قيادة السيارة>>>تعالى وشاركينا تجربتك..

[مسلمة مجاهدة 353]

ههههههههههههههه اه عملت حادث بس مش مع سيارة :) مرة مع الحائط ومرة مع الرصيف :)

وكان مقابل البيت التي اسكن به مسجد وبجانب المسجد عامود حديد كل مرة اتي من جنب العامود و اجرح باب السيارة :)

ومرة بنصف الطريق وقفت عشان اعطس السيارة اللي ورايا هي اللي علت معايا حادث يعني مش انا صحححححح:")

 

أضحكتيني رموس أضحك الله سنك

 

يعني ما في سلم منك! فعلا! بس الحمد لله انها طلعت بهل الشي وانت كنت بخير!

 

ولا احد بيطلع معي بيخافوا :) وخصوصاً ماما :):):)

ماما تقولي اذا الحيط ما سلم منك هههههههههههه:")

 

يا مسكينة يا رموستي!!

:oops:

[أم عائشة المصرية 242]

اهلا بك اختى الحبيبة . انا مثلك نفسي ومنى عينى اتعلم السواقة وخايفة زى حالاتك من نفس اللى انت بتقوليه.. ولكن انا كنت لسة بتكلم مع اخت فاضلة وهى لسة متعلمة السواقة من فترة قصيرة وهونت عليا الامر وقالتلى ان الموضوع يسير بإذن الله .. والحوادث وغيرها كل ده باقدار الله وبصراحة انا شايفة ان موضوع السواقة ده بالنسبة لينا في مصر اصبح ضرورة غير برضو السعودية والبلاد التانية .. وده لان بصراحة المواصلات عندنا مفاسدها عظيمة سواء مواصلات عامة او تاكسى .. وربنا يوفقك ان شاء الله روحى اتعلمى السواقة وقوليلى عملتى ايه وانا كمان ربنا ييسرلى واتعلم.. والسلام عليكم ورحمة الله وبركاته

 

أهلا بيكي أختى أم مالك..

أنا طبعا والحمد لله مؤمنة إنه قدر بس الواحد فعلا خايف من موضوع الحوادث ده..

ربنا يستر

[أم عبد الوارث 24]

السلام عليكم ورحمة الله وبركاته،،

 

شخصيا اكره السياق و لم أتعلم و لا أفكر في تعلمه لأني أخاف جدا خصوصا بعض حادثة وقعت لي في الصيف مع والدي أصبحت عندي فوبيا حتى أني عندما أكون مع زوجي قلبي يكاد يتوقف عن النبض مع أنه لا يسوق بسرعة و تنتابني احيانا نوبات بكاء من شدة الخوف !! فكيف لي أن أسوق !!

المهم زوجي يقول لي أنه يريد أن يعلمني لأوقات الضرورة لكن أنا أرفض

[دمعتى 2]

انا تجربتى مع السواقة انى دخلت فى تكتك لما كنت بسوق فى حتة زحمة علشان اتعمل السواقة فى الزحمة

 

 

تجربة اختى مع السواقة مضحكة جدا

 

كان عندها 16 سنة تقريبا اول ما بابا علمها السواقة و ساقت فى منطقة فاضية

 

بس كانت فى بنت صغيرة ماشي فى الشارع و اختى مش عارفة تسوق كويس فكانت حتخبطها فالبنت جرت و اختى وراها بالسيارة مش عارفة توقفها لحد ما البنت طلعت على الرصيف و اختى طلعت وراها فالبنت دخلت محل علشان اختى متخبطهاش و قالتلها البنت انى مستقصدانى عايزة تموتينى لية هو انا اعرفك

 

بس اختى مش قصدها طبعا هى مكانتش عارفة توقف العربية

 

المهم ان اهلى منعوها عن السواقة 3 سنين بعدها ههههههههههههههههههه

[البسملة 0]

