ام عمر ومريم 3 أرسلي تقرير عن المشاركة قامت بالمشاركة 6 يناير, 2010 السلام عليكم ورحمة الله وبركاته كيفكن بنات عاملين ايه حبيبتى ايات انا لسة مخدتش الخلطه دى دى البويضه دى سبحان الله لوحدها لكن الخلطه بتاعة طلع النخيل والعسل والجنسنج لسه هجربها الشهر الجاى من بعد نزول الدورة اللى جاية والخلطه دى هتلاقيها عند العطار موجوده فى مصر لان امى اشترتها من مصر وبعتتهالى وان شاء الله يكون فيها الشفاء اهلا بيكى اختى فيروز نورتينا وربنا يرزقك ويرزق كل محروم ياااااااارب حبيبتى الحبيبة الراضيه تسلمى على دوعائك وان شاء الله تبشرينا عن قريب بالحمل المعاف باذن الله جزاكى الله كل خير غاليتى امة الله ويبارك فيكى على موضوعك الجميل واان شاء الله هسال عنه واجيبة وربنا هو العاطى الرزاق والحمد لله على كل حال شارك هذه المشاركه رابط المشاركه شارك
أمة الله أم حمزة 2 أرسلي تقرير عن المشاركة قامت بالمشاركة 6 يناير, 2010 السلام عليكن ورحمة الله وبركاته حبيباتي الغاليات أسأل الله أن يرزقكن جميعاً الذرية الصالحة التي ترضي الله عنكن اللهم آمين يا رب العالمين وجميع المسلمين يا رب العالمين على فكرة أنا زوجي عطار لو عند أي واحدة منكن أي سؤال في العطارة ممكن أسألهولكو وهو الذي لفت انتباهي لموضوع التلبينة حينما وجدته يقرأ عنها وجدته يذكر فوائد كبيرة جمة لها ومن ضمن الفوائد أنها تيسر الحمل بإذن الله تعالى والتلبينة حبيباتي اللواتي لا يعرفنها هي عبارة عن شعير مطحون بنخالته ووردت أحاديث نبوية كثيرة جداً في فائدتها وعلى فكرة يا حبيباتي مما علمته من زوجي أن فائدة التلبينة صرفة بدون أي إضافات لا تضعي عليها لبن حبيبتي إذا كنتي تستخدميها كعلاج وإن شإت إضافة شيء يجعلك تحبيها فضعي العسل النحل إن شئت والله أعلم واجعلي لنفسك وجبة خاصة من التلبينة أو وجبتين وهو الأفضل بإذن الله يعني إما تكون هي إفطارك أو عشاءك أو غداءك إن أمكن وحاولي ألا تأكلي قبلها بفترة ولا بعدها بفترة أيضاً يعني تكون الفترة ساعتين على الأقل أما إن استعملتيها كغذاء فقط فضعي اللبن إن أحببت ذلك حبيباتي إحرصن ألا تشترين التلبينة المعلبة الجاهزة لأن صلاحيتها تنتهي سريعاً ولا يكون تأثيرها نفس تأثير التي تطحينها حاولي أن تبحثي عن عطار تثقين به ويطحن لك هو الشعير وتشتريه منه مطحون أسأل الله أن ينفعكن بهذه المعلومات وإنشاء الله سأبحث عن موضوعات أخرى عن التلبينة وأضعها في هذا القسم من أجلكن يا حبيباتي وأسأل الله أن يعجل حملكن بإذنه سبحانه إنه ولي ذلك والقادر عليه تقبلوا مروري يا حبيباتي شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 6 يناير, 2010 السلام عليكم ورحمة الله وبركاته،، أختى ام عمر شفاكى الله وعافاكى وترجعى بالسلامة انا عندى العسل وطلع النخل بس الجنسنج ده هسأل عليه انا مش من القاهره انا فى الصعيد وعندنا عطارين هسال عندهم أمة الله أم حمزة كويس جوزك عطار تنفعينا التلبينه انا عندى تلبينة اخدها من امتى يعنى بشترط فى ايام الدورة واخدها كده من غير حاجة ملعقة وابلعها ولا آخدها الزاى وايه الحجات الى تنفع ياخدها زوجى شارك هذه المشاركه رابط المشاركه شارك
