تجمع منتظرات الحمل

[ام عمر ومريم 3]

يابنات انا قريت الموضوع ده فى منتدى يااارب تستفيدوا منه

 

السلام عليكم ورحمة الله وبركاته

 

انا اول مر اشارك في هذا المنتدى وحبيت اقولكم تجربت اختي مع الحمل المتأخر اختي تزوجت وجلست 3سنين ما حملت وتعرفو كلام الحريمالمهم عانت في 3السنين هذي وام زوجها كانت تبي ولدها يتزوج كانت تقوله هذي ما تجيب عيال وكانت اختي تنجرحالمهم بدة في رحلت علاج وكان زوجها رافض يسوي تحاليل يأسة اختي من العلاج وفي يوم امي الله يطول بعمرها قالتلها خلي الشيخ يقرا عليك اختي تكدرة مره وقالت انا مافيني شي وقرا عليها الشيخ والحمدلله وعطها جدول وقالها داومي عليها وشوفي المهم اختي بدة تطبق الجدول الي عطاها وفي نفس الشهر الدوره ماجاتها وقام زوجها واشترى تحليل مختبر وهي مو راضيه تسوي التحليل تقول لي 3سنين ماابول الا في مختبر وانتو بكرامه المهم ومر يومين وما سوت المختبر وقالت في نفسها يابنت قومي سوي وش بتخسرينوسوت وجت النتيجه انها حاااااااااااااااااامل وطلعت وخبرة زوجها بحملها اقولكم وش الجدول كانت تقرا كل يوم سورة البقره وسورة الصافات وتقول هذي (اشهد ان لااله الاالله وحده لاشريك له له الملك وله الحمد وهو على كل شئ قدييير) 100 مره في اليوم وتستغفر كثير وتصلي اليل وتدعي وهي تبكي تدعي من كتاب اسمه الدعاء المستجاب يارب انك ترزق كل محرومه يااااارب وترزقني يااااااااارب انا راح اجرب جدولها يارب اني احمل يااااارب

[أختكم آيات 1]

السلام عليكم ورحمة الله وبركاته،،

شكرا يا فيروز اعلمها إن شاء الله

اناباخد برتقال وعندى زيت النعناع

معلش قلبت الموضوع اعلى الزكام سامحونى

ام عمر شكرا على القصة

[جارة الوادي 0]

السلام عليكــم ورحمـة الله وبركاتــة ،،

ماشاء الله اللهم بارك يا رب لأختنا رضاك يا رب والله فرحت لك كثير ..المهم زي ما قالوا الأخوات عليك حبيبتي بالراحة خصوصا في الشهور الأولى وإن شاء الله يثبت حملك ويرزقك طفل صحيح معافى سبحانه إنه على كل شيء قدير

 

ايات ربنا يشفيك ....انتبهي لنفسك ....وارتاحي و...على فكرة تحليل الهرمونات بيكون في اليوم الثالث من أيام الدورة ...وإن شاء الله خير ...

 

سلامي للأخوات كلهن ...ربنا يفرجها عليكم ويفرحكم

 

أن والله الحمد أخباري مش كويسة

 

أنا سابق وأخبرتكم على إنسداد إحدى قناتي فالوب ..وألو إنه ولا وحدة من الأخوة أخذت بالها و- جاوبتني ..معلش ،،

 

المهم أنا أخذت كلوميد 100mg لمدة ٥ أيام ورحعت للدكتورة علشان تحليل الدم بس الأمور متغيرتش ونسبة .FSH...لسه عالية ...يعني كمية البويضات عندي قليلة جدا .....

 

والدكتورة طلبت مني القيام بفحوصات أكثر دقة لمعرفة عدد البويضات يالظبط وحالتها إيه ....

 

احنا لسة مقررناش أي حاجة بس الموضوع كله بيأثر فيه كثير في بعض الأحيان ....وبعدين بستغفر ربنا وبحمده وبطلب رحمته .....

