حلقات نفسى الاقى نصى التااااااااااااااانى

[العبدة الفقيرة 2]

السلام عليكم و رحمته وبركاته

اللهم اجعل هذا العمل خالص لوجهك الكريم

 

 

 

القصة دى حقيقية يارب تفيدكم ونتعلم منها اننا منستعجلش على اى حاجة وان شاء الله ربنا اكيد هيديلك كل اللى انت عايزه بس فى الوقت المناسب

قصة بنت زى كل البنات نفسها تستقر ويبقالها بيت واولاد وزوج اسمها ايمان اتخرجت من كلية تجارة عندها 24 سنة

ايمان.... هو انا مش هتجوز بقى يارب نفسى الاقى نصى التانى بس اكيد هو مش هيجى وانا حطة ايدى على خدى

شوشو " الشيطان " ... صح انت عندك حق لازم انت اللى تدورى عليه محدش دلوقتى بيتجوز غير كده

ايمان.... ايوه بس هعمل ايه يعنى اول ما اشوف واحد عجبنى اروح اطلب ايده واعمل ايه يعنى

شوشو.... ملكيش انتى دعوة سيبيلى انت نفسك وانا هظبطك شوفى ياستى مفيش اكتر من الرجالة بس المهم شطارتك انت

ايمان ... ايوه بس انا مش عايزة اعمل حاجة غلط عشان ربنا يباركلى دى اهم حاجة عندى

شوشو.... وانت هتعملى ايه يعنى انت عايزة تتجوزى يعنى الهدف محترم مفيهاش حاجة يعنى لو كلمتى واحد عشان تعرفى هوعايز ايه ولو لقيتيه كده ول كده سيبيه مش هيحصل حاجة مش هيخطفك يعنى بطلى بقى دماغك العبيطة دى اديكى بتشوفى البنات بيعملوا ايه عشان يظبطوا الشباب وانا مش بقولك اعملى زيهم

ايمان ... طب انا عمل ايه بالظبط

شوشو.... اسرع طريقة ممكن تعرفى بيها شباب هى النت اعملى شات مع اى حد واتعرفى عليه لحد ماتتعرفوا على بعض كويس وسيبى الباقى يمشى زى مايمشى

ايمان ... يعنى ايه يمشى زى مايمشى لا طبعا ماينفعش انا مبحبش اسيب المواضيع مش مفهومة كده يا ابيض يااسود

شوشو....دنتى بت دماغك جزمة مش مشكلة اعملى اللى انت عايزاه المهم انك تتعرفى

وفعلا بدأت ايمان تنفذ كل افكار الشيطان اللى اقتنعت بيها كلها مع اعتقادها انها مبتعملش حاجة غلط هى عايزة تتجوز وتعف نفسها من الفتن المهم انها ماتعملش حاجة غلط

وفعلا دخلت موقع للدردشة عشان تتعرف على حد وبدأت تتعرف على اكتر من واحد وتتديهم رقم تليفونها عشان تتعرف عليهم اكتر وتقدر تختار الافضل بينهم

بس حست ان الحكاية مش هتنفع وبالصدفة شافت موقع زواج اكيد طبعا الطريقة دى احسن على الاقل اللى مشتركين فى الموقع هدفهم الزواج زيها وبالفعل اشتركت وبدأت تجيلها رسايل من معجبن عايزين يتعرفوا بغرض الزواج

فرحت جدا وحست انها خلاص قربت تلاقى نصها التانى

تابعوا باقى القصة وقولولى رأيكم فى انتظار الردود

تم تعديل 30 يوليو, 2009 بواسطة العبدة الفقيرة

[أميمة المتفائلة 46]

السلام عليكــم ورحمـة الله وبركاتــة ،،

 

 

 

:icon15: معاكي يا عبودة أكملي القصة لنستفيد جميعا

[صاحبه القلب الطيب 12]

منتظرين البقيه ياشهر زاد منتدانا

 

بكل شغف

[* دعاء الغسق * 63]

السلام عليكــم ورحمـة الله وبركاتــة ،،

 

 

مستنية الباقي يا عبودة

 

بعدين هيك لا في سلام ولا مرحبا ولا اشي؟ :wink:

[راضية وحامدة الله 2]

منتظرين الباقى يا عبوده

 

بس بسرعه

[العبدة الفقيرة 2]

السلام عليكم و رحمته وبركاته

الحلقة التانية:

 

 

اتعرفت ايمان على واحد كان فيه كل الصفات اللى كانت بتحلم بيها واكتررررر لدرجة انه كان بيفهمها من غير ماتتكلم

 

 

فاهم هى عايزة ايه و نفسها فى ايه وازاى هو كان راجل بكل ماتحمله الكلمة من معنى طبعا الصفات دى عرفتها من خلال كلامه معها بالساعات على الموبايل وكانت موهومة بيه وبشخصية الاكثر من رائعةودى بعض صفاته اللى ممكن تسحر اى بنت ممكن تعرفه