جارة الوادي 0 أرسلي تقرير عن المشاركة قامت بالمشاركة 6 يناير, 2010 السلام عليكم ورحمة الله وبركاته،، حبيباتي الغاليات ...كيف حالكن ؟؟؟ عفارم عليك يا ايات يا ذكية إنت ؟؟أنا كمان عندي نفس السؤال للأخت أم حمزة .....ماهي الأعشاب الخاصة بالرجال ...وجزاك الله عنا كل خير يا رب ... أنا يا حبايب اموري كلها متعلقة بالدورة القادمة .....يا رب ماتجيش ...ولكن إذا جت ....فأنا عندي مواعيد كثيرة أولها أشعة الصبغة ...وثانيا لازمني أخذ دواء كلوميد وإن شاء الله نروح الدكتورة علشان التلقيح ...وأملنا في ربنا كبير ..... شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 7 يناير, 2010 (معدل) السلام عليكــم ورحمـة الله وبركاتــة ،، حبيبتى جارة الوادى يارب نسمع منك اخبارحلوة قريب حبيبتاى أم عمر ومريم و حبيبة...جزاكما الله خيرا على الترحيب ادعو لى بالاستقرار مع زوجى عاجلا غير آجلا....لأنه مسافر وانا اعلم أن الحمل يحتاج استقرار ونفسية هادئة وعدم استعجاله...لأن ده بيأثر على التبويض..ولكن من الصعب عدم القلق فى حالة السفر...يسر الله لى ولكن الحمل المعافى والذرية الطيبة التى تقر أعيننا عاجلا غير آجلا ياااااااااارب اللهم لا تذرنى فردا وأنت خير الوارثين تم تعديل 7 يناير, 2010 بواسطة الفيروز7 شارك هذه المشاركه رابط المشاركه شارك
نور عيوني 0 أرسلي تقرير عن المشاركة قامت بالمشاركة 7 يناير, 2010 السلام عليكــم ورحمـة الله وبركاتــة ،، اخواتي فريال و ام عمرو و ام فرحة و ايات و راضية و كل الأخوات بارك الله فيكم و جزاكم الله خيرا اختي فريال طمنتيني و اسعدني كلامك الجميل و ان شاء الله بشرة خير بس انا عايزة اعرف انتي متى حصل معاكي الحمل التاني بعد الاجهاض ؟؟؟؟ و يارب يكملك حملك على خير و يرزقك ذرية صالحة و يبارك لكي فيها و تكون سبب لدخولك الجنة و كل اخوات المنتدى لهم نفس الدعوة معلش انا اليومين الي فاتو ما كنتش بدخل علشان اسناني وجعاني و بحشي عصب للضرس و ربنا يهون علينا و وكلنا نروح منتدى الحوامل يارب قريبا لاني مشتاقة جدا و ربنا يرقنا جميعا يعني انا ممكن اجرب الخلطة دي بتاعة العسل و طلع النخل و الجينسينج ؟ طيب امتى و كيف؟ على فكرة انا اخر دوةرة لي كانت يوم 17-12-2009 قولولي اعملها امتى جزاكم الله خيرا شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 7 يناير, 2010 السلام عليكــم ورحمـة الله وبركاتــة ،، معلش انا اليومين الي فاتو ما كنتش بدخل علشان اسناني وجعاني و بحشي عصب للضرس و ربنا يهون علينا و وكلنا نروح منتدى الحوامل يارب قريبا لاني مشتاقة جدا و ربنا يرقنا جميعا يعني انا ممكن اجرب الخلطة دي بتاعة العسل و طلع النخل و الجينسينج ؟ طيب امتى و كيف؟ على فكرة انا اخر دوةرة لي كانت يوم 17-12-2009 قولولي اعملها امتى جزاكم الله خيرا وعليكم السلام ورحمة الله وبركاته شفاكِ الله وعافاكِ حبيبتى وبإذن الله أخواتى يردوا عليكى فى مواعيد الخلطة شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 7 يناير, 2010 السلام عليكم ورحمة الله وبركاته اخواتى الحبيبات عاملين ايه الخت الحبيبة ام انس اخبارك ايه ؟ وام عمر عامله ايه يارب خير الخت ايات وجارة الوادى والحبيبة الراضية والشروق والفيروز وام فرحه وجميع من فى المنتدى يارب تكونو بخير وان شاء الله ربنا ييسر لنا الحمل جميعا اااااامييييين الاخت الحبيبة امة الله ام حمزه شكرا على كلامك الجميل وعاوزه اسسألك يا ريت تسألى زوجك ايه الاعشاب اللى تفيد الزوج لان المشكله فى تأخر الحمل خاصة بزوجى ياريت لو فيه حاجه لزيادة عدد الحيوانات المنويه وزيادة سرعتها وقلة التشوهات وزيادة الحركة لان هى دى المشاكل اللى عند زوجى وجزاك الله خير الجزاء قبلاتى للجميع شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 7 يناير, 2010 وهل التلبينة تساعد فى علاج المشاكل اللى ذكرتها بالنسبه للزوج وبارك الله فيك اختى الحبيبة شارك هذه المشاركه رابط المشاركه شارك
ام عمر ومريم 3 أرسلي تقرير عن المشاركة قامت بالمشاركة 7 يناير, 2010 السلام عليكم ورحمة الله وبركاته جزاكم الله كل خير من سالت عنى وان شاء الله نسمع عنكوا اخبار سارة حبيباتى بالنسبة للزوج هياخد نفس الخلطة وهيه العسل وطلع النخيل والجنسنج وزياده عليها لقاح ملكات النحل برده كل ده من العطار حتى لقاح ملكات النحل عنده وكل ده بيزود الحيوانات المنوية للرجل ويخليها كويسه شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 7 يناير, 2010 السلام عليكم ورحمة الله وبركاته،، كيفكم يا اخوات فينك ياام حمزة ردى علينا؟ انا شوف رؤية فرحتنى شفت انى ولدت وجبت بنت وجوزى سماها آسية يارب تتحقق شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 7 يناير, 2010 السلام عليكم ورحمة الله وبركاته،، هذه ادعية اعجبتنى نقلتها لكم من موضوع اخت لنا هنا فهذه بعض الأدعية والتي جعلها الله تعالى كاشفة للهموم والغموم : (1) عن عبد الله بن مسعود رضي الله عنه قال: قال رسول الله صلى الله عليه وسلم : " ما أصاب أحداً قط هم ولا حزن فقال: " اللهم إني عبدك وابن عبدك وابن أمتك، ناصيتي بيدك، ماضٍ في حكمك، عدلٌ فيَّ قضاؤك، أسألك بكل اسم هو لك سميت به نفسك أو علمته أحداً من خلقك، أو أنزلته في كتابك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حُزني، وذهاب همي، إلا أذهب الله همه وحُزنه، وأبدله مكانه فرجاً"، قال: فقيل: يا رسول الله ألا نتعلمها ؟ فقال:" بلي، ينبغي لمن سمعها أن يتعلمها "[ رواه الإمام أحمد والحاكم وصححه الألباني في الصحيحة 199] وفي رواية: " فقولوهن وعلموهن، فإن من قالها التماس ما فيهن؛ أذهب الله U حزنه وأطال فرحه" . (2) عن أبي بكرة قال: قال رسول الله صلى الله عليه وسلم : " دعوات المكروب: اللهم رحمتك أرجو، فلا تكلني إلى نفسي طرفة عين، وأصلح لي شأني كله لا إله إلا أنت " [ رواه الإمام أحمد وأبو داود والبخاري في الأدب المفرد وهو في صحيح الجامع 3388 ] (3) عن ابن عباس ـ رضي الله عنهما ـ أن رسول الله صلى الله عليه وسلم كان يقول عند الكرب : " لا إله إلا الله رب السموات ورب الأرض ورب العرش الكريم"[ متفق عليه ] (4) عن أسماء بنت عُميس قالت: قال لي رسول الله صلى الله عليه وسلم " ألا أعلمك كلمات تقولينَهُنَّ عند الكرب أو في الكرب: الله ربي لا أشرك به شيئاً"[ رواه الإمام أحمد وأبو داود والنسائي ] وعند الطبراني في