[الشروق الشروق 0]

السلام عليكم اخوتي انا متابعة مع دكتورة علشان تشوف ان كان حجم الكيس بيكبر ولا لا بس زوجي خايف عليا من العملية وانا عايزة اعرف هل الكيس الدهني اللي علي المبيض هل هوه سبب تاخر حملي انا متزوجة منذ 6 اشهر واتمني من الله ان ارزق بطفل ادعوا لي كتير بحبكم في الله

[ام مريم ويحيى 136]

السلام عليكم ورحمة الله وبركاته

اخواتى الحبيبات كيف حالكن

الاخت ايات شفاك الله وعفاك ان شاء الله

ام عمر قصة مفيدة جزاك الله خيرا

اخواتى الحبيبات الفيروز..... ام انس ....ام رقيه ....ام فرحة وجميع من فى المنتدى يارب تكونو جميعا بخير

الاخت الحبيبة جارة الوادى يارب يشفيك ويطمنك وان شاء الله خير

الاخت الحبيبة الشروق الكيس اللى على المبيض اللى عندك ما تقلقيش منه انا كان لى صديقة كان عندها كيس على المبيض وعملت العمليه وشالته والحمد لله ربنا اكرمها وهى الان حامل وعلى وشك الوضع

ربنا يرزقنا جميعا الذرية الصالحة

اااااااااااامين

[أختكم آيات 1]

السلام عليكم ورحمة الله وبركاته،،

 

ايات ربنا يشفيك ....انتبهي لنفسك ....وارتاحي و...على فكرة تحليل الهرمونات بيكون في اليوم الثالث من أيام الدورة ...وإن شاء الله خير ...

 

الاخت ايات شفاك الله وعفاك ان شاء الله

سندسة وجارة الوادى جزاكم الله خيرا

[ام_رقية 1]

ازيكو يا بنات

ايات

الف سلامة عليكى

 

جارة الوادى

ربنا يشفيكى ياارب ويرزقك الحمل ياارب

 

باقى البنات اخباكو ايه ؟

 

الماسة

اهلا بيكى معانا

ربنا يعوضك ياارب بحمل ثاابت ويرزقك الذرية الصاالحة

 

ام عمر

مع احتراامى ليكى

لكن حبيت اقول رايى فى القصة

المفروض فى العبادة التوقيف

مين بيقول ان سورة الصافات نقراها عشان الحمل او عدد استغفار معين

لو كان ده صحيح اكيد كان الرسول عليه الصلاة والسلام هيقوله لينا

 

ده رايى والله اعلم

 

لكن طبعا قراءة سورة البقرة بركة فى كل حاجة

ماحدش يقدر يتكلم فى ده :)

 

احبكم فى الله

[ام_رقية 1]

الفرووز

بالنسبة لسؤالك عن التلقيح

 

انا فعلا الدكتورة قايلالى الخطوة اللى بعد كده المفروض تلقيح

بس جوزى لسة مش موافق بيه دلوقتى

 

لكن هو اكيد مهم

 

ربنا يهديه ويوافق يااارب

 

وربنا يرزقنا من غير تلقيح ولا حاجة ياااااااااااارب

[أم طفطف 1]

السلام عليكم ورحمة الله وبركــاته

 

أنا أوفقك الرأي يا أم رقية بأن لا نتبع الأهواء ولا أن نعلق آمالنا على شيخ يقرأ قرآن أو غيره

 

ولكن نعلق الآمال باللـــه الواحد الرزاق الذي قال في كتابه العزيز:((يهب لمن يشاء إناثا ويهب لمن يشاء الذكـــور))

[أختكم آيات 1]

السلام عليكم ورحمة الله وبركاته،،

 

ايات

الف سلامة عليكى

الله يسلمك يا ام رقية جزاك الله خيرا

 

اسيبكم بقى عشان انا عيانه ادعولى اخف من الزكام

[نور عيوني 0]

لا بأس عليكي طهور بأمر الله اختي ايات شفاكي الله و عافاكي

[وسط][/وسط]

[ام عمر ومريم 3]

السلام عليكم ورحمة الله وبركاته

كيفكن يا بنات عاملين ايه

انا نقلت هذه المشاركه لاخت للافائدة فقط وانا اعرف ان سورة البقرة ان للبركة حتى انا بقراها على طول وبشغلها فى البيت على طول من قبل مااقرا هذا التعليق وكمان اسمع عن سورة الصافات انها كويسه وبعدين كله من كتاب الله وليس فيه اى اهواء زى ماختنا بتقول

