انصحوها وجزاكم الله خير الجزاء

[يتيمة والدها الحبيب 0]

السلام عليكم

 

 

اخت لى فى الله عندها مشكلة مع زوجها ارجو من الله ثم منكم المساعدة انصحوها لما فيه خير لها ولزوجها

 

 

وجزاكم الله خير الجزاء

 

 

 

 

 

/////

 

 

اعمل ايه حد يقولى

 

انا متجوزة من سنه وباختصار مشكلتى مع جوزى تتلخص فى الاتى

اولا: مبيحبش اهلى مع انهم واقسم بالله نقصين يفرشوله الارض ورد عشان يرضى ومبيدخلوش فى حياتنا خالص وكمان نادر جدا لو جم زارونا

 

ثانيا جوزى مسرف جدا جدا جدا فى اى حاجة الا مصالح البيت عنده استعداد يشحن موبيله لاخر مليم معاه وكمان بيشرب سجاير وبيجيب علب السجاير المليانه ويرميها فى كل مكان وجبات اخواته اللى ساكنين جانبى ماشاء الله اللى فيهم تكح لازم اروح ومعايا حاجات من اللى قلبك يحبها وطبعا هما كل اسبوع عاينين هما واولادهم باى مرض تافه طبعا

اخوه عايش فى محافظه تانية لازم كل ما مرته تيجى يجبلها تاكسى تخرج بيه فى كل مكان ويكلف الاسبوع اللى تقضيه معانا اليوم ميقلش عن 400 جنية مصاريف وهى بتيجى 3 مرات فى السنه وكل اهله لما بيجوا يزورونا وهما ماشيين لازم ياخدوا كل الخير اللى فى البيت يتلم فى اكياس وياخدوها مع العلم ان كل عنده اختبن واخ واحد وكلهم اغنيه وعندهم فلوس من غير حساب

اما جوزى فهو ماديا متوسط ماديا

اولا سكنى فى شقه ايجارها 1000 جنية فى الشهر عشان يبقى جنب اخواته كمان مصاريفه الشخصية والتاكسيات اللى بيركبها والموبيل والسجاير

اما انا فتقريبا مش فى قاموس المصاريف بتاعته

عدى عليا عيدين معاه كل عيد يتاسف ان الفلوس خلصت ومش هيقدر يدينى عيديه ولا هيشتريلى لبس العيد وانا اقوله مش مهم انت بالدنيا عندى

فى عيد ميلادى مجبليش هدية وقالى الفوس خلصت معلش وقولتله ميهمكش انت هديتى والصيف اديه بدء وبيقولى معلش مش هقدر اجيب لك لبس الصيف قولتله خلاص مش مشكله وبعدها جاب 3 اطقم لبس له وقاله ان واحد صاحبه ادهمله هديه

سكت وقولتله انت اهم

بس انا تعبت هو رافض يدينى مصروف للبيت وبيدينى 50 جنية كل 5 ايام وبعدها 100 ويسبنى 7 ايام وبعدها يدنى خمسين وهكذا

طبعا انا تعبت بجيب كيلو لحمة بكيلو والخضار على الاد وعماله ازنق عشان مصاريف البيت تكفى وعشان مزعلوش طلبت منه نسيب الشقه وناخد واحد ايجارها ارخص رفض انتم فاهمنى ازاى لما الفلوس بتبقى على بعضها بتعمل حاجه لكن

هو مش مقتنع لحد ما اكتشفت انه بيدى البواب بقشيش 100 جنية وهو البواب مبيعملناش اى فايده وكمان عايش فى شقه زينا ومستواه كويس جدا

يعنى كل الفوس اللى مع جوزى لاى حد الا انا

من كام شهر حصلى اجهاض وعملت عمليه كان هو فى البلد بتاعه لما عرف جه جرى بس مسالنيش العمليه اتكلفت كام خالص ولا اهتم بالمصاريف

ومن كام شهر كان هو مسافر واحتجت لفلوس قولتله قالى خدى من مامتك ولما هرجع اديكى ونسى الموضوع على كده وحاولت افكره لكن كبر دماغه

لحد من 5 ايام روحنا نبارك لابن عمته على المولود الجديد راح جوزى مديله 200 جنية مباركه مع ان التلاجه قدام عينه بقالها اسبوع فاضية فاضية مفيش فى الفريزر لحمة ولا فراخ وكان بقالى كام يوم بعمل عدس ويوم فول وهكذا لان افتكرت انه ممعهوش فلوس وهو كان قايلى انه ممعهوش لحد اليوم ده لما رجعنا البيت قولتله كان كفايه تديله 100 جنية وال100 التانية نجيب بيها حاجات فى التلاجه

