تم بفضل الله فتح باب جديد للالتحاق بمعهد الرحمة بروض الفرج.....لرجو الاهتم

[ام ابو بكر 1]

السلام عليكم ورحمة الله وبركاته

 

ان شاء الله في بشري عظيمة لكل الاخوات

 

*ان شاء الله سوف تبدا دورة جديدة والتقديم ان شاء الله سيبدا من 11_10_2009

 

 

وشرط للتقديم حفظ جزئي عم وتبارك وان يوجد لديك معلومات عامة عن دينك.

 

 

وهيكون في امتحان بسيط يوم21-10-2009

فمن اجتازته فخيرا,

وان لم يكن.. فسيوجد ان شاء الله دورة تمهيدية لتعليمك اساسيات لا بد معرفتها قبل دخول المعهد.

 

 

ممكن يكون حد منكم عارف المعهد

واللي مش عارفة المعهد ممكن تسال هنا وان شاء الله هحاول افيدها

 

واللي عاوز يستفسر عن اي حاجة ممكن يسال هنا ان شاء الله.

 

 

ارجو الاهتمام.....فوالله الذي لا اله الا هو.. معهد في منتهي الجمال بشهادة فضيلة الشيخ مصطفي العدوي وفضيلة الشيخ محمد حسان وفضيلة الشيخ ابي اسحاق الحويني.

جزاكم الله خيرا

 

 

 

السلام عليكم ورحمة الله وبركاته*

 

*أخواتي في الله*

 

(هذه نبذة مختصرة عن معهد الرحمة للعلوم الشرعية)

 

 

 

 

 

 

 

 

*********

 

 

 

** تقوم بالتدريس نخبة من صفوة النساء أصحاب الفكر السليم والمنهج القويم وعلي رأسهن المعلمة الفاضلة((أم تميم)). صاحبة المصنفات العلمية مثل:

 

 

 

 

 

1-كتاب ((الفقه الميسر)).

 

 

 

 

2-كتاب ((عقائد الفرق الضالة وعقيدة الفرقة الناجية)).

 

3-كتاب ((أمراض القلوب)).

 

4-كتيب ((محمد صلي الله عليه وسلم كأنك تراه)).

 

 

 

** راجع كل الكتب وقدم لها فضيلة الشيخ الجليل العلامة المحدث الفقيه/مصطفي بن العدوى-حفظه الله تعالي.

 

 

 

 

 

 

 

 

 

***********

 

 

 

**الدراسة مدتها عامان مقسمة إلي أربع دورات.

 

 

 

 

 

**تدرس الطالبة في الدورات الأربع :

 

[الفقه-العقيدة-الحديث-علوم القران-تفسير القران-النحو ].

 

 

 

 

 

**********

 

 

 

**تحصل الطالبة بعد نهاية الدراسة علي شهادة من مجمع الرحمة وإجازة عامة بالسند المتصل في الكتب التي درستها خلال مدة الدراسة.

 

 

********

**للاستفسار**

*شئون الطلاب من 9ص إلي 5م ما عدا يوم الجمعة.

 

 

العنوان

 

 

 

:المبني الملحق بمسجد الرحمة بوسط مساكن ناصر كورنيش النيل, خلف أبراج لؤلؤة النيل حي روض الفرج.

[سُندس واستبرق 4686]

وعليكم السلام ورحمة الله وبركاته،،

 

بارك الله فيك ِ ونفع بك ِ أختي الحبيبة

[ام ابو بكر 1]

وجزاكى حبيباتى

 

لكن ما فى احد مهتم بالموضوع

[( أم رحمة ) 0]

السلام عليكــم ورحمـة الله وبركاتــة ،،

 

ازاي مفيش حد مهتم

دا أنا سعييييييدة جدا إني لقيت حد أقدر أسأله على المعهد ده لأني بسمع عنه من زمان بس مترددة لأني معنديش معلومات كفاية

 

يا رب ألاقي عندك أجابات على أسألتي:

 

