متميز ♣طريقة عمل الزبادى♣بالصور من مطبخى♣

[أم عائشة المصرية 242]

 

 

 

 

السلام عليكــم ورحمـة الله وبركاتــة ،،

حبيباتى فى الله

 

طريقة عمل الزبادى

طريقة سهلة جدآآآآآآآآآآ

 

♣المقادير♣

كيلو لبن

كوب زبادى جاهز

 

♣الطريقة♣

 

قمت بتشغيل الفرن لمدة عشر دقائق ثم إطفائه.

ثم إحضار كيلو لبن دافىء ( وليس ساخن كيلا يفسد )

وإضافة كوب الزبادى الجاهز عليه وتقليبه بالمضرب اليدوى حتى يتمازجا تماما..

ثم إحضار صينية بها ماء حتى منتصفها ووضع الأكواب التى سنصب بها الزبادى.

وبعد رصهم نصب الخليط بتساوى فى الأكواب ثم نضعها فى الفرن لمدة حوالى 10 ساعات.

وبعد ذلك نخرجهم ويكون الزبادى بقى صالح للأكل ولذيذ.

ونضعه فى الثلاجة.

هنئيا مريئا

 

هذه الصورة بعد صبه مباشرة وقبل وضعه فى الفرن

 

وهذه الصورة النهائية بعد ما خرجته من الفرن ووضعته فى الثلاجة كمان : ))

تم تعديل 1 فبراير, 2010 بواسطة المتفائلة

[omjana 6]

جزاكى الله خيرا

انا نفسى اعمله بس خايفة جدا

 

الفرن كانت على درجة حرارة كام؟

 

والماء بارد أم دافئ؟

 

 

صنعتيه فى الشتاء ؟؟ ام يحتاج لحرارة اكتر فى الصيف؟

[**المحتسبه** 233]

السلام عليكــم ورحمـة الله وبركاتــة ،،

 

بارك الله فيكِ أم عيوش مفيد جداً أن يتم تصنيع الزبادي بالمنزل تضمنين نظافته ‘‘

 

وسهل جداً ’’

[انوار القلوب 1]

السلام عليكــم ورحمـة الله وبركاتــة ،،

سلمت يداكى سهلة قوى :icon15:

[أم يوسف حبيبي 0]

تسلم الايدين الحلويين بس كنا عاوزين الصور

س..هو الماء اللى يوضع حتي منتصف الصينية دافئ أم من الحنفية؟

جزاك الله خيرا أم عيوش

[ام حلا 6]

تسلم ايديك يا غالية

[أم عائشة المصرية 242]

جزاكى الله خيرا

انا نفسى اعمله بس خايفة جدا

الفرن كانت على درجة حرارة كام؟

والماء بارد أم دافئ؟

صنعتيه فى الشتاء ؟؟ ام يحتاج لحرارة اكتر فى الصيف؟

جزانا وإياكِ..ليه يا حبيبتى الخوف..

أنا كنت خايفة زيك قبل ما أعمله لكن والله ما وجدت أسهل منه..وخاصة إنه مش محتاج أى خبرة..

للأسف فرنى مفيهوش درجة حرارة مكتوبة..لكن أنا عملته على درجة حرارة متوسطة ثم أطفأته..

والغرض إن يكون الفرن دافى مش سخن..

وأنا عملته امبارح :)

يعني فى الشتاء والزبادى يحتاج لدفء وكفاية إنى وضعته بالفرن ولم أحتج لحرارة الصيف..

 

السلام عليكــم ورحمـة الله وبركاتــة ،،

بارك الله فيكِ أم عيوش مفيد جداً أن يتم تصنيع الزبادي بالمنزل تضمنين نظافته ‘‘

وسهل جداً ’’

وعليكم السلام ورحمة الله وبركاته

وفيكِ بارك المولى..نورتى الموضوع خالتى الغالية..

بالفعل أنا استغربت من حلاوة طعمه ونظافته لأنى كنت دايما بشتريه من الخارج...

 

السلام عليكــم ورحمـة الله وبركاتــة ،،

سلمت يداكى سهلة قوى :P

وعليكم السلام ورحمة الله وبركاته

تسلميلي..أه بالفعل أسهل ما يمكن.

 

تسلم ايديك يا غالية

تسلميلى ^_^

[أم عائشة المصرية 242]

تسلم الايدين الحلويين بس كنا عاوزين الصور

س..هو الماء اللى يوضع حتي منتصف الصينية دافئ أم من الحنفية؟

جزاك الله خيرا أم عيوش

تسلمى حبيبتى

والله ححاول أصور وأرفعهالكم بس حصور الزبادى اللى عملته لكن الخطوات مش محتاجة تصوير لأنها والله سهلة أوى..

المياه كانت من الحنفية..فاترة يعني..

بس والله رأيي إن متخافيش أنا عملته لأول مرة وما شاء الله لا قوة إلا بالله طلع ممتاز..

[بغداد الجريحة 7]

ما شاء الله حلوة الطريقة

انا اعمل الزبادي لكن طريقتي غير يعني للفائدة انا اعملها بالحليب الباودر يعني كل كوب حليب باودر يقابلة 4 ماء وتخلي على النار الى انا يصل الى مرحلة الغليان لكن لا تخلي يغلي شيلي عن النار وخلي يصير دافي وبعدها جيبي حافظة وخلي فيها ملعقتين زبادي وصبي فوقها الحليب الدافي ولفيهها بمنشفة وخلي في مكان دافي يعني مثلا الفرن والله يجزيك كل الخير حبيبتي ومشكورة

[***أم محمد*** 8]

بارك الله فيكِ أم عيوش

نصب الخليط بتساوى فى الأكواب ثم نضعها فى الفرن لمدة حوالى 10 ساعات

10 ساعات مطفي و لا شغال ولا شوووو :icon15:

[أم عائشة المصرية 242]

مطفى طبعااااااااااااااا..

يا حبيبتى أنا قلت فى الأول نشغل الفرن 10 دقائق ثم نطفئه..

ونترك الصينية فى الفرن وهو مطفى..ولو عايزة تضعى الأكواب فى أى مكان دافى غير الفرن انتى حرة..مش شرط الفرن : )

[فدوى المسلمي 531]

السلام عليكم ورحمة الله وبركاته،،

تسلمي ام عيوش

حبيبتي انا باعمل الزبادي في البيت بس طريقتي مختلفة تماما

أولا أنا عملت شيء أشبه بماكينة الزبادي لكن بامكانياتك في المنزل

احضرت كرتونة متوسطة وعملتلها غطاء وفي منتصفه وضعت مصباح

المصباح عن اضائته ينتج حرارة ضعيفة تجعل جو الكرتونة دافي

اجهز اللبن الفاتر واخلط معه كوب زبادي جاهز واقسمه على الاكواب

واضعه في الكرتونة واشغل المصباح لمده 8 الى 9 ساعات ويكون جاهز وخطير واحسن بكتير من الزبادي الجاهزة

لكن اللبن طبعا لازم يكون حليب يعني بدون مواد حافظة لأن اللبن المعلب المواد الحافظة اللي فيه بتمنع نشاط الخميرة

بالنسبة للمصباح في الصيف استعمل مصباح 40 وات

اما في الشتاء استخدم مصباح 75 وات

وبالهنا والعافية

[أم عائشة المصرية 242]

طريقتك حلوة فدوى :))

وجميل الاختراع بتاعك ده :)))))

 

 

أنا رفعت صورة قبل ما أضعه فى الفرن ومعلش الكاميرا مش راضية تظهر علشان أكمل صورته لما طلع من الفرن.

بإذن الله أرفعهالكم لما الكميرا تتصلح حالها...

[omjana 6]

الماء دافئ ام بارد؟

[أم عائشة المصرية 242]

فاتر يا حبيبتى..من الحنفية..

يعني لا تسخنيه ولا تبرديه

ضعيه من الحنفيه(الصنبور) مباشرة

[أم عائشة المصرية 242]

الحمد لله رفعت الصور آسفة على إنها مش واضحة

[**حنين للجنة** 16]

ما شاء الله لا قوة ال الا بالله

ربنا يحفظكم حبياتى ام عائشة المصرية وفدوى

بصراحة جميل جداااااااا ان الزبادى يبقى معمول فى البيت علشان الواحدة تبقى متاكدة منه ومن نظافتة

بس انا مابحبش الزبادى البلدى ودة غالبا هايبقى طعمة بلدى وهايبقى فيه قشطة وانا مابحبهاش ولا زوجى

بس ممكن اجرب بكمية اقل علشان خاطر ابنى

جعل الله ما كتبتموة فى ميزان حسناتكم

[أم عائشة المصرية 242]

ما شاء الله لا قوة ال الا بالله

ربنا يحفظكم حبياتى ام عائشة المصرية وفدوى

بصراحة جميل جداااااااا ان الزبادى يبقى معمول فى البيت علشان الواحدة تبقى متاكدة منه ومن نظافتة

بس انا مابحبش الزبادى البلدى ودة غالبا هايبقى طعمة بلدى وهايبقى فيه قشطة وانا مابحبهاش ولا زوجى

بس ممكن اجرب بكمية اقل علشان خاطر ابنى

جعل الله ما كتبتموة فى ميزان حسناتكم

جزاك الله خيرا أخيتي

مش عارفة يعني ايه زبادى بلدى؟!

بس اللى أنا عملته مكنش فيه قشطة!

وكان طعمه مش لاذع زى اللى بنشتريه بالعكس كان طعمه لذيذ جدآ..

إن شاء الله ممكن تجربيه بصف كيلو لبن ونصف علبه زبادى.

وقوليلنا النتيجة

[omjana 6]

ممكن يا ام محمد حسان تعميلها

 

 

وتنزعى القشطة تعملى بيها ارز معمر او ام على او سندوتشات قشطة بالعسل مثلا

[omjana 6]

معلش ازعجتك يا ام عائشة

[أم عائشة المصرية 242]

مفيش إزعاج ولا حاجة..

بس يا ترى ناوية تطبقيها؟؟

حكون سعيدة جدا لو قلتيلي إنك عملتيها ونجحت وأسرتك فرحت بيها..

[المتفائلة (ريفيّة) 979]

ماشاء الله يا أم عائشة

طريقة رائعة للزبادي

وإن شاء الله أجربه

س , إلا تضعين فيه سكر ؟؟

 

بانتظار ردك ياغالية ولما أجربه أضع تطبيقي

سلمت يداك

[أم عائشة المصرية 242]

ماشاء الله يا أم عائشة

طريقة رائعة للزبادي

وإن شاء الله أجربه

س , إلا تضعين فيه سكر ؟؟

 

بانتظار ردك ياغالية ولما أجربه أضع تطبيقي

سلمت يداك

 

أكرمك الله حبيبتى على الرد

أنا لا اضع فيه السكر إلا لما أخرجه من الفرن وأضعه فى الثلاجة..

يعني أضع فيه السكر قبل الأكل مباشرة..

بانتظار تطبيقك وأفرح جدا بذلك : ))

[دانة الاسلام 38]

[ام الحسن المصرى 0]

جزاكى الله خيرا اختى ام عائشه

طريقه سهله ان شاء الله حجربه