انا جاااااااااااااااااااااااااااااااااااالى عريس

[العبدة الفقيرة 2]

السلام عليكم و رحمته وبركاته

انا جالى عريس****************

الكلمة ده متعرفوش اثارها على البنات جالى عريس يااااااااه عريس هتجوز خلاص هستقر

هبعد عن التحكم وعدم الاستقرار وهكون انا ست البيت !!!!

يا الله خلاص هبقى مسئولة نفسى هبقى براحتى لا مامتى هتقولى قومى اشتغلى ولا بابايا هيقولى انت رايحة فين وجية منين

 

بيتى هيكون مملكتى وزوجى هيكون سندى وراحتى !!

 

ياالله مش ممكن خلاص معتش مشاكل ولا خلافات هعيش حياة تانية وردية من غير تعب ولا خناق مع اخواتى ولا تحكم بابايا ولا اوامر مامتى !!

 

طيب وجالك منين يا اختى

ده احنا اتعرفنا عن طريق الشات بالصدفة سبحان الله

ولا ده صاحبى فى الجامعة

 

ولا بعتلى رسالة وبعتله واخدنا وادينا مع بعض وارتحنا لبعض الحمد لله

 

انتى واثقة فيه طبعا طبعا ده بيموت فيه وهيتقدملى بس شويه كده على لما يكون نفسه

 

طيب وهتعملى ايه هتسبيه طبعا على لما يكون نفسه

 

اسيبه !!! ازاى اسيبه ده انا ماصدقت لقيته

عررررررريس

 

فى زمن العرسان قلت فيه يعنى اللى تلاقى عليها تمسك فيه بايديها وسنانها اوعى تسيبه اوعى !!

 

طيب والحل اايه

 

عادى يابنتى وفيها ايه هنطمن على بعض بس عن طريق التليفون

 

يعنى مفيش مقابلات لالا

مقابلات ايه بس هو انا بتاع الكلام ده

 

ولا مسجات لا ممكن رنات ومسدات وشويه مسجات مش مشكله ده يعنى من بعيد لبعيد يعنى

 

بس ده حرام

حرام ايه بس ايه التخلف العقلى ده

ايه حرمه ماحنا هنتجوز يابنتى هو احنا بنلعب

 

بس النبى قال مااجتمع رجل امراه الا كان الشيطان ثالثهما

 

ااايه ده اجتمعوا فين يابنتى بقلك مش هقابله

 

طيب مانتِ هتكلميه فالتليفون والتليفون ده اجتماع هههههههه ده انتِ غريبه صحيح

 

طيب والحل ايه

يبقى الحال كما هو عليه

 

هذا الحوار يتكرر الاف المرات اخوانى واخواتى انا كاتباه من كتر ماسمعت قصص من صحباتى اللى على ماسنجرى وغيرهم وكلها قصص واقعية

 

عاوزة اسالك يا اختى

بالله عليك انتِ فى الاول لما عرفتيه قلبك كان بيرجف صح !! وانتِ بتكلميه فالتليفون الكلام بيطلع بالعافية

 

عارفه السبب !! لان الحياء كان لسه عندك فطرتك يعنى

اللى هتروح كمان شويه

 

ده كان اول اتصال والتانى كذلك بس هه قل شويه الكسوف وطبعا لانه بيقلك انت بتتكسفى منى ياحبيبتى !!

 

لازم طبعا تثبتى العكس

!!!!!!!!!

 

وانتِ بتسالى نفسك انا مالى بس مانا على الشات بكلمه كويس جدا والكلام بيجيب بعضه مالى فالتليفون

 

اقولك مالك !! لان كلمات الكيبورد اسهل واعمق واجرأ بكتير من التليفون ده فى الاول بس !!

 

بعد كده العمليه بدات تمشى معاكِ ايوة كده اول ما يتصل هقله ازيك وحشتنى !!

 

وكان بيها فانتِ تخلصتى من الشحنة الثانية للحياء

هنيئاً لكِ !!

 

وبعد كده لما الكلام جاب بعضه بقى ها ياحبيبتى انا مش هشوفك

 

لالا مينفعش اهلى ابويا امى اخواتى قرايبى حد يشوفنى !!

 

طيب لو قلتلك هنروح مكان محدش هيشفنا فيه !!