 

 

 

( معيد فى احدى الكليات ومتدين مبيفوتش فرض بيصوم اتنين وخميس محترم عالى الاخلاق ملتزم صادق مقتدر رومانسى حالم متفهم )

 

 

 

 

المهم اتفقوا انهم يتقابلوا لمجرد انه يشوفها وتشوفوا يعنى زى ماكانت متخيلة ان هى دى المقابلة الشرعية طبعا هى مش شرعية ولا حاجة وجاءت اللحظة اللى ايمان مستنياها من زمان

ياترى شكله ايه ياترى هعجبه ولا ايه وفضلت تدعى ربنا انه يحصل قبول بينهم وصلت ايمان قبل مايوصل واتصلت بيه بس مردش عليها وفضلت تسأل نفسها ياترى ايه اللى حصل

 

 

 

 

يمكن يكون شافنى من بعيد ومعجبتوش ومشى وفضلت الافكار السودة تدور فى دماغها وفضلت تحاول تتصل

لحد مالقيت واحد بيقولها وهو بيضحك مش هرد عليكى لقيت قدامها شاب شيك مهندم واثق فى نفسه على قدر من الوسامة وسلمت عليه وراحوا يتمشوا عشان يتكلموا لوقت قليل زى ماتفقوا ودار بينهم حديث هتعرفوه المرة الجاية

[حياءمسلمة 0]

السلام عليكم ورحمة الله

 

ربنا يرزقنا وكل بنات وشباب المسلمين الازواج الصالحين الطيبين

 

 

يلا متشوقييين لباقي القصه وربنا يرزق كل بنات وشباب المسلمين الهدى والتقي والعفاف والغنى

[العبدة الفقيرة 2]

السلام عليكم و رحمته وبركاته

 

الحلقة الثالثة:

 

محمد.... ازيك ... ايه ماللك ساكتة ليه

ايمان.... لا ابدا عادى انت عامل ايه

محمد.... الحمد لله كله تمام ها ايه الاخبار

ايمان.... اخبار ايه

محمد.... اخبارى معاكى

ايمان.... ازاى يعنى مش فاهمة

محمد.... بزمتك مش فاهمة

ايمان.... يعنى

محمد.... ههههههههه

ايمان.... ههههههههه

محمد.... لأ بتكلم بجد ها ايه رأيك

ايمان.... الحمد لله وانت

محمد.... انا ايه

ايمان.... ياسلام

محمد.... هههههههههههه انا قلتلك من الاول انى مش جاى اقيمك او اقول رأى فيكى عشان انا لمست روحك و مش فارق الشكل معايا

المهم انت بجد عايز اعرف رأيك فيا

ايمان.... ما انا قولتلك الحمد لله يعنى حصل قبول

محمد.... يعنى اطمن

ايمان.... اطمن

ودار بينهم حديث طويل عن ظروفه المادية والاجتماعية وحكالها شوية تفاصيل عن حياته وهى كمان حكت ظروفها وشوية تفاصيل عنها وده كان اخر كلامهم

محمد....ها هنعمل ايه بقى دلوقتى

ايمان....نعمل ايه فى ايه

محمد.... فى موضوعنا

ايمان....اه شوف يا سيدى اولا انت لازم تيجيلى الشغل عشان لما تتقدم نقول انك شوفتنى فى الشغل عشان انا مش عايزة اكدب ( متخيلة انها كده مش بتكدب ) عشان ربنا يباركلنا

محمد....ماشى انا هجى دلوقتى

ايمان....انت مستعجل كده ليه

محمد....يابنتى انا ماصدقتك لقيتك ومعنديش استعداد اضيعك منى

ايمان....بالسرعة دى مش شايف انك مكبرها شويه احنا لسه يادوب بنتعرف على بعض

محمد....على فكرة الوقت مش هو المقياس ياما ناس عرفوا بعض سنين وعمرهم ماحسوا بأى حاجة ناحية بعض وناس عرفوا بعض ايام وحبوا بعض زى ما انا حبيتك

حبتنى مرة واحدة كده مش بقولك مكبرها شويه لا شويتين

محمد....يابنتى افهمينى فى حاجات بتحصلنا مينفعش نقول لربنا حصلت ليه ها اقتنعتى ولا لسه

ايمان....ماشى يا سيدى اقتنعت

( ولانها كانت رومانسية زيادة شويه صدقته واقتنعت بكل كلامه )

وفى نهاية المقابلة اتفقوا على الميعاد اللى هيروحلها فيه الشغل فعلا راح وخد عنوان شغل اخوها عشان يروحله بس ياترى راح ولا لأ ده اللى هنعرفه المرة الجاية

[احساس جميل 6]

لالالاياعبوده كدا هزعل منك

كملي بسرعه

انا لو عندي رووايه 300 صفحه ممكن اسيب الاكل والشرب والنوم عشان اكملها

يلا قولي بسسسسسسرررررررررعه

لاحسن اعيط :mrgreen: :tongue: :wub:

[أنين السَّحر 35]

السلام عليكن و رحمة الله و بركاته،

أختي الحبيبة في الله،

العبدة الغنية بالله

 

بارك الرحمن فيكِ يا غالية و بجهودكِ الطيّبة ..

 

فقط لتذكرة أخواتنا أنّ مثل هذه العلاقات محرمة و لا تجوز شرعاً و الفتاة المسلمة العفيفة لا ترضى على نفسها مثل هذه العلاقات أبداً مهما طال بها الزمان و هي تنتظر فارس أحلامها فما بُني على الباطل فهو باطل حتى و إن تمّ بينهما زواج في النهاية دون توبة و إنابة منهما فلن يكون خير في زواجهما أبداً ..

فمن ظنت و صدّقت أن هناك زواج نتيجة علاقة حب فأذكرها بقول الله عز و جل (( سنستدرجهم من حيث لا يعلمون )) فمن تزوجت شاباً كان حبيبها قبل الزواج لا تظني أنها لن تدفع الثمن يوماً ما بعد الزواج .. بل الله يمدهما في طغيانهم و في إسرافهم حتى يستيقظا من غفلتهما ..!

و كم فتاة ندمت أشدّ الندم في وقت لا يفيد الندم شيئاً !!!

هدانا الله جميعاً صراطاً مستقيماً و عفانا جميعاً و ثبتنا على ما يُرضيه عنّا !!!! اللهم آمين آمين آمين

 

لم أقصد الإطالة غاليتي - العبدة الغنية بالله - و لكن لا بُد أن ننبه على هذا الأمر فناك من الأخوات من هنّ صغيرات في السن أو حتى أخوات واعيات عضوات أو زائرات لا نريد أن يقرأنا مثل هذه القصص فينخدعنّ بها و العياذ بالله فيصبح حُلم حياتهنّ الحب و الحبيب كغيرهنّ من بنات الأمّة و الله المستعان .. فالهدف من هذه الحلقات بإذن الله تعالى الفائدة و أعلم أن هذه هي نيتكِ و لكن حتى تتابعنّ الأخوات للنهاية و لا يتعجلنّ فيأخذنّ جزء من القصة و يتركنّ جزء ..

 

 

متابعة معكِ بإذن الله تعالى : ) .. أتمنى أن لا أكون قد أزعجتكِ يا غالية :closedeyes:

 

و إني و الله أحبكِ في الله الذي أحببت :mrgreen: !!!!!!!

[العبدة الفقيرة 2]

السلام عليكم و رحمته وبركاته

 

الحلقة الرابعة

 

طبعا ايمان روحت فى اليوم ده وهى طايرة من السعادة ومش مصدقة ان كل ده حصلها وقعدت تكلم اختها وتحكيلها ع الهدية اللى ربنا كرمها بيها

 

منى.... ها ايه اللى حصل طمنينى

ايمان.... الحمد لله طلع شكل مقبول وكلامه تحفة وشخصيته اتحف مش عارفة يابنى اقولك ايه ولا ايه مش كلام اوصفه بيه لو قعدت اتكلم من هنا لبكرة مش هسكت

منى....ياااااه كل ده

ايمان.... واكتر من كده بكتيررررررررررررر

منى....طب اتفقتوا على ايه احكيلى بالتفصيل الممل

حكت ايمان المقابلة كلها بالتفصيل لاختها زى ما كانت عايزة ودخلت اوضتها عشان تقعد مع نفسها تحلم بالبيت والاولاد والسعادة اللى مستنيها مع نصها التانى اللى كان مستنياه واخيرا لقيته وطبعا محمد مابيبطلش اتصالات عشان يقولها على كل خطوة بيخطيها عشان هو اتفق معها على الصراحة فى كل حاجة ودى كانت اخر مكالمة من محمد لايمان قبل ماتنام

ايمان.... الو ايوه يامحمد

محمد.... ايوة ياقلب محمد وحشتينى قوى

ايمان.... ياشيخ

محمد....والله العظيم

ايمان.... احنا لحقنا ده انت لسه مكلمنى من اقل من ساعة لحقت اوحشك

محمد....ولو قولتلك انك بتبقى وحشانى وانا بكلمك تقولى ايه

ايمان.... اقول انك مجنون

محمد....عندك حق انا مجنون بيكى بجد ياايمان انا فرحان قوى انى لقيتك وبجد انا مفرحتش فى حياتى بالشكل ده ربنا يخليكى ليا ويقدرنى يارب واسعدك

