زوجى يخيرنى يااتعلم من سلفتى اللى بيحبه يا اروح اعد عند امى.اعمل ايه ؟؟؟؟

[الزهره الجميله 0]

السلام عليكــم ورحمـة الله وبركاتــة ،،

 

اخواتى الحبيبات سبق ان كتبت لكن مشكلتى فى موضوع سابق

 

زوجى يصر ان نعيش فى جحيم .............اعمل ايه ؟

 

 

الان ياجماعه مشكلتى اكبر فوالله بذلت قصارى جهدى ويعلم الله ولكن برضو ما عجب ما افعل فزوجى له مزاج معين لابد انه يطلع حاجه فى اى حاجه بعملها

فمثلا مرات يغضب على الاكل مثلا يقولى الفول ده زايد مياه اقلل المياه يقولى لاء ده ملزق فى بعضه

وطبعا مش عاجبه اكل امى ولا اسلوبها وطبعا اى حاجه يعمل عليها مشكله

 

وقالى من شويه كده انتى تروحى عند امى تقعدى اسبوع من الصبح لاخر النهار عشان تكتسبى منهم اللى انا عايزه

مع العلم ان امه تعبانه ومش بتعمل حاجه واللى اعدها معاها مرات اخوه اللى هى سلفتى وهى اللى بتعمل كل شغل البيت من يوم ما اتجوزت عندهم من حوالى 12 سنه وانا علاقتى بيها عاديه جداااااااا وطبعا الموضوع هيكون محرج ليا جدااااااا لو روحت ابوه هناك واقاربه كلهم بيجوى هناك وطبعا الكل هيقول ده راحت تتعلم من مرات اخو جوزها هى اللى بتعلمها والكلام بتاع الستات والسلايف والضحك والهمز واللمز وانا نفسيا مش متقبله الفكره انى اروح عندهم كده

 

الامور بسيطه مثلا ممكن بينى وبينه نوصل للى هو عايزه بالظبط .قلت له اعمل اللى انت عايزه ادامى وانا هعملولك زى ما انت عايز .مرضاش

انا والله العظيم بعرف اطبخ واعمل كل حاجه وده بشهاده الكل الا زوجى .ربنا يسامحه

 

 

انا مش عارفه اعمل ايه دلوقتى .نفسيتى محطمه وهو خيرنى من شويه وقالى ياتروحى عند اهلى وتتعلمى منهم كل حاجه انا عايزها "وده اللى عاجبنى "

يااما تروحى عند اهلك وتعدى معاهم تتعلمى حاجات مش عاجبنى .براحتك"وده مش عاجبنى "

 

يعنى يااروح اتعلم من مرات اخوه يااما تحصل مشاكل يوميه ربنا اعلم هتنتهى بايه؟؟؟؟؟؟؟؟

وده فى احراج ليا كبير اوىىىى .انا قلت له لا راحه لا هنا ولا هنا .قالى خلاص يبقا منعدش مع بعض .قلتله احسن

 

والله انا محتاره جدااااااااااااااااااااااااااااا وتعبانه اوى وعارفه انى حتى لو روحت واعدت سنه مش اسبوع معاهم مش هيعجبه حاجه

 

اعمل ايه ياجماعه .ارجوكم قولوا ليا انا بكتب وانا ميته من البكاء لانى خلاص تعبت من مزاجه المتقلب ده

 

ياااااااااااااارب

 

[الزهره الجميله 0]

:icon15: :blush: :cry:

[ام مصعب ان شاء الله 0]

السلام عليكــم ورحمـة الله وبركاتــة ،،اختى الكريمه بارك الله فيكىالمشكله ليست فول ولا اكل فى حاجه تانيه مش مريحه زوجك فتشى فى نفسك كلامك لبسك خصوصيتكم فى غرفه النوم وبعدين بسطيها تبسط جوزى عايزنى اتعلم من اى حد وايه يعنى مش عيب وبعدين الناس مش بتبطل كلام من غير حاجه اهدى وفكر وبلاش تعكننى على نفسك ربنا يسرلك امرك يارب ويهدهولك

[ام مصعب ان شاء الله 0]

ارجو ردك لو موجوده وتعليق الاخوات

[موده واخاء 417]

السلام عليكم ورحمة الله وبركاته،،

 

بصى حبيبتى انتى لما يجيبلك سيرة اهلو ما تتحديهوش خالص

 

سيسيه وقولى له حاضر وبعد مايهدأ كلميه بالراحه قوليلو يرضيك

سلفتى تكون ريسه عليه انت ترضهالى لو ترضهالى انا موافقة

ولو قالك موافق روحى حبيبتى عادى واتفقى معاه انه مايقلهمش

راحه عادى علشان امه مريضة وبتساعدى سلفتك وشوفيها بتعمل ايه

انا كان زوجى كده والله ومش عجبو حاجه خاااااالص ومكنتش بتكسف

ككنت بتصل اسألهم بالتليفون كل بيت وله طريقة اكل

اعرفى منهم واعمليلو بس انا حسه انه عاوزك تروحى لاهلو وخلاص

الموضوع مش اكل وعلى فكرة كل زوج دخلت عليهم سلفة الاول بيدوها

مقام زى الام وبعد كده خلاص بيتعود على زوجتو ومابيحبش اكل حد غيرك

بل وهيروح كمان يقولهم يعملوه زييك بس انتى بذكائك متشديش معاه خالص

ارخى حبلك واسمعيه وشوفيه عاوز ايه لان ممكن يكون ده مش كلامه والله اعلم

وممكن يكون عاوزك تروحى لامه اسمعى كلامه وروحى وشوفى الاكل لو لاقتيه

زى اكلك او اقل وريهولو واثبتى له ان اكلك مش وحش

ربنا يهديلك الحال

[أم سوفي 0]

حبيبتي جوزك متعود على اكل معين بياكل فيه من وهو صغير فاكيد مش من السهل انك تغيري مزاجة ده

روحي عند اهلك جوزك واتعلمي منهم اللى بيحبة

ومش تعرفيهم انك رايحة تتعلمي

اتفقي انتي وجوزك انك هتروحي بس هما ميعرفوش

بما ان امه تعبانه يبقي دي فرصة لك تروحي تتعلمي وتسعديها في شغل البيت وتأخدي ثواب

وهما هيحبوكي بموقفك ده

بس اهم حاجة جوزك مش يعلق امامهم على اي حاجة ولا يعرفهم بالاتفاق اللى بينكم

وخدي الامر ببساطه علشان مس تعقدي الدنيا من اولها

وربنا يهدي ما بينكم

[**راضية** 2011]

اقولك حبيبتي

تزيني جيدا و نظفي البيت كاحسن ما يكون ثم زيني وجهك بابتسامة يشوبها حزن و تحيني فرصة يكون فيهزوجك هاىء و قولي له بانك مستعددة لفعل كل ما يرضيه و يجعله سعيدا لكن الحل الذي اقترحته لا يرضيني فانا اقترح حل اخر ساتعلم من النت و من الاحسن انك تكوني طابخة اكلة جدية من النت من الاكل اللي يحبو زوجك لتمهد لك الطريق و انتبهي ان صوتك لا يعلو و لا تستعملي لهجة التهديد و المساومة ابدا مع الرجل كله بالحيلة و الكيد الحلال طبعا.

و استعيني بالاستفغار و الدعاء وفقك الله اختي.

[ام رميسة 0]

ان متفقة مع اختنا ام سوفي فكرة حلوة وربنا يهدي ما بينكم

[الزهره الجميله 0]

السلام عليكــم ورحمـة الله وبركاتــة ،،اختى الكريمه بارك الله فيكىالمشكله ليست فول ولا اكل فى حاجه تانيه مش مريحه زوجك فتشى فى نفسك كلامك لبسك خصوصيتكم فى غرفه النوم وبعدين بسطيها تبسط جوزى عايزنى اتعلم من اى حد وايه يعنى مش عيب وبعدين الناس مش بتبطل كلام من غير حاجه اهدى وفكر وبلاش تعكننى على نفسك ربنا يسرلك امرك يارب ويهدهولك

 

 

والله ياحبيبتى انا تعبت من كتر ما شفت من مزاج متقلب والمشكله ان جوزى مش عاجبه حاجه ساعات بيعلق على كلامى ولبسى وكل حاجه مش بيسيب حاجه كده

 

وحاولت بكافه الطرق انى اعدل كل النقط اللى بيقول عليها .لكن لسه الحكايه زى ماهى

 

وحبيبتى انتى شايفه انى اروح عادى ..........يعلم ربنا انى لو حتى روحت هيكون الموقف عامل ازاى