أولا: عايزة أعرف المكان بالتفصيل إن أمكن؟؟؟ يعني محطة المترو القريبة منه هي مسرة و لا روض الفرج؟؟؟أصل أنا معرفش أي حاجة في شبرا غير محطة روض الفرج و الطريق من المحطة دي إلى مستشفى الساحل التي أعمل بها الآن

 

ثانيا:سمعت إن الدراسة يوم واحد فقط فهل هذا صحيح؟؟؟ و ياريت تقوليلي يوم إيه علشان إذا هروح أحاول أظبط مواعيد شغلي و أجازاتي

 

ثالثا:هل لازم أكمل الدراسة كلها؟؟؟؟ لأني إن شاء الله سأسافر مع زوجي للسعودية بعد ما يقرب من عام بإذن الله

 

رابعا: ما هي المستندات و المصروفات المطلوبة ؟؟؟؟ و ما هو آخر موعد للتقديم؟؟؟

 

خامسا:سؤال عن رأيك الشخصي....

هل أحضر في هذا المعهد أم العزيز بالله -علما بأني ان حضرت في العزيز بالله سأحضر مع الرجال بعد العصر لأن عملي بالنهار- كنت قد اتفقت مع زوجي أن نقدم معا في معهد العزيز بالله في العام القادم و نحاول أن نسمع تسجيلات المحاضرات و ننزل الى مصر أيام الامتحانات ..... لكني أريد الاستفادة بهذا العام الذي أقضيه هنا في القاهرة فبم تنصحيني؟؟؟؟؟

 

أتمنى ألا أكون أطلت عليكِ

جزاكِ الله خيرا

تم تعديل 16 اكتوبر, 2009 بواسطة ***جهاد***

[بُشرة خير 3]

وعليكم السلام ورحمة الله وبركاته

 

أستأذن أم أبو بكر فى الرد عليكى يا جهاد لحين عودتها

أرد على اللى أعرفه وهى تكمل إن شاء الله

أو نرد احنا الاتنين فيبقى معاكى آراء متنوعة

 

بصى أول حاجة أنا مش عايزاكى تترددى

بجد خطوة تفكيرك فى طلب العلم .. ده إصطفاء من الله .. وغيرك الكثير غافلات عن هذا الباب العظيم

كمان توفيقك للمكان المناسب لطلب العلم ده إصطفاء آخر .. فما تتردديش والله فرصة من ذهب اوعى تضيعيها حبيبتى

ربنا ييسر لك ويفتح عليكى يااارب

 

بصى أول سؤال بتاع المواصلات مش هعرف أفيدك فيه لانى ماليش فى ركوب المترو معلش

 

لو حبيبتى أوصفلك الطريق بالمواصلات العادية أقولك إن شاء الله

 

لكن هو فيه طريق للمترو فعلاً إن شاء الله أم أبو بكر توصفهولك أو لو هى كمان ماتعرفوش هسأل لك وأرد عليكى إن شاء الله

 

ثانيا:سمعت إن الدراسة يوم واحد فقط فهل هذا صحيح؟؟؟ و ياريت تقوليلي يوم إيه علشان إذا هروح أحاول أظبط مواعيد شغلي و أجازاتي

 

 

لأ

الدراسة يومين فى الأسبوع إن شاء الله

فى الغالب هيبقوا يوم الأحد والأربعاء ... لما كنا سنة أولى كان كدة .. وسنة أولى حالياً برضه كدة .. ففى الغالب انتوا كمان هتكونوا كدة إلا لو غيروا اليومين بقى

 

لكن بصى ده ما يمنعكيش انك تقدمى برضه إن شاء الله

 

احنا لما كنا فى سنة أولى كنا لسة فى الكلية وكليتنا عملية فيها سكاشن ومحاضرات لازم تتحضر وحاجات كتير ما ينفعش نغيب منها

فكنا بنحاول نوفق قدر المستطاع

مثلاً نحضر لغاية الظهر بس ونمشى ويبقى كدة فاتت مننا المحاضرة اللى بعد الظهر بس أهو أحسن من بلاش

