يوميات زوجة لسه متجوزة

[راضية وحامدة الله 2]

جميله

 

انتظر البقيه بشوووووووووووووووووووق

[طيف الكاميليا 0]

عندك حق حنان من رجليها علشان تتعلم الادب ياسلاام عليك يا حنونه ده انتي ممتازه دايما كده فاهماني ايه الحلاوه دي يا بنتي ايه السكر ده طب بقي لو لقيتيها يبقي هاتيها من رجلها او شعرها اي حته المهم تجيبيها

[الدحنون 0]

السلام عليكم ورحمة الله وبركاته،،

كيفك يابنات انا من زمان مادخلت؟؟؟

بس زيكو..............وين تكمالة القصة!!!!!!!!

انا رح انفجر

ههههههههههههههههههههههههههههههههههههههههه

[**المعتزة بدينها** 3]

اليوميات روعة و شكلي كدة هتابع معاكم

 

ماشاء الله ننتظر المزيد

 

 

 

 

 

 

بالراحة يا بنات

 

طيوف و حنون

 

 

 

 

لحسن تزعل و تخلينا احنا الي معلقين بننتظر تعاطفها معانا

 

 

يلا يا بنتي احنا عاوزين الحلقة الرابعة

 

ههههههههههههه

 

شكلي كدة هنظم الى حنون و طيوف

[حبيبة87 3]

السلام عليكم ورحمة الله وبركاته،،

 

اسلوبك فى الكتابة جميل ولذيذ جدا ما شاء الله

 

فى انتظار باقى الحلقات

[طيف الكاميليا 0]

لا يالمعتزه خليها تخاف علشان تسرع بالموضوع

[صاحبه القلب الطيب 12]

معقوله هو انتى تبع كلمتين وبس

 

ماشى منتظرين سطرين المره الجايه ههههههههه

 

لا بجد طولى شويه

 

وعلى فكره انا حابه جدا لغتك ديه فى الكتابه ياريت تستمرى عليها بجد

[قلب مشتاق للجنة 0]

يا نهار أبيض اغيب شوية عن المنتدى الاقيني اتعلقت من رجلي و شعري

أنا خفت خالص خالص

و الله يا جماعة المنتدى كان معلّق معايا مش عرفت اكتب الحلقة الرابعة

♥♥♥♥♥♥الحلقة الرابعة♥♥♥♥♥♥

 

يوم الاربعاء ده ما كانش إجازة بالكلية لكني لم أكن مستعدة نفسياً لأني احضر محاضرات و طبعاً قلت لزميلاتي لأننا لازم نسأل على بعض

.. أنا نسيت أقول لكم إن العريس الأول طلب رأيي في نفس اليوم لكن طبعاً قلنا له ادينا فرصة نفكر

جاء العريس الثاني المتظر و في ميعاده بالضبط .. شكلهم متفقين عليّ

انتظرت إلى أن نادت عليّ أمي كما بالأمس .. دخلت زي أمس و أصابني الحياء اللي انتوا شوفتوه .. لكن العريس المحترم كان جرئ جداً إلى حد كبير و كان مركز نظراته عليّ طول فترة الزيارة ده اللي سبب لي احراج شديد لأني كل ما اتجه بوجهي في أي جهة أجد أخينا مبحلقاً فيه

كنت طول الوقت ساكتة .. مش عارفة هل كنت افكر و لا مصدومة من اللي عملته في نفسي و لا إيه؟؟؟؟

قطعهو الصمت بسؤالي .. اظنه حكيم لأنه سألني سؤال في الثقافة العامة و رديت عليه لكنه لم يوافقني الرأي .. ما كان مني إلا أن سكت فاستمر في جدالي .. الحاجة اللي ضايتني حبه للجدال لكني لم اسكت فالموضوع مهم جداً ما ينفعش اوافقه عليه بسكوتي

النقاش بيننا سبب الملل للجالسين معنا .. أمي قررت أنها تدينا على دماغنا احنا الاتنين و قالت : عموماً قلبكم أبيض و أمن هو على قولها بقوله : الخلاف في الرأي لا يفسد للود قضية فأيدته و سكتنا مرة تانية لكنه أعلنها صريحة إنه معجب بيّ و إنه استقر عليّ ..