 

قوليله بالفم المليااااان

والله العظيم كداب

 

عارفه ليه لان احنا فوق كل ارض وتحت كل سماء والله واسع عليم

 

يعلم خائنة الاعين وما تُخفى الصدور

 

شات + رساله + مكالمة + قلة حياء +موعد + مقابلة + نظرة + ابتسامة + لقاء + لمسة =

بنت قليلة الحياء خااائنه لله ولرسوله ولاهلها ولنفسها وغير محبة لدينها

 

اختى ارجع واقلك تانى انت جوهرة مصونى فى لؤلؤة مكنونة حافظِ على نفسك حتى يحافظ عليك الله

وعمرة ماهيتجوزك تعرف ليه لانه خلاص على لما ييجى يخطبك هيكون ذهق منك خلاص

عاوز يغير وده طبع الشباب الفافى الروش بتاع اليومين دووول

بعكس كل ما قلت

انا عارفه ان نسبة العنوسة كترت والله ولكن اصلا السن الطبيعى للجوزا دلوقت بقى 30 سنه وساعات اكتر كمان

فى ظل الظروف الصعبة ده الشباب لا عارف يتجوز ولا يجهز شقه فى طلبات الاهل اللى فى بعض الاوقات بتكون مرهقة

 

رساله الى اختى اللى مصاحبة ولد وبتقول عادى

لا صداقه فى الاسلام

ولا متخذات اخدان

واتق الله حيثما كنتٍِ ومتقلبيش على نفسك انك تكونى سلعة رخيصة مش هيشتروكِ والله هيتفرجوا عليكِ بس ويهنوكِ

ومن ترك شيئا لله عوضه الله خيرا منه

 

رساله الى اختى التى لم تتزوج بعد

اصبرى ووالله عريسك مكتوبلك وانتِ فى بطن امك ده رزق واليكى هذه الدرر الثمينة

وقُلْتُ استغفروا ربَكُمْ انه كان غفارا يُرسِل السماءَ عليكم مدررا ويُمددكم بأموال وبنينَ ويجعل لكم جنات ويجعل لكم انهارا

سورة نوح

 

ومتخليش الجواز شغلك الشاغل هتتعبى هتصحى تقولى عريس وتنامى على عريس

ربنا بايديه يجوزك حالا

الدعاء ** قيام الليل ** الاستغفار

ده من الطاعات اللى بتقربنا من ربنا وليس وصفة للى متجوزوش لا ابدا

 

لان البعض اخترعوا ادعيه للزواج وليست صحيحة للاسف

 

رسالة الى اختى التى تقدم لها عريس ولم يحدث النصيب

يا اختى ياحبيبتى الخيرة فيما اختارها الله متزعليش نفسك ومتعرفيش ايه اللى هيحصل احنا بنشوف المشكلة من بره انما لو شفناها من جوة وحكمة الله هتلاقيها خير والله خير

 

مش يمكن بعد مايتقدملك يموت والله حصلت لواحده صحبتى وهى مكنتش وفقت من بره طبعا حاجة مش كويسه انما من جوة خير

 

مش يمكن يطلع انسان مش كويس وبيتصنع ادامك وبعد كده تكتشفى وتعيشى فى جحيم

 

مش ممكن يكون مش بيخلف وانتِ بتحبى الاطفال وتعرفى بعد كده

 

مش ممكن يكون اهله مش كويسين ويضايقوك وتعيشى فى مشاكل وتندمى فى وقت لا ينفع الندم

 

واخيرا

الصبر مفتاح الفرج

 

اللهم ارزق شباب وبنات الامة الاسلامية الزواج الصالح اللى يكون سبب فى دخولهم الجنة

 

منقووووووووووول

تم تعديل 31 يوليو, 2009 بواسطة العبدة الفقيرة

[السعاده في طريق الالتزام 1]

عبـــــــــــــــــــــــــــــــــــــــــــــــــــــوده انا دخلت وانا مش مصدقه نفسي لما لقيتك انتي اللي كاتبه الموضوع

بس طلع حاجه تانيه الحمد لله علي كل حال

المهم ان الموضوع رائع جدا ربنا يبارك فيكي يارب

[***أم محمد*** 8]