السلام عليكم

انا اختكم البسملة

تجربتى مع السواقةبدأت منذ عام 2000 و كنت اريد ان اتعلم القيادة حتى اذهب الى عملى بالسيارة و معى اطفالى و لكنى اصررت على ان زوجى هو من يعلمنى القيادة رفضت ان اتعلم مع رجل غريب

وفى المقابل تعلمت فى مدة ( عام ) كل اسبوع ساعة واحدة و طبعا لا اخفى عليكن ماذا يفعل الزوج فهو يخاف على السيارة فى هذا الموقف اكثر يخاف ان يعطل فيها ( دبرياج او فيتاس ) وهكذا

ولكنى تحملت و تعلمت

الى ان جاء اليوم الموعود استيقظت من النوم متاخرا عن العمل و لم يكن امامى خيار سوا القيادة

و بالفعل اخذت المفاتيح و ركبت السيارة و قرات دعاء الركوب و المعوذتين و توكلت على الله و دارت السيارة و وصلت الى عملى و ما كنت اصدق انى فعلتها وحدى

و بعدها اتمرت معى القيادة لمدة خمسة اعوام كاملة اسوق كثيرا جدا جدا حتى اصبحت ماهرة جدا فى القيادة

و كنت لا امح لاى سائق ان يسبب لى ازعج لانى كنت اظهر دائما ثقتى بنفسى و انى لست بخائفة منة

حتى كنت اسير بالطرق السريعة التى يهابها الرجال مثل الطريق الدائرى مثلا بفضل الله بدون خوف

وقد فادتنى كثيرا عندما سافر زوجى وهو كثير السفر فكنت انهى كل طلباتى و احتياجاتى بدون الرجوع الى احدو هو امر لا يخفى على كثير من النساء و البنات

قد تسال احداكن لماذا توقفت عن القيادة فعلا انا لم اقود سيارة منذ 2007 لانى سافرت لزوجى هنا بالسعودية و طبعا الكل يعرف ان القيادة ممنوعة على الناء هنا

و لا اخفى عليكن انى كثيرا ما اشتاق لعجلة القيادة و اقول ( نفسى اسوق عربية تانى )

و نصيحة هامة سمعتها من سائق تاكسى مرة ( لما تقعدى فى الكرى دة ارمى قلبك على الكنبة الا وارة علشان تعرفى تسوقى كويس )

و نصيحتى انا اولا ثقى فى الله ثم اظهرى ثقتك بنفسك حتى لو مرعوبة من جوة

والسلام عليكم و رحمة الله و بركاتة

[أمة الملك 60 0]

السلام عليكن جميعاً ورحمة الله وبركاته :

 

الأخت الفاضلة : أم عائشة المصرية . للرد على موضوعك ممكن أحتاج صفحات لأكتب لك تجربتى والدروس المستفادة منها لكن والله كما قلت ِفالأوقات ضيقة جداً بارك الله تعالى فى أوقاتنا جميعاً وجعلها كلها له سبحانه وتعالى وعز وجل . والأخوات بفضل الله ذكروا الكثير أما ما أردت أن أذكره هو أن الله تعالى قال : ( وقال ربكم أدعونى أستجب لكم ) , فلا تتعجبى ياأختاه إذا قلت لك أننى تعلمت القيادة بالدعاء فعند بداية تعلمى للقيادة قلت ( يارب علمنى القيادة ) وبفضل الله فى أيام قليلة كنت قد تعلمت ,وجلست بجانبى إحدى الأخوات مرة واحدة تقريباً لمدة نصف ساعة فقط .

 

وإن شاء الله أكمل لك القليل فى مرة قادمة ........