كنا ساعات لما نتزنق نحضر يوم الاحد بس اللى هو فيه العقيدة ( بتشرحها أم تميم ) ومانحضرش الأربعاء

وساعة الامتحانات بقى كنا بنتغيب خالص

وفى الآخر لما نخلص امتحانات ندور على أخت شطورة مجتهدة كانت حاضرة طول الوقت ونتجمع ونتقابل وتشرح لنا اللى كان بيفوتنا ونشد على فنسنا ونذاكر

والحمد لله كنا بنلم حاجات كتير واتنين مننا طلعوا من الاوائل كمان واحنا الباقيين ما بين امتياز وجيد جداً وجيد الحمد لله

 

أقصد اقولك ان الانسان ظروفه مش هتنتهى ولو انتظر لغاية ما ظروفه تخلص يبقى مش هتخلص

قدمى وتوكلى على الله واصدقى الله فى طلب العلم وربنا هيصدقك وييسر لك ويسخر لك الظروف إن شاء الله ويجعلها لصالحك

 

المواد اللى هتأخدوها هتكون عقيدة وهى عبارة عن كتابين ( 200 سؤال وجواب فى العقيدة , لمعة الإعتقاد )

وفقه

وحديث

وتجويد وقراءان

وتفسير

ونحو

 

لو انتى مثلاً ملتحقة بدار لحفظ القرءان يبقى ساعتها هتقدرى تسيبى القرءان والتجويد مثلاً لو ظروفك مش سامحة

وهكذا

 

ثالثا:هل لازم أكمل الدراسة كلها؟؟؟؟ لأني إن شاء الله سأسافر مع زوجي للسعودية بعد ما يقرب من عام بإذن الله

 

والله يا جهاد مش هقدر أقولك ما تروحيش مادام مش هتكملى

نصيحتى ليكى انك تروحى حتى لو مش هتكملى

بجد كل مرة هتروحيها خلال الدورة الواحدة هتحسى ان دماغك بتتظبط ... مفاهميك ... عقيدتك .. عبادتك .. سلوكك .. كل حاجة والله العظيم

كل مرة يعنى كل يوم هتروحيه فما بالك بقى بالسنة الكاملة ؟

 

فما تخسريش كل ده لمجرد انك مش هتكملى

السنة الواحدة دى هتفرق معاكى كتير إن شاء الله فمش تضيعيها

 

رابعا: ما هي المستندات و المصروفات المطلوبة ؟؟؟؟ و ما هو آخر موعد للتقديم؟؟؟

 

صورتين شخصيتين

صورة البطاقة

المصاريف 100 جنيه

 

آخر ميعاد للتقديم لسة ما اتحددش

بس المعلمة نصحت بتعجيل التقديم لانهم هيكتفوا بعدد معين فسارعى بالتقديم

 

خامسا:سؤال عن رأيك الشخصي....

هل أحضر في هذا المعهد أم العزيز بالله -علما بأني ان حضرت في العزيز بالله سأحضر مع الرجال بعد العصر لأن عملي بالنهار- كنت قد اتفقت مع زوجي أن نقدم معا في معهد العزيز بالله في العام القادم و نحاول أن نسمع تسجيلات المحاضرات و ننزل الى مصر أيام الامتحانات ..... لكني أريد الاستفادة بهذا العام الذي أقضيه هنا في القاهرة فبم تنصحيني؟؟؟؟؟

 

أنصحك بمعهد أم تميم يا جهاد

تلقى العلم عن معلمات نساء أكثر أكثر من رائع

أعلم أن العزيز بالله مكان جيد أيضاً اللهم بارك ولكن أنصحك بمعهد أم تميم

العلم موجود بالتسجيلات زى ما قولتى وتقدرى تسمعيه فى أى مكان

لكن عندنا فى المعهد المعلمات بيربطوا العلم بواقعنا

المعلمة تشرح العقيدة ومن خلالها تربط تصرفاتنا الواقعية وتحاول تغيير سلوكايتنا خاصة الآفات المرتبطة بنا كنساء

