مترميش البواقى واستخدميها تانى

[ام القرى 1]

السلام عليكــم ورحمـة الله وبركاتــة ،،

كيف حالكن كنت اتصفح احدى المنتديات فرأيت موضوعا اعجبنى كثيرا واستفدت منه اكثر

وهو عن بواقى الطعام كيف تعيدى استخدامها مرة اخرى بدلا من القائها فى الزبالة

وحبيت انقل لكن الفكرة حتى تعم الفائدة وتستفيدو كما استفدت ان شاء الله

هى عبارة عن كل عضوة تدخل تقول ايه الاكل الباقى عندها وممكن تستخدمه تانى ازاى ومن عندها فكرة تضيفها

:oops:

[ام القرى 1]

وانا هبدأ ان شاء الله بالفكرة دى

بالنسبة للرز لما بيتبقى عندى بشيله فى التلاجة ولما بعمل رز تانى بضيف القديم عليه لكن بضيفه بعد ان يشرب الرز الماء واقلبه كويس واغطيه وبيطلع عادى ولا كأنى ضفت حاجة

[فتاة القائم 0]

السلام عليكــم ورحمـة الله وبركاتــة ،،

الحمدلله والصلاة والسلام على رسول الله وعلى آله وصحبه أجمعين

 

بارك الله فيكي أختي الفاضله موضوع بجد جميل ومهم بالنسبه لي عندنا في البيت (( دجاج)) فا أعطي الأكل الباقي اتركه للدجاج معرف بس الفكره لي انتي فعلتيها بجد نافعه يمكن يجي يوم اجربها اشكركي اختي الفاضله احبكي في لله

[ام القرى 1]

شكرا لمرورك يا (فتاة القائم)

واحبك الله الذى احببتنى فيه

[ام القرى 1]

فى حاجة كمان للرز قريتها فى المنتدى انك ممكن تجمعيه فى الفريزر وتستخدميه بعد كدة فى الفته

[ام القرى 1]

وممكن كمان تعملى بالرز البايت صنيه رز بالبشاميل

ودى الطريقة جبتها من المنتدى بس لسه مجربتهاش

جمعى الرز فى الفريزر لحد مايبقى عندك كميه طلعيه وحطى نصه فى صنيه وحطى شويه لحمة مفرومة معصجة وجزر وبسله

مستويين وضعى باقى الرز

وعلى الوش ضعى الباشميل ودخليه الفرن الى ان يتم تحمير الوجه

[مُقصرة دومًا 1261]

ام القرى مش انت مشتركة معنا فى المسابقة تعالى ساعدينا شوية ههههههههههههههههه

 

https://akhawat.islamway.net/forum/index.php?showtopic=207432

[ام القرى 1]

لما يكون عندك جنزبيل طازة زايد ومش عارفة تعملى فيه ايه ابشريه وشيليه داخل كيس فى الفريزر الى ان تستخدميه

[ام القرى 1]

ايه ياجماعة الموضوع مش عجبكوا ولا مش عايزين تفيدو حد :closedeyes: :smile:

ولا مش عندكو افكار؟؟؟

[ام القرى 1]

لوعندك طماطم كتيرة وخايفة تبوظ منك ممكن تعملى :

1 اعصريها وقسميها على اكياس كل كيس على قد طبخة وشيليها فى الفريزر

2 ممكن تعصريها وتحطيها على النار وتسيبيها لحد ما تتسبك وبكدة يكون عندك طماطم مركزة تقسميها على اكياس كل كيس على قد طبخة

3 او ممكن تعملى جزء منها صلصة للمكرونه وبرضه تخزينيها فى اكياس فى الفريزر

4 لو معندكيش وقت قطعيها وشيليها فى اكياس كل كيس على قد طبخة ولما تيجى تستخدميها هتلاقى القشرة بتاعتها انفصلت عنها انزعيها بك سهولة واضربيها فى الخلاط

:rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:

 

حاجة كمان لو انتى استخدمتى الطماطم وقشرتيها مترميش قشرها لكن حطيه فى الشوربه بيخلى طعمها جميل

انا عندى مامتى لما بتعمل الشوربه بتجيب طماطمايه طريه وتشقها بالسكين على وتحطها فى الشوربة بتديها طعم جميل اوى

[ام القرى 1]

الفينو البايت نشفيه فى الفرن وبعد كدة اطحنيه واستخدميه فى تحمير الفراخ واللحوم والبانيه

وانا عن تجربة لما باخد الكمية اللى هستخدمها بحطلها ملح وفلفل واى توابل تحبيها وكمان ممكن تحطى مكعب مرقه عليهم

وفى وصفة كمان ممكن تعمليها من الفينو البايت

قطعى الفينو قطع متساويه و 4معالق زبادي +بيكينج بودر +شويه دقيق ..بالنسه للدقيق بضيف واخلط عايزه القوام زي قوام الكيكه

بعدين اغمس العيش في الخلطه من الناحيتين واشيلها وانزلها في زيت سخن واحمرها واكمل الكميه وفي الاخر ارش على وشهم سكر بودره