[أم عائشة المصرية 242]

اهلا بك اختى الحبيبة . انا مثلك نفسي ومنى عينى اتعلم السواقة وخايفة زى حالاتك من نفس اللى انت بتقوليه.. ولكن انا كنت لسة بتكلم مع اخت فاضلة وهى لسة متعلمة السواقة من فترة قصيرة وهونت عليا الامر وقالتلى ان الموضوع يسير بإذن الله .. والحوادث وغيرها كل ده باقدار الله وبصراحة انا شايفة ان موضوع السواقة ده بالنسبة لينا في مصر اصبح ضرورة غير برضو السعودية والبلاد التانية .. وده لان بصراحة المواصلات عندنا مفاسدها عظيمة سواء مواصلات عامة او تاكسى .. وربنا يوفقك ان شاء الله روحى اتعلمى السواقة وقوليلى عملتى ايه وانا كمان ربنا ييسرلى واتعلم.. والسلام عليكم ورحمة الله وبركاته

 

 

أم مالك المصرية

وعليكم السلام ورحمة الله وبركاته

جزاكِ الله خيرا أخيتي على نصيحتك وربنا يستر..

أنا حاولت أتعلم ولكن أول مرة أتعلم فيها كان زوجى لسه بيشرحلى شوية حاجت فسألته يعني لو معملتش كده حيحصل إيه قالى حيحصل كده وراح مجربلي عملى راحت العربية نطت مرة واحدة وعائشة بنتى كانت واقفة عالكرسى اللى ورا...يعني قاعدة ورا بس واقفة ورانا على طول فساعتها راحت فاجأة لفيتها جنبي واتخبطت فى كاسيت العربية وقعدت تعيط..ومن ساعتها وأنا خايفة أجرب تانى وهي معانا..لأننا حنبقى 4 أرواح وحرام نجازف بكل ده علشان أتعلم..

بيتهيألى مش حقبل على موضوع التعليم ده إلا لما البنات يكبروا شوية ويبقى ينفع أسيبهم مع حد..

[أم عائشة المصرية 242]

أختى الفاضلة أم عبد الله

جزاكِ الله خيرا ردك..

بداية تعلمت السواقة فى 10 أيام0000وأصبحت ماهرة فى 6 شهور بفضل الله

دى مدة معقولة كده..ما شاء الله..>>مش ياسمينا...5 سنين..!!

 

أما بالنسبة لقولك:

ومنه000لأن الواحد لمايتعلم السواقة عليه انه يعرف يسوق كويس وكمان عليه انه يعرف يتفادى اخطاء غيره000

وده والله أعلم أمر صعب شوية..

 

وبالنسبة لقولك:

أحسن حاجة الواحدة يوصلها جوزها اووالدها أو أخوها0000أولضرورة تركب مع أخت ليها تاكسى

كان فى واحدة اتعلمت السواقة وفرحت كتير وبقت توصل أبنائها المدرسة وتشترى حاجات البيت ولو حد مرض توديه المستشفى وهكذا000000000وبعدين ايه الى حصل؟

مرضت 00قامت طلبت من جوزها يجيب ويوصل ويودى0000لكن المفاجأة00انه رفض00عارفين ليه لأن هى عودته على كده أن هى المسئولة عن كل ده0000مسكينة ظلمت نفسها واتحملت مسئولية هى مش أدها مش مطلوبة منها شرعا00فرحت فى الأول بالسواقة ولكن زعلت فى الاخر0

مين الى قال ان سواقة الواحدة للسيارة لا يعرضها للأختلاط؟؟؟؟؟؟؟؟؟ لأ ده مش صحيح0000يتبع

 

فأنا بإذن الله إن تعلمت السواقة فسيكون ذلك للمشاوير اللى زوجى مش حيكون موجود فيها..

يعنى أى مشوار حيكون زوجى فى عمله وهذا المشوار مش حينفع يتأجل ولازم حركب فيه مواصلات..فعربية زوجى أولى..وأنا آخدها فى وقت شغله..

أما غير ذلك فإن شاء الله لن أسوف ابدا وزوجى موجود بالبيت>>ده إن تعلمت أصلا : (((

 

بارك الله فيكِ

[أم عائشة المصرية 242]

السلام عليكم ورحمة الله وبركاته،،

انا الن بصدد التعلم .