ايمان.... بجد يامحمد انا مش عارفة اقولك ايه كل الللى اقدر اقوهولك ربنا يخليك ليا

محمد....ايمان

ايمان.... نعم

محمد....انا بحبك قوى

ايمان.... ماشى

محمد....ايه ماشى دى

ايمان.... يعنى عايزنى اقولك ايه

محمد....تقوللى احساسك انت لحد دلوقتى مقولتليش

ايمان.... بص يامحمد انا بحب كل حاجة تيجى فى وقتها ومبحبش استعجل الامور

محمد....ووقتها ده هيجى امتى

ايمان.... مش عارفة بس اكيد لما نقرب من بعض اكتر ونعرف بعض اكتر

محمد....ماشى يا ايمان انا هسيبك براحتك

ايمان.... انت زعلت ولا ايه

محمد....ياحبيتى انا مقدرش ازعل منك مهما عملتى فيا انا بردو بحبك قوليلى بقى اكلم اخوكى امتى ( ملحوظة والد ايمان متوفى )

ايمان.... مش دلوقتى احنا نستنى يومين تلاتة عشان عندنا ظروف فى البيت ومش هينفع نفتح موضوعنا دلوقتى

محمد....ظروف ايه بس انا لسه هستنى يومين تلاتة

ايمان.... معلش خليها عليك

محمد....ياحبيبتى انا عشان خاطر عيونك ممكن استحمل اى حاجة

ايمان.... ماشى يلا روح نام بقى

محمد....ايه زهقتى منى

ايمان.... لا ابدآ

محمد....طيب خلاص اقولك تصبحى على خير

ايمان.... وانت من اهله

محمد....لا اله الا الله

ايمان.... محمد رسول الله

وقفلت ايمان الخط وهى بتقول لنفسها معقول يكون اللى انا فيه ده مش حلم المرة الجاية هنعرف هو حلم ولا علم

[أنين السَّحر 35]

و عليكِ السلام و رحمة الله و بركاته،

 

 

متابعة معكـِ بإذن الله تعالى .. الله المستعان

[العبدة الفقيرة 2]

الحلقة الخامسة

 

 

ايمان... صباح الخير

 

 

 

محمد.... صباح النور ياقمر نمتى كويس

 

 

 

ايمان...الحمد لله وانت

 

 

 

محمد.... الحمد لله على كل حال بس انا بقى مبنامش

 

 

 

ايمان...ليه كده

 

 

 

محمد.... يعنى مش عارفة

 

 

 

ايمان...عارفة ايه

 

 

 

محمد.... لا ولا حاجة ماتوجعيش دماغك انتى

 

 

 

 

 

ايمان...لا بجد مبتنمش ليه

 

 

 

محمد.... يا بنتى انام ازاى قبل ما اطمن ان موضوعنا خلاص بقى تمام

 

 

 

ايمان...سيبها على ربنا

 

 

 

محمد....ونعم بالله بس بردو انا مبعرفش ارتاح طول ما انا مشغول

 

بحاجة ودى

 

 

 

مش اى حاجة

 

 

 

ايمان...بس متجيش على نفسك قوى كده

 

 

 

محمد.... ايه خايفة عليا

 

 

 

ايمان...طبعا

 

 

 

محمد.... ليه

 

 

 

ايمان...هوايه اللى ليه

 

 

 

محمد.... خايفة عليا ليه

 

 

 

ايمان...تصدق انك رخم

 

 

 

محمد.... بردو مش هسيبك غير لما تقولى

 

 

 

ايمان...اقول ايه

 

 

 

محمد.... خايفة عليا ليه

 

 

 

ايمان...انت عايزنى اقولك ايه يعنى

 

 

 

محمد.... قولى احساسك

 

 

 

ايمان...محمد انا قولتلك قبل كده انى مش بحب استعجل الامور

 

 

 

محمد.... خلاص يا ايمان الظاهر انى زودتها انا اسف

 

 

 

ايمان...هنزعل تانى

 

 

 

محمد.... انا مزعلتش عادى يا ايمان خليك براحتك

 

 

 

 

 

ايمان...مالك بقى دلوقتى

 

 

 

محمد.... مالى ماانا كويس اهو

 

 

 

ايمان...لا مش كويس

 

 

 

محمد.... ايمان انتى بتحسيسينى انى ولا حاجة مش فارق معاكى

 

انتى مش ملاحظة انك اول مابتتصلى بيا برد عليكى على طول واول

 

مابتبعتى رسالة برد عليا بسرعة تتفتكرى ده معناه ايه

 

 

 

ايمان...ايه

 

 

 

محمد.... معناه انى بفضل ماسك التليفون وباصصله عشان اول

 

 

 

متكلمينى ارد عليكى بفضل مستنى اتصالك بيا عشان بطيرمن الفرح

 

لما بشوف اسمك على الموبايل عشان عمرى ماحبيت حد كده كل

 

وانتى بتقوليلى مالك

 

 

 

ايمان...يامحمد افهمنى انا جوايا ليك احساس حلو اوى بس انا

 