غير كده احنا ساعات لما بتكون فيه امور صعبه علينا مثل الفتاوى او اى امر يخص ديننا بنلجا للشيوخ لكى نعرف الصحيح وانه قرا قران عليها لا ربما تكون محسوده او من قيبيل ذلك والله اعلم بها

انا بس احببت انقل لكم القصه لنعلم فضل ربنا علينا والحمد لله بانه انعم علينا بكتاب الله وسنه نبينا محمد صلى الله عليه وسلم

تم تعديل 27 يناير, 2010 بواسطة ام عمر ومريم

[ام عمر ومريم 3]

وعلى العموم انا اسفه انى نقلت لكم هذه القصه وجزاكن الله خيرا

[ام_رقية 1]

ام عمر

شكلك زعلتى

لالالالالالالالا والله مش تزعلى

 

انا مش قصدى حاجة

انا بس بقول رايى

 

[ام عمر ومريم 3]

لالالالالا حبيبتى مش زعلانه بس انا قصدى بس ان احنا نقرب اكتر لربنا عشان سبحان الله نعرف فعلا اننا محتاجين ليه قوى لان مفيش حد غيرة بنلجأليه عشان كده انا نقلت ليكوا القصة دى عشان نعرف حكمة ربنا رغم الصعوبات اللى الاخت كانت مواجههها

[ام عمر ومريم 3]

وبعدين احنا اخوات ومش ممكن ازعل منكوا ابدا احنا هنا بنشد آذر بعضنا وربنا يرزقنا جميعا الذريه الصالحه يااااااااارب

المهم انتى عامله ايه واخبارك ايه

[ام_رقية 1]

ده بردو عشمى فيكى حبوبة :)

 

انا الحمد لله بخيير والله

 

ربنا يكمل فرحتى ياارب واحمل الشهر ده يااااااااااااارب

 

وانتى اخر اخبارك مع العلاج ايه ؟؟؟

[ام عمر ومريم 3]

ان شاء الله حببيتى ربنا يرزقك الشهر ده اللهم اميييييييييييين وكل من تريد الذريه الصالحه ياااارب

انا الحمد لله ابتديت اخد منظم الهرمونات من تلات ايام ولما تنزل الشهر الجاى هروح للدكتور من اليوم الخامس ليها

باذن الله عشان اعرف ان الدورة هتنتظم والا لا وربنا هو الشافى

[رضاك يارب 7]

السلام عليكم كيف حالكن

ربنا يرزقكن عاجلا غير اجل باذن المولى حبيباتى ربنا ييسرلكن كل خير بالنسبه لنوعية التمر ف نوع بلح طرى اسم العلبه المغلفه عليها مكتوب تمر او تمر سيوا او تمر السعوديه بس انا كنت بحط التمر الهو بلح رمضان واغليه فى اللبن

وبالنسبه لمشكلة زوجى هى قلة فى الحيوانات والدكتوره قالت سبحانك يارب كمان شوية صدسد واملاح وانا كانوا بيقولوا لى انى عندى ضعف فى التبويش

والحمد للهدعيت ربنا وكنت بقول اللهم اشفنا من كل رمض يمنع حملنا فانت ولى ذلك والقادر عليه

ربنا ييسرلكم كل خير حبيباتى اوصيكن بالاستغفار وهقلكم شئ

انا حفظت سورة البقره و0ختمتها

وكثرة قرائتها كمان لها فؤائد عظيمه

حولوا تحفظوها وعن قريب باذن المولى هنسمع عنكن الخبر الاكيد

الاستغفار ويابنات الدعاء والثقه فى الله واعرفى ان لما ربنا بيقدر بخترق الحيوان الضعيق وربنا بيحفظه من كل شر ويشفى للحظه ضعفك وضعف زوجك لانه رايد والله يابنات بتكلم من قلبى وعن تجربه انا مريت بازمات كتير فى حياتى وقد يعلمها بعضكن والفرجها عليا ربنا والدعاء وصلاة الليل والاستغفار وحسن الظن بالله

احبكن فالله والله لن انساكن من الدعاء ياغالين

[ام عمر ومريم 3]