يعنى ازاى اروح كل يوم كده حماتى تعبانه من فتره كبيره يعنى تعبها لييس بالجديد عشان اروح كل يوم

[ام روتى 4]

السلام عليكم ورحمة الله وبركاته،،

 

انا مع ام سوفى صح مافيهاش حاجة

دة طبيعى على فكرة كل زوجين فى السنة الاولى بيكونو كدة

حاولى انتى بس ترضية وغيرى من طريقة اكلك وشوفى بيحب اية واعملية مرة على مرة

حتبقى تمام التمام

طب حقولك على حاجة انا قبل ما اتجوز ما كنتش بدخل المطبخ غير عشان

اغسل المواعين :- وحماتى طبعاً كانت دايماً بتقول علية معرفش اطبخ

ودى حقيقة بس تعالى اعزمك عندى دلوقتى وشوووووووووفى اقصدى وكولى :rolleyes:

ربنا يوفقك ويصلح ذات بينكم

[الزهره الجميله 0]

يعنى ياجماعه كلكوا اجمعتوا انى اروح عندهم .ماشى بس ربنا عالم الموقف هيكون محرج ازاى بالنسبه ليا لان ربنا عالم ان انا ما قصرت معه فى شئ وبحاول ارضيه لكن واضح ان ما فى نتيجه

 

الله المستعااااااااااااااااااااااااااااان

[*قطوف* 0]

اختي لازم تكلمي زوجك و تسأليه ايه اللي مش عاجبوا فيك بالضبط و عايزك تتعلميه

حاولي اختي تعملي كل لي يأمرك بيه عشان توريه ان غايتك انك ترضيه .

وربنا يسر بينكما و يألف بين قلوبكما المودة و الرحمة

[ام الاشبال 3]

السلام عليكــم ورحمـة الله وبركاتــة ،،

 

بصى يا زهورة الموضوع بسيييييط خالص

 

كلنا من اول مابنتولد لحد مانموت بنتعلم

 

هى الحياة كده

 

ومفيهاش حاجه لو تساليها من باب الدردشه يعنى انتو بتعملوا الاكلة دى ازاى :rolleyes: احنا بنعملها بالطربقه الفلانيه

 

كده يعنى

 

انتى مش هتروحى تاخدى حصه ملوخيه وبسله وكده

 

فاهمانى

 

ام مصعب ان شاء الله

 

كلامك ميه ميه

 

وانتى كمان يا ام سوفى تسلم ايديكى انتى وجميع الاخوات

[محبة لربها، ادعوا لي بالثبات 72]

م اشاء اللله كلام ام الاشبال والاخوات لا مزايده عليه

[الزهره الجميله 0]

ماشى ياجماعه انا هقوله انى موافقه انى هروح عشان ارضيه واعرف كل اللى هو عايزه

 

لكن يعلم الله ان هذا اكبر من احتمالى وانى هعمل كده غصب عنى

 

لكن سافعله من اجل الحفاظ على بيتى وارضاءا لربى

 

الله المستعان

[توتى سمسم 8]

ياحبيتى براحةعلى نفسك انتى عصبية اوىزى بالضبط

كان كل ميجى عندنا فى الخطوبة وميعجبهوش الخضار بالصلصة بتاعنا لن المحاشى انسى مقولكيش امى طباخة

هو كان بيقول اول الجواز ان امى ممتازة وانا خيبانه ههههههههههه كنت بزعل اوى وقالى اسالى امى بتعمل ازاى هو كسول زى زوجك بيحب يريح دماغة قولتله علمنى انت قالى حاضر ولا عبرنى انا كنتطبعا مضايقة ازاىحماتى تقول ايه خايبة ههههههههه وانافعلا خايبة

بس قولت لنفس وايه يعنى عادى اسالها واعمل زيها وكل ماعمل اكل اعمل طريقة ليه وطريقة ليا زى مانا بحب واتعودت اكل

الاكل تعود انا روحت عند ناس كتير شكل الاكل جميل ونظيف لكن مش بيعجبنى الا اكل امى وبصراحة بينى وبينك اكلى انا كمان مش بيعجبنى احيانا

مش لازم تروحى تقولى انا عايزة اتعلم اللى فيه عيون ورأس يعمل عمايل الناس ده مثل عندنا ولا ايه شوفى واعملى زيها