 

 

مترددة شويه

 

 

 

محمد.... خلاص يايمان لما تحسى انك متأكدة ومش مترددة ابقى

 

 

 

كلمينى يلا سلام

 

 

 

ايمان...محمد

 

 

 

محمد.... سلام يا ايمان

 

 

 

قفلت ايمان الخط وهى بتسأل نفسها اعمل ايه انا مش عارفة انا

 

 

 

بحبه ولا لسه

 

 

 

شوشو.... انتى عبيطة لسه بتسألى طبعا بتحبيه

 

 

 

ايمان...ايوه بس

 

 

 

شوشو.... مبسش ولا حاجة يلا كلميه احسن يزعل

 

 

 

ايمان...اكلمه اقوله ايه

 

 

 

شوشو.... قوليله انك بتحبه

 

 

 

ايمان...بحبه

 

 

 

شوشو.... ايوه طبعا يابنتى ده لوقطه ممكن يضيع منك وبعدين

 

 

 

متلوميش الا نفسك

 

 

 

ايمان...خلاص هكلمه

 

 

 

اتصلت ايمان بمحمد عشان تصالحه

 

 

 

وتقوله............................................ ......... هنعرف الحلقة الجاية

[السعاده في طريق الالتزام 1]

منتظرينك ياعبوده

ما اروع مواضيعك

[أنين السَّحر 35]

السلام عليكن و رحمة الله و بركاته،

أختي الحبيبة في الله،

العبدة الغنية بالله

 

بارك الرحمن فيكِ يا غالية ..

 

متابعة بإذن الله تعالى !!!

[العبدة الفقيرة 2]

حبيبة قلبى سكرة

يشرفنى متابعتك ياقمر

ربنا ما يحرمنى منك يارب

وجعلك من عتقاء رمضان

وحقق لكى ما تتمنيييييه

[العبدة الفقيرة 2]

السلام عليكم و رحمته وبركاته

 

الحلقة السادسة

 

الحلقة السادسة

محمد.... الو

ايمان.... الو ايوه يا محمد

محمد.... ايوه يا ايمان

ايمان.... انت لسه زعلان

محمد.... انا قولتلك انك مغلطيش عشان ازعل انا اللى غلطان

ايمان.... يا محمد انت المفروض تفهمنى

محمد.... ياحبيبتى انا فاهم انا مش عايز اضغط عليكى عشان كده قولتلك خليكى براحتك لحد ما تتأكدى

ايمان.... وانا خلاص اتأكدت

محمد.... اتأكدتى من ايه

ايمان.... بطل رخامة بقى

محمد.... لازم اسمع بودنى

ايمان.... خلاص بقى يا محمد

محمد.... ابدآآآآآآآآآ

ايمان.... بحبك خلاص ارتحت

محمد.... وانا بموت فيكى

ايمان.... ربنا يخليك ليا يارب

محمد.... قوليلى صحيح

ايمان.... ها

محمد.... انت تقديرك فى البكالوريوس كان ايه

ايمان.... وليه الفضايح دى

محمد.... لا بجد

ايمان.... مقبول بتسأل ليه

محمد.... ابدآ اصل فى وظائف عندنا فى الجامعة بفكر اقدملك فيها ايه رأيك

ايمان.... ايدى على كتفك ياريت

محمد.... خلاص انا هشوف الموضوع ده وارد عليكى

ايمان.... ماشى يلا سلام بقى عشان رصيدى هيخلص

محمد.... خلاص انا هشحنلك

ايمان.... مفيش داعى

محمد.... ملكيش انت دعوة

ايمان.... طيب ماشى شكرآ

محمد.... مش عايز اسمع الكلمة دى تانى ماشى

ايمان.... حاضر مش عارفة اقولك ايه بس بجد يامحمد لو ربنا كتبلى انك تكون نصيبى مش هطلب من ربنا اكتر من كده

محمد.... ربنا يخليكى ليا ياحبيبتى كفايه كده بقى عشان رصيدك

ايمان.... ماشى

محمد.... لما الرصيد يوصل رنيلى

ايمان.... حاضر

محمد.... ايمان

ايمان.... نعم

محمد.... بحبك

ايمان.... وانا كمان

محمد.... وانت كمان ايه

ايمان.... يوووووووووه

محمد.... خلاص خلاص بالراحة تصبحى على خير

ايمان.... وانت من اهله

محمد.... لااله الا الله

ايمان.... محمد رسول الله

شوشو.... معقولة فى ناس كده انت اكي ربنا بيحبك عشان يبعتلك واحد زى ده

فعلا انا مش متخيلة ان كل اللى كنت بتمناه حصل بالسرعة دى الحمد لله ونامت ايمان وهى متخيلة ان اللى هى فيه نعمة ورضا من ربنا ياترى هو فعلا نعمة ورضا من ربنا ولا نقمة وغضب ده اللى هنعرفه المرة الجاية