بسم الله الرحمن الرحيم

السلام عليكم ورحمة الله وبركاته،،

 

ماشاء الله و يا سلااااااااام على الكلام الحكم...الله يكرمك بلي يستاهلك و يقدرك

ربنا يكفينا شر الحرام و يهدي بنات و شباب الامة للسراط المستقيم

ويرزقهم ازواجا صالحين

تم تعديل 1 أغسطس, 2009 بواسطة ***أم محمد***

[العبدة الفقيرة 2]

حبيبتى السعادة فى طريق الالتزام

هههههههههههه انا كنت عارفة الموضوع هيعمل ضجة فى المنتدى

و خاصة انا ههههههههه

بس مش للدرجة دى ياقمر لما يجى اى عريس هكتب فى المنتدى

ربنا يرزقك و يرزقنى و شباب و بنات الامة الاسلامية الزواج الصالح

[أم عائشة المصرية 242]

وعليكم السلام ورحمة الله وبركاته،،

جزاكِ الله خيرا أخيتي العبدة الفقيرة

موضوع جميل يخاطب كل فتاة

أسأل الله ان يرزف بناتنا العفة والحياء والأزواج الصالحين

[أم حـبـيـبـة 22]

خضتينى (: والله دخلت مسرعة جدا وانا مبسوطة

 

ربنا يكرمك يا عبودة يارب ويرزقك السعادة فى الدنيا والآخرة

 

الموضع جميل جدا وفعلا قابلت من النماذج للبنات دى كتير ربنا يعافينا يارب

 

ربنا يستر كل بنات المسلمين ويرزقهم الازواج الصالحين

[راجيةرحمةخالقها 0]

موضوع رائع حبيبتي عبودة الله يجعل في ميزان حسناتك.

 

يارب ارزقنا الهدى والتقى والعفاف .

 

يارب اقرا على الشريط عقد قران حبيبتي عبودة عاجلا ليس اجلا.

احبك كثيرا

[وسط][/وسط]

[صاحبه القلب الطيب 12]

هههههههههههههه عسل ياعبوووووووده

 

 

بصراحه الموضوع راائع واسلوبه جميل جداااااااااااااا

 

وياريت بجد كل بنت مصاحبه شاب وددددول كتير يتعلموا من الكلام ده ويفهموا انهم ماشين فى طريق غلط

 

على فكره

انا عارفه ان نسبة العنوسة كترت والله ولكن اصلا السن الطبيعى للجوزا دلوقت بقى 30 سنه وساعات اكتر كمان

 

 

مش للدرجاتى يعنى فى حالات كده وحالات كده

 

بس الاكيد ان ما عند الله لا ينال الا بطاعته

 

رزقك الله وبنات المسلمين اجمعين بالازواج الصالحين

 

ملحوظه: وجودك رائع فى الساحه هذا الشهر وتستحقين وسام التميز حبيبتى هنا وسامحينى لقله تواجدى وعدم وجود لامواضيع ولا ردود لكن ادخل لارد على مواضيعكى اغلب الاحيان انتى عارفه التعب والظروف الجديده

ربنا ييسر لنا جميعا

[فدوى المسلمي 531]

وعليكم السلام ورحمة الله وبركاته،،

جزاكِ الله خيرا أخيتي العبدة الفقيرة

موضوع جميل يخاطب كل فتاة

أسأل الله ان يرزف بناتنا العفة والحياء والأزواج الصالحين

[رضاك يارب 7]

بارك الله فيكى نقل رائع وموضوع ممتاز وعرض شيق

اللهم عف بنات وشباب المسلمين اجمعين وارزق كل بنات المسلمين الزوج الصالح

امين

[هــالــ مؤمنة بالله ــه 0]

ومتخليش الجواز شغلك الشاغل هتتعبى هتصحى تقولى عريس وتنامى على عريس

ربنا بايديه يجوزك حالا

 

 

جزاكى الله خيرا اختى الكريمة وعندك حق والله البنات بقى يصخو ينامو يقولو عريس

بس هنعمل ايه الفتن والدنيا بقت وحشه اووووووووووووى

 

 

 

ربنا يسترنا وجميع بنات المسلمين

[نور الاسلام 2 8]

جزاكِ الله خيراً

وأنا أعتقدت مثلهم ايضأً

بارك الله فيكِ

[مطمئة بالله 0]