وعلى فكرة انتى تاعبة زوجك فى حاجات تانة غير الاكل لانه لو مرتاح فى كل حاجة هيقولك على الاكل بهدوء مش بعصبية وريحية اللى يقول يقول المهم زوجك انتى ادى اتوضى وصلى قبل ميرجع ركعتين كده بهدوء وظبطى نفسك ونفسيتك وقابلية براحة وشوفى النتائج وابقى قولينا هنستناكى

[ام مصعب ان شاء الله 0]

السلام عليكــم ورحمـة الله وبركاتــة ،،اخواتى توتى ام حمزة ام الاشبال جزاكى الله خير واستعينى بالله يا زهره

[الزهره الجميله 0]

وعلى فكرة انتى تاعبة زوجك فى حاجات تانة غير الاكل لانه لو مرتاح فى كل حاجة هيقولك على الاكل بهدوء مش بعصب

مممممممممممممممم

[أم حذيفه 2009 0]

ربنا يهدى ما بينكم يااااااارب

 

بصى انتى عاى خدى الموضوع بدردشه معاها يعنى مثلا انا بطبخ القلقاس بالطريقه كذا وكذ انتى بتعمليه ازاى

 

وواحده واحده حيبتدى طعم اكلك يعلق معاه وحينسى الاكل التانى

 

بس براحه وواحده واحده وبلاش عصبيه

 

يعنى مثلا خدى طريقه اكله بيحبها من على النت وظبطيها وقدميهالوا وشوفى رده فعله ايه

 

وانتى بتقولى انه بيعلق على لبسك وكل حاجه

 

يعنى بالنسبه للبس الى بتتزينى بيه فى البيت ليه ممكن تاخدى رايه يعنى ايه مش عاجبه وايه الى عاجبه

 

يعنى بمعنى اصح حاولى تشدى انتباهه ليكى شويه

 

وربنا يصلح ذات بينكم ..................وعلى فكره انتى كده عقدتينى يعنى انا مكتوب كتابى لما اتزوج حيتريق على اكلى ولا ايه ؟؟!! ربنا يستر

[أمة الله أم حمزة 2]

بصى انتى عاى خدى الموضوع بدردشه معاها يعنى مثلا انا بطبخ القلقاس بالطريقه كذا وكذ انتى بتعمليه ازاى

 

أيوة يا زهورة أنا كنت باعمل كده مع حماتي

مع اعتراضي الشديد في بادئ الأمر على ذلك

لكن بعد كده يا أختي لازم ها تعملي كده علشان الحياة تمشي يا جميلة

 

يعني كل مرة خدي طريقة أكلة شكل

وربنا معاكي يا حبيبتي

[روضة الجنة2 3]

حبيبتي الغالية

إعلمي أن الله يبتليك ويمتحنك وإذا دل هذا على شيئ إنما يدل على ان الله إصطفاك وأحبك لقول الرسول الكريم صلى الله عليه وسلم **إذا أحب الله عبدا إبتلاه**...**يبتلى المرء على قدر إيمانه** لذا حاولي حبيبتي أن تكوني أهل لهذه المحبة وإستعيني بالواحد الاحد وتضرعي إليه بالدعاء بركعتين في جوف الليل . وإعلمي اختي انك مأجورة على كل محاولة تقومين بها فالتجتهدي اكثر لتنالي الاجر الاكبرواليك بعض الخطوات لعلها تفيدك إن شاء الله. *كوني اجابية التفكيرواطردي التفكير السلبي ولاتقولي :ساحاول لاكن انا عارفة بدون جدوى فتشي في نفسك وصححي الاخطاء واصلحي العيوب فلااحد يخلو منها*

حاولي القيام بجلسةمصالحة ومصارحةبينك وبين زوجك في جو رمنسي * شموع . كعكة او اكلة جديدة من صنع يديك.هدية* لا تنسي ان تتزيني

 

اطلبي السماح منه رغم كل شيءوضعي الكبر و العند جانبا وتذكري انك مأجورة

 

اللهم الف بينهماوبارك لهما

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

[أم عائشة المصرية 242]

وعليكم السلام ورحمة الله وبركاته

هونى عليكِ أخيتي..وغن شاء الله ربنا يصلح حال زوجك ويهديه..

أنا رأيي إن طالما زوجك مش عاجبه حاجة خالص الطبخ وغيره وإنه كمان مش عاجبه نظام أهلك فى كل حاجة.

فهو مش بيطلب منك إنك تروحى عند أهله علشان تتعلمى الطبخ فقط لكن هو عاوزك تتعلمى طريقة عيشتهم..

أنا عارفة إنه ممكن يكون زى ما بنقول بالمصري"بيتلكك" بس معلش..حاولى تثبتيله إنك بتحترمى أهله وإنك عندك استعداد تغيري نظام حياتك وتمشي على نظام حياته هو رغبة فى طاعته وحبا له.

هو ممكن يكون مش على علاقة جيدة بأهلك..وكمان شايف إنك حتمشيه على نظام الناس اللى هو مش حاببهم..

فده اللى مضايقه.

لذلك حبيبتى استخيري إنك تروحى وزى ما قالت الأخوات مش رزم العائلة تعرف انتى رايحة ليه..

روحوا انتو الاتنين قضوا اليوم عندهم وانتى خلى عينيكي على أى حاجة مختلفة عندك..

يعني الناس كلها بتعمل حاجت كتير زى بعض..لكن فى حاجات ممكن تكون صغيرة بتميز كل أسرة عن التانية..

دى انتى لوحدك حتلتفتى لها..وتحاولى تطبقيها فى بيتك..

ولى نصيحة أهم من كل ما مضى..

"علاقتك بربك"..الجأى إليه بالدعاء وتذللى له سبحانه أن يرفع قدرك عند زوجك ولا يرى غيرك ولا يحب إلا أفعالك..ادعيه سبحانه فى ثلث الليل الآخر..

فهو سبحانه يحب أن يدعوه عبده وقال فى كتابه" وقال ربكم ادعونى أستجب لكم"

فاصبري وادعى الله وأنتِ موقنة بالإجابة وانتظرى الفرج القريب..

 

وأكرر أخيتي..لا تبكى ولا تنهارى مهما حدث فالمؤمن يثبت عند الشدائد

وخاصة إن سخر الله لكِ أخوات مثل أخواتك هنا..يؤازروكِ ويساعدوكِ..فنحن معكِ ولن نتخلى عنكِ وسنساعدك فى كل ما تحتاجين طالما نستطيع ذلك..

هدئي من روعك واذهبي توضأى وارفعى أكف الضراعة إلى الله فهو سبحانه "يستحيي أن يرد يد عبده صفرا خائبتين"

[أمة الله أم حمزة 2]

اللهم الف بينهماوبارك لهما

 

اللهم آمين

 

كلامكِ جميل أختي روضة الجنة وحقاً به حكم كثيرة

 

حطي الكلام ده حلقة في ودنك يا زهورة :-

 

انتي فين بس تعالي ردي علينا

[الفيروز7 0]

السلام عليكــم ورحمـة الله وبركاتــة ،،

4 عدد القراء الحاليين لهذا الموضوع (1 الزوار 0 المتخفين)3 الأعضاء: الفيروز7, راجيةرحمةخالقها, روضة الجنة2

حبيبتى شوفتى هذا الحشد من الأخوات الكل يؤازرك نفسينا وكلهم أكيد عاوزين يردوا...يلا بقا فكيها وبلاش تنكدى على نفسك يا حبيبتى. :- ..الامر بسيط وبإذن الله هيتعدل...البنات كلهم رأيهم تبارك الله..وأنتى فعلا ممكن تتعلمى من غير ما توضحى انك عاوزة تتعلمى فعلا انتى ممكن تتفقى مع زوجك انك قروحى مثلا يوم ولا يومين فى الاسبوع عشان الحكاية متبقاش واضحة..وقوليله انه يتحملك شوية لغاية ما تتعلمىوكمان عشان وأنتى نفسيتك اهدى أٌد ان ده هينعكس على الاكل...مش عارفة ليه سبحان الله كمان يا حبيبتى انا هحيب لك حكاية عن أن كانت مبتعرفش تطبخ وبفضل الله ثم التسبيح بقا اكلها مفيش بعد كده...هدور عليها وارجعلك يا قمر

[أمة الله أم حمزة 2]

https://akhawat.islamway.net/forum/index.ph...p;#entry2724772

 

موضع جميييييييييل

وهاتستفيدي منه كتيييير بقلم الأخت روضة الجنة2 الحبيبة