وكذلك الفقه وكذلك الحديث وكذلك السيرة وكل المواد

 

فعلاً لا تضيعى السنة اللى هتقعديها هنا

زادكى الله حرصاً ونفع بك

 

أى أسئلة تانية تحت أمرك

[أمة أرحم الراحميين 0]

السلام عليكم ورحمة الله وبركاته،،

 

 

يا جماعة لة باب التقديم مفتوح

 

 

نفسى اقدم بس يوم الاحد والاربعاء عندى معهد تانى من10-12.30

[alzohor 0]

الله .. اخيرا اعلان عن المعهد بتاعنا

انا طالبة فى المعهد دا فى سنة اولى

واللى عاوز اى سؤال عن المعهد او عن المعلمات او عن ام تميم يقولى

المعهد بجد بيغير حياتك

كل واحدة فينا فاهمة حاجات متفرقة عن الدين

اللى من درس

واللى من اهالينا

واللى من التليفزيون

لكن ام تميم بقى ربنا يحفظها

بتنظف مخك من اى حاجة غلط

ح تلاقى فى مخك بقى كدا حاجة زى السلطة

بدع على نفاق عقدى على بلاوووووى تانية كان ممكن تهلكى بيها لو فضلت فى دماغك

فى المعهد بقى بتنظفى دماغك من كل دااااااااااااا

وبتعرفى البدعة اول ما تشوفيها

وبتتبرمجى على منهج كتاب وسنة بس

وماتقوليش كلمة ولا تقولى حاجة الا بدليل

حديث او اية

يعنى مخك وعقيدتك ح تتظبط

[( أم رحمة ) 0]

جزاكِ الله خيرا حبيبتي (غدا نلقى الأحبة)

 

نفع الله بكِ

 

ربنا يوفقك و يوفقني لما فيه الخير و أتمنى من أي أخت تستطيع الاجابة على باقي أسئلتي فجزاكن الله خيرا

[ام ابو بكر 1]

اولا جزاكم الله خيرا على اهتمامكم

 

ربنا يرزقك كل الاخوات الخير

 

اولا الاخت جهاد

 

ربنا يبارك لكى ويرزقك ان تلتحقى فى هذا المعهد

 

اولا المعهد فعلا راااااااائع وتقريبا الاخت نلقى الاحبة وفت بكل شىء كنت نفسى اقوله

وازيد ان مثل ما كانت ام تميم تقول فى ماهد كتير لكن هل يدرس العلم صيحيح

واذا كان يدرس العلم الصيحيح فانه اكاديمى يعنى ددرسى المواد ثم تمتحنى وخلاص

 

انا بفضل الله فى الدورة الرابعة وهى الدورة الاخيرة

وفعلا المعلمات اللهم بارك نحسبهم فعلا على خير وكفى رايتهم ان تزيد همتهم ويذكر بالله

والعلم فعلا صحيح والمعلمات يربطه بالواقع ودى فعلا اهم حاجة

ومثل الاخت الزهور ما قالت انه فعلا بيغير حاجات فيكى وخاصة ام تميم لما بتشرح العقيدة

 

وسؤالك على المواصلات

 

ممكن تنزلى محطة روض الفرج وبعدين تمشى بس دقيقين لتوصلى لمحل التوحيد والنور عنده محطة تركبى منييباص 114 او 211 او 825 وتنزلى هيوصلك على ناصية المعهد على الكورنيش

بصراحة انا بعمل كده لانى ساكنة فى فيصل

وكنت الاول ساكنة جمب المعهد مافيش بينى وبينه 5 دقايق

وممكن تنزلى محطة حسنى مبارك وتطلعى وتركبى مكروباص بيروح السبتية وتنزلى لحد اخر ما يقف

ومعلش هتمشى شوية لحد ما ما توصلى للمعهد 5 دقايق

 