لكنه قالى عادى ودى مناسبه مش كل يوم قولتله بس هو غنى ومش محتاج لكن انا مش قادرة استحمل العيشه كده انا بقالى 4 ايام بقولك ان البرشام بتاعى خلص وعاوزة غيره مجبتهوليش وهو 17 جنية والكبه بتاعه الفرم اتحرقت من 4 شهور وقولتلك مجبتش غيرها والغساله عطلانه من اسبوعين مش راضى تصلحها واخر مره خرجنا فيها من 4 شهور يعنى قعدنى فى كافيه بسيط لدرجة انه صرف 10 جنية على الرغم ان لما كان بيعزم ابن عمته ومراته ونخرج كان بيدفع بال300 جنية ودى كانت اول مره نخرج فيها لوحدنا دفع فيها 10 جنيه بس روحت قولتله كمان انت ليه مبتبصش لمصالح البيت المفروض ان البيت الاول وبعدين انا وبعدين كل اهلك واللى حواليك ازاى نجيب للناس فاكهه او لبن وزبادى ومعلبات والتلاجه فاضية ومفيهاش حاجة من اسبوع بنقعد بالاسبوع وانا كنت مكسوفه اكلمك كنت فاكره انك هتحس وهتقدر انى بحرم نفسى عشان بخاف ميكونش معاك فلوس لكن انت كل الفلوس اللى بيتجى بتتصرف بس مش على البيت انا زعقت وخلاص مش قادره استحمل وناقصنى حاجات كتير ومش راضية اتكلم كنت فاكره انك هتقدر تعبى وانى بشيل الحاجة واركب المواصلات عشان اوفر فى الخضار وفى تمن اللحمة والفراخ لكن انت من الناحية التانية بتبعزق انا كنت فاكره انك هتعيشنى فى عيشه احسن من كده انا خلاص تعبت وبعدها سكتنا وهو نام وتانى يوم اتصل بابويا وقاله بنتك مش عاجبها عيشتى تعالى نتكلم ونقعد قاعده ولما انا وبابا قاعدنا معاه معجبوش الكلام وراح قال لبابا خدها خليها عندك لحد ما اجيب اهلى يقعدوا معاك

قوقولى اعمل ايه اقسم بالله انى بوفر كل جنية وقرش ومليم عشان البيت لكن هو مش مقدر ارجوكم انصحونى اعمل ايه

__________________

[الحاجة أم حسن 9]

بســم الله الـرحمــن الرحيــم

وعليكم السلام ورحمة الله وبركاته

حياك الله أختي

يتيمة والدها الحبيب

رحم الله والدك ووالدي وأموات المسلمين وغفر لهم وأسكنهم جنات النعيم

وجزاك الله خيراً لحرصك على مصلحة صديقتك ونصحها لوجه الله تعالى

وأوجه كلامي الآن لصديقتك هدانا الله وإياها

اسأل الله العظيم أن يفرّج همّك وأن ينير لك الطريق ويهديكِ لما يُرضِ الله تعالى

أختي الحبيبة

أولاً أنصحك بالرجوع لبيتك فوراً بدون تردد وأن تحمدي الله على ما رزقك من نعمة الزواج وأسأله سبحانه وتعالى أن يرزقك الذرية الصالحة التي تتم فرحتك وسعادتك أنت وزوجك

واعلمي أختي أنه لا توجد حياة بلا مشاكل فهكذا البيوت لا تخلوا من اختلاف في وجهات النظر وخاصة أنه مر على زواجك عام واحد فقط المفروض أنك ما زلتِ عروسة تنعمين بحياتك التي رزقك الله إياها وكان يجب عليكِ أن تفهمي شخصية زوجك وتحترمي نشأته التي نشأ عليها فإذا فهمتِ شخصيّة زوجك .. فإن ذلك يسهّل عليك من حجم الشعور بالتعب وعدم الرضا في حياتك .

ولاحظت أن كل ما قلتيه أنك تلاحظين بدقة تصرفات زوجك وتركزين على علاقته بأهله ومجاملته لهم وما فكرتي أن هذا الشيء المحمود وهو ( العطاء ) ربما يسعد زوجكِ وأنه عَوَّد إخوته على ذلك العطاء وبما أن زواجكما ليس بالبعيد فيعيش نفس ما كان يعيشه وهو أعزب وكان عليكِ أن تشاركيه العطاء ولا تتضايقي وأنا لا أنكر أنكِ أيضاً لك حق أن ينفق عليكِ وعلى بيته ولكن يمكنك بالكلمة الطيبة أن تفهميه وتعلمينه بطلبات البيت وما ينقص منها لأنك أنت التي تلمسين ذلك لا هو ولكن بعيداً عن مقارنة ذلك بما يهادي به أقاربه وليس معنى ذلك أنهم فقراء أو في حاجة إليه ولكن ما يفعله إما مجاملة سترد لك في الأفراح أو إكرام ضيف وصلة رحم

قال رسول الله صلى الله عليه وسلم : تهادوا تحابوا

الراوي: - المحدث: الزرقاني - المصدر: مختصر المقاصد - الصفحة أو الرقم: 328

خلاصة الدرجة: حسن

قال رسول الله صلى الله عليه وسلم : من كان يؤمن بالله واليوم الآخر فليكرم ضيفه ، ومن كان يؤمن بالله واليوم الآخر فليصل رحمه ، ومن كان يؤمن بالله واليوم الآخر فليقل خيرا أو ليصمت