بصراحة كنت خائفة جدا في الاول لكن الان الحمد لله تشجعت من اجل اطفالي.

 

و ساعيد امتحان السياقة للمرة الثالثة قريبا و بكل صدق انا حقا بحاجة للسياقة خاصة انا زوجي يغيب عنا دائما لفترات لا تقل عن 3 اسابيع

و المدرسة بعيدة عن البيت .

و باذن الله سيكون استعمال السيارة للضرورة بالنسبة لي.

 

لا تخافي حبيبتي و كوني واثقة من نفسك ومنتبهة.و ان شاء الله حتكوني قائدة سيارة جيدة .

 

وفقك الله لما يحبه و يرضاه

 

وعليكم السلام ورحمة الله وبركاته

والله أعلم أنتِ بالفعل تحتاجين للسواقة كتييييير

من أجل كذا حاجة..مثلا:

لئلا تحتاجى للتعامل مع سائق خاص لأولادك من أتوبيس أو غيره..وكمان علشان متضطريش تركبيهم تاكسي

وعلشان التكلفةوعلشان محدش من الناس الغرباء عنكم يعرف إن زوجك بيتغيب عنكم..

ربنا يحفظك وييسرلك تعلم السواقة ويوفقك فيها..ربنا يكرمك..متنسيش تقوليلنا النتيجة..

[أم عائشة المصرية 242]

جزاكِ الله أم عائشة ..في هذا الصيف سأبدأ بتعلم السياقة لذلك موضوع بوقته

 

أختي رجاء ... معك حق في موضوع الإختلاط .. ولكن هناك احتياجات من بلد لاخر وظروف تختلف فهناك اخوات بعيدات عن اهلهن.. وازواجهن قد يسافرون فمن سيدبر امورها واحتياجاتها..هل تلجئ إلى سائق غير محرم عليها ألا تعتبر خلوة

 

:)

ننتظر رد الشيخ محمد بن اسماعيل من ام عائشة

 

وفقكِ الله أختنا ريحانة..وعقبالى ياااااااارب

بالنسبة لرد الشيخ محمد ابن إسماعيل فالأخت كذا مرة أطلب منها وتقولى إنها نست ولم تستطع..وأنا يئست بصراحة إنها تسألهولى..

[أم عائشة المصرية 242]

أختى فى الله أمتك

وعليكم السلام ورحمة الله وبركاته

جزاكِ الله خيرا وبارك الله فيكِ

 

حبيبة قلبي الزهرة الحزينة..أسعدك الله عن قريب عاااجل

رأيي روحي دلوقتي قبل ما يجيلك اللى يشغلك وساعتها حتندمى كتير..اسألى مجرب..

[أم عائشة المصرية 242]

السلام عليكم ورحمة الله وبركاته

بيييب بيييب وسعوا لو سمحتو الطـــــــريق

 

 

مـبارك أختنا الحبيبة ورزقكم الله خيرها وأبعدكم عن شـــرها

طرح طيب وأعتبرها إستشاره هادفه ونافعه

وكأن أسألتك أختي أم عمر تسألينها وتُجاوبين عليها بنفس الوقت

ذكرتي الأسباب والمُسببات اللي ممكن تمنعكِ من ركوب وقيادة السيارة

إذن إليكِ الحلول السليمة والطُرق الخطيرة وورقه وقلم وسجلي ماسأكتب ^_^

- إن كنتِ تريدين حقاً قيادة السيارة ضعي أمامك الأسباب التي ذكرتيها أمامك

إن كنتِ تستطعين أن تتحكمي في القيادة بدون عصبية وحكمه لكِ أن تقوديها

- إن كنتِ تستطعين غض البصر وعدم مخالطة الرجال بالكلام خصوصا لو أوقفوكِ

مُخالف ( ومش رابطه الحزام ليه ياأم عمر ) ^_^ إدفعي مبلغ وقدره لكِ أن تقوديها

- إن خفت من سواق التاكسي بلاش تركبي

- يمكن تقدري تستحملي شيئ أخف شويه من شيئ أحسن من إنك تعرضي نفسك لمخاطر

البنت جبااانه لو عملت نفسها أسد ^_^ مثلي كده

بحب أركب مع أخويا لما بيمشي بســـــرعه بتشاهد قبل ماأركب

^_^ ربنا يرزقكِ كل خير أم عمر الغاليه ولو حصل صحيح وجربتي قيادة السيارة خديني معاكِ لفه

ربنا يسعدك ياغالية عجبني إستشارتك وإن شاء الله تجدي مايَسرك

عذرا على الاطاله لكن سعدت بالرد عليكِ

 

وعليكم السلام ورحمة الله وبركاته

'دمــ الحنين ــوع'

ربنا يبارك فيكي

وعلى فكرة أنا اسمى أم عائشة>>بس ناوية لو ربنا كرمنى بولد أسميه عمر...هههههه (بجد والله مش بهزر)

جزاكِ الله خيرا نصائحك..وربنا يستر

[أم عائشة المصرية 242]

وعليكم السلام ورحمة الله وبركاته،،

مبارك يا حبيبة

 

أمر قيادة السيارة يختلف من بلد لآخرى

فمثلا بالمملكة حفظها الله يمنع و يحرم قيادة المرأة للسيارة

أما بمصر مثلا فغيرها ...

 

و يوجد أخوات فاضلات معلمات زوجات شيوخ كبار هنا يقودون سيارتهن :)

 

أتمنى أن أتعلم القيادة و لعله قريبا إن شاء الله :)

و ما في مشكلة من القيادة بالنقاب

ممكن تلبسي النقاب المصري و تنزلي الطبقة اللي فوق على عينك حتى لا تظهر

 

و تكوني تسوقي على قدر قدر الحاجة :) و الباقي زوجك يوصلك له :)

ربنا يتمم لكِ على خير :)

 

حبيبتى إيمان..

الله يبارك فيكِ

و تكوني تسوقي على قدر قدر الحاجة :) و الباقي زوجك يوصلك له :)

أكيد إن شاء الله ده اللى حيحصل

و يوجد أخوات فاضلات معلمات زوجات شيوخ كبار هنا يقودون سيارتهن :)

آينعم

ممكن تلبسي النقاب المصري و تنزلي الطبقة اللي فوق على عينك حتى لا تظهر

مش عارفة تقصدي ما هو النقاب المصري؟!

أنا بلبس السعودى وفى أحيان بنزل طبقة على عيني وفى أحيان برفع الطبقة وبضيق فتحة عيني جدا لما يكون مثلا شايلة مريم بنتى وماسكة عائشة وشايلة شنط والطريق مظلم...فبضطر لرفعها..

أما لو كنتى تقصدين النقاب اللى هو فيه مية طبقة اللى مصنوع من التل..فهذا بصراحة لا أطييييقه ومنظره بيضايقنى..مش عارفه ليه..يعني مش بحب ألبسه خالص..

[أم عائشة المصرية 242]

وعليكم السلام ورحمة الله وبركاته

حبيبتى مسلمة مجاهدة

الله يبارك فيكِ

آمين يارب

ما شاء الله ربنا يحفظك...بس بلد إيه دى اللى بتذل الناس كل الذل ده!!!

كل دى خطوات علشان تعملى رخصة..

ده احنا عندنا فى مصر ممكن لو متعرفيش أى حاجة عن السواقة تآخدى الرخصة لو عطيتي الممتحن كم جنيه فى جيبه..إلامن رحم الله..

شفتى الفرق>>إفراط و<<<تفريط..

والسواقة هنا سهلة جدا بحيث كله منظم واشارات مرور وكده....

ما شاء الله..