[*الدرة المصونة* 0]

سلام عليكم غاليتي العبدة الفقيرة

بصراحة القصة عجبتني كتير عشان هيك يا حلوة خلينا نعرف ايه صارمع ايمان ومحمد بسرعة

نحن بانتظارك

["غفرانك اللهم" 0]

ربنا يستر

[العبدة الفقيرة 2]

الحلقة السابعة

ايمان.... الو

محمد...... ايه لسه نايمة ولا ايه

ايمان.... صباح الخير

محمد.... صباح النور ياحبيبتى

ايمان.... اخبارك ايه

محمد.... الحمد لله عندى ليكى خبر حلو

ايمان.... ايه

محمد.... انا سألتلك على الشغل وقالولى مش مشكلة التقدير

ايمان.... بجد بس ده طبعا عشان معايا واسطة

محمد.... ومش اى واسطة المهم انا عايزك تحضرى ورقك عشان هنروح مع بعض نعمل شويه حاجات كده ماشى

ايمان.... ايوه بس

محمد.... بس ايه

شوشو........ انت عبيطة ولا ايه يعنى هو غلطان انه كمان هيجبلك شغل زى دهوانت مش عايزة تروحى معاه تخلصى الورق ايه هياكلك يعنى بطلى بقى دماغك الجزمة دى

محمد.... ايه ياحبيبتى فى ايه

ايمان.... مفيش يامحمد بس يعنى عشان الشغل انا مقولتش انى هتأخر

محمد.... مش مشكلة يا ايمان خلاص مش فاضل غير بكرة اخر ميعاد عشان تقدمى ورقك

ايمان.... خلاص ماشى

محمد.... قوليلى تحبى تبقى فى كليتك ولا تبقى فى كليتى

ايمان.... لأ طبعا انا عايزة ابقى معاك

محمد.... ماشى يا حبيبتى على فكرة انا عايزك بكرة تبقيى قمر

ايمان.... اشمعنة يعنى

محمد.... عشان بعد مانخلص اوراقك هتعملى مقابلة مع عميد الكلية وانت عارف الانطباع الاول بيبقى مهم

ايمان.... خلاص ماشى

محمد.... ها هتعملى ايه دلوقتى

ايمان.... مش هعمل حاجة بس هظبط شويه حاجات فى البيت واخر النهار هخرج

محمد.... رايحة فين

ايمان.... هشترى لبس

محمد.... ماشى يا حبيتي مش عايزة حاجة

ايمان.... عايزة سلمتك

محمد.... سلام يا قلبى

ايمان.... سلام

[ملكة بأخلاقى 1]

قصه جامده اوى

ياريت متتاخريش علينا

 

 

وجزاكى الله خيرا

 

 

جاااااااااااارى الالنتظااااااااااااار

[حنينى للجنة 0]

السلام عليكــم ورحمـة الله وبركاتــة ،،

بارك الله فيكي حبيبتي

قصه رائعه

ومنتظرين الباقي بشوق

جزاك الله خيرا

[العبدة الفقيرة 2]

السلام عليكم و رحمته وبركاته

 

الحلقة الثامنة

ايمان.... صباح الخير

محمد.... صباح النور انتى فين

ايمان.... انا لسه خارجة من البيت دلوقتى انت فين

محمد.... انا قدامى 10 دقايق واوصل المترو

ايمان.... خلاص ماشى يلا سلام

محمد.... سلام

وصلت ايمان وهى فى ابهى صورة وشافت محمد عن بعد وهى بتقول لنفسها هو ده لأ مش هو وطبعا ده لانها شافته مرة واحدة اقتربت منه واتأكدت انه هو بالفعل

ايمان.... صباح الخير اتأخرت عليك

محمد.... لا ابدآ انا لسه واصل بس ايه الحكاية هو الاهلى هيلعب النهاردة ولا ايه ( ايمان كانت لبسه احمر )

ايمان.... احنا هنتريق من اولها ماشى

محمد.... بضحك معاكى

ايمان.... ماشى ياعم المهم انا على فكرة هركب عربية السيدات

محمد.... نعم

ايمان.... معلش يا محمد مش هينفع افرض حد شافنى معاك هتحصل مشكلة

محمد.... ماشى يا ايمان اما اشوف اخرتها

وصل المترو وركبوا كل واحد فى عربية وجاءت محطة السادات ونزلوا عشان يروحوا المجمع لتخليص الورق