على فكره ريحيه القلى بتبقا جميله وطعمها حلو اوي

ومش بيشرب زيت نهائي انا بعملو على طول وده بسبب الزبادي

فى الحقيقة انا لسه مجربتهاش بس نقلتها ليكم وان شاء الله اجربها

 

وفى كمان وصفة من الفينو البايت

 

 

بالنسبه للعيش الفينو البايت

تتقطع دواير بس سمكها تخين شويه

ندهن الصينيه سمنه او زيت

ونرش 2معلقه سكر فى الصينيه

ونرص العيش

ونجيب كوب ونص حليب ونضرب فيها 2بيضه وفانيليا

وسكر حسب الرغبه

ونسقى بيه العيش بس نخلى بالنا نسقى العيش كله عشان يشرب اللبن ويبقى طرى

ونسيبه فى الفرن ساعه الا ربع

كان تحفه وعن تجربه

ملحوظه العيش تقريبا

3فينو وسط على كميه اللبن ده عشان يتسقى كله

وبكده نبقى استفدنا من العيش الفينو فى عشوة

جامده اوى

[ام القرى 1]

وصفة كمان للفينو البايت تعمليه بنكهات لاقيتها فى منتدى تانى :

انا بسيح قطعت زبدة وملعقتين زيت واحط فيهم توم مدقوق ناعم ومعاه اى نكهه بحبها زى النعناع او الريحان وممكن كمان زعتر واسيبهم منقوعين ساعتين وبعدين ادهن بيهم وجه شرائح الخبز الفينو وادخلهم فرن هادى بيبقى تحفه

وممكن ارش عليهم جبنه رومى مبشور او موزاريلا بيبقى رائع قبل خروجهم من الفرن بدقيقتين

ممكن انتى بقى تجربى ببودرة البصل المجفف مع مبشور الجبن هم عادة بستخدموا فى المصانع نكهه الجبن البارميزان (هى جبن فرنسيه تشبه الجبن الرومى المصرى ولكن تختلف قليلا حتلاقيها فى السوبر مركت الكبيرة ) وممكن كمان الشيدر بس طعمها مش قوى اوى زى البارميزان

[ام القرى 1]

لو حسيتى ان التوم بدا يبوظ منك قشريه وشيليه زى ما هو فى كيس فى الثلاجة لو حسيتى انه هيزرع شيليه فى الفريزر

[ام القرى 1]

دقة الكشرى مترميهاش شيليها فى برطمان فى التلاجة لحد ما تعملى كشرى تانى

:unsure: :mrgreen:

[ام ماريه 0]

[بارك الله فيكي والله أنا استفدت جدا وان شاء الله اجربها قريبا

[سماء صافية 0]

شكرا وتسلمى فكره جميله

[ام القرى 1]

بارك الله فيكي والله أنا استفدت جدا وان شاء الله اجربها قريبا

جزاكى الله خيرا يا ام ماريه

 

شكرا وتسلمى فكره جميله

شكرا لمرورك

[ام القرى 1]

لما يكون عندك بواقى فراخ مسلوقة مترميهاش ممكن تعملى منها شاورمة فراخ

والطريقة سهلة قطعى الفراخ المسلوقة وهاتى بصلة او اكتر على حسب الكمية وهاتى طماطم

خرطى البصل جوليان وشوحيه فى شوية سمن لحد مايدبل بس وحطى عليه الطماطم مقطعة جوليان ولما الطماطم تتدبل حطى الفراخ المقطعة وتبليها بالملح والفلفلوسيبيها شوية لحد ما الطماطم تنشف ميتها وبالهنا والشفا

والكلام ده على اللحوم كمان

[ام القرى 1]

الاسماك الباقية منك ممكن تشيليها لحد ما تزودى عليها

والافضل ممكن تخليها وتتبيليها بشوية ملح وكمون وشطة لو حبيتى وتعمليها كفتة سمك

[ثروة 259]

وعليكم السلام ورحمة الله وبركاته،،

جزاك الله خيرا أم القرى حبيبتي موضوع جميل

و أنا عن نفسي بستعمل الدجاج في الصينية الباقي

لعمل سندويشات شهية مع سلطة ملفوف و كبيس و بطاطا مقلية

و صلصةثوم

[ام القرى 1]

ربنا يبارك فيكى ياثروة والفكرة حلوة ولو عندك اى افكار تانية لاى اكل قوليلنا

[ام القرى 1]

لو عندك بواقى لحمة مفرومة معصجة او نقانق ممكن تستخدميها فى بيتزا او فى حشوة السمبوسة او الجلاش

:icon15:

[*لقاء* 1]

ما شاء الله يا ام القرى

 

موضوع رائع كروعتك ياجميل

[ام القرى 1]

جزاكى الله خيرا يا لقاء الصراحة انا استفدت جدا من الموضوع ده عشان كدة حبيت انقلهولكم ونضيف لبعض افكار وخبرات وياريت الاخوات يفيدونا بأفكارهم ويتفاعلو مع الموضوع ويحتسبو اجرهم على الله وان شاء الله ارجع لكم تانى بشويه افكار وجزا الله صاحبة الفكرة الاساسية خير الجزاء

[ام القرى 1]

*بواقى الجلاش اعمليها ام على