فعلا نفسي يكون كده فى مصر..أكيد الحوادث حتقل كتيــــــر

اما بوجود زوجك زي ما قلت سابقا هو يتولى هذه الامور! وانت تشوقي وقت الضرورة والحاجة

هذا ما أقصده

 

اما بالنسبة للتعامل مع رجل البنزين والسايس والامور دي... طيب ليه انت تتعاملي معاهم؟ فين زوجك او اخوك او والدك... يقوم بهذه الامور؟!؟!؟

طبعا أختى وما الذي سيجبرنى على التعامل مع هؤلاء!!

أنا فقط أسوق "وقت الاحتياج" وأكيد زوجي بيكون ضابط العربية..يعني ممونها ومنظفها والكلام ده..

 

جزاكِ الله خيرا..أفدتيني أفادك الله

مرورك نور الموضوع..وأسعدنى:)))

[أم عائشة المصرية 242]

أشكر كل أخت نورت الموضوع وبإذن الله لى عودة للرد بالتفصيل على واحدة واحدة,,,,

 

بس ياااارب أعرف الاقى وقت

 

 

أكرر شكرى لكل أخت نورت الموضوع وآسفة إنى برد كده متقطعة

وإن شاء الله أرد على بقية الأخوات فى اقرب فرصة

[أم عائشة المصرية 242]

 

أختى فى الله

عرفتك فشعرت بتقصيري جزاكِ الله خيرا نورتى الموضوع بردك الجميل

كل شئ في الدنيا دي..............مبتدئ ثم متوسط ثم محترف

1) تعلم السواقة في حد ذاته مش هياخود منك وقت...ممكن اسبوع ويمكن اقل...اصلها خطوات هتعرفيها وخلاص....لكني طول عمري بقول ان السواقة ممارسة...كل ما تسوقي اكتر كل ما تقتربي للمهارة ثم الاحتراف

أكيد حبيبتى..زوجى ربنا يحفظه يضطر لممارسة السواقة كتير نظرا لأنه بيروح بالعربية شغله رايح جاى..لذلك تعلم فى وقت يسير ما شاء الله لا قوة إلا بالله اللهم بارك..

2) السواقة عايزة قلب جامد...لو خوفتي وانتي بتسوقي يبقي هتعملي حادثة....ثقي ان كل شئ بقدر ولا تقدري البلاء قبل وقوعه......يعني متفكريش في الموضوع دا اصلا.....والله هقولك حاجة فعلا حقيقة

لو تعرفي كم مرة انا ببقي هعمل حادثة موت علي طريق سريع وربنا بيفتديني علي اخر لحظة هتعرفي ان فعلا ان اللي يمشي علي الطريق دا مش ماشي بشطارته دا ماشي بستر ربنا

جمدي قلبك وهوني علي نفسك...يعني هي ديتها ايه...خبطة مش هتبقي حادثة زي ما انت متخيلة...لانك مش سايقة علي طريق سفر...داخل المدينة غالبا بتبقي خبطات مش حوادث

ولو إنى مش عارفة القلب الجامد ده حجيبه منين إلا إنى بقول ربنا يستر...ويديني القوة والتوفيق..

 

5) لو لقدر الله اتعرضتي لخبطة او احتكاك في مشكلة او اي شئ....نصيحتي ليكي خليكي جوا عربيتك متنزليش منها واتصلي بزوجك يجيلك...دا من خلال تجربتي ونصايح ابي لي

بس بيتيألى ده أمر مستفز أوى للى عملت فيهم الحادثة إنهم ينتظروا سي السيد بتاعى لما ييجي..!!

 

7) عايزة تحترفي السواقة... لازم تسوقي كتيييييييييييييير يعني مش مرة كل اسبوعين او كل شهر وبعدين تقولي انا برضو متعلمتش دا انتي عالاقل لازم مرتين في الاسبوع (علي الاقل) كل مرة لا تقل عن 3 ساعات ولا حاجة....هرجع واقولك ان السواقة ممارسة مش تعليم

للأسف كلامك صح...للأسف..