ايمان.... ها هنعمل ايه دلوقتى

محمد.... هنستنى شويه لحد الموظفين مايبتدوا يشتغلوا

ايمان.... هنستنى اد ايه يعنى

محمد.... نص ساعة

ايمان.... ولما لسه بدرى جيبتنا دلوقتى ليه

محمد.... ليه؟؟ معلش ياستى انا اسف

ايمان.... مقصدش بس

محمد.... خلاص ياايمان عادى انا اتعودت على كلامك

ايمان.... خلاص بجد انا مش قصدى متزعلش

ودار بينهم حديث بين الجد والهزار وعدت النص ساعة

محمد.... انا هطلع وانتى استنينى هنا

ايمان.... ماشى متتأخرش عليا

قعدت ايمان مع نفسها وهى بتفكر هو ده الانسان اللى هكمل معاه بقية حياتى هو طيب وحنين وهايل فى كل حاجة بس انا حاسة انى مش مرتاحة

شوشو.... انت بتستهبلى انت جاية تقولى الكلام ده دلوقتى انت بجد متستهليش واحد زى ده

ايمان.... انا مقولتش انى هسيبه بس انا مش عارفة انا حاسة انى مش مرتاحة

شوشو.... طب بطلى عبط انتى بجد لو ضيعتيه من ايدك تبقى بتقترى وترفضى النعمه اللى ربنا ادهالك وبعدين انتى مش صليتى اشتخارة خلاص قلقانة ليه بقى

ايمان.... صح اللى فيه الخير هيصل ان شاء الله

شوشو.... صح انت كده تمام ههههههههههه قال تمام قال

ايمان.... ها عملت ايه

محمد.... خلاص كله تمام احنا هنروح دلوقتى النقابة بتاعتك عشان تعملى عضوية والورق اللى هنا هيتبعت بالفاكس على الكلية

ايمان.... ايوة بس انا كده هتأخر على الشغل

محمد.... يا ايمان مش مشكلة يعنى ايه الاهم شغلك ولا اللى احنا بنعمله

ايمان.... خلاص ماشى

وراحوا النقابة ودخلوا سحبوا استمارة وايمان ملت البيانات وخدها محمد عشان يقدمها بس حصلت مفاجأة ياترى هى ايه ده اللى هنعرفه الحلقة الجاية ان شاء الله :wub: :wub:

تم تعديل 16 يونيو, 2010 بواسطة أم عائشة المصرية
تصحيح كلمة إنشاء الله وكتباتها :إن شاء الله

[العبدة الفقيرة 2]

السلام عليكم و رحمته وبركاته

 

الحلقة الثامنة

ايمان.... صباح الخير

محمد.... صباح النور انتى فين

ايمان.... انا لسه خارجة من البيت دلوقتى انت فين

محمد.... انا قدامى 10 دقايق واوصل المترو

ايمان.... خلاص ماشى يلا سلام

محمد.... سلام

وصلت ايمان وهى فى ابهى صورة وشافت محمد عن بعد وهى بتقول لنفسها هو ده لأ مش هو وطبعا ده لانها شافته مرة واحدة اقتربت منه واتأكدت انه هو بالفعل

ايمان.... صباح الخير اتأخرت عليك

محمد.... لا ابدآ انا لسه واصل بس ايه الحكاية هو الاهلى هيلعب النهاردة ولا ايه ( ايمان كانت لبسه احمر )

ايمان.... احنا هنتريق من اولها ماشى

محمد.... بضحك معاكى

ايمان.... ماشى ياعم المهم انا على فكرة هركب عربية السيدات

محمد.... نعم

ايمان.... معلش يا محمد مش هينفع افرض حد شافنى معاك هتحصل مشكلة

محمد.... ماشى يا ايمان اما اشوف اخرتها

وصل المترو وركبوا كل واحد فى عربية وجاءت محطة السادات ونزلوا عشان يروحوا المجمع لتخليص الورق

ايمان.... ها هنعمل ايه دلوقتى

محمد.... هنستنى شويه لحد الموظفين مايبتدوا يشتغلوا

ايمان.... هنستنى اد ايه يعنى

محمد.... نص ساعة

ايمان.... ولما لسه بدرى جيبتنا دلوقتى ليه

محمد.... ليه؟؟ معلش ياستى انا اسف

ايمان.... مقصدش بس

محمد.... خلاص ياايمان عادى انا اتعودت على كلامك

ايمان.... خلاص بجد انا مش قصدى متزعلش

ودار بينهم حديث بين الجد والهزار وعدت النص ساعة

محمد.... انا هطلع وانتى استنينى هنا

ايمان.... ماشى متتأخرش عليا

قعدت ايمان مع نفسها وهى بتفكر هو ده الانسان اللى هكمل معاه بقية حياتى هو طيب وحنين وهايل فى كل حاجة بس انا حاسة انى مش مرتاحة

شوشو.... انت بتستهبلى انت جاية تقولى الكلام ده دلوقتى انت بجد متستهليش واحد زى ده

ايمان.... انا مقولتش انى هسيبه بس انا مش عارفة انا حاسة انى مش مرتاحة

شوشو.... طب بطلى عبط انتى بجد لو ضيعتيه من ايدك تبقى بتقترى وترفضى النعمه اللى ربنا ادهالك وبعدين انتى مش صليتى اشتخارة خلاص قلقانة ليه بقى