ربنا يبارك فيكى يا حبيبتى يار ضاك ياااارب ويتمم حملك على خير وتفرحى بيه وانتى شايلاه اللهم ااااااااااااااميييييين

[ام مريم ويحيى 136]

جزاك الله خيرا اختى الحبيبه رضاك يارب

وربنا يتمم حملك على خير اااامييييين وتفرحى بيه وتجيبى لينا احلى نونو ان شاء الله

اخواتى الحبيبات

ام عمر ومريم وام رقيه وام انس والفيروز

كيف حال الجميع يارب نسمع عنكم كل خير

الاخت ايات كيف حالك الان ربنا يشفيك يا رب

سلامى للجميع

لا تنسونا من دعاءكم

[الفيروز7 0]

السلام عليكــم ورحمـة الله وبركاتــة ،،

كيف حالكن يا أخوات؟؟؟

آيات

اخبار الزكام آيه ؟؟؟طمينا عليكى

أم مريم وعمر وسندسه وأم رقية وحبيبة الراضية ونور عيونى وكل البنات يارب دايما بخير..

أم أنس

فينك مش بتدخلى من مده لعل المانع خير

جارة الوادى

طمنينا على آخر الاخبار معاكى

رضاك يارب

لا تنسينا من دعائك دائما...ياااارب يبارك فى حملك وخلى بالك من نفسك

المسلمة فريال

فينك طمنينا عليكى عاملة آيه فى الحمل؟؟؟وخلى نفسك معانا هنا فى الركن ده برضه :biggrin:

[Seerah 0]

السلام عليكــم ورحمـة الله وبركاتــة ،،

 

اخوتي الحبيبات... كف حالكم .. انشالله تمام...

 

 

أحب اهني أختنا رضاك يا رب على من الله عليها بالحمل.... ألف ألف مبروك أخيتي ... ثبت الله لك حملك وأقر عنيكي برؤية طفلك يا رب! .... وعقبالنا كلنا!

 

 

وأحب أرحب بالأخت الجديدة، الماسة الجميلة ... عوضك الله عن حملك الأول... أنا كمان كنت حملت وفقدت حملي قبل سنة... يا رب يعوضنا جميعا وقريباً!

 

 

يابنات ابغى اشارككم قصة عمتي... كانت متزوجة ٥ سنين ما خلفت... حصل لها إجهاض مرات كثيرة.. مسكينة... وفي السنة الماضية، أكرمها الله وكتب لها الحمل الثابت.. طبعاً بعد أن لزمت السرير طول فترة حملها خوفاً من الإجهاض ...وجبت بنوتة حلوة مشا الله ... بنتها الأن عمرها ٨ أو ٩ أشهر....

 

 

لكن ليست هذه هي المفاجأة الوحيدة .... فقد فجاءتنا قريباً أنها الأن حامل ثانيةً وفي الشهر السابع!!! ....

 

 

شوفو لما ربنا يشاء أن يكتب الفرج على عبده... فعلاً يرزقه من حيث ما يحتسب!!! ...

 

 

نتعلم من قصة عمتي إنه علينا بالصبر... واليقين أن الفرج آت.. حتماً... عاجلاً... أو آجلاً!!

 

 

سلامي للجميع..

 

 

أختكم ،

 

سيرة

[ام مصعب ان شاء الله 0]

السلام عليكــم ورحمـة الله وبركاتــة ،،يسرنى لو قبلتونى اخت جديده لكم ارجو الله ان يرزقنا جميعا الذريه الصالحة التى نتقرب بها اليه وتكون فى ميزان حسناتنا امين

:rolleyes:

[الفيروز7 0]

السلام عليكم ورحمة الله وبركاته

حبيبتى سيرة...ربنا يسعدك ويسعد عمتك ويبارك لها فى ذريتها..وأنا أعرف قصة أيضا واححده تقريبا بقالها 6سنوات متزوجة وكل مرة كان الحمل يسقط...والآن معاها ولد ربنا يحفظهولها من كل سوء....عقبال كل اللى فى الصفحة

أم مصعب...أهلا بيكى حبيبتى معانا أسأل الله العلى العظيم أن يرزقك بمصعب عاجلا غير آجلا...أحكيلنا عنك حبيبتى وكيف تسير الامور معك