بس أنا أجيب كل الوقت ده منين..أنا فعلا لاحظت إن زوجى لما بقى بيسوق يوميا اتحسن كتير

وفى الأول كان بيبقى نازل وأعصابة باااايظة لكن بعد كده بقى عادى..ما شاء الله

 

ايه دا هههههههه...دول مبقوش كلمتين...معلش طولت عليكي بس يارب اكون قدرت افيدك

لا طولتى ولا حاجة أفدتيني أفادكِ الله

[أم عائشة المصرية 242]

كل شئ في الدنيا دي..............مبتدئ ثم متوسط ثم محترف

1) تعلم السواقة في حد ذاته مش هياخود منك وقت...ممكن اسبوع ويمكن اقل...اصلها خطوات هتعرفيها وخلاص....لكني طول عمري بقول ان السواقة ممارسة...كل ما تسوقي اكتر كل ما تقتربي للمهارة ثم الاحتراف

أكيد حبيبتى..زوجى ربنا يحفظه يضطر لممارسة السواقة كتير نظرا لأنه بيروح بالعربية شغله رايح جاى..لذلك تعلم فى وقت يسير ما شاء الله لا قوة إلا بالله اللهم بارك..

2) السواقة عايزة قلب جامد...لو خوفتي وانتي بتسوقي يبقي هتعملي حادثة....ثقي ان كل شئ بقدر ولا تقدري البلاء قبل وقوعه......يعني متفكريش في الموضوع دا اصلا.....والله هقولك حاجة فعلا حقيقة

لو تعرفي كم مرة انا ببقي هعمل حادثة موت علي طريق سريع وربنا بيفتديني علي اخر لحظة هتعرفي ان فعلا ان اللي يمشي علي الطريق دا مش ماشي بشطارته دا ماشي بستر ربنا

جمدي قلبك وهوني علي نفسك...يعني هي ديتها ايه...خبطة مش هتبقي حادثة زي ما انت متخيلة...لانك مش سايقة علي طريق سفر...داخل المدينة غالبا بتبقي خبطات مش حوادث

ولو إنى مش عارفة القلب الجامد ده حجيبه منين إلا إنى بقول ربنا يستر...ويديني القوة والتوفيق..

 

5) لو لقدر الله اتعرضتي لخبطة او احتكاك في مشكلة او اي شئ....نصيحتي ليكي خليكي جوا عربيتك متنزليش منها واتصلي بزوجك يجيلك...دا من خلال تجربتي ونصايح ابي لي

بس بيتيألى ده أمر مستفز أوى للى عملت فيهم الحادثة إنهم ينتظروا سي السيد بتاعى لما ييجي..!!

 

7) عايزة تحترفي السواقة... لازم تسوقي كتيييييييييييييير يعني مش مرة كل اسبوعين او كل شهر وبعدين تقولي انا برضو متعلمتش دا انتي عالاقل لازم مرتين في الاسبوع (علي الاقل) كل مرة لا تقل عن 3 ساعات ولا حاجة....هرجع واقولك ان السواقة ممارسة مش تعليم

للأسف كلامك صح...للأسف..

بس أنا أجيب كل الوقت ده منين..أنا فعلا لاحظت إن زوجى لما بقى بيسوق يوميا اتحسن كتير

وفى الأول كان بيبقى نازل وأعصابة باااايظة لكن بعد كده بقى عادى..ما شاء الله

 

ايه دا هههههههه...دول مبقوش كلمتين...معلش طولت عليكي بس يارب اكون قدرت افيدك

لا طولتى ولا حاجة أفدتيني أفادكِ الله

[** أم يحيى ** 104]

تجارب مفيدة

 

الله يحفظنا ويحفظكن

بوركتن

[ام زينة و ميسان 13]