ومن ترك شيئا لله عوضه الله خيرا منه

 

السلام عليكم ورحمة الله وبركاته،،

 

فعلا والله من ترك الله شيئا عوضه الله خيرا منه

 

وربنا يرحمنا ويثبتنا ياررب على فعل الخير

وجزاكى الله خيرا وفقكى الله ورعاكى

ويجعلوا عامر

[باحثه عن الحق 0]

موضوع جميل اختي العبده

اكرمك الله واعزك

اللهم ارزق بنات وشباب المسلمين

العفه

اللهم امين

[أنين السَّحر 35]

السلام عليكن و رحمة الله و بركاته،

أختي الحبيبة في الله،

العبدة الغنية بالله

 

دخلت الموضوع مسرعة لأني ظننت أنه تقدم لكِ شاب صالح و حصلت الموافقة ..!

لعلّه خير يا رب .. علّ هذا الموضوع و شعورنا جميعاً بنفس الشيء فال خير عليكِ و لكِ !!!!

 

جزاكِ الله خيراً على النقل الطيّب يا غالية ..

 

الله اسأل أن يرزقكِ و جميع بنات المسلمين بحنان الزوج الصالح التقي المُخلص المُحبّ لله و لرسوله عاجلاً غير آجل و أن يهديهنّ و شباب الأمّة صراطاً مستقيماً و أن يردهم إليه و إلى دينه رداً جميلاً إنه وليّ ذلك و القادر عليه !!!!!!

اللهم آمين آمين آمين

 

و إني و الله أحبكِ في الله الذي أحببت :wub: !!!!!!

 

[* المشتاقة لجنة ربها * 0]

السلام عليكــم ورحمـة الله وبركاتــه

 

 

 

جزاكى الله خيرا على هذا الموضوع القيم والذى كل كلمة فيه صحيحة

 

 

 

اللهم ارزقنى وجميع بنات المسلمين الازواج الصالحين وارزقنا العفة وابعد عن الحرام

 

 

آآآآآآآآآآآآآآآآآمين

[ام رحمة السلفية 12]

وعليكم السلام ورحمة الله وبركاته،،

جزاكِ الله خيرا أخيتي العبدة الفقيرة

موضوع جميل يخاطب كل فتاة

أسأل الله ان يرزف بناتنا العفة والحياء والأزواج الصالحين

["غفرانك اللهم" 0]

اللهم ارزق شباب وبنات الامة الاسلامية الزواج الصالح اللى يكون سبب فى دخولهم الجنة

آآمين يارب العالمين عاجلا لا اجلا

[ملكة بأخلاقى 1]

ههههههههههههههه

 

والله عندك حق فى كل كلمه

وانا بقول برده كده لاصحابى بس انتى بتكلمى مين

 

جزاكى الله خيرا اختى وهداكى الله الجنه

[العبدة الفقيرة 2]

ربنا يكرمكم جميعا

ورزقكم الازواج الصالحة فى القريب العاجل

[*الدرة المصونة* 0]

ما شاء الله تبارك الله عليك على الموضوع الرائع ربي يرزئك الزوج الصالح الي يسعدك في الدنيا ويكون سبب سعادتك في الآخرة ووالله بهني العريس سلفا الي حياخدك لأنه فعلا فاز بأرقى العرايس الله يحفضك يا رب من كل سوء ويفتحها عليك

[العبدة الفقيرة 2]

ربنا يكرمك حبيبتى الدرة المصونة

و يتقبل منك يارب العالمين

و يرزقك الذرية الصالحة التى تقر عينك

وكل من يريد الخلف الصالح

و تبشرينا عن قريب جدااااااااااااااااااا

[أمه الله78 0]

اللهم آمين

 

اللهم وفقنا لما تحب وترضى

[الراكعه الى الله 0]

جزاكى الله خيرا اختى العبدة الفقيرة موضوع رائع ربنا يكرمك وجعله الله فى ميزان حسانتك

بس انا افتكرت انو جالك انتى عريس ههههههههههه

ربنا يرزقك الزوج الصالح ان لم تكونى متزوجة

[العبدة الفقيرة 2]

ربنا يكرمكم حبيباتى

وجعلكم من عتقاء رمضان