وسؤالك على انك تكملى الدراسة

برضه الاخت زهور وفت فى الاجابة

والله التحقى ولا تترددى ابدا والله لان لله هيفتح لكى الخير ومتعرفيش ايه الى جى ربنا هو المدبر

والله لو التحقتى بالمعهد ونيتك خالصة لله ياااااااااااه الخير الذى يجلب لكى

 

طلبات المعهد

 

صورتين

صورة شهادة الميلاد

صورة البطاقة

صورة شهادة التخرج لو متخرجة

 

بصراحة انا معرفش انا اى ايام سوف تدرسوا بيها

 

لو عايزة تسالى على اى حاجة اسالى تانى او اى اخت

[بُشرة خير 3]

وعليكم السلام ورحمة الله وبركاته

 

أم أبو بكر .. انتى سنة رابعة .. الزهور سنة اولى .. وأنا سنة تانية .. اللهم بارك .. أنا أحبكما فى الله

 

يا جماعة لة باب التقديم مفتوح

 

 

نفسى اقدم بس يوم الاحد والاربعاء عندى معهد تانى من10-12.30

 

أيوة لسة مفتوح يا شجرة الحور

 

 

 

بصى احنا مش متأكدين هتبقوا يوم الاحد والأربعاء ولا لأ

 

احنا بنخمن بس

 

فالأفضل انك تتصلى بالمعهد تسأليهم هيردوا عليكى أخوات متعاونات ربنا يحفظهم

 

قوليلهم أنا عايزة اقدم عندكم فى المعهد فى الدورة الجديدة ولكن عايزة أسأل عن المواعيد عشان عندى ارتباطات تانية ... هيبقى المعهد يوم إيه وإيه ؟ وشوفى كدة لعل اليومين يتغيروا من حظك

 

وقوليلنا قالوا لك إيه يمكن نلاقى لك حل تانى إن شاء الله يااارب

 

التليفون: للمتابعة والأستفسار شئون الطلاب من 9ص حتى 5 مساء, ماعدا يوم الجمعة.

أرضي: 24580276

محمول: 0116822069

 

**********************

 

جهاد بالنسبة لسؤالك عن المترو فيه وصف أهو لطريق المعهد من ناحية المترو أنا ناقلاه عن أخوات أخريات لعله يفيدك إن شاء الله

 

 

 

بصى ياتوتا اقرب محطه مترو روض الفرج

بس هتركبى تانى لانها على الكورنيش برا مش فى قلب روض الفرج

او هتمشى حبه كدا

هو فى الشارع اللى قبل اللى قبل اركديا فى اتجاه التحرير

او الشارع اللى بعد اللى بعد اركديا فى اتجاه المؤسسه

 

ممكن تنزلى الخلفاوى وتركبى عربيه ب75 قرش من على الكرنيش وتقوليله المساكن

 

بعد ماتنزلى من روض الفرج تركبى عربيه تطلعك على الكورنيش او تتمشيها بس هى مش صغيره اوى لو بتحبى المشى اتمشى ملكيش فيه اركبى عربيه تطلعك على الكورنيش

ولو هتنزلى الخلفاوى اركبى عربيه راحه التحرير وقوليله المساكن

خمس دقايق على الاكثر بالعربيه

 

 

تركبي المترو وتنزلي محطة انور السادات

وبعدين تروحي على ميدان عبدالمنعم رياض

وتركبي من هناك حاجة رايحة مؤسسة

وتقولي له ينزلك عند المساكن

 

يسر الله لكِ

[أمة أرحم الراحميين 0]

السلام عليكم ورحمة الله وبركاته،،

 

 

جزاك الله خيرا حبيبتى غدا على ردك

 

 

ان شاء الله اتصل بالمعهد

[محبة لربها، ادعوا لي بالثبات 72]

كان نفسي بس انا مش حافظه الجزئين

 

غدا نلقى الاحبه وام ابى بكر والزهور شكرا لمجهوداتكن قد اضفتن لى معلومه عن المعاهد الدينيه كنت اجهلها ربنا ييسر لى طريقا لدخول واحد منها ادعولى كلكن