الراوي: أبو هريرة المحدث: البخاري - المصدر: الجامع الصحيح - الصفحة أو الرقم: 6138

خلاصة الدرجة: [صحيح]

وكل هذا عمل صالح بإذن الله تعالى يؤدي إلى الحياة الطيبة

قال تعالى :{مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ }النحل97

فعليكِ أختي بالعمل الصالح مع الإيمان لكي تحيي حياة طيبة لا كدر فيها ولا نصب ولا ضيق

أما عن علاقة زوجك بأهلك فهو يعتبر في بداية حياة جديدة فما زال لم يألفهم ولكني واثقة بإذن الله مع الأيام والمعاملة الطيبة وعدم تعليقك على تصرفاته سيودهم ويعتبرهم أهله وهم كذلك وهذا عليكِ فلا تفرضي عليه زيارتهم ومعاملتهم بالضبط مثل ما يعامل لأهله حتى لا يعند معك وفوضي أمرك لله تعالى وادفعي بالتي هي أحسن

أما عن أمور وطلبات البيت

فيمكنك أن تطلبي منه أن يأتي هو بطلبات ومستلزماته من طعام وتموين البيت كاملاً ولا داعي لخروجك أنتِ للشراء وعلاجك حبيبتي شفاكِ الله وعفاكِ يمكنك شراؤه من المبلغ الذي يعطيه لك وأكيد هو يعلم بذلك ولا تجعلي من هذا مشكلة فالأمر بسيط ولك الأجر

ولاحظت أختي أنكِ لم تذكري حالكِ أنتِ وزوجك مع الله فهل أنتما على ذكر لله تعالى المنعم صلاتكما طاعتكما لله تعالى كيف هي وأذكركِ ونفسي بقول الله تعالى : {فَإِمَّا يَأْتِيَنَّكُم مِّنِّي هُدًى فَمَنِ اتَّبَعَ هُدَايَ فَلَا يَضِلُّ وَلَا يَشْقَى * وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً } سورة طه

ومن التفسير الميسر:

فإن يأتكم مني هدى وبيان فمن اتبع هداي وبياني وعمل بهما فإنه يرشد في الدنيا, ويهتدي, ولا يشقى في الآخرة بعقاب الله.ومن تولَّى عن ذكري الذي أذكِّره به فإن له في الحياة الأولى معيشة ضيِّقة شاقة -وإن ظهر أنه من أهل الفضل واليسار-،

وتلك نصيحة نقلتها لك

حاولي أن ترتقي بالروح الإيمانيّة عند زوجك بالحرص على نصحه وإعانته على الاستيقاظ للصلوات والمحافظة على شعائر الدّين . . بالكلمة الطيبة والهدية والنصيحة الصّادقة .

واجعليه يرى فيك القدوة في الحرص والمحافظة على الصلاة وقراءة القرآن في البيت .

انتِ ايضاً ينبغي عليك أن تفتشي حال نفسك في علاقتك مع ربك ، وأن تحسّني من علاقتك مع الله بالتوبة وكثرة لاستغفار .

أكثري له ولنفسك من الدعاء . .

ومع هذا كله أقول لك أن الزوج في حياة المرأة هو من أهم الأشياء في حياتها ، لكن ليس هو كل شيء في حياتها . .

أسأل الله العظيم أن يكتب لك خيرا ويرزقك خيرا . .

 

تقبلي كلماتي ونصحي فما أردت إلا مصلحتك وسعادتك وزوجك

اللهم صلّ على سيدنا محمد وعلى آله وصحبه وسلم

[يا رب زوج صالح 0]

ربنا يهدي زوجها ويصلح حالهما

[أختكم آيات 1]

ربنا يهدى زوجها ويصلح حالها

[أمة أرحم الراحميين 0]

السلام عليكم ورحمة الله وبركاته،،

كان الله فى عونها لكن برده مش لازم تشوه صورته

اقول لصديقتك اصبرى واحتسبى

ورحم الله والدك انه ولى ذلك

[يتيمة والدها الحبيب 0]

جزاك الله خير الجزاء اختى الحاجة ام حسن على نصائحك وكلماتك الطيبة

 

سانقل لها ان شاء الله كل كلامك

 

 

المشكلة الان انها تتصل عليه ولا يرد على مكالماتها وهذا كلامه // لللاسف جوزى مردش على رسايلى وكمان كان بيقفل السكه فى وشى وانا بدعى لربنا ومستنيه منه لحظة رضا يهديلى فيها جوزى لانى محتاجة للاستقرار ولانى عمرى ما هقدر اعيش من غيره حتى لو هو بايعنى وربنا يعمل اللى فيه الخير ////

 

 

 

اختى شجرة الحور ....ايات... يارب زوج صالح

 

جزاكن الله خير الجزاء ورزقكن كل ما تبتغون ان شاء الله