ايمان.... صح اللى فيه الخير هيصل انشاء الله

شوشو.... صح انت كده تمام ههههههههههه قال تمام قال

ايمان.... ها عملت ايه

محمد.... خلاص كله تمام احنا هنروح دلوقتى النقابة بتاعتك عشان تعملى عضوية والورق اللى هنا هيتبعت بالفاكس على الكلية

ايمان.... ايوة بس انا كده هتأخر على الشغل

محمد.... يا ايمان مش مشكلة يعنى ايه الاهم شغلك ولا اللى احنا بنعمله

ايمان.... خلاص ماشى

وراحوا النقابة ودخلوا سحبوا استمارة وايمان ملت البيانات وخدها محمد عشان يقدمها بس حصلت مفاجأة ياترى هى ايه ده اللى هنعرفه الحلقة الجاية ان شاء الله :wub: :wub:

[العبدة الفقيرة 2]

السلام عليكم و رحمته وبركاته

 

الحلقة الثامنة

ايمان.... صباح الخير

محمد.... صباح النور انتى فين

ايمان.... انا لسه خارجة من البيت دلوقتى انت فين

محمد.... انا قدامى 10 دقايق واوصل المترو

ايمان.... خلاص ماشى يلا سلام

محمد.... سلام

وصلت ايمان وهى فى ابهى صورة وشافت محمد عن بعد وهى بتقول لنفسها هو ده لأ مش هو وطبعا ده لانها شافته مرة واحدة اقتربت منه واتأكدت انه هو بالفعل

ايمان.... صباح الخير اتأخرت عليك

محمد.... لا ابدآ انا لسه واصل بس ايه الحكاية هو الاهلى هيلعب النهاردة ولا ايه ( ايمان كانت لبسه احمر )

ايمان.... احنا هنتريق من اولها ماشى

محمد.... بضحك معاكى

ايمان.... ماشى ياعم المهم انا على فكرة هركب عربية السيدات

محمد.... نعم

ايمان.... معلش يا محمد مش هينفع افرض حد شافنى معاك هتحصل مشكلة

محمد.... ماشى يا ايمان اما اشوف اخرتها

وصل المترو وركبوا كل واحد فى عربية وجاءت محطة السادات ونزلوا عشان يروحوا المجمع لتخليص الورق

ايمان.... ها هنعمل ايه دلوقتى

محمد.... هنستنى شويه لحد الموظفين مايبتدوا يشتغلوا

ايمان.... هنستنى اد ايه يعنى

محمد.... نص ساعة

ايمان.... ولما لسه بدرى جيبتنا دلوقتى ليه

محمد.... ليه؟؟ معلش ياستى انا اسف

ايمان.... مقصدش بس

محمد.... خلاص ياايمان عادى انا اتعودت على كلامك

ايمان.... خلاص بجد انا مش قصدى متزعلش

ودار بينهم حديث بين الجد والهزار وعدت النص ساعة

محمد.... انا هطلع وانتى استنينى هنا

ايمان.... ماشى متتأخرش عليا

قعدت ايمان مع نفسها وهى بتفكر هو ده الانسان اللى هكمل معاه بقية حياتى هو طيب وحنين وهايل فى كل حاجة بس انا حاسة انى مش مرتاحة

شوشو.... انت بتستهبلى انت جاية تقولى الكلام ده دلوقتى انت بجد متستهليش واحد زى ده

ايمان.... انا مقولتش انى هسيبه بس انا مش عارفة انا حاسة انى مش مرتاحة

شوشو.... طب بطلى عبط انتى بجد لو ضيعتيه من ايدك تبقى بتقترى وترفضى النعمه اللى ربنا ادهالك وبعدين انتى مش صليتى اشتخارة خلاص قلقانة ليه بقى

ايمان.... صح اللى فيه الخير هيصل ان شاء الله

شوشو.... صح انت كده تمام ههههههههههه قال تمام قال

ايمان.... ها عملت ايه

محمد.... خلاص كله تمام احنا هنروح دلوقتى النقابة بتاعتك عشان تعملى عضوية والورق اللى هنا هيتبعت بالفاكس على الكلية

ايمان.... ايوة بس انا كده هتأخر على الشغل

محمد.... يا ايمان مش مشكلة يعنى ايه الاهم شغلك ولا اللى احنا بنعمله

ايمان.... خلاص ماشى

وراحوا النقابة ودخلوا سحبوا استمارة وايمان ملت البيانات وخدها محمد عشان يقدمها بس حصلت مفاجأة ياترى هى ايه ده اللى هنعرفه الحلقة الجاية ان شاء الله :wub: :wub:

تم تعديل 16 يونيو, 2010 بواسطة أم عائشة المصرية
تصحيح كلمة إنشاء الله وكتباتها :إن شاء الله