[بُشرة خير 3]

جزانا وإياكِ شجرة الحور

يسر الله لكِ

 

محبة لربها

 

أنصحك تتصلى برضه بالمعهد حبيبتى بالتليفون اللى حطيته

 

أصل بصراحة شرط الجزئين ده ماكانش موجود لما احنا قدمنا

 

وهما مش حاطينه تعجيز ولا حاجة والله

 

هما بس كانوا عايزين يتطمنوا على ان اللى بيقدم فى المعهد عنده خلفية ولو بسيطة ... واخد أى خطوة فى الطريق

 

واللى قالتهولنا المعلمة هو ان هيتعمل اختبار بسيط للمتقدمات فى الدورة الجديدة يختبر فقط معلوماتهن العامة

 

اللى هتنجح فيه هتدخل المعهد سنة أولى على طول

 

واللى مش هتنجح فيه برضه هتتقبل فى المعهد ولكن هتدخل زى دورة تمهيدية قبل ما تبدأ الدراسة فى المستوى الأول

ففهمت من الكلام ان كل المتقدمات مقبولات إن شاء الله سواء فى المستوى الاول مباشرة أو فى الدورة التمهيدية ومنها للمستوى الأول إن شاء الله

ومش هتفرق يا محبة لو قبلوكى فى الدورة التمهيدية بسبب الجزئين

أهو برضه طلب علم وهيدرسوا لكم فى الدورة التمهيدية وهيبقوا كمان بالراحة عليكم وواحد واحدة

فإن كان الجزئين هيودوكى للدورة التمهيدية دى مش مشكلة خالص حبيبتى وأقبلى ولا تترددى ووالله لن تندموا وسنجتمع فى يوم ما فى أحد المواضيع لنتحدث عن نعمة الله علينا بدراستنا فى هذا المكان فماتضيعوش الفرصة يا حبايبى

 

 

 

ده انا حتى نفسى أقولك احفظى الجزئين وروحى قدمى

 

بس خايفة تقولى عليا ببالغ

 

والله مش صعب ولا حاجة وهما اكيد مش هيختبروكم اختيار حرف حرف ومش هيسمعوا لكم الجزئين مرسل ولا حاجة

 

يسر الله لكِ حبيبتى

[محبة لربها، ادعوا لي بالثبات 72]

شكرا يا غدا نلقى الاحبة ان شاء الله..عارفة انا عينى دمعت من تفانيكى معايا ادعيلى

 

 

احبك فى اللله

[((ام معاذ)) 2]

السلام عليكم ورحمه الله وبركاته,

جزاكن الله عنا خيرا

انا كلمتهم و ان شاء الله هاروح اقدم غدا

بس البنت قالتلى انى احسن ادخل الفتره التمهيدى وقالتلى انها هاتبقى مره كل اسبوعين و ست شهور وانا شايفه ان ده كتيير اوى فما رأآ الاخوات انا عندى خلفيه و لكن خائفه ما تكونش كافيه

ارجو الافاده و ايضا ياريت لو فى حد ساكن قريب من الدقى و سوف تقدم فى المعهد تقولى اسهل طريه بحيث انى عمرى ما ركبت موصلات لوحدى و كمان التاكسى هايبقى كتيير اوى وانا كمان عاوزه ابطل اركب التاكسى واتعود على الموصلات فياريت تفيدونى

اسفه على الاطاله

 

 

اللهم اجعل عملنا خالص لوجك الكريم

[بُشرة خير 3]

وعليكم السلام ورحمة الله وبركاته

 

أحبكى الله الذى أحببتينى فيه يا محبة

جزاكى الله خيراً كثيراً حبيبتى

أسأل الله أن ييسر لكِ ويفتح لكِ باباً لطلب العلم اللهم آمين

 

سهير

 

طيب ليه ما تجربيش تدخلى الإختبار وهو اللى يحدد إذا كانت خلفيتك كافية ولا لأ ؟

 

يعنى خدى بالأسباب واتركيها لله ... وصدقينى كله خير زى ما قولنا

 