 

ملخص العريس الثاني :

من فئة الصعايدة (رأسهم انشف من الفينو قصدي من الحجر) , ملتزم بالدين و الخلق , مادياً متيسر , عنده شقة في نفس شارعنا , لكنه دماغه ناشفة و يصمم على كلامه بشدة

 

أنا في اللحظة دي وقعت في حيرة كبيرة يعني اختار مين؟؟؟؟

و أمي ندمت ندم كبير جداً على إنها وافقت تشوف الاتنين

تعرفوا .. الطمع يقل ما جمع لكن أنا كان هدفي التطفيش و ربنا رباني و علمني الأدب

المهم .. اللي زاد الطين بلة إن العريس الأول اتصل يوم الاربعاء ده عشان يؤكد إنه مغرم بالبنت دي اللي هي أنا و إنه بيطلب تحديد لموعد الزيارة التانية اللي بيتفقوا فيها دي

و العريس التاني اتصل و قال إن دي هي اللي كنت بادور عليها من زمان و إن أبوه زاره في المنام و هو مبسوط بهذه الزيجة

 

صعبان علي والده و صعبان علي نفسي و اللي عملته فيها

اختار مين الصعيدي و لا الفلاح .. الاتنين ملتزمين .. الاتنين متخلقين .. الاتنين كويسين

 

طيب اعمل إيه اختار مين

تفتكروا يا بنات انا ختارت مين يكون شريك حياتي ؟؟؟؟؟

 

في الحلقة الجاية بقى

[قلب مشتاق للجنة 0]

ينفع كده يا طيف انت و حنان ؟؟؟

تعلقوني على باب المنتدى و في الرئيسية كمان

انتم بقى ما تعرفونيش انا مفترية جداً

و هاوريكم مين هي سمسم؟؟؟

حتى انت يا بروتوس قصدي يالمعتزة بدينها؟؟؟؟ تنضمين للحزب المفتري طيب صبركم علي في باقي الحلقات :?

[خاشية لله 0]

انا الحين متابعة مسلسلين واحد تركي وواحد مكسيكي

ولقد تعلمت أصول الأستعطاف

حلقة قليلة تمنع بلاوي كتيرة

ربنا يخليكي ويباركلك في زوجك

ربنا يرزقك أولاد وكل زوجاتهم تطلع طيبات

حلقة جديدة

[خاشية لله 0]

أتعلموها بقي أنتم مش شايفين

أنها رابطة راسها وشكلها والعلم لله تبع

كتائب القسام

أسلوبك رائع ودمك خفيف جدا يا قلب مشتاق

[~أمُّ تَسنِيم~ 1]

كملي يا مشمش شوقتينا :)))

أنا اقول اختارتي الأول و الله أعلم

[قلب مشتاق للجنة 0]

ليه يعني الأول؟؟؟

لازم توضحي الأسباب

مشكوووووووووووووووووورة لمرورك أختي

[احساس جميل 6]

بص ياقمر

شكلك مخترتيش لاده ولاده

بس لو اخترتي بينهم اتمني يكون الاول

لانك قلتي لين

والراجل اللين احسن والف مره مين اللي دماغه ناشفه

يلا تعالي قوللنا بئي

بحبك في الله

[قلب مشتاق للجنة 0]

لا يا خاشية لله من غير حلقة قليلة و لا حاجة جايبة لكم الحلقة الخامسة بسرعة اهو

و انتِ يا احساس جميل يا اللي اسمِك جميل لازم اختار امال ايه فايدة ان اكتب اليوميات دي

و أحبك الله الذي أحببتني من أجله يا حبيبتي في الله

و على فكرة المذكرات دي مش قصتي أنا دي ميكسنج من قصص حدثت أمامي و حبيت اشرككم فيها

بارك الله فيكن جميعاً

[قلب مشتاق للجنة 0]

و دي الحلقة الخامسة قبل ما اتعلق من شعري و لو اتعلقت يا ريت حد ينزلني ما احنا برده اخوات يا بنانيت انتم

 

♥♥♥♥♥♥الحلقة الخامسة♥♥♥♥♥♥

أنا اختارت يا بنات لكن طبعا بعد تفكير عميق و كأني هاروح احرر القدس اختارت الفلاح لاسباب كثيرة اعددها عليكم

طبعا إنه لين ده شئ أساسي لأني بطبعي ما بحبش الشدة و حسيت إن التاني ده شديد شوية و كمان مش سهل الاقناع لكن أخينا الأولاني لين كده و سهل و كمان ملتزم و وسيم و مين ما يحبش يرتبط بيه؟؟؟؟

 

المشكلة في مادياته كانت محدودة شوية ... يعني محتاج زقة

 

اختياري للعريس الأولاني كان صدمة لكل العائلة و طبعاً كان السبب معروف .. يعني أنا ما اتكلمتش معاه نص كلمة بينما اتكلمت كتير مع التاني و كانوا مستغربين لأن التاني إلى حد ما ثقافته أوسع و انسب من الأول و كان هو المفترض بالقبول لكن الأرواح جنود مجندة بقى

 

و وسط ذهول الأهل و فرحتي بهذا العريس الذي ألقى الله بمحبته في قلبي الصغير أقيمت الخطبة .. حفل اسلامي بسيط حضره الأهل و قليل من الأصدقاء :smile:

كانت فترة الخحطوبة هي الفترة الاروع على الاطلاق ما فيش مسئولية خالص .. لكني كنت مسئولة عن هذا الشخص مسئولية كاملة في قرارة نفسي فقد كنت بفضل الله أعلم منه بالدين .. له بعض الأمور التي تقربنا إلى الله و كان يستجيب لي تماماً لكنه في يوم قال لي:

مش هينفع إنك تقولي لي اعمل كذا و كذا و تسأليني عملت و لا لأ؟؟ كفاية انك قلتي لي و أنا هاعمل بفضل الله و توفيقه مش عشان انتِ قلتي

طبعاً اتضايقت من الكلام ده لكن لما فكرت بعقل لقيت ان هو صح لازم يكون عمله لله مش عشان انا باقول يبقى لازم يعمل زي ما باقول له

كان رومانسي جداً لدرجة فظيعة تجنن برغم إن عمره ما صرح لي بكلمة الحب إلا أنه كان يعبر بها دوماً و أمام أي مخلوق كان ... هدايا ... و تذكارات و كل الكلام اللي البنات بتحبه ده و انا كنت سعيدة لكن فيه حاجة كانت ناقصة .. يعني ممكن أكون اندفعت شوية وراء العاطفة و نسيت مهام دعوية كنت باقوم بيها و مواظبة عليها برغم إنه كان بيشجعني إلا إني حسيت إنه غصب عنه بيشدني بعيد عن كل ده

كل شئ كان هادئ و مستقر إلى أن بدأت احس بغيرة صحباتي منه و بإنه أخدني منهن و طبعا ده حقيقي لأن كل تفكيري كان فيه و ابتديت اسرح و اشرد حتى في المحاضرات و كانت صحباتي بينصحوني لكني كنت فاكرة ان دي غيرة منهن خصوصا أنهم لم يرتبطن بعد و زادت حماقتي ووصلت الآفاق فلقد قاطعت صديقاتي خوفاً منهن و من أفكارهن المسمومة على حد تفكيري العقيم :icon16: :smile:

و زاد حبه لي و تمسكه بي و زدت أنا الأخرى :wub:

لكن كان لازم أفيق مما أنا فيه , حسيت إن كل شئ صح بيتسحب مني بيوصلني لطريق واحد طريق هذا الشخص .. تعبت من التفكير بحالي الذي يسوء فقررت قراراً لا رجعة فيه

قرار هيحدد مصير عقلي اللي أنا غيّبته بايدي القرار كان

^

^

 

^

 

^

^

^

^

^

^

هتلاقي القرار تحت

^

^

^

^

^

^

^

^

^

^

تحت تاني كمان

^

^

^

^

^

^

^

^

^

^

^

^

^

^

في الحلقة الجاية طبعاً ههههههههههههههههههه :smile:

[~أمُّ تَسنِيم~ 1]

و على فكرة المذكرات دي مش قصتي أنا دي ميكسنج من قصص حدثت أمامي و حبيت اشرككم فيها

 

يا دي النهار اللي مش فايت :smile:

مش قصتك ليه يابنت يا مشمش امال بتسميها مذكرات ليه يا شيخة؟ :smile: :wub:

 

طيب انا أقولك ليش اختارتي الأول

 

لانك ذكرتي أنك غيرتي نظرتك للفلاحين بعد كده هذا دليل على استمرار العلاقة مع الأول :rolleyes: ===المحقق كونان :icon16:

 

 

كملي و بلاش تشويق :smile:

تم تعديل 31 مايو, 2009 بواسطة أنصار الإسلام

[قلب مشتاق للجنة 0]

انتِ فعلاً ذكية جداً فعلاً ملاحظة دقيقة لكن أنا نشرت خلاص يا كونان

كمان عاوزة اقول لك مذكراتي لا تستحق النشر أما هذه اليوميات فأظن فيها الاستفادة تابعيني

أحبكِ في الله

لكن القرار هيصدمِك و يصدم الجميع

تابعونا

[ام(عمير) 5]

متابعينك بس اكملى بسرررررررررررررررررررررررررررررررررررررررررررررررررررررررررررررررررررررررررررررر

رررررررررررعة

[ام معاذ ومريم 1]

يااااااااااااااااااارب

يصبرنا عليكى

انتى تقريبا عاوزة تشلينا

خلصى وكملى بقى

[قلب مشتاق للجنة 0]

يااااااااااااااااااارب

يصبرنا عليكى

انتى تقريبا عاوزة تشلينا

خلصى وكملى بقى

 

بعد الشر عليكي يا قمر

[قلب مشتاق للجنة 0]

لازم عنصر التشويق عشان القصة تكمل

و كمان ردودكم كميلة خالص رغم ان كلها رغبة في الانتقام

ههههههههههههههه

[~أمُّ تَسنِيم~ 1]

:mrgreen: :tongue: :rolleyes:

[ام معاذ ومريم 1]

;-) :closedeyes: :angry:

ماشى

هتندم يا جميل

انا هعمل موضوع مخصوص

علشان اوريكى

[قلب مشتاق للجنة 0]

ورينا يا قمر همتك

;-) :closedeyes: :angry: :mrgreen: :mrgreen: :mrgreen: