمدلله وطمنتني بس أدتني يوتوبار علشان يهدي التقلصات

وكالعادة قالتلي لازم ترتاحي

سلامتك الف سلامه يا سجوده ايه ده انتى كده حصلتينى انا كمان باخد ريتوبار بس نفس الماده الفعاله ريتودرين هيدروكلوريد مش كده

انتى قلتى البديل بتاعه كان اسمه ايه؟

[dr_muslema 0]

جزاك الله خير أخت درصاف على الرابط

أنا عملت مشاركة ولما ترد عليا د.هالة هقولكوا

 

سجودة أنا فرحانة أوي انك بتطمني عليا

خلاص نسيت إني كنت متضايقة لما شوفتك بتسألي عليا :)

أنا عملت المشاركة اللي في الموضوع اللي هناك لمجرد أني أفضفض شوية مكنتش عارفة انك هتاخدي بالك

جزاك الله خير حبيبتي

الله يشرحلك صدرك ويفرح قلبك

خدي بالك من نفسك, أنا كمان لما بعمل مجهود بتعب أوي, قررت أستحمل بقى البهدلة بتاعة البيت لغاية ما تعدي الأيام دي على خير, نعمل شوية شوية على أد ما نقدر

علشان بس مانقصرش في حق البيبي ونبقى بنتعبو معانا

 

على فكرة ما شاء الله الحاجات اللي انتي كاتباها في الشنطة حلوة اوي

انا هنقلها في ورقة علشان ساعتها ما اقعدش ادور عليها

 

بس انتي مش كاتبة للبيبي الببرونة والفرشاة بتاعة الشعر بتاعته, ولا انتي هتسيبيه منكوش :)

وكمان بيجيبو مناديل اللي هي معطرة او مطهرة علشان الرضاعة, بتبقى للأطفال بتمسحي بيها مكان مارضعتيه, وكمان حوالين فمه لما بيرجع شوية لبن بعدها

وكمان بيبقو عايزين أعشاب مهدئة علشان الأنتفاخ عند البيبي, زي بيبي درينك أو ميلوبا

معرفش بيدهالوا على ما الأم بتفوق من البينج ولا ايه,

بس انا في الصيدلية كان جنبي دكتور ولادة

كان كل واحدة والدة تبعت تاخد البيبي درينك دا وكحول ايثيلي 70% وقطن علشان السرة وقطرة للبيبي توبرين, علشان عنيه ساعات بتبقى مقفلة ومحتاجة تتطهر

بس متهيألي الحاجات دي ممكن تكون موجودة في المستشفى,بس كدة كدة لو موجودة هتحتاجيها برضه لما تروحي علشان هتغيريلوا على السرة

وكمان اللي والدة طبيعي بتحتاج مطهر أو تشطيف علشان الجرح مكان الولادة

 

لو افتكرت حاجة تانية هقلكوا

 

على فكرة أنا برضه زي ما الأخت الشجرة الطيبة قالت انا بشوف كله دلوقتي بيلبس بنطلونات, وفي منها صغير

[درصاف 73]

السلام عليكــم ورحمـة الله وبركاتــه،،

 

أم عمر الغالية، الحمد لله إنك بخير..

اسمعي بقى الكلام وارتاحي ياغالية..

اوعي نسمع إنك تعبتِ نفسك في شغل البيت تاني :wub:

ربي يتمم لكِ على خير ويعينك ياغالية..

وجزاكِ الله خيرا على نصائحك بشأن الملابس ولو إني فعلاً أتمنى تكون بالصور عشان أفهم :blush:

وبالنسبة للطقس حاليا الجو دافئ ولله الحمد (:

تقريبا الحرارة 20 درجة والناس بتلبس ملابس خفيفة..

وأتوقع يوم الولادة إن شاء الله هيكون لسه الطقس دافئ..

على عكس الشتاء، مرة وصلت الشتاء الفارط لـ60 درجة تحت الصفر :unsure:

ما تسألونيش انت لسه عايشة ازاي :tongue:

واوعي تفتكري انك أول ما تولديها هتحسي انها بنوتة ويفرق معاها اللبس

ده بيبقى شكله جميييل أهم شئ ما تضخضيش وتحسي أنها مش تبعك

أنا مخضوضة من دلوقتي فعلاً..

يارب ييسر ويجعلها حسنة الخُلق والِخلقة وييسر ولادتها وولادة نونواتنا جميعاً يارب (:

 

 

فطومة الحبيبة تروحي وترجعي بالسلامة (:

جزاكِ الله خيراً على التوضيح، حاسة إني بدأت أتخيل صورة الفانلات دي..

بس الله أعلم ألاقيها فين :/

وبالنسبة لي أنا من إدمنتن، في آخر الكرة الأرضية :/

أسأل الله أن يجمع بين أخيك وزوجته في خير، وأن يثبتها على الإسلام..

 

شجوووورة يسعدني انضباطك وتسجيل حضورك، اللهمّ بارك (((:

ما شاء الله انت قريبة من ريتاج كثير، اللهم بارك..

استنوني شوية :unsure: أنا فاضل 12 يوم إن شاء الله

يارب ييسر لنا جميعاً..

ما تتعبيش نفسك يا ستي في تحضير الشنطة..

يوم الولادة إن شاء الله خدي الورقة وروحي :mrgreen:

يلا بلاش خوف ودلع جهزي شطتك عشان يقلّ عليك التوتر لو أحسست بقرب الولادة (:

فعلاً لما بتمسكي الملابس بتحسي بحنين غريب :blush:

أسأل الله أن لا يحرمنا من فضله..

وأعانك الله على قضاء دينك من الصيام ):

أنا كمان فاضل يومين من رمضان اللي فات ومش عارفة أصومهم ازاي ):

الفجر الساعة 3 الصبح والمغرب الساعة 10 ليلا ):

أسأل الله أن ييسر لنا ويتجاوز عنا..

 

ريتاج مستنيين تسجيل حضورك يلا (:

[ام جمانة2 0]

السلام عليكــم ورحمـة الله وبركاتــة ،،كيف حالكن يا اجمل اخوات اتمنا ان تكن بالف خير اما بخصوصي فانا خرجت اليوم من المستشفى بعد ان وقع لي نزيف ولولا ستر الله ورحمته لفقدت الجنين فانا انصح كل اخت ان لا تجهد نفسها

[ام جمانة2 0]

بسم الله الرحمن الرحيم

اخواتي لدي سؤال فانا اجد مادة بنية مثل دم الحيض وكانت قبل النزيف والان اجدها الله يستر فهل تصح صلاتي

[درصاف 73]

السلام عليكــم ورحمـة الله وبركاتــه ،،

 

حمداً لله على سلامتك وسلامة جنينكِ أختي الحبيبة أم جمانة..

انتهبي لنفسكِ ياغالية وارتاحي جيدا..

بالنسبة لهذه المادة الأفضل أن تكتبي سؤالكِ في ساحة الفتاوى ياغالية..

فالمسألة فيها خلاف..

يسّر الله لكِ وثبت حملكِ وطمأن قلبكِ..

[***أم محمد*** 8]

كييييييييييييييييفكن يابطبوطات ان شاء الله تمام

على فكرة انا ناوية الحق بكن قريبا اذا ربنا كتبلي نصيب.......بس بستنى افطم بنتي واخد راحة شوية من الرضاعة ........اذا ربنا كتبلي نصيب

مين ينضم الى فريقي ؟؟؟؟؟؟؟؟؟

[dr_muslema 0]

درصاف أنتي ما شوفتيش ردي فوق قبل ردك على طول تقريبا ضيفناهم في نفس الوقت:)

أنا قولت اقولك علشان الحاجات الزيادة اللي تاخدووها معاكم المستشفى

 

على فكرة درجة الحرارة اللي بتقوليها دي هتبقى برد أوي بالنسبة للبيبي خدي بالك تقليلها أوي

ربنا يقومكم بالسلامة يارب ويجعل ولادتك سهلة

[ღأم عبدالله ღ 30]

السلام عليكــم ورحمـة الله وبركاتــة ،،

كيف حالكن يا غاليات؟

أنا الحمد لله بخير لكن آأصبحت أتعب كثيرا

وبالليل دوما عندي حمي هل منكن من كانت الحمي معها؟؟؟

واصبح نومي بالليل متقطعا وأصاب بالأرق كثيرا

خصوصا ان الجو عندنا حار جدا

أسأل الله أن ييسر للجميع الحمل والوضع

سلامي لكن جميع

وأعذروني قد لا أستطيع الدخول الا بعد فترة

[ritaj 21 34]

السلام عليكــم ورحمـة الله وبركاتــة

 

فطوووومة الغالية عودا حميدا نورتينا انا جد سعيدة :rolleyes: لسماع اخبارك وانك بداتي تتحسنى يسر الله حملك

 

سجودة اسال الله العظيم ان ييسر سفرك ويعينك على حملك وانت حتخدي اوامر مين :angry: الطبيبة تنصح والاخوات ينصحو عيز توصلي صحة لوين :angry: بالله علك ترتاحي والراحة مش نومة اليوم وغذا تقولي انا مرتاحة اشتغل شوية ......لا يحبيبتي راحتك لزملها ايام والا ساتي اليك :ninja: واشربلك دواء نوم لمدة حملك كله من اجل الراحة ههه

شجورة يسر الله دخولك لالتاسع على خير وعافية حضري الحقيبة وخليها ياحبيبتي احسن متروحي لمستشفى من دونها :wink: وساعتها تقولي يا ريت حضرتها

كنوز الدنيا om.omar صفوة

 

الصفوة وليتيسياونهلة راجية الجنة وام عبد الله وحنيني امولة اخبركم اييييه

توتي سمسم ماشاء الله عليك اخبارك ايه يا فل سعيدة جدا بنورك الساطع معانا

بسمة الرضى خير البر عاجله :wink: وهو انت ادا كان معندكش مانع حتنتظري ايه اعزمي قبل ان تكبري وتشيبي :laugh: ههه امزح فتقبلي مني احبك في الله

اهلا وسهلا بيكي اختي الغالية لبيك ربي نورتينا

ربنا يرزق توليب الذرية الصالحة ولا يحرم احدا يارب

ام جمانة سلامتك يالغالية الف سلامة حفظك الله من كل شر وحفظ جنينك الى موعد خروجه انا ليس لدي اية معلومة طمنينا اكتر عنك

 

درصاف ربنا يسهل لك دخول التاسع اضحكتيني جدا لما قلتي لشجورة تكتفي بالورقة اضحك الله سنك :laugh: على فكرة انا لا عرف كيف اقتبس الكلام

وقد سبق ان قلت لكي تشجعي وصومي يومينك :closedeyes: وقوليلي لاني انا ايضا عندي مومين مصمتهمش :wink:

في اي بلد اجنبي تقيمين

ام محمد اضحك كتيرا من كلمة بطبوطات :laugh: وربنا ييسر لك وتشكلي فريق قوي وتنجحوا وتوصلوا لكاس العالم للحوامل طبعا احبكي في الله

درصاف انا ايضا انتبهت لوجود بيت اخر وما شاء الله عليك سبقتيني

وانا ايضا لما خممت ان موعد ولادتي بدا يقترب احسست بشوق اليكن قبل ان افارقكن

وجواال زووجي فيه النت لكنه لا يقراءالمكتوب بالعربي ضننت انني استطيع ان ادخل اليكن وانا في المستشفى

[ritaj 21 34]

اما عن اخباري

شوفوا شريطي ما احلاه انا اليوم وعلى بركة الله وقوته دخلت التاسع يارب اخرج منه :ninja: على الف خير قلن امين بالله عليكن واتمنى ان تدعون لي بظهر الغيب لكي تيسر ولادتي ولكن مثل ذلك ومتنشوس طبعا الحبيبة درصاف وشجورة والاخريات

اما عن صحتي فانا الحمد لله وباول الامس انتفخت قدماي انتفاخ رهيب :wink: شبه اقدام الفيل وكنت لدرجة انني لا استطيع الوقوف دخلت وتصفحت في منتديات اخرى عن الاسباب والعلاج فوجدت ان الامر عادي باسبة للحوامل

وااااسفة عندي لكن خبر لا يسر :angry:

اناموعدي مع الطبيبة يوم 7 و8 من هذا الشهر يعني ريح اسافر عند اهل زوجي في جنوب فرنسا ولكن اذا استطعت ان ادخل ليكن فسافعل والله انني اجد صعوبة لفراقكن :angry: ولكن الحمد لله على كل حال

غدا ساسافر وقلبي ساتركه معكن اني احبكن في الله وسامحوني اذا اثقلت عليكن :closedeyes: وسلامي الى كل من تحبني والى كل الحوامل هنا سادعووا لكن في سفري فدعوى المسافر مستجابة باذن الله

انا بنتي ان شاء الله ساسميها :wink: هند :wink: يا رب يعجبكم كما اعجبكم اسم بنت درصاف والا حغير منك يدرصوفتي ههههههههههههه امزح معكن

احبكن في الله

[ritaj 21 34]

شفاك الله وحامك وحفظ جنينك من كل سوء انا عن نفسي لم تكن عندي يا رب تجدي من تطمئنك