ان شاء الله لما ترجعى بكرة عرفينا إيه اللى حصل ربنا يوفقك يااارب

 

 

 

 

أما المواصلات فانا مش عارفة بالتحديد تركبى إيه من الدقى

 

بس بصى

 

تعرفى تروحى التحرير ؟ أو عبد المنعم رياض ؟

 

سواء من عندك فى الدقى أو من الجيزة مثلاً او اى حتة انتى تعرفيها ؟

 

أهو لو وصلتى عبد المنعم رياض أنا أوصفلك تركبى إيه بعدها

 

بصى فى عبد المنعم رياض جوا الموقف ( موقف مشهور بتاع عبد المنعم رياض ده ) هتلاقى ميكروباصات أبيض فى أخضر دى مكتوب عليها أجرة القليوبية وبتنادى ( مؤسسة / قناطر ) تروحى انتى سألاه رايح مساكن ؟ ( اللى هى مساكن ناصر الطيار برضه هى مشهورة والسواق عارفها بمجرد ما تقوليله مساكن ) وتروحى راكبة ومسافة مش كبيرة وهينزلك وانتى بعد ما تعدى على أركاديا مول ابقى فكريه تانى وقوليله مساكن معاك ... وكدة كدة هو هيحرص انه ينزلك مساكن وهيفتكر لانه الأجرة أرخص من بقية الطريق : d وبعد ام تنزلى هتلاقى يافطة فى وشك مكتوب عليها مسجدا لرحمة والمعهد الدينى تمشى ورا الأسهم لغاية ما تلافى نفسك أدام المعهد أو اسألى فين مسجد الرحمة بس هو ورا المبانى اللى ع الشارع الرئيسى على طول

 

الكلام باين كتير ما تتخضيش لكن الطريق أسهل من كحدة بكتير أنا بس قلت أوصفلك بالتفصيل عشان ما تكونيش قلقانة

ربنا يوفقك يااارب ومنتظرين تطمنينا

[((ام معاذ)) 2]

جزاكى الله خيرأ اختى غدا القى الاحبه انا فعلا قلقانه شويه عشان انا مبعرفش فى الطرق خالص بس انا ممكن ان شاء الله بكره اخذ ماما معايا عشان اعرف الطريق و بعدين ابقى اروح لوحدى

جزاكى الله خيرا على اهتمامك وان شاء الله لما ارجع هابعتلكوا عملت ايه على طول

بس كان عندى استفسار هو الاختبار ده بيبقى شفوى ولا تحريرى ؟؟ وهل بيكون كله تسميع قرآن ولا فى حاجات تانيه

و اسفه ان كنت تقلت عليكى :mrgreen:

[بُشرة خير 3]

جزانا وإباكى سهير

ما تقوليش تقلت عليكى احنا تحت أمرك حبيبتى

 

الامتحانات كلها تحريرية

امتحان القرءان تحريرى

وامتحان المعلومات العامة برضه تحريرى

تقريباً هتمتحنوا فى القرءان لما تروحوا تقدموا

وتمتحنوه كمان مرة يوم الامتحان الرسمى اللى هو 21 / 11

 

ربنا يوفقك يااارب

[ام ابو بكر 1]

جزاكى الله خيرا حببتى غدا نلقى الاحبة

 

وجزاكى الله خيرا انك بتردى على استفسارتهم

لانى حقا منت لااعرف بعض ما قولتيه

 

ويارب يرزقك يا سهير ان تلتحقى بالمعهد

وينفعك به وييسر امرك انك تذهبى له

 

انا ساكنة فى فيصل

واسهل حاجة تروحى المعهد من خلالها زى ما الاخت غدا نلقى الاحبة قالت انك تنزلى محطة انور السادات وتروحى لعبد المعم رياض وتركبى اى ميكروباص بيروح التحرير وقوليله ينزلك عند المساكن عند عمارات لؤلؤة النيل تخشى على طول فى فتحة الشارع الى هنزلك منه الميكروباص وهتحودى يمين هتلاقى المعهد باذن الله والى يسال ما يتهوش اتعملى يا كتكوتة