مبارك عليك أخت ام عائشة السيارة

كفاك الله شرها و بارك لك فيها

السواقة بالنسبة لي كانت حكاية مسلية فعلا

اولا ذهبت إلى مدرسة تعليم السواقة التابعة للمرور لأحصل على الرخصة و طبعا السائق اللي بيدرب مبيعلمش حاجة و أناعارفة و هو عارف إنه بيسوق بالدواسات اللي عنده علشان يخلصو مع ذلك قالولي روحي بقى امتحني يوم كذا علشان ده يوم المدرسة و كان معروف إنك بتديله 50 جنية و هو برده بيسوق من عنده و مرالامتحان تمام و نجحت و أخذت الرخصة و اشتريت العربية من غير ما أعرف اسوقها؟؟؟

و زوجي أيضا كان يسيرمعي بنفسالخطىالتيذكرتها و اتفقنا على شراء سيارة موديل قديم علشان نتعلم الاول و بعدين نجيب سيارة العمر

المهم طلع أخي معي و هو سائق ماهر حقا ليعلمني حوالي 3 مرات بعدها قررت فجأة إني آخذ السيارة و اأذهب للعمل طبعا مشعاوزة أقولك مكنتش مميزة الفرامل من البنزين و الأول من الرابع و طبعا عملت حوادث كتير و كلها بسبباخطائي لأني كنت دائما أدوس بنزين بدل الفرامل

و ساعات كنت بدخل في سيارات واقفة و الله لكن تماااااااااام اتعلمت في حوالي ستة أشهر اتفنت السواقة و احببتها

لك زوجي لم يحب السيارة لأن اعطالها كانت كثيرة جدا فقمنا ببيعها على أمل أن نشتري واحدة جديدة و الله المستعان

لكني الآن أسوق سيارة والدتي في بعض الأحيان حتى لا انسى ما تعلمت

نسيت أقولك إن أخي كان يعلمني كيف اسير و أمر من العربيات و أسرع فكنت أنزل من اليسيارة و أنا أعاني من صداع رهيب فركبت معي أمي مرة قالت لي لا تشدي نفسك ركزي فقط أمامك و سيري على سرعة هادئة لتتفادي أي خطأقبل وقوعة ومنذ تلك النصيحة استراحت أعصابي و احببت السواقة جدا

وفقك الله حبيبتي

 

[* أم عبد الله * 0]

السلام عليكم

 

السواقة مسئولية تضاف لمسئوليات المرأة الكتيرة عليها يعنى هي ناقصة الواحدة مسئولية جديدة

سبحان الواحد أول ما اتعلمت السواقة كان والدى بيعملى كل حاجة تخص السيارة

وفعلا مش بحتاج أتعامل مع رجالة إلا للضرورة القصوى

لكن مع الوقت الموضوع بيتطور ولقيت نفسى بعمل أغلب الحاجات اللى تخص السيارة

وده بعد لما كان والدى بيرفض أصلا يخلينى أركن السيارة لأن ده تعب عليا!!!!

لكن ده طبيعى بعد لما تسوقى كااااام سنة

يعنى اللى يتعلم السواقة يتحمل حلوها ومرها مع الوقت

المهم أنا انقطعت من فترة عن السواقة ولجأت للبدائل يعنى زوجى والدى المواصلات

لكن صرااحة اتصدمت وتعبت من الكل

أولا لأن زوجى وأهلى اتعودوا خلاص على إنى بصرف نفسى وأسوق

وثانيا لأن المواصلات مشقة ومش أمان

ياريت يرجع دور الأب والأخ والزوج زى ما كان ويكونو مسئولين عن توصيلى

وأكون تحت جناحهم وحمايتهم ورعايتهم :(

أخواتى أنا جددت رخصة السيارة لكنى لسا مرجعتش أسوق

صراحة أنا جدا فى حيرة من أمرى

ياليت لو حد يفيدنى فى الموضوع ده وجزاكم الله خيرااا