الأوسط أيضاً عن ابن عباس ـ رضي الله عنهما ـ : " يا بني عبد المطلب إذا نزل بكم كرب أو حمة أو جهداً أو لأواء فقولوا: الله الله ربنا لا شريك له." (5) الصلاة على النبيr : عن الطفيل بن أُبي بن كعب عن أبيه قال: كان رسول اللهr إذا ذهب ثُلثا الليل قام فقال:" يا أيها الناس اذكروا الله اذكروا الله جاءت الراجفة تتبعها الرادفة جاء الموت بما فيه جاء الموت بما فيه"، قال أبي: قلت: يا رسول الله: إني أُكثرُ الصلاة عليك فكم أجعل لك من صلاتي؟ " ما شئت" قال: قلت: الربع، قال:" ما شئت، فإن زدت فهو خير لك"، قال: قلت: فالثلثين. قال:" ما شئت"، فإن زدت فهو خير لك، قلت: أجعل لك صلاتي كُلها، قال: " إذاً تُكفي همك، ويُغفَر لك ذنبك"[ رواه الإمام أحمد بسند حسن حسنه الألباني ] وفي رواية لأحمد: " إذاً يكفيك الله ـ تبارك وتعالى ـ ما أهمك من دُنياك وآخرتك". (6) عن أنس بن مالك t قال: قال رسول اللهr لأبي طلحة: "التمس غلاماً من غلمانكم يخدمني، فخرج بي أبو طلحة يردفني وراءه، فكنت أخدم رسول اللهr كلما نزل فكنت اسمعه يُكثر أن يقول: " اللهم إني أعوذ بك من الهم والحزن، والعجز والكسل، والجُبن والبُخل، وضلع الدين وغلبة الرجال"[ رواه البخاري ] (7) عن أنس بن مالك t قال: كان النبيr إذا كربه أمر قال: " يا حي يا قيوم برحمتك أستغيث"[الترمذي بسند حسن ] وعند الحاكم بلفظ: كان إذا نزل به هم أو غم قال: "يا حي يا قيوم برحمتك أستغيث". (8) عن أبي هريرة t قال: كان النبيr يتعوذ من جهد البلاء ودرك الشفاء وسوء القضاء وشماتة الأعداء.[ متفق عليه ] (9) عن معاذ بن عبد الله بن خُبيب، عن أبيه أنه قال : خرجنا في ليلة مطر وظُلمةٍ شديدة نطلب رسول اللهr ليُصلي لنا، فأدركناه، فقال : " أصليتم؟" فلم أقُل شيئاً، ثم قال: " قل" فلم أقل شيئاً، ثم قال:" قل" فقلت: يا رسول الله، ما أقول: قال: " قل: قل هو الله أحد والمعوذتين حين تُمسي وحين تُصبح ثلاث مراتٍ تكفيك من كل شيءٍ"[ أبو داود والترمذي والنسائي وأحمد بسند صحيح ] (10) عن علي بن أبي طالب t قال : علمني رسول اللهr إذا نزل بي كرب أن أقول": لا إله إلا الله الحليم الكريم، سبحان الله وتبارك الله رب العرش العظيم، والحمد لله رب العالمين." وفي لفظ: " ألا أعُلمك كلاماتٍ إذا قلتهن غُفر لك، على أنه مغفور لك، لا إله إلا الله العلي العظيم، لا إله إلا الله الحليم الكريم، سبحان الله رب العرش العظيم، الحمد لله رب العالمين".[ في مسند الإمام أحمد بسند صحيح ] شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 7 يناير, 2010 الاخت الحبيبة ام عمر ومريم بارك الله فيك بس عاوزه اسأل كميات الخلطة بالنسبة قد ايه؟ ويتاخد كام مرة وجزاك الله خيرا انا هحاول اشوف الحجات دى عندنا هنا فى السعوديه لانى انتقلت الى مكان جديد فى السعوديه من 3 ايام وربنا يوفقنا الاخت ايات يارب يحقق رؤيتك وان شاء الله بشرة خير لا تنسونى وزوجى من دعائكم بارك الله فى الجميع شارك هذه المشاركه رابط المشاركه شارك
أمة الله أم حمزة 2 أرسلي تقرير عن المشاركة قامت بالمشاركة 7 يناير, 2010 السلام عليكم ورحمة الله وبركاته ،،،، حبيباتي الغاليات أسأل الله أن يرزقكن جميعاً بالذرية الصالحة الطيبة التي تقر أعينكن بها جميعاً والمسلمين أجمعين يا رب العالمين حبيباتي أنا سألته وإنشاء الله أول ما يرد عليا هاكتب رده وأنقله ليكم على فكرة الخلطة اللي قالت عليها أم مريم أنا زوجي كان بيعملها لتأخر الحمل ويعطيها لأصدقائه وطبعاً كانوا رجال وكان كلمني إنها بتزود الحيوانات المنوية زي ما قالت ام عمر ومريم ربنا يبارك فيها ممكن اسأله الخلطة بالظبط كانت إيه بس انا فاكرة إنها كانت الحاجات اللي قالت عليها ام عمر ومريم بالظبط بس كان بيعملها بعسل جبلي وشرط يكون العسل أصلي ويكون من شخص موثوق فيه جداً خالوا بالكو علشان العسل بيتغش دلوقتي حاولو تشوفوا حد تثقوا فيه وكمان باقي المكونات يعني غذاء الملكات برده لازم تشوفوه قبل ما يحطه العطار على التركيبة أو تخلو حد موثوق فيه يحطهولكو في المنحل على طول على العسل وده بتكون نتيجته أفضل إنشاء الله أول ما يجاوبني هارد عليكو يا حبيباتي وهايكون غالباً يوم السبت بإذن الله أو الأحد لأني الجمعة مش هاكون هنا أسأل الله أن يرزقكن جميعاً بالذرية الصالحة عاجلاً غير آجل يا رب العالمين شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 7 يناير, 2010 السلام عليكــم ورحمـة الله وبركاتــة ،، جزاك الله خيراحبيبتى أم حمزة بس يا حبيبتى انتبهى لكتابة ان شاء الله لا تكتبيها هكذا (إنشاء الله)بارك الله فيكِ ... شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 9 يناير, 2010 السلام عليكم ورحمة الله وبركاته،، فينكم اخواتى عاملين ايه انهردة انا فاضل على دورتى أسبوع يمكن نحجز الشهر ده عند الدكتور عادل فاروق انا ليا يومين باخد تلبينة وعسل وطلع النخل بس مش عارفه استمر عليها من دلوقتى ولا لما الدورة تيجى وتمشى شارك هذه المشاركه رابط المشاركه شارك
ام_رقية 1 أرسلي تقرير عن المشاركة قامت بالمشاركة 9 يناير, 2010 (معدل) ايات ازيك عاملة ايه انا كل لما بدخل مش بلاقى حد انا كمان كنت هاخد الحاجات دى وكان لسة اسبوع ع الدورة وبعد كده طنشت وقولت لما تيجى احسن وابدا دورة جديدة انا معادها اليومين دول ادعوولى ماتجيش يااااااارب واكون حاامل يااااااااااااااااارب :) تم تعديل 9 يناير, 2010 بواسطة ام_رقية شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 9 يناير, 2010 السلام عليكم ورحمة الله وبركاته،، يارب ماتجيش يا ام رقية وتجيبى رقية يارب وتبقى ام رقية بحق وحقيق إنما انا توقعاتى إنها هتيجى بس مش عارفة استمر فى شرب التلبينة والعسل وطلع النخل ولا أستنى شوية أخدها ايام الدورة ولا بعد الدورة مش عارفه؟ شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 9 يناير, 2010 السلام عليكــم ورحمـة الله وبركاتــة ،، يارب يا ام رقية تكونى حامل الشهر ده ويارب نطمن عليكى يا آيات وعلى كل أخواتى ...يارب يفرحنا كلنا بذرية تقر أعيننا شارك هذه المشاركه رابط المشاركه شارك