 

 

وربنا ييسر لكى محبة لربها وتدخلى المعهد

فسارعر الى طريق الجنة

فنة من سلك طريقا يلتمس فيه علما سهل الله له طريقا الى الجنة

 

وشجرة الحور ايوة كده هو ده الكلام

ربنا يبارك لكى ويسعدك باذن الله سوف ترى كل الخير

ولما تقدمى قللنا ايه الى حصل

[( أم رحمة ) 0]

السلام عليكــم ورحمـة الله وبركاتــة ،،

 

جزاكن الله خيرا

 

ادعولي يا أخوات ربنا ييسرلي الالتحاق بالمعهد ده لأني محتاجة جداااااااا أتعلم

الله المستعان

[نسمة الريحان 0]

ربنا يوفقكوا كلكم واحمدوا ربنا لانكوا في نعمة كبيييييييييييييييييرة مش عارف قيمتها قد اللي محروم منها

 

وربنا معاكوا ياااااااااااااااااااااااارب ويوفقكوا ويرزقكم علم نافع وفهم صحيح

[ام ابو بكر 1]

ربناييسرلكىاختىجهاد ان تلتحقى بالمعهد

وييسر لكى امورك كلها يارب

 

بس اخلصى النية واصدقى مع الله

 

 

واختى لبلباس دعاءك جمييييييل

وفعلا ذكرتينااننافى نعمة

يجب علينا شكرها

ويرزقك يا حببتى من فضله وما تريدى

[((ام معاذ)) 2]

السلام عليكم

بركولى يا اخوات انا الحمد لله ذهبت الى المعهد و قدمت و استلمت الكارنيه

و هادخل سنه اولى على طول عشان مبقاش فى مرحله تمهيديه و الدراسه هاتبقى بعد العيد ان شاء الله

و الايام هاتبقى احد و الاربعاء و الموصلات كانت زحمه شويه بس مش صعبه اوى زى ما كنت متخيله

انا مبسوطه جدا بجد الحمد لله

بجد ربنا يجزيكن عنا خيرا و يجعله فى ميزان حسناتكن

بجد المعهد جمييل جدا واى واحده بتفكر تروح لازمتترددتش لانها بجد ان شاء الله مش هاتندم

وان شاء الله ابقى اشوفكوا هناك بقى :icon16:

 

احبكن فالله....

[بُشرة خير 3]

وعليكم السلاااااااام ورحمة الله وبركاته

 

اللهم بارك

الللهم بارك

اللهم بارك

 

مباااااااااااااااااااارك يا سهير ربنا يباركلك ياارب ويوفقك ويثبتك ويزيدك من فضله ويرفع قدرك فى الدنيا والآخرة اللهم آمين

 

اسجدى لله شكراً

 

ولو احتجتى اى حاجة احنا تحت أمرك إن شاء الله

 

أحبكى الله الذى أحببتينا فيه ياااارب

 

ولسة هتحبى المعهد أكتر وأكتر إن شاء الله لما تروحى تانى وتالت وتبدأوا وتشوفى أم تميم ربنا يحفظها وتشوفى بقية المعلمات ربنا يباركلهم وتشوفى بقية الاخوات والجو اللى هناك ... اللهم لك الحمد

 

 

جهاد ربنا ييسر لكى ياااارب ويفتح لكى باباً لطلب العلم .....قوليلنا وصلتى فين ؟

 

ليلياس ربنا يرزقنا وإياكى

 

 

 

أم ابو بكر جزانا واياكى ياااارب

[ام ابو بكر 1]

انا فرحتتتتتتتتتتتتتتتت كتير انك قبلتى فى المعهد

 

ربنا ييسر لكى كل طريق الى الجنة

 

ويسعدك ويرزقك العمل بما تتعلمين

 

ابقى بقى جددى نيتك كده من الاول واجتهدى علشان تتطلعى من الاوائل على العهد