اذهبي الى المحتوى
daughterofislam89

وارتدت الكفن بدلآ من فستان الفرح رحماك ربى

المشاركات التي تم ترشيحها

السلام عليكــم ورحمـة الله وبركاتــة ،،

حياكن الله حبيباتى

كنت قد كتبت فى ساحة المواساة والمباركة قصة وفاة قريباتى

وبناء على طلب الاخت عباد الرحمن اكتبها هنا لتنقل فى المنتديات للعظة

اسال الله ان يكون هذا العمل خالصا لوجهه وان يرزقنا الاخلاص فى القول والعمل

وان يرحم ابطال القصة وموتانا وموتى المسلمين جميعا

انا ساستبدل اسماء الاشخاص الحقيقين باسماء اخرى وساكتبها بالعامية معذرة للتبسيط وسامحونى على الاسلوب تقريبا لم اكتب قصص من قبل سوى حوالى 10 قصص ولم انشرها هذه اول شيء فسامحونى على رداءة الاسلوب

 

ونتبدأ قصتنا هكذا:

فى الصباح يوم الاحد استيقظت على هاتف من زوجى على تليفون المنزل ببيت اهلى واخى ينادينى لاحدثه

زوجى فى منزله ولم يذهب للعمل غريبة!!!

ايوة السلام عليكم ورحمة الله وبركاته رفعت السماعة واجبت الهاتف

وعليكم السلام ورحمة الله وبركاته

ازيك عاملة ايه سالنى زوجى

اجبته الحمدلله

انت فى البيت بتعمل ايه مروحتش الشغل ليه اجازة ولا ايه

اجاب اه يعنى

معلش اسمعى الخبر الفظيع ده

قلتله خير

ظننت انه سيقول شيء من باب الدعابة والهزار

ولكنى وجدت اجابة بالله صدمت منها ولم اكن اتوقعها واصبحت ارد عليه بصدق اجابات بلهاء من الصدمة

اجابنى: (ايه وهند) عملوا حادثة وتوفاهم الله وصلينا عليهم قبل الفجر (فهم بنات خالة زوجى)

رددت بكل بلاهة: لا مش فاهمة ازاى يعنى ايوة يعنى فى المستشفى

اجابنى لا خلاص توفاهم الله ودفنوا

لا بردو مش فاهمة والله شعرت انى غبية من اجاباتى حين رزكت بعد ذلك

وله ابنة خالة اخرى اسمها هند غير التى ماتت

فوجدت نفسى اصرخ به هند مين اللى فرحها يوم الابعاء

اجابنى نعم

استعدى هعدى عليكى نروح لخالتو

اغلفت التليفون ولم اشعر الا بدموعى تنهمر بغزارة لا استطيع التفكير فى اي شيء

ياالله رحمالك ربى الاتنين معا كم كنت احبمها وكم كنت احب آية اللهم انى احببتهم فيك فاجمعنا بهذا الحب يوم لا ظل الا ظلك

هل سافقد رسائلها واتصالاتها ولم اعد اسمع صوتها مرة اخرى

فوجئت بنفسى اكلم صديقتى الانتيم وابكى بكاء شديد وهى تحوقل على الجانب الاخر مصدومة لا حول ولا قوة الا بالله لا حول ولا قوة الا بالله إنا لله وإانا إليه راجعون اصبرى واحتسبى وكانت تصبرنى

اتصلت بابى اخبرته بانى ساخرج وكذلك والدتى مسافرة اخبرتها ول تصدق

لا اعلم لماذا كلنا شعرنا حين سمعنا الخبر واننا لا نستوعب

اخبر امى ان اية وهند كانوا مسافرين وعملوا حادثة ودفنوا تقولى ايوة فى المستشفى نفس ردى على زوجى

قلتلها امى بقولك ماتوا خلاص قالتلى ايوة فى المستشفى مصابين يعنى

معرفش احنا كلنا اتصدمنا وامى بكت وقفلت الخط وهي تبكى

هذا هو حالى

ولكن ما حال ابطالنا

 

فتاتين مسلمات هم اية وهند شأنهم كأغلب بنات هذا العصر غير منتقبات لكن احسبهم على خير مصليات ومحتشمات

نشأوا فى اسرة مكونة من خمسة بنات وولد جميعه اشقاء والولد اصغرهم وهم ايتام من 21 سنة تقريبا منذ ان كان الولد رضيع

قامت والدتهم بتربيتهم وتخريجهم وزوجت اثنان من البنات ورزقها الله احفاد

ولكن ايه كانت 33 سنة وهند 24 سنة كم تمنت ان تتم خطبتهم واختهم الاخرى لتفرح

كان نفسها تفرح باى شكل واكنت تيسر لاى عريس يتقدم ماديا لكن سبحان الله البنات لم يكن يرتاحوا او يحدث امر ولم يتم الزواج كان نفسها تفرح بمعنى الكلمة

تمت خطبة هند من حوالى5 شهور هي خريجة كلية علوم بالازهر وتحفظ القراءن وتعمل بمعمل تحاليل

وكان زواجها سيكون بمحافظة اخرى مجاورة لنا

وتم عمل خطوبة وتنجيد وكان ناقص العقد والزفاف في يوم واحد

اكنت بتسافر تفرش شقتها ووضبتها كلها اجمل ما تكون كما حكت لى اختها وكانت تقول لوالدتها هجيب كذا عشان النيش لا كذا عشان كذا عشان الشقة تبقى حلوة انا ماليش دعوة بالمنطقة من برة انا ليا دعوة بشقتى انا وبس عشان تبقى حلوة

رحمك الله يا هند لم تعلمى قدرك المحتوم

وكانت تسافر اختها اية معها لانها لا تعمل والاخريات متزوجات والتى لم تتزوج تعمل وان كانوا سافروا ايضا معهم لكن دائما معها ايه فى كل مكان

كانت قد فرشت الشقة بالكامل

والفرح يوم الاربعاء وتم حجز القاعة والفستان والكوافير وتظبيط كل شيء وعزمت اصحابها

واذكر ان بعد الوفاة اخبرتنى اخت تعرفها انها ارسلت لها رسالة تعزمها على التنجيد والفرح واكن فى اخر رسالتها تلك الجملة (يالا خلينا نفرح بقى)

رحمك الله يا هند

فى ذلك اليوم السبت اي قبل الفرح بثلاثة ايام او اربعة

تبقى لها سجادة واحدة تريد نقلها الى شقتها وتذهب لتكمل بعض الرفايع وتدفع بقية فلوس الستاير فى المحافظة الاخرى

 

سامحونى كان نفسى اكمل البقية دلوقتى بس لازم اقوم اذاكر عندى امتحانات يوم الاحد ولسة مذاكرتش

بكرة باذن الله هكملكوا

مبحبش اسلوب التشويق واللعب الاعصاب بس معلش اضطريت وباذن الله هتخلص بكرة انا مكانش نيتى تتقسم بس اتزنقت فى الوقت اوى

تم تعديل بواسطة daughterofislam89

شارك هذه المشاركه


رابط المشاركه
شارك

وعليكم السلام ورحمة الله وبركاته،،

رحمهما الله اسكنهما سيح جنانه

هذه هي الدنيا حياة وموت

قال الله تعالى (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ)آل عمران185

شارك هذه المشاركه


رابط المشاركه
شارك

عذرا على التأخير حبيباتى

 

وصلنا لحد فين

ان فاضل سجادة هتسافر توديها الشقة فى المحافظة التانية

ويبقى السؤال مين اللى هيسافر

اكيد هند معاها اية ولكن معهن صديقة لهن غير متزوجة فى حوالى 36 من عمرها تقريبا اسمها ندى

وفعلا عدت ندى عليهم بالعربية وكانوا هيسافروا بعربية خاصة وهى اللى هتسوق

واية راجت جابت الطقم اللى هتلبسوا فى الفرح قبل ان تسافر (هكذا اكتشفوه فيما بعد)

وطلعوا على الطريق وهيسافروا

ولكن تأتى الرياح بما لا تشتهى السفن وعملوا حادثة بشعة بمعنى الكلمة

ندى كانت على طريق سريع وطبعا السرعة عالية وفى حفرة فى الطريق بتفاديها فالكاوتش فرقع منها والعربية اتقلبت وعدت الجنب التانى والطريق فردة واحدة مفيش جزيرة

لا اله الا الله

رحماك ربى

اية وندى لانهم راكبين قدام وقدرهم قبل اى شيء توفيا فى نفس اللحظة

اما هبة فقد كان مازال بها الروح

تبع تلك الحادث عدة وفيات ومصابين اخرون وان كنت علمنا بعض الاخبار غير الدقيقة فى اول الامر وعلمت ان شخصية اخرى توفيت ولم تكن توفيت بل هي مصابة اصابة بشعة حين علمنا التفاصيل بعد ذلك والتحرى الدقيق للامر وعلمت عن تلك الفتاة المصابة من اقاربها الذين اعرفهم

المهم لم تكن تلك هى الخسائر البشرية فقط

وانما اصطدم بها عربة بيجو مات جميع من بها الشائق وسبعة مسافرون معه

رحماك ربى

وايضا اصطدم بها عربة ربع نقل بها 3 اخوة ماتوا جميعها

رحماك ربى

وعن الفتاة المصابة فهى مضيفة جوية وكذلك خطيبها يعمل بالمطار وهى من محافظتها وتقطن بالقاهرة لظروف العمل مع اسرتها وخطبت حديثا وكانت تشترى الشبكة وجاءت مع امها واختها ورضيعة اختها وخطيبتها لتعرفه على اخوالها واقاربها بمحافظتنا

وعلى الطريق اصطدموا بالحادث واصيبت الفتاة عافانا الله باصابة بشعة فكان لديها نزيف بالمخ تم ايقافه وكسر بالحوض وشرخ بالعمود الفقرى اسأل الله ان يخف عنها ما هي فيه وخطيبها كسرت رجله الحمدلله على كل شيء ولكن اصابته اهون منها

وبالقدر يمر خالها عائد من المحافظة الاخرى كان عند الطبيب ليقوم بالغسيل الكلوى

وفجأة يجد حادث على الطريق يقف ليساعد يجد اخته وابنتيها وحفيدتها وخطيب ابنتها فى هذا الوضع

فتم نقلهم مع المصابين الى المستشفى الجامعى وقام الخال بعدة اتصالات ونقلوها فى عربة مجهزة لمستشفى الطيران اسال الله ان يخف عنها علمت انها بالعناية المركزة وممنوع عنها الزيارة

 

نعود لهند وندا واية سبحانك يارب قاموا بتغطية اية وندا بالسجادة

يالله

 

تم نقل هند الى المستشفى ليتم عمل اللازم لها وما ان دخلت الاشعة حتى اخرجوها ولم يكملوا الاشعة وقالوا الجمجمة مدشدشة

يالله

وبمجرد ان خرجت لفظت انفاسها الاخيرة رحمك الله يا هند اسال الله ان تكونى عروس بالجنة الان

 

نسينا نقول ان الفتيات طلعوا من بيتهم عشان يسافروا قبل العصر بشوية يعنى عالساعة2

 

وكل ده والاهل ميعرفوش حاجة عن الحادث

 

الساعة 8 مساءا لقوا اتصال من تليفون اية على رقم اختهم قالوا ده خلاص هيقولوا انهم وصلوا هنا وبيطمنوهم

اتفاجئوا بالمسعف بيتصل وبيقول صاحبة التليفون ده عاملة حادثة واتنقلت مستشفى الجامعة

وفهموا فى بادئ الامر ان الحادث كان وهم راجعين بقى

 

سافر امهم واخواتها جميعا واحدى اخوالها وابنته

ذهبوا على المستشفى وكانت هند فقط هناك اما ندا واية وبقية الجثث تم نقلهم الى المشرحة مباشرة ليتم تغسيلهم وتكفينهم

 

وصلوا المستشفى واخواتها اصروا ان مامتهم متنزلش من العربية وفهموها ان لم دخلوا وسالوا عرفوا ان اية توفيت ولم ياتوا بسيرة هند وهى فهمت انها مصابة

رغم انهم مشافوش اية لسة

وقف اخواتهم وابنة خالهم على الغسل بتاع هند وقالوا ان ماشاء الله اخوات اللى قاموا بالغسل وكان رائع وان شاء الله على اكمل وجه ربنا يجعله فى ميزان حسناته وماشاء الله وجهها منور جدا ولا اى شيء به سوى فتحة بدماغها

وعلى ما ذهبوا الى ايه وجدوا انها كانت اتكفنت وبتتربط خلاص

 

يالله على ماحدث

تتفاجئ والدتهم حين يظهر الاسعاف وهيرجعوا ان البنتين توفاهم الله

يالله والله شعور صعب ما اتخيله

وخطيبها كان فى حالة انهيار فى المستشفى وكان يهذى بالكلمات ويبكى ويبكى ويبكى وكان يقول هكذا اخبرونى (والله التراب اللى بتمشى عليه انا محتاجله)

ربنا يصبره يارب وينزل على قلبه السكينة

 

وسبحان الله رجعوا بيهم واغلب الوفيات كانت من بلدنا

وصلوا عليهم قبل الفجر بساعة وماشاء الله لا قوة الا بالله كانت جنازة بها عدد مهول من البشر

اختها الكبرى قالت طيب نستنى الفجر عشان يبقى فى حد يصلى

سبحانك يارب ندهوا فى الميكرفون على صلاة الجنازة وصلوا على ال3 بنات بعدد كبير وحشد من الناس

اسال الله ان يتغمدهم برحمته

 

بعد ذلك اخبرتنى اختها قالتلى هند كان نفسها فى زقة عربيات حلوة والله وصلها للمقابر عدد عربيات كبير جدا

سبحانك ربى

والدتهم طبعا مصدومة هي تبكى وتتالم ولكن من الداخل الظاهر امام الناس انها هادئة لكن فجاة تبكى وتقول الحمدلله

كانت فى العزاء تكلم نفسها وترجع تقول يارب صبرنى يارب صبرنى واربط على قلبى

اسال الله ان يصبرها ويعوضها خيرا فى ابنائها

واختهم التى لم تتزوج كانت منهارة قاعدة فى اوضهم شايفة قدامها شنطهم متقطعة والسجادة متقطعة كانت هند اخدة معاها لاب توب تشغله فى الشقة مكسور حطاه قدامها مع الحاحة وقاعدة تعيط ومش راضية تخرج من اوضهم واخواتها الباقيين كذلك بس دى اكتر واحدة متدمرة منهم

 

يوم العزاء الصبح قالتلى كلمة والله حتى اليوم تبكينى ووجعتلى قلبى بصدق وادمتنى من داخلى روحت اقولها انى همشى وهرجعلك بالليل تانى

ندهتلى باسمى وقالتلى ايه كانت بتحبك اوى وكل شوية لما تبعتلها رسالة تفرح وتبتعتلك كل شوية رسالة وتقولى دى بعتتلى كذا انا بعتلها كذا

والله تليفونى كله رسايل منها

مش قادرة امسح رقمها من عليه ولا اى رسالة من بتوعها وكتير ببقى عايزة امسك التليفون ارن عليها

اخر مرة كلمتنى فى رأس السنة الهجرية تقولى كل عام وانتى بخير

وفى يوم ما توفيت كنت هكلمها اطمن عليهم واعرض على اية المساعدة فى اى شيء لهند والله على ما اقول شهيد بس قلت هكلم واحدة صاحبتى الاول واكلمها بعد كدة فبتصل بصاحبتى لقيت وفاة والد صاحبتى فاتصلت بالاخوات واحدة ورا التانية ابلغهم بالجنازة والصلاة امتى وكدة

واتلبخت وقلت خلاص هكلم اية بكرة

وللاسف لم اتمكن من محادثتها مرة اخرى

 

وتانى يوم العزاء اخبرتنى اختها ان فى الليل امهم قالت لها ولاخيها يالا معادش لينا غير بعض خليكوا معايا فى اوضتى كانت اية بتنام جنبى وهند جنبك خليكوا معايا بقى

ربنا يصبرهم يارب

 

وارتدت هند الكفن بدلا من فستان الفرح

يالله اليوم هنا هو العزاء وقبل اسبوع بالظبط فى نفس المكان ولنفس الشخصية كان التنجيد رحماك ربى بنا

اللهم احفظنا يارب

 

اسال الله ان يرحمهعم هم دلوقتى فى قبورهم وعرفوا مصيرهم

اذكر نفسى واياكم هل احنا اخدنا العظة

هل اى واحدة قبل فرحها بتبقى مع ربنا وتعمل حساب اليوم ده ولا بيبقى فى الف حاجة وحاجة فى دماغها

هل استعدينا ليوم زى ده

والله ان ما يشغل بالى من يومها هل نطقوا الشهادة ام لا

يارب احسن خواتيمنا وارزقنا النطق بالشهادة

 

من اكثر ما صدمنى بعد ذلك حين علمت بسرقة كل ما كان معهم فقد تم سرقو فلوسهم وماكانوا يرتدونه من دهب حتى الدبلة والحلق وفلوسهم وموبايل ندا وهند لم يجدوه

والشبكة التى كانت مع العروس المصابة تمت سرقتها والفولس ايضا

نفسى اعرف اى قلب هذا

امامك على الطريق 13 جثة ومصابين بين الحياة والموت

الا تخاف الله

اتضمن ان لا تقبض روحك وانت فى فعلتك هذا

اى قلب هذا

اى قلب هذا

اى قلب هذا

اهكذا اصبح الموت لا يؤثر بنا

ألهذه الدرجة ماتت القلوب

 

اللهم اسحن خواتيمنا

لا تنسوهم من صالح دعائكم وان يرحمهم الله وجميع موتانا وموتى المسلمين

شارك هذه المشاركه


رابط المشاركه
شارك

لا حول ولا قوة الا بالله سبحان الله ياتى الموت بغته فى اى وقت يارب رحمتك ورضاك وتوفنا وانت راض عنا ذكرتى بصديقتى امنيه كانت فى ال20 من العمر وعندما سمعت خبر موتها حدث لى مثلما حدث لك يارب يجعل قبورهم وقبورنا روضه من رياض الجنه ويعفو عن كل الاخطاء ونامل ان يكونوا من الشهداء يارررررررررب الجنه يادنيا لا تساوى جناح بعوضه

شارك هذه المشاركه


رابط المشاركه
شارك

قلبي وجعني

لا حول ولا قوة الا بالله سبحان الله

اللهم اغفر لهم وارحمهم رحمه واسعه

ويرزق ذويهم الصبر

شارك هذه المشاركه


رابط المشاركه
شارك

السلام عليكم ورحمة الله وبركاته،،

إنا لله و إنا إليه لراجعون،

لله ما أخذ و له ما أعطى و كل شيء عنده بمقدار

شارك هذه المشاركه


رابط المشاركه
شارك

السلام عليكــم ورحمـة الله وبركاتــه

 

 

اللهم ارحمهم جميعا واجعل مثواهم الجنة

 

 

اللهم انى اسألك حسن الخاتمة

 

 

اللهم اجعل خير عملى خواتمها

شارك هذه المشاركه


رابط المشاركه
شارك

إنا لله وإنا إليه راجعون

لله ما اخذ ولله ما اعطى وكل شئ عنده بمقدار

حقيقى حادثة صعبه اوووووووووى

ربنا يرحمهم ويوسع قبورهم ويجعلها روضة من رياض الجنة ولا يجعلها حفرة من حفر النار

اللهم احسن خاتمتنا

حقيقى بكيت بشدة لهذه القصة

أسأل الله ان يرحمهم رحمة واسعة ويربط على قلب امهم ويصبرها

 

اللهم ارزقنى حسن الخاتمة وتوفنى وانت راضاً عنى

اميييييييييييييييييين

شارك هذه المشاركه


رابط المشاركه
شارك

ان لله وان اليه راجعون اللهم ارحمهم واسكنهم فسيح جناتك

اللهم اجعل قبورهم روضا من رياض الجنة

اللهم رزق اهلهم الصبر والسلوان

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

لا حول ولا قوة الا بالله

انا لله وانا اليه راجعون

 

هل اى واحدة قبل فرحها بتبقى مع ربنا وتعمل حساب اليوم ده ولا بيبقى فى الف حاجة وحاجة فى دماغها

لايمكن ان اصف لك مدى تأثرها فيا

ياترا انا حيكون ايه ماصيرى

نبنى بيت الدنيا ونحرص على الا ينقص شئ ونترك الاخرة نترك البيت الدائم الذى لا يفنى ونحرص على ما هو فانى

حقيقى والله بقول الكلام ده لنفسى اولاً قبل اى اخت

يارب ارحمهما رحمه واسعه

يارب اللهم اهلهم الصبر

واجعل قبورهم روضه من رياض الجنة

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

لا حول ولا قوة الا بالله

انا لله وانا اليه راجعون

 

هل اى واحدة قبل فرحها بتبقى مع ربنا وتعمل حساب اليوم ده ولا بيبقى فى الف حاجة وحاجة فى دماغها

لايمكن ان اصف لك مدى تأثرها فيا

ياترا انا حيكون ايه ماصيرى

نبنى بيت الدنيا ونحرص على الا ينقص شئ ونترك الاخرة نترك البيت الدائم الذى لا يفنى ونحرص على ما هو فانى

حقيقى والله بقول الكلام ده لنفسى اولاً قبل اى اخت

يارب ارحمهما رحمه واسعه

يارب اللهم اهلهم الصبر

واجعل قبورهم روضه من رياض الجنة

 

 

شارك هذه المشاركه


رابط المشاركه
شارك

السلام عليكم ورحمة الله وبركاته،،

لا حول ولاقوة إلا بالله أسال الله أن يتغمدهم برحمته

عندى قصة مشابهه أخت زوجى لها أخت زوج إسمها بلاش الإسم مخطوبه وبتجهز للزواج وفجأه بقى جسمها يصفر وكانت بتاخذ علاج للصفرا المهم طلب الدكتور منها تحليل وظائف كبد واتضح ان عندها سرطان فى الدم وإنتقلت إلى رحمت الله قبل ان تلبس فستان الفرح وكانت صدمة امها في موتها كبيرة وحزنت عليها جدا ولكن هى دى حياة الإنسان مهما طالت الموت ىتى لا محالة وربنا يحسن ختامنا

شارك هذه المشاركه


رابط المشاركه
شارك

بارك الله فيكن حبيباتى على التفاعل

اذكر نفسى واياكم باخذ العظة

بالله عليكم اسألكم الدعاء لوالدتهم حالتها تسوء يوما بعد يوم

كنا نعتقد ان الامر مع الوقت سينتهى

لكن حالتها يرثى لها

لاتنسوها ان يلهمها الله الصبر ويربط على قلبها ويثبت فؤادها وينزل السكينة عليه ويعوضها فى بقية اولادها خير

شارك هذه المشاركه


رابط المشاركه
شارك

رحمهم الله رحمة واسعة

 

ورزق امهم الصبر والسلوان

 

نقلت القصة اختي فاطمة لاحد المنتديات يارب تكون في يمزان حسناتك وتكون للعبرة يارب

 

ويدعو لهم

شارك هذه المشاركه


رابط المشاركه
شارك

رحمهم الله جميعا وصبراهلهم وهناك من موته موعظة للاخرين تعرضت لحادثة من 7شهور وكتبتها من يتكرم ويدخل يذكر لى هل هناك عيوب فى اسلوبى لاننى انوى نشرها فى مجموعة بيريدية

شارك هذه المشاركه


رابط المشاركه
شارك
وعليكم السلام ورحمة الله وبركاته،،

رحمهما الله اسكنهما سيح جنانه

هذه هي الدنيا حياة وموت

قال الله تعالى (كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ)آل عمران185

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ - ‌‏أسوأ الأزمنة هي التي يُفعل فيها الشر باسم الخير، والخير باسم الشر، ففي الأثر (يأتي على الناس زمان يرون المنكر معروفا والمعروف منكرا) ♢ عبدالعزيز الطريفي ♢

×