ام_رقية 1 أرسلي تقرير عن المشاركة قامت بالمشاركة 9 يناير, 2010 اللهم آمييييييييييييين ياااااااااااااارب ربنا يخليكو ياابنات ايات مش عارفة والله موضوع الاعشاب ده بس بحس ان الافضل لما هى تيجى تبدئى تستخدمى الحاجات دى وربنا يحقق حلمك ياااارب ويرزقك الذرية الصااالحة الفيرووز ازيك عرفينا عليكى بقالك اد ايه متجوزة وايه علاجك وكده يعنى ؟؟؟ :) شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 9 يناير, 2010 السلام عليكم ورحمة الله وبركاته،، ويارب نطمن عليكى يا آيات وعلى كل أخواتى ...يارب يفرحنا كلنا بذرية تقر أعيننا يارب يافيروزة انا وانتى وكل عايز ايات مش عارفة والله موضوع الاعشاب دهبس بحس ان الافضل لما هى تيجى تبدئى تستخدمى الحاجات دى وربنا يحقق حلمك ياااارب ويرزقك الذرية الصااالحة اختى ام رقية انا لما جربتها حسيت انها بتعمل صحة ونشاط يعنى ليها فوايد اخرى التلبينة تجم الفؤاد والعسل مفيد واللبن عشان كده انا شربت تانى انهرده وبعدين لو استمرينا عليها من دلوقتى مش هتخسر بس اهم حاجة استمر عشان انا بزهق بسرعه وابطل وربنا يدينا كلنا الذرية الصالحة شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 9 يناير, 2010 (معدل) الفيرووز ازيك عرفينا عليكى بقالك اد ايه متجوزة وايه علاجك وكده يعنى ؟؟؟ :) حبيبتى انا بقالى تقريبا سنة ونصف متجوزة واخدت كلوميد 3مرات بس ومش ناوية ارجعله تانى ان شاءالله لان سمعت دكتور فى التلفزيون بيقول مش صح ناخد منشطات اذا كان التبويض طبيعى ...ولكن كان الاستعجال بقا ...خصوصا سفر زوجى ...فالامر بالنسبة لى عاوز استقرار...ويااااااااااارب الاستقرار ده يحصل قريب تم تعديل 9 يناير, 2010 بواسطة الفيروز7 شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 9 يناير, 2010 السلام عليكم ورحمة الله وبركاته،، صح يافيروزة اهم حاجة الإستقرار انا برضه عدم الإستقرار قد يكون سبب انا متزوجة من 7 سنين ونصف تقريبا اول تلات سنين كنا مستقرين وبعديها زوجى سافر السعودية سنتين ونصف ورجع بعدها اشتغل فى القاهرة وانا من سوهاج كان بيجى كل اسبوعين بعدها اشتغل فى اسيوط بيجى كل اسبوع وهى طبيعة شغل زوجى مهندس كده صعبة ادعولنا بالإستقرار وبالذرية الصالحة شارك هذه المشاركه رابط المشاركه شارك
الفيروز7 0 أرسلي تقرير عن المشاركة قامت بالمشاركة 9 يناير, 2010 يارب يا آيات يجمع بينكم على خير..طيب ما تحاولى أنتى تسافرى معاه لو ظروفكم تسمح...أنا كان ليا واحدة زميلتى كان زوجها بيسافر عشرين يوم ويرجع والدكتورة قالتلها روحى معاه واستقرى فربنا رزقها بالحمل...عقبالنا يارب..وبعدين أنتى لازم متكسليش وتواظبى على الخلطة عشان تاخدى بالاسباب...البيبى يستاهل اننانتعب عشانه شوية شارك هذه المشاركه رابط المشاركه شارك
أختكم آيات 1 أرسلي تقرير عن المشاركة قامت بالمشاركة 9 يناير, 2010 السلام عليكم ورحمة الله وبركاته،، صح يا فيروزة بس انا جربت الغربة مارتحتش لان زوجى برضه كان يسبنى طول اليوم وشى فى وجه الحيطان وانا من النوع الى يحب اللمة ومايعرفش يعيش لوحده وكمان جوزى قاعد فى استراحة تبع الشركة ومعاه اصدقائه فمش ينفع ياخدنى بس انا قبل ما يجو صحابه رحت قعدت معاه اسبوع هناك بعد كده رجعنا وفيه ناس جات سكنت معاه والله الواحد ماعارف يعمل ايه؟دعواتك ليا ولأختى بسم الله ماشء الله حامل فى توئم وتعبانه ربنا يكملها على خير هيا ومرات اخويا ويلحقنى بيهم قريب شارك هذه المشاركه رابط المشاركه شارك
